رواية حدوتة حب الفصل الثامن عشر 18 بقلم مريم عبدالرحمن
_ دكتور فارس انسه مايا مستنياك برا
فارس / دخليها طبعاًدخلت مايا بفستانها الاسود و عنيها المنتفخه و قعدت عالكرسي..
فارس / مايا كويس انك تقبلتي دعوتي هنا انتي محتاجاني جداً
مايا / انا عارفه اني محتاجاك عشان كده جيت
فارس / مايا ممكن تبدأي انتي تتكلمي
مايا / هتكلم اقول اي؟ طول عمري كنت نفسي اعيش حدوتة حب زي القصص و ابقا اميره اتبسطت اووي الحقيقه انا حكيتلك قبل كده يا فارس انا مش عاوزه حاجه من الدنيا تاني فكرت كتير انتحر بس منفعش دايماً بسمع صوته قريب مني هو هادم حياتي بحسه كابوس انا بحس نفسي ف كابووووووس يا فااارس
كااابوووووووس
و تغمى عليها....
____________________
تصحا مايا ف اوضه فالمستشفى لابسه لبس الازرق بتاع المستسفيات تلاقي حواليها علياء و رفيقه و دكتور ...
مايا بزعيق / انتي اي جابك هنا اي خرجك من مستشفى المجانين
رفيقه باستغراب / مستشفى اي
الدكتور / انسه مايا انتي كويسه؟؟
مايا / انا كويسه كويسه اي اللي جاب الوليه دي هنا
الدكتور /انتي اخر حاجه فكراها اي
مايا / كنت ....كنت فعيادة الدكتور فارس و ....
الدكتور / مايا استوعبي معايا انتي اخر مره عملتي حادثه بعربيه و انتي خارجه من كافيه و لولا ان في شخص لحقك كنت زمانك روحتي ف التربه
علياء / اه الشخص ده اسمه ريان المغاوري
مايا كانت متنحه...
الدكتور / تحبي نجبلك دكتور نفسي تتكلمي معاه؟؟
مايا شاورت ب ه...
الدكتور / حاضر
"بعد مرور دقايق "
دخل دكتور اظن ان اتكلمنا عنه قبل كده "فارس عبدالله المنشاوي "
مايا اتصدمت..
مايا / فارس؟؟
فارس باستغراب / افندم؟؟ تعرفيني منين
مايا بلهفه / فاكر ريان و انه مات و انا..انا كنت لسه معاك و بقولك كابوس
فارس / اهدي اهدي انا اول مره اشوفك
مايا بعياط / انا هتجنن حد يفهمني
فارس / مايا انتي بقالك شهرين ف غيبوبه بسبب توقف فالرئه و الحمدلله حالتك اتحسنت جداً ممكن تحكيلي اي اللي حصل
مايا بصدمه / انا عاوزه ريان ده فوراً اللي انقذني
فارس / تمام اهدي و انا هجيبه هو كان لسه تحت بيتطمن عليكي هو شايل الذنب ان هو ملحقش ينقذك بس هو كمان اتأذى يعني
مايا / عاوزه اشوفه
فارس خرج جابه و جه
مايا بفرح / ريان انت اهو !!مموتش!!
حضنته مايا...
ريان تنح/ احم ..اه مموتش الحمدلله
فارس / احم احم..مايا سيبي الواد
مايا سابته ..
فارس/ تسمحيلي انشطلك ذاكرتك؟؟؟
مايا / اتفضل
فارس / انتي حلمتي ب اي؟
مايا بصدمه / مكنش حلم مكنش حلم يا فارس
فارس/ طب انا هناديلك علياء صاحبتك تقولك كل حاجه و بعديها نخشلك تاني
مايا / تمام
خرج فارس و طلب من علياء تخش ل مايا هي و رفيقه ...
مايا بعصبيه / بردو رفيقه.؟
رفيقه بحزن / انا امك
علياء / مايا اسمعينا
مايا بحزن / هسمعكوا..
__________________
*(نرجع بالزمن ...)*
بالقاهره خرجت مايا من الجامعه تفاجأت ب مامتها برا الجامعه..
مايا بدموع /انتي اي اللي جابك هنا
رفيقه/ بصي انا جبالك مخصوص خلينا نقعد نتكلم
مايا سكتت / طب تعالي نقعد ف اي كافيه قريب هنا
رفيقه خدتها و دخلوا كافيه و قعدوا..
رفيقه/مش عارفه ابدألك منين لكن حقيقي انا عارفه ان انا مهمله فيكي و مش قد المسؤوليه لكن جيت هنا اصلح غلطتي
مايا ابتسمت بسخريه/و جايه بقي تصلحيها ازاي؟؟
رفيقه/هاخدك معايا ف كل حته هروحها و هعيشك احسن عيشه هاخدك معايا اسبانيا و تتعلمي هناك و كمان جوزي الجديد شخص كويس جداً و هو اللي قالي اجيبك و هيصرف عليكي و معندوش اي مشاكل و هو كمان غني جدا و معاه فلوس
مايا/انتي قولتي انك عاوزه تصلحي غلطتك لكن انتي كده بتسوءي الوضع اكتر
رفيقه استغربت/اشمعنا
مايا/انتي مش قادره تفهمي ان انا محتاجه حب و احتواء محتاجه حد يبقا جمبي انا مش عايزه فلوس و لا سفر و مش عاوزه اي حاجه من اللي قولتي عليها انا محتاجه منك قلبك و عطفك و حنانك
رفيقه مسكت ايديها...
رفيقه/انا بحبك ي مايا مفيش حد بيكرهه بنته بحبك و لو انتي اديتيني فرصه تبقي قدامي هديكي الحنان و العطف و حب الام اللي انتي عاوزاه انتي اللي طول عمرك بتكرهي تفرحيلي و بترفضي تيجي معايا ف كل حته
مايا بنرفزه/عشان انتي بتضيعي نفسك يا امي ليه متعيشيش حياه حلوه مع بنتك
رفيقه/كل واحد بيحب يختار حياته و انا اختارت ان يكون ف حياتي رفاهيه ياريت تقدري الموقف
بعد سكوت دام دقايق...
رفيقه/انا قاعده ف مصر ١٠ ايام و هطلع على اسبانيا ارجوكي فكري كويس
رفيقه سكتت و سابت مايا مشيت و مسحت مايا دموعها و نادت لجرسون الكافيه..
مايا/لوسمحت عاوزه قهوه
...حاضر ي فندم
شخص ما على ترابيزه قدام مايا بيتكلم فالتليفون
**/قلتلك ملكيش دعوه بيا تاني انا زهقت منك حقيقي انا اتجوزت انتي مالك بقا ؟؟ايوه اتجوزت .لا اسكتي خالص انتي انسانه مقرفه
مايا انزعجت من وجود الشخص اللي معندوش دم ده و خرجت مستنيه تعدي الطريق و ماسكه الموبايل بتطلع رقم مامتها عاوزه تكلمها..
عدت الطريق بلا مبالاه
صوت زمارة عربيه فاقت عليه كان بينها و بين العربيه متر و عملت حادثه
_____________________
مايا بصدمه / و لولا ريان كان زماني مت
علياء / بعد الشر عليكي
مايا بدموع / انا عاوزه دكتور فارس حالا
رفيقه / حاضر هنناديه
خرجت رفيقه..
رفيقه / دكتور فارس مايا عاوزه تتكلم معاك
فارس دخل..
فارس/ ايوه؟
مايا / هتكلم مع دكتور فارس لوحدنا
رفيقه و علياء تقبلوا الوضه و خرجوا..
مايا / انا متعوده احكيلك كل حاجه
فارس / متعوده؟
مايا / اسفه اسمعني الاول
فارس / اتفضلي
مايا / انا كأني كنت ف كابوس كابوس كبير ملهوش نهايه كأنه كان حقيقي بالظبط انا كنت فالحياه بس بحدوته مش اكتر كأن الساحره جات سحرتني و مشيت انا هحكيلك اللي حصل معايا بالظبط .. انا وقفت بالزمن عند اما ريان انقذني هو انقذني و معنلتش حادثه انقذنب و اتكلمنا و عرض عليا فلوس و ....
* حكتله كل حاجه من الاول للاخر *
فارس بصدمه / مايا انا مش عارف افضل حالتك دي اي بس اظن ده مكنش حلم دي كانت حدوته فعلاً
مايا / مش عارفه اتبسط ان ريان عايش و لا انه عمره ما حبني اصلا بس يمكن ده بالنسبالي درس من ربنا ان مينفعش نؤمن باالحواديت لازم نؤمن بالواقع لازم ناخد بالنا من الواقع و منحلمش كتير طول عمري كان نفسي اعيش عيشة الاميرات و انانيه و مش بفكر غير ف نفسي عمري م خدت بالي من الواقع اساسا و عامله ان الواقع ده زمن هينتهي يمكن فالحدوته اللي انا حكتهالك دلوقتي سببها كلها انانيتي من الاول و طمعي فالفلوس و فالاخر لازم اقتنع بالواقع و النصيب و القدر انا شعوري هو هو تجاه ريان متغيرش انا عرفته و حبيته من حلم و حدوته كدابه دماغي عاشتها مع الاحلام اتمنى اخف و اقوم من هنا عشان ارجع اعيش حياتي
فارس / انا اسف جدا يا مايا
مايا بابتسامه بهتانه / انا اللي بتأسف
خرج فارس ....
ريان / دكتور فارس في اي؟
رفيقه / طمني عليها؟
فارس / انا عاوز اعرف حاجه واحده بس
رفيقه / اتفضل
فارس / ريان انت تقرب للاستاذه رفيقه؟
ريان باستغراب / لا طبعا عمري م شوفت مدام رفيقه
رفيقه / المهم بنتي عامله اي
فارس / حالتها النفسيه وحشه ارجو انكو تخلو بالكو منها
ريان بحزن/ حقيقي ندمان كان نفسي الحقها اكتر من كده
رفيقه / انت عملت اللي عليك
فارس / ختمت قرار بخروجها من المستشفى
_________________
عدت الايام خرجت مايا من المستشفى و قعدت ف شقتها مع علياء و رفيقه فضلت جمبب بنتها لكن جه وقت مشيها من مصر...
رفيقه / مايا انا لازم امشي ارجوكي تعالي معايا اعوضك عن كل اللي فات
مايا بلا مبالاه / خليكي فاهمه ي امي انا بالنسبالي قعادي ف مصر رحمه ليا مش هعرف اروح اسبانيا
رفيقه حسست على شعر مايا..
رفيقه / انا كفايه عندي اتطمنت عليكي و قعدت جمبك فتره مُنى عيني اني اشوفك احسن بنت فالدنيا مستنياكي تتخرجي و ياريت تيجي عندي و تشتغلي
مايا / طليقك كان اسمه اي
رفيقه / حمزه
مايا / و جوزك الجديد اسمه اي
رفيقه / منير
مايا بتنهيده / ربنا يسعدك ي امي
رفيقه بابتسامه / و يسعدك و طمنيني عليكي دايما و خلي بالك من نفسك
مايا بابتسامه / حاضر
رفيقه / يلا سلام
مشيت رفيقه و مايا بصت ل علياء
علياء / اي؟؟
مايا / انا مش مصدقه حياتي يا علياء
علياء بابتسامه / كفايه حواديت الواقع حلو عيشيه بقلبك و ايمانك بالنصيب و الخير
مايا بحزن / ليكي حق
علياء / علياء انا عمري م شوفت ف عينك الكسره ولا الدموع دي كلها تيجي ننزل نتمشا و تشمي هوا؟؟
مايا / ياريت
___________________
و هما بيتمشوا مايا وقفت فجأه..
علياء / في اي ؟؟
مايا / ده الكافيه اللي كنت اخر مره فيه المفروض صح
علياء / اه
مايا / تعالي ندخل فيه نشرب قهوه
علياء / تمام براحتك
*دخلوا الكافيه قعدوا*
علياء / مايا عاوزاكي تحكيلي اي التخريف اللي حصل و خلاكي تصحي من الغيبوبه تقولي كده
مايا / لو قلتلك مش هتصدقي انا كنت عايشه حياه حقيقيه محستش و لو لحظه بحاجه غريبه كنت عايشه ف حدوته كبيره حدوتة كدابه مش ملكي الهوس اللي عندي للحواديت المألوفه و اللي بتبقا نهايتها حلوه الواحد فالواقع محتاج يعيش صح ميعش على اساس حواديت ملهاش وجود غير فالخيالات و الحب لعنه كبيره انا عيشت الحب فالحدوته دي عشت حدوتة حب كبيره قلبي و شعوري متعلق بيها لحد دلوقتي كأنه مكنش كابوس
علياء / اشمعنا بتقولي كابوس و هو حلم جميل و بتقولي عليه حدوته
مايا / عشان مطلعتش دي حياتي و فالاخر قلبي انكسر و اصبح بالنسبالي كابوس و مش هقدر اشرح اكتر من كده
علياء / طب انا هروح اشوف طلبنا اتأخر ليه و انتي اشربي بؤ مليه يهديكي
و قامت علياء و ريان قعد قدام مايا بسرعه عالترابيزه كأنه كان مراقبهم
مايا اتخضت / ريان؟
ريان / مايا انا عاوز اقولك حاجه
مايا / اي؟؟
ريان بإستغراب/ في حلم غريب حلمت بيه نفس الحلم اللي انتي وصفتيه اول م صحيتي و كأنه كان حقيقي و صحيت منه نفس الشعور تجاهك المشكله ان انا مت على ايد مامتك رفيقه فالحلم و كانت مراتي و حاجات غريبه ملهاش وجود اساسا
مايا بضحك / نفس حلمي الغريب
ريان / طب ليه منديش فرصه لبعض
مايا / ازاي؟
ريان / نتعرف اكتر
مايا بإبتسامه / تمام
____________________
نهاية الفصل ...
