رواية عشق اهل الانبار الفصل الثاني 2 بقلم رواء هادي
مسك ،ضجت كلش من تصرف رائد وياي كلما يشوفني يخلقلي مشكلة لو يضربني بيش مجان واحد مخبل وماكو براسه عقل عكس قاسم هادء كلش
وماعليه لا بالرايح ولابالجاي ومايتدخل بالنسوان مثل رائد رجعت للبيت روحي بطرف خشمي صايرة صادفني
فياض هو واولاده يريد يوديهن للمدرسة
وماعليه لا بالرايح ولابالجاي ومايتدخل بالنسوان مثل رائد رجعت للبيت روحي بطرف خشمي صايرة صادفني
فياض هو واولاده يريد يوديهن للمدرسة
فياض : شبي الحلو زعلان
مسك : رائد سلام الشاخط صيح علية
فياض : ههه وين لكاج ؟
مسك : بالباب وين !
فياض : وج عيب شنو ابو النسوان
مسك : وين العيب بالموضوع منو مايدري بي نهر كله يم النسوان نايم هسة صايرلي رجال براسي ويغلط ويسب
بي بكيفه والله إلا اشكي الخالي
فياض : مسك كافي لتكبرين الموضوع تدرين هنا غير بيت اهلج محد يقبل مره توكف بالباب ورائد مايكرهج
بالعكس يخاف عليج من كلمة الناس
مسك : اخر همي خوفه وكلمة الناس أني اعرف نفسي شنو ومنو وماله حق يغلط ويسب بي بكيفه
فياض : كافي اهدئي أني احجي ويا وافهمه ماله علاقة بيج
مسك : تسوي فضل والله
فياض : يلا طبي جوة ولاتطلعين بره بالباب
فياض : الحمدالله
مسك : على شنو تحمد الله ؟
فياض : على تفهمج... ليش مرايحة للجامعة ؟
مسك : عندي عطلة
فياض : هاا
عفت فياض ودخلت جوه بوجهي لغرفة بنات فياض انام وياهم من اجي وفراشي بالكاع كعدت بفراشي بايدي
التلفون راسلت صديقتي تاج
وحجيتلها صار وياي منورة رائد سلام ..
تاج : هذا شبي ؟
مسك : شاخط شبي
تاج : مو لهاي الدرجة يدخل بيج
مسك : كولي ؟
تاج : بس مو تزعلين ؟
مسك : لا احجي
تاج : يمكن رائد سلام يحبج
مسك : حبج رائد سلام اكون على هذا سؤالج
تاج : اوي معايزة ابو النسوان
مسك : حيوانة لعد أني عايزة ابو النسوان رائد سلام
تاج : معايزة بس محتمل يحبج ودا يغار عليج
من تطلعين بره بالباب توكفين
مسك : لا حب ولا شي هذا هو يحب يفرض شخصيته حتى على چلاب المنطقة مو بس على مسك ولج هذا
شاخط وماكو عقل براسه
تاج : اخذي حذرج منه مسك ترى هو يحب النسوان ويموت على كلمة نسوان وانتِ ماشاءالله عليج حلوة
وجسمج حلو ومغري
مسك : ادبسزز شنو هالكلام ؟
تاج : شكلت ؟
مسك : اشك حلكج نصين بس تحجين هيج افتهمتي
مو صوجج صوجي اني احجي وياج
طفيت الانترنيت منزعجة منها فوك انزعاجي من رائد سلام مرت الأيام اروح وارجع للجامعة وي فياض ومرات مصطفى ابن عمة كوثر يوديني ولد حباب وفقيرون
وثكيل ومايرفع عينه ويباوع مو مثل اليزر رائد سلام وقاسم
اخر يوم الي بالدوام اجه قاسم ياخذني من الكلية تفاجات
من شفته واكف يم السيارة عمي ابو
فياض ومورث جكارة من شافني واكفة وباوعله اخذ نفس طويل من الجكارة وشمرها بعيد ونفخ الدخان عليه
من بعيد واشر بايده اجي لعنده
قاسم : مسك يابة تعاي
ضيقت عيوني بانزعاج ورحت باتجاهه ابتسملي وكال :
قاسم : والله محتاجين هدوء مامحتاحين عواصف
عاصفة لعندي مكفيتني أكثر من اللازم
مسك : وين مصطفى ؟
قاسم : بالمدرسة
مسك : فياض وين لعد ؟
قاسم : عنده شغل
مسك : يعني ماكو غيرك يجي ياخذني ؟
قاسم : من حسن حظج أني مو رائدنا
قاسم : السانج
مسك : مامجذبة
مشيت من يمه فتحت باب السيارة وصعدت بالكشن الخلفي وخليت جنطتي بحضني وعفت الباب مفتوح أريده هو
يسده باوعلي بنفاذ صبر بس لزم اعصابه واجه
سد الباب حيل فززني وكع قلبي بحضني فوك جنطتي ..
رجع صعد بالسيارة سد الباب قوي بقيت بس ابلع بريجي مامتعودة عليه وهاي اول مرة بحياتي اصعد و
يا بالسيارة والواحدي
شغل السيارة وحرك يسوق سياقة عادية حسيت بي جاي يباوعلي بالمراية رفعت عيني وشفته يباوعلي ويخزر بي دنكت راسي بسرعة خايفة منه اخاف
هم يطلع مثل رائد سلام ابو نسوان ونوب عقلي كام يألف سيناريوهات تخوف ناحية قاسم حمحم وكال ..
قاسم : احممم ... حجابج طالع .. العفو قصدي شعرج
طالع من الحجاب ضمي
من خوفي منه جريت حجابي وصرت اضمضم بشعراتي أني من البس حجاب اطلع شعري من كدام ضميت شعري
بسرعة ومن خوفي كمت العب بالجنطة
حايرة وين انطي وجهي
قاسم : هسة احلى
مسك : شوكت نوصل
قاسم : يالله تونا طلعنا الكلية متوازية على البيت
مسك : اي
قاسم : هاج اشربي ماي
ناوشني بطل ماي بقيت اباوع الايده مترددة اخذ
بطل الماي منه باوعلي بالمراية وكال
قاسم : مابي سم اشربي راح يوكف قلبج
اخذته من ايده بسرعة وعفته بصفي ماشربت ضحك وسحب انظاره عني صارت انظاره لكدام يسوق بطيئ صار خفت منه احسه متعمد يسوق على مهلة علمود
مانوصل للبيت بسرعة ..
مسك : سوق اسرع!
قاسم : السرعة مو زينة وأني مجايز من روحي وارواح العالم اسوق سريع على كيفي اسوق مراح يطير البيت
مو ساعة ساعتين تلاث نوصل
مسك : اممم
قاسم : صدك رائد يسلم عليج
مسك : كوله الله لايسلمك
قاسم : هههه ليش يابة رديتي السلام
مسك : سلام هيج واحد ماريده
قاسم : و شبي رائدنا
مسك : يخبل شبي
قاسم : اي بهاي صدك يخبل ههههه
مسك : ترى مقصدي شكله يخبل ؟!
قاسم : ادري هههه
قاسم : مسك سؤال ؟
مسك : اسأل ؟
قاسم : ابن عمج فلاح جان عدنا الصبح و...
مسك : شيسوي عدكم ؟
قاسم : هو جاي اسألج تردينه
مسك : شنو اريده اشو ماتعرف تحجي ؟
قاسم : اسف قصدي تقبلين بي يتزوجج ؟
مسك : هاي العايزة اتزوج فلاح ابو حلك الاعوج
4
قاسم : ههه لاهاي قوية يابت الناس ابو حلك
الاعوج انوب صار الزلمة
مسك : لعد هذا شنو اتزوجه .. لحظة ليش هو كال
اريد بت عمي مسك ؟
قاسم : اي اجه وسأل عمي ابو فياض وابوي وعمامي كلها
تردون مسك لو لا إذا متردونها أني اريدها
مسك : صارت العكس ابن العم يروح للخوال ويسأل
تردون بت عمه لو لا هذا شبي تخبل ؟
قاسم : مو الخوال رجولة و دولة وعلم ويخاف
يتورط وياهم منورة مسك
مسك : الحمدالله محد يريدني ولا اريد احد ولا
اريد فلاح ابو حلك الاعوج
قاسم : متاكدة محد يريدج ؟
مسك : طبعآ!
قاسم : اممم
مسك : شكو شبيك كلامي ماعجبك الظاهر
شلت بطل الماي انطينه اله ...
مسك : هاك اشرب ماريد مايك
اخذه وابتسم بخفه فتحه وشرب ماي شرب كل البطل ورجع شمره من جامة الشبك ورجع صعد الجامة يباوعلي بالمراية اكلني اكل بنظراته تعوذت الشيطان من
نظراته اول مرة اشوفه يباوعلي بهاي الطريقة التخوف. ..
مسك : شبيك تباوع
قاسم : لعد ترديني اسد عيوني واني
اسوق بشارع مليان خلك الله
مسك : عينك على خلق الله مو على بت العالم
قاسم : شنو ؟
مسك : لا تغشمر روحك تعرف نفسك عليمن تباوع
قاسم : غير على الطريق اباوع
مسك : لا علية تباوع من طلعنا من الكلية لحد الآن اكلتني اكل بنظراتك ماتخجل على نفسك تباوع لـ بت عمتك بهاي الطريقة المخزية صدك بلا احلاق طلعت وحالك من حال رائد سلام ابو النسوان كلكم نفس الشي طلعوا مع الأسف
قاسم : دخيلك ياربي مو اللسان رشاشة ويرمي انطي مجال للنفس يدخل براتج بت الاوادم
مسك : ولا كلمة
قاسم : انجبي ام اللسان مو شفتيني خوش ادمي وياج ترفسين بطني ترى اشوفج وجهي الثاني وترفس بمصارينج مصران مصران تنجبين تنجبين
ولما انجبيتي اعرف شلون اسكت هذا اللسان
مسك : شسوي هااا ؟
قاسم : اجويج بالسانج بطريقتي
مسك : ادبسززز
قاسم : مقبولة منج بت العمة
مسك : بلا اخلاق طلعت مع آسف وتضحك على الكل
بوجهك البريى والهادء كلكم نفس الشي وسخين
قذرين الله يلعنكم
قاسم : ولج انجبي ام السان
مسك : أني اعلمك إلا اشكيك الخالي ابو
فياض خل يلوي اذانك
قاسم : علمود اخلي يلوي ايدج بايدي
2
مسك : شنو قصدك ؟
قاسم : باوعيلها عدل وراح تفهميها ..وهاي وصلنا يلا
انزلي صرعتي راسي صرع ام السان
وكف السيارة كدام الباب بدون مايلتفت عليه
هف سويج السيارة بحضني وكال ..
قاسم : خليها بالج مسك ماتصيرين لغيري
4
ونزل بسرعة وسد الباب بقيت مصدومة من كلامه هذا من كل عقله جاي يحجي يريدني اله فزيت على صوت الباب
انفتح وطبع فياض مبتسم بوجهي
فياض : الوو وين صافنة مسك
مسك : هاا
فياض : وين صافنة يلا انزلي
نزلت بسرعة انطيته سويج ... السيارة ودخلت جوه بوجهي للغرفة البنات نايمات جانن اخذت ملابس وفتت للحمام سبحت وطلعت افكر بكلام قاسم الي ؟!
اندك الباب التفتت بسرعة للباب اشوف منو اجه قبل لا انطق انفتح الباب دخل خالي ابو فياض مبتسم الوجه ابتسمت بوجهه بخفة طبك الباب واجه ناحيتي
مسك : هاا خالي ؟
ابو فياض : اجيت احجي وياج بموضوع
مسك : اي تفضلي خالي استريح
ابو فياض : استريحي أنتِ اول
مسك : لا أنت اول استريح خالي استريح
اشرتله يكعد بالكاع بفراشي كعد كعدت مقابيله مبتسمه بخفة مثل ما هو مبتسم مبين فرحان ومادري شنو سر والابتسامة اللحظات قلبي انقبض ماعرف ليش ؟
ابو فياض : قاسم جابج من الكلية
مسك : اي
ابو فياض : قاسم جابج من الكلية
ابو فياض : إن شاء الله ارتاحيتي ويا ومانزعجتي
ابو فياض : مافهمت ارتاحيتي وي قاسم ؟ مثل
ماترتاحين وي مصطفى وفياض ؟
مسك : اي مثلهم خوش ولد وماعنده غير وبعد
ابو فياض : فرحتيني ...
بقيت ساكتة بس ابلع بريجي رجع حجه وياي ...
ابو فياض : عمج اجه هو وابنه فلاح خطابة عليج
مسك : اي وشكتوله ؟
ابو فياض : والله الولد كالوله مسك النه ماننطيها الك
مسك : منو هذولة خالي ؟
ابو فياض : شبيج خفتي ؟ يابة
مسك : كول خالي منو يريدني من خوالي ؟
ابو فياض : رائد ..
6
مسك : رائد ابو النسوان يريدني خالي !
ابو فياض : دخليني اكمل كلامي شبيج يابة
مسك : رائد ابو النسوان يريدني خالي !
مسك : اسفة خالي بس تفاجأت من جبت طاري رائد سلام و
ابو فياض : مو هو يريدج
مسك : لعد منو ؟
ابو فياض : قاسم ابن ابو نزار رايدج
مسك : شنو قاسم يريدني ؟!
ابو فياض : من حسن حظج يابة قاسم يريدج مره اله
مسك : وأني ماريده رجال الي
ابو فياض : شنو هالكلام يابة!
مسك : مثل ماسمعت خالي ماريد قاسم ابن عمي ابو نزار
ابو فياض : ليش شبي بي قصور ؟
مسك : مابي شي الولد بس أني ماريد عسكري اريد مدني
ابو فياض : وشبي العسكري يابة ماتردينه ؟
مسك : مابي شي بس مالي رغبة بالعسكري
ابو فياض : والله يابنيتي تخسرين هالقسمة الزينة وفكري
بيها زين قبل لا ترديلي الجواب النهائي
مسك : بدون تفكير خالي ماريد واحد عسكري
ابو فياض : هذا اخر كلام عندج
مسك : اي خالي
ابو فياض : براحتج يابة
خله وكام مبين منزعج من ردي اله والله هاي العايزة اخذ قويسم رفيچ رائدوه المخبل ابو النسوان علمود
الليل والنهار يكعد يتأمر براسي ...
والله الليل كلها تلوم بي اولهم اهلي ليش ماقبلتي بي الولد خوش ولد وحالته المادية زينة والحمدلله واخلاق عالية ومعدلة وين تاكين رجال كامل مكمل
مثل قاسم ومنا ابن خالج وراح يدللوج ويشيلونج بصلوات أني هذا الكلام مايمشي عندي ماحب قاسم اكرهه على كرهي الرائد سلام لأن نهار كله ويا واكيد يحجي عني
المهم مليت من كلامهم ولومهم الي وطلعت بره كعدت بالمرجوحة اباوع على بيت خالي كلش حلو ومرتب وبناء حديث اتمنى يصير عدنا هيج بيت حلو
بيتنا مشتمل وكلش صغيرون غرفة الامي وابوي وأني واخواني التلاثة نام بالهول لأن المشتمل مابي بس
غرفة نوم وهول ومطبخ
وكلش ضيق أبد مااخذ راحتي وكت الامتحانات اجي لبيت خالي اقرأ وهم ارتاح وهم أخذ راحتي شوي الحياة كلش صعبة ويانه يادوب ابوي كدر يوصلني
بالدراسة أني واخواني ابوي عنده راتب تقاعد مال عامل بالبلدية وراتبه أبد مايكفي كلش قليل
فـ يشتغل سايق تكسي ...
بقيت افكر بكلامهم ترى كلامهم ماله داعي هسة كوه اقبل بي
ماريده مالي نفس اتزوج واحد عسكري اريد مدني واحد ابو شهادة مثلي علمود نكون متساوين بكلشي
المهم اجت سيرين كعدت بصفي بدون مقدمات هالبنية ماحبها أبد واحسها مو راحه أبد وملعبة ومفتحة عيونها على كلشي وكلاشي المهم باوعتلي وابتسمت
سيرين : يكولون متردين قاسمنا
مسك : اي
سيرين : شعجب !
مسك : اريد واحد مدني وابو شهادة مثلي
سيرين : والمدني ابو شهادة قابل احسن من قاسم
ابو شهادة عسكرية ؟!
مسك : هسة شنو جاي تحاسبيني !
سيرين : لا بس اكلج ماكو رجال احسن من قاسم افتهمتي لو لا واللي تكولين ابو شهادة المدنية احسن منه لاحبيبتي اصلا اللي بالج مايوصل الظفر صبع رجله الصغيرون
ولا عبالج كاتل نفسه عليج لاا .. اصلا هو مجبور عليج لأن اهله وخالي لحو عليه افتهمتي ... هه لا تنسين
نفسج أنتِ بت منو ...
اكلتني حاصل فاصل وخلت ومشت وأني بقيت فاكه حلكي واباوعلها مصدومة من دفاعها القوي القاسم لا والحلو
تكوله قاسمنا تهي بهي مبينه هاي العاشقة
المخفية القاسم ...
مرت الايام وسدوا سيرة سالفة خطوبتي من قاسم صرت اطلع بره رائد مايحجي وياي بس يخزر بي من وده يجي يطيح حظي وأني بالعناد اكعد بالباب
قاسم يجي يكعد يمه بالباب ويباوعلي بنظرات عميقة من اشوفه يباوعلي بهالنظرات واتذكر كلامه الي ماصير الغيره اخلي واكوم ادخل جوه نظراته مو
مثل نظرات رائد الي نظرات رائد الي نظرات باردة كلش وعادية مو مثل نظراته عميقة وتحسي
يريد ياكلج بنظراته هاي ...
قاسم ،كاعد يم رائد باب بيت عمي ابو صدام وباوع على بيت عمي ابو فياض مسك كاعدة بالباب هي وجهال فياض بالعناد وتباوعلنه عبالك تتحدانه ورائد مايكدر
يحجي وياها لأن اكل رزالة من عمي وكاله ماعليك بيها وماله سلطة عليها عدها اهل واني مسؤول عليها وعادي عندي تكعد بالباب هي والجهال ومالك دخل بيها
بس اشوفك محاجيها ماتلوم إلا نفسك ، عاد جاز منها ومن رفضتني كرهه لها زاد صار يكرهها قاطات قاطات
ومن وده يكوم يطيح حظها ...
رائد : شوفها للبربوك جاي تتحده اسيادها بت الفگر
قاسم : رائدنا ابوس ايدك عوفها تولي
رائد : ماكدر ولك من رفضتك لليوم انام وافز من الصدمة هاي بت الفكر بت ابو السايبة ترفضك وتكول ماريد عسكري واريد مدني شلون ولك ترفض كل هاي الرجولة
جاوبتي شلون ؟!
قاسم : عادي هذا قرارها و...
رائد : انجب غشمر ... شلون تقبلها على نفسك ترفضك بت الفگر ابو السايبة وتكول ماريد العسكري واريد مدني ابو شهادة ولك هاي اهانة الك والكل واحد عسكري
افتهمت لو لا ..
قاسم : ترى مو ..
رائد : لا ترى ولا شي ركز وياي قصدها احنا العسكريين غير صالحين للزواج والصالح للزواج عدها هو المدني ابو شهادة ونايم بالمكتب مالته وجوه راسه المدوحس تبريد يبرد بي واحنا نايمين بنص الحار والظيم ..ولك
هاي جاي تشوفنه مثل الحيوانات نايمين بنص البر
والحر والبرد وتتنكس من عدنا
قاسم : رائد شبيك ترى البنية مكالت هيج كالت ماريد عسكري مكالت كل هذا الكلام وانت صرت تألف من يمك بعصبية علمود رفضتني هسة لمونه رفضتني
ألف وحدة غيرها موجودة وتقبل بي لا تكبر
السالفة وتكبر رأسها المربع
رائد : اقسم بالله هيج تشوفنه وأني اعلمها الا اخليها تجيك تتوسك تقبل بيها فلا اطلع رائد سلام الساقط ابو النسوان
على كولتهم بسيطة بت ابو السايبة
ألف وحدة غيرها موجودة وتقبل بي لا تكبر
السالفة وتكبر رأسها المربع
قاسم : رائد
رائد : حركت دمي البربوك ام زلوف
قاسم : بربوك ام الزلوف ؟
رائد : حركت دمي البربوك ام زلوف
رائد : اي بربوك ام زلوف مزلفة من جوه الحجاب علمود
تغري الزلم المثالك مو امثالي طبعاً
قاسم : امثالك ماتغريهم غير ام ساندي
رائد : النفس والرية ام ساندي
قاسم : هه
رائد : باوع الچلبة المزلفة طبت جوه
قاسم : هه
قاسم : نوب صارت چلبة مزلفة هههه
رائد : اي هواي الالقاب ادكلها منا وجاي
قاسم :دخيل الله منك ومن القابك
رائد : بلا اسود هههه يلا امشي خل نروح نفتر هنا وهنا
قاسم : يلا
رائد : لحظة لحظة چلبة المزلفة رجعت خل ارجعها هههه
قاسم : ولك لا ترمي بيت عمي عيب رائد ..
رائد : هاون انباري من ايد الملازم رائد سلام
يرحب بالبربوك المزلفة ههههه
شال جلمودة بايده وشمرها على باب بيت عمي صارت دويه عالية فزينة اثنينه من سمعته صوت عمي ابو فياض يغلط ويسب باللي ضرب الباب بالجلمودة
6
ابو فياض: يا كلب ابن الكلب رجم الباب
رائد : افلت قويسم ولك افلت ...
فلت رائد ركض واني وراه ركض عدل للشارع العام ختفينه من الوجود رائد يركض ويضحك وأني اضحك ويا على عملته هاي هاي عملة زعاطيط مو رجال جبير مثله
وكفنه نضحك...
رائد : للأسف الضربه غير موفقة جانت وماجت بالهدف
قاسم : جان كسرت عمي
رائد : جان شخلصنا .. ام ساندي وكح.. ماتخلصنا منه هههه
قاسم : هههههه
رائد :وعلي راح يوكف قلبي من الضحك ههههه
قاسم : خطية عمي اكلها بدل المزلفة ههههه
رائد : حرامات طلع عمي ماطلعت الچلبة المزلفة ههههه
قاسم : اي والله حرامات هههه
رائد : يلا امشي نشتري جبس ليز بهاي المناسبة هههه
قاسم : على حسابك
رائد : صار تدلل قويسم هههه
رحنا اشترينا جبس وشرابت ورائد اشتره الجهال اخوانه حلويات وأني هم اخذت حلويات على حسابه الجهال
اخواني رجعنا للبيت مرت الايام
ورائد لحد الان متحلف بمسك وهي صارلها فترة طويلة مجاية بيت عمي وسمعت ابن عمها فلاح يريدها وهي
ماتريده وناهي عليها هسة ومايخليها تزوج
اتصلت برائد ...
رائد : اييي حيل وابو زايد بيها خل تاكلها مراح تزوج أبد
بعد مارفضتك لو تزوج فليح الوسخ لو ماتزوج
طول عمرها ههههه
قاسم : حرام عليك تشمت بت الناس
رائد : انجب قويسم المفروض هسة الكاك فرحان هذا انتقام بعد مارفضتك هههه مراح تزوج المدني ابو شهادة فليح ابو الوسخ اللي ماعنده شهادة أول ابتدائي
كعدتها للأبد هههههه
قاسم : حرام اللي يسوي هي كوه البنية ماتريده ولا
تريدني وعيب عليكم تشمتون بيها
رائد : اوف منك ابو قلب الطيب شوكت يصير
قلبك وسخ مثل قلبي شوكت
قاسم : بحلامك الوردية
رائد : أصلا غاسل ايديه منك ..يلا ولي عندي طلعة
قاسم : الله وياك
نهيت الاتصال ويا وكعدت مرت الايام بسرعة والتحقنا للدوام وراها استلمنا رواتب ونزلنا سلمت راتبي الامي واتصلت برائد كالي طالع البيت ام ساندي اكضي وكت
وي ميس حبيبه قلبي كالعادة استلم الراتب منا طفر الكح... منا ومايرجع إلا صارف الراتب كله على سوالف محرمه وحرام يسويها بس شيفيد الكلام ويا ؟
إنسان قذر يمشي وره رغباته وشهواته بالحياة ...
وره يومين جنت نايم العصر بالغرفة وحسيت شخص كاعد بصفي وجاي يلعب بخصلات شعري و يمرر اصابيعه بشعري تروح وترجع اصابيعه هنا تخبلت
محد يسويلي هذا
الشي منو هذا الشخص راسن فتحت عيوني وكضيت ايده وسحبته جواي والصدمة لي سيرين راسن عاطت اااه وي عيطتها سديت حلكها بإيدي
خزرتها وحجيت من بين سنوني بحدة ...
شسوين جايه لعندي ؟!
سحبت ايدي بسرعة نزلت من فوكها متعصب كلش لو بايدي هسه افتح البلكونة واشمرها وانعل ابو الي طلع وراها
كعدت بسرعة تعدل بملابسها
رجعت باوعتلها بحدة ...
الف مرة كلتلج جوزي مني لا تقتربين
شعندج جايه للغرفة؟!
سيرين : قاسم احبك ليش ماتفهم
قاسم : طلعي بره لو بالقرأن انزل اشهرج يم اهلج شهيرة واكوللهم بتكم تتحرش بي اطلعي برررره
سيرين : انتظ....
قاسم : برررره ادبسزز برررره
عيونها نترسن دموع طلعت بره الغرفة تركض متتت من الخوف والقلق ذبحني لو شايفني احد من اخواني لو ابوي لو امي لو اهلها هي عندي بالغرفة شجان شحجوا
17
وشكالوا جان ذبوها براسي ورطوني بيها .
رحت للحمام غسلت وجي ... باوع لوجي بالمراية مخطوف لونه عيوني حمرة منوراها اخذت المنشفة نشفت وجي وطلعت كعدت فوك الجرباية شعلت جكارة
4
اريد ابرد نار قلبي بالجكارة فزيت على دكه التلفون
كمت باوعت للشاشة المتصل رائد فتحت
خط والميكرفون
عيونها نترسن دموع طلعت بره الغرفة تركض متتت من الخوف والقلق ذبحني لو شايفني احد من اخواني لو ابوي لو امي لو اهلها هي عندي بالغرفة شجان شحجوا
#يتبع ...
اهمشي تفاعلكم بالقصة اريد الكل تتفاعل وتقدر تعبي وكل شخص يعلق 5 تعليقات حلوة ويخلي لايك علمود يصير
عندي واهس وانزل البارت ال3 بسرعة .
بقلمي انا الكاتبة #رواء_هادي
تابعوا حسابي على الانستغرامroyan4h@
لاتنسون تعلقون بين الفقرات وتخلون لايك قبل القراءة تشجيع لي من أجل الاستمرار ...
قراءة ممتعة للجميع.
نبدأ باول شخصية بالقصة هي شخصية رائد سلام قبل جنت منزله صور ولد يشبهه بس للأسف صارت مشاكل والولد مايقبل احد يستخدم صورة الشخصية لذلك اطريت وحذفت الصورة ورجعت دورت على شبيه ثاني اله ولحسن حظي لكيت شبيه يشبهه أكثر من هذاك بهواي هذا الشبيه نسخته الثانية بس هذا بشرته بيضه اما رائدنا بشرته حنطيه 

هذا الشخص نسخة من قاسم من ناحية الطول
والضخامة وشكل الوجه وسمار البشرة

مسك هالبنية هواي هواي تنطيها ملامح من ناحية البراءة والابتسامة واهمشي ماننسى الزلوف على كوله
رائدنا المزلفة هههههه

وهالبنيوتة تشبه زينب ام الكوريين
وهذا الولد يشبه مصطفى ابن عمة رائد
وهذا الضابط يشبه محمد أخو قاسم
وهذا الضابط يشبه عمر صديق محمد اله دور بالقصة
ونجي على سيرين هاي البنية تشببها هواي لاسيرين وحتى طريقة لبس الحجاب تلبسها بهاي الطريقة
ونجي اللي كل ساع كايله المسك اخذوني الرائدكم هههه ريتاج شكلها كلش بريئ وهادئ لكن عكس
اطباعها خبيثة تشبه هاي البنية
ونختم وياكم بابرز شخصية بالقصة اللي خلت لابو ولابن يعشقونها مو شلون مجان أقدم لكم
" ام سعودي الوردة 
