رواية ارهقتي رجولتي بجنون العشق الفصل السابع والثلاثون 37 بقلم منه محمد

رواية ارهقتي رجولتي بجنون العشق الفصل السابع والثلاثون 37 بقلم منه محمد

البارت ٣٧

منه محمد

وفي بيت عيله غاليه

غاليه قفلت مع باسم وخرجت من غرفتها وراحت لغرفة أخوها فارس

فارس بابتسامة: اهلا ياغاليه تعالي

غاليه بابتسامة: تسلم ياعمري، فارس حبيبي ممكن أطلب منك طلب

فارس وقف وراح عند أخته: عيوني ليك يا عمري أنتي مش تطلبي أنتي تأمري يا قلبي

غاليه بابتسامة فرح: ربنا ما يحرمني منكم والله سها بنت عمك مش رفضاك يا أخوي

فارس باشتياق: آآآآه سها والله ما أعرفش امتى عمي يحن علي ويجوزهالي (بتريقه)قال بيقول البنت لسه صغيرة وما تقدرش على مسؤولية الجواز وكأني قلت لهم أني هاتجوزها واشغلها في الفاعل

غاليه بضحكة: ربنا يسهل... ويكتب لكم اللي فيه الخير يا حبيبي

فارس رفع ايده للسماء: أمين يا رب ربنا يسمع منك يا غلاتي.... ممممم ودلوقت قوليلي كنتي عاوزه ايه

غاليه بخجل: عاوزه أخرج عشان أقابل باسم لأنك عارف بابا مانعني أني أشوفه أو يشوفنا

فارس قفل ملامحه: باسم وأنتي عاوزه منه ايه بعد الي عملو فيك

غاليه: فارس حتى أنت بتقول نفس كلام عماد وأبوي وأمي... علي فكره باسم لسه جوزي وانا بحبه ومش عاوزه اطلق منه زي ما عاوزين اهلك

فارس واللي عارف أيه هيكون تصرف أبوه لو عرف بالي عملو: طيب خلاص روحي واجهزي وأنا هاروح معاكم وربنا يستر لو عرف أبوك... وفعلا فارس وغاليه خرجوا وراحو على المكان اللي أتفقت عليه مع باسم أنهم يلتقو فيه وأول ما وصلوا لقوا باسم قاعد منتظرهم... فقام باسم عشان يسلم على فارس واللي همسلو عند ودنه/ والله يا باسم لو جرحتها او ضيقتها بكلمه او تنزل دمعه من عيونها انا هدبحك وادفنك في مكانك فاهم

باسم بعد عن حضن فارس: طيب فاهم

فارس بابتسامه لأخته: غلاتي أنارايح أشتري ساعه من هنا... فلو خلصتي مع باسم أتصلي بيا يا قلبي

غاليه بابتسامه: أن شاء الله يا حبيبي... فارس بص لباسم نظرات تهديد وبعد كدا راح وسابهم... باسم بص لغاليه وكان نفسه يمسكها ويحضنها من كتر ما هو مشتاق لها بس الظروف والمكان تمنعه أنه يعمل كدا

باسم باشتياق: ازيك يا غاليه وصحتك كويسه

غاليه بهدوء: الحمد لله تمام وياريت يا باسم تدخل في الموضوع على طول لأني مش حابه أدخل أخوي في مشكلة مع أهلي

باسم: طيب وأنا مش عاوز أسبب لك أي مشكلة بس عاوزك تقوليلي لحد امتى وأنتي هتفضلي زعلانه عند أهلك وكئن ما وراكيش بيت وراجل

غاليه بابتسامة ساخرة: والله يا باسم طالما صاحب البيت مش عاوزني ولا مريحني أنا ليه أفكر فيه أو حتي افكر في راحته

باسم نزل رأسه وبعدين رفعها وبصلهاا: طلباتك يا غاليه

غاليه باستغراب: أي طلبات... ومين قالك باني عندي طلبات

باسم بنفس استغرابها: يعني أفهم من كلامك أنك مش طالبه حاجه أبدا

غاليه: لا مش عاوزه حاجه ابدا غير أنك تغير معاملتك معايا.. لأني مش اتجوزت عشان انضرب أنا اتجوزت عشان أستقر وأكون أسره يمكن جوازي منك ماكانش على حب... بس خلاص أنا بدأت أتقبل حياتي معاك بس أني أستمر معاك على وضعنا ده وأنك تضربني بدون حق ولا باطل الشيء ده ما أرضاه لنفسي صحيح أنك ما أخترتنيش ولا أنا أخترك وعمي وأبوي هم اللي حكموا علينا أننا نكون لبعض...وسكتت شويه بس كملت كلامها/ وإذا أنت مش متقبل أني أكون في حياتك بأمكانك تطلقني وتتجوز اللي قلبك يختارها

باسم قاطع غاليه: آآآآه يا غاليه أنا يمكن اتجوزتك زي ما بتقولي مش على حب بس الأيام اللي كنتي معاي كانت كفيله تخليني أحبك... وصدقيني أنا دايما أبوي هو اللي كان يقررلي كل شيء في حياتي حتى الجواز اختارك أنتي لأنك بنت صديقه... لأني أنا لو كنت شفتك من نفسي بدون تدخل أهلنا كنت هاكون سعيد لو رضيتي أنك تاخديني وصدقيني اتمنيت أنك ترفضيني أول ما اتقدمت ليك بس أبوي صدمني بموافقتك

غاليه ضحكت ضحكة قهر: ومين قال لك أني وافقت برضاي أنا ما وافقتش لدرجة أني ركعت عند رجول أبويه أترجاه أنه ما يجوزني بالطريقه دي ... وأظن أنت بنفسك فاكر كويس الي حصل يوم كتب الكتاب وقت ما قولت للمأذون انا مش موافقه علي الجواز ... بس ابويا الله يسامحه جه عندي وهددني بأني لو ما وافقتش هيدبحني ويطلق أمي اضطريت أني أوافق عشان البيت ميتخربش

باسم أبتسم: تصدقي يا غاليه أنا حصل معي نفس الشيء لأن أبوي كمان قالي بأني لو ما تجوزتكيش هيطلق امي الظاهر أبوك وأبوي ماتجوزوا أمهاتنا عن حب عشان كدا كانو بيفرطو فيهم بكل سهولة... على العموم خلينا في موضوعنا غاليه لو انتي مش عاوزه تعيشي مع أهلي أنا مستعد أخد لك بيت لينا مستقل ؟

غاليه: أيه! ومين اللي قال إني مش عاوزه أعيش مع حماتي والبنات بالعكس أنا كنت مستحملاك عشان مامتك والبنات ومش عشان سواد عيونك

باسم فتح عيونه على الأخر وقال بزعل مصطنع: أيه؟ يعني أنتي بتحبي أهلي أكتر مني وأنا جوزك

غاليه: أه والله بحبهم كلهم لأنهم ناس زي العسل بس المشكله فيك لنت

باسم فرح من الكلام اللي قالته غاليه عن أهله: ماشاء الله كل ده لأهلي اما أنا لي ربنا ..طيب ياستي هحاول اتغير لاني عارف ان الي بيضرب مراته مش ن صفة الرجوله واوعدك متتكرر تاني لانه مش طبعي .. والموضوع خلص ان غاليه وباسم اتسامحوا واتفقوا أنهم يرجعو لبعض في نفس الليلة... وخصوصا أنه باسم قال لها بان أمه زعلانه منه ورافضه تكلمه عشان غاليه سابت البيت وأنها قالت هي مستحيل تسامحه إلا إذا رجع غاليه

***********************

وفي المستشفى

هازال فتحت عيونها فشافت نفسها نايمه في غرفة لوحدها... وما تعرفش ليه حست نفسها خايفة فقررت تخرج من الغرفة اللي كانت هي فيها وتروح عند ادهم لأنها حاسة بأنه قريب من غرفتها وبالفعل لبست طرحتها وخرجت من الغرفة ومشيت في الممرات واللي ما كانش فيها أي شخص وكأن المستشفى مكان مهجور وده زاد خوفها... هازال أول ما وصلت لغرفة ادهم فتحت الباب وايدها ترتعش من شدة الخوف ودخلت على ادهم اللي كان نايم على السرير ومتغطي بالكامل

هازال قربت من ادهم ومدت ايدها عشان تشيل الغطا عن وشه وبصوت مرتجف: ادهـ-م... وأول ما كشفت عن وشه رجعت على ورى وقعدت تصرخ.... ادهم ادهم

أسماء واللي كانت بتصلي قطعت صلاتها وراحت لهازال: هازال حبيبتي أصحي بسم الله الرحمن الرحيم قومي انتي بتحلمي .. هازال فتحت عيونها وشافت أسماء جنبها فارتمت في حضنها وفضلت تبكي من قلبها

هازال من بين شهقاتها: أسماء فين ادهم قوليلي الله يخليك وليه كلكم مشيتو وخليتوني هنا لوحدي

أسماء وهي تقاطعها: والله ماسبتك يا حبيتي وأنا جنبك من الاول وخالتي وطارق وهدى لسه ماشين عشان معاد الزيارة انتهى يا قلبي

هازال بعدت عن حضن أسماء وبخوف: ادهم مات؟ صح يا أسماء مات

أسماء بتعجب!: لا يا حبيبتي بعيد الشر عليه هو بس تعبان شويه

هازال هزت رأسها بالنفي: لا والله مات أنا شفته بنفسي وسمعت امه بتقول إنه مات فأنتي ليه تكذبي علي

أسماء بضحكة: هازال هو انت هاويه تفاولي على الراجل والله ادهم بخير الظاهر أنتي كنتي بتحلمي يا حبيبتي... والشخص اللي سمعتي حماتك بتقول إنه مات هو واحد كان بيشتغل عندهم في المزرعة

هازال بصت لـ أسماء بابتسامة وعيونها مليانة دموع: يعني ادهم مش مات وسابني طيب لو كان ادهم بخير انا عاوزه اروح واشوفه ربنا يخليك يا أسماء تعالي معايا

أسماء بحيرة: هازال حبيبتي ازاي تروحي وأنتي السيروم ماسك في ايدك

هازال شدت السيروم من ايدها: ناوليني طرحتي الله يخليك... أسماء جابت طرحه هازال وساعدتها في لبسها وبعد كدا سندت عليها ونزلوا لغرفة ادهم اللي ماكانش يعرف بوجود هازال في المستشفى

....................

وفي جناح ادهم...

ادهم بتعب وتساؤل: ريان هازال ما اتصلتش بيا ولا سألت عني

ريان بتريقه: لا ما اتصلتش ولا سالت... تحب أتصلك بيها وأقولها إنك في المستشفى

ادهم كشر: لا لا ما تتصلش لأني مش عاوز أخوفها علي... خليها على راحتها

ريان بينه وبين نفسه (والله لو تعرف بان مراتك هنا وفي الدور اللي فوقك ياتري هتعمل ايه اقول ايه بس ربنا يخليكم لبعض) خبط الباب على الخفيف فقام ريان وفتح الباب

اسماء أول ما شافت ريان ارتبكت: السلام عليكم استاذ ادهم الجلاد صاحي عشان مراته عاوزه تشوفه... ولفت شاورت علي هازال اللي كانت قاعده في صالة الجناح

ريان أبتسم على الخفيف من ارتباكها: أيوه صاحي خليها تدخل...هازال أول ما سمعت كدا قامت بسرعة لدرجه أنها كانت هاتقع على الأرض بس أسماء مسكتها بسرعة

أسماء جزت علي سنانها: هازال أنتي وبعدين معاك الله يسعدك أنتبهي على نفسك... وبعد كدا دخلوا على ادهم

ريان راح لـ ادهم وساعده في القعده وهمس له في ودنه: الحب كلو هنا يا غالي وغمزه

ادهم بص لـ هازال اللي بدأت بالبكاء وكانت أسماء مسنداها ادهم بصدمة وتعب:هازال...هازال

بعدت عن أسماء وراحت قعدت جنب ادهم ودفنت رأسها في صدره وبدأت دموعها تسيل وهي في حضنه... أما ادهم فضمها بحنان... أسماء بصت لـ ريان بغيظ الي كان واقف متنحلها فحست بالخجل ووشها لون من الاحراج فخرجت بسرعة من الغرفة وخرج ريان وراها

هازال ببكاء: آسفه يا ادهم والله آسفه... وألف سلامة ليك ياريتها فيا ولا فيك

ادهم خرجها عن حضنه ومسح دموعها: الف بعيد الشر عليك وصدقيني هو حادث بسيط الحمد لله مجرد كسر في رجلي وبكره أن شاء الله هخرج

هازال هزت راسها بالنفي: لا أنت مش ها تخرج لحد ما تبقي احسن بس أهم حاجه اياك تمشي وتخليني لوحدي... وأنا أسفه لو كنت زعلتك والله مستحيل أزعلك ولا اسيبك تاني

ادهم بابتسامة تعب: أنا اللي آسف وسامحيني ياهازال لو كنت غلطت فيك وصدقني أنا الموت عندي اهون على فراقك لأنك حته من قلبي

هازال شهقت: بعيد الشرعليك من الموت وأن شاالله يومي قبل يومك... ولو كنت فعلا بتحبني اياك تقول كدا تاني ... وبعدين أنت ليه تمشى بسرعة شوف عملت ايه في نفسك ... وبعاتب/ ادهم حرام عليك انت عاوز تموتني ناقصة عمر الله يخليك انتبه لنفسك

ادهم بابتسامة: بعيد الشر عليك وأنا كنت عاوز أشوف غلاوتي عندك... بس أنتي ازاي عرفتي باني هنا يا قلبي

هازال رفعت راسها وبصتلو وبدمعة: أنت غبت عني كام يوم وأنا خفت عليك فبعت طارق للبيت يسأل عنك وهناك قال له فاضل بأنك هنا... والله يا ادهم لوكان حصلك حاجه ما كانت سامحت نفسي

ادهم مسح على رأسها بحنان: أنتي مالكيش ذنب حبيبتي وده قدر ومكتوب يحصلي

هازال: أن شاء الله مش هاسيبك تاني مهما كان... ولا يمكن أخلي أي شيء يخرب علاقتنا وأحنا لازم نقفل الصفحة القديمة من حياتنا

ادهم مسك ايدها وباسها: ربنا ما يحرمني منك ويكملك بعقلك... عرفتي ليه بقي انا من بين كل البنات اتجوزتك انتي... هازال بصت جامد لـ ادهم ... اللي كمل كلامه/ لأنك مصيبه حياتي

ضربته جامد في كتفه فضحك وكمل: لانك جوهرة نادره يا هازال وأنا لو دورت في كل العالم على واحدة زيك مش هلاقي زيك وكفايه أن قلبك أبيض زي التلج... وأن شاء الله تفضلي كدا لاخر يوم في حياتي

هازال حطت ايدها على شفايفه: أن شاء الله بعد عمر طويل أن شاء الله يا حياتي

ادهم ضم هازال على الخفيف: ربنا ما يحرمني منك يا عسل حياتي... في نفس اللحظة خبط الباب فـ هازال بعدت عن حضن ادهم وقامت وقعدت على الكرسي وبعد عدة ثواني دخل الدكتور عماد مع دكتورتاني وريان معاهم

هازال: ادهم أنا هاخرج دلوقت عن أذنكم

************************

وعند أسماء وهازال

هازال كانت بتكلم أسماء بس أسماء كانت في عالم تاني بعيد عن عالم هازال وادهم ... هازال أول ما لاحظت عليها أخدت المخدة من ورى ظهرها ورمتها على أسماء

أسماء انصدمت من الضربة اللي جاتلها وبعصبية: يا غبية عاوزه ايه مني

هازال ومن بين أسنانها: أنا اللي عاوزه ايه ولا حضرتك يا هانم ممكن أعرف في أيه بتفكري لأني لي ساعة وأنا بتكلم معاك وحضرتك سرحانة

أسماء بانفعال: مش بفكر في حاجه... عاوزه ايه انتي مني ها وممكن اعرف هنفضل متحنطين هنا لامتي ممكن تقوليلي أنا صراحة مليت الله... ونفسي أرجع على البيت

هازال باستغراب: أسوم مالك أنتي مريضه يا قلبي

أسماء: أوو انا لا مريضه ولا نيله ويلا أتصلي بطارق وخليه يجي وياخدني من هنا يلا بسرعه اتصلي

هازال بخوف: أسوم فين بتروحي وتسبيني هنا والدكتور رفض يخليني اخرج وأرجع على البيت مع أني قلتلو اني كويسه بس هو قالي وبتقليد للدكتور (أنتي مش حتخرجي دلوقتي لأن حضرتك مش مهتمة بصحتك... وبانفعال/ ده حتى البيبي بتاعك صغير خالص أنتي أزاي حتولديه وهو بالحجم ده) مش هقول غير ربنا ما يسامحه وبس لأني مش عاوزه اتكلم عليه وياخد حسنات علي قفايا

أسماء بضحك: لا والله... كل الي قلتيه مش اتكلمتي صح...وهما بيتناقروا دخل اهل هازال عليهم

أهل هازال: السلام عليكم

هازال وأسماء: وعليكم السلام

أسماء: خالتي جبتي لي غدا والله هموت نفسي من الجوع وأنا مش بحب أكل المستشفى

طارق بتريقة: وليه تموتي نفسك كنت اكلتي هازال وابنها وخلصتينا منها ومن دلعها

هازال بزعل: ماما شوفي طارق وأسوم... طارق واسماء انفجروا علي منظرها من الضحك

أم خالد تضرب طارق على الخفيف: أحترم نفسك يا طارق

طارق حضن هازال: يا عمري انتي ويهبل الناس اللي تزعل من أخوها

ام خالد: أسوم شوفي الاكل هناك يا حبيبتي روحي وكلي

أسوم بفرحه: شكرا يا خالتو... وأنت يا طارق انشالله يسعدك عاوزه عصير من السوبر ماركت

طارق بملل: الظاهر أنا اللي باكل ومش أنتي اللي بتأكلي هازال انتي واسماء اشكال الواحد يشوفها يعمل نفسه مش عارفها ايه الناس دي يا ماما

هازال: أسماء اياك تنسي الشي اللي قلت لك عليه وخلي طارق يدفع

طارق: ماما ربنا يخليك أنا ماشي ولما تخلصي أتصلي بيا لأني مش سواق عند بناتك... وفي نفس الوقت الحاسم رن موبيل طارق واللي استغرب من الشخص المتصل

*************************

وفي مكان بعيد عن المستشفى

كان واقف ويبصلو بكل أحتقار والشخص التاني كان بيأن من شدة الضرب اللي اخده

فاضل: ها بتتكلم ولا نكمل الضرب

الشخص: اضرب زي ماتحب كلام أنا مش ها تكلم

فاضل بضحكه من قلبه: والله لو حبيت أخليك تتكلم هاخليك فأنا أنصحك أنك تتكلم ولا اعمل حاجه مش هاتعجبك

هو: واو اظن أنا قلت لك اعمل الي تعملو يا ادهم وكلام مش هاتكلم وزي ما اخدت مني هازال انا هاخدها منك

فاضل رفس جاسر برجله: ما تجيبش سيرة هازال على لسانك القذر يا قذر

جاسر رفع راسه وبص لفاضل الي هو في اعتقاده ادهم والدم يسيل من أنفه وبؤه من شدة الضرب: ادهم أنا بحب هازال وهي كمان بتحبني وحيجي اليوم اللي أثبت لك فيه كلامي

فاضل لف لـ سليمان: سليمان جيبوا البنت اللي كانت معاه

.....يتبع

الثامن والثلاثون من هنا

تعديل المقال