رواية جبريل الفصل التاسع عشر 19 بقلم صابرينا
.................
في غرفه عامر & اروى
........ .........
خرجت اروى من الحمام تجفف شعرها المبتل وهي ترى عامر يتابعها كاعيون تشبه الصقر
اروى : انت بتبصلي كدا ليه
عامر : مستغربك
اروى:مش فاهمه
عامر: لا في الحقيقه انا مستغرب نفسي
هو انا حمار كدا بالنسبالك
ازاي مااخدتش بالي
اروى غانم الصايغ
مش تشابه اسماء زي ماانا فاكر
اروى بتعلثم تحدثت
اروى:ان انت بتقول اي
قبض عامر علي ذراعها بقوه وهو ياخذها للمرآة وقد تركها بعنف
رأت اروى وجهها بعدسه بنيه والاخرى بلون عينها الذي يشبه عين غانم
فيبدو ان الماء لا يعرف باانها كانت تخفي عينها عن الجميع لانها تذكرها بوالدها
وكأن الطبيعه تريد عذابها
اخرجها عامر من صمتها وهو يقبض علي ذراعها بقوه وينظر لعينيها
عامر: كنت حاتفضلي معايا باللينسيز دي كتير
اي عيونك مكنتش حاتوجعك
قولتي لنفسك عامر حمار ومش حايعرف عني حاجه
اروى بدموع وقد تساقطت عدسه اللينسيز المتبقيه
اروى:انا
عامر بصراخ :انتي اااي
انتي بني ادمه كدابه
انا حبيتك
وانتي كديبتي عليا وداريتي عليا
دخلتي حياتي ليه
وصلتي لايه لما اتجوزتيني
مش معقول تتجوزيني لمجرد اني انا وابوكي جيران مثلا
اروى:انا كنت حااقولك كل حاجه
عامر:ومحكتيليش ليه قبل مانتجوز
اروى: فاكر عمي الي ماما قالتلك عليه
عامر: عمك ولا كدبه تانيه حاتكدبيها
اروى:انا مكدبتش عليك
عامر:ابدا ودي تيجي انتي خبيتي بس انك بنت غانم الصايغ
اروى بعجرفه تشبه والدها تحدثت
اروى:انا مش بنت غانم الصايغ
ايوا اسمه في شهاده ميلادي وبطاقتي
بس هو رماني من سنين انا وامي واختي ومفكرش فينا
اقولك ااي
اقولك اني جيت بس عشان احرق قلبه وابوظ صورته قدام ايات اختي الس فضلها علينا ورباها في حضنه واحنا اترمينا في الشارع
ولا اقولك اني شفتها في مكتبك وقلبي كان حارقني دي اختي ومش قادره اقولها انا اختك او اخدها في حضني
اقولك اني وعدت امي ارجعها وماقدرتش
انا ماقدرتش اوجعه زي ماوجعني زمان
انا قلبي مقدرش يشيل منه بالرغم الوجع الي سببهولي
عامر: كل دا كدب
اروى : الكدبه الوحيده الي كدبتها عليك اني قولتلك اني بحبك
انا مش بحبك ي عامر
انا بعشقك
الاول كنت حجر صوان بس لما قابلتك قلبي رق وعرف يحب
انا نسيت الحقد الي شيلته في قلبي سنين
ومرضتش اقول لايات حاجه ولا اصدمها زي ما حصلي زمان انا سيبتها في حياتها ومرضتش اأذي غانم
انا نسيت كل حاجه عشان ابقي معاك
والله العظيم مابكدب عليك والله
انا بحبك
عامر وقد تركها وذهب ليستحم
بعده عده دقائق خرج
كانت اروى ماتزال بملابس الحمام وشعرها المبتل علي الارض تبكي
اما عامر فاارتدي ملابسه سريعا وكان علي وشك الخروج فتحدثت اروى بصوت مبحوح
اروى: امي اتصلت بيه يوم كتب. الكتاب عشان يجي
وكنت مستنياه يجي بس مجاش
ظلت اروى تبكي بقهر
اما عامر فخرج بعد ان سمع حديثها مغلق الباب بقوه
*********************
في حجره الصالون
..........
كانت مروه تجلس وتتحدث بغيظ
مروه:حانعمل اي ي ماما دلوقتي البت حاتاخد فلوس عامر كلها وانا وانتي حانطلع من المولد بلا حمص
بقي الخدامه دي تاخد الجمل بما حمل
الام: حانقتلهم هما الاتنين ونورثهم
دخل عامر وسط دهشه مروه ووالدتها
وجلس علي الكرسي المقابل لهم
واضعا ساق فوق ساق وتحدث ببرود
عامر: ولا تقتلي ولا تسرقي انا صابر عليكم من سنين وبقول صله رحم وانا عارف ان الغدر في طبعكم دايما
الام: ي ابني
عامر:ميشرفنيش تبقي امي
انا جبتلكم شقه علي قدكم تنقلوا فيها وكل اول شهر حاتوصلكم مصاريفكم دا عشان صله الرحم بس لكن قسما عظما اما اتعدلتوا وعقلتوا لحاتشوفوا النجوم في عز الضهر
هب عامر واقفا كي يخرج لكن مروه قاطعته
مروه:عايز تطردنا من الفيلا وترميلنا كل شهر ملاليم وكل دا حقنا انا وامي
عامر بعجرفه تحدث
عامر: وان قلت حق امك وصل من زمان وملكيش حقوق عندي حاتعملي اي
قاطعتهم الام
الام:احنا حاننقل الشقه النهارده ي ابني
عامر:عقلي بنتك ي عمتي
عقليها لان صبري خلاص نفذ
**************************
فيلا غانم الصايغ
.............
دخل عامر الفيلا لكنه وجد الخدم في حاله بكاء
عامر بقلق :حصل اي
الخادمه ببكاء:سيدي غانم تعيش انت
عامر بصدمه : ماااات
ايااات فين
الخادمه :سيتي ايات خدوها المستشفي
************************
في المستشفي
.....................
سميره بدموع :هاا ي دكتور اي الي حصل
الدكتور:للاسف المريض وصل متوفي
سميره:طب وايات بنتي
الدكتور: انا بعت اخصائي نفسي وللاسف التقرير بتاعه مش حلو ابدا
ايات دخلت في مرحله لا وعي
سميره:يعني اي
الدكتور:يعني انفصلت عن الواقع خالص
تاكل وتشرب وعقلها واقف مفيش اي استجابه منها خالص بقت عايشه لعالم تاني
سميره ببكاء:طب امته حانستلم جثه غانم
الدكتور:في اي وقت
ذهب الطبيب ومسحت سميره دموع التماسيح بيديها وتحدثت لنور: احنا لازم نعمل عزا مناسب لابوكي
نور: وايات حاتعملي اي فيها
سميره:خلاص اهي حاتحصل ابوها ملهاش لزمه
المهم نروح لاخوكي الي في البيت دا يلا بينا
............. .............. ...........
وصل مصعب المستشفي وهو يرتعب من الخوف علي ايات ظل يركض في الطرقات الي ان وصل للاستعلامات وعرف مكان تواجد ايات
....في غرفه ايات ....
كان عامر بجوارها حزين لحالها
عامر:مالها ي دكتور مش بتفوق ليه
الدكتور: ايات مخها وجسمها قرروا ينعزلوا عن العالم وبقت في مرحله اللاوعي
عامر:يعني اي
الدكتور:حاتاكل وتشرب لكن مش حاتتكلم او حتي تفوق بقت في مكان تاني بمخها وجسمها
عامر وهو ينظر لها بحزن وتحدث
عامر:انا ممكن اسفرها اي مكان ف العالم اعرضها علي دكاتره متخصصين اهم حاجه تبقي كويسه
الدكتور: مفيش حاجه للاسف حاتعمل نتيجه
عمار بصراخ:يعني اااي اسيبها تموت بالحيا
الدكتور:اهدي ي استاذ الحاله لسه مش مستقره ومنعرفش حاجه ربنا يقدم الي فيه الخير
..... .......
كان مصعب يستمع اليهم والغضب يتملكه
مصعب:انا حااوريكي ي سميره الكلب حااعمل فيكي ااي
*************************
في فيلا غانم الصايغ
........ .....
كانت سميره تتحدث بصرامه
سميره: البيت يتنضف كويس جدا وبعد الدفنه حاتيجي الفراشه عشان العزا
الخدم بااستياء اماؤا بالموافقه حزنا علي سيد المنزل
ذهبت سميره الي غرفتها وتبعتها نور ابنتها
في غرفه سميره
......
نور: بابا مات ازاي
سميره: قضاء وقدر اجله كدا حااعمل اي
نور: مش حاسه بحزنك عليه
سميره: بلاش الشويتين دول يابنت بطني انتي الي يهمك ايات واهي غارت في داهيه انجنت
حاتعملي عليا عاطفيه وبابا واي
انا شيلتك في بطني 9 اشهر وعارفه انك غلاويه زيي
فبلاش بقي بابا ومش عارفه اي
روحي البسيلك حته العزا واسبكي الدور علي حبيب القلب يمكن تصعبي عليه ويتجوزك وارتاح منك
سبيني وغورى في داهيه
نور بعجرفه تحدث : مش لوحدي الي حايخلالي الجو ياسميره اسيبك لنعناعه عشان يواسيكي
***********************
فيلا عامر زيدان
..........
عاد عامر الي المنزل حزين علي حاله الصغيره ايات وزوجته الباكيه
دخل المنزل وهو يرى اثر لمروه ولكنهم ذهبوا كما امرهم
صعد الي غرفته
في غرفه عامر &اروي
............
كانت تضع ملابسها بالحقيبه وهي تبكي
عامر بغضب تحدث :بتعملي اي
اروى وهي تحاول السيطره علي دموعها من الهبوط
اروى:حاامشي
مش حااستناك لما تطردني
بحاول احافظ علي الباقي من كرامتي
عامر ببحه حزينه تحدث
عامر:انتي الي كدبتي عليا
اروى: مش سهل عليا اقولك سرى
لا انت تعرفني ولا انا اعرفك
عامر:وانتي كدا حققتي الي عاوزاه
اروى:محدش خسر قدي
عامر: ياريتك قولتيلي
كنت علي الاقل قدرت اصلح الامور بينكم بدل ماتسؤ للدرجه دي
اروى: غانم قلبه عمره ماعرف الرحمه
انا بكره بكره
عامر بحزن :ميجوزش عليه غير الرحمه
تجمدت اروى من الصدمه وسقطت الملابس من بين يديها وهي تنظر له نظره تملؤها الدموع التي تأبي الهبوط
تقدم عامر من اروى عده خطواات حتي سقطت اروى بااحضانه باكيه
اروى: طب كان يستني لحد مااسامحه
كان نفسي يحضنني
انا كان نفسي احضنه ي عامر
ظلت اروى تهذي بكلمات وهمهمات غير مفهومه
كل مايحدث هو انها تبكي بااحضان زوجها تنعي حزنها
*********************
في فيلا ياقوت
........... ..............
كان ياقوت بمكتبه يتحدث
ياقوت: ماتخلص ي نعناعه بنيت الزفت الدار اهو حاتتنيل تروح امته عشان تطلع الحااجه
نعناعه:خليها علياةبكرا حاكون هناك
ياقوت:تمام حااسيب الرجاله معاك بكرا تنفذ
نعناعه:ونصيبي
ياقوت:زي مااتفقنا حايوصلك بعد العمليه
سلام ....
ابتعد جبريل عن المكتب صاعدا لاعلي لكنه لم يكن ينتبه لوالدته التي كانت تراقبه من بعيد
........ ......
في مكتب ياقوت
......
دخلت سهر ترتعب
سهر:ياقوت الحقني مصيبه
ياقوت:في اي
سهر: جبريل ابنك كان واقف هنا وسمعك وانت بتتكلم
اناخايفه ليكون عرف حاجه
ياقوت وهو يكور قبضه يده من الغضب
ياقوت:اكيد سمعني وانا بكلم نعناعه اكيد
سهر:حاتعمل ااي
ياقوت :حاكلم نعناعه واشوف حانعمل اي لازم نتصرف
******** *********
اليوم التالي
**********
في فيلا غانم الصايغ
...............
كانت سميره في الفيلا تتلقي العزاء علي زوجها جالسه تدعي الحزن بتلك الملابس السوداء والوجه الخالي من الميكياج والمنديل المبتل من دموع التماسيح وتقف بجوارها ابنتها نور وابنها عمار هكذا كانت الاجواء في فيلا غانم الصايغ
*************
في فيلا عامر زيدان
............ ........
كانت اروى حزينه لاتدرى ماذا تفعل
اما عامر فكان يقف امامها مقيد الايدي لا يدرى كيف يزيل حزنها واي حزن هذا واي جروح ستشفي منذ متي والفراق ينتسي
عامر بصوت حنون تحدث
عامر:حاتعملي اي ي اروى
اروى بعيون دامعه تحدثت
اروى: انا عايزه اختي
عايزه اختي بس
عامر: اختك في المستشفي في صدمه بسبب موت غانم الله يرحمه
اروى: وديني عندها ي عامر عايزه اشوفها
احضنها
اقولها انها اختي
اخذت اروى تبكي بداخل احضان زوجها
عايزه اروح لايات
ايات فين
.... بعد نصف ساعه ....
وصلت اروى وعامر للمستشفي المتواجده بها ايات
اخذ عامر اروى لغرفه ايات
عامر:دى اوضه ايات هناك اهي
اروى:انا حاادخلها لوحدي سيبني معاها
.....في غرفه ايات .....
كانت ايات تتوسط الفراش ترتدي الزي الابيض رداء المستشفي والمحاليل معلقه بيدها وشعرها متناثر علي وسادتها دموعها حبيسه داخل عينيها
دخلت اروى الغرفه ووجدت اختها الصغري يحيطها العديد من الاسلاك والادويه بجوارها
جلست بجوارها ودموعها تهبط دون حساب
تحدث اروى بصوت حنون
اروى: انا عارفه انك سمعاني الدكاتره بيقولوا انك سمعاني
مترفضيش الواقع الي انتي عايشه فيه ي ايات
مترفضيهوش
انتي مش وحيده ي ايات
صحيح ابوكي مات بس في اخواتك عايشين
انا وعائشه وماما
احنا اخواتك ي ايات ماموتناش زي ماغانم كدب عليكي
احنا اخواتك ومحتاجينك
عند هذه اللحظه امتلت الغرفه بصرااخ ايات المتواصل وظلت تقذف الادويه والاشياء بوجه اروى
دخل عامر والاطباء الغرفه في محاوله لتهدئه ايات
الطبيب بغضب: لو سمحتوا الكل براااااااا
بعد عده دقائق
...............
خرج الطبيب الي عامر واروى
اروى بقلق :هي مالها ي دكتور
الطبيب: ايات حاولت تنتحر مرتين قبل كدا والنهارده حاله الهياج الشديده دي
انا اسف بس ايات لازم تتنقل لمستشفي العباسيه
اروى بصراخ : انت مجنون ولا اي
عايز تدخلها مستشفي المجانين
عامر:اهدي ي اروى مش كدا احنا اسفين ي دكتور
اروى بعصبيه:اسفين اي وزفت اي دا عايز يدخل اختي مستشفي المجانين
الطبيب: ي مدام المستشفي هنا مش حاتقدر تساعد الانسه وهناك حايكونوا معاها عشان لو حاولت تقدم علي الانتحار يساعدوها
اروى بعصبيه: انا حاانقلها من هنا حااوديها مستشفي احسن من هنا انتوا دكاتره مبتفهموش
الطبيب: هنا لو طلعت حاتطلع بتقرير احنا مريضه ولازم مستشفي العباسيه ومفيش اي مستشفي حاتقبلها لانها مش حاتقدر تشيل المسؤلية لو اقدمت علي الانتحار تاني وملحقتهاش
انتوا اهلها المفروض تساعدوها دا لو يهمك تكون بخير وعايشه. عن اذنكم
ذهب الطبيب تاركا خلفه اروى تبكي بااحضان عامر
اروى بدموع :حانعمل اي
عامر:مفيش قدامنا غير الحل دا
اروى: انت عايزني اودر اختي مستشفي مجانين
عامر : مفيش قدامنا غير الحل دا
اروى وهي تجفف دموعها تحدثت
اروى: انقلها ي عامر
عامر: حاتبقي بخير ي اروى متخافيش
اروى: يارب
ذهب عامر الي الطبيب كي يتم نقل ايات الي المستشفي
اما اروى فدخلت الغرفه لتتامل ملامح ايات النائمه كم تبدو جميله
**********************
في فيلا ياقوت
.................
في غرفه جبريل
............ ......
كان جبريل يتحدث علي الهاتف
جبريل :ايوا ي علي جاتلي اخبار عن الي اسمه نعناعه دا انو حايفحت في دار ايتام في منطقه اسكندريه
تقريبا الليله او بكرا لازم تاخد احتياطاتك وتقبض عليه
. . ....... ....... .....
كانت سهر تستمع لمكالمه جبريل وذهبت مباشره لتخبر ياقوت بما حدث
....... في مكتب ياقوت ......
ياقوت بغضب: يعني ابنك بيبلغ عني
سهر:انت اي يااخي معندكش دم
مش ملاحظ ان انا وانت رخاص قدام ابنك
ايوه احنا اب وام ميشرفوش
استغلوا طفل صغير في التحضير وشغل الوساخه بتاع الدجالين بس عشان ننبش في القبور والدهب
احنا زباله قووي ي ياقوت زباله
ياقوت بلا مبالاه تحدث
ياقوت: وسهر هانم حاتقدر تتسجن 15 سنه
داانتي حاتموتي من ليله واحده في السجن
كانت سهر ضعيفه امام كلمات ياقوت وصمتت
ياقوت: السكوت علامه الرضا
نهدي بقي ونكلم نعناعه يلغي العمليه دلوقتي
اتصل ياقوت بنعناعه
ياقوت: جبريل عرف كل حاجه وبلغ عننا الحكومه حانعمل اي
نعناعه: حلووو
الترياق تشربهوله النهارده وتوهمه انها حاتتم
ياقوت: داابني ي نعناعه ناوي علي اي
نعناعه:هو عشان ابنك يحبسنا ملهاش علاقه ي ياقوت وبلاش يبقي قلبك ضعيف قووي كدا دااحنا دافنينو سوا
ياقوت:تمام
سلام
اغلق ياقوت الهاتف وهو ينظ لسهر القلقه
سهر:هاا قالك اي
ياقوت:اطلعي شربيه الترياق بتاع كل مره
سهر: ليه مش العمليه خلاص اتاجلت
ياقوت: نفذي وخلاص ي سهر
ذهبت سهر الي المطبخ كل تعد عصير البرتقال الطازج ووضعته به الترياق ثم صعدت الي غرفه جبريل
في غرفه جبريل
... ... ...
كان جالس يقرا كتاب الا ان سمع دقات الباب
جبريل:ادخل
دخلت سهر بكوب العصير.
سهر:عملتلك عصير فرش حايعجبك قووي
جبريل وهو ينظر لعين والدته
جبريل: شكرا ي ماما
سهر وقد تالم قلبها لكلمه ماما اي ام هذه وهي تلقي بطفلها الي التهلكه
سهر:عن اذنك
خرجت سهر من الغرفه واخذ جبريل العصير وهو يلقي به في الحمام
وثم ذهب للفراش وهو يمثل. النوم
بعد عده دقائق دخلت سهر الي الغرفه فوجدته نائم فهبطت لاسفل كي تخبر ياقوت
في غرفه المكتب
...............
سهر:كله تمام نام
اتصل ياقوت بنعناعه
ياقوت:شربه ونام
نعناعه بضحكه عاليه
نعناعه : هاهاهاها
ياقوت:اي الي يضحك في كلامي
نعناعه: ابنك مشربهوش
ياقوت:انت بتقول اي بقولك نام
نعناعه: وانا دجال ودي شغلتي بعرف امته شربه وازاي وفي اي بالاماره حتي العصير اتكب في الحمام
ياقوت:يعني اي
نعناعه: يعني لازم تخاف لانه عرف انك كنت بتسخدمه في نبش القبور وبيخونك انت والمحروسه امه
هدي اللعب الكام سنه دول علي الاقل لحد ماتكسب ابنك
وامسح رقمي من عندك ولا انت تعرفني ولا انا اعرفك
اغلق نعناعه الهاتف بوجه ياقوت
الذي لم يتمالك اعصابه وهبط علي الكرسي
سهر:في ااي
ياقوت في ااي
ياقوت:انكشفنا ي سهر
جبريل كشفنا مشربش العصير وعرف اللعبه بتاعتنا عليه
سهر: يعني ااي
ياقوت: تفتكرى ممكن يسامحنا
سهر : احنا ملناش الحق في التفكير اصلا ياابو جبريل
ملناش الحق
***********،***********************
اليوم التالي
................
في مكتب نعناعه
......... ..........
كان بمكتبه جالس يرسم بعض النقوش المبهمه الا ان سمع طرقات الباب
نعناعه :ادخل
السكرتيره :مدام سميره برا
نعناعه وهو يعبث بلحيته
نعناعه: طب دخليها كمان عشر دقايق
بعد عده دقائق
دخلت سميره وهي ترتدي فستان اسود قصير لبعد الركبه
نعناعه باابتسامه سمجه
نعناعه: الف مبروك
سميره: ياسلام
نعناعه: خير جيتي ليه
سميره: مش عايزني اجيلك ولا اي
نعناعه:طلباتك
سميره:نتجوز
نعناعه: انتي جوزك مش ميت من يومين ي وليه انتي
سميره: واي يعني
نعناعه: افكر
سميره : تفكر اي وحبك ليا وكلامك و وعودك كل دا كدب عندك
نعناعه: يادي الحب وسنينه انتي اتجنيتي ي وليه انتي
سميره بهوس تحدثت
سميره: نعناعه انا دلوقتي عندى فلوس كتيره قووي خلينا نتجوز ونعيش برا مصر
نعناعه: اه ولو اتمسكتي تعترفي عليا من اول قلم اني ساعدتك تقتلي جوزك
سميره:ابدا والله
نعناعه:انا ممكن اوافق اتجوزك بشرط
سميره:اي. هو
نعناعه: تكتبي كل حاجه بااسم نور بنتك
وتخليها تتجوز مصعب
سميره دون تفكير
سميره:موافقه ياحبيبي
نعناعه:وحشتيني ياامو نور ذهب اليها نعناعه واخذها بين احضانه وهو يطفئ انوار الغرفه وووووو
****************************************
في مستشفي الامراض العقليه
....................
كانت ايات جالسه بحديقه المستشفي بزيها الابيض القصير تنظر للارض دموعها حبيسه ترفض الهبوط
ومصعب كان جالس علي الارض يتطلع الي عينيها
مصعب: ايات ردي عليا
انا مصعب حبيبك
ردى قولي اي حاجه
ايات كانت صامته لا تعطي اي رده فعل
اما مصعب فجلب زجاجه ماء واخذ يردد بعض الكلمات والهمهات الغير مفهومه
مصعب: الشفاء الشفاء لايات بنت فاطمه
مصعب وهو يحاول ان يجعل ايات تشرب المياه
ايات بصراااخ ترفض الشراب ووقعت الزجاجه علي الارض
مصعب كان حائر يحاول تهدئتها لكن دون اي جدوى
ذهبت محاولاته هباء وجاؤا الممرضات واخذوها الي العنبر الخاص بها
مصعب وهو يكور قبضته من شده الغضب
مصعب:حااقتلك ي نور انتي وامك
حااقتلكم انتوا الاتنين
حااقتلكم
******************************
في فيلا عامر زيدان
.......................
كان عامر يتحدث لاروى
عامر: انتي قولتي لوالدتك واختك بموت غانم
اروى:حايفيد بااي
عامر: لازم يجيوا هنا عشان ايات
اروى بحزن: وهي ايات واعيه لاي حاجه بتحصل حواليها هنااا
عامر: وجودهم معاكي حايواسيكي ي اروى بلاش تضغطي علي نفسك وتحمليها فوق طاقتها
اروى: اعمل الي انت شايفه صح ي عامر
********************************
اليوم التالي
..................
في غرفه جبريل
....................
استيقظ من نومه واىتدي ملابسه واعد حقيبته
هبط درجات السلم
سهر :رايح فين ي جبريل
جبريل،: انطلبت في معسكر تدريب ولازم اروح
سهر: ومقولتناش ليه ي اابني
جبريل: معلش نسيت ي سهر هانم سيده المجتمع
سهر بحزن :مش حاتسلم عليا
جبريل وهو يذهب بااتجاه الباب تحدث
جبريل:مبحبش الوداع
*********************************
في فيلا عامر زيدان
......... .............
وصلت سياره التاكسي امام الفيلا وهبطت منها فاطمه وعائشه
دقوا جرس المنزل
وفتح لهم الباب احدي الخدم
ركضت اروى للاسفل عند علمها بوجود والدتها واختها
في الصالون
...............
فاطمه بسعاده احتضنت ابنتها لكن اروى اخذت في البكاء بشده
فاطمه بقلق :خير ي اروى حصل اي
عائشه بقلق : مالك ي اروى في ااي
اتي عامر اليهم
عامر:ليه مقولتيش ي طنط انك جايه كنت استقبلت علي الاقل
فاطمه وهي تحتضن ابنتها
فاطمه:مالها اروى فيها اي بتعيط ليه
عامر وهو يربط علي ظهر زوجته برفق
عامر:اروى. كفايه حاتتعبي
اروى وهي تحاول تمالك اعصابها تحدثت
اروى:اصلكم وحشتوني
فاطمه بشك تحدثت : حصل اي
لون عنيكي مطفي من العياط ليه
عائشه : انتوا قلقتونا في ااي
عامر : البقيه في حياتكم
عائشه :في مين
عامر : غانم الصايغ
وقعت فاطمه علي الاريكه بتعب
اروى وعائشه بصوت واحد :مامااا
فاطمه وهي تحبس دموع عينيها من الهبوط
فاطمه :امته حصل دا
اروى:من اربع ايام تقريبا
فاطمه:وليه مقولتليش من يومها
اروى:خفت اتعبك
فاطمه : انا عايزه اروح البيت عنده
اروى: ي ماما
فاطمه :لاا دا واجب
هو كان جوزي وابو بناتي وفي بينا عشره كبيره
عائشه :حااجي معاكي
فاطمه :محدش جاااي معايا
عامر حايوصلني ويجيبني يلا ي عامر ي ابني
اروى:بسس
فاطمه : انا قلبي مش حمل مناهده يلا ي عامر ي ابني
اخذ عامر فاطمه الي منزل غانم الصايغ القريب من منزله
... ....... ..........
في فيلا غانم الصايغ
...... ..............
كانت سميره بغرفتها تحادث نعناعه
سميره :طب وحشتني
نعناعه :حاتنفذي امته
سميره:كلمت المحامي ولعبت في الوصيه خليت كل حاجه بااسم نور بنتي
نعناعه : انا جمبك حااعدي عليكي
سميره :بجد
نعناعه: مش جوزك مات ولازم اعزي
داانا حتي ابن اصول ومش بفوت الواجب ابدا
سميره:حااستناك
قطع حديث سميره مع نعناعه طرقات الخادمه
سميره :طب حااكلمك بعدين بقي ها حااستناك
اغلقت الهاتف
سميره:ادخل
دخلت الخادمه وتحدثت بااحترام
الخادمه: استاذ عامر زيدان جارنا تحت ومعاه ست هانم كبيره
سميره: طب انزلي وانا جايه وراكي
سميره وقد ارتدت فستان اسود يصل لقبل الركبه ومسحت المكياج وجمعت شعرها المتلون من الصبغات في كحكه
هبطت من علي السلم بوقار ودخلت الصالون لكنها صدمت
سميره :انتي
كانت فاطمه ترتدي عبائه سوداء رقيقه مازالت تحتفظ بجمال جسدها وتناسقه وملامحها الصغيره والحجاب الذي يزين وجهها الملائكي
سميره بحقد علي فاطمه فما زالت جميله كما هي
سميره:انتي اي جابك هنااا
فاطمه :البقيه في حياتك
سميره بعجرفه : جايه تشمتي
فاطمه:الشماته دي صفه فيكي عمرك ماحاتغيريها انا عمرى ماكنت زيك
سميره بغنج سارت امام فاطمه عده خطوات وجلست
واضعه ساق فوق ساق
سميره:عمرك ماحاتبقي زيي انتي خدامه حقيره زي ماانتي
اما انا لبسي ماركات وجمالي وجسمي
وجوزك زمان. سابك واختارني وجبتله الواد الي كان بيتمناها من الدنيا دا كفايه انو مات في احضاني
فاطمه: خلي الماضي علي جمبك مجتش عشان نفتح الدفاتر القديمه
سميره: لو فاكره ان ليكي ورث وعايزه تاخديه تبقي غلطانه
فاطمه: زمان سبتلك الجمل بما حمل
حتي لما غانم كلمني قبل مايكوت بكام شهر وطلي يديني فلوس بناتي انا رفضت
سبتلكم الملاليم بتوعكم زمان مش حااجي دلوقتي واخد قروش
سميره بعصبيه :انتي كداااابه امشي اطلعي برااا
فاطمه : مش قبل مااخد بنتي
هي فين بنتي ايااات
سميره بضحكات رقيعه لا تناسب اجواء الحزن
سميره:هيهيهيهيهي
بنتك
هو انتي معرفتيش
فاطمه وهي تتمالك اعصابها وتنظر لعامر وسميره بتوتر
فاطمه :معرفتش اي
ايات حصلها حاجه ي عامر
سميره بتشفي تحدثت : لا ابدا اتجننت بس
بقت مجنونه
فاطمه وهي تقبض علي عنق سميره بغل وقهر ودموع حبستها باعيونها لاعوام شاءت بالهبوط اليوم
فاطمه بقهر :عملتي اي في بنتي
بنتي عملتلك اي عشان تاذيها
روحي منك لله
منك لله
حسبي الله ونعم الوكيل فيكي
منك لله منك لله
حاول عامر التدخل لفص الاشتباك بين فاطمه وسميره
عامر:ارجوكي مش كدا
حاتموت في ايدك ودي كلبه متستاهلش
.............. ......................
وصل نعناعه امام فيلا الصايغ وهو يتاملاها من الخارج
نعناعه بابتسامه : دنيا مش دايمه لحد اهو انت مت ي غانم عشان انا اجي واتجوز مراتك واقعد في الفيلا الطويله العريضه دي
دق الجرس
وفتحت له الخادمه
نعناعه:الهانم جو
الخادمه : ستي في الصالون اتفضل ي فندم
.............. ...................... .........
في الصالون
.............
دخل نعناعه وراي فاطمه تقبض علي عنق سميره
ظل نعناعه يتامل وجه فاطمه وسحر بجمالها وبراءه وجهها وبان علامه السن لا تظهر عليها
راى دموعها وكم كانت تكمل لوحه جمالها الحزين
استطاع عامر اخيرا ان يبعد فاطمه عن سميره
سميره صرخت بصوت عالٍ
سميره:اطلعي برااا ي خدامه
براااا ي حثاله
فاطمه باشمئزاز تحدثت
فاطمه :متتكلميش عن الحثاله كدا لتزعل منك
الست الي تخطف اب من مراته وبناته بالدجل والشعوذه والشبشه والشيوخ دي تبقي شيطانه
شيطانه زيك متعرفش يعني اي حب واحترام ولا امومه ولا معني كلمه عيله
اوعي تكوني فكراني هبله معرفش الشغل الي كنتي بتعمليه
دايما كنت اشوفك وانتي بترشي الحجات الوحشه بتاعتك دي وكنت بعد ماتنزلي ارش الميه والملح واشغل القران وادعي ربنا يهديكي ويكفيني شرك
كنت خايفه علي بناتي منك وكنت بستحمل جوزي عشان عارفه انو غصب عنك
دايما كنت بحسبن عليكي وحاافضل لاخر نفس في حياتي احسبن عليك ي سميره
حايجي اليوم الي ربنا ينتقملي منك علي كل حاجه وحشه عملتيها في حقي وحق بناتي
اللهم عدلا وليس انتقاما
يلا بينا ي عامر
خرجت فاطمه بعيونها الحاده امام نعناعه
كانت سميره علي الكرسي متعبه تدلك رقبتها من الالم
سميره : انت جيت امته
نعناعه: جامده فاطمه دي
سميره:انت تعرفها
نعناعه:وانا انسي اسم الست الي كنتي بتجيلي مخصوص عشان تجديدلها العمل
سميره:بس مش باين عليها حاجه
نعناعه:عندك حق جامده بنت اللذينه كل مابتكبر بتحلو
كانت عامله ازاي دي وهي صغيره
اجمد من كدا اي بس
سميره بغضب : قصدك اااي
نعناعه: اي حكايه ايات
سميره:اتجنت من الصدمه علي ابوها
نعناعه: يعني مش دي الخدامه الي كانت مضيقاكي وعايزه تجنينيها
سميره:قصدك اي
نعناعه:اسلكي ي سميره مش نعناعه الي يتقرطس
سميره:انت معايا ولا معاهم
نعناعه: انا حاامشي
سميره:انت لحقت تيجي
انا عملت كل حاجه انت طلبتها مني حتي الورث كتبته لنور
نعناعه: كل حاجه
سميره:كل حاجه بااسمها
نعناعه :فين الماذون
سميره: بس جوزى لسه ميت من كام يوم
نعناعه :خلاص احنا نتجوز عرفي ونبقي نعلن جوازنا بعدين
معاكي قلم
سميره بفرحه جلبت القلم والاوراق
سميره:اهم يلاا
*********************************
في فيلا ياقوت
...............
الاجواء كانت حزينه بسبب مغادره جبريل
سهر :طلقني ي ياقوت
ياقوت:اي ناويه تطلعيني الشرير في الحدوته واني مستاهلش الملاك البريء الي هو انتي
سهر: لا يا ياقوت انت لا شرير ولا انا ملاك بس انا مش عايزه حاجه
انا نزلت من نظر ابني لو تشوف نظرته ليا
انا بعت امومتي بالفلوس انا مش عايزه فلوس
انا حااكتفي بنصيبي من فلوس ابويا الحلال والباقي حاتبرع بيه للجمعيات الخيريه واحج حجه اكفر بيها عن ذنوبي
ياقوت:. حاتتوبي
سهر :اه ي ياقوت حااتوب وادعيلك انت كمان تتوب لان الفلوس عمت عيونك
الكفن ملوش جيوب يا ياقوت حاتاخد معاك فلوسك وفي الاخره مفيش دا ابن وزير ولا معاه واسطه ولا حاتدفع عشان يجي دورك
فوق يا ياقوت فوق
ياقوت: واي فايده اني افوق وخلاص جبريل راح مننا ومشي
فوقنا متاخر
ابننا مشي حتي مودعناش
ولا كاننا ابوه وامه
سهر: وانت متوقع قلبه يحن ويرجع بعد كل الي سببناه ليه
محدش يستحمل دا
ياقوت:عندك حق كفايه لحد كدا
معدش فيه مناجم ولا دهب ولا الماظ ولا ياقوت احمر ومرجان
خلينا نتوب
مفيش زي الكسره الي احنا فيها
بس بلاش طلاق ي سهر
بلاش نتطلق خلينا نتوب مع بعض نبدا ونحاول من جديد يمكن جبريل يسامحنا
سهر بدموع :تفتكر حايسامحنا
ياقوت: ربك قادر يحنن قلبه علينا
**********************************
احنا البشر ناس غريبه
لما بنتوجع مبنتكلمش بنكتم في قلوبنا وبنبقي مستنين الي قدامنا يعاتبنا بكلمه بسؤال
يعدي يوم تفوت سنه
ولما يجي وقت العتاب
بنحس انو مش كافي واننا اتوجعنا فوق طاقتنا وان السلام والكلام ماهو الي عذاب اكبر بنجلد بيه ذاتنا
احنا البشر ننسي الحلوه
بس الوحشه ليوم الدين فاكرنها
+
