رواية عشق اهل الانبار الفصل التاسع والعشرين 29 بقلم رواء هادي
من قريت الرسالة كعدت على طرف الجرباية مصدومة من رده بس لا بالحظة غضب مني نهت كلشي بيناتنه وراح يدمر أهلي تشجعت للحظات ومسحت دموعي بإيدي
بسرعة ورديت...
والله مو بقصدي صارت بالحظة غضب وأنت هم مدري اشلونك اتصل ماترد على الرسائل لرسلها لك
عبالك متعمد تجاهلني
1
(i)
_ تريدين ننهي كلشي بيناتنه ؟
_ ليش هيج تحجي رائد ؟!
_هذا الحجي منكم أنتو ومنج أنتِ مو مني طلع أنتِ
تخليتي عنه من أول مشكلة صارت
_ماتخليت
_تخليتي ادزلج الرسالة
_من حقي ترى اتعصب واحظرك خلي روحك بمكاني لو اني هيج مسويه وياك مو جان اجيت للحلة
وبوسط بيتي الكاك
_أني احبج
_وأني هم احبك
_اوووف وأخيراً كالتها مشتاقلج ام الصخول
بكد عرايكي وي أهلج
_ شوكت تبطلون عرايك ؟
_من ينطوني ياج ابطل عرايك
_رائد عليك الله لا تاخذ فصل من أهلي والله ماعدهم ولحد الآن مطلوبين دين على البيت لكاعدين بي
مارد اتصل رفعت خط ...
الووو
_هلاوات يروحي والله افهمج ومقدر ظروفج وظروف أهلج بس اخوج مؤمن حشاج واحد چلب طابك وي عمج عبالك
مو عمه اخو ابوه عبالك اخوه ابن امه وابوه
ويدافعله بكرون من حديد .
_أعرف والله هسه ندمان بكد شعر راسه
_خلي الندم يفيده
_رائد عوفك منه ومن زيد وعمي وفض الشغلة بدون
افصول لو محاكم فدوة رحت لطولك
رائد لا تاخذ فصل
_ تدرين خوش فصل بيهم ههههه
_رائد ماعدنا تفهم شنو ماعدنا
_انتو شعليكم مؤمن وعمج ابو الدجاج يدفع الفصل وخل العشيرة تلمله جزء من الفصل شنو الشغلة هيته يهدد
ويتهمون بالقتل ويحجي على العشيرة
_أعرف موهيته غلطة وصارت شنسوي بعد وعمي خطية هواي تضرر خسر ملايين بعد مامات كل
دجاج الحقل .
_هاي حوبتي الله طلعها بي
_لا والله حوبتي أني
_مافهمت شلون حوبتج ؟
_راح احجيلك كل السالفة رائد بس لا تتعصب وتكب بوجي
_ماشي احجي ؟
حجيت السالفة كلها شلون أهلي جبروني اتزوج زيد وجان الزواج عباره عن مصلحة كل هم عمي من هذا الزواج قطعة الأرض اللي بصف الحقل مالته
1
وحجيتله امي تدري بعلاقتي وياك كلشي حجيته اله تعصب ورزلني رزاله تامة وكال اول مرة واخر مرة تظمين علية سالفة شيصير وياج توصلي الي بحرف الواحد
_تمام
_يلا أني رايح بعدين احجي وياج
_قبل لا تروح تأخذون فصل لو تشتكون ؟
_مالج دخل زينب خلي الامور تمشي مثل مامخطط أني
_شمخطط أنت؟
_ماعليج عليج بالصافي أنتِ يلا حبي باي امممح وهاي بوسه خليها على الشفايف لان مشتاقلج يول مشتاقلج شوكت تجين عندي واطلع قهر هالسنين والعرايك كلها بيج ههههه
_تتحلف ؟
_اييي يلا باي
نهى الاتصال فزيت سمعت صوت أمي تدك بالباب متعصبه رأسن ضميت التلفون جوه دوشك الجرباية خايفة منها كلش رحت فتحت الباب دخلت تغزر بي
_سدي الباب ام المشاكل والفصول
سديت الباب ...
أني شعلي ؟
_اييي يلا باي
_كله من وره راسج لما أنتِ وافتولج مجان تجرأ واجه يخطب وراحوا عمامج واخوج تعاركوا ويا
_والله عمامي ناس همج وطماعة واخوي كذلك واحد طماع فكر بس بنفسه مافكر بي أني اخته
_والج صوت و تحجين بعد اللي سويتي
_وأني سويت فهميني ؟
_كبلتي وي رجال غريب
_ والرجال الغريب ماسوه شي لي ولا شوه سمعتي
بالعكس اجه وخطب من الباب
_لتردين من احجي وياج حيوانة
_ كافي كرهتيني بروحي صارلي سنوات اسمع كلامج
مافديوم من الايام سمعتي كلامي وحسيتي بي
شلتيني وشمرتيني بحضن زيد علمود اخوي مؤمن يتهنى بالفلوس هو وزوجته واطفاله وأني بالضيم مشمورة وفوك مرة وجهال انتي هم ام حاسبة نفسج
بس فهميني هم أم
حرامات الكاع اخذت ابوي وخلتني جوه رحمتج
ورحمه اخوي مؤمن حرامات
_ترديني اموت ؟!
_أنتِ عايشة بس علمود الولد مو علمودنا احنا البنات
لو ميته وره ابوي ولا هالهانة والذل منج
أنتِ امي واخوي مؤمن .
_وج لو ساحكتج السيارة بدل ابوج ولاهاي عملتج
القذرة وي ابن الغربية
4
_وليسمع زنيت وي ابن الغربية شسويت أني فهميني شسويت
تعصبت وجابتني براشدي فرت وجي فر بي...
اكسر راسج افتهمتي لا تخليني اطلع وافضحج كدام اخوانج الله لا ينطيج الصحة والعافية دمرتيني بعملتج هاي ماجنت متوقعة راح تخابرين وتراسلين رجال غريب من ورة
ظهري ليش هيج سويتي ليش ؟! !!
كعدت بالكاع تبجي لازمة خدي وابجي حقها أمي تتعصب ... وتضوج لان خابرت ولد وسويت وحبيته كل ام ماتقبلها على بتها هيج تسوي أعترف بنفسي غلطانة بس
والله مو بإيدي حبيته
نزلت لعدها ...
يمة والله مو قصدي احجي عليج يمة حسي بي جاي اموت أني والله دا أموت ومحد بيكم يحس بي ويشوف حالي ادري بروحي غلطت من حبيت رائد والقران الكريم ماجانت
نيتي أحبه من تواصلت ويا كل همي ابعده عنكم
_وينج بعدي اشو رديتي زينب اخوانج
راح يضيعون منوراج
_ مؤمن لراح يضيع اخواني منورة طمعة
وجشعة أني شلي دخل
_كله من وراج لما مامنطيته عين مجان اجه وخطب
_اشو قبل مامنطيته عين وجنت اني أرفض ماكطع نفسه مطيه مامطيته عين نفس الشي يمة
_إنتهينا بعدك ياعلي إنتهينا ااااه لو ميته وياك ولا هذا القهر والضيم راح يموتوني خلفتك علي ااااه راح
ايموتونيييي .
صارت تلطم على صدرها وجهها كل قوتها لزمت ايديها وابجي وياها احنا اولادها راح نموتها حضنتها وابجي وياها ساعة زمان هدت ونامت بفراشي اباوعلها وجها كله
خراميش حمرة من ضرب على جها شبعت قهر عليها ليش هيج سويت بأمي ليش حجيت وياها بقسوة حقها ماتقبل
اسوي علاقة وي رجال غريب .
جريت التلفون من جوه الدوشك واتصلت برائد جاوب بسرعة .. رائد بس تاخذ فصل لو تشتكي على أخواني
وبيت عمي بالقرأن أحرك روحي
_زينب شبيج تخبلتي ؟
_اي تخبلت بعد ماشفت أمي حالتها حاله صايرة كله
بسببي دخلت أنت الحياتنة وراح تدمرها
_زينب اهدي واسمعي مني
_ماريد اسمع شي لو فصل لو موتي أختار واحد منهم
_زينب لااا طلعيني عن طوري
ماحسيت الا التلفون .... انجر من ايدي وركعت راشدي قوي من أمي فرت وجي فر فصلت الخط وشمرت التلفون بالكاع كل قوتها وتستلمتني دك رزايل وشتايم وغلط ماخلت
وكتلتني كتله معدلة أول مرة بحياتي اكل .......هيج كتله من أمي وهددتني بس أتواصل وي مرت اللخ راح توصل كلشي لأخواني صرت هسه بنظر أمي وحدة مو شريفة
وعاق عليها بس ردت أفهمها أتصلت بي علمود ماياخذ فصلت دفعتني من جلبت بيها .. هدفه الفصل مو أنتِ وج عوبة هذا يضحك عليج عوووبة وين اوديج وييين
نزلتي رأسي بالطين بهاي عملتج تفووو لو ميته ولا هاي عملتج زينب كسرتي بي كسرتي
( 2 )
طلعت وعافتني ابجي ... بهذيج لحظة كل الدنيا طلعت من اعيوني وتمنيت الموت انهاريت تمامآ اجت مرت أخوي فاطمة حجت وياي بالكوه كومتني اخذتني للحمام سبحتني غصب
عني شافني اخوي من طالعة من الحمام تخبل ..
منو وياج ؟
ماحجيت رد فاطمة ...
مقهورة لان منوراها هيج صارت ويانة
_وهي شعليها الصوج صوج مؤمن وعمي وزيد محد اله دخل كافي تعذبين بروحج يابة كافي تعبت قدروا تعبي
راح للغرفة الثاني دخلتني فاطمة وراحت للتلفون شالته ...
الشاشة ضد الكسر قادية ملح مابي
شي التلفون
_كرهت كلشي فاطمة
_كولي يالله زينب شبيج يأستي من رحمة الله وماعليج من عمتي هسه أنزل واحجي وياها يلا تعاي مشطي ونامي لما اشوف ابو مصطفى خطية دايخ بالشغلة
طلعت كعدت بالكاع امشط ودموعي تنزل فزيت على صوت أمي من عتبه الباب ...
_بس تفض السالفة الا اكسر اركبتج
مارديت اباوعلها والمشط بعده واكف بخصلات شعري ...
لما انطيتج الزيد فلا اطلع بت أمي وأبوي
2
هم مارديت عليها جريت المشط من شعري ......انهاريت تمامآ كمت باوعتلها ودموع تنزل تفلت بنص وجي وطلعت رحت سديت الباب وكعت وراه حاضنه روحي وابجي
كرهت نفسي وكرهت حبي الرائد وكلشي جان حلو كرهته من وره معامله أمي السيئة لي ، أدري بروحي غلطت من خابرت رائد وحبيته بس مو مال هيج تعاقبني
عبالك بت عدوتها مو بتها الصغيرونة .
نفس الحالة حالتي زادت سوء بس ابجي وافكار تجي بالي انتحر واخلص من كلشي حتى اكل مااكل كطعت بس اسمع اعياط وصياح بالبيت اخواتي اجني تعاركت وي أمي
أمي مطردتهن من .....البيت أمي عدها كل البنات بجهة وكل ولد من ولدها بجهة روحها من الدنيا أولادها ثاني يوم جابتلي الريوك فاطمة بالغرفة غصب عني اكلت لافتين
مقهورة كلش لو ادري هيج راح انذل وهيج تصير الأمور مقعدة فلا حبيت رائد ولا تواصلت ويا بعمري شجاني وحبيته مو كرهته قبل شجاني ورطت نفسي
وعائلتي بالمشاكل الظهر ملتمين خوالي وعمامي كلها
بيتنا بالصدفة رحت للحمام سمعت عمي
ابو مختار كال ...
_ويخوفوني بالفصل باجر من الصبح ابيع
بيت وقطعة أرض وادفع الفصل
زيد : عبالهم احنا جبناء وراح نخاف من سالفة
الفصل شكد مايردون ندفع
عمي ابو مختار : حدي لل١٥٠ مليون وياهم وان رادوا اكثر تعينوني ولا نقبل بالإهانة والذل من السنه
يردون عمامي ...
اي مانقبل بالإهانة مبينين يدورون فلوس ننطيهم
فلوس ونسد حلوكهم الجايفة .
من سمعت هذا الكلام إيست من كلشي خلص راح اخذ زيد فوك مرته ماقبلت بي من جان بطرك روحة هسه
راح اقبل بي غصب عن خشمي
ضاربتها كورونا هي ...وزوجها جابوا جهالها لعدنا شبعت بجي عليها راح تموت أختي أمي موتت روحها عليها ولا جن البارحة طردتها هي واخواتي انوب بكنه طن
هوى هي جانت عدنا
البارحة بالبيت كلها صارت تخاف واختي وزوجها بالمستشفى بالحجر الصحي عاد نزلت علمود جهال أختي منو الهم البنات تلاثه اكبر بس الولد صغار الصغيرون عمره سنتين
هذا يريد مداراه أخذته عندي للغرفة هو وأخواته ولولد الجبير شمرته على أمي خل هي تعتني بي اريدها بس فالحه
تخلق المشاكل وعذاب بناتها .
مروا يومين نفس الشي شيخ العشيرة .... رائد معندي مايريد فصل مبطل كايل راح نشتكي عليهم ونأخذ حقنا بالقانون والله العظيم فرحت من كل قلبي ومشمته
بأخوي وبيت عمي .
جانوا متفقين بس يدفعون الفصل يزوجوني الزيد عود يسوون كسره خشم الرائد بزواجي سبحت ابن أختي وبدلتله وكعدت فوك الجرباية امشطله شعراته الحلوات
دخلت أمي مثل البركان الهايج ...
أجيت اباركلج راح تروح الزلم من وراج
التفتت عليها ...
تروح الزلم من ايدها اني شكووو ودخليني بالنص
_دابسززز منو علمج تصيحين بوجي
_ من وراج صرت ارفع صوتي واقلل من احترامج كافي
جوزي مني اني شلي غرض بيهم طبهم طب
دخلوا السجن ولمادخلوا
_تريدين اخوج يدخل السجن
_يكول شجاج ياروحي من ايدي من ايده والله
_وج أنتِ شنو بس فهميني شنو من بنية شنو ؟
_وأنتو شنو من بشر بس فهموني مخططين بس تفض
الشغلة تنطوني الزيد لا تحلمين اخذ زيد
_ولا تحلمين تاخذين ابن الغربية انطيج الزيد يعني الزيد
_لا ابن الغربية ولا ابن عمي اخذ تراب المقبرة
_راح اجي اكسر راسج بت الكلب انجلبتي أريد
دخل أخوي ابو مصطفى ...
وتالي يمة مانخلص من مشاكلج دعوفي
البنية شلها غرض بيهم
_من وراها ؟
_هي شعليها مالزمت ايديهم ودكت عليها وكالتلهم روحي هددوا ابن العالم بالقصف والقتل وتهام باطل ترى حقه الرجال يشتكي عليهم يخاف على نفسه وأهله
هو ضابط مو شلون مجان واهله كلها ضباط يجي تهديد من عدنا وسوها غير عالم وقصفوهم عليمن راح يوكع الوم
جاوبي عليمن مو علينا احنا .
_هو رادها من الله
_هو شنو رادها حقه الرجال والله وانعل امه وابوه لمايكول مو حقه لو اني بمكانه اسوي الزود... وكافي كلما صارت شغلة جديدة اجيتي على المكرودة زينب .
ضرب وهانة ورزايل حسي بيها هاي بتج من دمج واحمج وأمانه من ابوي الله يرحمه عندج وشيصير بمؤمن حيل وابو زايد بي شكد حجيت واكلت تبن ماسمع
مني خل عمه يفيده..
فصل من الجيش حكم شكم سنة .... وهاي
إذا مالبسوا براسهم تهمة إرهاب
لطمت على صدرها كل حيلها ...
عززززة ابو مصطفى راح يروح وليدي
_طبه مرض حجيت واكلت تبن كلتله ابوي كال انطوها المره خل ننطيها اله ونجفي الشر ماقبل
وصارلي رجال برأسي
_وج والله لو بيدي اكطعج تكطع بربوك
_دكاااافي عووووفي زينب بحالها مالج غرض بيها من
اليوم وماتوصلين غرفتها يلا برره يمة بررره
_تطردني علمودها
_اي اطردج لان مسختيها وسويتيها بدون ملح روحي
احجي على مؤمن مو على هاي المكرودة .
_أني اعلمج
2
خلت وطلعت وأني دموع عشرة على عشرة طلع أخوي وراها كبت العيطة بيناتهم ابن أختي يباوعلي
وصار يمسح بدموعي
حضنته قوي ...
مابي شي
_اويش تبجين ؟
_عيوني يوجعوني ههههه
_اجيبلج دوه ؟
_أنت دوه حبيبي ههههه اممممح حبيبي
أنت روحي أنت قلبي أنت
_احبش تومه
_واني هم أحبك كومااات
بقيت ابوس بي واضحك ويا ودموع تنزل وي ضحكاتي ماريد ابين كدامة مقهورة وابجي وهو كل ساعة يسئل على امه وأبوه تمنيت كورونا بي أني ولا بأمه المسكينة
نزلت للغدة امي ماتقبل تأكل زعلانة من أخوي أخوي يباوع عليه بحزن اشر لمرته فاطمة تعاي راحتله شوي
ورجعت تأكل ويانه
للعصر اخذت الجهال وطلعت بره بالبستان خطيه يغيرون أجواء اجت فاطمة اكعدت بصفي تحجي وياي بخصوص
تطورات السالفة ويه بيت أهل
رائد ...
_باجر ابو مصطفى والشيخ يرحون لبيت
ابو صدام علمود المشكلة
_ان شاءالله تنحل
_ان شاءالله يسمعون هالمرة يكولون ابنهم معند
هو والشيخ يردون يشتكون
_رائد عناد ومستحيل يتنازل عن عنادة بدون مقابل
_تعرفي أنتِ أكثر مني روحي احجي ويا
بالكت الله يسمع منج ويتنازل
_مراح يسمع اعرفه
_شلون لعد نبقى هيج مثل الحية المكتولة على النص ؟
_اي نبقى نتعذب لما تفرج ويانه
وراها سألتها على أختي شلون ..... صارت كالت زينة هي ورجلها ان شاءالله بعد عشرة أيام يطلعون من
الحجر الصحي .
رائد" اتصل واحد من الشيوخ وكال يكولون نفصل وشكد مايردون ننطيهم ضحكت وكلت ماكو فصل مانريد نريد نشتكي الشيخ حاول يقنعني الفصل
أحسن اذا تشتكي مراح تقبض
شي كتله أني ماعايز فلوس واذا يردون فلوس اغركهم افلوس اريد اخذ حقي شلون يتجرأون ويهددون بالقصف ويتهموني باطل السجن أنسب الهمكل ساعة تلفون شكل واتصل لأبوي ولعمي والشيخ العشيرة العام يتصل بي كتله
على قراري لو ينطوني زينب لو اشتكي عليهم بعد يومين .
انطيت علم لاهلي وعمامي فصل ماريد أريد زينب بدل الفصل تعارك وياي ابوي وعمي كالوا تريد تأخذ البنية فصلية كتلهم لا مو فصلية اريدها تكون صله الصلح بيناتنه
وأني هدفي هو امسح كرامتهم بالتراب وأخذ زينب رغم على خشوم الكل تعتركوا وياي ماقبلوا كالوا هذا استغلال تدخلت أمي وقاسم ومحمد واخوي صدام يعرف بي مريض
نفسي أمي كايلتله قبل أيام قنعوا أبوي ... وعمي الظهر اجه أتصال لأبوي من الشيخ راح يجي أخوها والشيخ العشيرة العام علينا علمود الشغلة والشيخ مالتنه
كال اطلب ايد البنية
منهم علمود من مايقبلون أنتو رأسن قيموا
عليهم دعوة بالمحكمة .
وأني باجر ملتحق للجيش طلبت ... من عمي اجازة كال ماكو اجازة تروح وتنحل الأمور بعيد عنك الصبح أخذت محمد ورحت للفوج عمي مااجه علمود الكعدة
كال ورة الظهر اجي .
اتصلت بأمي اريد اعرف اجوي لا ...
اي يمة اجوي
كال ورة الظهر اجي .
_عدنا عد بيت عمي ؟
_عدنا اجوي
_زين شيصير وياج انقلي لي بسرعة
_ان شاءالله
فصلت الخط انتظر ....مرت ساعة وامي ماكو بزعت روحي أتصلت بأخوي صدام انطاني رفض دزيت رسالة ...
احجي شصار وياكم ؟
دزلي رسالة ...
بعد
_صارلكم ساعة وتكول بعد ؟
_هاي كعدة مو لعب جهال وهم بادعين البدايع
ترى خلي عندك شوي صبر
_صبري خلص بعد ماعندي دفضوها عاد شتنتظرون
_ فتح الموضوع الشيخ
_يالله بشر ؟
_خرررب ولك انتظر شبيك مابيك حيل تكرصه
_بعده
_هو شنو بعده ؟
_شبيك فتح موضوع سبب العركة موضوع طلب ايد زينب
_وهاي يحتاجلها ساعة ثانية مو
_اي يلا ولي كرمعت راسي
_بسرعة دزلي التطورات
_اوووف .
اجه محمد كعد بصفي يجر جكاير وحدة ورة الثانية...
متعارك وي مرتك ؟ منو الكتل انت لو هي
_طبعآ أني
_عليش تعاركت ؟
_كتلها نيمي الجهال من وكت أريد من أرجع انام بسرعة وراي دوام هي لا منومتهم اجيت عالساعة بال١٠ ونص لكيت الجهال عياط وصياح بالغرفة لزمت الجهال كتلتهم وامهم هم
وطردتهم خارج الغرفة
_بارك الله فيك والله يكثر من أمثالك
_شبيك ؟
_صايرة دايرة هاي تكتل المرة والجهال علمود والله حظره جنابك القندرة تجي ترتاح وانت تتدور
موت طالع دايح
_صاير خير برأسي ابو البلاوي
_ابو البلاوي ولا عار يضرب المرة علمود الجهال
مانايمة والله شنو انت احسن منهم
5
_طبعآ
_اي مو نعال مال لاستيك فوك راسك احسن منهم
_لا تغلط
_واكسر راسك هم افتهمت لو لا
_لا تشوف نفسك اضخم مني ع....
_اشش كلمة ماريد منك ابو الراحة بس تنطق اجيبك
بدفرة واكسر اضلوعك ضلع ضلع
_من تزوج راح تعرف معاناتي
_ يعني شنو معاناتك أريد المرأة هم عدها معاندات معاناتها اكثر من عندك كومة جهال بركبتها وكلهم محبوسين بغرفة وحدة وامك الضباط تكفي وتوفي بسوالفها
تريد راحة روح اعزل بيت الوحدك وخلي الجهال
بغرفة وانت ومرتك بغرفة اشبع راحة
_أمي ماتقبل
_من امداك امي ماتقبل وامك شعليها بيك أريد شنو انت جاهل امك تاخذ عنك القرارات انتو شايفين بيتكم شلونه عبارة عن كومه زنابير فوك كورة زنبور صغيرة انعل ابو الفلوس
لماتنفع أهلها .
_هذا الحجي احجي كدام امي مو كدامي
_ من عمت عينكم كلكم إلى متى تبقون عارات وتسمعون كلام أمكم امي اسمع كلامها بشغلت لبيها فائدة مو شغلات
طايح حظها مو حال هاي كلكم
بيت واحد وكلها عدها فوج كامل مال جهال بس أنت عنده أربعة وان شاءالله بعد جم يوم نسمع بالخامس بالطريق
وين توديهم ماتحجي شبيك تصفن
_شحجي
_دكوم من يمي صارلي ساعة احجي وي
مطي مو وي رجال كوووم
_دولي
_ دولي ابو حلك العوج بس نادر على بت الناس يدك بيها الليل والنهار مابي حيل يوكف كدام امه ويكوللها اريد
اعزل بيت الوحدي
_احنا ماعدنا احد والبيت لكاعدين بي باسمي أني بيتي
وكاعد وي امي وابوي مو مثلك أنت
فوووج كامل بيت واحد .
_ليش مو يمك فروحة وفاضل ؟
_ بس اتزوج فاضل يرجع يم ابوه اما
فروحة تبقى عدنا بالبيت
_تريد راحة لمرتك ؟
_طبعآ رايدلها راحتها خوما اجيبها واحكرها بغرفة صغيرونه واخليها مجفنه بالحجاب اربعة وعشرون ساعة المرة بيت زوجها ماترتاح لعد بيت منو ترتاح جاوب
3
_والله ياريت تحجي هذا الحجي يم أمي من نرجع
_أني شعلي امك لو أمي أنت روح احجي
وياها وكوللها اريد اعزل
_علمود تشيل صينية الاكل وتركعها برأسي
_مو الهل درجة
_وأكثر ماتعرف أمي شنو ومن النوع واللي تتخبل لو واحد بينه جاب سيرة العزال خوب كلها عدها ابيوت وأني من الناس عندي بيت بس ماتقبل اعزل مليت رائد مليت والله
اريدلي راحة مادا الكه .
_الله يكون بعونك
رن تلفوني شفت المتصل صدام رأسن فتحت خط ...
بشر صدام ؟
_ كاللهم الشيخ وكالوا نرجع وندانش وي الاهل
والعمام ونردلك الجواب
_ماردوا الجواب بسرعة
_شلون يردون الجواب من عدهم مايصير غير
سألون العمام والشيوخ والبنية وامها
_البنية قابله وامها كذالك
_هسه انت متوازي كال للشيخ شيخهم
اردلك الجواب باجر الصبح
_ننتظر للصبح ؟
_اي انتظر وان شاءالله خير
_ان شاءالله.
فصلت الخط ...
هاا بشر ؟
_باجر الصبح يرد الجواب شيخهم لشيخنا
_ان شاءالله وإذا ماانطوها من الصبح اخلي السيارات تطبك باب البيت ومن ايد ورجل بالبدي اشمرهم
_وأني لاشمرهم الك هههه
_أعرف بيك ماتقصر .
للمغرب راسلت زينب وصلوا أهلها هسه وشصار ماصار وياها ماكو رد منها صارلها أيام مختفية ' عمي اجه ويه الغروب للفوج حجيت ويا كال ان شاءالله ينطونها
لك ونخلص منك ومن مشاكلك .
زينب "هم تعاركت وي امي رجعت علية الظهر رادت تضربني دفعتها فاطمة وقفلت باب الغرفة علية ماعرف شبيها
متخبلة للمغرب أني بالغرفة محبوسة الوحدي
ابجي على حظي ......صرت أخاف من أقرب الناس لي إلي هي أمي ملجأ وأمان بهاي الدنيا صارت عدوتي أذان كمت
طلعت خارج الغرفة أخاف تطلعلي
وتضرب لهاي الدرجة وصلت وياي أخاف منها .
توضيت ورجعت طايرة ماعرف اخوي اجه وشصار ماصار وياهم كلشي ماعرف والتلفون انطيته الفاطمة ماريده
بعد من وراه أمي صارت تكرهني وتضدني .
كملت صلاة بقيت افتر بالغرفة ميته من الجوع واريد أعرف شصار ماصار وياهم توني ردت اطلع انفتح الباب وقلبي وكع بالكاع من الخوف عبالي أمي الحمدلله
طلع أخوي ابو مصطفى دخل وسد الباب بهدوء...
شلونج يابة
_زينة وأنت شلونك شوكت اجيت ؟
_على الله قبل ثلاث ساعات اجيت اكعدي أريد احجي وياج
كعدت فوك الجرباية بدون كلام اجاء كعد بصفي جنت خجلانة وخايفة بنفس الوقت اخذ نفس وزفر
بتعب مبين تعبان خطية
_زينب تعرفين اليوم رحنا اني والشيخ لبيت أهل رائد بالأنبار
_اي شصار وياكم؟!!
_والحمدالله الناس طلعوا خوش ناس وماطلبوا لا فلوس ولا محكمة بس طلبوا ايدج الرائد علمود يتم الصلح
_رائد يريدج بعده وامه هم تريدج تطلعت شافتني وحجت وياي قبل لا اجي جانت تتوسل بي اقبل انطيج الرائد اول مرة بحياتي اشوف مره غريبة هيج تحبج وتريدج لابنها
1
خجلت كلش أصلا ضعت بملابسي كلمة ماطلعت ..
جنت يم أخواتي وحجيت وياهن كالن انطي زينب الهم وخلصها من ظلم امي ومؤمن وبيت عمي ...
وأني من الأول معارض انطيج الزيد ماعرف شلون غشمروني المهم تاخذت قرار أني والشيخ ومسلم وعمامي من عده عمي ابو مختار ننطيج الضابط رائد ونفض المشكلة
شنو رايج موافقة ؟
_القرار قرارك شتفصل أني البس
_مادام هيج خل نتوكل بالله وانطي خبر للشيخ يرده الهم
_وأمي؟
_شبيها أمي؟
_أخذت رأيها
_طبعآ وكالت أخذها واشمرها عليهم شلعوا
قلبي بيها خل يأخذونها
_ماتريدني
وكمت ابجي ...
استغفرالله وج مو ماتريدج بالعكس تحبج بس جاي تكابر علمو مؤمن حبيب القلب يلا افرديها عاد راح نخلص من المشاكل وانتِ هم ترتاحين من زيد وعمي وتعيشين
حياته وي عالم تحبج وتحترمج .
مارديت صرت امسح بدموعي دخلت أمي فزيت
من سمعت صوتها.
امي : مابي شي فرحانة البتي راح تزوج وتستقر
شبيك يمة تعاي يمة لعندي تعاي
حسام : عوفيها يمة وتعاي وياي عندي موضوع وياج
امي : اطلع قبلي
طلع اخوي همست إلي ...
فرحانة أخذتي حبيبج غصب عن خشوم الكل مو فرحانة ابن الغربية كسر خشم اخوج وعمج ؟! لا تحلمين أني راضيه
عليج يخلوني بقبري ومراح أرضي عليج
19
كالت كلام كلش قاسي مثل السهام وصوب جسدي بالكامل ويه طلعتها كمت ابجي بهستيريا ماسيطر على نفسي شوي ودخلت فاطمة تعاركت وياي ليش هيج تسوين
بروحج كتلها امي هيج وهيج تكلي تكلي ماعليج منها هي متعصبه لان حبيتي رائد من وره ظهرها هسه باجر
تصالح وياج اطمني .
ساعتين واجه عمي ابو مختار تعارك وي أخوي وأخوي تعارك ويا وكاله لا اعرفك ولا تعرفني من اليوم متبري منك
العم لمابي خير ماريده .
والبنية انطيتها وخلص صارت الهم وأي كلام اسمع منكم ماتلومون الا نفسكم عمي كاله لا اعرفك ولا تعرفني عود من توكع بضيج تعال لعندي وشوف شلون
اخليهم يطلعوك بالقنادر
2
غلط وسب وفشر على أخوي والشيخ واهل رائد ماخله كلمة سيئة لما كالها وطلع شوي وجابولي أكل البنات كاعدين بالكاع وأني يمهم يسوولي لفات صغار ويوكلون بي
6
أكلت والله لماشبعت شوي فرحت طلع عندي سند قوي اسندي عليه اخوي ابو مصطفى طلع مثل أبوي طبق الاصل اجه أخوي واكل اتصلت بالشيخ وكال
راح اردلهم الجواب وبعد نتحاجه وي خاله ام صدام .
مانكر الموضوع أول مرة بحياتي افرح هيج فرحة راح اخذ حبيبي رائد بعد عناء طويل وفقدان أمل اكون اله الليل كله مانمته فرحانة بس بنفس الوقت مقهورة أمي ماتريدني
10
بس دموع تنزل. مني حسيت شخص دخل للغرفة رأسن سويت روحي نايمة شغل الضوة واجه لعدنا تحديدا تجاهي خفت أخاف تكون أمي وتقتلني بقيت امثل النوم
وكفت يم رأسي خلت ايدها على كصتي وحسيت بشفايفي أمي على كصتي تبوس بي شالت رأسها وتمسح على
رأسي وكالت كلمات
_سامحيني بنيتي سامحيني
رأسن نزلت دموعي وفتحت عيوني اباوعلها ....
أنتِ سامحيني يمة
وكعدت حضنتها كل .. قوتي هي واكفة واني كاعدة وحضنتها وابجي وهي هم تبجي ..يمة سامحيني أدري بروحي غلطت
سامحيني خنت بيج بس والله مو بقصدي اخونج واكسر ثقتج صارت غصب عني بالقرأن غصب عني .
_واني هم غصب عني صرت اكرهج
_ليش هيج سويتي بي ؟
_ماجنت متوقعة راح تخونين بي وتحبين من ورة
ظهري وتكولين لمرت اخوج وما تكوليلي
أني امج شنو ماعندج ثقه بي
