رواية ارهقتي رجولتي بجنون العشق الفصل الثاني 2 بقلم منه محمد
في أحد الاحياء البسيطة كانت أسرة (محمد ابراهيم الشناوي) يعيشون أفضل عيشة كغيرهم من أهل الحي الذي تغمره السعادة والاخوة
الام زينب عبد الشكور سلطان حنونه بتحب ولادها جدا وتسعى لسعادتهم وربة منزل....... الابنة الكبرة هدى طيبة وحنونه ومتزوجة وعمرها (28) سنة وعندها ولد أسمه عدنان عمره 9 سنين وبنت أسمها علياء6 سنين وبعدها..... خالد عمره 26 سنة شخص عصبي وخاطب بنت عمه سارة وزواجهم قريب....طارق شاب حنون وطموح بيحب دراسته ودايما يطلع من الاوائل وهو في أخر سنه في كلية التجارة وعمره 24سنه
تعريف بطله قصتنا..ت
هازال الشناوي هي بنت متوسطة الجمال لها عيون واسعة تشبه المها ولونها أسود بلمعة وأنفها حاد ملكي ولون بشرتها بيضه بلون جذاب وبشرتها ناعمة وصافية شعرها طويل اسود ليل بس دايما تسرحه كيرلي لأنها ما تحبش الشعر الطويل وهي أخر العنقود ...تدرس في الصف الثالث ثانوي ...بنت مجتهدة وتحب دراستها مالهاش في لعب البنات من البيت للمدرسة ومن المدرسة للبيت... تعشق التسوق والسفر في الاجازة ......بتحب أهلها وصديقتها وبنت خالتها وأختها في الرضاعة أسماء وعمرها 17سنة... وهازال بنت تحترم الكبير والصغير بس وقت الجد مافيش أطول من لسانها
هازال قاعدة في الكوفي مع أسماء
أسماء بتكشيره: أنتي وبعدين معاكي ليه مااخدتيش الفستان والله كان حلو
هازال: هو حلو بس اللون مش حلو وأحسن حاجة أتصل على طارق يجي يوديني مول تاني
أسماء بشوية عصبية: روحي لوحدك لأني تعبت من لفلفت المول ومليش خلق أروح مول تاني النهارده
هازال بابتسامة: خلاص نروح البيت وبكره نروح لمول تاني يمكن القى حاجات أفضل ها ايه ريك
أسماء: خلاص على بركه الله ودلوقت أحنا نتعشا هنا ولا هتسبيني أروح بيتنا جعانه
هازال: أقولك مافيش عشاء خلاص بقيتي فيل ولازم تحفظي ع رشاقتك
أسماء: أقولك انا قومي قومي نروح البيت أفضل من كلامك اللي يحرق الدم
هازال بضحكتها الجميلة: لأ.... والله يا حبيبتي أنابهزر معاكي..وهوديكي أفضل مطعم انما ايه يعجبك وغمزتها
أسماء: طالما أنتي اللي هتدفعي أنا ما عنديش أي موانع..
وبعد نقاش طويل راحوا واتعشوا ورجعوا على بيوتهم
طارق بابتسامة: اهلا يا هازال أخيرآآآآ رجعتي
زينب ام هازال: أهم شيء خلصتي حاجتك يا بنتي
هازال: لأ... والله يا ماماما ملقتش حاجة عدله وبكره رايحين مول تاني
طارق بتريقه: والله ياماما الظاهر هازال هي العروسه مش سارة كل يوم في مول شكل ....ده لو جه يوم فرحها هنسيب بيتنا ونسكن في المول لحد ما نقدر نشتري كل حاجه
أم خالد: طارق سيب أختك في حالها... وأنتي يا هازال خلي ليندا تجهز لك العشاء يا حبيبتي أكيد على لحم بطنك من ساعه الغدا
طارق ضحك: والله يامامتي معتقدتش بنتك تأكل الأخضر واليابس
أبو خالد وهو داخل: أيه الكلام ده يا بني عيب تقول على اختك كدا...هازال وطارق قاموا وحبوا راس أبوهم
أم خالد: عامله اي يا أبو خالد
ابو خالد:الحمد لله
هازال استأذنت أهلها وراحت على اوضتها وأول ما دخلت حطت راسها ونامت على طول من شدة التعب حتى من غير ما تغير هدومها.. وفي اليوم التاني فتحت عيونها على صوت الموبيل اللي نازل رن مش راضي يفصل مدت ايدها واخدته وردت
هازال بصوت مبحوح وكله نوم: الووووو
أسماء بصوت عالي: لأ والله... أنتي بجد لسه نايمه لحد دلوقت قومي جهزي نفسك يا ست هانم جايه اخدك علشان نفطر وبعدين نروح كذا مشوار ونشوف الفستان بتاعي
هازال بكسل: بسم الله الرحمن الرحيم... من قلبك ...ليه قالولك انا العروسه يا اسوم
أسماء: هزهز قومي واجهزي نص ساعة وأكون عندك فهمتي
هازال: طيب حاضر ودلوقت مع السلامه... هازال قفلت مع أسماء وقعدت تأفف قامت ودخلت وأخدت شور مستعجل وبعد ما خرجت غيرت هدومها واخدت شنطتها ونظارتها الشمسية ....وخرجت من اوضتها ونزلت عند أمها
زينب: اهلا حبيبتي ايه الي مصحيكي دلوقت يا بنتي
هازال باست راس أمها: صباح الخير يا غاليه...دي بركات بنت خالتي صحتني من الصبح علشان نروح السوق
زينب: هازال خدي اي فستان وريحي نفسك...وبلاش تتعبي روحك يا حبيبتي
هازال بابتسامة: ماما ده فرح أخويا وعايزة شيء حلو ومميز... وماتنسيش ده فرح خالد وكل صحابي هيحضروه
زينب : هههه ربنا يعينك بس متتاخريش علشان رايحين النهارده الارض بتاعتنا نطمن علي المحصول
هازال بفرح: بجد يا مامتي والله اخر انبساط بس امتي هنمشي من هنا
زينب: أن شاء الله على الساعة خمسة وأختك وجوزها رايحين معنا فتعالي بدري علشان تجهزي حاجتك يا بنتي وعلى فكره شيفاني النهارده بعمل كريب علشانك
هازال بفرح ضمت أمها: ربنا ما يحرمني منك يا أغلي أم في العالم
أسماء الي دخلت فجاة: خالتي عندكم أيه وأنا معرفش يا خالتي
هازال عقدت حواجبها: وأنتي ايه حشرك يا حشريه
زينب: سومه ازيك.. ياريحة الحبايب... عامله ايه يا بنت أختي ياغاليه
أسماء قربت وباست خد خالتها: اهلا بيكي يا خالتي عامله ايه والله اتوحشتك يا قلبي
زينب: وأنا كمان يا حبيبتي... ابوكي وامك عاملين ايه واخواتك بخير
أسماء: الحمد لله بخير يا خالتي... ودلوقت عن إذنك يا خالتي أحنا هنروح وعلى فكرة أنا النهارده جايه اتغدا معاكم اوك فأحسبي حسابي
طارق بابتسامة: اهلا بـ بنت خالتي اهلا بأسماء
أسماء: طروقه عامل ايه و صحتك تمام
طارق: بخير بس رايحه فين في الوقت البدري ده
هازال: رايحين المول تروح معنا
طارق برجاء: لا يا حبيبتي روحو مع نفسكم أنا رايح عند أبويا في المحل علشان النهارده عندنا جرد وعايزين نخلص قبل ما نروح الارض
هازال هزت راسها بموافقة: أوكي مع السلام
زينب: في حفظ الله يا حبايبي... هازال وأسماء وفطروا وخرجوا و بدئت رحلتهم في البحث عن الفساتين في أحد المولات الراقية
هازال: أيه رأيك في ده حلو اوي
أسماء: حلو وناعم بس سعره غالي اوووي يعني مش مستحق سعره
دخل وراهم شاب وريحة البرفيوم ملت المكان وكان عمال يلحقهم هو واصحابه دخلوا المول دخل وراهم
شاب : عادي يا روحي خدي وأنا ادفع تمنه ولو نقيتي المول كله خلال أربعة وعشرين ساعة هيكونلك بس اديني ريق حلو
هازال بهمس: هو الحمار ده ما زهقش وهو بيلاحق فينا من البداية
أسماء بصوت مسموع: الخسران يقطع المصران يا حبيبتي
الشباب الي كانوا معاه: هههههه بس الشاب الي عاكسهم عطاهم نظره بمعني انكتموا
الشاب: بقولك ايه بلاش تصدقي نفسك واحمدي ربنا ان انا مضيع وقتي معاكي ( بنظره قرف)مش من جمالك يعني
هازال ضحكت على كلامه لأنه كان هيطق ويمكن يموت لانهم ما عطوهوش ريق
هازال لفت لاسماء: اسماء خلينا نطلع ونشوف المحل التاني
الشاب بسخرية: انصحك متلفيش كتير كل المولات اسعارها موحده..يعني مش هتقدري تشتري حاجه يا حلوة
هازال مسكت الموبيل واتصلت على أبوها: السلام عليكم... ازيك يا قلبي
أبو خالد: اهلا بـ بنتي... وعليكم السلام
هازال: حبيبي كنت عايزاك تبعت لي فلوس لأني لقيت فستان بس فلوسي ناقصة حبيبي
أبو خالد: طيب يا حبيبتي أنتي تأمري أمر ودلوقت أحولك الفلوس على حسابك يا بنتي... بس أنتي ما قلتيش عايزة كام
هازال بابتسامة: أنت وكرمك يا حياتي
أبو خالد: هههه طيب دلوقت احولك مع السلامة وخالي بالك من نفسك... هازال قفلت وبصت لي الشاب واللي كان واقف يبتسم بس هي ابتسمت له كـ سخرية
هازال: أسوم خلينا نروح من هنا قبل ما توصل الفلوس
الشاب: لا لا كدا وربنا ما ينفع انا قلتلك اشتري الي يعجبك وانا اشتريلك الفستان الي اتفرجتوا عليه وانتي تطنشيني وتكلمي صحبتك ...شايفني طول بعرض وراجل اوووي وابن ناس كمان (وغمزلها)
أسماء بهمس غير مسموع: والله اشك أنك راجل... وثانيه رن جرس هاتف هازال معلن عن وصول المبلغ في حسابها... هازال اخدت الفستان ومسكت ايد أسماء علشان يسيبوا المكان بس الشاب مسكها من دراعها
فاضل وهو ماسك هازال من دراعها وبحدة: مين مفكرة نفسك علشان تطنشيني وأنا بتكلم معاكي
هازال لفت له وبصت علي ايدها الي كان ماسكها .... فمكان منها إلا أنها شدت ايدها وصفعته كف بكل قوتها وبتحذير: ماتلمسنيش يا حيوان والظاهر أنت ما تعرفش مع مين بتتعامل ولو كنت فعلا فاكر نفسك رجل فانا شايفه انك في ناحيه والرجوله في ناحيه(وبحده)قليل الادب
فاضل وقف مصدوم وحط ايده على خده اللي كان احمر من شده القلم وكان مستغرب من ردت فعلها لأنه أول مره ينضرب من جنس حواء اذا كان امه عمرها ما ضربته في حياته
أسماء بخوف على هازال لأنها حست بأن فاضل ممكن يهجم عليها ويضربها: هازال حبيبتي كدا كفايه وخلينا نمشي...هازال بصت لفاضل باستحقار ومشت وسابته هو وأصحابه المصدومين زيه بالظبط
سعيد بستغراب: بجد أنا عمري ما شفت بنت قوية زي البت دي
رامي فاتح عينه ع الاخر: والله حتى أنا يا سعيد
فاضل لف لهم وخرج وسابهم وهو في قمه عصبيته كان نفسه الوقت يرجع لورى علشان يمسك هازال ويطيح فيها ضرب.. خرج من المول وطلع ركب عربيته ورجع على بيتهم... دخل وهو علي اخره ولا سلم على أمه زي ما أتعود وطلع على اوضته وأول مادخل قرب من المرايا وشاف أثرصوابع هازال واضحة عليه... فاضل أنقهر ورمى كل الحاجات الي كانت على التسريحة وصرخ: حيوانه كلبة والله لا ادبحها أنا فاضل ابن محسن الجلاد تضربني بنت لا راحت ولاجت... من شده صوته دخل عليه أخوه ادهم توأمه وبص علي الفوضي اللي في الاوضه
ادهم بتعجب: خير ايه الي حصل
فاضل لف لأخوه وشاورعلى الباب: ادهم لو سمحت أطلع بره انا معنديش خلق لاي منهاده
زهرة امهم الي طلعت تجري علي الصوت وبصدمه من منظر الاوضه : ايه الي حصل... وأنت يا فاضل ليه اوضتك مقلوبه كدا ...... ولفت لادهم اللي كان واقف بروب النوم وشعره منكوش من أثر النوم/ بسم الله الرحمن الرحيم ايه الي حصلك انت اتكهربت بسلك عريان
ادهم مكنش مركز مع أمه لأن شاف أثر الضرب على خد أخوه: ماما ممكن تخليني شويه مع فاضل
زهره بعصبية: طيب انتوا حرين أصلا أنا مفيش حد هيجنني غيركم ..انتم الاتنين بهايم مش بشر والله انكم عفاريت... خلصوا أسراركم بسرعة علشان الشغالة تيجي تنضف الفوضه مطرحكم... وخرجت وسابتهم وهي بتبرطم بكل شتيمه خطرت في بالها
ادهم قرب من أخوه وبتساؤل: مين الحيوان اللي مد ايده عليك الي محتاجه الكسر
فاضل: ادهم ورحمه امك وابوك سبني دلوقت...لاني والله اعصابي تعبانه من بنت الكلب دي
ادهم سحب نفسه وخرج ورجع على اوضته وأخد دش وبعد ما خرج أخد موبيله وأتصل على سعيد
سعيد بتردد: الو ادهم عامل ايه
ادهم: تمام انت عامل ايه
سعيد: الحمد لله تماما ازيك انت و فاضل عامل ايه أن شاء الله يكون أحسن
ادهم: الحمد لله بس ممكن أعرف ايه الي حصل معاكم...
سعيد حكى كل شيء لادهم بتفصيل ممل... ادهم عقد حواجبه/ طيب هي ليه ضربته بس علشان هو مسك ايدها
سعيد: اه علشان كدا والله لو تعرف انا انصدمت من اللي حصل وكمان ....
ادهم قاطعة وهو مترقب: وأيه كمان حصل قول..قول
سعيد: فيه كام بنت صورت الي حصل بينا ونزلوا المقطع علي اليوتيوب باسم فضيحة (ابن محسن الجلاد ينضرب من قبل فتاة) وأنا هموت واحذفه بس والله مقدرتش
ادهم بعصبية: طيب اقفل أنت دلوقت وأنا هتصرف... وعلى طول ادهم راح ناحيه مكتبه وفتح جهاز المحمول ودخل على اليوتيوب وشاف اللي حصل بين أخوه والبنت فاتصل على صديقه لأنه يعرف كل شيء عن اليوتيوب وطلب منه يحذف المقطع قبل ما ينتشر
ادهم بوعي: بنت الذينا لعبتها صح لكن طيب هتروحي مني فين
.........
وبعد مرو شهر من اللي حصل
هازال وطارق كانوا رجعين من زيارة أبو أسماء واللي وقع وانكسرت رجله وهما واقفين في اإشارة
فاضل بابتسامه: ادهم شوفت العربيه اللي وقفه علي جنب
ادهم لف بغرور: مالها فيها ايه يعني .....انت تعرفهم
فاضل: هو أنا أقدر أنسى ملامحها.. وحط ايده على خده/ بعد الكف اللي كلته منها بس مش هقول جنت علي نفسها مراكش
ادهم بانفعال: بنت الكلب يبقي هي وأخيرآآآ وقعت في ايدي يا هازال الزفت والله لخليكي تعيشي مرار بنفس الي عاشو أخويا ..فاضل خليك وراهم علشان نعرف بيتهم فين!!!
فاضل: ده اكيد.. ونقول ربنا يعينك يا هازال من ولاد الجلاد واللي حقهم ما يضيعش.. ادهم وفاضل وعربيه البودي جارد تابعهم اتحركوا و مشوا ورا عربيه طارق وهازال من غير مايحسوا بحد ...اول ما وصلوا بيتهم و دخلوا ...نزل ادهم ونزلوا وراه البودي جارد معاه...ادهم رفع نظارته الشمسيه علي شعره وبص علي بيت الشناوي وشاور للبودي جارد انهم يقربوا منه
سليمان بصوته الضخم: امر معاليك
ادهم باستهزاء: أعرف لي بيت مين ده وكام شخص فيه واعرف لي كل شيء عن البنت اللي أسمها هازال..وبص في ساعتة وبحدة/ عايز كل شيء عنها خلال أربعة وعشرين ساعة فهمت
سليمان بكل ثقة: امر معاليك يا ادهم باشا كل شيء هيكون عندك خلال أربعة وعشرين ساعة
ادهم بخبث: ممتاز وأهم شيء رقم تلفونها
سليمان: تحت امر معاليك... ادهم ساب سليمان ورجع لآخوه
ادهم بابتسامة أنتصار: يالله مشينا
فاضل: على فين على الأقل قولي هتعمل معها ايه... وأسمع أنا مش عايز أذى البنت بس عايز ارزعها قلم نفس القلم الي اكلتهولي ..فهمت يا ادهم مش عايزك تستخدم معها أسلوبك الوسخ الي انا عرفه كويس
ادهم رفع حاجب وبص علي أخوه وبكل سخرية: لأ والله... بعد كل اللي عملته علشانك تقولي كدا....أنت خليك بعيد ومتدخلش (بتحذير) فهمت
فاضل عقد حواجبه: ليه أنت علي ايه ناوي يا ادهم ... وعلى العموم أنا سامحتها ومش عايز أنتقم منها لأننا مش في فيلم هندي يا ادهم كفايه البنات اللي دمرتهم قبل كدا
ادهم بقله صبر: فاضل شوف طريقك وبطل رغي ماشي، ومش أنت اللي تقولي اعمل ايه ... ودلوقت أتهبب اركب خلينا نروح على النايت كِلب لأن ابن عمك منتظرنا
...........قصص منه محمد كاتب....
البارت الثاني
في بيت محمد الشناوي
هازال كانت في اوضتها قاعده بتكلم صديقتها وداد في الفون
وداد بشوية عصبية: احسن خليها تستاهل علشان تاني مره ما تكذبش عليا
هازال بصوتها المبحوح: بس والله إللي عملتيه فيها كتير البنت كانت هتموت في ايدك
وداد بقهر: أأه ياني بس لو ما كانتش الاستاذة مريم دخلت كنت زماني كسرت شوكتها
هازال بضحكة: وداد وحياه اهلك ياشيخة انتي بتجيبي المصطلحات دي منين
وداد بنفس الضحكة: نسيتي أني البنت الوحيدة بين ثلاث أخوات ولاد ومعظم وقتي معاهم
هازال بابتسامة: الله يعينك... المهم ابعدي عن جيهان وبلاش مشاكل بحس أنها عايزة تبوظلك أخلاقك وبس
وداد: لأ... يا قلبي متخافيش عليا أنا أخرب بلد بس محدش يقدر عليا بعون الله ودلوقت أنا هقفل لاني هقوم اروح بيت خالتي مع أمي علشان أشوف حبيب قلبي عمر
هازال: أنتي يابت مش بتتكسفي.... عيب عليكي تقولي كدا ودلوقت يالله سلام
وداد بابتسامة: مع السلامه يا روحي... هازال قفلت مع وداد واسترخت على سريرها وهي بتفكر في العريس اللي أتقدم لها بعد فرح أخوها خالد وكمان أمه هي حبتها من أول ما شافتها بس هي مش عارفه ليه حاسه انها مش مرتاحة للموضوع وان فيه شئ قلقها بس هي مش عارفه ايه هو...هازال حاولت تطرد كل الافكار السيئه من دماغها وخرجت ونزلت عند امها
هازال باست أمها وقعدت جنبها/ ماما عامله ايه
زينب مسحت علي راس هازال بحنان: اهلا ياقمر حبيبه امها وعروستنا قريب
هازال بخجل: ماما ايه الكلام ده انا بتكسف والله وبعدين متنسيش بابا لسه ما وافقش
زينب كشرت: لأ هو وافق وقال هيتصل علي ابو العريس ويقوله اننا موافقين علشان يجوا ويخطبوكي رسمي
هازال أحمرت خدودها من الكسوف ونزلت رأسها و نفسها تطير من الفرحة زي اي بنت بتنخطب في عمرها: ماما انا احسن حاجة اروح ارجع اوضتي
زينب ببتسامه : هههه ليه يا عروسه اومال هتعملي ايه لما يجي عريسك هو واهله
هازال حطت ايدها على وشها وبخجل: ماما الله يخليكي خلاص ورخت ايدها عن خدودها: وبعدين انا مش هتجوز غير لما اخلص دراستي
أبو خالد: السلام عليكم
هازال وأمها: وعليكم السلام ورحمة الله وبركاته
هازال قامت باست ايد أبوها وقعدت جنبه: عامل ايه ياحبيبي أن شاء الله تكون بخير
أبو خالد بحنان وابتسامة: طالما أنتم بخير ورفعين رأسي أنا كمان بكون بخير يا حبيبتي ...ودلوقتي قوللي ايه رأيك في الموضوع اللي قالت لك أمك عن جاسم اللي أتقدم لك
هازال حست بأحراج من أبوها: بابا أنا هروح انام وقامت بسرعة وجريت على اوضتها
زينب بابتسامة: ليه يا أبو خالد كسفت البنت وخليتها تروح اوضتها من الكسوف
أبو خالد أتنهد: الحمد الله.. والله كنت خايف أموت قبل ما أطمن عليها
زينب قاطعته: اسم الله عليك يا أبو خالد أيه الكلام اللي بتقوله ربنا يخليك لينا يا حبيبي ولا يحرمنا منك وأن شاء الله تفرح بكل عيالك
أبو خالد مسك ايدها وضغط عليها بشويش: آآآآه يا أم خالد أنا كل يوم أدعي أن رربنا ما ياخد أمانته لحد ما أطمن على هازال وطارق لأنهم لحد الان ما يعرفوش شيء عن مرضي ولا عن الحياة الجاية... خالد أخوهم لكن مش شبهي ولا شبهك... خالد عصبي ودمه حامي وبعض الأحيان يقسى شويه على أخواته
زينب ودمعتها على خدها: الله يهديك يا أبو خالد ليه بتقول الكلام ده بس ربنا يخليك لينا وخالد لو كان بيقسي علي اخواته لانه خايف عليهم وأنت شايف حال البلد ولاد الحرام ما خلوا لولاد وبنات الحلال حاجة
أبو خالد: ربنا يحفظهم من كل شر
زينب: أمين..... وفي نفس الوقت والمكان كان طارق لسه راجع من عند أصدقاء وسمع كل الكلام اللي دار بين أبوه وأمه ,نزلت دمعته وبدون ما يحسوا بيه سحب نفسه وطلع على اوضته
*********
هازال كانت بتكلم أسماء
أسماء بتهديد: هزهوز والله لو ما قلت لي أنا هزعل منك والله بجد انت غلسه
هازال شهقت: ايه بقي انا غلسه أنا ياقبيحة يالي من غير شكل ولا طعم ولا ريحة طب والله انتي ما عندك دم وانا بالعند فيكي مش هقولك حاجة
أسماء: لألألألأ والله أنا أسفه... وأنا أصلا كنت بهزر معاكي يا عمري
هازال: طيب ... ناس ما تجيش غير بالعيون الحمره
أسماء بزهق: طيب ممكن تقوليلي ايه الموضوع المهم إللي عندك
هازال بابتسامة لأنها رفعت ضغط أسماء وبخجل: أنا اتخطبت يا أسوم
أسماء بصدمة: ...........
هازال باستغراب: أسوم أنتي فينك يا حبيبتي ... هازال بعدت الموبيل عن ودنها بسرعة من صرخة أسماء وحست ان طبله ودنها انخرمت من شدة الصوت وبعصبية/ أسوم أنتي مجنونه والله شويه وكنتي هتخرمي طبله ودني
أسماء بفرح: والله لو خوفي من أخويا كمال كنت خليت السواق يجيبني عندك لكن من بكره الصبح هكون وش عندك علشان تقوليلي كل حاجة فاهمه
هازال بابتسامة: خلاص هستناكي بس مش تقومي من بدري وتيجي تزعجيني يارب تكون وصلت وفهمتي التحذير
أسماء بخبث: أوكيشن يا ست العرايس ودلوقت هقوم اجهز لاني نازله وجايلك مش قادرة للصبح مسافه الطريق
هازال: طيب مع مين جايه ياحلوه
أسماء: عادي جايه مع السواق انشاء الله الشغاله او مع اخويا الغبي
هازال بنعومة: ههههه وليه بتقولي علي اخوكي غبي
أسماء نفخت: لأن الأستاذ خلاص بقي يتحكم فيا ويقولي فين رايحه جايه منين كئنه ابويا وانا معنديش علم
************************************
وفي نايت كلَب
شباب وبنات ونازلين رقص وهيصه وتجمعات تانيه بيلعبوا قمار علي طربيزه
هشام كان بيتناقش مع ادهم بخصوص مشروعهم الأخير واللي الكل كان بيتكلم عنه بسبب نجاحه وفي الوقت ده دخل سليمان وبص لـ ادهم الي أول ما شاف سليمان شاورله يجي عنده... سليمان راح عند ادهم
سليمان نزل لمستوي ادهم وطلع ورقه وعطاها لادهم: اتفضل معاليك ده الي طلبته
ادهم: انت متأكد من كل شيء وكمان جبت الرقم
سليمان: تمام معاليك كل شيء طلبته موجود على حسب ما طلبت
ادهم هز راسه : تقدر تروح دلوقت ترتاح ومن بكرة الصبح من بدري تكون عندي لأني هملي عليك أوامر تانية فاهم
سليمان: أن شاء يا سيد ادهم ودلوقت عن إذنك وراح... ادهم رفع رأسه وبص ل فاضل اللي كان مركز معاه
هشام: ادهم في ايه مع سليمان
ادهم: أبدآآآ كلفته في شغل وعمله
هشام: طيب أنا قايم اروح للبيت علشان أنا وعدت مراتي اني هرجع بدري النهارده علشان أكمل السهره معاها
ادهم بخبث: أي سهره والساعة دخلت في واحده ياراجل
هشام ضرب ادهم علي دماغه: اتكسف علي دمك انا شكلي عطيتك وش زياده ودلوقت سلام
ادهم بابتسامه: مع السلامه ... وأول مامشي هشام جاله فاضل وأأعد جنب أخوه
فاضل بشوية عصبية: ممكن أعرف أنت ناوي تعمل ايه
ادهم كشر: نعم خير مالك انت متنرفز عليا ليه
فاضل بحده: ادهم أبعد عن بنت الناس والله أنا ندمت في اللحظه اللي عرفتك فيها
ادهم بابتسامه: ليه أنت مهتم بامرها لـ يكون حنيت عليها أوضغط علي الكلمه كانه بيستهجه حروفها .... حبيتها وعايزها ليك
فاضل باستغراب: أنت بتقول ايه والله يا ادهم لو عرفت انك عملت للبنت حاجة حسابي هيكون معاك عسير...وكفايه الي عملته في هند وانت عارف كويس اني كنت بحبها وكنت ناوي اتجوزها بس انت دمرتها وسبتها تنتحر...(بعصبيه)خاف ربنا يا شيخ في بنات الناس تلعب بيهم وتأخد أغلي شيء عندهم وترميهم
ادهم ببرود: وأنت ايه دخلك وأنا عمري ما أخدت حاجة من حد من غير مقابل وكمان كله برضاهم.. ... ولو هي كانت بتحبك ماكنتش سلمت لي نفسها .. وقام ضربه علي خدوده/ يا فالح وده مكنش كلامك وقت ما عرفتني عليها...
فاضل صرخ في وش أخوه وخرج وسابه... ادهم أخد اورقه وخرج ورجع على البيت، وأول ما دخل اوضته دخلت أمه عليه
زهره بعصبية: شرفت يا أستاذ ممكن تقولي كنت فين وفين الصايع التاني أخوك
ادهم قعد على السرير: اهلا يا ماما ... (ببرود) ممكن أعرف أنتي ليه متعصبه كدا وكمان انا متاخرتش الساعة لسه اتنين ونص واحب اريحك انا كنت مع هشام بنتكلم في مشروعنا الجديد
زهره بغضب: لأ والله شايفني دقه عصافير
ادهم بزهق : ماما حبيبتي ابوس ايدك انا عايز انام علشان بكره عندي شغل فرجاء مفيش لزوم لمحاضرة كل يوم وأنا راجل مش طفل أو بنت علشان تخافي عليا وعندك فاضل روحي واتفهمي معاه ودلوقت تصبحي على خير وحط راسه وغمض عيونه
زهره بتهديد: طيب يا ادهم انا ليا معاك كلام بكرة الصبح ...نام ... وخرجت ورزعت الباب بكل قوتها
ادهم قام وراها وراح قفل باب الاوضه بالمفتاح واخد لاب توبه ورجع على سريره وفتحه وبدء ييشتغل فيه وأول ما وقعت عينه على الورقه اللي عطهاله سليمان حط الجهاز على جنب وأخد الورقة وفتحها....
ادهم أبتسم بخبث وأخد الموبيل واتصل بـ هازال الي رن موبيلها بدون ماترد رجع اتصل تاني وبرضوا مفيش رد..:اوك يا هازال الصبح اتصل واقرفك، ودلوقت خلينا نسجل اسمك..ادهم سجل أسمها في الارقام المهمة باسم (لحمه طرية بس صعبة) وبعد كدا قفل اللاب توب ونام...
الصبح كـ العاده قام بدري علشان يلحق يستشير ابوه محسن الجلاد في بعض المشاريع وقبل ما يروح الشركة راضه أمه وراح على شركته هو وأخوه وابن خالتهم هشام وأول ما وصل دخل على مكتبه وبدء في شغله
السكرتير أحمد: صباح الخير يا أستاذ ادهم
ادهم وعينه على شاشة الكمبيوتر: اهلا أحمد أيه مواعيد اليوم
أحمد بص في الملف الي في ايده:اليوم عندك أجتماع مع السيد سلطان على الساعة عشر ونص... وعلى الساعة واحده عندك جولة في المول الجديد اللي بانته الشركة مع صاحب المول السيد فهد ولو خلصتوا بدري هتطلعوا على المطعم تتغدوا وبعد كدا توقعوا عقود الاستلام ده جدول النهارده
ادهم بص لاحمد شويه وبعدين اتنهد:طيب خلي الساعي يجبلي القهوة وعلي الساعة عشره الاربع اكدلي علي معاد سلطان اوك علشان بعد كدا هتطلع معايا علي المول
أحمد: أأمرك .... حضرتك تامرني بشئ تاني
ادهم:لأ تقدر تروح انت دلوقت على مكتبك ومدخلش أي شخص بدون ما أسمح لك
أحمد: تحت امرك بس أستاذ هشام لو سال عـ،،،،
ادهم قاطعه: لو جه خاليه يدخل ودلوقت تقدر تخرج... أحمد خرج من عند ادهم ...وادهم أنشغل بمشروعهم الجديد... وبعدها رجع على البيت الساعة أربعة ونص وأول ما دخل اوضته دخل وأخد دش سريع وبعد ما خرج شاف ليان قاعدة تنتظره
ادهم عقد حواجبه: هاتي الي عندك ياست ليان
ليان: كنت مستنياك لأني عايزة أتكلم معاك
ادهم بضيق: أنا مش فاضي دماغي بتوجعني وعايز أنام
ليان بصوت باكي: ادهومه أنت نسيت وعدك ليا لأ مش هتعمل فيه زي كل مرة توعدني وتخلف وعدك
ادهم بعصبية: ليان أحترمي نفسك وأنت بتتكلمي معايا !!!
ليان بخوف: أنا آسفة... وبرجاء/ بس ربنا يخليك لأزم توديني للمول النهارده بليز يا ادهوم
ادهم بملل: طيب امتى تروحي يا هنام
ليان بابتسامة: هـروح الساعة سته يا حبيبي
ادهم: طيب الساعة سته تكوني جاهزة والله لو ما جهزتي هاخرج واسيبك هنا تاكلي في بعضك
ليان: لا والله هكون جاهزه ٦ بالثانيه... ودلوقت رايحة أجهز
ادهم بتهديد: وياويلك لو لبستي لبس قصير ولا ضيق وياريت تلبسي شوز واطي لانه لو عالي هضربك بيه مفهوم
ليان وقفت بظهرها : طيب وبينها وبين نفسها (والله منا عامله ولا واحد من الطلبات دي ربنا يعين مراته عليه )
ادهم زعق بحدة: انتي واقفه عندك ليه يالله روحي علي اوضتك لاني عايز اغير ولا انتي مش شايفاني خارج ببرنس الحمام وعايز اغير
ليان بسرعه: طيب خرجت... وأول ما خرجت/ يا ربي أنا ما عرفش ليه مطلعش بنت ...كل واحد في ام البيت ده عمال يتحكم فيا .... فاضل سمع كلام ليان فوقف يضحك عليها... لأن أخواتها عرفوها لو راحت المول ماتخليش حاجة الا لما تشتريها
تعريف عائله محسن الجلاد . راجل معروف في البلد وهو رمز من رموز السوق عنده اكبر شركة تصدير في البلد وعند عدة فنادق وأوتيلات متزوج بنت عمه زهره
زهره عبد العزيز قاسم: سيده أعمال عندها عدة محلات لفساتين أفراح وعندها عدة اتاليهات راقيه... عارفة تنظم وقتها بين شغلها وأولادها بتحب ابنها الكبير ايهاب اكتر من اي شئ وبعدين ليان لأنها البنت الوحيدة وهي حنونة لأبعد الحدود وحقنيه جدا مع الكل واولادها يحبوها ويموتوا فيها وفي خفه دمها
ايهاب = أكبر أخواته (32) سنة شخص أنطوائي وشخصيته قوية وكل أخواته بيخافوا منه معظم وقته بيكون مسافر لظروف شغله لأنه طيار... متزوج بنت عمته رناد وعند ولد واحد واسمه عبد الله
ادهم= (25) سنه وهو شاب خريج هندسة معمارية وهو أنسان مزاجي بشكل غير طبيعي وذكي جدا وطايش وملامحه حادة وجسمه معضل بيحب التملك و إذا عجبه الشيء او لأ...ياخده،، بيحب التحدي يدافع عن أخواته مهما كلفه الامر ...صاحب شركة معماريه بينه وبين هشام ابن خالته ....بيحب أخته ليان ويخاف عليها جدا ودايما يراقب تصرفاتها وهو عصبي ونسونجي درجة اولي...وكل يومين مع بنت عكس أخوه وتوأمه فاضل
فاضل: (25) سنه وهو أصغر من ادهم بساعتين وهو كمان طايش زي أخوه بس متواضع عكس ادهم بيحب أمه وأبوه وأخواته و حنون وبيحب يغازل البنات ويرقمهم... حب هند بنت أتعرف عليها عن طريق التلفون بس أخوه ادهم حرموا منها بعد اتجوزها في السر... بيحب شغله وكل شيء يعمله بس في حدود
ليان: 18سنه بنت غاية في الجمال واللي يشوفها ما يدهاش سنها وهي حنونه وطيبه وأحسن صفة فيها التواضع.. الكل في البيت بيحبوها... تحترم أخواتها في كل قرارتهم وعمرها ما كسرت كلمتهم تدرس في كلية الطب وحلمها تكون دكتوره أسنان أطفال ومعظم خروجاتها مع ادهم أو أمها وفي النادر مع بنات خالتها
++++++++++++++++++++++++
ادهم بزهق: يا الله والله بنتك دي لتجب لي جلطه ربع ساعة وانا مرزوع استناها وانا قايلها متتاخرش عن الساعه سته!!!
زهره: أشرب قهوتك ودلوقت تنزل أنا بعتلها الشغاله علشان تناديها
ادهم بعصبيه: الغلط مني لأني وافقت أوديها
ليان دخلت على أخوها وأمها: والله أسفه ياقلبي بس دقايق تيجي اللبيسه معانا
ادهم بملل : اللهم طولك يا روح... وبعدها جات مرافقة ليان واللي هي سمية خرجوا من البيت وطلعوا للمول وطبعا كالعادة ليان من معرض لمعرض تشتري أفضل الماركات...
وفي واحد من المولات واقفه بحيرة هي وصحبتها بتدور لها على فستان شيك علشان تستقبل أهل عريسها بس وأول ما وقعت عينها على الشخص اللي دخل المحل وقف كل شيء في جسمها حتى نبضات قلبها حستها وقفت من الخوف ما فافتش الا على صوت جولي
((فاضل تؤام ادهم حتي في نفس الملامح))
جولي باستغراب: هازال أنتي كويسه
هازال بارتباك: جولي خلينا نخرج من هنا لان النهارده مليش خلق للمشاكل مع الشخص المجنون ده
جولي بنفس الاستغراب: هازال بتتكلمي عن مين؟؟
واحد من الموجودين في المعرض: أهلا يا آنسة في فساتين جديدة وصلت أمبارح من إيطاليا حابه تشوفيهم
هازال: أوكي أتفضل... هازال راحت مع العامل ناحيه اللبس اللي وصلت حديثا واللي كانت ليان وافقة تتفرج عليها
العامل وقف يفرج هازال الفساتين الجديدة وفي اللحظة قرب ادهم لمكان ليان
ادهم علي اخره: ليان خلصتي ولا لسه باقي كتير انا خلاص ع اخري
ليان برجاء: لحظة يا قلبي بس شوي حالا بخلص
هازال وقلبها دق زي الطبول: لفت وشافت فاضل ( الي هو اصلا ادهم)) والي عينه التقت بعينها وبينها وبين نفسها (يا ربي أنا كل ما جيت المول هنا لازم اشوف الغبي ده اكيد هو مقهور مني لأني ضربته قلم يا رب الطف بحالي وعدي اليوم ده علي خير)
العامل وادهم وليان... مستغربين من هازال اللي كانت واقفه زي الصنم ومش بترد ولا بتتكلم
هازال فاقت على الايد الناعمة اللي هزتها بخفة: الراجل بيكلمك حبيتي
لفت لليان وبعدها للعامل..... وادهم اللي كان مستغرب من سكوتها وكأنها مصدومة من شيء
جولي بخوف على هازال: هازال انتي كويسه
هازال وبصوتها اللي دوب ادهم وقال في قلبه (أف يا بنت الذينا صوتك صحي فيا حاجات كانت نايمه جوايا)
هازال بعيون زايغه: اااه أنا بخير ودلوقت يلا نمشي... ولفت للعامل/ شكرا لمساعدتك بس ما عجبنيش حاجة وخرجت وسابت المكان كله.... ليان هزت كتافها باستغراب ورجعت تقلب في الفساتين
ليان: ايه رأيك في الفستان ده يا ادهم
ادهم: ........... ليان لفت تدور على ادهم
سمية بابتسامة: السيد ادهم طلع ورا البنت يا ست ليان
ليان بتعجب: بجد امتي وطلع ليه
سمية: بعد ما خرجت وأظن أن الأستاذ ادهم يعرفها لأن أول ما مسك موبيله وأتصل رن موبيل نفس البنت
ليان بصدمة: ايه انتي بتقولي ايه
ليان خرجت فشافت البودي جارد واقفين بره المول:ممكن أعرف فين أخويا ادهم
البودي جارد: مشي مع سليمان حضرتك وقالي أول ما تخرجي من المول اخدكم على البيت
ليان: أوكي خلينا نروح أنا مش عايزة حاجة... ياللا يا سميه... ليان خرجت من المول ووقفت بصدمة لما شافت اخوها بيزعق في البنت اللي كانت معاهم في المول وأول ما قربت عليهم تشوف الموضوع البودي جارد وقف قصادها يمنعها تروح وأجبرها أنها ترجع على البيت حسب أوامر ادهم
******************************
هازال وادهم
هازال طلبت من چولي أنهم يرجعوا على البيت... وأول ما خرجت حست بشخص وراها وأيديه اتحطت علي كتفها ولفها بغل ناحيته وركز عينه في عينها
وبكل سخريه: اهلا بالمتوحشه
هازال حاولت تجمع كل قوتها بنظرات تحدي وتحاول متظهرش خوفها: خير يا فاضل ولا القلم الي جالك قبل كدا مافرملش وقاحتك
ادهم صقف وضحك باستفزاز: ماشاء الله وذاكرتك كمان قوية تغلطي وتتواقحي عليا
هازال بتحذير : اولا أنا ما غلطتش فيك! ثانيا مش من حقك تمسكني أو تمد أيدك عليا
ادهم بسخريه: لأ والله من جمالك ولا جمال ايدك...انتي ياحلوه يكونلك الشرف ان واحد زي انا يمسك ايدها
هازال بقهر: لا والله انت واحد مجنون والكلام معاك ما منهوش فايدة وعلى العموم ده جزائك وأنت تستاهل أكتر من قلم علشان تاني مره ما تمدش أيدك على أي بنت محترمة يا محترم
ادهم بكل سخرية: محترم غصب عنك ولو أنتي واحده محترمه زي ما بتقولي مكنتيش خرجتي من بيتكم وانتي لابسه مكشوف وشعرك الي مفرود.... يعني بالمفتشر بتقولي تعالوا شوفوني وغازلوني صح يا هانم ... ... قال كلمته الأخيرة بسخريه واستهزاء... هازال اتضايقت بقوة من كلامه ورفعت ايدها علشان تضربه بس هو كان أسرع منها لأنه حس أنها هتمد ايدها عليه زي ما عملت مع فاضل فمسك ايدها بسرعة وبحدة/ لو كررتي الحركة دي تاني أيدك هكسرهالك
هازال بألم وبعنف: والله البس عريان افرد شعري ده شئ يخصني لانك مش جوزي ولا ولي أمري وسيب ايدي انشا الله ربنا يكسر كل حته في جسمك وتبقي فرفوته فرفوته
ادهم بخوف من دعوتها بس مابينش: اسحبي دعوتك وبعدين اسيبك... هازال خافت يعمل فيها حاجة فاستجمعت كل قوتها وعضت ادهم من ايده ...ادهم اتالم وزقها بعيد عنه وهي ما صدقت انه سابها وطلعت تجري هي وجولي ودخلت جوه المول تاني
ادهم بعصبية/ يا كلبه يا حيوانة يامتوحشه والله لدبحك (زعق) سليمان الحقها يا غبي... اياك تفلت منك بعد الي عملته فيا
