رواية حوا وتمضي الايام الفصل التاسع عشر 19 بقلم علا احمد
الفصل التاسع عشر......
١٩
١٩ حوا وتمضي الايام
...........................................
في شقه نبيل و فيونكه
نبيل رجع من شغله فيونكه مكنتش موجوده في البيت توقع انها لسه تحت عند مامته بس بتعمل ايه كل ده قال يغير هدومه ينزل يشوف
في والاوضه
سمع اصوات جبلة لاثاث يتحرك ويصدر من شقة والدته
نبيل مش عارف الي بيحصل تحت خايفه على فيونكه جدا ف نزل علي طول
نبيل بيخبط على الباب
فيونكه بصوت منهك : ايوه مين
نبيل بضيق : أنا يا فيونكه افتحي
خفق قلبها فور سماع صوته : حاضر
فتحت فيونكه الباب وكان باين عليها التعب ولبسها معظمه مبلول
نبيل : انت بتعملي ايه
فيونكه ببراءة: كنت بنضف الشقه مع ماما
نبيل : مع ماما ولا لوحدك
فيونكه بتلقائيه : لا انا بنضف وماما بتعمل الغدا
نجاة خرجت من المطبخ : حمد لله على السلامه يا حبيبي
نبيل بضيق : الله يسلمك
نجاة : مالك يا نبيل في حاجه
نبيل : كنت عايز فيونكه عشان هتعمل لي كام حاجه فوق وانا هبعتلك بنت البواب تكمل الشقه
نجاة بسخرية: بنت البواب ليه ما فيونكه موجوده
نبيل بحده : أنا مراتي مش خدامه يا ماما
نجاة : طب خلاص على مهلك شويه عليا يا استاذ نبيل اطلع وخد الهانم بتاعتك معاك
نبيل وهو يمسك بيد فيونكه : عن اذنك
نجاة : على فكره انتو معزومين النهارده على الغدا مع بوك
نبيل : اه ما أنا عارف لما بابا يجي هنبقى ننزل ممكن اطلع بقا
خرج نبيل هو و فيونكه وسايبين نجاه هتموت من الغيظ مش عارفه فيونكه عملت ايه لبنها
&&&&&&&&&&&&&&&&&&&&&
علي الغدا في شقة اكرامي
الكل كان قاعد مش علي بعضه
فيونكه خايفه من نظرات نجاة وقاعد جنب نبيل
اكرامي عايز يعرف السر وار سفر سند
بعد شويه سند جه ومعاه منه
الكل واقف مستغرب الوضع ما عدا نبيل
نجاة : منه انتي جايه مع سند ليه
منه ساكته ومش عارفه ترد و بصه في الارض
اكرامي وهو يقف : مين دي وبتعمل معاك ايه
سند بتوتر : دي دي اصل أنا احم أنا
نبيل : منه تبقى مرات سند
نجاة بخضه : يا مصيبتي انت تجوزت من ورايا وكمان اتجوزت دي
سند : لو سمحتي يا ماما
نجاة بصوت عالي : سمحت إيه وزفت إيه طب وهاجر بنت خالتك انا كنت متفق مع امها هاقول لها ايه دلوقتي يا خيبتك في اولادك الاثنين يا نجاه
شايف يا حاج سند الصغير اتجوز من ورانا
اكرامي بهدوء مريب : الكلام دا صح
سند : أيوه يا بابا بس
اكرامي ضرب سند قلم وقعه على الارض
نبيل بعصبية : انت بتمد ايدك عليه ليه
اكرامي بغضب : انت تخرس خالص
نبيل بنرفزه : لا مش هخرس كفايه بقى اللي انت فيه ده عمال تتحكم في حياتنا في كل حاجه وبعدين هو ما راحش اتجوز من ورانا انا كنت معه
اكرامي : يعني انت كنت عارف والله وكبرت يا استاذ نبيل وبقيت تتصرف من دماغك
نبيل : انت طول عمري كبير بس أنت مش واخد بالك من كثر ما انت اللي بتقرر كل حاجه بس خلاص من النهارده كل واحد هيختار الحاجه اللي هو عايزها وهيعيش زي ما هو عايز انت لازم تفهم ده كويس قوي
اكرامي رفع ايده عشان يضرب نبيل بس نبيل مسكها : اكرامي: انت بتمسك ايدي
نبيل : مش باقول لك انا كبرت
اكرامي بحده : طيب طالما انتم بقيتوا رجاله قوي كده من النهارده مش عايزه اشوف وش واحد في المعرض بتاعي كمان مش عايز اشوف حد فيكم في العماره كل واحد ياخذ السنيوره بتاعته ويمشي ومفيش مليم هيوصلكم مني
نبيل : واضح ان حضرتك ناسي ان الشقه اللي فوق بتاعتي واني دفعلك كل فلوسه اما بخصوص المعرض انا الحمد لله عندي المعرض بتاعي يعني مش محتاج اشتغل عندك
اكرامي : ماشي يا نبيل ماشي ثم نظر الى سند وانت بقى عندك ايه
نبيل بقوه : انا مش هتخلي عن اخويا ابدا
اكرامي بصرامة : امشي أطلع بره انت وهو براااا
نبيل : هات مراتك وتعال ورايا
طلع نبيل و فيونكه شقتهم ومعاهم سند ومنه
سند بحزن : كنت عارف ان ابوك مش هيعدي الموضوع بالساهل
نبيل وهو يسمح وجهه بكفيه : اطمن ابوك لا يمكن يستغنى عننا بس هو لازم يعمل الشويتين دول في الاول كلها كم يوم و هيحتاجني في الشغل بتاعه وساعتها انا هاتكلم معا ه في موضوعك
سند : ربنا يخليك ليا يارب بس لو عدي يومين وابوك ما تكلمش انا لازم اروحله انا مش هستحمل يكون غضبان عليا
نبيل بسخرية : امممم ماشي
المهم بكره عايزك عندي في المعرض من الساعه ٨ عندنا شغل كثير
سند : باذن الله مش هتاخر وبعدين سند وقف : يلا يا منه
منه : حاضر وقامت
فيونكه وقفت وسلمت على منه : مع السلامه يا منه ابقى تعالى بقى انا مبسوطه اني تعرفت عليكي
منه بابتسامه : انا كمان والله مبسوطه اني اتعرفت عليك اكيد طبعا هاجيلك
سند : يلا سلام عليكم
مشي سندو منه
فيونكه دخلت تغير هدومها وبعد شويه خرجت لاقت نبيل قاعد بيشرب سجائر
فيونكه بصدمه : نبيل انت بتشرب سجائر
نبيل بضيق : مش على طول لما بكون متضايق بس
فيونكه : في عندك كذا طريقه تعملها لما تكون متضايق غير السجائر السجائر حرام
نبيل بعصبية : ملكيش دعوه واتفضلي خش جوه انا عايزه اقعد لوحدي
فيونكه بدموع : طب
نبيل بغضب : لا ماطبش ادخلي بقا
دخلت فيونكه الغرفه وانفجرت في البكاء ومتردد جواها كلام كثير
وما فائدة الحب إن زادتْ مخاوفي في وجودك؟ خوفٌ أساسه تصرفاتك التي تهمس لي كل يوم، كل لحظة، أن هذا الوجود لن يدوم.
&&&&&&&&&&&&&&&&&&&&&
في الطريق عند منه وسند كان كل واحد ساكت ومش عارفه يقول ايه
في البيت
منه : سند انا مش عايزه أكون سبب في مشكله مع باباك
سند : لا يا منه المشكلة موجودة من زمان من قبل أنتي ما تيجي اصلا
منه وهي تجلس جانبه : مشكله أي
سند بحزن عميق : المشكله في بابا من زمان علي طول مش شايف حد غير نفسه حتي نبيل بيتعامل معاه علي اساس أنه آله لتنفيذ الاموار بس
ثم قال بمراره : أنا بقا ماليش أى لازمه عنده علي طول شايفني الولد الصغير اللي مالوش رأي عشان كدا أنا علي كول بيعد عنهم
منه بحنان : متزعلش يا حبيبي انت احسن حد في الدنيا دي كلها بس تعرف
أنا ماكانتش أعرف أن نبيل أخوك جدع كدا
سند : نبيل مافيش احسن منه هو كتوم وعصبي شويه بس قلبه ابيض وحنين
منه بضحك : بس انا بخاف منه مش عارفه مراته البسكوته دي بتتعامل معاه ازاي
سند بضحك هو الآخر : هو ساعات بيخوف فعلا بس فيونكه هي الوحيده اللي هتقدر تصلح من نبيل
منه بحده مصطنعه : قلي بقى يا استاذ روميو مين هاجر دي
سند : دي حبيبتي القديمة
منه بخضه : حبيبتك نهارك اسود انهارده
سند بضحك : يا بت بهزر معاكي هاجر دي بنت خالتي وماما كانت عايزاني اتجوزها
منه : بنت خالتك بس
سند : انت تعرفي ان انا بتاع الكلام ده
منه بابتسامه : لأ يا شيخنا
سند بغمزه : قلب الشيخ والله
منه بخجل : وعلي كدا هي حلوه ولا أنا احلي
سند : أنا بغض البصر عن اي بنت في الدنيا فمش عارف اذا كانت حلوه ولا لا عشان انا متعملتش معاها مش بشكل يا حبيبتي
منه : لا طبعا الشكل مهم جدا
سند بحب : ماهولو ع الشكل فـَ أي بنت فـِ الدنيا تعرف تبقي حلوه م برا ..
شويه لبس ع ميك آب غاليين شويه هيخلوها جميله شكلاً ، شويه صور بكاميرا نضيفه وفوتوغرافر شاطر هيطلعها أجمل واحده فـِ الكوكب ..
بس اللي صعب ومش موجود فـِ كل البنات .. هو الجمال الداخلي جمال الروح هو اللي نادر جداً واللي مع الوقت بيزيد مش بيقل زي جمال المظهر !
اللي صعب يتواجد فـِ كل البنات هو العقل ، الحب ، خفه الدم ، النقاء الداخلي اللي يخليها لا تحقد ولا تكره ولا تنفسن ، شخصيتها ودماغها وتفكيرها هما اللي بيحددوا إذا كانت حلوه ولا لا وانتي حلوه قوي من جوه عشان كدا أنا حبيتك
منه بسعاده : طب يلا عشان التسميع انا حفظت السوره كويس قوي
سند : متاكده عشان لو ما طلعتيش حافظه هتضربي 20 عصايه
منه : لا والله حافظه كويس جدآ
سند : طب نصلي العشا وبعدين نسمع
&&&&&&&&&&&&&&&&&&&
اسبوع اسبوع مره على تقي كأنهم سبع سنين مش سبع ايام
وزنها نزل للنص وشها بقى اسود على طول عياط مش بتخرج بره الاوضه خالص المفروض ان نادر جاي النهارده عشان يكلم باباه حسب الاتفاق اللي ما بينهم
تقي وهي بتكلم نادر على الفون
تقي : نادر انت فين
نادر: في الطريق
تقي : يعني قدامك قد ايه كده وتوصل
نادر : نص ساعه بكتير
تقي : نادر ممكن اقول لك على حاجه
نادر : قولي
تقي : لو بابا طلب منك حاجه قو له ماشي وخلاص وانا مش عايزه حاجه انا عايزه بس نقول له حاضر لحد كتب الكتاب وبعد كده كتب الكتاب نبقى نطلق
نادر : حاضر يا تقي أنا كمان كنت عايزك اقولك حاجه
تقي : اتفضل
نادر : أنا آسف يا تقي سامحيني
تقي بسخرية : مسامحاك يا نادر طبعا
نادر بهدوء : مع السلامه يا تقي
قفل نادر وتقي قلقانه والخوف جواها زاد اكثر مش عارفه السبب ايه بس مش مطمنه حاسه ان في حاجه هتحصل
بعد ساعتين ونادر لسه ما جاش
تقى اتصلت عليه ثاني بس المره دي مش هو اللي رد
تقي : الو مين معايا
احنا مستشفى **** صاحب الفون ده عمل حادثه و حالته صعبه محتاجين اي حد من اهله حضرتك مين
تقي التليفون وقع من ايه ده ووووو
