رواية حدوتة حب الفصل السابع عشر 17 بقلم مريم عبدالرحمن
ريان كان اخر ملجأ ليه هو البلاكونه و مقدرش يبعد اكتر من كده رفيقه قربت منه جامد مسك ابدها جامد و فضلوا يتصدوا لبعض و ماسك السكينه من ايدها لكن منجحش و هي كانت زي المجنونه و بتتعامل ب قوه دخل السكينه ف قلبه اتخضت و رمت السكينه من ايدها و دفعته بقوه جامده ريان وقع من البلاكونه...
رفيقه اتصدمت و رمت السكينه من ايدها و قعدت عالارض تعيط و حطت ايديها على وشها تعبيراً بالصدمهرفيقه / انا عملت اي؟؟يااارب اي اللي انا عملته ده ؟انا لازم امشي لاااازم امشي
قامت رفيقه و هي بترتعش خدت شنطتها و خدت السكينه الملطخه بالدم و نزلت من العماره طبعا شافها البواب و ركبت عربيتها و مشيت
_________________
صباح جديد ..ملئ بالمفاجأت اصعب شعور هو ايذاء قلبك و روحك و قتل املك الوحيد لكن النصيب يقتل حياتنا فهل يعطينا دماء ام يعطينا شعاع ضوء جديد..؟؟
صحيت مايا و لبست لبس خروج و كانت بتربط الكوتشي مالك خرج من اوضة علياء...
مالك بابتسامه / صباح الخير
مايا بفرح / صباح العسل
مالك / اي كل الفرح ده؟
مايا / مش هتصدق ي مالك للي حصل
مالك باستغراب/ اي اللي حصل
مايا بفرح/ امبارح كنت بكلم ريان و لمحلي انه بيحبني و معجب بيا و هخرج معاه النهارده الساعه ٨ اكيد هيقولي بحبك
مالك تنح / اي ده بجد؟
مايا / ايواااا
مالك بضيق/ الف مبروك
مايا بابتسامه/ انا هخرج اشتري حاجات للبيت و هشتري لبس جديد احضر بيه بليل
مالك / تمام
مايا / يلا باي
خرجت مايا و معدتش ساعتين كانت رجعت فتحت بالمفتاح و دخلت كان مالك و علياء قاعدين فالصالون ...
مايا / الفستان ده اشتريته لبليل و الكعب ده جبته اي رأيكوا؟؟
"محدش بيرد و على وشوشهم علامات توتر و حزن "
مايا باستغراب / في اي
مالك / مايا انا مش عارف اقولك ازاي
مايا بضحك/ تقولِّي اي ؟؟
مالك بدموع / ريان...
مايا بحزن/ اتصل لغى الميعاد صح؟
مالك/ لأ بس...
مايا / خلاص مش هزعل اكيد وراه شغل
مايا هدت الشنط و اتلفتت ماشيه نحية اوضتها صوت مالك وقفها و هو بيقولها
= ريان مات يا مايا
مايا بصت ل مالك ..
مايا / مبحبش الهزار ده
علياء عيطت..
مايا بزعيق/ متعيطيش مالك بيهزر ي علياء رد يا مالك قول انك بتهزر
مالك حط وشه فالارض
مايا بدموع/انا هتصل بيه دلوقت و هو هيرد
رمت الشنط فالارض و طلعت موبايلها و بدأت ترن على موبايله لكن مفيش رد اتصلت تاني ..اهو رد
جومانه/ الو مايا؟
مايا بدموع / جومانه فين ريان؟
جومانه بحزن / ريان يا مايا فمكان احسن مننا كلنا
مايا / يعني اي؟
جومانه عيطت/ ريان اتقتل امبارح بليل
وقعت مايا من ايدها التليفون جالها صدمه لا قدرت تعيط و لا قدرت تتكلم فضلت متنحه ...
مالك / مايا انتي كويسه؟؟ ردي عليا
قعد مالك يزق ف مايا ...
مالك / ردي عليااا
علياء بعياط / مايا ارجوكي متعمليش كده
مايا فضلت مصدومه و متنحه و ف عينها دموع
مايا / كان هيقولي بحبك و كان ممكن يقولي نتخطب كنت هقابله و اتكلم معاه ف نفس الكافيه اللي اتقابلنا فيه جات عليا فتره كنت فاكره حياتي حدوته و اكيد نهايتها حلوه و الكل هيصقف كان هو بطل الحدوته من اول م شوفته كان هو اللي شاغل تفكيري مكنش بطل القصه بس ده كمان كان الامير اللي هرقص معاه فالحفله و هنحب بعض مكنش عاجبني الملك كنت بحب الامير عرفت انه جوز امي فضلت وقت كبير مطلعاه من دماغي كنت فعلا مش بفكر فيه قفلت الحدوته مكملتش فيها كتابه رجعت افتحها و احط فيها الامال و الاحلام و بحلم ب سندريلا و هي فالقصر حقيقي انا كنت سعيده قد اي لمجرد ان حدوتة الحب بقت حدوته ماسخه ملهاش طعم بقت حدوتة كدابه
مالك / مايا ارجوكي خلينا نقوم استريحي ف اوضتك
مايا بعياط / انا مش هستريح ف حته انا عاوزه اروح ل ريان عاوزه اشوفه
علياء بصت لمالك ...
مالك/ علياء هتتعب اكتر لو ودتها المستشفى
علياء بدموع/ مالك خليها تشوفه اخر مره ارجوك
مالك بتنهيده / سنديها معتيا عشان ننزل نركب تاكسي
____________________
فالمستشفى البوليس حوالين اوضة التشريح و بياخدوا الافاده و اهله قاعدين بيعيطوا سيده منهاره و جومانه بتطبطب عليها مصطفى كان بيكلم البوليس اما علي ف قاعد عالارض بيعيط يمكن يكون اكتر واحد موجوع فيهم مايا شافت المنظر انهارت اكتر و تعبت اكتر ...
جومانه / مايا!!انتي جايه ليه احنا عرفنا كل حاجه انتي مش مراته
مايا بعياط/ يمكن ضحك عليكو ف موضوع اني مش مراته لكن انا قلبه يا جومانه مش مراته لكن اغلى ما يملك و انا عارفه كده كويس و عشان كده متأكده انه مش هيسبني انا هخش دلوقتي اكلمه انا عارفه هيرد عليا عادي ...
مصطفى طبطب على ضهر مايا...
مصطفى / اهدي ي بنتي المحقق صفوت عاوز يتكلم معاكي
مايا بضيق/ تمام
صفوت / انسه مايا انتي اخر شخص ريان مكلمك قبل الحادثه ب نص ساعه بالظبط قبل الجريمه ب ٢٧ دقيقه عندك اي معلومات مين كان جايله مثلاً
مايا / انا كنت بكلمه و قالي انا هقفل ورايا شغل و من ساعتها مسمعتش صوته تاني
صفوت / متأكده؟
مايا بزعيق/ و انا هكدب عليك ليك
مالك/ مايا اهدي
مايا بعياط / انا عاوزه اشوف ريان انتوا كدابين كلكوا انتوا بتلعبوا معايا
صفوت يتنهيده / اتفضلي معايا اوريهولك
جومانه/ استاذ صفوت ده غلط على نفسيتها
صفوت بحزن/ ي انسه جومانه ده الصح ليها لازم تشوفه لاخر مره
صفوت دخل المشرحه اتجهه نحية جثة ريان المغاوري و شال من على وشه الغطا
مايا جالها هيستريا عياط و حطت ايده على خده...
مايا / انت واعدني مش هتسبني قوووم يا ريان لسه في حاجات كتير اوي هنعيشها فالحدوته بتاعتنا انت هتقولي لحبك و انا هقولك و انا كمان و هنتجوز و هنبني حدوتة حب احلى و اجمل انت بس اللي بتمثل عليا و هتقوم علطول اكيد انت نايم اكيد انا بحلم اكيد ده كابوس الاميره بتحلم بيه كابووووس يا ريااان كابوووووس ..رد علياااا ارجوووووك
صفوت/ لازم نمشي
مايا / مش همشي
صفوت مسك مايا بالعافيه و خرجها و هي منهاره من العياط خادتها علياء و مالك و فضلوا يهدوها لكن الظاهر كده انهم ف نفس المستشفى اللي فيها فارس عبدالله المنشاوي عرف ب خبر حادثه ب اسم ريان المغاوري و حزن جدا و طلع الطابق عشان يشوف مايا ...
فارس / مايا؟
مايا بلهفه / فارس دول بيضحكوا عليا و بيقولولي ريان مبقاش موجود خلاص مين هيكمل معايا الحدوته ؟ ونبي خليهم يقوموه
فارس مسك ايد مايا..
فارس بتنهيده / انا عاوزك تهدي خالص ي مايا ده قضاء ربنا ده النصيب ربنا سايبلك الاحسن و الاحلى خلي عندك امل
مايا بعياط / انا مش عاوزه كل اللي بتقول عليه ده انا عاوزاه هو
فارس / يمكن وجوده ف حياتك تعب و وجع خليكي قد النصيب و القدر
مايا / و انا اي نصيبي؟
فارس / قولي لربنا اي نصيبك ؟؟
صفوت / جبنا اخبار جديده مهمه من بواب العماره اللي كان فيها ريان
مصطفى بدموع / اتفضل
صفوت / بيقولو في ست يبان عليها كبيره شويه و شعرها كان مصبوغ بأصفر هي دي اخر واحده نزلت من عندها و كانت حالتها غريبه
مايا بخفوت / رفيقه؟؟
صفوت / افندم
مايا / اشك ب رفيقه رفييقه
مصطفى / رفيقه دي مين يا بنتي
مايا / مراته اللي طلقها
صفوت / هناخد الاجراءات دي حالاً
___________________
بعد مرور اسبوع اتدفن ريان و ده كان نصيبه ف نهاية الحدوته اما رفيقه كان نصيبها مستشفى المجانين حيث قتلت شخص تاني من البوليس و هما بيقبضوا عليها و كانت حالتها العن من المجانين اما نصيب مروان ف اترجى عم مصطفى يجوزه جومانه و جومانه قالت اكتبه كل الورث ل علي مقابل اني اتجوز مروان و بالفعل مصطفى وافق لان لقى ف عيون مروان الحب تجاه جومانه اما علي كان قدوته اخوه اخد عهد على نفسه يطلع الدكتور اللي طول عمر ريان نفسه يبقا دكتور كبير لولا شغل ابوه ..اما مالك ف أستأجر الشقه اللي فوق و قابل بالصدفه جارتهم فالبيت اللي قدامهم الدكتور صاحبة التاكسي و هي دكتوره و اعجب بيها جداً و خد عهد على نفسه ان هو ميقربش من مايا ابداً لان هي بتحب غيره و علياء طبعا قابلت زين اعترفلها بكل حاجه و انه مُجبر على كده و بدأت علاقتهم سوا تكبر و بيتقابلو ... اما مصير بطلة الحدوته البيت و اللبس الاسود و تفتكر بطل الحدوته ريان
و ادي الحدوته منتوته ..
ايدا هي الحدوته خلصت؟؟؟؟
