رواية عشق اهل الانبار الفصل الثامن والعشرين 28 بقلم رواء هادي
اجوي بيت عمي ضايجين رائد وياهم سلموا وكعدوا اجه ابوي واخواني سلموا قدمت الضيافة حجه عمي لابوي السالفة تفاجأت مهددين رائد بالقتل ومتعرضين له
اكثر من مرة وفوك كلشي متهمي بتسميم حقل الدواجن اباوع لرائد تعابير وجه باردة كلش عرفت بي هو وره السالفة كلها البارحة يضحك ويكول دجاج معناها ماقصف
بس سمم ابوي وأخواني تخبلوا رأسن .....خابر شيخ العشيرة وكال نكعدهم للحك لو نشتكي عليهم بالمحكمة راد يتصل بيهم الشيخ تدخلت وكلت أني أتصل بيها
وانطيهم خبر عاداخذت الرقم ابو مصطفى اخوها الجبير لزينب من رائد اباوعله شفت لمعة خبث بعيونه شعل جكارة وطلع بره يدخن خابرت اخوها كدامهم وانطيته علم
4
بسرعة سديت الخط ولحكت رائد شفته واكف بصف سيارتي ويدخن وانظاره ليفوك يباوع للقمر جان
مكتمل رحت عليه ...
التفت علية يضحك ويلعب بطرف شاربه ...
لعبوا وي الشخص الخطأ
_ليش هيج ؟
_العين بالعين والسن بالسن والبادي اظلم
_منو البدء أنت لو هم ؟!
_طبعآ هم بدوا وأني الراح أنهي
_بس بهاي الطريقة خطأ منك تقترف جريمة قتل بحق. الحيوانات البريئة وفوك كلشي تذب الوم عليهم وار...
_اشششش قاسم لا تحجي خلني ماشي بطريقي
_طريقيش ولك هذا طريقك راح يوديك للهلاك لو دروا بيك أنت المجرم الحقيقي راح يكعدوك للحك وياخذون منك
فصل مربع ويدخلوك للسجن
_لو يموتون مراح يعرفون بي أني المجرم الحقيقي والتهمة تلبست براسهم مثل ما لبسوها برأسي خليك
وياي قسومي
_أني ماامشي بطريق الباطل أنت باطل وكل
حركاتك باطله وحرام عليك
_لا مو حرام
_شنو مو حرام تهدد العالم وتروح تقتل حيوانات بريئة وفوك كلشي راح تكعدهم للحك وتأخذ فصل وتريد تدخل
اخوها وابن عمها للسجن
( 2 )
_من كالك اخذ فصل ؟
_ حجي ابوك والشيخ شنو لعد ؟!!
_كلها لعبة مني
_لعبتيش ؟
_عقلي يوزن بلد كامل هههههه
_ولك أنت عقل مال مكايد وعمايل سودة هاي عملتك
ماتخطر على البال ماكدرت تاخذها بالتراضي
راح تأخذها بالقوة
3
_بالضبط
_ وان مانطوها شلون؟
_اقرأ الفاتحة على أروح ثلاثه أشخاص
_هم قتل ؟!!
_ناوو السجن يرحب بعمامي الشيعة
26
_شكد قاسي واناني رائد ماتوقعتك بهل قساوة والانانية
_كلشي ترجى مني مادامني احبها
_هذا مو حب هذا اسمه أنانية
_إذا ماتكون أناني وقاسي وي ناس أنانية وقاسية
مراح تكسب الحرب ضدهم تعامل وياهم
بنفس تعاملهم
_اووووف
_عوف الأمور تمشي مثل مااريد قاسم اترجاك لا
تخرب شي وخلني اخذ زينب فصلية
_خررررب بعمي اقتل روحي هسه شنو تاخذ البنية
فصلية وين صايرة وين دايره هاي ...
12
_عدنا
_وين عايشين احنا وتريد تاخذ بت العالم فصلية
أنتبهت على صوت محمد ...
اتصل شيخنا بشيخهم وانطاهم عطوه
قاسم : هاا
رائد :اي زين يسوي خل يجون ويجيبون
وياهم البريعصي ومؤمن المنغولي
2
محمد : خوش الالقاب داكلهم هههههه
رائد : تلوكلهم
قاسم : افففف
محمد : بس أريد اعرف هذولة ويامن اندك وي رائدنا ابو المشاكل والبلاوي السودة هههههه
رائد : هههه
قاسم : شرفكم مال ضحك؟
محمد : ولك حفلات والله مهددين الوحش مالتنا بالقتل وقصف هاونات مايدرون هم ابو التهديد والقصف وركع هاونات هسه حلوة راح يركعهم
هاونات معكلة ههههه
1
قاسم : ناس فقرة وتورطوا شمدريهم بالمصكوع
مالتنا يريدها من الله
رائد : هسه شبيك كالب خلقتك
محمد : حيل بيهم وابو زايد شلون يهددون بالقتل والقصف لا تدافع قاسم وفوك كلشي يتهمون بتسميم الدجاج خطية رائد شعلي لو ابتله حب بتهم ورادها ناس
بلا خجل واحترام
رائد : الك الله يالفقير نايم وتجيني التهايم
قاسم : هم الفقرة لو أنت
محمد : طبعآ هو
رائد :عليك الله محمد منو المظلوم أني لو هم ؟
محمد : والله أنت المظلوم طردوك مليون مرة ومانطوك
بتهم وفوك كلشي يهددوك بالقصف وقتل
وتسميم الدجاج
اباوع الرائد صفح مسوي روحة فقيرون ومحمد مايدري راس البله كله رائد جان يلعب بعصابهم علمود يهددوه كلها خطه مدبره منه اعرف بي خبيث والخباثة تمشي بدمه .
راح محمد تعاركت ويا صار يحجي بجدية خوفني من كال بس تخرب السالفة ويدرون بي اني المجرم الحقيقي راح اقصف ابيوت اهلها والله العظيم احسلك اكعد راحة
وانجب وصف وياي .
هنا صدكت بي هو هم مايضم سالفة ... علية رجعنا كعدنا عمي يريد فصل وابوي يكله اي ناخذ منهم فصل ونخليهم يصيرون عبرة لغيرهم يحجون وي رائد يكول
اي اخذ فصل معدل منهم يسمع الكلام ويأيد بيهم وأني أدري شنو بعقله الفصل زينب يريده يكون أنتهت الكعدة عالساعة بال٢ رجعت للغرفة لكيت مسك كاعدة تنتظرني
_بشر ؟
دخلت وسديت الباب ...
كعدة خلوها
_كعدة شنو مفهمت ؟
_كعدة عشائرية بدل المحكمة
_راح ياخذون فصل ؟
_اي
_وشكد ياخذون ؟
_بال٥٠ مليون أو أكثر
_عززززة منين يجيبون هذا المبلغ
_ومحتمل أكثر
_شنوو أكثر؟
_أكثر من تهديد مهددينه ومتعرضين اله وكل قضية الها
فصلها وعدي شكم قضية وشكم فصل
_يالله منين يجيبون
_هسه أنتي شايله هم منين يجيبون
وماشايله هم رائد المسكين
_لامو هيج قاسم بس المبلغ كلش ضخم هم ناس
على كد حالهم منين يجيبون.
_ينطون بتهم ويسكتون
_شنوو ؟
_شبيج مسك شنو ومنو ؟
_مو أنت ماجاي تفهمني شنو القضية فهم مو تحجي بالالغاز
_رائد يريد بدل الفصل زينب فهمتي هسه
_يريد ياخذ حبيبته فصلية
_اي عفية فصلية
_الله الله مثل بالقصص الله شكد احب الفصلية
ههههه حلو قاسم حلو
1
بقيت اباوعلها متعجب من تصرفها ..... طارت من الفرحة كامت من الجرباية اجت لعندي نزعت التيشيرت ....
3
_شوكت ياخذها فصلية ؟
_ربي اخذني بعد عايش بنص مجانين
_ههه شبيك ؟!
_ مسك ؟!!
_لا شبيك تباوعلي بهاي الطريقة قاسم شبيك لا تباوع هيج ؟
_سترك ربي
_شبيك ؟!!!
_روحي خل ابدل أعوذ بالله من الشيطان
الرجيم بسم الله الرحمن الرحيم
4
_شفت قاسم ؟؟ ... جني قاسسسم اخااف ولك
وين الجني قاسسسسم
حضنتني كل قوتها ....
خرررب بحظي اخلص من واحد تججيني الثانية
وين اروح ربي وين ..ولج واخري
ياجني واخري
_أنت مو تعوذت الشيطان وسميت بسم بالله
_وين راح الجني وين جان واكف لا تكول وراي ؟
_ههههه خرررب بيومج مسك وج ماكو شي هههههه
_والله ؟
رفعت رأسها تباوعلي واني خربان ضحك ...
ههه والله ماكو شي بعدي خل ابدل هههه جني
هو أنتِ جني ازرك هههههه
_ضحكت علية
_لا والله مضحكت عليج شوي وخري خل أبدل ام الجني ههه
وخرت عني اضحك بدلت هي بمكانها واكفه ...
شوكت تجي الفصلية ؟
_وين المسدس خل اقتل نفسي وج يافصلية ؟
5
_فصلية رائد
4
_خررررب بيك رائد هاي الثولة مصدكة
راح تاخذ حبيبتك فصلية
_مايدرون هاي الخطة لبراسه كايل اريد فصل افلوس مايدرون شنو يدور براس رائد
_ هااا اي شكو بيها خل ياخذها فصلية
ويتزوجها خطية هواي يحبها
_اووي فدوة ام الحب
_اكو أحلى من الحب هسه مو حبيتني واخذتني ورائد هم يحبها وهي تحبه شكو بيها لو صاروا
بغرفة وحدة و بالحلال
_اففففف
_هاا قاسم
_وجعااا نامي
_شبيك متعصب ومتنفز وبس تصيح
_رائد مخله برأسي عقل وخايف لا يرفضون ماينطون زينب بدل الفصل ورائد يروح يسوي بلية
سودة بالعالم
_قابل رائد مخبل
_انكس من المخبل
_كول يالله قاسم أني متفائلة هالمرة واحس راح
يتصالحون وينطوه زينب فصلية هههه
_الله مطولج ياروح
رحت تمددت كاطع الأمل من ... مسك هم طلعت مجنونة مثل الرائد طلعت عايش بنص مجانين اجت لعندي
اشرتلها ...طفي الضوه
طفت الضوه اجت نامت بحضني ...
حبيبي قسومي نروح لعرس رائد مو
_خل يعرس بالاول
_يعرس نروح لو تطلع عذر كورونا
_بس يعرس نذر عليه اطش فوك رأسه كونية جكليت واخذج واخذ رصاوي ونروح وانعل ابو كورونا
_ياااااي أحبك كومات اممممح
_باع اللواكة
_لواكتيش هذا حب ودلال ما تفرح ادللك وأحبك
_هاي طلعت منج مو مني تغشمريني بوسه لو
حضنه وتاخذين لتريدي مووو
_هههه اييي
_وفوكاها تعترفين
_هههه اي
_تدرين لو طبكن عندي لو مو مسك تصيرين لو مو
غرائات منج مراح يطلع شي مني
_واضح امممممح
باستني بشفايفي سكتتني للأبد...
هااا مو سكتك للأبد ههههههه
_اقسم بعشرة اصابيعي أنتِ مجنونة راح ا
خذج للمصح أمراض العقلية
_مجنونه يول مجنونه بهواك ههههه
1
_ اممم
ابو رساوي اممممح البطل مالتي امممح أميري امممح العشق مالتي امممح الكبد مالتي امممح كلشي حلو بحياتي صار اممممح اللي جنت ماريده اممممح
_شنو ماتترديني ؟
_اسكت خل اكمل بوساتي لا تقاطع جنك امك الضابط ...
امممح ابن الضابط احبك كومات ومتحمله امك الضابك علمودك امممح الضابط الخبيث احب ابنج
المصكوع اممممح
_غزل بي شتومه مايراد
_انجب خلني اتغزل بكيفي
5
_اشو اخذج الواهس وصارت بيها انجب اشو تعالي ...
_زله صارت اااه جاي تسوي قاسم عوفني
_زله ماتمشي عندي تعال خل اعلمج شلون الغزل والحب والحنان على أصوله ام رضاوي ههههه
_اهووو غزلك وحنانك مثلك عنيد وقاسي دخلني على غزلي اشرفلي كيوت مثلي مو مثلكط اااااه قاسم لا تعض ااااه
_مو تردين غزل وحب هاج هذا الحب
_ااااه ولك مو هيج تعض وتكرص اااه قاسم_كافي والله مابي اصيح ويكعد رضاوي بالكوه يلا نيمته
_والله نسيت ههه
_اي حقك تنساه هو أنت نفسك ناسيها انوب ابنك
_هاي أنتو الزلم حضن المرأة يغشمركم ههههه
_غير حضنكم علاج هههه
_طبعآ علاج
_اي والله حضنج راحه وأمان لي
_أدري حبي ابو رضاوي اممممح
_شبعيني بوس ههه
_شعندي غيرك غير حبيبي وعمري وابو وليدي امممح
_عمري اممممح
8
رائد" رجعت للبيت نار بصدري مشتعلة ماعرف شنو تاليتها عكب باجر الكعدة عد بيت عمي بالمظيف أمي شافتني اجت وياي للغرفة تكول ام زينب أتصلت بي وتبجي فدوة
لا تاخذ فصل ماعدهم خطية حلوها بالتراضي ...
نزعت ملابسي اخذت تراك وأمي تحجي مارد
ردت ادخل للحمام صاحت بي ...
_بس تاخذ فصل فلوس اعوفلك البيت والله العظيم
_وأني عايز فلوس
_ابوك يكول اخذ فصل اقل شي بال٣٠ مليون
واكثر شي بال١٠٠ مليون
_ماعليج من أبوي أني مقرر شاخذ بدل الفصل
_شتاخذ؟
_فكري بيها شرايد
دخلت للحمام عفتها حايرة كملت وطلعت انشف بشعري
اكيتها بعدها بالغرفة تخزر بي رفعتلها تك
حاحب... سالمين ؟
_تريد تأخذ زينب فصل ؟
أبتسمت ...
توقعي طلع بمكانه وتالي وياك ؟ ماتبطل من سوالفك وخططك الشيطانية ؟؟
_ناوو
6
_ناوووو
_كول اي لو لا مو ناو صايرلي أجنبي برأسي
_استغفرالله شبيكم وياي ياهو ليلزمني أنت المجرم يابة مو أني وأصلا مالي دخل ولا ادري بعمامها شعدهم
ماعدهم من أملاك
_حساسي يكول أنت انتقمت من الرجال
_شلي علاقة بالرجال؟
_علمود مانطوه زينب
_جنتهم كالت عمام زينب كلهم ماقبلوه مانطت شخص معين علمود اروح انتقم منه واصلا أني مادري بالسالفة الرفض الصبح يلا دريت كافي تتهموني باطل حرام عليكم
تشيلون غيبتي وإن بعض الظن إثم يمة .
خلت وطلعت عافت الباب مفتوح متعصبه رحت اسد الباب ...
عليمن هالتعصيب ست سهودة ههههه
_كله تخطيطك اعرفك ابليس على هيئة بني ادم
_استغفرالله حرام عليج تشبهين بني ادم بابليس
_وانكس أنت
_شلون ؟
_وللللي
_نولي ليش مانولي ست سهودة الجميلة هههههه
_الا اخرب خططك اصبرلي
مديت رأسي من عتبه الباب وكتلها ...
وغلات جدي خلف يطلع رائد سايكو عود بهذاك الوقت
تربعي بالكاع وشكي زيجج واكضيها
اعياط على البلاوي لاسويها
_تهدد ولك ؟
_وعشرة ونص هههه
_ لا تخليني هسه انبش جدك خلف بگبره
وانعل والديك وادفنك بصفه
_اتحول ؟
_شتتحول ولك ؟
_سايكو
_رائد من وراك شعري كله انكلب شيب ولك كافي ارحم
بحال امك كافي تعبت ولك تعبت
_وأني هم تعبت واريد زينب اليوم كبل باجر بحضني مو زين مني صابر كل هالسنوات وتدري بي أني إنسان رومنسي من وراج أنتِ كطعت النسوان وصارت نفسي بزينب
جيبيها لي وجفي شري شر سايكو .
_ربي شمسوية وانطيتني هالولد
_الله حبج وانطانياج هدية
_شلون هدية طركاعة سودة
_مو زين
_هو شنو الزين بس فهمني شنو الزين
_أني
_والخيوط البيك
_نروح للمگبرة نطلع جدي خلف ونطلع الخيوط نردهن له وفلت المشكلة ليش مصعبة الأمور ياسهودة
_هسه اروح اغسل ايدي بالماي والصابون منك
2
_ونشفي بالمنشفة هههه
3
_رائد كافي أعصابي تلفت
_ونشفي بالمنشفة هههه
_رائد كافي أعصابي تلفت
_سهاد الحلوة شبيج وياي منو ركعج
اتصال عمتي لو حبيبتي ؟
_زينب اتصلت بي تبجي وتكول اتصل بي ينطيني رفض
_هاا وأني اكول شبيها ام كلب الحنين أعلنت الحرب
_أرفع عليها خط واحجي وياها خطية
_والقرآن مافتح عليها خط
_شبيك تخبلت
_والله هن طابكات ومن يطبكن يطبكن
تدرين بي الحجي ماينسمع
دخلت جوه سديت الباب قوي عود تعصبت صاحت امي ...
من طيح حظك شاخط وتبقى شاخط
ماتصيراك جارة .
رحت تمددت بفراشي خليت ايديه الاثنين وره رأسي وأفكر شلون اقنع الشيخ العشيرة يطلب زينب بدل الفصل اجت بالي اخذ قاسم باجر واطلع لبيت الشيخ أفهمه السالفة
كلها وخل يحصرهم بالزاوية .
ثاني يوم الصبح شحطت قاسم شحط مايقبل يروح يكول حرام نأخذ البنية فصلية الله راح يحاسبنا وأني هيج كوه عايش انوب اضلم بنية لاا رائد فدوة
جوز من سوالفك جوز
_ماجوز يلا أنزل
_مانزل
_تعاند
_مانزل روح أنت واحدك احجي وي الشيخ لا تدخلني بالنص
_تنزل لو ادفرك واطلع مصارينك من حلكك انززززل
رفعت رجلي ردت ادفره من صدك هو شافها
صدك رأسن فتح الباب السيارة وطفر ...
_شبييييك ؟
_تعال خل ادفرك وين شردت تعال
_مخبل بالقرأن مخبل
_منو كالك عاقل سد الباب وراك واطلع كدامي
لما اخلي عطر واعقم ايديه وأنزل
_ادعي الله تجيك كورونا
_والله العظيم بس تصيبني اجي ابوسك من حلكك ههههه
27
_شكد وسخ
_اوووي أذكرك
غمزت اله عين مشه عني منزعج رشيت عطر وخليت تعقيم لايديه ونزلت رحت بصفى نمشي لمضيف الشيخ تلكانه ابنه الوسطاني دخلنا جوه شوي واجه الشيخ حجيت ويا
بقي صافن بوجي ...
من كل عقلك ؟
رائد : قابل اشاقه شيخ
قاسم : مو بهل الطريقة شيخ اطلب ايد البنية من الشيوخ واهلها بالكعدة وخلي الصلح يتم بين العائلتين
رائد : مثل مكال قاسم هم من راح يكولون ماكو فرق بين السني والشيعي وكلنا اهل أنت كول مادام هيج صارت اطلب ايد بتكم لابنه رائد على سنه الله ورسوله
وهيج نصير اهل وايد وحدة
الشيخ : تريد نچب على زاقورهم ماي
رائد : بالضبط
الشيخ : والله عقلك مدبر عرفت تلعبها صح
قاسم : اي تسوى ههههه
الشيخ : اشو ساكت رائد؟
رائد : مو قاسم رد قبلي طبعآ تسوى
الشيخ : ان شاءالله تكون من نصيبك بت الشيعة
رائد : ان شاءالله
قاسم : ان شاء الله
كملنا حجي وي الشيخ رجعنا للبيت بوجي للحمام سبحت وطلعت هم اجت أمي وين جنت وين راحت أنت
وقاسم كتلها شغله شغل .
طلعت أمي كعدت فوك الكرسي بإيدي التلفون زينب دازتلي رسائل رائد اروحلك فدوة رد على اتصالاتي ... ليش ماترد شبيك أدري زعلان بس أني شنو ذنبي
تزعل مني رائد رد ؟!
مارديت فتحت للانستغرام أخذت صورة لنفسي نزلتها وكتبت عليها . لم تكن شظية من أنفجار، لم تكُن رصاصة من
بندقية، كانت كلمة.
نزلتها ستوري وطلعت اقلب اكسبلور ....صور ومقاطع بملل مشتاق لزينب كلش بس مال أتواصل وياها قبل الكعدة مستحيل أريد أريد اسويها الها مفاجأة .
طلعلي إشعار رسالتها أبتسمت نزلت البردة شفت كاتبة
رائد رد عليك الله رد شبيك ماترد ؟
مافتحتها أصلا بقيت أحرك باعصابها دخلت استوري واختاريت صورة بس ايدي جاي اسوق بالسيارة
هم نزلتها وكتبت ...
تؤذيهم ردة فعلك ،وبأفعالهم
لا يشعرون..
20
شوي وشافت الستوري أول شخص هم راسلت عفتها تراسل آخر شي بزعت ماتمل هاي شفت كاتبة كومة رسائل واغلبيتها تتوسل بي ارد عليها خلت كرامتها على الرف اليوم
زينب علمود أهلها بقيت مبتسم وأقرأ.
مارديت عليها طلعت هم راسلت وهالمرة جرحت قلبي بردها ...خلص من هاللحظة لا أعرفك ولا تعرفني واحد أناني وقاسي وكذاب طلعت للأسف . الله ينتقم منك .
ردت اراسلها حظرتني بسرعة ..... رحت على قائمة الإتصالات طلعت رقمها طلعلي مغلق دزيتلها رسائل اريدها ترد ماكو رد منها ضجت كلش شبيها هاي ماتشوف أني مشغول
10
علمود الكه حل يجمعنا سويه .
رحت لأمي كتلها اتصلي بأمه وكولي اريد احجي وي زينب والله اتصلت هم مغلق تخبلت عقل مابقى برأسي قبل لا تفك حلكه أمي وتحجي وياي طلعت لغرفتي
شعلت جكارة دخلت حسابها على الفيس بوك هم حاظرتني بركان صرت من العصاب بقيت على أعصابي البيت
ماطلعته وبعد أربع أيام التحق .
ثاني واجه يوم الكعدة "
ردت أروح وياهم أبوي ماقبل ولا ....عمامي قبلوا ولا الشيوخ قبلت تعاركت تعاركوا وياي ماتوصل لاهناك تكعد بالبيت وتسكت الشيوخ تحلها وأنت الك الصافي .
ماخلوني اكعد ....كعدت بالبيت مكابل أمي وكاعد روحي بخشمي صايرة كل ساع ادز رسالة لقاسم على الواتساب وهو يسجل الكعدة بصمات صوت ويدز
لفت انتباهي الشيخ مالتهم كال محد متعرض اله فقط تهديد على التلفون وهم هددوه بحاله أعصاب مو
قصدهم يهددوه
ماتحملت دزيت مقطع فيديو قبل فترة طويلة هددوني وتعرضلي بالشارع مؤمن وزيد واحد من ولد عمهم الصغير صورتهم مقطع فيديو شلون يحجون ويغلطون عليه
بالشارع ورقم السيارة دزيته القاسمز..
هذا دليل تعرضهم لي شوف الدليل
_هسه خل يحمل..
_حمل ؟
_اي كايم اشوفه للشيخ
_بسرعة .
شوي وراسلني ...
لاصت عليهم ههههه
_بعد عندي تسجيل صوت لمؤمن وزيد يهددون
بي ويحجون علينا ادزلك
_دز
دزيت اله هو مناك يودي للشيخ .. لاصت ولك لاصت شيخنا يكول ماجنت ادري هيج يسوون بأبنه علمود داك بابهم بالحلال وطالب بتكم وفوك كلشي تكولون ماكو فرق
بين السني والشيعي وكلنا ايد وحدة وينكم اريد طلعتوا بطرك الجذب شنو هذا الحجي انتو جاي تسوون طائفية وبس
هاي الكلمة عليها فصل .
_شيخنا زعل وكام
_اي عفيه هههه
_هسه لاصت عليهم بس مايردون يبجون ولك
_خل يبجون هههه
ساعة ويدزون علية رحت لبيت عمي جانوا بس عمامي والشيوخ شيخنا العام رايح البيته زعلانه عود منهم واجلوا الكعدة لغير يوم ادري يريد يحيرهم بزمانهم
كال أبوي راح اخلي شيخ ابو سجاد يتصل بيهم ويكول راح نحول القضية للمحكمة ونأخذ حقنا بالقانون
هيج راح تلاص عليهم
كتلهم سوي لتشوفوه صح .
اندك وي أهل الأنبار وفوك كلشي هذولة دولة كلهم ضباط وكبارية بدولة وساطتهم تخوف شورطكم شجابكم بوك اخوي طن هوى من الشيخ حجه ويا وكاله انطونه عطوه
مؤمن بس ماراد يبجي عمامي كذالك أمي...... تخربطت نقلناها للمستشفى جان مجلوطة خطية البيت صاير عبارة عن مشاكل وصياح والعياط مؤمن التحق للجيش
مسلم هم وره التحق بقى بس اخوي الجبير حاير وين يركض وكعوه بورطة من ورطة عمي طلع من المستشفى وعرف تخبل على زيد ويكولون كاتله واخوانه هم كاتلي
بعد الخسارة الجبيرة لتعرض الها عمي انوب فصول واخوي يكول الا يكعدونه على ابساط الفكر أكثر من تهديد مهددين الرجال ومتهمي بقضية باطلة وعنده دليل عليهم .
صارت الكعدة برغم ظروف كورونا بس ..... راحوا للأنبار أمي تبجي وتدعي تنحل المشكلة بدون محكمة لو فصل للعصر أتصل اخوي بمرته فاطمة وكال الشغلة لاصت
طلعوا تسجيل مكالمة زيد يحجي عليهم وعلى عشيرتهم ويسب بيهم واحد واحد حتى الشيوخ سابهم كالت لامي
امي نهارت وصارت تدعي على زيد
وتخزر بي وتكلي انتِ السبب أنتِ السبب ...... سكتتها فاطمة مناك نسوان أخوي ماريدها تفضحني كدامهن وتكول عدها علاقة وياها أني قلبي مشلوع أراسل بي
مايرد مبين زعلان ...واخذ على خاطرة وفوك كلشي حظرته الليل رجعوا امي تبجي اخوي الجبير بس ماراد يبج26ي عمامي كذالك يكولون لاصت لاصت ليش مانطيتوه زينب
ليش تعاندون هسه حلوة راح يكعدونه على ابساط الفكر تروح على قضية تطلع قضية ثانية وفوك كلشي شيخهم العام زعل وكام وكايل راح نحولها للمحكمة وهناك ناخذ حقنا.
من سمعت هيج طفرت لغرفتي رفعت الحظر عنه واتصلت بي ماريد رجعت أتصلت هم مايرد بقيت أتصل وماكو رد
صرت ابجي بس اريده يرد
آخر شي انطاني رفض ودز رسالة ...
أنتِ نهيتي كلشي بيناتنه
لا تتصلين بي بعد .
