رواية لا مفر امامي سوي عشقك الفصل السابع عشر 17 بقلم مريم نور

الفصل السابع عشر :

كان اسر ينتظرها بملل لما كل هذا التاخير انه مجرد عشاء ظل يعبث بهاتفه لفتره حتي اتآه عطرها النفاذ ليبتسم بخفه ويرفع عينه لها ليجدها تنزل الدرج بفستانها الاسود القصير ليبرز جمال بشرتها البيضاء كانت تسلب العقل اقترب منها وقبل كفها وهو يهمس: مستحيل يكون الملاك ده من العيله دي

ابتسمت بسعاده من تعليقه وهي تقول : بجد حلوه

: طبعا حلوه انتي عندك شك ان اخت آسر الصياد مش قمر

ضحكت ع تعليقه وهمست : مغرور

: حقي

: والله البنات الي عندك ف الشركه دول نفخوك عليا المهم هتخرجني فين ؟!

:امممم خليها مفآجآه

: لا عاوزه اعرف

: انا مش فاهم انتي جايبه الفضول ده ازاي !؟

لتجيبه بسخريه: من عند بتاع الشاي .. اخلص قول بقي

: مش هقولك برضوا ويلا بلاش زن

: رخم

تحركوا للخارج ليفتح لها باب السيارده لتركب ومن ثم يركب هو ايضا خلف المقود وينطلقوا لوجهتهم

وبعد وقت ليس بقصير وصلوا ليقول: جاهزه للمفآجاه

اومآت له لحماس لينزل ويفتح لها باب السياره ويخبئ عيناها بيديه وهو يهمس : يلاااا

: مش شايفه هقع

: متخافيش مش هسيبك توقعي

كانت تسير معه حتي ازال يديه لتفتح عيناها لتجد نفسها داخل سفينه بالنيل صرخت بحماس : واو وااااو هنقعد هنا

كانت سعيده بحق وهي تشاهد الالعاب الناريه والنجوم السفينه تتحرك بهم وسط هذا المظهر الخلاب كان يراقب سعادتها بفرحه تنهد باستمتاع وهي يراقبها تتمايل بحرافيه ع الموسيقي لتمد له يداها وعيناها تنظر له بتحدي هي تعرف انه لا يحب الرقص بالرغم من اتقانه له وبشده ابتسم من تحدي عيناها ليجذبها له بشده لتلتصق به وتبتسم ويبدوا التمايل ع الموسيقي بحرافيه حتي انتهت الاغنيه لتضحك بتعب ليهمس بجانب اذنيها: الي يشوفك وانتي بترقصي ميشوفكيش دلوقتي ونفسك مقطوع

ضحت بتقطع من صعوبه تنفسها : ع فكره مش مقطوع ولا حاجه انا زي القرده اهو

: طيب يا قرده يلا نقعد

اسندها حتي جلست وهي تراقب تحركه الخفيف ليجلب لها الطعام وبعض العصير ويقول : مش هناكل بقي !

: لا يلا ناكل انا اصلا واقعه من الجوع

شرعوا ف تناول الطعام ليقطعه رنين هاتفه ليجد رساله من ابيه ( لو منفذتش اتفقنا متلومش غير نفسك )

ابتلع ريقه وتنهد بمراره وهو يقول بتقرير كآنه يخبرها احوال الطقس : اماندا انا خطوبتي الاسبوع الجاي

شعرت للحظه انه يتحدث بلغه اخري هي لا تستطيع فهمه ابتسمت ببلاهه لتقول : مش فاهمه

ليكمل بلا مبالاه وهو يكمل اطعامه : مش فاهمه ايه بحب واحده وهتجوزها

صرخت من بروده وهي تلقي بالطعام ارضا وتمسك ياقه قميصه بصدمه : وانا ..انااااا

: انتي اختي

: اختك ؟!!!!!!!!!!!!

********************

كانت تجلس بالحديقه تفكر بجاسمين بحزن تخاف حقا خسارتها كانت تحاول ان تطمئن نفسها بحديث حسام لكن دون جدوه تشعر بها تريد فقط اخذها والهرب قررت محادثتها لتتصل بها ليآتيها صوتها المتعب : نونا واااحشتيني

: انتي كمان واحشتيني هجيلك بكره هنبات عند جده حسام بس وبكره من النجمه هجيلك

: هستناكي اصلا ورانا حاجاااات كتيييير نعملها كتب الكتاب خلاص بعد يومين

: انتي وافقتي؟!

: ما انتي عارفه ان انا اصلا موافقه

: مش قصدي هو جالك البيت يعني خلاص واتقدم باباكي ومامتك عملوا ايه

حاولت السيطره ع دموعها وهي تتذكر حديثه الاذع لتبتلع ريقها بمراره : جالي اها كلهم موافقين ومبسوطين جدا هو لسه ماشي ملهوش ساعتين

: انتي ليه زعلانه

: لا ياروحي مش زعلانه

: متكدبيش عليا

هنا انفجرت جاسمين باكيه لتخبرها كل ما حدث بمراره كيف رفضها باهانه

لتقول نسمه : وانتي طبعا زي الهبله صدقتي

شهقت تحاول التوقف عن البكاء : مش فاهمه

: عشان هبله مهو طبيعي بعد طلبك ده هو مش هيتحايل عليكي ياجاسمين

: انا مقولتش كده بس كان ممكن يوافق من غير ما يهني

: بصي انا معرفهوش بس شكله شايف نفسه وان جينا للحق حقه الواد قمر برضوا مفيش كلام هو اها رخم وانا مش بطيقه بس هو قمر وبمركزه وتقله ده البنات بترمي نفسها عليه فلما تيجي تقوليله كده هيردهالك بس تبقي هبله لو اتضايقتي بالعكس ده معناه انك عرفتي تضايقيه استمري مش هو قالك مش عاوزك حلو افضلي بقي البسي واشيكي كده وابقي قمر ونشوف بعدها

ضحكت جاسمين بصدمه : ياقرده انتي من امتي كده

لتحيبها بغرور : قولتلك اتفرجي ع مسلسلات مرضتيش اديكي مش نافعه اهو مش عارفه من غيري كنتي هتعملي ايه

: عندك حق انا اموت من غيرك

: بعد الشر ياروحي بس متزعليش والنبي قوليلي صح هو جاي تاني امتي

: بكره ع الضهر كده

: تمام استعدنا ع الشقه بالله انا ههينهولك

ضحكت جاسمين لتسآلها بحماس : هتعملي ايه؟!!!

: لا خليها مفآجاه المهم روحي دلوقتي خدي دوش امسحي دموعك واعملي مسك كده ونامي وانا هتصرف

: تمام باي ياقرده

: باي

//////////////////////////////////////

استيقظت كنده بملل لا تريد الذهاب للعمل تريد النوم لكن لا مجال من الهرب فوليد سينتظرها : اووووف

تحركت بملل للاستحمام ومن ثم ارتدت بنطلون جينز ازرق وبلوزه بيضاء بدون اكمام ولمت شعرها ف كحكه فوضويه تركت بعض الخصلات ع وجهها لتضع القليل من احمر الشفاه هبطت الي الاسفل لتصنع لنفسها بعض الطعام لتآكل بنهم حتي اوقفها اتصاله لتخرج بسرعه لتزلق قدميها وتقع ارضا لتتآوه بآلم وتنهض لتخرج اليه بسرعه حتي وصلت لسيارته وبينما تركب خبطت راسها بسقف السياره لتصرخ بآلم : غبيه يوم اصلا زي الزفت وانا عاوزه اتنيل انام هو احنا هنخلص زفت الشغل ده امتي

كان يراقب صراخها بدهشه فهي هادئه جدا بالعاده ماذا حدث ليعكر مزاجها لهذه الدرجه قال بهدوء : ف ايه مالك

نظرت له بغضب : عاوزه انام

حاول اخفاء بسمته فشكلها مضحك ليقول بتسليه : لا مش هينفع عندنا شغل كتيييير الفتره دي

رمت جسدها للخلف ع المقعد لتغمض عينانا بنعاس ظلت نائمه طوال الطريق لم يزعجها تركها لترتاح قليلا ظل يعمل ع الحاسوب الخاص به حتي وصلوا ليهمس لها : كنده كنده

تململت ف جلستها لتقول بنعاس : امممم

:قومي وصلنا

: حاضر

خرج ليفتح لها باب السياره لتتحرك بترنح خلفه حتي وصلوا الي موقع التصوير الخاص بالمودلات الجديده لهم
كان يتابع التصاميم ع العارضات بهدوء بينما كانت كنده تساعدهم ف موقع التصوير كان يراقب غضبها ونظراتها الناريه التي تحدق بها الجميع بتسليه ليقطع حبل افكاره صوت رين التي هتفت اسمه بسعاده والقت نفسها بحضنه بادلها العناق بمجامله ليجد كنده فجاه تقف امامه وغضبها يتصاعد وتقول بحنق : قول للزفته تخلص من السهوكه ورانا شغل

رددها بدهشه : زفته !!!

: وليد انا مش طايقه نفسي خلينا نخلص قولها

: مش شايفه انك بتعلي صوتك !!

: لا مش بعلي هتقولها ولا اققولها انا

: ع اساس مش بتقوليلي غير مستر وليد وانا المدير وصوتك مش بيطلع ايه الي حصل !!

: لا والله انا اعمل الي انا عاوزاه ولا هو حلو للست هانم ووحش ليا

: وهي عملت ايه !

: مش عارف عملت ايه !!

ظلت تقلد رين بمياعه تقلد حركاتها وصوتها : Aww Walid

لتقول رين بصدمه : Tu te moques de moi?!

( هل تسخر مني؟!)

: Non chérie, elle est fatiguée, allez-vous préparer pour le tournage

(لا عزيزتي هي متعبه فقط ‘ اذهبي لتحضير نفسك للتصوير )

: D'accord
(حسنا)

طبعت قبله ع جبينه ورحلت كانت كنده تراقب حديثه معها باشتعال ليآتيها صوته الحازم : هتبقي مساعده رين النهارده وتنفذيلها كل طلباتها
شعرت بالخذلان من امرم لتتركه بغضب وترحل مع هذه الحقيره ...

كان اليوم ممل وهذه الرين تضايقها طوال الوقت شعرت بالاعياء حقا ابتعدت عن الجميع بهدوء لتجلس باحدي الخيم المعده لهم للراحه لم تشعر بنفسها لتغرق بالنوم قلق من اختفائها ظل يبحث عنها حتي وجدها تنام بهدوء ابتسم من مظهرها العفوي وقد كان شعرها مشعث وملابسها غير مرتبه اقترب منها يحتضن جسدها بهدوء ليآخذها للمنزل وضعها بالسياره وركب بجوارها ليؤمر السائق بالتحرك وهو يحتضن جسدها ...

استيقظت منذ دخوله عليها الخيمه شعرت برائحته تتسلل اليها لكن احتضانه لها جعلها تستسلم للنوم مره اخري

بعد وقت لم تعرف مدته وهي مستمتعه برائحته التي دائما تبدوا مميزه ومآلوفه بالنسبه لها حملها مجددا لتسمع صوت خالتها : مالها؟!

: مفيش نامت ممكن اطلعها اوضتها

: اها يا حبيبي اتفضل طبعا

لتوجهه حديثها للخادمه : روحي معاه وريه اوضتها

ليصعد بها بخفه حتي وصل لغرفتها وضعها بفراشها وهو يتركها وجد سلسالها تعلق بزرار قميصه ليهبط امام وجهها ابتلع ريقه وهو يتنفس زفيرها بقلب مرتجف حتي استطاع فك سلسلتها والهرب من قربها ومشاعره .....

****************

يتبع ........

هنزل حلقه تاني كمان ساعتين