رواية عشق اهل الانبار الفصل الحادي والعشرين 21 بقلم رواء هادي
مسك مرت الايام بسرعة ودخلت بالشهر ال6 وحبالتي متعبتني كاضيتها بالامراض من مرض المرض روحي
بطرف خشمي صايرة كوه طايقة روحي
ومنا ريتاج بت عمتي مطيحه حظ حظي بالشهر مرتين هنا بالانبار هي وامها عايفات بغداد وساكنات الانبار المهم
مالي دخل بيهن لا علية بيهن ولا شي
راسلتني ريتاج على الواتساب كالعادة تريد رائدنا ماتدري برائدنا مسحول من الانبار للحلة سحل وطايح حظ حظه
أني صريحة كتلها الحقيقية اشو هاي انزلي بي
دوسة ونص غلط وسب وجسارة مو صوجها صوجي أني اللي مكبره راسها المدوحس واحجي وياها لزمتها وحظرتها من
كل تواصل الاجتماعي ماريد هيج نماذ زفرة
بحياتي المهم قاسم مرافق ابن جوارينا انتقل جديد عدنا بيت خالي ابو صدام بعد ماباعوا الولد هم ضابط وبداوم بقوات سوات خوش ولد ومحترم نهر كله يم
قاسم بعد مارائد شال وبعد عنه راحوا بغير منطقة والله مستفقدينه كلش هاي الأشهر جانوا نهر كله عدنا يجون يتعللون ونكضي وكت حلو هسة ماكو
بالسنة حسنة يجون لعدنا بس رائد يجي كلما ينزل مرتين تلاث علمود الولد وهم هم يرحون لعنده ...
المهم جنت بالمطبخ جاي اغسل بستكاين الجاي فزيت والكل اللي جان وياي بالمطبخ فز من صوت رائد العالي احنا متعودة على صوته العالي بس صارله فترة مامار بينه
فاستغربنه ...
رائد : قويسم وينك ؟
قاسم : هويني ...شبيج صيح دخلت الكل انذار
رائد : هاي جزاتي قويسم تصادق ابن الجوارين
وعايفني مثل الچلب اباوعلك تطب
وتطلع ويا بكيفك
قاسم : ولك الولد غريب عن المنطقة هو
يجي يمي تريدني اطرده
رائد : انجب ابن الكلب كلمة وحدة ماريد منك بعد
من اليوم لا اعرفك ولا تعرفني تفوووو على
صداقتك ياچلب ابن الچلب
قاسم : من عمت عينك تغار ولك رائد ارجع وين رايح
رائد : اطلع چلب ابن چلب اذا رجعت لعندك لا تلحكني
بس تلحكني اخلي الطلق جوه رجليك
رشك ارجع كلب
طلعت شفت رائد لابس دشداشة بيجي كاف الردان وشاد الدشداشة على خصره بإيده المسدس يهدد بقاسم
متت من الخوف وقاسم يضحك
قاسم : ترى مرتي متغار علية مثلك هههه
رائد : انعل ابوك لابو مرتك تخوني وي ابو راس المربع
قاسم : هههه انوب داكله القاب ابو راس المربع ههههه
رائد : تضحك ياكلب
قاسم : خايب شسويلك محد مسوي سوايتك تغار علية أني ههه الله يساعد المرة التاخذك شلون تتحمل
غيرتك مادري هههههه
رائد : ليش طعنت بي ليش رحت لابو راس المربع وأني بامس الحاجة الك مو تدري بي موجوع
ومحتاجك ليش ولك ليش ؟ !!
قاسم : رائد على بختك خل نتفاهم بس نزل المسدس
رائد : ماريدك بعد ياكلب اجرب روح لابو راس المربع
احسن مني اني شقابض مني غير المشاكل
والعقوبات
شفت لمعة حزن بنظرات رائد بس مايريد يبجي خطية كسر خاطري طلع بره البيت بسرعة قاسم خربان من
الضحك لان يغار عليه رحت عليه
مسك : قاسم خطية الحكه ؟
قاسم : بالليل يرجع مثل الچلب عوفي
قاسم : لا تكول هيج هذا صديق الطفولة
وجان مشاركك بالأحزان والفراح
قاسم : واني هم واكف ويا بكلشي غيران ههههه
مسك : وأنت تعرف معنى الغيرة ؟
قاسم. : لا ههههه
مسك : لعد لا تضحك على مشاعر ماتعرف شنو شعورها
قاسم : دروحي ام الشعور ههههه
عافني وراح طلع بره يضحك مروا يومين واشوف رائد ماله حس ولاطك قبل يجي كل يوم هسه ماكو مايجي
اسأل قاسم يكول زعلان عوفي هو يجي
من كيفه احجي ويا مايفيد ..... والله صاير دهن
ودبس وي فارس يطب ويطلع ويا
رائد "تخبلت من شفت قاسم مخلي ابن الجوارين فارس بالصدر ويفر بي بالمنطقة ويفوت من يمي مايعبرني
ولايسلم أني صديق الطفولة وحبيب قلبه
وضلع من اضلوعه هيج يسوي وياي؟!!
مو يدري بي واكع بمشكلة وي اهل البنية لاريدها لا ساعدني ولاوكف وياي برغم أني اساعدة بأبسط الأمور مراح
اوصل عتبه باب بيتهم بعد
هاهيه هو بدرب واني بدرب من اليوم . اصعب شعور من تشوف صديقك المفضل وي غيرك يضحك
ويطب ويطلع شعور جدآ موجع .
تحملت الوجع برغم اضاف وجه ثاني لكلبي روحي بخشمي صايرة رحت للدوام قاسم هم راح وياي بنفس
السيارة ماحجي ويا
_ رائد
رفعت ايدي معناها لتحجي وياي رجع حجه... .. شبيك ؟
مارديت بقى يحجي وأني مارد وصلنا للفوج نزلت
لحكني ماانطيته مجال تجاهلته تمامآ
بالليل صبوا العشة اجه كعد بصفي .تنفزت منه وكمت حتى اكل ماكلت برغم ميت من الجوع الكل تصيح وراي تعال
اكل شبيك كمت مو جنت جوعان
رائد: انسدت نفسي
اخذت السلاح وطلعت بره روحي بطرف خشمي
صايرة رن التلفون طلعته امي تاج رأسي يتصل
بك رفعت الخط
_الوو أهلا يمة
_الحمدالله وأنتِ
_زينة اكلك يمة
_كولي ؟
_هاي ام زينب اجت لعدنا هي وام جلال وجاي
تبجي يم عمك ابو فياض وابوك
_شسوي جاية ؟!
_تكول ابنها لناقله أنت متعرض المعسكر مالتهم لهجوم داعشي وابنها مصاوب بس الصابة بسيطة وجاي لعدنا علمود
نرجع ولدها وعمك متعصب
كلش وابوك هم
_لو ميت جان ارتاحيت
_بيش طالب الولد ؟
_هذا مؤمن الحقير جان يغلط ويسب بي وهدد
بالقتل اي شصار راح يرجعونهم
_اي كاللها عمك اخذيها مني راح انقلهم يمج بالحلة
_هذا عمي فدواحد لوكي شعلي بيهم أني نقاتهم علمود
اربيهم لو هو يروح يخرب كلشي
1
_أني هم ماقابلة على تصرفك بالنقل هم مالهم دخل
ابوها ماينطيها هم شنو بإيدهم الخطية
عدهم عوائل ...
_اوووف يمة
_شبيك ؟
_راح تجيني سكته قلبية بدل طلقة من داعشي
بنص قلبي وتكتلني
_فال الله ولافالك ولك شبيك تفاؤل روحك بالموت
_الحياة صارت بنظري سودة ماكو شي يخليني اتمسك بيها
_وأني منو الي إذا رحت مافكرت بيها
_هو محد كاسر اركبتي غيرج أنتِ هسه احجيلي بعدها عدنا
_اي بعدها
_شتكول ؟
_والله تكول لو بإيدي انطي البنية بس مو بإيدي البنية ماتريده وأبوها هم ماينطيها شنو بإيدي أني اسوي وتحلف
بي وتتوسل علمود اخليك تعوف زينب
وتعوفهم بحال سبيلهم .
_إذا كدرتي تحجين وياها على انفراد خل
تخليني احجي وي زينب
_رائد شنو تحجي وي زينب ؟
_جم كلمة فدوة رحتلج
_شتكوللها تهددها لا يمة عوف البنية بحال سبيلها واكول شي كالتلي بيني وبينها أخواتها شادين وياها هي الشدة
حتى يضربونها من وراك
عبالهم عدها علاقة وياك تقبلها تنضرب البنية وتنهان بدون أسباب تقبلها يمة على نفسك تنضرب
بدون أسباب
_اافففف بس خل احجي وياها وعد مني الج راح اتركها
_مثل كل مرة تكول وعد وتخلف بالوعد
_هالمرة لا راح اوفي بالوعد
_هسه اروحلها واحجي وياها واجيبها بالغرفة خل تحجي وياك بس شلون تحجي وياك زينب ؟
_ هي تتصل من تلفونها وتفتح مكيروفون وأني
احجي من تلفونج فهمتي هسه ؟
_اي فهمت رايحة هسه
_انتظرج
تزني نزلت التلفون سمعت صوت جلال وره ظهري التفتت ..
جلال : سيدي اريد احجي وياك ؟
رائد : تفضل احجي ؟
وكف كدامي بإيده التلفون ...
مو أني احجي وياك زينب تريد
تحجي وياك ؟
_زينب ؟!
_هي هسه اتصلت بي وكالتلي اريد احجي وياك كلام ضروري
_خير ان شاء الله
_مادري تحجي وياها ؟
_اي أتصل بيها
هسه أتصل... أتصل بيها بسرعة رفعت الخط ...
زينب وياج رائد... تفضل سيدي
انطاني التلفون قلبي صار يخفق بسرعة حيلي كله انهد
لزمت التلفون وهي تكول الووو وياي ملازم رائد ؟
الووو ؟!!
خليت التلفون على اذاني ...
وياج احجي
_شلونك ؟
_موزين احجي شعندج بسرعة ماعندي وكت
_ان شاءالله دوم ماعندك وكت الي المهم ليش نقلت اخوي مؤمن بعد ماوعدتني مراح تنقله وفوكها تعاركت وياهم
ونقلت الثاني ليش هيج تسوي وتسببلي مشاكل
ماتخاف من الله
_مثل ماانتِ خنتي بالوعد اني هم خنت بالوعد
_وعديش خنت بي أني ؟!!
_مدة شهر خنتي بي
_ماتحمل والله احجي وياك نفسي تلعب منك ملازم
رائد أترجاك عوف اهلي وعوفني والله
العظيم مافيدك .
_هه
_شبيك تستهزء !؟ والحسين ماافيدك أني وين انت وين هواي بنات احلى مني يتمنون يتزوجوك قابل ماكو نسوان
بس أني بهذا الكون عوفني
اولي وعوف اهلي والله العظيم تعبت جاي تسبب إلي مشاكل وهسه صرت مشهورة زينب تحب ابن الغربية وهو مكسر الدنيا علمودها سمعتي تشوهت
من وراك اقرب الناس الي يطعني بشرفي وأني مالي دخل تعبت رائد تعبت تجي بالي مرات
انتحر واخلص
صارت تبجي انطيت ظهري لجلال قلبي انعصر عليها احبها كلش بس مالي نصيب بيها ...
_زينب اسمعي كلامي زين
_هم رجعت تهدد والله بس تهدد راح انتحر واخلص
_انجبي ام الصخول اسمعي كلامي زين وانقذي نفسج
_شكو ؟
_أنتِ لو مابيج شي جان حبيتي رائد مثل ماهو يحبج بس للأسف أقرب الناس الج ساحرج بسحر أسود ومخلي
بزونة ميته ودافنه بقبر طفل رضيع
_عوذ بالله شنو هالجذب رائد ؟!!
_مو جذب هاي الحقيقة أنتِ مسحورة
_منو قابل يسحرني ماكو احد يكرهني وأني مامذية احد
_وحدة عايشة وياج بنفس البيت وتريدج لاخوها
_لاخوها منو هاي ؟
_ماكو غير مرت اخوج الجبير هي عايشة وياكم بنفس البيت
_اخوانها كلهم متزوجين واصغر واحد عنده اربع أطفال
وهاي طلعت جذبتك تريد تسوي
مشاكل بيناتنه مو
_مو صوجج صوجي أني الغبي احجي وي وحدة براسها صخله ام عداي طابعة طبج مرض وان شاءالله تزوجين
هذا المتزوج وعنده اربع جهال
فصلت الخط بوجهها التفتت الجلال يباوعلي مصدوم سمع كلشي اكيد انطيته التلفون اخذه وكال ..
. زينب مسحورة ؟
رائد : اي
جلال : شمدريك أنت ؟
رائد : خليت عمتي تكشف لها يم علوية ليش ماجاي
تقبل بي وكالت البنية مسحورة وسحر أسود مخلينه
بزونة ميته ومدفون بقبر طفل رضيع
1
_الله يلعنها منو هاي وبيش طالبته ؟!!
_ مرت اخوها منو قابل عايشة وياها بنفس البيت
_اي هي ماكو غيرها جاي توز برأس اخوها
عليها علمود يضربها
_شتوز ؟
_بيتهم مشاكل أربعة وعشرون ساعة وخطية ماكلتها زينب هسه اروح اتصل بخالتي وكوللها كلشي
_اي خوما ضايج مني ؟
_عليش اضوج منك شنو بإيدك أنت تسوي البنية مسحورة ومنا ابوها عدو ابوي مستحيل تصير لي وخلص راح
اشيلها من بالي ماريد يصير بيها شي
مو زين من وراي .
_الله يعوضك بالاحسن منها
_ان شاءالله.
عفت جلال ورجعت قاسم كاعد يباوعلي طنشته رحت كعدت بالكاع السلاح لازمه مخليه كدامي اباوعله ماتوقعت
بيوم من الأيام راح يغدر بي .
5
مسك " رجع خالي بالليل روحة بخشمه صايرة يحجي على رائد يكول مخبل أهل البنية خبال عمي الله يرحمه
ماسوه سوايته من اخذ سهاد
1
هسه كوه البنية ماتريدك وابوها ماينطيها شلون تقبلها ابوها جان يحب أمك ينطي بته الك هذا الولد راح
يجيب اخرتنه على ايده
راح انقله بعد مايبقى هناك محد جاي يكدر يسيطر عليه وعنده وساطة اكثر من عندي أني ناقل الولد خطيه
لاخر الدنيا أتصل علمود نقلهم
يكولولي مانكدر ننقل لان موصي بيهم ضابط ماينقلون الا بأمر هذا الضابط أتصل بي ينطيني رفض أتصل بقاسم يكول
متعارك وياي ومايحجي
كاعد كبالي ويخزر بي عبالك يريد يسوي مصيبةالكل صارت تتصل برائد علمود يتصل بالضابط وينقل الولد هو مايرد ينطي رفض عبالك بالعمدة ينطي رفض
خالي تخبل كلها بالبيت تخاف منه ...
باجر الفجر بالفوج أريد شلون مايرد
على الاتصالات
_ اتصل بجلال وخله يحجي وياك
_ هم صدك خل اتصل خل ينطيني هالكلب ابن الكلب
اتصل خالي اسمع يكول ... ماكو ليش وين وله ؟ شرد
ادري بي شرد أني اعلمه باجر من الصبح
بالفوج عدكم تلكوني
فصل الخط وكال ...
شارد الكلب أني اعلمه هالعناد وشوفه الحال الا كلها اطلعها منه عليمن يشوف حاله واريد شلون يرفضون طلب مني علمود حظرة جناب رائد افندي .
رائد " اتصالات صارت تركع ركع علية انطي .... رفض بالعمدة واضحك أدري مراح ينقلون اخوان زينب الا أني اكول
انقلهم مايدري عمي عندي وساطة أقوى
من الوساطة لعنده رحت العالم .... اكبارية وصيت
ماينقلون طلعت بعيد عن الفوج وي الجماعة
برغم واجبي إنتهى.
الصبح عمي عندي اخذني للغرفة .....دك رزايل
وهسه تتصل وتخلي ينقلون الولد بالحلة .
_هي وحدة من أثنين مانطيكم الاثنين
سويه اختاروا وحدة منهن ؟
_شتريد ولك ؟
_مو حبيب امي مجرد صديق الها وعادي وإذا مابيها شي
لااخر واحد ولا اول واحد بهذا الكون ياخذ بت
شخص جان يحب امه
_رائد لتختبر صبري ترى بالقرآن انقلك التلايف الدنيا
_خلص انقلني
خليت وطلعت صاح وراي ...
احسب عشر أيام ونقلك واخلهم
يكفرون بيك كفران
رجعت التفتت بضحكه ...
راح اخلي الكل تتعاقب وياي ههههههه
_كلب ابن الكلب تستهزء بي وتتمضحك ابو الكحاب
_لو باقي على درب الكحاب اشرفلي والله
_انقل الولد
_تجي زينب يمي انقل الولد ماتجي ماانقل
وهذا آخر كلام عندي
_تكسر كلامي
_قابل انت الله وماكسر كلامك لا تدخلون
بشغلي مثل مااني ماتدخل بشغلكم .
_هيج صارت
_وتصير للأسوء بس تنقلون الولد بوساطة
أقوى راح اطلع أسوء مافيني
_تهدد ؟
_مو تهديد هذا تحذير .
خليت وطلعت مر أسبوع وكتابي توقع راح ... اروح بغير فوج فرحان راح اخلص من عمي ومشتكلهم اللي ماتخلص رجعت للبيت ابوي تلكاني رزايل امي كذلك اخواني عماتي الكل تذم بي وأني منطيهم اذان طينة واذان عجينة ماسمع
شيكولون قاسم يجي لعدنا
بس يريد انطي مجال واحجي ويا مانطي مطنشه مثل
ماهو طنشني هذاك اليوم واصعد ابن الجوارين
فارس ابو راس المربع ...
سوه عمي عزيمة وعازم كل ... الضباط كبارية بكت طن هوى بس لا راح يستعين بوساطة أقوى وينقلهم رحت
هناك عرفتي على كل الضباط
واحد من الضباط كال ...
ماشاءالله هيبة
بقيت مستغرب ليش حمد بي عمي ضحك وكال ...
هذا طركاعة العائلة لحجيتلك بيها
_ مبين طركاعة ماشاءالله عليه ضخامة و
هيبة لو هيج الضباط لو ماتنراد ...
دك على جتفي ثلاث مرات وكال...
اخذ لتريده بدون استسلام
استسلام فقط الجبناء
أبتسمت وكلتله ...
ان شاءالله سيدي
ابو فياض : هاهيه احسبك عندك صار
رائد بقيت اباوعلهم شنو أني طلي يبيعون بي لهذا
وهذاك لحظة لحظة شنو أني طلي عدكم هذا
يريدني وهذاك يريدني ؟
ابو يونس : هههه
ابو فياض : اصلا نقلك صار يم الضابط ابو يونس
مو يم فلان فوج وتم توقيع كتابك
رائد : تضحكون علية؟!!!
ابو فياض : مثل ماضحكت علينا جهز نفسك
التحاق الجاي بالموصل .
وره ماكملت العزيمة وراح الخطار لزمني عمي وكال راح انقلك للموصل يم ابو يونس اعرف بيك بس تجي بهذا الفوج
تنجلب محمد وياك تخبصون الامه من تلتقون
وهناك لا وساطة ولاشي
رائد : الله لي ههههه
ابو فياض : اضحك راح يعيد تربيتك من جديد
رائد : اشوفك خلال أسبوع ادخل بنص بيته هههه
ابو فياض : واضح واضح
طلعت اضحك شفت قاسم كاعد يم الولد وبصفه
فارس يضحكون بصوت عالي شافني محمد
رفع ايده واصاح
محمد : رائدنا هناا هناا
رائد : مو من مقامي أنتو
1
محمد : شنو مو من مقامك اشو شايف نفسك هالأيام
رائد : مثل مانتو شفتوا روحكم أني هم
اشوف حالي في امان الله
التفتت اضحك ...
الموصل ترحب بالهيبة وتاج رأسكم ابقو بدون الهيبة اشوف منو الكم بعد وجه الأرامل لكاعدات بنص
الفاتحة وحدة مكابلة الثانية
محمد : والله صدك جنه أرامل واحد مكابل الثاني وين
جنه نتعارك وياك ويجي عمي يعاقب الكل
منوراك درجع رائد
كام قاسم متفاجئ...
ياموصل ؟
محمد :ماتدري رائدنا انقل للموصل يم
المسؤول ابو يونس
قاسم : شنوو ؟!!
محمد : والله انقل ماتشوفه فرحان هههه
قاسم : وشنو أسباب النقل ؟ وليش
عمي قبل ينقل ؟!!
محمد : مايقبل ينقل اخوان زينب عاد عمي نقله
قاسم : هو شنو نقلهم هسه اتصال واحد ينقلون
ليش هيج يسوي الموصل خطرة
فياض : ياتصال واحد ماخله احد ياهو ليروحله يكوله اعذرنه مانكدر ننقلهم الا بأمر فلان ضابط يعني رائد موصي ماينقلون رائد وصيت منو.وخليت كل الضباط تخاف تنقل ؟
رائد : عندي عرف بالبرلمان العراقي ههههه
3
محمد : لابشرفك
رائد : وغلات أمي اتصال واحد مني
يوديكم لآخر الدنيا ههه
نزار : وين تعرفه ؟
رائد : اعرفه وخلص في امان الله
تجاهلته كدامي جان درج رفعت الدشداشة ونزلت وي نزلتي وكفت شخص حضني منورة ظهري قوي
3
قاسم : رائد لتروح
رائد : دوخر ابن الكلب
قاسم : ماوخر صارلك أيام متجاهلني وماتحجي
وياي شبيك رائد وياي
رائد : اسأل نفسك دوخررر فضحتني مناك العالم
هسه شيكولون عنه وخرر
قاسم : ماوخر الا تكول مسامحك وراح
نرجع أصدقاء مثل قبل
رائد : روح لابو راس المربع
اريد افك ايديه من فوك خصري ماكدر حاضني
كل قوته ...ليش هيج تسوي وياي ؟
رائد : تجون تفكون هاي الكرادة عني لو اطكها بالكاع
محمد : شعلينا احنا ههههه
نزار : منه الك هالكرادة هههههه
صارو يضحكون بصوت عالي كتمت ضحكتي رفعت ايديني وشمرت قاسم بالكاع وي شمرتي له جلب بي وكعني
فوكه واحد فوك الثاني صار والكل
صارت تضحك .
4
رائد : ابن الكلب هاي سويت
قاسم : اخخ رأسي بطني رجلي كوم بكد الثور
رائد : تستاهل شجابك علية حبيب ابو راس المربع
قاسم :لا حبيبك أني تعال خل ابوسك امممح
امممح اووف شكد مشتاقلك امممح
حضني قوي وصار يبوس بي وأني .....الفطير خربت من الضحك رجعت ابوس بي مشتاقله العار تصالحنا وكمنا اجه ابو راس المربع على قاسم شحطت قاسم
شحط للحديقة وكلت ...
_ بس يقترب صوبك أسوي جريمة
1
_ههههه
_اشنقك بالقرآن
_هاهيه هسه تعال نروح على عمي خل يبطل ماينقلك
_أني أريد انقل
_ولك الموصل تعرف شنو الموصل رب الإرهاب
_مو جبان اني علمود اخاف من الإرهاب وإذا
متت هنيئا لي الشهادة
_لا تكول هيج رائد
_هاي حقيقة إحنا الجنود شايلين دمنه بخاشوكة ساعة
الساعة دمنه يوكع من الخاشوكة وينتهى عمرنا
وينقطع رزقنا عن الدنيا
_لتحجي بالموت رائد
_اي اخبارك ؟
_على الله وانت اخبارك يالكاطع
_هويني كدامك كلشي مابي هههههه
_مبين تعبان رائد
_ كلشي مابي هههه
شويه كعدت يم الولد وراها رحت للبيت توني
تمددت بالفراش دكت الباب امي ودخلت...
_ماانقل جوزوا مني
_ماتخاف من الله هيج تسوي بولد العالم
_عوفوا الله والنقل عقاب لهم خل يتعذبون مثل مااني
اتعذب وهاي أني هم انقلت بالموصل بيش هم
احسن من عندي
_نقلوك ؟!!
_هههه اي للموصل عدل ههههه
_منو نقلك ؟
_عمي يريد يخلص مني ههههه
_هاي شوكت نقلوك ؟
_كتابي توقع بس التحق هالمرة عد للموصل ادعيلي اموت
_عزززة العزاني شلون ينقلك للموصل شلووون ابوك يدري
_مادري ؟
_ليش ماكلت انقلت للموصل ليش جذبت علية
وكلت انقلت يم محمد وعمر
_والله جنت مادري عمي كال انقلك يمي اليوم بالصدفة
شفت المسؤول وكال عمي نقلتك عنده صارت
مفاجأة لي عود هههه
_شلون هيج يسوي ؟!!
طلعت أمي بسرعة بقيت اباوع على الباب واضحك دخل
ابوي تحقيق وياي شلون ينقلك للموصل مو كال نقلتك
يمي هذا يجذب عليك
أتصلوا بعمي وعمي كال ينقل الولد للحلة اعوفه بمكانه وي قاسم يريد يلزمني من ايدي التوجعني كلته .. ماانقل والله وخل انقل للموصل عادي مايهمني
امي ترزل ابوي يرزل بي .... حتى انضربت من ابوي امي راشديات تضرب بي وتبجي ماغيرت رأيي مستعد
اموت وماانقل اخوان زينب .
2
زينب" بعد ماصار هجوم على المعسكر لبي اخوي تصوب امي تخبلت اجت للانبار واخذت خالتي علمود تحجي وي
رائد بس للأسف مالكيته ولاكيه عمه
وابوه وكايليلها ننقل الولد يمج بالحلة خفت كلش أني عليهم ادري بي عناد مراح يستسلم بسهولة عاد أتصلت بي
من تلفون جلال وحجيت ويا
صدمني من كال مسويلج سحر أسود ... بزونة ميته ومدفون بقبر طفل رضيع متت من الخوف ماصدكت بي اكيد
جاي يسوي مشاكل مادام وجه
كل اصابع الاتهام على مرت اخوي ......هي اخوانها كلهم متزوجين وعدهم أطفال رجعت أمي ابوي تعارك
وياها شلون ترحين لعدهم
كالت رحت علمود اشوف جارة لأولادي خوما ابقى
مربطة الايدين واولادي يرحون جوه التراب
منورة.عنادي وكبريائي
والله مرت الأيام وماكو شي أخواني مانقلوا بعدهم بمكانهم اتصلت أمي بام رائد وكالت حاولنا والله ننقلهم
بس ماكدرنا رائد معند وعنده وساطة
أقوى من وساطة عمه مخلي توصية ماينقلون الا هو ينقلهم بنفسه ابوي اخذ التلفون من أمي وحجه وياها حجت
ويا وكالتله والله حاولت وحاولت وابني
معند راسه يابس هو هم منقول للموصل علمود مانقلهم
عقاب له من عمه أني هم حالي من حالك قلبي
مثل النار على ابني .
_المعسكر لابني بي صاير هجوم عليهم واخاف
يتكرر الهجوم مرة اللخ ويموت ابني
_اذا ابنك جندي عادي أني ابني ضابط بالمكافحة الإرهاب وشغله أصعب من شغل ابنك وين ماكو شغل خطر يشمروهم بي وباجر يلتحق واخاف ينقتل اذا صار شي
بأبني مراح اسامحك والله العظيم
_أني شعلي ؟
_أنت السبب ابني راد بتك بالحلال ليش مانطيتها له ليش تعاند ليش تكابر ليش تعيد الماضي وتكرره شنو الفرق عن اهلي انت نفس الشي كلكم مفرقين بسببك وبسبب عنادك ولدك بخطر وابني بخطر اذا ماتوا عود خل
عنادك وكبريائك.يفيدك
فصلت الخط بوجه ابوي ابوي ضاج و تعصب كلش وكال...
مستعد ابيع البيت في سبيل انقل الولد
طلع ابوي بره أمي تبجي اني اباوعله وابجي بسكوت
طلعت مرت اخوي تباوع وتخزر بي
مرت حسام : احسن حل اشوف تزوجين زينب
امي : زواج شنو لتحجين بي
مرت حسام : خل نزوجها بالسر بدون علم الضابط من راح يعرف هي تزوجت راح يكطع نفسه منها بعد
ويقبل يرجع الولد .
امي : هو جاي ومامطيتها
مرت حسام : جاي عمه
زينب : منو ؟
مرت حسام. : اخوي نسيم يريدج فوك مرته
امي : اخوج مو متزوج وعنده أربع اطفال
وثاني شي هو وين زينب وين
زينب : اني اتزوج رجال متزوج وفوك كلشي عنده
أربع اطفال شبي واتزوج رجال متزوج
مرت حسام : والله سمعتج زفت في زفت صارت منورة الضابط مو زين من اخوي اجه دك باب بيتج منو اجه.يخطبج اكوو احد اجه يخطب من عافج ابن صديق ابوج
كولي عمه منوو اجه
كمت متعصبه وكتلها ...
محد شوه سمعتي غيرج وغير الجناين ومال
اقبل باخوج كطنة وطلعيها من اذانج
مرت حسام : حمدي ربج واشكري اخوي
كلبج منو مكلبج أنتِ
زينب : كتلج ماريد اخوج وكافي تضربين مسامير
عفتها وصعدت فوك غرفتي مانزلت الا الظهر وشفت
اخواني كلها موجودة صاحولي كعدت بصف أمي
فتح الموضوع أبوي
أبوي : يابة جايينج خطاب نسيم اخو مرت اخوج
واحنا قبلنه بي الولد خوش ولد
ويعزلج.بيت الواحدج
فقدت عقلي بهذيج اللحظة أبوي شلون انطاني الرجال اكبر مني بالعمر وفارق العمر جبير عمره 36 سنة
اولادة كلها اكبار .
كمت والدمعة بطرف عيني صايرة ...
والله ماريد اتزوج رجال متزوج وفوك
كلشي جبير بالعمر
مؤمن : اقبلي وانجبي
مسلم : مو بكيفج نمشي احنا من وراج انقلنه التلايف
الدنيا وسمعتنه تشوهت تقبلين وغصبا
عن راسج اريد
ابوي : قررنا وخلص يابة تزوجي واسكتي
مابي حيل فضايح بعد
زينب : قصدك اني بلا شرف يابة
مؤمن : بنظر الناس اي بلا شرف
زينب : والناس منو يقررون اني بشرف وبلا شرف
مال اتزوج نسيم مستحيل وشيلوها
من بالكم .
ابوي : اقبلي وجفي الشر يابة
مرت حسام. : تردين يرجع الضابط ابن الغربية يسوي مشكلة جديدة من وراج والله مامستعدين نخسر رجال من
تتحت راسج وراس عمايلج
كام حسام متعصب كلش ...
مو بكيفها ماتقبل باجر كطعان المهر السيد
وعكبة المحكمة وراها بيومين نزف
زينب : مجهزين كلشي منوراي شنو اني مالي رأي
مسلم : الراي راينه وخلص
مؤمن : اطلعي من كدامي لو اكفر بيج كفران اطلعي
طلعت من الاستقبال ابجي طلعت بره وره ...... البيت ابجي والجو حار نار بقيت كاعدة بالشمس وابجي
اجت وراي نوره كعدت بصفي بالحر
نوره : كافي بجي وعد مني مراح اخليها تنجح
بمخططها ادري بيها جاي تشوه سمعتج علمود
تاخذج لاخوها ابو كرش
نوره : تموتين غير يموت اهلج وراج كومي
نوره : على كوله ابوج ابن الغربية هههههه
زينب : اوووي ابو خزرة
نوره : عشتووو ماقابله بالصاك شتردين الدب ابو كرش وكرشه واصله لركبة وابو اربع جهال فوك
كلشي مستعمل ههههه
زينب : اوووي
كمت روحي لاعبة من نسيم ابو كرش دخلت للبيت دخلت وياي نوره عدل لغرفتي كعدت فوك الجرباية
ابجي.تباوعلي وتضحك
نوره : بشرفج هذا الدب ابو كرش منين طلعلج
نوره : مرت حسام سحارة كشرة الله يلعنها مو جانت مسويتلج سحر قفل القسمة وقبل يومين جلال كال لامج وهي كالتلي خليت امي تكشف يم العلوية
وطلع كلامه صدك
زينب : احلفي
نوره : والله العظيم ومسويله للكل علمود يسمعون كلامها طلبت العلوية مليون وتفك السحر كله
ماعدنا افلوس علمود نفكة
زينب : وهسه شلون ؟
نوره : يحتاج ٢٥٠ ألف يلا تفك سحرج
زينب : منين اجيبلها ٢٥٠ ألف
نوره : والله عندي ١٠٠ ألف جامعتها من مصروفي وكلت لعمتي من عندج وخل نفتحه كالت امج ماعندي
مسوية سلفة علمود نفك الدين العلينة
زينب : الله لاينطيها الله لايوفقها شتريد مني هالحقيرة ؟
زينب : اندري نوره خل اكوم اكول لابوي عليها واكول للكل
نوره : اكعدي مراح يصدكون بيج عندي الحل أني
زينب : حليش ؟
نوره : اتفقت وي مهدي يجيب سيد معروف كلش بالحلة واهلج يعرفوه حتى يجي بالليل لعدكم وخل يكشف الكم
وهنا راح تطلع فتولها وافتول
السحورة مالتها
زينب : مراح يكول هي المسوية ؟
نوره :راح يلمح وهي ماكو غيرها عايشة
وياكم بالبيت وتريدج لاخوها
زينب : ابييي الج اموت عليج امممح امممح اممح
حضنت نوره كل قوتي وبقيت ابوس بيها هي تضحك وترجع تحضني حيل والله وره العشة وجان يجي مهدي ويا
السيد باوع لمرت حسام اصفر وجهها
وتكول لاخوي مؤمن ...
هذا شنو جاي لعدنا ؟
مؤمن_سيد رسول الله عيب عليج تقللين من قيمته
واحترامه كل الناس تحلف برأسه جيبي
الجاي جيبي
فرحت من رزلها اخذ الجاي وطلع ساعة زمان وجان يدخل مسلم عيونه برأسه مرت اخوي كامت وجهها قده كركم من الصفار وكف كدامي وكال
مسلم : البسي عبايتج وتعاي وراي
امي : خير ؟
مسلم : رايدها السيد
رحت لغرفة أمي لبست الحجاب وعباية امي فوك چتوفي وطلعت وي مسلم سلمت .. السلام عليكم
ردوا _وعليكم السلام تعاي بنيتي كدامي اكعدي .
كعدت كدامة خله ايده فوك راسي وصار يقرأ ماعرف شيقرا رأسن نفضت جسمي صابتني رعشة بكامل
جسمي شال ايده وكال ..
السيد : الله أكبر من لبيها بلاه أسود هاي
شمسوين بالبنية بادعين بيها بداعة
ابوي : شبيها سيد
مؤمن : شمسويه بيها ؟
السيد : مسويلها أكثر من عمل وكل عمل أقوى من الثاني
حسام : عمل شنو سيد مافهمت ؟
السيد : انطوني قرآن كريم
كام مسلم جاب القرآن الكريم ....انطاه للسيد صار يقرأ وأني اباوعله كلشي ماعرف بهاي السوالف فقط سامعة
بيها اخواني يباعوله ابوي كذلك
فتح المصحف يباوع بي ويهز برأسه ....صار يحجي
وعيونه على حروف القرآن الكريم ...
السيد : البنية مهضومة ومظلومة من اقرب الناس الها وكلش طيبة وقلبها ابيض شفاف تساعد الكل وماتحمل حقد داخل قلبها وعدها الم ملازمها دائمآ بجهة رأسها اليسار
وكتفها اليسار بي ألم موطبيعي ومرات تصير عدها حركة بمعدتها وتشوف كوابيس قتل اقرب الناس الها ويجيها
ولد لابس ملابس عسكرية سودة
ابوي : منو هذا ؟
السيد : لا تقاطع كلامي خل اكمل الاستخارة ...
ابوي : كمل سيد ؟
السيد : الولد دومآ يحميها من الشر مثل الملاك الحارس الها واشوف هذا الولد بي صالح الها ويحبها ومتقدم الها اكثر من مرة وجاي يحارب علمود تصير من نصيبه بس أنت ابوها
معند وعدها عريضي أسود قذر نكس .
ابوي : اي اكو ولد يريدها بس العريضي شنو ؟
السيد : العريضي مالتها مره عايشة وياها بنفس
البيت تسوي الها سحورة علمود ماتزوج
ابوي : شنو السبب اللي يخلي المرة تسويلها اسحورة ؟
السيد : المره رايدتها بشغل إنتقام
حسام : انتقاميش ؟
السيد : جاي يتراولاي بالاستخارة تريدها تزوجها لواحد من اقاربها لان عدها عداوة وي مرته شغله انتقام رايدتها يعني بالخط العريض تريد تهجم بيت المره
والبنية بنفس الوقت .
مؤمن : شنو نوع السحر وشلون مسويتلها ؟
السيد : السحر مسويلها واحد موكلته الها والثاني على
جثه حيوان قذر دافنته بالمقبرة
بقبر طفل رضيع
2
ابوي : شلوون ؟
حسام : بقبر طفل رضيع تسوي سحور لاختي منو هاي سيد
مؤمن : اروحلك فدوة سيد كول منو هاي
مسلم : هي نفسها المسوية لكل العائلة لو وحدة ثانية ؟
السيد : هي نفسها تريد الكل يمشي بهواها
حسام : منو هي ؟
السيد : ماكدر اكول منو هي بس راح انطيك مواصفاتها
ابوي : ماشي سيد
السيد : قصيرة مو طويلة وجسمها متروس لا ضعيفه ولاسمينة بيضة ثلج ومن تطلع بره البيت تتحنك بالحجاب وقريبة كلش من عدكم تاكل وتشرب وياكم
اخوي الجبير تعصب كلش عرفها مرته الكل عرفها كالوله هاهيه عرفناها منو نريد تسوي علاج للكل والله سوالي
أول وحدة بيهم علاج وسبوحات مدة
أسبوع كامل ودعاء اعلكة بصدري وراها كمت طلعت
ادور على مرت أخوي ماكو بالبيت
سألت أمي
زينب : وينها مرت اخوي ؟
امي : اخذت عبايتها ونهزمت
زينب : وين انهزمت بتالي الليل ؟
امي : عرفت السيد راح يكشفها بس دخلتي جوه شفتها
طلعت من باب الجوه الدرج لحكتها
مانطت لزمه
زبنب : ليش مكتي ؟
امي : شكول اصلا زين سوت من انهزمت مابي حيل
مشاكل ويروح اخوج يذبحها وتوكع
براسه انوب خل تولي
14
زينب : الله يلعنها هي راس البله كله مسويتلي اثنين
سحورة واحد سد قسمة والثاني
اقبل اتزوج أخوها
امي : صخااام الصخمها وصخم راس الخلفوها هاي
شنو سحارة كشره ماخذين لاخوج
زينب : اي يمة سحارة حسبي الله ونعم الوكيل بيها
اروح اسبح امي واعلك الحجاب
بصدري
امي : روحي يمة يحرسج النبي محمد(ص)
زينب : يمة وين نوره ؟
امي : يم اخوها مهدي بره بالحديقة
زبنب : الله يرضى عليها وعلى اخوها مهدي لما هم جان
هسه اني متزوجه الدب ابو كرش
امي : الله ينطيهم الصحة والعافية ابد مراح انسى فضلهم
زينب : ولا أني
وراها رحت للغرفة خليت الورقة بطل ماي ورد كامل وكال انتظري ساعة كاملة وراها اسبحي سبحت بالماي
لانطانياها ونزلت جوه
بعده السيد موجود حجيت وي نوره كالت طلع اخوج الجبير عيونه بكصته صايرات يدور على مرته كلتله اخذت عبايتها وفلتت لبيت اهلها عافت الجهال وانهزمت
بروحها لان تعرف نفسها مذنبة ...
زينب : وشكال اخوي ؟
نوره :حلف كلام الله مالها خط رجعة لهذا البيت وراح يطلقها
زينب : صدك تحجين ؟
نوره :هو كال هيج امج كالتله لا يمة مايصير تطلقها
رجعها وادبها هي تستعدل
زينب : كلام امي صح
نوره : لا مو صح هاي ماتتوب ابد ومتعوده على السحورة وجانت ناويه تقتل ابوج بالسحورة بعد
ماتزوجج لاخوها
زينب : عزززة ؟
نوره : والله حجه اخوج حجي عليها يشيب الراس وحدة وسخه قذرة الله يلعنها من مرة حقودة تفووو عليها وعلى الساعة لخلتكم تاخذوها لاخوج
زينب : مو هو رادها وكتل روحه عليها احنا شكو بعد
نوره : اي اكيد لازكته بواحد جانت ام السحورة ويكتلك القهر تسوي روحا متدينة وماتطلع بره اذا ماتطلع الا الحجاب
حنك وقطرة مكياج ماكو
وهذا حرام وهذا حلال وهي طلعت فيطيييي من عبده الشيطان أعوذ بالله منها ومن كل
وحدة مثلها .
8
زينب : خوفج من هذني خيه
نوره : اي والله صرت أخاف أني
زينب : واني هم
جاي نحجي طلع اخوي مسلم راحتله أمي كالي ...
سبحتي ؟
زينب : اي وعلكت الحجاب بصدري مثل مكال
مسلم : امشي على تعاليم السيد لما تخلصين من أثر السحورة صدك مهزومة ام السحورة ؟
مسلم : الله يلعنها جانت مسوية للكل من الصغير لاجبير سحورة علمود نسمع كلامها وهي ام الانة تصير وصدك
سادة حلوكنا من كالت اخوي
يرد زينب انطينه زينب بسرعة حتى مفكرنا بالموضوع
الله يلعنها سحارة كشرة طالعت بسيطة
احنا الها .
للساعة بال ١٢ ونص بالليل يلا راح السيد مسوي للكل وقاري باركان البيت لان مرشوش بسحورة وانطاهم حجابات تتعلق بالبيت وكايل لاخوي باجر بالليل
مر بي علمود اسوي المرته وامها ربط لان ناويات يسوون سحورة ويأذونكم خل نربطهن .. مافهمت شنو ربط ابوي
كال هذا الربط يسووه للسحار
علمود مايفكر يرجع يسوي سحر لهذا الشخص فهمتي كتله اي فهمت وبخصوص مرت اخوي شلون؟
_نطلقها وانعل ابو ليطلع وراها
_اولادها خطية
_وعاد هي شكد معترفه بأولادها من الصبح ازوج اخوج زينة بنات المنطقة وخل تربي اطفاله مالها خط
رجعة هالسحارة بعد .
ثاني يوم الصبح أخوي راح للمحكمة يرفع دعوة طلاق كال اطلقها اطلقها خلص بعد أمي تحجي وياها ماسمع من امي وقسم بالقرآن الكريم راح يطلقها
ويتزوج بسرعة ..
أصلا مراح لبيتهم ولا كبر الموضوع بس اتصل باخوها الدب ابو كرش نسيم وكاله اختك هيج وهيج طلعت وتريد تهجم بيتك انت هم وماتدري تخبل عليها
كال اكول تكلي زينب تحبك وتريدك وتعال تزوجها قبل لا ينطونها لابن الغربية وزرعت برأسي سالفة الزواج من
زينب اني اعلمها بسيطة
اخوي تخبل بالزايد جانت تكول لاخوها أني احبه واريده امي رادت تروح الها هدادة بس اخوي مقبل كال عوفيها
تولي لا تكبرين السالفة
11
اطلقها خلال شهرين لا اكثر ولا أقل وانعل ابو الخلفوها هالساقطة ام السحورة جانت كل يوم توز برأسي زينب
هيج وزينب هيج خلتني انسى تربيتنه
الزينب زينب جانت بالانبار الواحدها بيت خالتي ماسمعت فديوم حجاية عنها وجنت مخلي جاسوس وراها بالجامعة
من تقدم الها ابن الغربية عبالي عدها ويا
علاقة وطلع كلشي ماكو حتى وي الولد ماتمشي ولاتحجي ولاتسلم من أساس ماعدها صديقات تمشي بطرك روحها زرعت براسي بذرة الشر بسحورتها .
شكد فرحت بوقتها اخواني يلومون بنفسهم لان صدكوا بيها وماصدكوا بي وره يومين أتصلت بأمي تبجي وتتوسل مايطلقها اخوي أمي كالتلها
_خلص راح يطلقج ويتزوج هذا عقابج ياساحرة
حسبي الله ونعم الوكيل بيج .
وفصلت الخط بوجها .
مرت الايام واخوي طلق مرته أمي وخالتي ... والأقارب كلها تلوم بي ليش طلقتها وليش هيج سويت ليش فرقت
ام عن أولادها يكوللهم المره هيج
طلعت يكولون عادي تصلح .... السويتة غلط حرمت ام من أطفالها لان الحضانه صارت لأخوي ماقتنع بكلام الاقارب وكلام أمي وكال راح اتزوج بهاي الفترة
لاكي ارملة عمرها ٣٣ سنة ماعدها خلفة ربه بيت قنع أمي راحت خطبتها له تكول امي تخبل ايه من الجمال
هالبنية واسمها بتول
9
والله ماكو خلال يومين ردوا الجواب منطينه المره رحنا بنفس اليوم هم مشاوفه وهم قراية الفاتحة وهم
كطعان مهر سيد والله وصارت القسمة
كلش فرحت لاخوي ولاولادة التلاثة بنيتين ولد عمره ٥ سنوات عجبتي أبد مايردون امهم ولايسألون عنها
لازكين بي وبامي اني اسبح وابدل
فرحانة بيهم وهم هم فرحانين بي ِ
أخوي شافني بالليل مكابلة اولادة وكاعدة بالكاع نأكل رمان اوكل بيهم ويوكلون بي دخل يضحك ...
حسام : متونسين
مصطفى : اي بابا تعال اكل هاك
حسام : _بالعافية ماريد اريد اسألكم شرايكم
بأمكم الجديدة ؟
مصطفى : حلوة بابا هاي راح تصير ماما الجديدة
حسام : اي
فوفه : بابا ماما عليش ماتجي ؟
زينب : اممم ماما ماتريدكم
فوفه : ليش ماتريدنه ؟
حسام : لو تريدكم جان اتصلت بيكم واسألت يلا
عوفوها خل تولي وكولولي شرايكم بيها
فوفه : والله بابا حلوة ومبينه الفقيرونه بس مادري
راح تحبنه وماتضربنه مثل ما ماما
جانت تضربنه
حسام : لا لا مراح تضربكم راح تدللكم وتشيلكم بعيونها
رندا : ان شاءالله بابا صدك بابا نريد تلفون لعمه زينب
حسام. :اممم ان شاءالله باجر يجي التلفون لعمتكم
علمود تصور بعرس بابا ههههه
زينب : شكراً ماريد
حسام : مو بكيفج نجيبلج تلفون جديد واخر موديل
اشو صفولي خل اكل وياكم اشتهيت
أكل ههههه.
كعد ياكل ويانه فرحانين بي سبحان مغير الاحوال من حال إلى حال وين جانوا اخواني وين صاروا هسه ماتوقعت
السحر هيج يسوي بالإنسان ويغيرة بالكامل .
المهم مرت الايام وجهزوا كلشي للعرس .....وجابولي تلفون جديد إيفون ماخليت لحظة وحدة ماصورتها الكل فرحان بالعرس والله وتزوج أخوي
حفلة العرس تخبل صارت أنتهت ... الحفلة زفينه اخوي على العروس وراح الخطار بس اخواتي بقوا عدنا ثاني يوم
الصبح راحوا والعروس كعدت
جانت خجولة كلش اطفال اخوي يضحكون ويكولون احلى من ماما هاي هههههه للعصر تجي يم أطفال أخوي شالت
ابن اخوي وخلته بحضنها تبوس
بي وتكوله أنت أبني بعد كولي ...... ماما وانتو هم بنياتي الحلوات كولولي ماما وشتردون تعالوا لعندي وصدك مرت الأيام والأطفال تعودوا عليها
ومدللتهم دلال أكثر من أمهم واخبار مرت اخوي انقطعت هي القطعة مانعرف عنها شي ماعرف ليش جنت نايمة
على ظهري واقلب انستغرام
اجه بالي رائد صارله فترة مختفي ماله ..... حس ولاطك راسلتني نوره هي كل يوم تراسلني بهذا الوقت
سوالف عادية وياها
نوره : اكلج زينب اخبار ابن الغربيةرائد؟
زينب : والله مادري ماله حس
نوره : صدك ؟.!!!
زينب : اي والله ماكو مختفي !؟
نوره : شعجب اختفى هي الخفية مو من عوايدة ؟
زينب : ان شاءالله دوم مختفي شيلينة
من سيرته مانقل مؤمن ؟
نوره : عمت عيني عليك مؤمن جمع دفتر ماخله سلفة لما سواها وجمع علمود ينقل وكالوله مانكدر
ننقلك أنت مجمد
زينب : محد يكدر ينقله ؟
نوره : اي محد يكدر ينقله غير ابن الغربية رائد ورائد
معند وهسه مختفي ماله حس بس لا مات
زينب : اطمني العار مايموت
نوره : ههههههه
زينب : والله شايفتلج عار يموت بس الزين يموت
نوره : اي والله صدك يلا حبي اريد انام نعست
اليوم ماعرف ليش
زينب : تصبحين على خير
نوره : انتِ من اهل الخير قلبي
طلعت من المحادثة اقلب بملل اجت بالي اشوف رائد عليش مختفي طلبت اسمه والله طلعولي هواي رائد سلام
تذكرت هو كاتب بالعربي والانكليزي
رائد سلام عاد كتبت هم طلعولي هواي مالكيته اطريت ادخل على حساب مهدي هو متابعة وفعلا لكيت حسابه
مخلي صورة له لابس تيشيرت
نصردان أسود وضاحك شكله صاك جان كلش حليان اكثر من قبل دخلت على حسابه منزل صورة اله لابس دشداشة
وكاعد بنص حديقة وبإيده لازم عودة
اركيلة حليان حليان اكثر من قبل وبي شي جذاب جان
منزل الصورة قبل ٤٦ دقيقة جديد منزلها معناها
ماميت وكاتب عنوان للصورة
2
_لقد كنتُ صامتًا، لكنني لم أكُن أعمى.
خفت بس لا يقصد بكلامه علينا احنا جان صامت بس مو أعمى يارب مو علينا جان منزل استوري كتلني الفضول
دخلت للستوري منزل صور له
وي أطفال وبالمطعم ومنزل صورة له بطرك الفالينة
البيضة وضاحك هنا من كل قلبه وكاتب ...
_الباب الذي يقفل في وجهك عمداً
، إياك.أن تطرقه مرة ثانية ...
ماعرف ليش قلبي انقبض .....من قريت هذا الكلام وحسيته يقصدني بي بسرعة طلعت قفلت التلفون خليت راسي
على المخدة بس أفكر بي وبكلامه
ماعرف ليش هيج صار بي؟ غصه بنص قلبي
صارت ؟!! برغم هو مايعنيني بشي
