رواية حوا وتمضي الايام الفصل التاسع والعشرين 29 بقلم علا احمد
لفصل التاسع والعشرون
حوا وتمضي الايام
صلوا عليه وسلموا تسليما كثيرا
بسم الله الرحمن الرحيم
&&&&&&&&&&&&&&&&&&&
في شقة والدة اشرف
رباب تفتح الباب وتدخل سيده في نفس عمرها تقريبا
رباب : فاتن عامله ايه اتفضلي
فاتن بحده : إيه اللي حصل دا يا رباب
رباب : حصل إيه
فاتن : يا سلام يعني مش عارفه بقا ابنك يتجوز ويجيب لكيان مرات أب من غير ما أعرف حاجه
رباب : اااااه طب ممكن تهدي شويه عشان أعرف افهمك
تجلس فاتن : اتفضلي اديني سكت
رباب : أشرف كان لازم يتجوز البنت محتاجه ام ليها واشرقت كانت واخده بالها منها بس خلاص لازم تسافر لجوزها والبنت لازم حد يكون معاها انا وانتي كبرنا خلاص علي تربية عيله صغيره
فاتن : وتطلع مين دي بقا
رباب : اطمني دي بنت جميله جدا ومحترمه وفي كلية صيدلة واهلها ناس طيبين
فاتن : كانت متجوزه قبل كدا؟؟!
رباب : لا
فاتن بسخرية: يعني دكتوره وصغيره في السن وحلوه ومش متجوزه قبل كدا و وفقت انها تتجوز واحد كبير عنها وعندو بنت
رباب : قصدك ايه!!!
فاتن : الموضوع دا في أن وأنا لازم أعرفها ثم نظرت إلى رباب انا رايحه اشوف البنت دي و أتكلم معاها
&&&&&&&&&&&&&&&&&&&
في شقه هنا وأحمد
كانت هنا تقف في المطبخ وتقوم بأعداد الطعام
دخل احمد و وقف خلفها : يا مسا الجمال
هنا : بس يا احمد أنا مش فاضيه
احمد : اممممم مش فاضيه ليه يا روحي بتعملي ايه
التفت هنا : بعمل الغدا يا حبيبي
يضع احمد يده فوق بطنها : لا يا هنا حرام عليكي أنا اخر مرا جالي تسمم
هنا بخجل : علي فكره كانت نزله معاويه
احمد بغيظ : لا والله فرقت يعني
جلست هنا علي أحد الكراسي وقالت بدموع : اعمل ايه بحاول اتعلم بس والله غصب عني انا اسفه يا احمد
امسك يدها وقبلها : يا حبيبتي انا بهزر معاكي اتعلمي يا دكتوره زي ما أنتي عايزه
ضحكت هنا مرا أخري وقامت
احمد : أكلت دي ايه يا هنا
هنا بحماس كبير : دي خزيرة
احمد بعد فهم : إنجليزي دا يا مرسي
هنا بتحذير : احمد
احمد بضحك : طب أنا مش فاهم ولله
هنا : دي اكله من علي ايام الرسول صل الله عليه وسلم
احمد : عليه افضل الصلاه والسلام بس عبارة عن ايه و ايه قصتها
هنا : شوف يا سيدي في يوم السيدة عائشة طبخت لسيدنا النبي أكلة اسمها الخزيرة اللي أنا بقولك عليها دلوقتي
ايه الخزيرة دي ، عبارة عن إيه؟!
نوع شوربة ، بتتكون من لحمة وشوربة ودقيق...
اللحمة بتتقطع حتت صغيرة كده وتتسلق في مية ، ولما اللحمة تستوي بيحطوا عليها دقيق وتتساب شوية على نار هادية لحد ما الشوربة يبقى قوامها تقيل ، وبعدين يغرفوها .
المهم...السيدة عائشة دخلت بطبق الخزيرة وكان سيدنا النبي قاعد هو والسيدة سودة ، فالسيدة عائشة قعدت على الطرف ، وسيدنا النبي كان قاعد في النص بينها وبين السيدة سودة.
فالسيدة عائشة قالت للسيدة سودة :"كلي" ..لكن السيدة سودة ماكنتش عايزة تاكل فرفضت.
فالسيدة عائشة هددت السيدة سودة بهزار وقالتلها :"لتأكلنَّ أو لألطخن وجهك"؟!
فالسيدة سودة قررت تصمم على رفضها
فقامت السيدة عائشة وضعت ايدها في طبق الخزيرة وبعدين وضعت ايدها على وجه السيدة سودة ، فسيدنا النبي بص على وجه السيدة سودة وهو عليه آثار الشوربة فضحك
فراح صلى الله عليه وسلم مسك طبق الخزيرة وقربه للسيدة سودة وقالها:"الطخي وجهها"
وفعلًا لطخت السيدة سودة وجه السيدة عائشة
فسيدنا النبي بصلُهم هما الاتنين وشاف آثر الشوربة على وجههن وفضل يضحك
كان صلى الله عليه وسلم أكثر الناس إنشغال بالدعوة ، ويحمل هم الأمة ومع ذلك كان رحيم بزوجاته ويحب أن يضاحكهن.
فكان نعم الزوج زوجًا رحيمًا بارًا
احمد : اللهم بارك حلوه اوي عليه افضل الصلاه والسلام حبيبي يا رسول الله
ثم نظر الى الإناء الذي يوجد به الطبخه مع احترامي ليكي طبعاً يا حبيبتي بس دي لو علي كلامك مش خزيرة أبد
اقترب احمد من الإناء : أنتي حاطه نشا مكان الدقيق
نظرت هنا بصدمه : ياربي أنا فعلاً كنت شاكه ان التاني هو الدقيق مش دي
انفجر أحمد من الضحك
جزت هنا علي أسنانها وهي تمسك السكين : اطلع برا يا احمد
أحمد بضحك: خلاص يا حبيبي أنا طالع اطلب اكل مع كامل احترامي لروح الشيف اللي جواكي
هنا بضحك هي الأخرى : انا غلطانه يلا روح اطلب الاكل
&&&&&&&&&&&&&&&&&&&
في شقة منيره
فيونكه : قولت لا يعني لا مش هقولك حاجه
نبيل :طب تعالي نلعب لعبه
فيونكه : لعبة اي ؟؟
نبيل بمكر : اسئله ذكاء والمفروض الإجابة تكون خلال ثانيه
فيونكه بتفكير: اممممم ماشي يلا
نبيل : ازرق
فيونكه بسرعه : سما
نبيل : شمس
فيونكه : قمر
نبيل : نجوم
فيونكه : سهر
نبيل : حب
فيونكه : انت
وضعت يدها على فمها بصدمه
نبيل بحب: أيوه بقا اخيرا
فيونكه بارتباك : انا انا انا قصدي أن انت غشاش دي مش لعبه دا اختبار
قام نبيل وأخرج علبه قطيفه يوجد بها خاتم رقيق علي شكل فيونكه
نظرت فيونكه الي العلبه بفرحه : اي دا
يقدم لها العلبه : هتفضل معاكي لحد يوم الجمعة لو مش عايزه تكملي معايا انا مش هغصبك علي حاجه وابعتي الخاتم انتي احسن بنت في الدنيا وتستهلي كل خير
وذهب إلي باب الشقه : بس اعرفي أن انا مستعد اعمل كل حاجه عشان خاطرك وذهب
جلست فيونكه وهي تنظر إلى العلبه بسعاده ولكن قررت شئ قبل أن تعطي رد لنبيل
&&&&&&&&&&&&&&&&&&&
تقي : أنتي بتعملي ايه يا كوكي
كيان : بكلم واحده صاحبي اسمه سليم
تقي بدهشة : صاحبك ازاي يعني ؟
كيان : هو معايا في النادي
تقي يضيق: بس كدا غلط يا كيان مافيش بنت مؤدبه بتكلم ولد
كيان بحزن : يعني انا وحشه يا تقي
تقي : لا يا روحي أنتي جميله عشان كدا أنا مش عايزاكي تكلمي أي ولد خلي صحابك كلهم بنات
ابتسمت كيان : حاضر يا تقي مش هعمل كده تاني
بعد شويه رجع اشرف من برا
كيان : بابا أنا عايزة أشتري هديه لتقي عشان زعلت مني انهارده
اشرف : و زعلت منك ليه بقا يا كوكي
قصت كيان عليه كل شيء
اشرف احترم تقي جدا وقرر يعيد النظر في شخصيتها من أول وجديد وكمان بعتذر منها بس قبل ما يدخل الاوضه بتاعتها كان جرس الباب ضرب أعلن عن حضور ضيف غير مرغوب فيه هيقبل كل حاجه العكس تماما
&&&&&&&&&&&&&&&&&&&&
