رواية حوا وتمضي الايام الفصل الثلاثون 30 والاخير بقلم علا احمد
الفصل الثلاثون والاخير
من حوا وتمضي الايام
صلوا عليه وسلموا تسليما كثيرا
بسم الله الرحمن الرحيم
&&&&&&&&&&&&&&&&
في المستشفى **** بعد مرور عامين
أشرف يجلس بجانب سرير تقي بعد خروجها من غرفه العمليات
أشرف وهو يمسح على شعرها: حمد علي سلامتك يا حبيبتي
تقي بتعب : الله يسلمك فين ابني
أشرف : في الحضانه وشويه وهيجوا
تقي : طب هو حلو
أشرف بابتسامه : زي قمر شبهك يا روحي
تقي : ربنا يقدرنا ونربيه احسن تربيه هو وكوكي انتوا احسن حاجه حصلت في حياتي
أشرف : يا تقى انت الاحلى وانا كنت غلطان في حكمي عليكي من غير ما اعرفك الاسبوع اللي كانت في طنط رباب عندنا قربنا من بعض وخلاني أعيد التفكير من اول وجديد انا عشت معاكي سنتين من احلي سنين عمري حنيتك علي بنتي ومعاملتك الطيبه ل اهلي بين انك احلي بنت في الدنيا
تقى : فرحانه بكلامك أوي ربنا ما يجيب ما بيننا حاجه وحشه ابدا ونفضل مع بعض العمر كله وانت كنت فعلا نعمه الزوج الصالح كفايه وقفتك معايا في المشكله بتاعتي ودعمك ليا في الجامعه انت غيرتني للاحسن
أشرف بحب : بحبك
الباب يفتح ويدخل والدة أشرف وأخته ورباب ومعها كيان اللي راحت بسرعه علي سرير تقي
كيان : حمد الله علي سلامتك يا ماما انا شفت النونو و شبهك قوي
تقي وهي تحتضنها: الله يسلمك يا روحي
فاتن : الف حمد الله على سلامتك يا بنتي انا كلمت مامتك وهي جايه في الطريق
تقي : الله يسلمك يا ماما ربنا يخليكي ليا يآرب
رباب برجاء: اتمنى يا تقى معاملتك ما تتغيرش مع كيان
تقي : اطمني يا طنط يا كيان دي بنتي وعمري ما اتغير معاها ابدا
أشرف بعد شويه جاب الولد وفعلا كان شبه تقي جدا
تقي بدموع : بسم الله الرحمن الرحيم دا حلوه اوي
أشرف : عشان شبهك يا قلبي
تقي : ربنا يخليك ليا يآرب
ثم ترفع يدها: ألف حمد الله وشكر ليك يارب
أشرقت : هتسموا ايه بقا
أشرف وهو ينظر إلي تقي : كنان
تقي : الله حلو اوي بس معناه ايه ؟؟
أشرف : الوفاء والاخلاص
أشرقت بمرح : الله كنان وكيان علي نفس النهج
والدة أشرف : ربنا يبارك فيهم يا رب و يكونوا أحسن الناس
تقي وأشرف : ياررررررب
&&&&&&&&&&&&&&&&&
في شقه هنا وأحمد كانوا عايشين مع بعض احلى ايام بعد ما ربنا رزقهم ب تؤام ( زين و زينه) واحمد دائما واقف جنبك هنا عشان تعرف توفق بين البيت والجامعه وهي دلوقتي قربت تخلص وقدامها سنه واحده بس
هنا : يا ااااااااحمد
احمد ببرود : ايه يا هنا عايزه ايه مش عارف اتفرج على الماتش
هنا بغيظ : يا احمد حرام عليك ماتش ايه وزفت ايه تعال ساعدني عايزه البس الاولاد عشان نروح لتقى المستشفى
أحمد : ماشي يا ستي سيبي زينه انا هالبسها
هنا : اشمعنا زينه بقى
أحمد يضحك: انت بتغيري من زينه
هنا : أيوه عشان مهتم بيها عني أنا و زين
أحمد وهو يحمل زينه بحنان : عايزه الحق البت دي خاطفه قلبي وبحبها اكتر من نفسي
هنا : انا كنت فاكره العكس وانك هتحب الولد اكثر عشان زين ما كانش باين في السونار والدكتوره قالت ان انا هاجيب بنتين فقولت أنها هتفرح بزين اكثر
احمد : انا فرحان من أول ما الدكتوره قالت إنهم بنات أنتي عارفه يعني ايه خيركم من بُشر بالأنثي يا هناءه اللي من افتح الله ذريته بأنثي دي هتكون ليا صديقه حلال وحبيبه من غير غيرة وام رغم سنها الصغير وسبب رزق رغم أنها ضعيفه و رفيقة عمر مضمونه وفوق كل دا الجنه بسببها
هنا وهي تقبل رأسها : فعلا ربنا يبارك فيها بس بردو انا كدا هغير اكتر
احمد بابتسامه : حبيبتي انتي اغلي من روحي دا انتي سبب بعد ربنا في وجودهم
هنا : برده بتحب زينه اكثر
احمد بضحك : لا اله الا الله طب انا هاقول لك على حاجه عينك اليمين اغلى ولا عينك الشمال اغلى
هنا : الاثنين غاليين
احمد بحب : شوفتي بقا أنتي عين وهي عين
هنا بسعادة : طب و زين
أحمد بنفاذ صبر: مالكيش دعوه بزين دلوقتي انا هتصرف معاه
هنا : أحمد أنا زهقت مني
أحمد : يااااارب صبرني عليها شوية كمان
هنا بضحك : خلاص يا أحمد بهزر معاك
احمد يضمها إليه هي و زينه وزين : ربنا يخليكم ليا يا رب ثم ينظر إلى هنا : ونفسي في بنتين كمان يا هنون
هنا وهي تبتعد عنه : ليه ارنبه يا استاذ قال نفسي قال وبعدين انا ***
قاطعها احمد: خلاص ابعد يا شيطان أبعد تعالى يا روحي نقرأ سوره الكهف انهارده الجمعه
هنا بمرح : ماشي يا حماده بس انا مش مواقفه علي كلامك
و الحياه مستمره بين احمد وهنا على نفس الوضع خناقات واختلافات كثير بس كلها بتنتهي لما كل طرف بيتخلى عنه حاجه عشان المركب تمشي وعلشان عايز سعادة شريكه
&&&&&&&&&&&&&&&&
عند منه وسند
سند وهو يجلس أمام منه : يلا يا لوزه سمعي بسم الله الرحمن الرحيم
منه بأدب : (الر تلك ايت الكتاب المبين )اااا
سند بحده : هاااااا
منه : طب قول كدا اول كلمه بس وأنا هكمل اول كلمه
سند : وبعدين بقا يا منه كل مره على نفس الوضع تقولي اول كلمه بس اول كلمه بس انت مش حافظه السوره اصلا قاعدة اسبوعين في سوره يوسف
منه بتبرير: والله غصب عني مش بعرف احفظ حاجه من حمزه
سند بنفي : لا يا منه انتي بتدلعي حمزه كبر وداخل علي سنه دا لما كان لسه مولود كنتي شاطره وبتسمعي كويس قولي الحقيقه مش عارفه تحفظي ليه
منه : مش عشان حاجه الحفظ مش عايز يثبت في دماغي
سند : امممم أنتي متابعه حاجه يا منه
منه : دا مسلسل تركي وهو ساعه واحده بس في اليوم ومش بتفرج علي حاجه تاني والله
سند بضيق : تركي يا منه تركي يبقى هو ده اللي عملك تشتت و مش عارفه تحفظي حلو
منه بتفكير : تصدق عندك حق انا فعلا من ساعه ما تبعت المسلسل وانا حاسه ان انا فاقده خشوع في القران كنت فاكره اني هاعرف افصل ده عن دا
سند : "لا تجلس بالقرب من أسباب المعصية ثم تشتكي وقوعك فيها ، غير مكانك تسلَم.
متروحيش عند الفتنة وتقولي أنا جدع!
احنا ثابتين عالطريق بفضل الله و ستره مش شطارة مننا،احنا ضعفاء أمام الفتن
اللهم اقبضنا إليك لا فاتنين ولا مفتونين
منه: ونعم بالله ثم قالت بحب سند أنا بحبك أوي أوي
سند : وانا بحبك اكتر يا ام حمزه ثم ضربها بخفه علي رأسها بس بردو في عقاب علي عدم التسميع ومافيش حاجه حلوه وأنا جاي من الشغل
منه بأسف : لا خلاص حقك عليا انا اسفه اديني فرصه ثانيه
سند : لا مافيش حاجه عشان أنتي وحشه
منه : طب يومين بس يومين بس عشان خاطري
سند : يومين بس
منه : اااه يومين بس
سند : ماشي ثم يخرج شوكولاته من جيبه الخاص : دي الحاجه حلوه بتاعتك رغم انك مسمعتيش بس تحفيز ليكي
منه بفرحه : ربنا يبارك فيك يارب يا حبيبي هروح اخضر لك الغدا وانت روح شوف حمزه عشان بيعيط
سند : حاضر
&&&&&&&&&&&&&&&&&
كان شرط فيونكه علي نبيل هو اتجاه الي طريق الدعوه الى الله عز وجل قال الله تعالى ( ومن احسن قولا ممن دعا إلى الله وعمل صلحآ وقال إنني من المسلمين) بيان فضل الدعوة إلى الله تعالى وشرف الدعاة العاملين وفضل الإِسلام والاعتزاز به والتفاخر الصادق به
ونبيل رحب بالموضوع جدا والحياة بدأت برحلة عمره و زياره بيت الله الحرام
وبعد سنتين صبر علي الخلفه فيونكه حامل في الشهر الخامس
فيونكه: نبيل
نبيل وهو ينظر إلي الهاتف: نعم يا روحي
فيونكه : مافيش اخبار عن النتيجة بتاعتي
نبيل : لسه يا حبيبتي بس انا متابع الموقع
فيونكه بفرحه: ياااااه اخيرا ١٦ سنه تعليم باقي علي الحلم تاكه
نبيل وهو يضغط على يدها بحب : هانت يا روحي اطمني ربنا هيكرمك اكتر ما بتتمني يا ست البنات
فيونكه بخجل : أن شاء الله يا حبيبي ثم تحسست بطنها وقالت : نبيل أنا نفسي في حاجه
نبيل : ايه يا روحي
فيونكه : بس أنا خايفه
نبيل بشك : نفسك في ايه
فيونكه: نفسي في ام الخلول بس بجد والله
نبيل بعصبية : حرام عليكي يا فيونكه
فيونكه : اعمل ايه طيب انا بتوحم عليها
نبيل وهو يجز علي أسنانه : حبيبتي أنتي بتتوحمي علي تعبي مش عليها
فيونكه بضحك :طب عشان خاطر ابنك
زفر بضيق ثم قال : قومي يا فيونكه حضري شنطتك هنروح اسكندريه لحد ما تولدي
فيونكه تقفز بفرحه : هنروح اسكندريه
نبيل بتحذير : براحه
فيونكه بدلال: خايف عليا
نبيل : خايف عليكي طبعا انا ماعنديش اغلي منك يا روحي انتي هدية ربنا ليا فرواله وبعدين كفايه اني سايب شغلي ورايح جنب ام الخلول عشان خاطرك
فيونكه بخجل: بحبك قد البحر و سماكاته
نبيل : بردو أم الخلول في الموضوع مش كدا
وظلوا يضحكوا في سعادة وحب
وبعد كام شهر ولدت فيونكه ( يحيي) وكان غالي عند الكل وخصوصا اكرامي بعد مارجع روث فيونكه فيونكه كانت نور في حياة نبيل وحياة اكرامي و نجاة والتعامل مابنهم بقا افضل
وطول اليوم اكرامي قاعد مع حمزه ويحيي ويطلعوا علي النوم بعد ما إكرامي قعد في البيت وساب المعرض لنبيل وسند
خلاصة الرواية هو الرضا بقضاء الله عز وجل والصبر على البلاء واليقين في الله طول الوقت كل واحد مننا واخد اللي ٢٤ قراط بتوعه زي التاني مافيش حد احسن من حد
مهما ضاقت الظُروف ومهما صعبت الحياة أُيِقِنُ بقول الله أنه لا يُكلف نفساً إلا وِسعَها الحياة عسر ولِين والفائز من صبر وشكٓر في كلا الحالتين فأمرنا كله خير وخلف كل عقبة فرج وفرح عظيم فقط ثق بالله تعالى ووكله امرك
تمت بحمد الله
