رواية عشق اهل الانبار الفصل العشرين 20 بقلم رواء هادي
سجبت نفسي بهدوء ودموعي بطرف عيوني صاروا ليش أني الوحيدة من بين اخواتي جبت المشاكل والمصايب
وجع الرأس لأهلي ليش ؟...
كعدت بالغرفة بالكاع مستنده ظهري على طراف الجرباية خليت ايديني فوك راسي افكر اريدلي حل يخلصني من هذا لاسم رائد راح يجنني ويجنن اهلي وياي شيريد مني ؟!
بالليل وره العشة اجه اخوي مؤمن ضايج بس مايريد يبجي يكول المكان لانقلت بي خطر كلش وقبل عشرين يوم داعش هاجم عليهم واقتل اغلبية الجنود
راح اموووت والله راح امووت أمي صارت تبجي
وتتوسل باخوي الجبير يشوف حل
حسام : ماكو اي حل يمة كتابه توقع وخلص
مؤمن : هو نقلني ماكو غيره هو
ابوي : شسويتوله ؟
حسام : هددناه بالقتل بس يجيب طاري زينب
ابوي :ومالكيتوا غير تهديد القتل تهددونه
بي بلا دزيتوا رسالة لو اتصل؟
مؤمن : اتصال اتصلت بي قبل ثلاث أيام
ابوي : بارك الله بيكم هسه يلعب بيكم فلقة شلون تهددونه اتصال هو ضابط بمكافحة الإرهاب إذا ماوصلها للمكافحة وجركم للسجن واحد واحد فلا
اطلع ابوكم شكد علمت وكلت ماعليكم بي خل يحجي خل يهدد انتو لا تطلعون رد فعل هو يريدها من الله
علمود يلزمكم من ايدكم التوجعكم .
امي : لا تكولها ابو حسام
مؤمن : هاي سوووويت أني سويت
ابوي : اكص ايدي منا ومنا إذا ماشتكة عليكم وضغط عليه علمود انطي زينب بس لو يأذن مانطي زينب ودخلون
بالسجن طبكم ألف طوب من ايديكم
خله وكام ابوي متعصب أني مدنكة راسي وكاعدة
بصف بنات اخوي مؤمن كال ...
مؤمن : احجي عندج علاقة بي وهيج كاتل روحة عليج
(i)
زينب : والحسين ماعندي شي ويا
حسام : لعد عليش كاتل روحة عليج جاوبي
زينب : احلف بالقرآن الكريم ماعندي شي ويا لا
اعرفه ولايعرفني بس جمم مرة
شفته بالصدفة
حسام : وين شفتي ؟
زينب : بره بالشارع من جنت اطلع وي علاء لو بالشارع من يمر الرتل مالتهم ومرتين شفته بيت خاله
ام حسن هو وأمه
مؤمن : امه شكالتلج
زينب : بس كالت اريدج لابني ونفسي بيج بقت بس هذا الكلام كالته مالي علاقة بيهم واصلا من اجوني خطاب
اول مرة رفضت اسأل امي حتى ماوصلناها
لأبوي و الكم
مؤمن : صدك يمة
امي : اي يمة امه حجت وياي وكلت لزينب زينب رفضت كالت ماريده لا تخلينهم يجون اشو هم لازكين عبالك
ماكو بنات بس زينب بالكون
مؤمن : هم تواصل وياج ؟
زينب : اي بيت جلال اتواصل وياي وحظرته وبيتنه القديم تواصل وياي هم رزلته بوكتها وحذفت حساباتي
كلها وكسرت الخط مالتي
مؤمن : ليش مكتي يتواصل وياج
زينب : محبيت اسوي مشاكل والله مو بقصدي اضم عليكم
حسام : كومي انطيني التلفون بعد من اليوم ماكو تلفون
لما نشوف تاليتها ويا هذا الكلب وين صير
زينب : اي هسه اجيبه
حسام : اكعدي أنتِ كومي بابا رندا جيبي التلفون
رندا : هسه بابا
ماعنده ثقه بي صعدت فوك جابت التلفون ونزلت كاللها انطي الزينب افتحي الرمز جابته لي فتحت الرمز حيلي كله
يرجف اخاف داز شي وأني معندي
برامج الخوف .....سيطر علية وخلاني اشك بروحي
شاف التلفون دخل أبوي شاف التلفون
بإيده وكال بغضب
ابوي : رجع التلفون لزينب
مؤمن : ماتشيل تلفون بعد
ابوي : اريد كلامي يمشي لو كلامكم رجع التلفون لزينب
حسام : هاج بابا انطي لزينب
ابوي : بتي واثق منها وكلشي تحجيلي وتشوفني فماكو داعي اشك بيها واكسر صورتها بنظري واي شي يصير وياكم
ماريد ترجعون الزينب المكرودة
مالها دخل مفهووم.
2
أخواني : مفهوم
فرحت كلش من ابوي دافعلي كمت صعدت للغرفة وياي
بنات أخوي كل وحدة بفراشها نامت كمت طفيت
الضوه ونمت بفراشي التلفون
بإيدي اجت بالي اراسل رائد واحجي ويا بلكت الله يقتنع أني ماريده ويرجع أخوي على دوامه السابق ماريده يروح للموصل والمكان لمنقول بي خطر
سويت حساب انستغرام وهمي دخلت على حساب نوره مرت أخوي طلعت حساب اخوها مهدي اكيد هسه متابعة
وفعلا متابعة دخلت حساب رائد
كاتب رائد سلام بالعربي والانجليزي منزل كومة صور كلهن بزي المدني أبد مامنزل صورة بزي العسكري أو ملمح
هو عسكري شخص عادي
وعدد المتابعين ٧٨٩٨ متابع جانوا ولايكات على الصورة ٤٠٠ لايك وتعليقات بال١٢٥ هيج جانوا عنده تفاعل واغلبيتها
بنات تذكرت البنية ريتاج
من كالتلي هو هتلي وابو نسوان حيلي كله صار يرجف من دخلت على الخاص دموع ينزلون ماريد احجي ويا
ماريد بس راح ادوس على كرامتي
في سبيل انقذ اخوي من الموت دزيتله ...
هلاوو ملازم رائد أني زينب علي
اريد احجي وياك ممكن ؟
اجت بالي الغي الرسالة ضغطت عليها جاي الغي بيها شافها متت بدمي عبالك سيف وقطع ركبتي النفس انقطع عني
قلبي يدك قوي صار يريد يطلع
من صدري انفاسي ثكلت عبالك ملك
الموت اجه مو رائد. رد
_تفضلي ؟
خفت من رده البارد رديت ...
بخصوص موضوع اخوي مؤمن ليش ناقله للموصل
ماتخاف من الله هيج تسوي؟
_وأنتو ماتخافون من الله هيج تسوون بي وتشلعون قلبي
_إحنا ويانه الحق
_وين الحق وياكم ؟!
_أولاً أني البنية ماريدك ثانياً أبوي مايريدك
_باعي خل اكلج شي ام الصخول ...
كرهت نفسي من كال ام الصخول ماكتبت
بقيت انتظره يكمل كلامه رجع كتب ....
_أني اتخذت قرار بوقتها راح اتركج بحال سبيلج وادور على غيرج أنتِ شطلعج كدامي بهذاك اليوم بالنبي ايوب الصابر وفوكاها أخوانج النذال يخزرون بي
وبنص الطريق يتصلون بي ويهددوني بالقتل وأني كلشي مامسوي غير باوعتلج جانت نيتي من النظر الج هي
نية الوداع بس هم سوووها نية الرجوع
الصوج مو مني الصوج من اخوانج
جابوا النار ليعدهم .
_انطيهم حقهم يخافون علية
_اي مو ليسمع أني وحش لو كريطة المقابر راح اكرطج
كافي بزعتوني طلعتوها روحي
فوكماهي طالعة
_أني أعتذر بنيابة عن أخواني وأبوي وقدم اعتذاري بس فدوة ملازم رائد رجع أخوي خطيه حالته تبجي الكافر وامي
هذه تبجي ومرته هم تبجي مكانه خطر كلش
ونخاف يموووت
_لا تتعتذرين أنتِ هم الغلطانين ولازم يعتذرون اما بخصوص نقل اخوج مابيدي شي بعد تم توقيع النقل وراح
يروح خلال أيام للموصل
_لاعليك الله
_والله للموصل عدل
_ليش هيج تسوي ماتخاف من الله
_عوفي الله بعيد عنه وخلينه نتفاهم أني وياج
_بشنو ؟
_نسوي اتفاق بيناتنه
_شنو هو ؟
_الاتفاق هو تقبلين بي وتخلين ابوج يقبل ينطيني ياج وعد انقل اخوج يمكم بالحلة هو مكانه بغداد جان أجيبه
لعدكم وشتردون أني حاظر بس صيري لي
كمت ابجي شاشة التلفون انترست دموع
مسحت الدموع وكتبت ...
_شتريد مني رائد؟
_واخيراً شالت كلمة الملازم اي هيج اريدج تكولين رائد فقط لاريده منج يابت الناس تصيرين شريكة حياتي
واكمل نص ديني بيج .
_ومايكمل دينك إلا بي ؟!
_اي حالف ماتزوج غيرج صيري لي زينب وشوفي شلون
راح ادللج وأمي تحبج والله وراح تدللج
مثل بناتها وأكثر .
_ماريد دلالك ولا دلالك أمك
_ليش هيج تسوين زينب ؟
_نفترض صرت الك وابوي شلون بي كلما يجي يشوفني يشوف أمك يم ابوك ويموت ألف موته تقبلها هسه أني حبيبتك السابقة وتزوجت غيرك
وتنطيني بتك لابني ؟
_لتغلطين زينب ؟
_ماجاي اغلط جاي أطرح عليك سؤال ليش ماجاي تجاوب ؟
_ مو موضوعنا هذا السؤال
_جاي تتهرب من السالفة رجع اخوي رائد احسلك
_وان مارجعته شسوين
_لا تخليني اطلعلك من التلفون واحرك سلفة سلفاك
_الله وايدج اطلعي من التلفون هويني نايم فوك الجرباية بطرك الفالينة والشورت ولهان عليج هيج تصيرين عندي وبغرفتي وفوك افراشي
15
بووووية هاي بحلامي ماصايرة هههههه
_استغفرالله رائد لا تسوي هيج رجع اخوي وجفي الشر
_مارجع تقبلين بي ارجع ماتقبلين انقل الثاني
_تنقل مسلم ؟
_الله وايدج اطلعي من التلفون هويني نايم فوك الجرباية بطرك الفالينة والشورت ولهان عليج هيج تصيرين عندي وبغرفتي وفوك افراشي
_اي والله انقل مسلم بالانبار وحد موصل واحد
انبار شكد حلوين يصيرون ههههه
_ليش هيج تسوي بيش ضارينك ؟
_ضروا قلبي وأني قلبي متضرر من قبل ماريد اضرره مرة
اللخ ولعناد لبي مو عناد جنه عناد جدي خلف
الله يرحمه ايده والبرنو
_اي روح اللي ضرت گلبك اول مرة موجاي علية اني المكرودة
_بالمقبرة شلون اروحلها ؟!
_ماتت
_حرك بالنار
_أنت حركتها موو ؟
_
ٌ
ٌ _عزززة العزاااك أنت مجرم قاتل الله يلعنك شلون
تجرأت وقتلت بت الناس شلووون
دزلي مقطع الخوف ذبحني كوه لازمة التلفون وابجي فتحت المقطع جان رساله مؤقتة مقطع اله بطرك الفالينة
السودة نايم على بطنه ويضحك...
_هههه لااا مو أني القتلتها هي تزوجت غيري وزوجها جان موخوش ادمي وياها لذلك قررت تنتحر اني
الفقيرون شكو بعد ام الصخول
_لاتجذب أنت قتلتها
دزلي مقطع ثاني...
لااا مو أني لا تشلعين قلبي فوك ماحبج
شلعة شلع من مكانه
_ياحب ؟!
_حبج الكشر رجال شكبرني وشكدي وتهابني
الرجال اطيح كدامج أنتِ الصغيرونه
_ماتحبني أنت أنت تحب شكلي الخارجي فقط
هذا انت تعشق الجمال الخارجي
_عشگتج من راسج لصبع رجلج ومن عضامج للحمج
الشحمج لامابيج شحم بس لحم وجلد وكلهن
ملكي يصيرن يووول مو عيون
عليج جتلاه .
_رائد كافي أني أدري بيك واحد ابو نسوان
دزلي مقطع فتحته ...
ههههه منو مايحب النسوان انتن النسوان ونس
حياة الدنيا لما أنتن إحنا ماجينه اممممح
دز بوسه وغمز عين افففف افففف هذا هتلي
يارب مسحت دموعي بإيدي ورديت ....
_رائد عليك الله عوفني اكو هواي بنات أحلى مني أني
مافيدك ناعمة كلش وايدي تكسر رجلي
وجبانه واحب الكوريين
_أعشق الناعمة وأعشق رب الكوريين وياج شتردين بعد
_ ماريدك
_اريدج يول اريدج والله تعبت من العام حابج
ومادري بروحي هسه يلا دريت دحسي بي
بت الكلب حسي .
_لتغلط !
_بت الكلب تحسين بي لو لا ِ
_لاااااا
_راح احسسج بطريقتي
_رائد رائد كافي ماعندك كرامة تسحل بروحك علمودي
_لايوجد بالحب كرامة وشكو بيها لو كافحت وحاربت علمود اخذ البنية لاحبها أحسن مااسكت وماسوي شي وابقى اتحسر عليج طول عمري واعض اصابيع الندم حارب لما اوصل
للنصر وانام بحضنج الصغيرون ههههه
_والله ماتحبني أنت
2
_من شالج الله لا تحلفي بالله كذب كلتلج احبج بت الكلب احبج ليش مايفهمون شبي عقلكم انتو اهل الحلة
حجر لو صخر جبلي صلب
14
_حبيت البنية الغلط
_لا الصح بس اهلج كلاب دا يحاربوني وأني اهل للحرب وبحيل الله وأهل البيت (ع) انتصر واطلعج
من بيت اهلج بالبيض
_قصدك بالكفن ،؟
_من كفن ليكفنج انتي وابوج شلون تحرك بدمي
وأني دمي محترك بت الكلب شتردين
4
_اتركني
_لو تموتين مراح اتركج
_مو بكيفك
_مابي حيل احجي بعد تعبت واريد أنام تصبحين
على خير واحلام سودة
_وين رايح تعااال مامكملة كلامي
_بعدين نكمل الكلام
_ماكدر والله راح احذف الحساب
_عليش تحذفين ؟
_أهلي مايقبلون هذا بالبوكة سويته عليك الله
رجع أخوي لمكانه واتركني
_ماارجع الا تكوليلي أحبك رائد
_أنت عاقل ؟
_بكامل عقلي كولي أحبك وشوفي شلون اوقف النقل
_مااا
_شنو مااا كولي أحبك رائد هي كلمة كوليها وخلص قابل اني يمج ونايم على رجليج وباوع بعيونج ومنتظر
كلمة احبك منج هههه
_احلف ترجعه ؟
_وغلات امي سهودة الحلوة ارجعة بمكانة
_احلف بالعباس ابو فاضل
_وحق العباس ابو فاضل كلمة أحبك منج ترجع اخوج لمكانه
_هاهيه ، أحبك رائد ....
يلا رجع أخوي بعد لمكانه وعوفنه بحالنا
_وأني أموت عليج امممممم تعاي خل اضمج لصدري
جنت منتظر هال للحظة لتكوليلي
بيها أحبك ههههه
_شبيك ؟
دزلي مقطع فتحت .... المقطع نايم على ظهره ويلعب
بشعره ويضحك مبين من ملامح وجه فرحان
كلش ويحجي
1
اممم تعرفين زينب أول ماشفتج بالصدفة ويه جلال طلعتوا تمشون بالشارع قلبي رجف ماعرف شجاني حاولت
انساج واشوف غيرج كلما انساج
تطلعين كدامي وتهيجين مشاعري مراح أنكر حبيتج من اول نظره وكتمت كلشي بداخلي مشاعري هسه فاضت
من قلبي وماكدر اسيطر عليها
مثل البركان الهايج من ينفجر مايسيطرون عليها يلتهم كلشي كدامة لما يبرد ويطفى وأني هسه مثله .... اوووف انطيني فرصة أعرف عن نفسي واوعدج
مراح اقترب صوبكم
5
ولا اذيكم وإذا ماانعجبتي بي راح اتركج والله العظيم .
بلعت ريق هسه شسوي ياربي ؟ اقبل لا إذا اقبل راح اكسر
ثقة أبوي بي لازم اكول لأبوي حفظت المقطع
الفيديو مالته وكتله
_افكر واردلك الجواب
_تمام انتظر ردج
_اني اترخص هسه في امان الله
_مرخوصة وردة الله وياج
سجلت لايك وكمت طلعت امشي بره الغرفة نزلت جوه
عدل لغرفة اهلي وكفت كدام الباب بدون تردد لو
خوف دكيت الباب
ابوي : منوو
زينب : اني يابة
ابوي : ادخلي يابة ادخلي
دخلت سديت الباب وراي ابوي واكف ... وامي
متمدده فوك الجرباية باوعت لأبوي
زينب : يابة سويت غلط
امي : شسويتي زينب ؟
ابوي : شسويتي ؟
زينب : سويت حساب واهمي وحجيت وي
رائد بخصوص اخوي
ابوي : ليش هيج سويتي ؟
امي : وتالي وياج زينب تردين تموتينه ؟
ابوي : خليها تحجي تعاي اكعدي واحجي شحجه وياج
رحت يم أبوي كعد على طرف الجرباية واني هم كعدت
بصفه فتحت التلفون طلعت المحادثة و
انطيته التلفون
زينب : شوف شحجيت ويا
ابوي : انطيني يابة خل اشوف شحاجي هالعار ابن الغربية
1
شافت أبوي كل المحادثة مبين ضاج فتح المقطع أمي
شافت كلشي وسمعت كلشي خزرتني ..
امي : زينب
زينب : ماتحملت يصير باخوي شي
موزين من تحت رأسي
امي : وتحجين ويا هيج كلام
ابوي : محاجية شي هو جان يحجي اسمعي يابة
علمود نخلص منه اقبلي تتعرفين علية
زينب : شنووو ؟
امي : شلون تقبلها على نفسك بتك تحجي وي زلمة
ابوي : ماقبلها أني هي تحجي ويا أني راح
احجي ويا على أساس زينب فهمتي
هسه السالفة .
زينب : هااا
امي : وين لكيتها هاي راح تشوه سمعه بتك بهاي الطريقة
زينب : يابة اروحلك فدوة خلني احظره
أبوي : راح تحظري ويرجع بالواقع وراح ينتقم منج من
خلال أخوانج هو كال تعرفي علية وإذا ماعجبتج
راح اسحب نفسي
زينب : يجذب يابة جاي يستغلني بهاي الطريقة
امي : اي يستغلج يريد خل يولي واخوانج نشوف
طريقة نرجع بيها مؤمن لشغلة
ابوي : متكدرين ترديه هم ضباط بيناتهم ينقلون هذا وهذاك وله سلطة قوية بالدولة أسمعي كلامي احجي ويا مدة
شهر كامل وراها كوليله ماحبيتك
هو راح يتفهم اكيد
زينب : مااا اخاف يابة اخااف فدوة رحتلك خلني احظره
ابوي : زينب اسمعي كلامي والصبح دزيله رسالة كوليلي راح انطيك فرصة مدتها شهر واحد انعجبت بيك انعجبت
مانعجبت بيك اريدك تتركني
امي : لااا راح يشوه سمعتها اكعد راحة علي
زينب : اخاف منه يابة
ابوي : هو شنو يخوف هو زلمة حاله من حل كل الزلم سمعي كلامي وخل نخلص منه تره تعبت واخوانج يخوفون هو
هم يخوف اخاف يتعاركون بيناتهم ويصير
شي موزين بأخوانج .
بقى يقنع بي وأني ابجي أخاف .....منه أخاف يعرف ضحكنا عليه أني وابوي ويهيج علينا بالدفرات يلا قتنعت
وكلت لابوي ماراسله الا أنت يمي
ابوي : هاهية يابة يله كومي نامي وجهازج لا تنطي بيد
كائن مايكون ماريد اخوانج يشوفون شي
وتصير مشاكل
زينب : اي
كمت رحت لغرفتي ارجف من الخوف الليل كله اتقلب يمين اشمال من الخوف صورته متروح من بالي الفجر
كعدت صليت ودزيتله رسالة
صباح الخير ...
اكولك رائد أني فكرت بالموضوع وراح انطيك فرصة وحدة فقط راح اقبل أتعرف عليك مدة شهر واحد فقط
انعجبت بيك انعجبت مانعجبت اريدك
تتركني وأنت بطريق وأني بطريق والعلاقة بيناتنه تكون
علاقة اخوه مابيها لا غزل ولاشي غير هذا
الكلام ماعندي اكوله .
دزيت الرسالة قفلت التلفون ورجعت نمت كعدت الصبح نزلت تريكت وكلت لابوي سويت لكلتلي علية كالي اي
عفيه خليج شاطرة واخلينه نخلص
من ابن الغربية .
رائد الصبح بدلت لبست ملابسة .... العسكرية وطلعت
للدوام وداني أخوي اليوم قاسم مامداوم طالعين
لاربيل وصلت الفوج
كعدت فتحت التلفون دخلت انستغرام اصفح أول مادخلت شفت جايتني رسالة واحدة دخلت المحادثة طلعت
من زينب قلبي انقبض خفت
من رد فعلها ترفض مثل كل مرة .
فتحت الرسالة قريت فرحت كلش لا طرت من
الفرحة راح تنطيني فرصة رديت عليها ...
_لتردينه زينب ( 
)
)بقيت انتظرها ترد ماردت للعصر يلا ردت ...
احلف بالعباس ابو فاضل تتركني
إذا مانعجبت بيك
_اقسم بالله العظيم وبكتبه ورسله راح اتركج
حلف بالله أحسن من الحلف بالعباس (ع)
_ونعم بالله الله غفور الرحيم لكن العباس
دمه حار ويطكهن طك بطك
_عمي وهاي حالف بالعباس ابو فاضل اتركج شتردين بعد
_ماريد شي بعد
_اي شلونج اخبارج؟
_تمام وقفت نقل أخوي
_قبل شوي أتصلت بالمسؤول وكالت لتريده يصير
_راح يوقف النقل
_اي وقف
_ألف الحمدالله والشكر
_هيج تحبين اخوج ؟
_وشعندي غير أخواني هم سندي بالحياة وحزام ظهري
_الله يحفظهم الج صدك أبوج شخباره
_زين
_حرامات عبالي مو زين هههه
_بيش طالبة !؟
_ابوج ليش هيج عناد
_حقه ابوي يرفضك
_لاموحقه واللي يسوي غلط جاي يسوي طائفية
وحزازية بين الطوائف
_أبوي جاي يرجع لسواه اهلك بي أنتو البديتوا وإحنا لننهي
_ماشاءالله تعيدون تربية القديمة يكول
الامام علي عليه السلام
_لا تربوا أبناءكم كما رباكم أباؤكم، فإنهم
خلقوا لزمان غير زمانكم
_عليه السلام اشوفك هواي مقتدي بعلي (ع )
_حبي العلي عظيم مثل ماحبي للرسول محمد (ص)
وقتدي بي وشرف لي حب علي عليه السلام '
_ اريد أعرف من شوكت تحب علي (ع)
_من طفل اصغيرون امي علمتنا حب أهل البيت (ع ) برغم أبوي مجان يقبل ويتعارك وياها بقت متمسكة برايها
تخلينه نحب علي (ع) واهل بيته (ع ) وفعلا نجحت
وجرت أبوي لحب علي(ع) واهل بيته (ع)
_الله بثبتكم على حب علي (ع ) واهل بيته (ع )
_الله يسلمج شتردين تعرفين عني كولي
واني أجاوب ؟
_اي اريدك تحجيلي شنو قصتك ويه ام
ساندي الدع .... وشلون خطفتك
رائد ضرت على كصتي بإيدي هسه شذكرها بأم ساندي كلت خل اكوللها القصة مادام تعرف هي حجيتلها كل الماضي
مالتي الأسود الفاسد بحرف الواحد .
_جنت فاسد اخلاقياً!!!
_اي
_فوكاها تضحك
_ترديني الطم وافتح عزاء على ماضيي الأسود
_أني من عرفت ماضيك لعبت نفسي
_وسبحان لماعنده ماضي حتى أتباع الرسول جانوا كفار لايعرفون الله وسكر وعربده ونسوان تابوا وتقوا الله والله غفور الرحيم يغفر لمن يشاء ودخلوا الجنة
هسه أني هم الحمدالله تبت وحلفت بالعباس (ع)مارجع للشرب والزنا واصوم واصلي وابقى ثابت على
طريق الله عز وجل
_ ان شاءالله دوم ثابت
_رحم الله والديج بعد عندج شي؟
_اي الولد الاسمراني الجان وياك منو ؟
_ قسومي ابن عمي وصديقي وضلع من اضلوع صدري
_ قسومي اسمه ؟
_لا قاسم اسمه ودلعه قسومي مثل مادلعج ام الصخول
_لا تكول ام الصخول ترى بالقرآن احظرك
_دكعدي روحة احظرك واحظرك دنطي مجال لواحد
يعرف عن نفسه تحكمون على الكتاب
من عنوانه و الغلافه
_الكتاب مبين من عنوانه
_غلط العنوان شي ثاني ومحتوى الكتاب شي ثاني
_اي
_وسطعش وجيييي
_عليكمن ولككككك
_وزقنبوت لا تصيحين ماحب المرة لترفع
صوتها بوجي غير أمي مسموحلها
زينب فشلت فشله كدام أبوي ....من هيج يكلي ويرزل أبوي ضايج مبين كاعد على نار أعصابه كلتله ...شحجي
بعد ويا هو نزل بي رزايل ؟!
_مادام فتح موضوع يخص أمه اسألي عن
امه تعرف بيج انتِ بتي
_تمام ...
رديت عليه ...
سؤال امك تدري بي اني بت علي قبل لاتجيني خطاب
_لا ماتدري لو تدري مجان اجت من أساس
_ليش ؟
_كالتلي مريد افتح دفاتر قديمة واهيج اجروح
_هااا
_وجعاااا
_وتالي وياك أنت شنو هاي ماتحترم
_ضايج روحي بخشمي صايرة بنص الواجب وحارة
_اي هذا شغلك اتحمل
_متحمل
_ماكتلي امك شسوت من عرفت بي بت علي ؟
_فتحت جروح القديمة وكضتها بجي وأني خربان ضحك
ههه خرررب بيومج ذكريني وخليتيني
اضحك ههههه
_ماكو شي يضحك ؟
_والقرآن كل القصة تضحكني ماعرف ليش ؟
_لازم اكو سبب؟
_اي امي ماتحب ابوج جانت وابوج عباله تحبه وامي ماتحب أبوي وابوي حاب أمي وصايرة مشاكل وامي المسكينة
واكعة بين نارين الاثنين عشكانين سهاد الجميلة
هههه هنيالها امي زلم تتعارك عليها ههههههه
1
باوعت لابوي اعيونه براسه صارن هذا رائد فطير طلع ويضحك اخذ التلفون من ايدي
وصار يكتب بدالي
_منو كالك مجانت تحب ابوي؟
_امي كالتلي
_محتمل تكذب عليك ؟!
_لا أمي ماتكذب علية هي كالت كالي احبج وأني كلتله احبك مادري السالفة هيج وخالي جبرني على علي وكالي لو علي
لو ترجعين لاهلج بالانبار فطريت اقبل بعلي وأني
من أساس ماريده
_واثق من كلامك ؟!
_طبعآ واثق واذا ماتثقين بي من ارجع بعد سبع أيام للبيت اخليج تحجين وياها وخل تحجيلج كل
القصة إذا تردين طبعآ
_اي اريد
_تأمرين أمر...صدك بعدج تحبين صخله ام عداي
باوعلي ابوي مستغرب ...
شنو صخله ام عداي ؟!!
زينب : يعرف احب الكوري دونغهي هو معلك
عليه صخله ام عداي
أبوي : يدك الألقاب للعالم وعايف نفسه
ابو النسوان خل ارزله
زينب : اي يابة رزالة
ابوي : من صخله ام عداي بنص عينك اول مرة
واخر مرة تكول صخله ام عداي مفهوم لو
مامفهوم الكلام
رائد : لا والله مامفهوم الكلام ولا تتحولين
منورة الكيبورد سوبر مان
أبوي : هذا شنو ؟
زينب : شمدريني شنو ساعة كيوت وساعة
شيطان وساعة ملاك ماتعرف شخصيته
الحقيقية شنو ؟!
ابوي : مريض نفسي ماكو رجال يسوي اسوايته وينزل
نفسه لهذا المستوى علمود مره ماتحبه
وماتريده ويحارب لأهلها
زينب : وكع برأسي هالمريض يابة
ابوي : عندي أمل نخلص منه يلا خل أنهي الكلام
ويا وجع راسي ابن الغربية
زينب : اي انهي
نهى الكلام ويا انطاني التلفون ردت احذف المحادثه ماقبل كال عوفيها كا دليل كتله تمام كمت ضميت التلفون نزلنا حجيت لأمي كلشي فرحت
من عرفت خاله ام صدام ماتحب أبوي جانت ومعتبرته مجرد صديق واخو لا اكثر ولا أقل أبوي ضاج كلش
وديتله جاي اعصابه نار صارت
بالليل هم راسلته أبوي تعب .... وكال راسلي أنتِ والصبح اشوف المراسلة مالي خلك احجي ويا تعبت من الكلام وكل يوم نفس الشي مدة أسبوع ماحس
شي اتجاها شايف نفسه شوفه وعبالك بس هو وبس راسلني وكال أني بالبيت صرت وحجيت لأمي وكالت خل احجي وياها رحت لأبوي هو يريد
يحجي ويا مو أني وفعلاً ... حجه وياها هي تحجي بصمات جانت وكالت ماحب ابوج كا رجال حبيته كا أخ وصديق الي واحد الآن أحبه واحترمه
وتبقى محبته داخل قلبي لاخر يوم بعمري وابد مراح انسه فضله بالبصمة رائد يكوللها .. شتحبين منه شتحبين
منه مانطاني بته
ترجع تكوله ...
انطي حق للرجال البنيه بته هو أبوها يريد ينطيها ماينطيها بكيفه شبيك أنت لازك اسمعي يمة زينب ماعليج برائد ابني ماترديه كوليها بالوجه لا تسكتين
أني جنت غلطانة واركض وراه هسه عرفت غلطي
صعبة كلش تاخذين رجال ماترديه
حتلوه هو يريدج
رائد : جبتج عون طلعتي فرعون سهودة خانو ...
سهاد : مو اكوم اكسر راسك سمعتي شكلت مو ؟
باوعت لأبوي أبتسم ماعرف ليش وكالي ...
اطباعها القديمة هي هي مامتغيرة بسرعة
تتنفز هاج احجي وياها
اخذت التلفون وحجيت وياها ...
اي خاله سمعت فدوة وياي يصيري هذا ابنج شالع قلبي
وقلب أهلي كوليله خل يحل عنه وينساني ألف
وحدة تتمناه غيري
دز بصمة ...
وأني من ألف اريدج أنتِ ومالت انساج ماكدر ماكدر بت
الكلب ماكدر انساج حاولت وحاولت ماكدرت
طابعة بالدماغ وبالقلب .
تافأف أبوي وكال ...
كوليله غيرك هواي حبوا وماخذوا ليحبه
كتبت له مثل مكال أبوي اجاني الرد بصمة ...
وأني غير العالم أني من أعشق شي أخذه يعني أخذه ولمااخذته اخربه علمود غيري
لاياخذه ويتهنى بي .
بلعت ريجي جسمي صار يرجف من الخوف أبوي قرأ
وتعصب كال أكتبي.... يهون عليك تدمر شرف
بنت الناس علمود ماصارت الك
رد بصمة ...
مال ادمر شرفج واذيج لا مستحيل اسويها بس اخنك كل شخص يقترب صوبج شلون تقبليها نفسي بيج
وغيري ياخذج ويتهنى
والله يازينب خليها بالج لو لي تصيرين لو ماتصيرين
لغيري وأنتهى الموضوع وانتِ امي
ماعليج.بي لتخزرين.
ابوي : هذا الولد راح يسبب وجع رأس اشك بي يكذب
عليج مال ينطيج مهلة شهر ويتركج
اذا ماقبلتي بي
زينب : اني مو كتلك عناد وراسه يابس
ابوي : بعد ابن الغربية احذفي الحساب ولا تتواصلين
ويا خل يولي لمانشوف وين تاليتها
توصل ويا
زينب : اي هسه احذف الحساب
حذفت الحساب كدام أبوي خايفة كلش مروا
يومين واجه اخوي مؤمن الدمعة بطرف
عينه صايرة
مؤمن : طلع جذب ماموقف النقل بس خلوني
بالفوج هيج باجر اروح للموصل
ابوي : شنووو ؟!!!
امي : عزززة العزاني صخام وبوجج زينب
راح يروح ابني من وراج
زينب : اني شعلي
مؤمن : كله من وره راسج انقلت للموصل
صارت مشكلة جبيرة ... بالبيت مؤمن راح يضربني بس ابوي صده تعاركوا صاروا ملخ ابوي طرد مؤمن من البيت مرت اخوي الجبير نزلت بي دوسة ونص
أنتِ منطيته مجال أنتِ تحبي وجاي .... تجذبين علينا أنتِ هيج وأنتِ هيج عليش الرجال لازك بيج مال ماترديه
هاي جذبه انتِ جنتي بالانبار
وهو صديق ابن خالتج تعاركت وياها اجاني اخوي الجبير بالغرفة ضربني راشدي وتفل علية أنتِ هيج وأني هيج
حتى صار يفشر ويغلط
واخذ التلفون كسرة اجاني .... المشاكل منورة رائد وطلعت حقارة اخواني على حقيقتها اجتي امي تركض طلعته من الغرفة يريد يرجع يضربني
أبوي صعد شافني ابجي وخدي محمر من الضربه لاكلتها من أخوي رجع ضرب أخوي وكاله اكسر ايدك وايد اي شخص يمدها عليها بعدني عايش
وهيج ذليتوها لو اموت شسوون بيها .
أسبوع كاملة كله مشاكل ومحسسيني اخواني والجناين أني كحبة قليلة أخلاق وشرف الكل يكولون عدها علاقة ويا وتحبه ويحبها مادام حرك الدنيا علمودها
وين اكو رجال البنية .. مامنطيته عين هيج يسوي هي تحبه وهو حبيبها كلام اشكال ألوان طلعوا علية الأقارب او نكول الجناين فضحوني بين الاقارب
طلعوا كاروشات وأني الفطيرة مصدكة بيهن وعبالي أخواتي رجع أخوي الجبير من بره مفور روحة بخشمه
صايرة صاح بعلوا صوته
نقل مسلم لديالى على الحدود مكانه اخطر من مكان مؤمن كله من وراج زينب كله من وراج انتِ الكحبة أنتِ الساقطة تكليله هيج سوي علمود ننطيج له مووووو
انقض عليه دفعته أمي ومرت اخوي أبوي مو بالبيت جان دخلتني أمي للغرفة بقيت ابجي اجت بالي انتحر بعد
ماتحمل ليصير وياي
شيصير يردون علية .... مايصدكون ماعندي شي ويا دومها البنية مظلومة مرت الأيام وراح مسلم يبجي مثل الطفل بحضن أمي يخاف ينقتل
لان بديالى وتحديدا هذا المكان كل سنة يسوون علية هجوم ويقتلون الجنود والضباط صرت مكروهه بالبيت من غرفتي مانزل ولا اختلط بأهلي
امي تجيبلي لأكل فوك تكضيها بجي ونوح وتطلع اخواتي يجون ويحجون على أبوي واخواني يكولون خل ينطيج له وين يلكه هيج واحد حرك الدنيا علمودج
أبرار : مثل يكول اخذ اللي حبك ولا تاخذ اللي تحبه
سراب : المايعرف الصگر ييشويه
ابرار : اي والله هم مايعرفوه ولايعرفني قيمته
الرجال يعشك البنية انطوها عاد
سراب : خيه أني خايفة عليج أنتِ لاخايفة على اخواني
ولا على الولد أنتِ لماكلتها ليش
مايقبل ابوي ؟!
أبرار : هسه حبيت امه بالماضي وماصارت من نصيبك ترى
مو اول واحد ولا اخر واحد يحب واتصير له
حبيبته لغيره ؟
مارد عليهم أبقى ساكته وابجي وكرهت رائد كره موطبيعي لو اشوفه هسه كدامي اقتله بدون تردد شوه سمعتي
بين العالم وأهلي صرت منبوذة
بيناتهم ولاجن جنت المدللة ..... والكل تحبني زينب وزينب هسه طحت من اعيونهم كلهم بس أبوي وياي حتى امي احسها تغيرت من نقلوا أخواني بسببي
ثاني يوم الظهر كاعدة بغرفة أمي واتصل رقم غريب انطيته رفض انوب اتصل هم انطيته رفض ماعرف منو يتصل على أمي وامي طالعة بيت اخوي
6
بس أني بالبيت رجع دز رسالة ...
أني رائد ردي زينب
من عرفته هو فااار دمي بسببه تدمرت حياتي وصرت سجبنه بالبيت والاحترام والدلال كله انشال عني حظرت
رقمه وطلعت الخط
وخربته بالدنبوس مال الشال علمود مايشتغل وتغيره ماريده يتصل ويسبب مشاكل ثانية لي تعبت والله تعبت
ومرات تجي بالي انتحر واخلص .
رائد" كل يوم يهددون اخر شي اجوي اخوها ولد عمامها تلاثه يهددون بي تعاركت وياهم رادت توصل للضرب
بس صار تدخل من
عمامي وأهلي يحجون اترك البنية قلت نسوان له هاي كلت اي الا هاي لو هي لو ماأخذ تعارك وياي عمي نزار ضربني
وكال الا انقلك لديالى عقاب لك
كتله الله وايدك انقل علمود ....أخذ راحتي اهناك يحجون يسون ماسمع منهم عمتي كالت خل نسوي سحر لأبوها
علمود ينطيها الك والله سويت
سحر لها ولابوها ماكو فائدة ماشتغل وياهم تعاركت وي
عمتي كالت ماعرف ليش مايشتغل عدهم خوب اني اسوي عدها ويشتغل اخذتها ورحت للسحارة
كالت السحارة يفسد شغلي لان عدهم خرز بي .... جن نكس وحدة سحارة كشرة بالبيت ايدها والسحر الأسود ومسويه سحر للبنية علمود ماتزوج ولاتقبل تزوج
كتلها ليش تسويلها سحر؟
كالت _ تريدها لاخوها مبينه والبنية مسحورة لو تحارب
الكل وينطونها لك راح ترفضك هي
_سوي عمل يفتح العمل لعليها ؟!
_ماكدر أسوي إذا مو هي كدامي لو اخذ من شعرها لو من ملابسها الداخلية في هاي الحالة أكدر وفي حاله انطيها
العلاج تاخذه بانتظام
_ماتكدرين من يمج ؟
_لاماكدر صعب سحر لعليها أسود ومسويته على جثة
بزونة ميته ودافنتها بالمقبرة بقبر طفل جاي
اشوف كلشي كدام عيوني
_عوذ بالله ؟!!
كوثر : هسه شلون ؟
السحارة : جيبولي البنية افتح عنها العمل بجلسات
كوثر : شكد تطول الجلسات ؟
السحارة : حسب استجابة المسحور اكو ثلاث أيام واكو١٠ ايام كلمن واستجابة لعنده والبنية ماتقرأ قرآن وايمانها ضعيف تسمع أغاني تالي الليل وهذا الشي مساعد
السحر يتلبسها بسرعة
رائد : خرررب بحظي اجيبها منا تطلعلي مناا
شوفيلي حل وشتردين انطيج والله
السحارة : ماكدر جيبولي البنية لو جيبولي من
علاكها وانطيها العلاج لها
كوثر : واذا انفتح السحر عنها تقبل برائد ؟
السحارة : اي تقبل وتصير تحبه مو بس تحبه
تعشق شي اسمه رائد
رائد :مليون مليونين تلاثه اربعة شكد ماتردين
انطيج بس فكي العمل
السحارة : شلون بي ابن اخوج جاي اكول هيج يكلي هيج عيني ماتكدرون تجيبون البنية جيبولي من علاكها وبالتحديد ملابسها الداخلية وانطيها علاج تمشي عليه
وان شاءالله تشافه .
رائد : صعب كلش ؟
كوثر : موصعب خل امك تحجي وي ام حسن وتكوللها
السالفة وخل تجيب نوره من ملابسه
رائد : ابوي لغة التواصل وي ام حسن
مايقبل امي تتواصل وياها
كوثر : شسالفة عمه
رائد :السالفة كلها انسدت بنص وجي عمي كومي
كوثر : كول يالله
اخذت عمتي وطلعنا من بيت السحارة روحي بخشمي صايرة منو لساحرتها تكول وياها عايشة بنفس البيت اي
ماكو غيرها مرت اخوها الجبير
هي عايشة وياهم.
كوثر :احسن حل تواصل وي ابن ام حسن وكوله بالسالفة
رائد : هسه يكولون رائد يشتغل بالسحورة
كوثر : لعد شلون عمه
رائد : ماعرف شلون عمه تعبت والله تعبت تجي بالي اروح اخطفها لو اخطف واحد من اخوانها عمه اريدها
اريدها تعرفين شنو اريدها؟
6
كوثر : اي عمه اعرف وحاسه بيك والله همي من همك أنت العزيز ومعزتك من معزه اولادي راح افكر بحل نوصل
لزينب لو لامها خل تشوفلها جارة
