رواية تائهة بين براثن الخديعة الفصل التاسع عشر 19 بقلم ايمي الرفاعي
الفصل التاسع عشر
بسم الله توكلت على الله ولا حول ولا قوة الا بالله
تائهه في براثن الخديعة
داخل شركه الشافعي
تجلس حبيبه على مكتبها شاردة تشعر بالخيانة لما هي مقدمة عليه..ولكن ليس بيدها حيلة..يقف أمامها يتأمل وجهها الجذاب....الجميل سرحانة في ايه؟؟
افاقت من شرودها وهي باسمة....اكيد فيك
جلس على طرف مكتبها...ده انا كده اتغر اني شاغل بال جميلة الجميلات
حبيبه....طبعا لازم تتغر..المهم رايح فين
استقام في وقفته.....انتي ناسية ان عندنا ميعاد مع المستثمر الاجنبي علشان مشروع اكبر مجمع سكني...انتي ماتعرفيش المشروع ده بالنسبالي ايه..حلم وماصدقت اني هحققه حاطط فيه معظم فلوسي بعيد عن عمي
ابتسمت ابتسامة مصطنعة.....ان شاء الله تحقق الي نفسك فيه خلاص اسبقني وانا هرجع البيت اغير هدومي واحصلك
مراد....اوك بس ماتتاخريش.سلام
انتظرت ذهابه لتخرج مفتاح صغير تحركه بيدها لتردف....اسفة يامراد بس لازم اعمل كده واخد الورق وانقذ اخويا
داخل منزل الانصاري
يجلس على اريكة عريضة يقلب في أوراق المشروع .تجلس حبيبه أمامه وهي ترمقه باشمئزاز قائلة....انا جبتلك الورق زي ماطلبت اتفضل نفذ وعدك وسيب اخويا
القاه جانبا وهو يشعر بالانتصار.....بصراحة ماكنتش متوقع انك هتجيبيه بسرعة كده ماخيبتيش ظني فيكي....ندخل على المهمة التانية
صرخت في وجهه بغضب.....انت اتجننت...انا استحالة اعمل حاجة تاني..انا مش هقدر ابص في وشه وانا بخونه بالمنظر ده
اقترب منها وعلى وجهه ابتسامه باردة ليجذبها من شعرها بغضب.لتتلوى تحت يده وهي تبكي....اه سيب شعري
همس جانبا....لو لسانك طول تاني هقطعهولك..فاهمة...والي اقوله يتنفذ..ماعندكيش خيارات تانية.......ليصرخ بصوت اقوى......فاهمة
ارتعشت تحت يده لتهز رأسها بالموافقة.....
دفعها بقسوة وهو يتابع حديثه.....هتقعدي في بيتك كام يوم تمثلي انك عيانة علشان لما يكتشف اختفاء الورق مايشكش فيكي ولما ترجعى عايزك تمضيه على ورق معين
حبيبه....ورق ايه انا مش عايزة اضره اكتر من كده
اعطاها ظهره ليضع يده في جيب بنطاله قائلا...لا ماتخافيش مش هضره قوي..ليبتسم بخبث هامسا....دي هتدمره
حبيبه....انا عايزة اشوف أحمد
تركها ليتجه الى الداخل بعد أن أشار لمساعده باخذها الى اخيها
داخل حجرة صغيرة...يقف أحمد أمام نافذة حجرته يتأمل الحديقة المطلة عليه تهللت اساريره عند رؤيه أخته..دلفت اليه لترتمي في احضانه .....عامل ايه يا حبيبي..انت كويس؟؟
ربت على ظهرها بحنان....كويس المهم انتي طمنيني عليكي
حاولت اشاحة وجهها بعيدا ....اه كويسه ماتقلقش عليا قريب هطلعك من هنا
جذب يدها لتجلس بجانبه.....ليه ايه الي عملتيه احكيلي
قصت له ماحدث ليشحب وجه خوفا....انا خايف عليكي .انتي دخلت جحر التعايين برجليكي..وخايف يطولك سمهم
ربتت على يده لطمئنته....سيبها على ربنا..الى عايزة هيكون...اسيبك علشان اكمل الى بدأته
أحمد....ماشي ياحبيبتي ربنا معاكي
ولجت الى الخارج وهو ينظر إلى إثرها داعيا ربه بأن يحفظها من كل سوء
داخل منزلها تقلب في هاتفها تتأمل صورهم سويا وهي تشعر بالاختناق من خداعها له
بعد قليل.سمعت دقات على باب منزلها لتفتحه وتتفاجأ بمراد يقف أمامها بوسامته التي تشعل قلبها الولهان....مراد
سند يده على بابها قائلا....ينفع يعدي اليوم كله ماشوفكيش..وأسأل يقولوا انك اخدتي اجازة لدرجادي انا مش مهم عندك علشان تبلغيني
حبيبه....لا والله ابدا انا لقيتك مشغول وماحبتش اشغلك معايا .وكنت ناوية اكلمك بس انت سبقتني..انا اسفة
وضع ساعديه حول صدره.....وانا مش هقبل اعتذارك الا لما توافقي نتعشى سوا
حبيبه....معلش يامراد اعذرني انا بجد تعبانه .علشان كده اخدت اجازة
امسك يدها بقلق....مالك تعبانة عندك ايه؟؟
ربتت على يده....ماتقلقش شوية برد هشرب حاجة سخنة وهبقى كويسة علشان كده ماكنتش عايزة اقولك علشان ماتقلقش
مراد....اوك طيب انا دلوقتي جعان وكنت منتظر نتعشى سوا اعمل ايه؟؟
جذبت يده الى الداخل لتشير له بالجلوس....ماتعملش حاجة غير انك تقعد وانا هجهز لك احلى عشا
وقف اعتراضا ليسبقها الى المطبخ....لا طبعا انا جاي اتعبك قوليلي اعمل ايه وانا اعمله علطول
رجت ضحكاتها في المكان عند ارتداءه مأزر المطبخ....شكلك فاهم يانص
لوح بسكينته بتفاخر....طبعا ده انا اشطر واحد يقطع خيار..استني بس وانا ابهرك
وقفت بجانبه لتساعده....لا طبعا وانا مايرضنيش مراد الشافعي يطبخ لوحده ويقطع خيار كفاية تغسل الاطباق
ضربها على جبهتها مازحا....يااستغلالية وانا فاكر هتقوليلي..لا اقعد انت ضيفنا وانا هعملك كل حاجة
وضعت يدها حول خصرها تذمرا....نعم..انت الي جعان مش انا وبعدين المفروض انت راجل و شايف انثى مريضة قدامك يبقى من باب الذوق انت الب تعمل الاكل وتسهر على راحتها
ولا انا غلطانة ترك مابيده ليساعدها على الجلوس ممررا يده على شعرها....لا مش غلطانة..هو انا عندى اغلى من البرنسيسة بيبه اعملها اكل
بادلته ابتسامه حانية....ربنا ما يحرمني منك
لم يستطع مقاومة ابتسامتها ليجلس على ركبتيه أمامها.....هو انا قلتلك انا بحبك قد ايه
رمشت باهدابها لتهز رأسها هامسة...لا ماقلتش
مرر يده على وجنتها حتى وصلت انامله الى شفتاها.ليشعر بانجذابه إليها مقتربا منها ليعبر عن حبه بطريقته الخاصة...تفاجأت من تصرفه ليحمر وجهها خجلا فابتعد عنها عند شعوره بارتباكها قائلا باسف.....انا اسف..بس انت ماتعرفيش انا بحبك قد ايه
وضعت جبينها على جبينه....انا كمان بحبك بس بلاش تخوفني منك
ضغط على يدها بحب....انا اسف مره تانية لو كنت ضايقتك بس غصب عني من حبي وشوقي ليكي اتصرفت من غير تفكير بس اوعدك مااعملش حاجة تانية انت مش عايزاها
نظرت إلى عينيه بحب....وانا واثقة فيك.....لتتغير نبرتها الى المرح....انت مش ناوي تاكلنا ولا ايه ..انا قلت انك بق على الفاضي
رفع يدها ليدمغ قبله حانية عليها....استنيني بره وانا هعملك احلى عشا
حبيبه....ماتخليني اساعدك
جذبها ليخرجها من المطبخ مازحا....لا ياستي شكرا...وبعدين لوقعدتي اكتر من كده مااضمنش نفسي...والشيطان شاطر وانا اخاف على نفسي من الفتنة وانتي حلوة كده وتتاكلي اكل
هرولت من أمامه ضاحكة....وعلى ايه الطيب احسن..عيش وعيشني..معاك ربنا ..أما نشوف اخرة كلامك ايه هتاكلني ولا هقعد أغني ظلموه
مراد....ده انا هبهرك
وضعت يدها على صدرها ....ياخوفي يابدران
قضوا وقتا ظريفا سويا ليتركها مراد في وقت متأخر بعد أن اطمأن عليها مع وعدها بالعودة الى العمل بعد أن تستعيد صحتها
مر عدة ايام
لتقابل حبيبه ابراهيم وتخبره بما حدث معها لينتفض بغضب....وبعدين يا حبيبه هنفضل سايبين الناس ده تبهدلنا لحد امتى
حبيبه...علشان كده انا جتلك النهارده...انا لازم اخرج احم ونختفي قبل مايخليني اعمل حاجه تانية انا مش عايزاها
نظر إليها باهتمام....شوفي عايزة ايه وانا معاكي
حبيبه....في حفلة بكرة في فيلته وعمو ممدوح اصر اني احضرها فدي هتكون فرصة كويسة علشان اسهل دخولك وساعتها تقدر تخرج أحمد من غير ماحد يشعر
تحمس لفكرتها.....اوك وانا معاكي
حبيبه....ابراهيم لو خايف او متردد قول وانا هتصرف
هز رأسه نفيا....انا قلتلك انا معاكي انا مش هسيبك ولا هسيب أحمد تحت رحمة الحيوان ده حتى لو فيها موتي
ضغطت على يده بامتنان....انت ونعمه الصديق ربنا ما يحرمنا منك
نظر لها بحب...كم تمنى ان تنظر إليه نظره حبيب لاصديق ولكن ليس كل مايتمناه المرء يدركه ليردف....امين يارب
في اليوم التالي
استعد القصر للحفل بحضور جميع المدعوين وبعض من المطربين. والراقصات مما اشعر حبيبه الاشمئزاز من هذا الجو القبيح...وصفت لصديقها طريق الدخول وايضا غرفة اخيها..تتابعهم من بعيد حتى لا يشك بها أحد.....بعد انتهاء الحفل وعودة الجميع الى منازلهم....تفاجأت بادهم يشير لها بالبقاء قائلا.....حبيبه..استني عايزك
شعرت بالارتباك قائلة....خير يا ادهم بيه.
أدهم....محتاج اتكلم معاكي....لينظر الى ممدوح متاسفا....معلش ياممدوح بيه هخطف منك حبيبه ساعه علشان الشغل وماتقلقش هوصلها بنفسى
ممدوح....اوك .ماتاخرهاش
هز رأسه....اكيد لولا انها حاجة ضرورية ماكنتش طلبتها
ممدوح....اوك تصبحوا على خير
خرج ممدوح ليشحب وجه حبيبه أكثر من نظرات أدهم مقتربا منها ببرود وفجأة شعرت بيده تلفح وجهها بصفعة اوقعتها على الأرض.وضعت يدها على وجهها والعبرات متحجرة في عينيها قائلة.....ليه.بتضربني ليه
دنا بجذعه ليجذبها من شعرها....انتي متخيلة ان واحدة زيك تقدر تضحك عليا تبقي عبيطة
حبيبه....ضحكت عليك في ايه.انا مش فاهمة حاجة..ولا دي جزاتي ان اشتغلتلك حرامية وخاينة..لتصرخ بوجه بصوت غاضب.....اعمل حسابك انا مش هعمل حاجه تاني.واعلى مافخيلك اركبه
ضحك تهكما....قلبك بقى جامد وصوتك علي وده سببه ايه..بقى مش خايفة على اخوكي اني أقتله
حبيبه....لا مش خايفة ولا هتقدر تعمل حاجة
أدهم.....مش بقولك قلبك جمد وياترى ايه السبب.لتكوني فاكرة ان صاحبك الاهبل قدر يهرب اخوكي علشان كده مابقتيش خايفة مني
شحب وجهها لتنظر له بخوف غير قادرة على النطق...ليشير لأحد الحراس باحضار أحمد وابراهيم ليلقيهم على الأرض بجانبها..شهقت عند رؤيتهم بهذا المنظر والكدمات والجروح تحيط وجههم.لتصرخ بغضب وهي تحاول التهجم عليه..كتف يديها وراء ظهرها وهي تسبه....انت حيوان..مش بني ادم..هقتلك واخلص منك
ضغط على يدها ليدفعها بغضب تجاههم....ده جزاة الى بيتعدوا حدودهم معايا وفاكرين انهم يقدروا يضحكوا عليا...تاني مرة ياشاطرة لما تحبي تلعبىي العبي على قدك....ليشير للحارس قائلا.....الولا ده ترجعوه اوضته وتمنعوا عنه الميه والاكل يومين...اما سبع البرمبه ده مايطلعش عليه نهار.وارموه في اى حته
صرخت بألم وهي تحاول جذب ابراهيم من يدهم.....لا...حرام عليك سيبوه
لتجلس تحت قدميه توسلا....ابوس ايدك سيبه وانا هعملك الى انت عايزة بس بلاش تاذيه علشان خاطري
دفعها بقدمه ليجلس على مقعده واضعا ساقا فوق الأخرى.....مالكيش خاطر عندي وسبق وحذرتك بلاش اللعب معايا يبقى تستحملي نتيجه افعالك
جذب أحد الحراس أحمد وابراهيم الى الخارج وهي تتابعهم بعينيها المليئة بالدموع غير مستوعبة مايحدث حولها ليعم الصمت المكان وهي تنظر له بغل وغضب تتمنى أن تهجم عليه وتقتله بيدها ليقطع شرودها قائلا....دلوقتي نقدر نكمل كلامنا الى بدأناه الا لو عايزة اخوك يحصل صاحبه
أغمضت عينيها بحزن ليتابع....السكوت علامة الرضى...يبقى نكمل..هديكي ورق تخلي مراد يمضي عليه من غير مايشعر وبعد كده تجيبلي الورق..اتفقنا
نظرت له وكره العالم يملأ عينيها....حرام عليك عملك ايه علشان تنتقم منه بالشكل ده..مش ممكن تكون منافسة شغل عادية ايه كمية الحقد والكره لإنسان نضيف زيه
ضحك بملئ فمه....نضيف..مراد...ده انتي غلبانه قوي .اوعي تفتكري ان مراد زي ماانت بتشوفيه ..لا مراد ورا وشه المزيف وش بشع
..مراد الى انتي فاكراه رجل أعمال محترم بيشتغل فى السلاح والمخدرات مع عمه فما تتغريش فيه قوي..مراد ممكن يبيعك في لحظه.لو حس ان مصلحته مع حد غيرك
حبيبه....انت كداب...بتحاول تشوه صورته قدامي بس انا استحاله اصدقك لأنك وحش وعايز تظهر كل الناس زيك
ضحك تهكما.....والي يخليك تسمعي وتشوفي بنفسك
صرخت بغضب....استحالة انت كداب
أدهم....اوك وانا هخليكي تصدقي بنفسك هجيبك تشوفيه بنفسك الاجتماع الجاي للبضاعة الجديدة...يالا خدي الورق وامشي لأنك بصراحة صدعتيني
قلقة متوترة تتمنى رؤيته مره أخرى لقد اشتاقت إليه تعلم بأن قلبه مازال ينبض بحب أخرى ولكن ليس على قلبها سلطان فهي احبته من اول لقاء....افاقت من شرودها على صوت ابيها....حياة
حياة...نعم يابابا
عم فتحي....عملتي ايه لقيتيه
هزت رأسها نفيا....لا مافيش حد في البيت خالص ولا عند صاحبه انا قلقانة عليه
عم فتحي.....ان شاء الله خير ربنا يطمنا عليه ويرجع حقه من الي ظلموه
تنهدت بقلق....امين يارب عن اذنك هنام
عم فتحي...ماشى ياحبيبتي تصبحي على خير
دلفت غرفتها بقلب مقبوض خائفه من فقدان اللقاء
بصوت غاضب القى مابيده على الأرض هو يتوعد لمن سولت له نفسه بسرقته وخسارته بهذا الشكل
بالخارج...انتفض الجميع خوفا وتساؤلا عما يحدث داخل مكتب رئيسهم......يتحرك ذهابا وايابا وهو ينهر امن شركته...ازاي ورق مهم زي ده يتاخد من مكتبي...كنتوا فين والكاميرات بتعمل ايه..انا عايز تسجيل بكل حاجة الفترة الى فاتت
تلعثم الحارس خوفا....اصل..بصراحه
نهره بغضب...اصل ايه ماتتكلم
بلع ريقه بتوتر.....اصل كاميرات الدور ده كانت بايظة من فترة وبعتنا للشركه علشان تتصلح بس هي اتاخرت علينا
ضرب سطح مكتبه بغضب.....انتوا اتجننتوا و حاجة زي دي مابيتبلغش عنها ليه وتشوفوا شركة تانية...الا لو انتوا متورطين في السرقة...انا هوديكم في داهية
توسل الحارس بخوف....لا والله يامراد بيه حنا مالناش دخل ومانعرفش حاجة عن الورق الي حضرتك بتكلم عنه..سماح يابيه احنا اسفين
ضغط على جبهته ليوقف الالام التي اجتاحت رأسه من عصبيته لينهره....اعمل ايه باسفك...اطلع بره...اطلع بره
هرول الحارس الى الخارج خوفا من بطش رئيسه...القى مراد بجسده على الاريكه وهو يشعر بالضيق والغضب من خسارة حلمه ليحيط وجه بين كفيه تتسارع انفاسه بحزن..دلفت حبيبه الى المكتب وهي تشعر بغصة في قلبها من هيئته ولكن مابيدها حيلة..اقتربت منه بخطوات حزينة لتجلس بجانبه لمواساته.....اهدى يامراد علشان تفكر صح ..العصبية مش هتجيب نتيجة ..فكر في حلول تانية تعوض الخسارة
رفع.راسه.لينظر إليها بحزن.....مافيش وقت للتفكير....المفروض ورق المشروع يتسلم الاسبوع الجاي والا هدفع شرط جزائي كبير...انا الي تعبني مش الفلوس الى وجع قلبي حلمي الى ضاع
ضمت يده بحب لتشير لرأسه....طول ما.ده شغال مافيش حاجة ضاعت خلي عندك تصميم وارادة وزي مافكرت قبل كده هتقدر تفكر تاني وتالت..انا مش متعودة منك على الانهزام ده انت مش اي حد انت مراد الشافعي فاهمني
اغمض عينيه بحزن ليضغط على يدها بتصميم متنهدا.....فاهمك عندك حق انا مش لازم استسلم
بفرحة وابتسامة....ايوه كده هو ده مراد الي حبيته الي مافيش حاجة تهزمه ابدا...قوم..واشتغل..واتكلم معاهم يدوك مهلة تعوض فيها الى اتسرق وبما انك عندك الأساس في دماغك يبقى هتقدر تعمل كل حاجة
نظر لها باعجاب ليلتقط يدها بحب.....بحبك
ابتسمت نص ابتسامة....وانا كمان ..يالا بقى ماقدمناش وقت نضيعه..انا هسيبك تكمل شغلك وهجيبلك حاجى تشربها..وهبعت حد ينضف المكتب
مراد....اوك
تركته يتمدد على الاريكه لاراحة جسده قليلا ملتقطا هاتفه للاتصال برئيس الحرس.قائلا.....
عايزك تحقق مع كل الموظفين وتعرفلي مين الي سرق الورق .اوك وانا منتظر
جلست على مكتبها وهي تنظر إلى الأرض بخزي تحتقر نفسها غير مصدقة ماتفعله لتتمتم بحزن
....اسفة مش بايدي....انا لازم اخلص من الي انا فيه واخد اخويا وامشي من هنا.لاي مكان بعيد....لتنظر الى الاوراق التي أمامها ....لازم اخلص النهارده مش هقدر اوريله وشي تانيبعد قليل دلفت وبيدها كوب من العصير لتهدئته.واليد الأخرى بعض من الاوراق.لتقترب منه مربتة على كتفه....عامل ايه دلوقتي بقيت احسن؟؟
رفع رأسه إليها....الحمد لله ماتشغليش بالك ياما مريت بمشاكل وبتعدي
جلست أمامه لتعطيه كوب العصير....ودي كمان هتعدي ان شاء الله..اشرب العصير علشان تقوم تكمل شغلك
التقطه منها وهو ينظر إلى يدها الأخرى....ايه الورق ده؟؟
نظرت إليه.ثم الى الورق وهي متوترة....ورق كان عايز امضتك بس مش ضروري ابقى اجبهولك بعدين تكون هديت
ترك مابيده ليحضر قلمه.....بعدين ليه هاتيه مش عايز نعطل بقيت الشغل
اعطته له وهي تشعر بغصة في قلبها من خداعها له ولكن مابيدها حيله ليخرجها من شرودها....اتفضلي ياستي امضتي..عايزة حاجة تاني
بلعت ريقها توترا لتهز رأسها نفيا....لا شكرا عن اذنك
خرجت مسرعة وهث تشعر بالاختناق والاشمئزاز من نفسها لتلقي بجسدها على المقعد وهي تتوعد لهذا الحقير الذي سلب هدوء حياتها
...
مراد هيكتشف خداع حبيبه وهتقدر تتخلص من أدهم ولا الحياه هتمشى معاها ازاى
