رواية ارهقتي رجولتي بجنون العشق الفصل السابع والعشرين 27 بقلم منه محمد

رواية ارهقتي رجولتي بجنون العشق الفصل السابع والعشرين 27 بقلم منه محمد

البارت 27

أبو خالد بعد تفكير ووصل لحل يرضي الطرفين: ادهم هو شيء واحد عاوزه ينتهي دلوقت حالا

ادهم واللي بانت عليه علامات الخوف: طيب ياعمي أنت قولي ايه المطلوب مني.. وأنا هاأنفذه يا عمي

ابو خالد: أنك تطلق مراتك أو تطلق بنتي يعني يا مراتك أو بنتي واحده فيهم... فكر ورد عليا والقرار ليك في اللي انتي عاوزه وزي ما دخلنا بالمعروف نخرج بالمعروف... الكل التفت لأبو خالد باستغراب

خالد: بابا أنت من..... خالد سكت لأن أبوه شاورله يسكت

ادهم بلع ريقه وبص لـ عمه أبو خالد ونزل رأسه وبصوت حزين: عمي أماني مراتي من خمس سنين وأم ابني وأنا قلت لك ما أقدرش أطلقها لأنها مالهاش حد في الدنيا بعد ربنا الا أنا !!يمكن قبل فتره كنت ناوي أطلقها بس أنت لو كنت شفت أمها ازاي كانت تترجاني كنت عذرتني... أما هازال، ادهم قال أسم هازال بحزن وغصة/ هازال يا عمي هي البنت الوحيدة اللي حبيتها من قلبي والله أنا بحس أنها حته من قلبي وما أقدرش على فراقها... تخيل بس أنت يا عمي أنا بمجرد ما أروح الشغل أو أخرج من البيت أعد الساعة والدقايق والثواني لحد ما أرجع البيت... ومش بحب أزعلها ولو زعلت مني أضايق جدا من أعماق قلبي... ولو نزلت دمعتها بحس أن قلبي يتقطع لدموعها لوجعها...( بغصه)عمي والله لو حرمتوني من هازال أنا ممكن أموت ...وصدقني أنا مستحيل أسيب هازال ولو على قطع رقبتي ياعمي

أبو خالد: ده قرارك يا ادهم

ادهم بخوف من ردت فعل أبو خالد: أيوه يا عمي

أبو خالد وبعد اتخاذ قراره النهائي: أسمع يا ادهم لو كنت فعلا عاوزني اسيب بنتي تعيش معاك أنت لازم توعدني أنك هتعدل بينها وبين زوجتك الثانية... الكل أنصدم من كلام أبو خالد وحتى ادهم نفسه أنصدم من قرار حماه

ادهم من الفرحه قام وباس راس عمه وبفرحة ما تنوصف: من عيوني يا عمي أنت تأمر أمر وأنا أوعدك أني هعدل بينهم بأذن الله... بس خايف هازال ترفض يا عمي

أبو خالد وبحدة: ليه مين الراجل فيكم أنت ولا هي والطلب الثاني خاف من ربنا قبل ما تخاف على مشاعر مر اتك

طارق قام وهو في قمة عصبيته ومضايق من قرار أبوه: ليه كدا يا بابا ليه تعمل في هازال كدا

أبو خالد عطى طارق نظره خلته يسكت على طول وبحدة: هات القهوة للرجاله يا طارق...طارق جاب القهوة وخرج من القعده وطلع على غرفته وهوحاسس بنفسه أنه هينفجر من القهر... أما خالد ماكانش يقل عن طارق خنقه لأنه قلبه انحرق على أخته وحاسس أنه هو السبب في تعاستها... وهو متأكد أنها هتفضل تدعي عليه لحد أخر يوم في حياتها لأنه هو نفسه مش قادر يسامح نفسه على اللي عملو فيها في ساعة غضب... بس هو مش طالع بايده اي حاجه من بعد قرار أبوه

*********************

في بيت الجلاد

فاضل باستغراب من أخته اللي من أول ماكلمها ولا بترد عليه لأنها كانت سرحانه فاضطر يهزها عشان تنتبهلو

ليان نطت من الخوف ووقفت وبصتلو بتعجب: فاضل حرام عليك والله خوفتني بحسبك ادهم

فاضل بضحكة وتريقه: لا بقي اياك تحسبيني ادهم وانا فاضل مش ادهم ودلوقت قوليلي كنتي بتفكري في ايه

ليان بابتسامة من تصرف أخوها: ولاحاجه هفكر ليه

فاضل بنص عين: لا.. علينا اكيد بتفكري في عز لان الاخ بقي هو كمان مدهول وعلي طول سرحان

ليان واللي الارتباك والخوف بان عليها أول ما سمعت أسم عز: أأأنـ ـــا لا والله ماكنتش بفكر فيه

فاضل باستغراب: ليان حبيبتي مالك ليه خفتي كدا وعادي لو كنتي بتفكري في عز لانه جوزك يعني لا هو عيب ولا حرام... وبعدين ايه حكايتكم انتي وعز

ليان بخوف من أن أخوها حس أو عرف حاجه:حكايه أي حكايه يا فاضل أنت تقصد ايه

فاضل بشك: ليان أنتي متخانقه مع عز ولا حصلت حاجه احنا منعرفهاش

ليان بارتباك وبكاء: لا لا لا ما حصلش حاجه يا فاضل صـدقــنــي ما حصلش بينا حاجه

فاضل بص دقايق لـ ليان وخرج من عندها بدون أي كلمة وراح عند أمه: ماما ممكن أتكلم معاك

زهره: فاضل مش وقته أنا مشغولة ولا أنت مش شايفني بكلم خالتك

فاضل برجاء:ماما ربنا يكرمك ده وقته ونص ... أسمعيني الموضوع مهم

فاطمه سمعت فاضل: زهره روحي وأتكلمي مع فاضل وأنا هبقي اتصل بيك بعد شوي

زهره واللي اتضايقت من فاضل: طيب يا حبيبتي في أمان الله يا قلبي...وأول ما قفلت بعصبية/ أنت وبعدين معاك يعني مش قادر تأجل الموضوع لحد ما أخلص مكالمتي مع أختي

فاضل قعد جنب أمه وبنفس الرجاء: ماما ممكن تسمعيني أنا بس عاوز اعرف ليان امتى أخر مرة شافت عز

زهره باستغراب: ليه ايه الي حصل عشان تسأل السؤال ده

فاضل بخوف: ماما جاوبيني وبلاش تستجوبيني

زهره بنفس خوف فاضل: أظن أخر مره شافته من اليوم اللي انضربت من ادهم. بس ليه ايه اللي حصل

فاضل: متأكدة يا ماما

زهره: أيوه متأكدة يا بني وشوفت عيونك هي من البيت للكلية وحتى هدوم جوازها انا بنفسي بروح اشتريها وكل ما قلت لها نروح مع بعض ترفض وتقولي مالهاش نفس تخرج والله يا بني انا بقيت خايفه عليها

فاضل براحة بال من بعد كلام أمه:امي ده شئ عادي ويمكن هي خايفة من الجواز عشان كدا خايفه تخرج، وخلاص هانت دخلتها بعد ثلاث أسابيع

**************************

بيت ادهم

على الساعة عشرة ونص رجع ادهم لبيته وأول ما دخل شاف ميري بتجهز العشاء

ادهم: مساء الخير ميري امال فين هازال

ميري بابتسامة: مساء النور مستر ادهم مدام هازال في غرفتكم من اول ما مشت مدام زهره وهي بتعيط

ادهم بتنهيدة: تمام

ميري: هتاكلو دلوقت مستر ادهم

ادهم: هبلغك بعد شويه... وبعدين طلع على غرفتهم... هازال واللي كانت قاعده تعيط من وقت ما عرفت بموضوع زواج ادهم.. وأول ما حست بدخول ادهم غطت نفسها باللحاف وأدعت النوم! ادهم ولع النور وبصلها ظن أنها نايمة، بس أول ما شاف رجفتها من تحت اللحاف عرف أنها بتمثل النوم فقلع جاكيته وحطه على الكرسي وراح قعد على حرف السرير/ هازال ممكن تقومي عشان أتكلم معاك

هازال: ........

ادهم برجاء: هازال حبيبتي قومي عاوز أتكلم معاك يا عمري

هازال أأعدت وبعدت اللحاف عنها وبكل عصبية: ما تقولش حبيبتي أنا مش حبيبتك فاهم

ادهم واللي حاول يمسك نفسه من الضحك من تصرفها وشكلها: حاضر فاهم بس ممكن تسمعيني يا عمري

هازل هزت رأسها بالنفي وبصوت باكي: لا مش عاوزه أسمع منك حاجه وكل اللي عاوزاه انك تسبني في حالي لأني مستحيل أعيش معاك بعد النهارده... والأفضل انك تطلقني وأشوف نصيبي أنا كمان

ادهم واللي فقد أعصابه بدون شعور شد هازال من دراعها لدرجة أنها حست أن ايدها ها تنخلع من مكانها وبحدة: هازال والله لو تاني مرة قلتي الكلمة دي لأكون مكسرك تكسير فهمتي يا حيوانه وأحمدي ربنا أني محترمك ومراعي شعورك فاريت بلاش تختبري صبري عشان ما تكرهيش نفسك معايا

هازال وقف قلبها من حدة صوته وحاولت تستجمع قوتها: طبعا كل شئ حلال عليكم أنتم الرجاله أما أحنا بمجرد ما نقول كلمة تقومو الدنيا على راسنا... ودلوقت تصبح على خير... وبسخرية وحدة/ يا أبو كريم.. وحطت رأسها وهي جواها بتغلي بسبب تصرف ادهم اللي قام وخرج من الغرفة قبل ما يتهور ويضربها... وأول ما خرج ورزع الباب وراه هازال رجعت تعيط وتفكر ازاي هاتنتقم منه ومن الي عملو فيها

***********************

وفي اليوم التاني وفي غرفة ادهم وهازال

ادهم صحى من النوم فقام ودخل على الحمام وأتوضأ وصلى الفجر وبعد ما خلص بص لـ هازال فاستغرب أنها ما قامتش ولا جهزتلو هدومه زي ما بتعمل كل يوم فسابها ودخل غرفه اللبس فالقي كل حاجه جاهزه زي ما اتعود غير هدومه وبعد كدا نزل شاف ميري بتجهزلهم الفطار

ميري بابتسامة: صباح الخير يا مستر

ادهم بتكشيره: صباح الخير

ميري: اناجهزت لك الفطار زي ما طلبت السيدة هازال

ادهم قعد على السفرة : شكرا يا ميري.. ادهم فطر وبعد كدا خرج وراح وسلم على أمه وأبوه وبعد كدا راح على الشركة... أما هازال فصحيت أول ما قفلت من اخر أتصال جالها وجهزت نفسها ونزلت تنتظر وصول السواق وأول ما وصل خرجت وراحت على مشوارها وهي خايفه أن ادهم يكتشف خروجها بدون علمه ويعملها حكايه

........................

وفي بيت فهد اخو الجلاد

أم غاليه بحزن على حال بنتها: يا بنتي أخزي الشيطان وقومي وغيري هدومك قبل ما يجي خطيبك وأبوك ويقوم الدنيا عليك

غاليه برجاء: ماما ربنا يخليكم انا مش عاوزه اتجوز والله بخاف منه اعملو الي تعملو فيا بس بلاش تجوزوني احبسوني امنعوني حتي من الدراسه بس متعملوش فيا كدا والله انا بنتكم الوحيده حرام

أم غاليه بدمعة وهي تحتضن بنتها: والله يا حبيبتي حاولت مع أبوك في الموضوع ده بس رافض وقالي لو ادخلت هيطلقني بالتلاته وحتي اخوك عماد وفارس اتكلمو معاه بس رفض وانتي عارفه ابوك كويس عنيد ومش بيحب يسمع الا كلمته ومش بيسمع الا لجدتك او عمك

غاليه بتفكير: جدتي والله لقيتها محدش هيخلصني من العله غيرها

أمها بخوف من زوجها: اياك تتصلي بيها والله ابوك يدبحك ويموتك لو عرف انك كلمتيها ولا قلتي لاي شخص يابنتي خلاص الولد جاي يكتب وهيبقي جوزك فلازم تستسلمي للأمر الواقع لأنه لو سابك بعد ما يكتب هتبقي مطلقه من غير جواز وزوج

غاليه بدموع: والله أنتم بتدفنوني بالحيا ليه كدا

أمها بدموعها: الله يرضى عليك يا بنتي قومي والبسي الناس زمانها جايه يلا يا غاليه لابوك يسود عيشتنا

غاليه بعصبية: ليه هي كدا مش سوده الله يسامحكم... والله ربنا هيعاقبكم علي الي بتعملو فيا امها بصت لبنتها بأسي وخرجت وسابتها وهي بتبكي من اعماق قلبها وندمانه علي الي عملتو مع هازال وادهم

**********************

وفي الشركة

ادهم قفل موبيله وخرج من مكتبه وهو متعصب على الأخر من مكالمة سليمان... بس وقفه فاضل اللي رايح لمكتبه

فاضل بتعجب من شكل أخوه العصبي: مالك فيك ايه وفين رايح وأنت بالحال ده

ادهم بعصبية وهمس وهو يضغط على أسنانه: رايح البيت عند الحيوانه هازال

فاضل بخوف على هازال من أخوه: في البداية هدي شوي... وممكن تقول عملت ايه البنت عشان تتعصب كدا

ادهم التفت يمين وشمال وبعدين التفت لأخوه وبحدة: الحمارة خرجت من البيت من غير ما تقولي... والحيوان الثاني سليمان لحقها بس ضيعها في اإشارة ولا عرف مكانها

فاضل بهدوء: طيب ممكن تيجي معاي على مكتبي نتكلم شوي وبعد كدا تروح

ادهم بحدة: لا أنا لازم أروح البيت وأتفاهم معها الظاهر أني دلعتها زيادة عن اللزوم

فاضل: طيب أنا معاك بس أنت تعال معاي شوي وكل شيء هيقي زي ما انت عاوز يا ادهم ...ادهم اتنهد وراح مع اخوه

******************

وفي بيت الجلاد

هازال بابتسامة: السلام عليكم ورحمة الله وبركاته

زهره واللي ضمه كريم الي كان بيعيط ومصدوم من وجود هازال: اهلا بهازال تعالي حبيبتي

هازال سلمت علي زهره وقعدت جنبها وعينها على كريم: عامله ايا يا حماتي وصحتك تمام

زهره بارتباك وخوف من زعل هازال: الحمد لله بخير أنتي الي عامله ايه واخبار صحتك بس انتي جاية منين

هازال بابتسامة: من عند الدكتورة يا حماتي

زهره وهي تحاول تسكت كريم: ليه خير فيك ايه

هازال واللي لاحظت انشغال زهره بـ كريم: لا... أبدا بس روحت عشان أكشف على نفسي وأتأكد لو كنت حامل ولا لا وخاصه بعد اللي حصل امبارح لكن الحمد لله محصلش حاجه للبيبي يعنى أنا دلوقت حامل وأنتي ثاني واحدة أبشرها بعد أمي ... بس يا حماتي مين الولد ده؟

زهره واللي نفسها تمحي السؤال الغبي ده وبابتسامة: بجد ألف مبروك يا بنتي الحمد لله...ودلوقت قوليلي بشرتي ادهم ولا لسه..كريم أول ما سمع أسم أبوه زاد في البكاء

كريم بعياط: عاوز بابا

هازال بلعت ريقها وبغصة: ده كريم ابن ادهم صح يا حماتي

زهره واللي اتكسفت من الرد: ها... أه يا بنتي ضعيف الولد أمه وجدته في المستشفى عشان كدا ادهم جابه هنا

هازال بابتسامة: طيب هوليه بيعيط

زهره باستغراب من برود هازال: عاوز أمه وأبوه وأنا والله محتارة معاه

هازال بحنان وابتسامة: كريم حبيبي تعال اقولك حاجه

كريم ساب حضن زهره ونزل راح عند هازال وهو يفرك في عيونه: عاوز بـــابـا

هازال مسكته من ايده بحنان ومسحت دموعه بايدها: دلوقت يجي بابا بس الولد البطل ميعيطش عشان ماما وبابا ما يزعلوش منه وأنت بطل صح

كريم اللي هز رأسه بموافقة على كلام هازال: سح

هازال بفرحه وحنان باست كريم: أنت بطل وعسل كمان.. يا قلبي أنت

كريم بضحكة مختلطة ببكاء: بنلوح عند ماما

هازال: لا أحنا هنروح عند بابا وبعدين بابا يوديك تشوف ماما وبعدين نلعب أكس بوكس أوكي

كريم هز رأسه بنفي: لا عاوز ألعب بلانتيشن

هازال بضحكه من نطق كريم للبلايستيشن: طيب نلعب بلايستيشن بس أنت لازم توعدني أنك ما تعيطش أوكي

كريم بابتسامة: تيب مث لااح أعيط

هازال بابتسامة: طيب تروح معاي على بيتنا أنا وبابا عشان نتفرج على التي في ونشوف أفلام كرتون لحد ما يجي بابا... وتتغدى معانا وتروح وتشوف ماما خلاص

زهره بخوف على كريم من هازال: هازال حبيبتي ما ينفعش تاخدي كريم معاك اخاف يعيط ويزهقك

هازال بحسن نية: لا يا حماتي كريم مش هيعيط صح يا كيكو

كريم: سح

هازال بضحكه: إذا خلاص هاخدك معاي لـ بابا

زهره بإصرار: لا خليه هنا ولو أبوه عاوزه يجي ويشوفه هنا

هازال واللي عرفت بأن زهره مش مستأمنها على كريم: ممكن أنتي ماتخافيش على كريم مني

زهره بارتباك وخجل: لا يا بنتي بس خايفه ادهم يزعل لو أخدتي ابنه

هازال بابتسامة: لا متخافيش انا مستحيل اضره بالعكس انا هحطه في عيوني لأنه مالهوش ذنب بالي عملو ادهم وعلى فكره أنا بحب الأطفال ومهما حصل أنا يستحيل ادخل ابن ادهم في خلاف بينا

زهره بنفس الخجل: والله يا بنتي مش قصدي حاجه واهو كريم قدامك لو حابه تاخديه خديه بس لو عيط اتصلي بيا اخلي ماهي تروح وتجيبه خلاص

هازال وقفت ومسكت ايد كريم : أن شاء الله يا حماتي ودلوقت في أمان الله.. وبعد كدا اخدت كريم وراحوا على بيتها

*********************

وفي الشركة وبعد ما هدأ ادهم من بعد كلام أخوه

ادهم: فاضل أنا هقوم وأروح البيت عشان أتغدى وآخد كريم يشوف أمه

فاضل بابتسامة: طيب يا ادهم وزي ما قلت لك بلاش تفقد مراتك بسبب تهورك ولعلمك مراتك محترمه من قبل ما تتجوزك فمستحيل أنها تخونك لأنها مش البنت الي أتربت على كدا واياك تنسي انك اتجوزتها في سن صغير قبل ما تنخرط بمراهقتها

ادهم بتنهيده: يامسهل يا فاضل

فاضل ملس على كتف أخوه وبابتسامة: أسالها بهدوء... وأنا متأكد أنها هتقولك كل حاجه

ادهم بابتسامة: أن شاء الله... يلا اسيبك

فاضل: مع السلامة وربنا معاك....ادهم خرج من الشركة ورجع على بيته وأول مادخل وقف عند السلم ينادي على هازال

هازال نزلت بسرعة: بشويش وطي صوتك لا تصحي الولد

ادهم باستغراب: أي ولد أن شاء الله اللي عندك

هازال واللي كانت تنتظر ردة فعل ادهم: ابنك كريم

ادهم باستغراب: ايه ابني أنا... وكريم بيعمل ايه هنا؟

هازال أتكتفت: افندم تقصد ايه بيعمل ايه هنا... وأظن ده بيت أبوه فعادي يجي في أي وقت يحبه

ادهم باستغراب: أكيد بيت أبوه بس هو جه مع مين هنا

هازال بفخر: معاي طبعا... ودلوقت روح وغير هدومك عشان تاخد الولد ويشوف أمه

ادهم بعد تفكير: لا مش هاخده لأن أمه في المستشفى وأنا بخاف عليه من الامراض

هازال: بس هو بيعيط وعاوز أمه يا ادهم فحرام ماتخدهوش ويشوفها

ادهم: أنا قلت اللي عندي... ودلوقت انا هطلع اغير هدومي انزل القي ميري حطت الغداء

هازال باستسلام: طيب ... ادهم طلع على فوق وهازال نزلت على تحت وراحت على المطبخ وجهزوا الغدا... وفي وقت الغدا

ادهم: أنتي النهارده روحتي عند أمي

هازال واللي حطت الشوكة من ايدها: أيوه روحت عندها بعد ما رجعت من مشواري

ادهم عقد حواجبه وكأنه ما يعرفش حاجه: ليه هو أنتي خرجتي النهارده من البيت

هازال بكل صدق: أيوه خرجت مع أختي ورحنا على المستشفى وحللت عشان الدوخه اللي بتجيني دايما

ادهم: طيب ليه ما قلتيليش عشان أروح معاك بدل ما تروحي مع أختك وتتعبيها

هازال بدلع: وليه أتعبها وبعدين دي أختي الكبيرة وعادي لو راحت معاي

ادهم بحدة: ماشاء الله... طيب على الأقل أتصلي وعرفيني أنك بتخرجي ولا هي وكالة من غير بواب

هازال بصتلو شويه: ادهم أنت عاوز تتخانق معاي... وكملت وهي تمط في الكلمة؟ وعـــلــى الــعـمــوم ما كـنـتش عاوزه أشـغـل بـالـك

ادهم بنفس الحدة: على العموم المرة دي انا هعديها بمزاجي!لكن والله ياهازال لو تاني مره خرجتي بدون علمي لاخليك تعدي النجوم في وسط الظهر

هازال بضحكة ساخرة: أظن النجوم بتخرج في الليل وما تخرجش في النهار لكن أوعدك لو شفتها في يوم في الظهر أعدها وأقول لك عددها مستر ادهم باشا

ادهم بنفاذ صبر: لا حول ولا قوة الا بالله اللهم طولك يا روح...وبحدة/ هازال خلي يومك يعدي على خير والله اضربك بالطبق اطير رقبتك... ورمي الشوكه سديتي نفسي يا وش النكد وقام وساب المكان... أم هازال فكملت أكلها وكأنها ولا عملت حاجه... ادهم طلع على غرفتهم ودخل وأخد شور مستعجل وبعد خروجه غير لبسه ونزل وشاف هازال قاعده تتابع فيلم

ادهم بسخريه: أنا خارج وسايبلك البيت اشبعي بيه

هازال بنفس الأسلوب: والله وانا بقول كدا احسن ليه بقي احسن اقولك عشان اسرح وامرح براحتي اكل اشرب اكوي وانا بقول ليه نفسي مسدوده اتاري عشان ادهم جنبي على العموم خد راحتك... وبأمر/ أهم شيء تروح تشتريلي أكس بوكس وبلايستيشن عشان عاوز العب أنا وكريم... وبحدة/ وأتمنى أنك ما تغازلش البنات زي ما أخوك بيعمل

ادهم كان واقف ومتكتف ويبصلها ومستفرب طريقة كلامها المستفزة: مش جايب حاجه ولا بشتري حاجه يا ابله هازال

هازال بتحدي: أوكي خلاص مش لازم تجيب لي حاجه أنا هروح بنفسي وأجيب كل اللي انا عاوزاه

ادهم راح وقعد جنبها وبحدة: أانت قلتي ايه لأني ما سمعتش كويس فياريت تعيدي كلامك لو أنتي شاطره

هازال خافت من ادهم لما قعد أنه جنبها وما فيش مجال تهرب فغيرت أسلوبها في الكلام: لا أبدا سلامتك يا ادهومي... بس يا حبيبي الله يخليك جيب لي الحاجات اللي طلبتها انشالله يسعدك... ولاحظ أنها أول مرة أطلب منك أنك تجيب لي حاجه ولو مش عاوز خلاص اتصل بطارق ويجبهولي وانا متأكده انه مش هيتأخر علي طلبي

ادهم أتنهد من قلبه ووقف وقبل ما يخرج: أنا رايح المستشفى عند أماني ولما اخرج من هناك هفوت اشتري الطلبات الي طلبتيها يعني مالهوش داعي تفضحيني مع أهلك يلا مع السلامه... وخرج من غير ما يسمع ردها أما هازال فابتسمت ابتسامة نصر

.......................يتبع

الثامن والعشرين من هنا

تعديل المقال