رواية ارهقتي رجولتي بجنون العشق الفصل السادس والعشرين 26 بقلم منه محمد

رواية ارهقتي رجولتي بجنون العشق الفصل السادس والعشرين 26 بقلم منه محمد

البارت ٢٦

ارهقتي رجولتي بجنون العشق

منه محمد

وفي بيت ادهم

هازال واللي كانت تبكي من قلبها وبشهقة: انـ ا كــ ويسـ ه

زهره وبحيرة: ازاي كويسه وانتي بتعيطي كدا وروز بتقول لقتك واقعه وموبيلك جانبك فقولي لي مين أتصل بيك يا بنتي... وكمان أنتي لازم تروحي المستشفى أو تخلي الدكتورة تيجي وتشوفك لأنك بتنزفي ..

هازال واللي رجعت لذاكرتها وقت ما قالت المتصلة إنها زوجة ادهم فحست بمغص شديد وبعدين بنزول الدم والشئ يثبت بأنها فقدت اللي في بطنها بسب ادهم ومراته ... هازال زادت في بكاها ولحسن حظ زهره الي مش عارفه تسيطر علي انهيار هازال دخلت روز مع الدكتور فطلعت زهره وروز وسابو هازال مع الدكتورة

روز: سيده زهره ايه هي مشكلة هازال هانم

زهره بضياع: مشعارفه يا روز لكن أنتي متأكدة بأن ادهم مش هو الي اتصل بيها

روز هزت دماغها بالنفي: لا يا هانم أنا كنت في غرفة اللبس برتب الهدوم وسمعت السيدة هازال بتقول للمتصل... مين أنتي ... وأظن ان الكلمة لواحده ست ومش راجل

زهره بحيرة: مشعارفه والله وبين حيرتها فقررت إنها تتصل على ادهم عشان يجي ويشوف مراته لأنها خايفة تكون حامل وهي ماقالتش لحد وبعد ما قفلت اتصلت على الجلاد وقالت له بأنه لازم يروح هو وادهم على بيت أهل هازال ويقولو لهم عن موضوع زوجة ادهم لأنها حاسة بأن هازال عرفت حاجه... وأول ما خرجت الدكتورة قفلت من زوجها وطلبت من الدكتورة أنها تقعد ترتاح/ طمنيني يا دكتورة كوثر مالها هازال

الدكتورة : هي حامل يا مدام زهره؟

زهره: والله ما أعرف يا دكتورة وحالي من حالك

الدكتورة بتأكيد: لا هي حامل ولو أنا مش غلطانة هي في بداية الشهر التاني... والحمدلله أنك أتصلتي بيا علي طول لأنكم لو اتأخرتم شوية كانت فقدت الجنين اللي في بطنها لأن البنت منهاره ومصدومة من حاجه... عشان كدا نزفت، بس الحمدلله النزيف كان بسيط لأنه لو كان أكتر من كدا كانت فقدت الجنين بس أنا عطيتها أبره منوم ومنها توقف النزيف، فأن شاء الله الجنين هيكون بخير بس لو مثلا حصل أي قلق أتصلوا بيا

زهره: أن شاء الله وسامحيني يا دكتوره لو كنا أزعجناك... وأن شاء الله اليوم هبعتك مع تاكسي لأنك زي ما انتي شايفة أنا مش في بيتي

الدكتورة بابتسامة: لا يا مدام زهره أنتي خيرك سابق ودلوقت أنا لازم أرجع على المستشفى... وخلي زوجه أبنك تجيلي وتحلل بكره عشان نطمن على البيبي

زهره: أن شاء الله... وهابعتلك هدية بمناسبة الخبر الحلو ده..!!!!

الدكتورة ابتسمت : ربنا يخليك يا مدام زهره سلام عليكم

زهره طلعت تودع الدكتورة: وعليكم السلام ورحمة الله وبركاته... وعلى خروج الدكتورة دخل فاضل مع ادهم واللي كان خايف ومخطوف بعض الشيء

ادهم وفاضل: السلام عليكم

زهره: وعليكم السلام

ادهم بقلق:ماما فينها هازال ومالها جري ايه

زهره: نايمه في غرفتها...ادهم ساب أمه وأخوه ودخل على غرفتهم وراح وقعد جنب هازال ومسك ايدها وباسها بحنان

ادهم بخوف على ضياع هازال منه فمسح على شعرها بحنان: والله عمري ما أسمح لحد أنه يأذيك أو يمسك طول ما أنا على الأرض بس أنتي قومي وقولي لي ايه اللي حصلك وأنا هاخدلك حقك يا عمري... ادهم غطا هازال بأحكام وباسها في جبينها وبعد كدا خرج لامه وأخوه

ادهم بخوف: ماما طمنيني مالها هازال

زهره: والله ما أعرف فيها ايه بالظبط... بس احساسي بيقولي بأنها عرفت بموضوع جوازك

ادهم من الصدمة وقع على الكرسي واتبدلت ملامحه مية وأربعين درجة: ايه ازاي عرفت يا ماما ومين قالها ... بس لا يكون أنتي اللي قلتي لها

زهره بهدوء اتكت على اسنانها: يا مجنون إذا كنت أنا بنفسي بقول لك بأني حاسة بأنها عرفت فازاي أكون أن اللي قلت لها

ادهم باندهاش: طيب ازاي عرفت إذا مش أنتي اللي قلتي لها يا زهره أنا بس عاوز افهم

زهره بحيره: ما أعرفش بس في حد أتصل وقال لها حاجه... والبنت أنهارت بشكل غير طبيعي

ادهم بحيرة: أنا لازم أعرف مين اللي أتصل بيها

زهره وهي تستعد للمغادرة: والله بقي انا ماعارفه اقول ايه... اه ادهم على فكره هازال حامل؟

ادهم باهتمام: ايه حامل... لا يا ماما ما أظنش أنها حامل

فاضل واللي قرر يتكلم أخيرا: يمكن تكون حامل وأنت ما تعرفش وما تنساش بأن جوازك كان مع جوازي ... ومراتي دلوقت دخلت شهرها الرابع

زهره: على العموم بكره لازم تاخدها على المستشفى عند الدكتوره عشان تحلل لها وتتأكدو من حملها...والشيء التاني النهارده لازم تجهز نفسك عشان تروحو عند أهل هازال أنت وأبوك وتقول لهم عن موضوع جوازك... ويلا خليني أروح وأشوف الست التانية اللي حابسة نفسها لا أكل ولا شرب

فاضل بشك: تقصدي ليان... ليه فيها ايه ليان لا تكون مريضه

زهره كشرت: والله أنا إللي جالي المرض منكم أنتم التلاتة ربنا يحرق شيطانكم... وأنت يا أستاذ ادهم ايه اسم المحروسه مراتك التانيه

ادهم: أسمها أماني يا زهره بس ليه بتسألي

زهره: أبدا بس لا تكون هي اللي اتصلت على هازال وقايلة لها عن جوازكم

فاضل بخوف على أماني من تهور أخوه: لا ماما والله البنت ما تعملها لأنها ضعيفه

ادهم ضرب جبينه: أماني أنا ازاي ما فكرتش فيها...آآآآخخخخ ياناري والله لو كانت فعلا هي اللي وصلت الخبر لهازال تبقي جنت علي نفسها وهخليها تتمني الموت مليون مره... وقام وخرج زي المجنون...فاضل وقف مبلم ومصدوم من أخوه اللي خرج بمجرد ما سمع أسم أماني

زهره بانفعال: الحق أخوك لا يروح ويرتكب جريمة في بنت الناس

فاضل قبل ما يخرج بلوم: والله حتى لو أرتكب جريمه هتكون بسبب كلامك يا ماما.. وبعد كدا خرج ولحق ادهم واللي أخد عربيته وطار فيها

فاضل واللي وقف جنب بيت ادهم خرج موبيله وأتصل على سليمان عشان يجي ويوصله لبيت ادهم التاني لأن ماحدش عرفه غيره هو وادهم

********************

وفي بيت ام اماني

أمأني واللي كانت قاعده وقلقانة وتبص لكريم اللي كان بيلعب بسيكله في الصالة ويغني بابا فين... أماني بصت لموبيلها

أماني بزهق: كريم روح اوضتك والعب انا رأسي صدع

كريم بعناد: لا مش عاوز

أماني بزهق: لا حول ولا قوة الا بالله الله يصبرني عليك أنت وأبوك

كريم بتساؤل: مين أبوك يا ماما... رن موبيلها

أماني بخوف: الو ايوه يا رضا طمنيني حصل معاكم ايه

رضا بصوت شبه باكي: أماني لازم تيجي أمك دخلت في غيبوبة سكر

أماني بصدمة: ايه ازاي دخلت غيبوبة وهي لسه من شوي مكلماني

رضا: والله يا أماني ماعارفه اقولك ايه بس السكر أرتفع عندها فجأة

أماني ببكاء: يا ربي أنا ناقصة مصيبة تانية... وأنا لحد امتى هايحصل فيا كدا

رضا بصبر: أماني ايه الكلام ده... وأنتي مؤمنة تقولي كدا... وحالا قومي وتعالي لأني في بعض الاسألة اللي تخص الحاله وأنا ما عرفهاش فلازم تكوني هنا عشان تجاوبي عليهم

أماني واللي مرعوبه أنها تخرج من البيت من بعد تهديد ادهم لها ولانه منعها ترجع للشغل من بعد اللي حصل بالفندق بس هي لازم تروح المستشفى عشان أمها... فقررت أنها تاخد كريم والمربية .. أماني قامت وجهزت نفسها وبعد كدا دخلت تجهز كريم وقالت لمربية كريم سالي تجهز نفسها هي كمان وبعد ما خلصت لبست هدومها وأخدت شنطتها ومفاتيح الباب وقفوا عند الباب ينتظرو وصول رسالة وصول التاكسي... وأول ما وصلت الرسالة اتحضرت وفتحت الباب فاتفاجأت بالشخص اللي كان ناوي يرن الجرس وهو في قمة عصبيته.وعيونه جهنم اترسمت فيهم.. فشهقت لدرجة أنها حست بأن قلبها هيطلع من مكانه من قوة الشهقة والخوف

ادهم اتكتف وبصلها: ماشاء الله على فين يا مدام أماني

أماني اتلعثمت وارتبكت: أأأأأأدهـــم

ادهم دفعها ودخل وقفل باب البيت وبعصبية: سالي خدي كريم علي أوضته بسرعه

سالي بخوف من ادهم: حاضر... وأخدت كريم ودخلت على غرفة كريم...

ادهم قرب من أماني ومسك فكها بايده وضغط عليه بقوه مما خلاها تتوجع: ها و المرة دي فين ناويه تهربي يا هانم

أماني من الخوف: ............ ما ردتش بس انصدمت من الكف اللي جالها من ادهم ووقعها على الأرض ونزل ضرب بجزمته فيها وهي تتألم بصمت

ادهم بحدة: كنتي ناويه تهربي زي المرة الأولي يا حيوانه... وبعد كدا مسكها من شعرها لحد ما وقفت معاه وهي تبكي بدون صوت... وبنفس الحدة/ ليه أتصلتي بهازال ها؟ عشان تفرقي بينا ياكلبه

أماني قررت أنها تدافع عن نفسها المرة دي: والله أنا ما اتصلت بيها ولا أعرف رقمها يا ادهم والله

ادهم دفعها على الأرض ووقف قدامها: لا والله طالما ما أتصلتيش ليه كنتي ناويه تهربي من البيت ولا حضرتك بتحسبيني نايم عن أفعالك

أماني بحزن: والله ماكنت بهرب بس كنت رايحه عند أمي في المستشفى لأنها دخلت غيبوبة سكر

ادهم زعق بحدة: لا والله شايفني غبي عشان أصدق الكلام الخايب ده

أماني واللي حاطة ايدها على خدها مكان الكف وتشهق: والله أنا ما بكدب عليك ولو مش مصدقني تعال معايا على مستشفى ...... وروح اتأكد بنفسك وأنا لازم أروح حالا لأن صديقتي رضا معاها

ادهم واللي يعرف بأن أماني مستحيل تكذب عليه: طبعا هروح معاك لأنك لو طلعتي بتكدبي عليا أتشهدي على عمرك وبعصبية/ انجري قومي قدامي... أماني قعدت بصعوبة وحاولت تقف بس ما قدرتش... ادهم بصلها ومسك ايدها لحد ما قدرت تقف ... أماني صرخت، ومن شدة الألم لدرجه أغمى عليها... ادهم خاف من قلبه لأنه شاف رجليها ورمة فشالها ونادى مربية كريم وبعد كدا نزلوا وقبل ما يتحرك بالعربيه جاله سليمان وفاضل ووقفو قدام العربيه... ادهم اتفاجأ من وجود أخوه فنزل من العربيه/ خير ايه الي عندك أنت وهو وسعو من طريقي

فاضل نزل من العربيه بعد ما شاف أماني وكريم والمربيه مع ادهم: علي فين واخد البنت يا ادهم

ادهم بحدة: واخدها للمستشفى يا فاضل

فاضل بخوف: ليه عملت فيها ايه يا أخوي الفاضل

ادهم بكذب: انا معملتش فيها اي حاجه ودلوقت تاخد كريم والمربيه عند زهره

فاضل بنفس حدة ادهم: لا لأني رايح معاك وخلي سليمان ياخدهم...ادهم ماردش على أخوه وطلب من سليمان ياخد كريم ومربيته على بيت أهله وبعد كدا أخد أماني على المستشفى وأول ما وصلوا دخلوها على الطوارئ وادهم قعد في الانتظار هو وفاضل في اللحظة رن موبيل أماني... وادهم شاف أسم المتصل فرد

ادهم: الو

رضا باستغراب: بسم الله مين أنت وفين أماني

ادهم بحدة: أنا ادهم جوز أماني... وأماني في الطوارئ

رضا بانفعال: عملت فيها ايه يا مجرم

ادهم ومن بين سنانه: أحترمي نفسك انتي عبيطه ولا ايه... وقفل السكه وبعدين قفل الموبيل كلو وقام ودخل على أماني اللي بدأت تستعيد وعيها... ها؟ يا دكتورة ايه مشكلة أماني

الدكتورة اللي شاكه في كلام ادهم وأماني: جالها تمزق في ساقها ولازم تتجبس رجليها... ولازم تفضل عندنا هنا في المستشفى لمدة يومين

أماني بصدمة: ايه افضل عندكم... لا ما أقدرش أنا اخاف على ابني ولازم أكون مع أمي

ادهم بص لـ اماني : لا أنتي هتنفذي اللي قالته الدكتورة وكريم عند أمي... لو سمحتي يا دكتورة أيه المطلوب

الدكتورة: المطلوب منك تروح على الاستقبال وتسجل بيانات المدام علشان نقدر نطلعها فوق

ادهم: أن شاء الله... وأخد بطاقة أماني وراح عند فاضل وطلب منه أنه يروح وينهي اجراءات الدخول وبعد كدا راجع لـ أماني فلقاها بتبكي... ادهم اضايق من اللي عمله في أماني فراح وقعد جنبها: انا آسف بس انتي اللي وصلتيني لكدا

أماني: ادهم انت ليه بتعمل فيا كدا والله حرام عليك... أنت من يوم مااتجوزتك اتغيرت علي وبقيت قاسي معاي مع أني ماعملتلكش حاجه

ادهم: ليه اتصلتي على هازال يا أماني ليه؟

أماني بتأكيد: والله يا ادهم أنا ما اتصلت بيها أقسم بربي العظيم أني ما اتصلت ولا أعرف رقمها... وأنت قبل كدا اتجوزت أربع مرات عمرك سمعت كلمه مني

ادهم بشك في كلامها: لا والله، وتهديدك قبل ما تروحي العجمي كان ايه معناه يا أماني

أماني بكل صدق: ادهم يمكن أكون قلت الكلام ده وقت ضيق وزعل ادهم أنا عارفه بأنك بتراقب كل تحركاتنا وعارف خروجنا ودخولنا في اعتقادك ازاي اقدر اعمل كدا لابو ابني... أنت ممكن في بعض الأحيان تكون قاسي معاي بس والله ما أنسى وقفتك معنا أنا وأمي من وقت وفاة أبوي وأخوي وكمان أنت كام مره اتجوزت في حياتك سمعتني قلت حرف يعنى جات على جوازك من هازال ... ادهم والله أنا تعبت من كل اللي بيجرالي والله تعبت يا ادهم وانفجرت تبكي

******************************

في بيت الجاسر

جاسر واقف فوق راس اخته وشاورلها تقفل الخط

تهاني أول ما قفلت الخط بصت لـ أخوها: والله البنت راحت فيها حرام عليك... وببكاء/ ليه ياجاسر أنت ما كنتش كدا خلاص عاوز منها ايه والله حرام عليك تخرب بيت البنت بس عشان تتجوزها

جاسر مسك تهاني من شعرها لحد ما وقفت: لا أنتي الظاهر الضرب اللي أخدتيه قبل شوي ما كفاك ومحتاجه واجبه منه تاني

تهاني واللي كانت تتألم وتبكي من شعرها: أضربني أدبحني بس ربنا يخليك أبعدني عن أفعالك مع هازال

جاسر ساب شعر تهاني وغرز ضوافره في ايدها لدرجة أنها صرخت من الالم وبحده: أنتي تعملي كل اللي اطلبه منك وطول ما هازال مع ادهم حياتك ها تكون جحيم يا تهاني فهمتي... وكفايه أهلك حرموني من حب حياتي... وبعد كدا رماها على سريرها وخرج وسابها وهي تبكي من قلبها

......

وخارج غرفة الطوارئ

كان فاضل قاعد ينتظر خروج أخوه عشان يرجعوا على البيت.. وكمان عشان امه الي كل ثانيه تتصل وتسال ايه الي عملو ادهم في أماني لأنها مش مطمنه من أرسالهم لكريم والمربيه.. وهو متأكد بأن أمه استجوبت المربية وقالت لها شيء بخصوص أماني... بس قطع عليها حبل أفكاره البنت اللي كانت متعصبة عليه

رضا بعصبية: أنت عملت ايه في البنت... والله حرام عليك يعني ما كفاكش اللي عملتو فيها من مده في العجمي... ودلوقت كمان عامل فيها ايه ومدخلها المستشفى

فاضل رفع رأسه والتفت يمين وشمال ورجع بصلها: عفوا بتكلميني أنا يا انسه

رضا بشوية عصبية: ليه شايفني مجنونه عشان أكلم نفسي... وبحدة/ ايوه بتكلم معاك أنت لأني عرفاك عز المعرفة ... وبتهديد والله ربنا هايعقبك في الي عملتو في أماني ولا عشان هي ما عندهاش حد تظلمها كدا، لكن ربنا على كل ظالم... في اللحظة خرجت أماني من الطوارئ على كرسي متحرك وخرج ادهم وراها... هنا رضا حست بخوف وارتبكت من الشخص اللي اتحول ل اتنين

ادهم باستغراب: خلصت الاجراءات عشان نرجع على البيت

فاضل بزهق من رضا: أيوه خلصت كل حاجه

ادهم بهمس ل أماني: أنا لازم أروح دلوقت ولو احتجتي حاجه أتصلي بيا ياقلبي يلا مع السلامه

أماني: مع السلامه يا حبيبي... ادهم خرج مع فاضل... وأماني طلعوها على غرفتها هي ورضا اللي أتمنت أن الأرض تنشق وتبلعها من الخجل بسبب تصرفها مع فاضل... واللي جري وما قالهاش بأنه مش ادهم وفي نفس الوقت استغربت بأنهم تؤم وأماني ما قالتلهاش

*********************

وفي بيت الشناوي

وفي الصالون بعد ما الجلاد وادهم اهدو واجب الضيافه.. الجلاد دخل في الموضوع اللي رايحين عشانه

الجلاد واللي أنهى كلامه: ده كل شيء يا أبو خالد وأنا اكرر أعتذاري.. ومستعدين أنا وابني لكل اللي تطلبه

طارق وقف بانفعال: مش عاوزين اي حاجه منكم عاوزين ادهم يطلق اختنا ويسبها في حالها

أبو خالد بحدة: طارق اقعد اياك تتكلم لحد ما أنا أقول لك اتكلم وأظن أنا أبو هازال. وأنا اللي لازم أتصرف ومش أنت لأني لسه عايش

طارق ضرب ادهم نظرات باحتقار: بابا أنا

أبو خالد قاطع طارق: طارق اظن أنت سمعت أنا قلت ايه صح... طارق قعد جنب أخوه وهو يهز رجله من شدة العصبية

الجلاد واللي مش حابب الوضع يتكركب أكتر من كدا: يا طارق يابني انا عارف أنك زعلان على أختك بس في نفس الوقت الطلاق مش هو الحل... وأنا قلت لكم ايه سبب جواز ادهم من مراته الأولى... ولو كان فيه حد يزعل من المفروض زوجته التانية اللي مالهاش حد بعد ربنا الا ادهم

خالد: بس يا عمي المفروض ادهم وقت ما جه وخطب هازال يقول لنا إنه متجوز وعنده كمان ولد.. مش يسبنا على عمانا كدا... وما يقولناش الا بعد الجواز بست شهور

أبو خالد بحدة: وأنت كمان يا خالد أسكت لأنك أنت اللي أخترت ادهم لـ هازال وأنا بنفسي سألتك لو كنت سألت عنه ولالأ، بس أنت أكدت لي أنك سألت عنه ودلوقت جاي تحط الغلط عليه وتحاسبه

ادهم بخوف من أنه أهل هازال يجبروه على طلاقها: عمي أنا أسف لأني ما قلت لكم أني متجوز وقت ما جيت وخطبت بس والله ياعمي ما جيتلكم الا لأني حبيت هازال... (ادهم قال الكلام بدون ما ينتبه من زلة لسانه) ... مما خلا أبو خالد وعياله يبصو لـ ادهم باستغراب

أبو خالد بتعجب: ليه هو أنت كنت تعرف بنتي قبل ما تتقدم وتخطبها يا ادهم

ادهم أستوعب اللي قاله فارتبك: لا يا عمي ما أعرفهاش بس أنا سمعت باللي حصل لها يوم كتب كتابها فقررت أتقدم وأخطبها

طارق بشك: وأنت ازاي عرفت يا ادهم

ادهم اتلبخ بس لحق نفسه: أعذرني عن الجواب يا طارق... وكمان ما تنساش بأن الدنيا صغيرة وممكن أكون أنا عندي ماضي و هازال كمان عندها ماضي ورغم كدا أنا ما اهتميتش واتقدمت وخطبتها

الجلاد باستغراب: أنتم عن أيه بتتكلمو فهمني يا ادهم وعن أي ماضي بالظبط

ادهم لـ أبوه: لا بابا سلامتك يا حبيبي

أبو خالد بعد تفكير ووصل لحل يرضي الطرفين: ادهم هو شيء واحد عاوزه ينتهي دلوقت حالا

ادهم واللي بانت عليه علامات الخوف: طيب ياعمي أنت قولي ايه المطلوب مني.. وأنا هاأنفذه يا عمي

......يتبع

السابع والعشرين من هنا

تعديل المقال