رواية عشق اهل الانبار الفصل الثلاثون 30 بقلم رواء هادي
رائد بقيت كاعد على نار جكارة وره جكارة بس بالليل مخلص باكيتين جكاير على كوله محمد مشغل معمل مال دخان
اروح وأرجع ومحمد يروح ويرجع وياي
ويضحك لو يصور بي ويلغي عبالك مراسل وجلي يطني أخبار انوب خربت ضحك علية الصبح جاب الريوك وكعدنا نتريك أني ويا كل ثانية ارفع التلفون واشوف متصل بي
أبوي امي واحد من أهلي.
للساعة بال١٠ ضبط وماكو أي اخبار منهم مادري ليش ايست وكلت ماكو اخبار زينة مادام ماردوا الخبر لي
محمد اجه كالب خلقته
_اففففف
_شبيك جنك مرة تطلك ؟
_انجبببب
_سودة بكصتك رائد مانطوك المره
9
رفعت رأسي اباوعله بصدمة ...
شنووو ؟
1
_هسه اتصل بي قاسم وكال لا تكول الرائد
كمت متعصب كلش ...
شنو مايكولولي شايفيني زعطوط كدامهم أني الهم هسه
اروح اشتكي عليهم وخل اشوف واحد منكم
يدافع الهم والقرآن ابتلي بي
_أصلا مالك كلمة كدام الاهل للأسف والله
6
_هسه اعلمهم شلون مالي كلمة عمي هنا
_اي هنا
_جاي اروح اشتكي عليهم وماتنازل لو تنطبق السماء
على الأرض وحتى زينب بعد ماريدها
رحت امشي روحي بطرف خشمي صايرة هذاك التعب لتعبته وي زينب لما جبتها للدرب هيج تطلع تاليتها ماكو زواج وصلت غرفة عمي دكيت الباب .
_تفضل
دخلت دكيت تحية اله ...
سيدي رايدك بموضوع
_اكعد بلا رسميات اريد احجي وياك
بقيت واكف ...
هيج مرتاح عمي
_ماشي اسمع بخصوص الموضوع سالفتك وي
أهل البنية اللي تحبها ردولي الجواب
_ اعرف الجواب
_منو كالك ؟
_محمد كالي
_ لعد شبيك تطك كالب خلقتك
_تريدني اضحك وافرح بعد مارفضوني
_رفضوك ؟!
_اي
_لا ياطايح الحظ محمد على هالسواية ولك
مارفضوك انطوك المره
37
بقيت صافن بوجه عمي مامصدك بكلامه ...
ولك انطوك المره شبيك صافن بوجي؟!!
3
_تحجي الصدك عمي لو تشاقه ؟
_يايوم متشاقي وياك انطوك المرة قبل ساعة اتصل
الشيخ العشيرة بي وكال انطونه المره
_ومحمد جان يضحك علية
_هاي أنتو غشامر عوفك من محمد هسه باجر لو عكبة
نروح نكطع مهر شيخ مانخليها اسبوع ونزف
_لشوفه عمي
_يلا روح بس دير بالك تروح تتعارك وي محمد كدام الفوج كله ترى اكفر بيكم كفران وحيلكم عقاب شهرين ماكو
نزول وحلق شعركم صفر مفهووم
_مفهوم عمي
_يلا هسه ارجع ضابط بلا عمي
_من فرحتي حرت شسوي ههههه
1
_دوم الفرحة سيدي
_الله يسلمك هههه
رحت على محمد بسرعة اضحك شفته كاعد مخلي رجل
فوك رجل يشرب جاي شافني اضحك رفع
كلاص الجاي وكال
_عريسنا جكليته حامض حلو باكيته هههه
9
_كلب شلون تضحك علية هههه
2
_ مو بإيدي ألف مبروك منك المال ومنها العيال ههههههه
4
_ههه ترى بعدنا
_صارت عمي صارت كللووووش
1
_ولك لا تهلهل هسه يسمعك عمي ويحيلك عقاب هههههه
9
_عمي خل يحيل اهمشي عندي ربحت على
الشيعة الرافضية هههههه
20
_لا تجفص يمك شيعة
_اسمعوا ترى موعليكم الحجي الحجي على
عالم طائفية ههههه
_لا راح تفضحنا ههههه
_وخل هههه ولك طاير من الفرحة يول
مامصدك راح تعرس هههه
_هههه ولا أني مصدك راح اعرس واخذ حبيبتي ههههه
بقيت اضحك أني ويا أصلا لحد هاي اللحظة مامصدك صدك راح اتزوج زينب لا ماصدك خل اتأكد من أمي اتصلت بأمي جانت مثلي طايرة من الفرحة وتهلهل بالتلفون
راح تأخذ حبيبتك راح تأخذ زينب ألف ألف مبروك يمة ههههه كلامي وي أمي طول ساعة كاملة وهم مامصدك أخاف أمي تشاقه وياي أتصلت بصدام نفس الشي ويغشمر علية
مامصدك أنت انطوك المره هههه .
عمي حقي ماصدك صارلي سنوات اركض وراها واخطب ومحيود من باب البيت هيج وتصير لي واتزوجها حلم وردي هذا أتصل بي بقاسم فرحان ويبارك كتله هلهل بعد اخوك
كال بعد اخوك ماعرف الهلهل لو اعرف طكيتك بهلهوله معدلة هههه بالليل وره العشة عمي كال يلا أمشي وياي للبيت
باجر الصبح نطلع نكطع مهر .
_بهل السرعة مو كلت عكب باجر
_أخاف يقلبون يلا تحرك بسرعة جيب اغراضك
_خلهن هنا هو يوم ويوم الثاني راجع شلي
بيهن بطرك روحي ههه
_ديلا لعد كدامي
صعدت بصدر السيارة بزي العسكري هو هم سيارتين حماية وره عمي وصلوني البيتي وراها رجعوا
لبيت عمي ويا حماية..
وصلت البيت جان الباب مسدود دكيته قوي ...
الباااااب وينكم يأهل البيت الباااب
افتحوووووا
طلع فاضل ...
موجودين ههههه هااا عمي اجيت
_ مشتاقين ترى هههه
فتح الباب ...
هلأ بعمي هلأ بالعريس ههههه
_مامصدك هههه
3
_لا صدك عمي راح تأخذها ههههه
_احاول اصدك
_ليش ؟
_يمعودة كل هالمشاكل والعرايك تصير لي
ماصدك له أشوفها بغرفتي
_قلبك خلصان للأسف
_اي يلا خل ندخل
دخلت بالحوش طلعت أمي وفروحة وابوي أمي بيدها جيس جكليت صارت تطش فوك راسي وتهلهل خربت من الضحك ذكرتني بيوم بخربت بي خطوبة زينب صرت اطش
جكليت فوك راس امي واهلهل هههه باركتلي وابوي كذلك فروحة فاضل كل هذا ومامصدك بعدني احاول اقنع روحي ماتقنع أني منحوس وبوما فكر
هيج انفتحت بوجي ؟!!!
ساعة زمان اجه الفوج أخواتي وجهالهن كلها تبارك وتطش جكليت فوك رأسي فرحانين أكثر مني والجهال تلم بهل جكليت وناس تتعارك جوه رجلي علمود الجكليت
وفطيمة لزمي ابن أختي الوسطانية بعضه شيلي للحم ايده خلته يجوعر اجت لعندي تركض امها تريد تبسطها أخذتها بحضني شايله جكليت بتيشيرت مالتها
بي فوك الجيس ونص
لامته كله ومخليه الجهال تتعايط ...
انطينياها رائد خل ادبها
_ماانطيها يلا ولي
_رائد لا تجلبها انطينياها ماشوف شلون
شالت للحم ايده خطية
بستها من شفايفها كل قوتي ...
وهاي هدية مني الج على كتلج للزلم
تربيتي عمي ههههه
أختي : طلعت عن الطور رائد راح تخبلها لي انطينياها
فطيمة : روحي يلا لأمج روحي
أختي : عليمن ولج ؟
رائد : عليج عليمن يلا روحي لأمج يلا
امي : ولج فطيمة شسويتي ؟
فطيمة : امي تريد تضربني علمود اخذت كل
الجكليت مال عرس خالو الحلو
اختي : جذابة عضت جسوم خطية من ايده
رائد : هو عار ابن عار شسويله اي عفيه بالنسوان
عمي لو هيج انسون لو مايرادن
امي : اي طبه مرض جابه عليها مو يدري بيها مفترسة
.. شكد لميتي شوف شوفيني ؟
اختي : تدافعين يمة ؟
امي : اوووي اشو اسكتي بس مالات مشاكل هم جهال شيوولهم هو هم عار مثل ابوه اقل زلة يكوم
يرعص بالكاع
فطيمة : باعي كومة لميت هههه
امي : ماشاءالله مثل خالج طبق الاصل كلشي يريده
لنفسه مابقيتي شي للجهال خطية
فطيمة : ياكلون سم بس لي
اختي : سم ينام بنص قلبج طماعة على عماتج طالعة
امي : سم بقلبج بيش طالبتها بالسم أمشي ولي من يمي لو انزعلج النعال اكطعة فوك راسج أمشي مثل عماتج
بس فالحات بالدعاوي .
اختي : هسه اني الغلطانة
امي : اي أنتِ الغلطانة مااجت امه تدافع تعرف روحها بس تجي تنكتل وهسه اكتلج بدالها الف مرة كلت لا تطلعون ورة الجهال وطبهم طوب شسويلهم اريد ادينهم مكطمة مابيهم يلمون فطيمة وحدة لاتنطين افتهمتي
1
فطيمة : سم انطي بس الخالو الحلو انطي
هاك اكل حبي يميييي هههه
اختي : محد فسدتها غيرج وغير رائد طلعتوها عن
الطريق بعد ماكدرلها من تكبر
امي : عوبه مثل عماتج انطونياها اني اربيها
رائد : شورطج هههه
اختي : وج انطيني
فطيمة : ماا ماانطي روحي
امي: تاكلين وجع مابيج حيل لميتي روحي اخذي من
الجهال ماتنطي وحدة بس تنطي اكتلها والله
فطيمة : ماانطي بس الخالو الحلو مو امي
امي : اي يمة افففف واحد مايرتاح بهذا البيت من وراجن
راحت أختي متحلفة بفطيمة تفلس جكليت وتخلي بحلكي الجهال كلها مكابلتنا وكعدة تدور بعنادهم توكل بي طحلتني طحل بس اشمرها بالكاع تنكتل اختي متحلفتلها
كلت أخذها عندي تنام خطية تنبسط ههه عاد كمت شايلها بحضني تتفل على الجهال وتحنصهم بالجكليت صار العياط وراي أختي تصيح انطينياها خل ادبها
أبوي تعارك وياها عوفيها شتردين منها بيش طالبتها شعندج أنتِ غير هالفطومة أبوي يحب البنات أكثر من الولد روحة من الدنيا البنات ومعزتهن معزة خاصة عندة مثل جدي
1
خلف الله يرحمه يفضل البنات على الولد وأني هم مثله احب البنات اعشقهن عشق مو طبيعي نزلتها بالكاع راحت طلعت علاكة وخلت الجكليت بي وانطتنياه
_هاك ضمه بعيد
_عد عيناج اضمه الج بعيد بس الج هههه
_اي بس لي
شمرته فوك بالقاط الثاني ..... من الكنتور شلتها ونومتها بحضني هي ملاكة المكروصة تبوس بي وتحجيلي قصص عود أنام بسرعة صورتها ودزيت مقاطع لزينب ماكو
مختفية من تفتح تشوف كلشي
الصبح كعدت لكيتها كاعدة تمشطلي باوعتلها ...
جاي تسوين ؟
_اسويلك تسريحة حلوة ههههه
_من وجه الصبح
_مو روح نجيب العروس مالتك غير امشطلك واطلعك حلو حلوو والله يخبل صار باوع خليتله ماي
ماخليتله دهن .
_هههههه
_باع ماي نزل على عيونك خل اجيب كلينس امسحه لك
_لا تجيبين هسه اكوم اغسل ونطلع نتريك هههه الله
بلاني بيج شراح يخلصني اليوم ههههه
كمت بوجي ....للحمام غسلت وطلعت مشطت شعري عدل وشلتها بحضني طلعنا كالعادة تتفل على الجهال وسخين قذرين اهل الكمل والصواب ههههه
هم هم شغلوا حرب عليها طلعت امي عيطة وحدة منها خرست الكل اباوع جهالنا عشيرة هاي كلها تروح أمي كالت لا بس الكبار يرحون الصغار يبقون يم ابهاتهم هسه دزيت
يأخذونها غير يخبلونه .
كعدت بالمطبخ فطيمة بحضني أختي تريدها ماتقبل تروح الها تخاف منه عاد كتلها عوفيها هسه فروحة تسبحها وتبدللها عافتها ورحت الولد تسبحهم تأخذهم وياها
1
تريك وانطيت فطيمة لفروحة رحت الغرفتي سبجت طلعت بدلت لبست قاط ازرك اندك الباب طلع قاسم يضحك
اجه لعندي حضني قوي .
تريك وانطيت فطيمة لفروحة رحت الغرفتي سبجت طلعت بدلت لبست قاط ازرك اندك الباب طلع قاسم يضحك
اجه لعندي حضني قوي .
_ألف مبروك وأخيرا راح تعرس هههه
_الله يبارك بيك اي والله وأخيرا
بعد عني يضحك وأني اضحك ...
غير كشخه طالع
_شعبالك لعد ههههه ويامن اجيت
_وي امي ومسك وابوي ونزار
_ابنك وين ؟
_شمرته على بيت عمي ههههه
_ليش ولك
_بعده صغيرون وراح يشلع قلبنا شلع والطريق طويل وحارة
_هم صدك شفت راح الفوج
( 2 )
_اي التحق هههه
_شلشونه شلج بالليل والصبح امي تركض وراهم هههه
_ماتتحمل الهوسة خاله سهاد
_هو ابوي من يسوي هوسه تشيله فوك راسها
وتكطه انوب الجهال ههه
زينب" بعد ماحجيت لأمي وفهمتها الموضوع مو نيتي اضم عليج ولا شي بس جنت خايفة من رد فعلج ومرت أخوي فاطمة جانت تساعدني وحالها من حال أخواتي
وقريبة إلي كتلها علمود تقنع اخوي يقبل برائد تفهمت الموضوع بسرعة وكالت باجر اخذج للسوك اشتريلج
فستان للخطوبة واسويلج كلادة ذهب
طرت من الفرحة عمري كله مفرحانة هيج فرحة الصبح
اتصلت بي جلال وخالتي وفردوس وعلاء كلها تباركلي
وكالوا باجر من الصبح احنا عدكم .
أخواتي اجوي الصبح فرحانات إلي إلا مؤمن ماله حس ولا خبر حتى نوره ماجت ولا خابرت برغم هي صديقتي المقربة انقهرت من عدها لأن ماوكفت وياي ولا دافعت لي
عالساعة بال٩ ونص رحنا للسوك اول ماشترتلي أمي كلاده ذهب مثقال ونص كلش حلوة ونازكة جانت على
شكل فراشة وداخلها بي اللون أزرق .
وراها اشترتلي فستان باللون الأحمر ردت بيج ماقبلت إلا أحمر بردان اطوال كامل مستور بالكامل كلش حلو ونازك بسعر ٨٠ ألف غالي كلش كتلها ماريده خل نأجر مو الا شراية
كالت ماعليج أنتِ اخذي ليعجبج شكم بنية عندي أني هو هالوحدة وحالج من حال اخواتج شاخذتلهم اخذلج مكياج
هم شتريت وعطورات بالسوك صادفنه
مرت عمي ابو مختار
سلمت منورة خشمها وكالت ...
شلون ماشوف ياخذ رغبته منها
ويشمرها عليكم
شمرت سمها ومشت قبل لا ترد عليها أختي أني واثقه من نفسي رائد يحبني ومستحيل يخون بي ويتركني ام
دودة اكيد غيرانه ماهتمينه الها
رجعنا على البيت أختي الثانية كالت اتصلت بالخياطة وكالت كتلها تخيطلج بشت خطوبة اليوم وتدزه الصبح أمي كالتلها مراح تلحك كالت لا تلحك هي سريعة وطلب خاص
وصديقتي مناه كتلها مستعجلين فرحت أكثر من شفت أخواتي فرحانات بي وبخطوبتي استفقدت اختي سراب أتصلت بيها كالت مابي شي وان شاءالله
اطلع واحظر العرس
ماتوقع تحظر عرسي لأن محتمل بسرعة ياخذوني المهم ثاني يوم وره الغدة رحت على الصالون بسرعة اجه سراي لان ام الصالون عرف وحاجزين يمها البارحة بسرعة كملتني
باوعت شكلي غير شكل طالع اباوع بالمراية هاي مو اني هاي وحدة غير التسريحة تخبل مسويتها اجت فاطمة تاخذلي صور واختي هم اخذتلي صور دزتهن لأختي سراب .
رجعنا على البيت مرت مسلم جانت بالبيت الا نوره مالها حس سألت عليها كالت بت اخوي مؤمن مايقبل تجي أتصلت بجدة وتعذرت كالت كولي لزينب والله مؤمن مايقبل
اجي تدري بي أحبها اعزها بس مابإيدي شي اسوي ولا اكدر اكسر كلامه واطلع عذرتها وشكد حقدت على أخوي ماتوقعت راح يطلع أناني وحقير لهاي الدرجة .
اجه أخوي ابو مصطفى حجه عليه وكال أتصل بي ينطيني رفض ويدزلي رسالة يكول لا اعرفكم ولا تعرفوني مادام انطيتوا زينب للسني ابن الغربية
أمي صارت تبجي حتى أني بجيت شنو الفرق عنه وعنهم كلما بشر ومسلمين كاعد يحجي بالدين هو دين الإسلام ماكو بوجه واحد أناني وطماع رادني لابن عمي علمود
مصلحته مو علمود سعاتي .
أخذت تلفوني من فاطمة خطية جانت شاحنته أخذته وصعدت فوك اخذت شكم صورة بالسناب شات فتحت الانترنت اجتني كومه اشعارات من رائد ومن نوره
فتحت رسائل نوره تتعذر وتتأسف وتحلف بغلات أولادها مؤمن مايخليها تجي وكايللها بس تكسرين كلامي
وترحين مالج خط رجعة للبيت
وطلبت مني تشوف صوري دزيتلها صوري ورها رديت على رائد كاتب بالف رسالة قليلة حرت منين أبدي قريت على الطاير دازلي صور ومقاطع فيديو البنات يطشون
فوك رأسه جكليت
وجهال جوه رجلي يلمون جكليت وامه تصيح وتعيط على الجهال لان صارت هوسة وعياط كاتب ماعليج
من صياح أمي هههه
ومقطع اله مخلي بنية صغيرة بحضنه ..... جان دائمآ ينزل صورها فطيمة بت اخته تبوس بي وتكوله خالو الحلو راح يجيب عروسة حلوة النه نلعب وياها ههههه
خربت من الضحك وانوب دازلي .....الختامية صورته بالقاط الازرق وكاتب راح اجي اخطب بالازرق هههه أدري بروحي حلو لا تكتبين طالع اشك شك بالقاط هههه
_ازرق طالع مالايكلك القاط
جان طالع من الانترنت ردت اشمر التلفون اجاني رده فتحت خربت ضحك ... هو أني ازرق شسوي بت الكلب ترديني
اصبغ والبخ مثلجن انتن النسوان
_لا تغلط
_اغلط ونص بعد من اليوم تسمعين كلامي مفهوم
_لا والله
_اي والله صدك دزيلي صورة خل اشوفج
_ماا ماادز
_دزي زينب
_مادز
_شنو ماتدزين أني مو دزيت الج صور اخواتي وأمي وصورتي
_مكلتلك دز انت دزيت تلقائي نفسك
_تعاندين ؟
_اي
_خل اتذكر هن شكد صارن عليج بألف عقوبة يمي مسجلة بكتاب موقع الكتاب وهاي هم انضافت وياهن
وتم التوقيع عليها .
_مسويلي سجل اجرامي؟
_خررب بحظي ضابط علية صاير
_يلا دزي الصورة علمود اتنازل عن كل
العقوبات واتلف الكتاب
_ماادز تعال وشوفني
_ليش تشلعين قلبي زينب شلعتي كلبي فيمافي الكفاية
_هاي آخر مرة اشلع قلبك بيها هههههه
_وراها يجي دوري أني اشلع قلبج
_ينطيك قلبك تشلع قلبي؟
_وغلات سهتد الجميلة ينطيني قلبي اشلع قلبج
وأصلا عادي مثل ماتسوين بي اسوي بيج
_هاا هيج صارت ؟
_اي وحدة بوحدة
_راح ابطل ماتزوجك لعد
_أتصال واحد اخلي يقصفون الحلة
24
_رائد بطل سوالف القصف
_بااع ماتجون بعيني واغاتي أنتو الا بالعين الحمرة
هسه ماعليه دزي الصورة
_مادز
_زينب ترى اعاقبج والله
_عاقب مايهمني
_بعد أيام قليلة تكونين عندي خلي ملفج ابيض
وحلو يمي لا تخلي الملف أسود
_اوووف منك
_دزي
دزتلي صورة لابسة نفنوف .... أحمر يذبح الطير ومخليه سمايل فوك وجهها ضحكت مال انعل ابو الخلفوها هسه دازة الغلاف وضامة المحتوى الغلاف ملفت للنظر
ويشد نظر للمحتوى
_جا وين المحتوى ؟
_اخفيت المحتوى علمود التشويق هههه
_أدري عدنا إعلان قصة لو إعلان فلم تشوقين
دزي الصورة كاملة
_في امان الله اجونه خطار بااي
نفخت هوى ضجت .... منها وضميتها الها بقلبي اباوع لأمي مخليه فطيمة بصفها واختي بالصدر كاعدة يم أخوي صدام طلعنا بال ٨ سيارات الشيوخ وعمي بسيارة واحنا بالعائلة
( 2 )
وقاسم ومرته وامه وعمه ابو مريم وياهم وصلنا الحلة قلبي كام يدك بالثانية ألف دكة أمي تباوعلي وتضحك فطيمة تدزلي بوسات وصلنا بيت أهل زينب كل السيارت
طبكت كدام الباب
أمي قبل لا تنزل كال ...
عود هاي كورونا وجايين كل العشيرة هههه
_كورونا تشرد من عدنا
_اي هواي تشرد ادعي علي ابو الحسن يحمينا من كل شر
8
فتحت باب السيارة صلت على محمد وآل محمد ونزلت نزلت وراها الكل نزل تلكونا بالباب شيوخ أثنين وأربع زلم اثنين من عمامها وطلعوا وراهم علاء وجلال وزلمة ماعرفته
سلمنا ودخلنا النسوان دخلوا من باب الهول وإحنا بالاستقبال رادوا يجيبون شيخ مناك ويانه أمي ماقبلت كالت ناذرة نذر سيد رسول الله يكطعلك مهر بس تصير زينب الك .
واحد من عمامها كاعد كدامي ويخزر بي جريتله خله خزرته عود شلون علية نظرات نظرات المجرم على كوله أمي عيونك زيحهن من تخزز بالعالم عبالك تريد تأكلهم
رأسن جر انظاره قاسم بصفي كاعد كاتم
ضحكته باوعتله ..شبيك ؟
_شبي يخزر بيك ؟
_اندري
_وأنت بعد بيتي خزرته هههه
_ههه ولك انجب لا تفضحنا خل تمر الخطبة بخير
وسلامة عود اشبع ضحك بكيفك هههه
صرنا نضحك ماتحملها صدام ونزار كدامنا كاعدين يخزرون ويسون حركات عود اسكتوا فضحتونه اشوي واجه السيد لابس كله أسود حتى كمامة يطلع بعمر أبوي تقريبآ سلم
وكعد وإحنا هم البعض من عدنا لابس كمامة يزن همس ...
كورونا اذا رادت تلزك تلزك بالرجل مو
بالخشم هههه
_اي هههه
هم كمنا نتمضحك محمد بصور ويضحك ويانه مايدري شنو السالفة عمي أبو فياض حمحم عود انطانه إنذار نسكت رأسن سكتنه واحد يباوع للثانية بكل جدية
1
_كافي قاسم ترى صرنا شهيرة
_اي كافي بعد ههه
صار يحجي السيد شكد الحاظر خليتوا ..... وشكد الغايب احنا كلشي مامخلين ولا متفقين على شي حجه شيخهم من مكانه الحاظر نريده ٥٠ مليون والغايب ١٠٠ مليون
2
باوعت لأبوي باوعلي بصدمة عمي كذلك كلها تصفن السيد رد على الشيخ العشيرة ... حرام لايجوز هذا المهر أنت جاي تزوج ماجاي تبيع بهذا مهرك العالي جاي تمنع الزواج
محتمل الولد ماعنده يدفع
شيخ : هذا حق البنية وهذا مهرها
السيد : واني هيج مهر ماقبل بي لان راح يصير مهر وكل بنية تشوف هذا المهر راح تطلب مثلها والولد ماعنده يدفع مهر غالي مايتزوج وتكثر العنوسة والإسلام مايقبل بهيج مهر
الشيخ الثاني ...
المهر حق سيد وشكد ماجان مهرها عالي م...
السيد : خل اكول مهر فاطمة الزهراء (ع) بنت رسول الله (ص) مهرها درع وسيف من الامام علي(ع) وأنت جاي
هسه تطلب مهر غالي لبتك
1
عمي ابو نزار كال عادي ابوي هم كال عادي خلوا المهر لتطلبونه اهمشي عدنا زواج الولد والبنية السيد ماقبل عاند الكل وكال لو تنزلون المهر بالمهر الماشي بهاي
الايام لو ماكطع مهر أني
جان المهر لماشي ١٠ مليون مقدم و٢٠ مؤخر الشيخ مالتهم جان معند على هذا المهر سيد زعل وكام هم صار بيها عريضي كام اخوها وكال هاهيه المهر ١٠ بال٢٠ ارجع
سيد رحمه والديك
رجع السيد الشيخ مالتهم ضاج وراد ياخذله زعله تدخل شيخ مالتنا وكاله ترى احنا جاي نزوج وماجاي نطلق علمود تدور هيج مهر واحسك تريد تخرب ماتريد
تجمع بي راسين بالحلال.
كام يتلوك ويحجي اني اريد المهر الزين للبنية تدخلت أني ...
والمرة ماتتقيم من مهرها شيخ
الشيخ : صح بس المهر ضمان الها بالمستقبل
رائد : وأني ضمانها بالمستقبل مو مهرها نتوكل بالله سيد
سكت مارد جنت لازم قلبي ... بإيدي من الخوف أخاف يخربون من تلاغوا علمود المهر عم الهدوء من السيد كال راح ابلش اكطع مهر تعال ابني كعد كدامي
كمت كعدت كدام السيد شعور يخوف بداخلي ماعرف ليش أول مرة اخاف هيج من كطعت مهر على رهف كلشي ماحسيت اما لأن خوف وتوتر الدنيا كله
فوك رأسي نزل
والحمدالله كطعت مهر عليها وصارت مرتي هنا آمنت وراح كلشي عني صارت مرتي حلالي كمت سلمت عليهم والكل تباركلي شيخهم باركلي من ورة خشمه
همست اله .. صارت مرتي على عناد كل واحد جان معارض سني واخذ شيعية وصرت بنكم وبيكم ....
كلتله هذا الكلام ومشيت سلمت على ....عمي ابو نزار وصلت قاسم اضحك ويا محمد يصور وصاح ... شحلات
العشق سني واخذ شيعية ههههههه
1
حضنت قاسم قوي مامصدك محمد يمكن ترزل من عمي ههههه بكل مناسبة لازم يترزل محمد خطية هو ملعون بالعمدة سواها كملت سلام وكعدت بمكاني بصف قاسم
شوي وكالوا كوم يم مرتك شوفها كمت .... قلبي يدك سريع متحمس لشوفتها بعد كل هذا العناء والتعب وي طلعتي تلكتني أمي تهلهل فوك راسي وتطش جكليت
شفت بعيونها ادموع الفرح.... رأسن دموعي نزلوا وحضنت امي كل قوتي الفرحة لبي جانت موطبيعية امي الوحيدة تعرف شنو جانت معاناتي وي زينب وشكد
عانيت لما صارت لي .
1
بعدت عن امي مسحت دموعي بسرعة مريد احد غير امي وفروحة يشوفون دموعي ..
( 2 )
_امسحي دموعج يمة هههه
_ ارتاحيت هسه ؟
_ههه اي
_وهاي صارت الك على عناد كل واحد عارض زواجك منها
8
_اي والله
_يلا يمة ادخل وشوفها تخبل اية من الجمال
طالعة هنيالك بيها
اجتي فروحة باركتلي وراها دخلت .... وي أمي جان الهول كله النا اخواتي وجناين وعماتي تلاثه واخوات زينب ماكو أحد غريب وكعت اعيوني على زينب
طالعة اية من الجمال
على كوله أمي صدك حلوة ردت اروح احضنها لزمتني أختي الجبيرة دير بالك تحضنها لو تبوسها ترى مايقبلون
_ماشي
همست الي أمي ...
احضنها وبوسها رائد
5
_مايقبلون
_ماعليك منهم عليك بلي كلتلك بي
_عد عيناج
3
من وصلت لعدها كامت بدون مقدمات .....حضنتها بكل للهفة وشوق طلعت حركة سنوات بهاي الحضنه كسرت
عضامها همست بالكوه
زينب : رائد اختنكت ؟
رائد : وج مشتاقلج خليني اطلع الحرمان
زينب : مايصير بعد
رائد : صرتي مرتي
امي : مايدري خطية يمة رائد بعد عنها ماعدهم هيج تقاليد ...يلا ماصار شي خيه هي المرة
مرته صارت بعد
3
كتمت ضحكتي بالكوه أمي توز وتنكر الوزة كعدت بصف زينب خجلانه خطية كلش جانت امها انزعجت أمي فرتها خلال دقائق شوي وشغلوا أغاني صاروا
يرقصون أخواتي
همست الزينب ...
حتى لزمة ايدج مايصير
_اي مايصير
_ادري كاطع مهر لو قاري الفاتحة
_هاي عادات وتقاليد أهلي احترمها
_للأسف ماحترمناها هههه
7
_بالعمدة سويتها مو
_اي موخدود ضيم جانن وج خل ارجع ابوسج
_رائد
_عيون رائد
1
_استحي
_للأسف قائمة تحميل الخجل محذوفه من عندي
_هاي شبيك؟
_والله بي أنتِ بوية شطالعة طالعة لعابة وج تخبلين مال اشيلج وكعدج بحضني لصبح دك بوس بيج
1
_رائد كافي
_حسي بي يول حسي لابسة أحمر ومكياج وعطرج يسطر ترديني اكعد عاقل وين لكيتيها يول وين ... زينب
_هاا
_عادي اخذ بوسه من هل شفايف بدون ماتدري امج
_رائد شبيك انحرفت
_هو أني رب الإنحراف غير جنت لازم نفسي كدامج
بالكوه اما اليوم ماكو لزوم تنطيني هسه
_شنطيك ؟
_بوسه
_ماتخجل
_لاليش اخجل هذا حقي وصرتي مرتي
حلالي هسه اكدر اخذج لبيتي
_رائد اكعد عاقل
_ولماكعدت ؟
_اضربك
_شلون تضربين بلا ؟
داست على رجلي كل قوتها من فوك الحذاء ....شيطت روحي للستار خزرتها دارت وجهها عني تضحك انوب هي كاعدي بصفي على كرويته وحدة كرصت خصرها كل قوتي
شيطت روحها شيط رأسن عاطت ماتحملت اااااه
كدام الكل والحمدالله محد سمع صوت
الأغاني جان عالي باوعتلها اضحك ...
_شبيج عمري ؟
_ليش كرصني ؟
_حلال عليج وحرام علية هههههه
_خبيث
_مو اخبث منج
اجوي اخواتي ياخذون صور ويانه أني.. بالعمدة العب بخصرها بصابيعي خليتها تكمز بس مارادت تكوم من يمي ياأخي متحمل عليها صار سنوات رادوا
يكومونها ترقص وياي
أمها ماقبلت كالت مايصير هسه عود بيوم العرس سووا لتردونه عذرتها أمي رقصت أني وأخواتي وأخذت صور بتلفوني وياها حسيت امها ماقبلت
من نظراتها شسالفة
ياربي ؟ أنتهت الحفلة رجعنا على البيت طاير من الفرحة أخواتي يكولن لامي ليش خليتي رائد يبوسها امها مو
كالت ماعدنا هذا الشي بيوم الخطوبة
امي : والله بالعمدة خليته يبوسها
اختي : ليش ؟
امي : اخاف يطلع عريضي لو ينهي ابن عمها توكف
النهوة على البوسة والحضنه
رائد : دشوفن الذكاء طلعن على أمي هههههه
ابوي : منين جبتي هاي الخرابيط ؟
امي : مو خرابيط هاي العادات عدهم من زمان واخته قبل هم خطيبها باسه بيوم الخطبة وره ايام نهة عليها ابن عمها وكايله حاضنها وبايسها بيوم الخطوبة وهنا بطل منها ابن عمها وتزوجها خطيبها هاي العادات
ليهساها عدهم موجودة
أبوي : شلون اخبال عدهم هذولة هو بعد كطع عليها مهر وصارت مرته يكدر هسه بحجه كورونا يجيبها
بطرك ثوبها وعبايتها
رائد : حرامات لو جايبها
1
ابوي : ماصدك ابنج المصكوع سهاد
امي : ههههه عوفك منه فرحان
ابوي : واني هم فرحان أخذناها على عنادهم
وكسرنه اكبر اخشوم عدهم هههههه
كلها تضحك وفرحانه رحت للغرفة سبحت وبدلت كعدت
اقلب بصور الخطوبة مامصدك صارت لي وبعد
أيام قليلة اتزوجها .
زينب :من كطعنا مهر يلا آمنت وفرحت من كل قلبي امه طايرة من الفرحة كاعدة بصفي وتبوس بي مامصدكة خطية كامت تجيب ابنها متت من الخوف ماعرف ليش ؟
دخل رائد امه واخته لازماته يحجون ويا يمكن بخصوص البوسة مايبوس ولا يحضن ولا يرقص وياي ماعدنا هذا الشي أيام الخطوبة هاي ماشيه عدنا من أيام أجدادي
دخل هو من شافني أبتسم كمت سلمت عود رأسن طكني بحضنه كسر أعضاء جسمي بالكامل بالكوه حجيت عرفت بي بالعمدة سواها بعد عني باسني بخدودي قوي
هنا ختفيت داخل ملابسي من الخجل والخوف من أمي واخواتي اخاف توصل المؤمن وهو يريدها من الله طول الحفلة ماكاعد مني راح بس يحجي ويطلب
بوسات جان منحرف
ماتوقعت يطلع هيج لعب بي جولة لما راحوا صعدت فوك بغرفتي فليت التسريحة ودخلت للحمام سبحت
وطلعت وره العشة راحوا أخواتي
وأخوي كال بسالفة المهر تخبلت شلون طالب الشيخ ١٠٠ مليون حاظر و٥٠ مليون غايب كال الشيخ حسيته يريد يخرب
جان مبين والحمدالله السيد ماقبل
كلام السيد صح منو يكول عنده يدفع هيج مهر حتلوه زنكين مايجوز استغل الرجال والزواج مو بالمهر الغالي بالعشرة وأني أحبه واريده ومايهمني المهر المهم عندي اتزوجه
وتحل المشاكل بينه وبين أهلي .
الصبح متصلين بأمي وكايلين عكب باجر يجون يكطعون مهر محكمة ونجهز فدمرة علمود العرس على نزوله يعني بعد خمس أيام العرس مستعجلين كلش جانوا .
أتصل مؤمن بأمي يحجي ويرزل بأمي علمود رائد حاضني وباسني كدام الكل شلون وصل له هذا الكلام منو وصله اجت بالي مرت مسلم وصلته أكيد وحدة فتانه
وتنقل أخبار امي صارت تبجي وتكوله ذليت اختك علمودك هيج تسوي وياي تغلط تجاوز على أمك هاي تاليتي ماتحمل جلال و سحب التلفون من امي رزله
رزاله مال غسل ولبس وكاله هاي اول مرة واخر مرة ترفع صوتك على امك والمرة مرته عادي كلشي يسوي
وياها وعادي ياخذها هسه لبيته بدون حفلة عرس بطلوا تخلف ابو المشاكل والمصايب هسه صاير رجال على امك واخواتك صير رجال على مرتك افتهمت
وسد التلفون بوجه اجه اخوي ابو مصطفى كالتله امي السالفة الولد مجان يدري وعتذرت امه هو هم أعتذر ماقبل اخوي على تصرف مؤمن وكال المرة مرته
ترى وبعد خمس أيام
ياخذها وين يريد يوصل هالكلب اشو حتى مرته مادزها للخطوبة من اليوم لا نعرفه ولايعرفنه والمره لطلعت هذا الكلام مالها خط جيه لهذا البيت مهما كانت
ماعندي بهذا البيت
ناقولات احجي وفتانات عرفها مرت مسلم .. راحوا بيت خالتي ام جلال ونزل مؤمن اجه للبيت سواله عركة من عركة منورة البوسة ومن ورة ماكايله أخوي من منطيني
لزمه أخوي وكتله كتله معدلة وطرده من البيت كاله متبري منك إلى يوم الدين ابو المصايب والبلاوي ابو عمايل السودة وكسارات الوجع هسه صايرلي رجال برأسي
احمد ربك واشكره طلبوا ايد اختك بدل الفصل والسجن اني كلب لو مخلي شامرك بالسجن أنت وعمي وزيد مثل الجلاب
تعوون جان صرتوا خوش اوادم
طلع يتحلف الا اخرب العرس ومستحيل اخليها تأخذ السني ابن الغربية من خوفي أتصلت برائد وكلتله بالسالفة ابجي اخاف يخرب كلشي طمني وكال ماكو شي اطمني .
والله ساعات قليله اتصلت نوره تبجي تكول مؤمن متهم بسرقة سلاح الفوج مالته ويتاجر بي وهسه الاستخبارات أخذته وفتشوا البيت ولكوا اكثر من سلاح
