رواية حوا وتمضي الايام الفصل الثامن عشر 18 بقلم علا احمد
الفصل الثامن عشر ....
١٨
١٨حوا وتمضي الايام
بسم الله الرحمن الرحيم
.................................................
نادر رجع وبصعوبه عرفت تقى انها تتقابل معاه
في مكان عام يجلس نادر مع تقي
تقي : في ايه يا نادر ممكن افهم بقى
نادر : في ايه في إيه مش فاهم
تقي : لأ انت فاهم كويس قوي ارجوك قو لي انت اتغيرت معايا كده ليه
نادر : انا متغيرتش انا زي ما انا
تقي : طب خلاص انت ما تغيرتش
قولي هتروح تكلم بابا امتى ؟؟
نادر : _____
تقي بخوف : نادر انت مش بترد عليا ليه باقول لك هتكلم بابا امتى
نادر : انا مش هاكلم باباكي
تقي بصدمه : ليه
نادر : عشان انا مش عايز أكمل معاكي
بصي يا تقي انا كنت ناوي اروح اخطبك بس بعد ما سافرنا اسكندريه حبيت اعمل لك اختبار واقترحت عليكي ان احنا نتجوز عرفي وانتي سقطي في الاختبار دا لما وافقتي غصب عني مش هاعرف اطمنلك انتي خنتي ثقة اهلك بكره تخوني ثقتي
تقي بتسمع الكلام ودموعها نازله وشريط حياتها بيمر قدام عينيها شافت كم مره غلطت في حياتها كم مره خانه ثقة ابوها كم مره كانت بتعمل الغلط وهي عارفه انه غلط بس بتطلع لنفسها مبرر هي دلوقتي تستاهل القاعده اللي هي اعداها دي
تقي بدموع : نادر انت مش هتعمل فيا كده صح قول انك بتضحك عليا
نادر : يا تقي افهميني لو سمحتي
تقي : افهم ايه افهم انك ضيعت مستقبلي افهم ان لو اهلي عرفوا اني انا متجوزه عرفي هيموتوني حرام عليك انا حبيتك بجد ما تعملش فيا كده
نادر : وأنا كمان وآلله حبيتك بس غصبا عني مش هعرف احترمك بعد كده
سكت تقي وهي مش عارفه تقول ايه كلامه زي السكاكين مفيش عنده رحمه خلاص هي في نظرها عملت كده عشان بتحبه
تقي برجاء : طب ساعدني حتى اني اخرج من الورطه دى
نادر : حاضر يا تقي عايز ايه
تقي بحسرة : روح كلم بابا نكتب بس الكتاب وبعد كده طلقني ومش عايزه منك حاجه كل اللي انا عايزاه ورقه تقول ان انا كنت متجوزه قبل كده عشان اهلي
ارجوك يا نادر ارجوك
نادر بضيق : حاضر
تقي وهي تمسح دموعها : أمتي
نادر : كمان اسبوع بعد كدا قام وقف
بعد اذنك دلوقتي عشان عندي شغل
مشي نارد وسايب تقى وراه بتموت من الندم وكسرة النفس اللي هي فيها
&&&&&&&&&&&&&&&&&&&
بعد فتره من خطوبه علي وايار سميره حبت أيار جدا
وفعلا زي ماعلي ما قال روحها حلوه وشخصية جذابة و جميله
أيار كانت معزومه عندهم علي الغدا
والجو كان كويس وماشي حلو اوي
لحد ما دخلت امل بنت عم علي ودي شخصيه خبيثة جدآ كانت بتحب علي ونفسها من زمان انه يطلبها للجواز هي مواقفه عليه بكل حالاته وفي اي وضع
سميره وهي بتعرف امل علي أيار
سميره : دي بقا امل بنت عم علي
أيار بابتسامه بشوشه : اهلا بيكي يا أمل
امل من غير نفس : اهلا ثم نظرت لها بتعالي أنتي بقا أيار
علي بضيق : لا دي دكتورة أيار
نظرت أيار بحب لعلي بينما نظرت أمل بحقد إلي أيار
امل بسخرية : اه سوري يا طنط مكنتش اعرف ان حضرتك دكتوره اوعي تزعلي اني باقول لك يا طنط بس حضرتك واضح ان سنك كبير
أيار متضايقه من كلامها جدا ومش عارفه ايه سبب الكره اللي بتتكلم بي امل كانت لسه هترد بس علي اتكلم
علي : لا يا أمل أيار مش كبيره ولا حاجه الفرق بينك وبينها كام سنه انتي بس اللي فاكره نفسك صغيره
امل بغيظ : امممم والله طيب
طول الوقت كان علي مشغول مع أيار وفرحان بيها أوي ودا شئ باين عليه
لحد ما الليل جه وايار قررت انها تمشي عشان الوقت تاخر وعلي اثر ان السواق يوصلها
امل : طيب انا كمان هامشي يا انطي مع أيار
علي بضيق وهو مش عايز امل تتجمع مع أيار عشان عارف كلامها السم : لا خليكي انتي يا امل لما السواق يوصل ايار يبقا يوصلك
أيار : لأ مافيش مشكله خليها تمشي معايا
مشيت أمل مع أيار
في العربيه
أمل بخبث : أيار انا كنت عايزه اقولك حاجه عشان ضميري يكون مستريح
أيار بقلق من كلامها : حاجه ايه ؟؟
وصلت أيار بيتها وهي حزينه من كلام أمل شك كبير جواها لو فعلا كلام أمل طلع صح هتعمل ايه
معقول علي يفكر فيها كدا
نظرت أيار الي نفسها في المرايه وهي تمسح دموعها الذي كانت تنزل بشده وهي تقول أنا إمرأة وسأظل إمرأة متزوجة او مطلقه أو كنت أرملة سأظل لم يزدني الزواج كرامه ولن ينقصني الطلاق انوثه ولن اخجل ان اصابتني العنوسه فأنا إمرأة
ثم بدأت تتحس وجهها وقالت بصوت عالي نسبيا فيه بعض الحد
بداخلي بحر من حنان وأحلام قرموزيه
ثم رفعت راسها في شموخ وقالت من اردني كخادمه سأرحل عنه وارفض بقوه الانكسار وارحل عن الحب بلا عوده فأنا أرفض أن يكون الحب طريقي للانهيار أو الانكسار
انا من وصي رسولنا الكريم بالرفق بي وصورني بأجمل صورة
انا إمرأة وسأظل إمرأة
&&&&&&&&&&&&&&&&&&&&&
لما تكون في اكتئاب، ضيق، كرب من أي نوع، بُص كويس على اللي حواليك، دقق، ركز، شوف مين معاك بجد، مين ساندك، مين قادر يتحملك وانت في أسوأ حالاتك، مين بيعمل الممكن والمستحيل عشان يبسطك، ومين بيبعد ويبيع، مين عاوزك وأنت الضحكة مالية وشك بس، ومين عاوزك في كل حالاتك، وشايفك جميل حتى لو التكشيرة مغطية ملامحك... شوف وركز، وخلي الأيام تغربل اللي معاك، عشان لما تطلع من ضيقتك، يفضل معاك اللي يستاهل بس.
كتبت منه الكلمات دي وهي قاعده بتذاكر بعدما سرحت في كل حاجه حلوه بيعملها سند معاه هي فعلاً محظوظه عشان ربنا رزقها بزوج زي سند لازم تتغلب علي الخوف اللي جواها لازم تحافظ على بيتها
دخل سند من باب البيت ووقف قدام منه بابتسامه
سند : السلام عليكم
منه : وعليكم السلام ورحمه الله وبركاته
سند : بتعملي ايه مش الامتحانات خلصت
منه : كنت بشوف مواد الترم الثاني
سند : طب ممكن يا حبيبتي تسيبي الترم الثاني دلوقتي وتقومي تلبسي عشان نروح عند بابا لازم بابا يعرف كل حاجه النهارده
منه بخوف : سند انا خايفه اوي
سند : حبيبتي اوعي تخافي طول ما انا جنبك اوعدك ان عمري ما هاسيبك غير على موتي
منه بسرعه : بعد الشر عليك يا حبيبي
انت الحاجه الوحيده الحلوه في حياتي انا ماليش غيرك انت أخويا و أبويا وأمي جوزي وحبيبي
سند بهزار: يا روحي أنا كل دول فعلا معادا امك صعب قوي دي يامنه
ضحكت منه : لا ماليش دعوه
سند : طب يا ستي امك امك هي جات علي دي
منه : ربنا يخليك ليا يا حبيبي
سند : و يخليكي يارب ممكن بقا تلبسي
انا جايب لك فستان حلوه قوي وطرحه شوفيهم كده
منه وهي تخرج الفستان من الشنطه : الله حلو قوي بس ليه اشتريت انا عندي
سند بحب : انا عايز اجيبلك الدنيا كلها
ربنا يقدرنى واسعدك
&&&&&&&&&&&&&&&&&&&
نزلت فيونكه عند نجاه بعد مانبيل نزل
وطلعت اطمنت على مامتها زي كل يوم
بس كانت خايفه تتواجد مع نجاة في مكان واحد خصوصا ان عارفه هي بتكرهه قد ايه بس في الاول وفي الاخر هي حماتها وطاعتها واجب
خبطت فيونكه على الباب بس بعد مده كبيره عن قصد فتحت نجاه الباب وكان باين على وشها الغضب جدا
نجاة بعنف : كل ده عشان تنزلي يا ست هانم
فيونكه بهدوء : آسفه والله يا ماما كان ورايا كام حاجه في الشقه
نجاة بسخرية : طب ادخلي يا حلوه واقفلي الباب وراكي
استغفرت فيونكه ربها اكثر من مره وهي تحاول التحكم في اعصابها
فيونكه تجلس أمامها بأدب : ها يا ماما كنتي عايزه ايه
نجاة : عايزاك تنضفي الشقه حته حته
فيونكه بهدوء : حاضر يا ماما
قامت فيونكه وقفت : هو سند هنا او راجع بدري عشان اعرف اخلع النقاب وانظف براحتي
نجاه لقيتها فرصه انها تتعب فيونكه اكثر وتكتم نفسها لما تنظف بالنقاب
نجاة بمكر : لا هو مش هنا بس ممكن يرجع في اي وقت
فيونكه : خلاص مش مهم هاشتغل كده
ثم قالت في سرها : انت المستعان يا رب قويني
