رواية حوا وتمضي الايام الفصل السادس عشر 16 بقلم علا احمد
الفصل السادس عشر....
١٦
١٦ من حوا وتمضي الايام
بسم الله الرحمن الرحيم
....................................................
بعد كتب الكتاب
وقف نبيل و وجه كلامه لسند : هات مراتك وتعاله ورايا
نزل نبيل وقعد في العربيه مستنيهم وهو مش عارف هو كدا اتصرف صح ولا غلط بس كان هيعمل ايه هو شايف اخوه بيحبها وشايف البنت حالتها صعبه جدا وعايشه مع راجل ابعد ما يكون عن الانسانيه بس في نفس الوقت خايف يكون حط على اخوه مسؤوليه هو دلوقتي مش قدها والبنت دي مش مناسبه ليه وسط كل الزحمه والتفكير اللي هو فيه جات فيونكه على باله كلامها بيطمن أوي حاسس ان هو عايز يسمعها
مسك نبيل الفون بدون تفكير وطلب الرقم بتاعها
فيونكه بعد فترة قصيرة: السلام عليكم
نبيل : وعليكم السلام
نبيل فضل ساكت ومش عارف يقول ايه احنا ساعات بنكون مش قادرين نتكلم بس عايزين نسمع اللي قدامنا عايزين نطمن مش اكثر
فيونكه : انت فيك حاجه ؟
نبيل : كتير كتير أوي
فيونكه بمرح : طب قول يا عم أنا فاضيه
نبيل بابتسامه : محتار في حاجه كده خايف اكون اخذت القرار الغلط
فيونكه : انت عارف أنه غلط
نبيل : لا بس خايف
فيونكه : خلاص ثق باقدار الله عليك الحياه ما بتجيش على مزاج حد الحمد لله على كل حاجه وقول لي قلبك عسي ان تكرهوا شيئا وهو خير لكم وعسي أن تحبوا شيئاً وهو شر لكم والله يعلم وانتم لا تعلمون فخلي عندك حسن ظن بالله ان اختيار ربنا لك هو الاحسن والافضل
نبيل بارتياح : هو انتي ازاي قادره تشوفي كل حاجه حلوه و كويسه وتمام ودائما شايفه بكره احسن من النهارده
.
فيونكه بهدوء : عشان دايما مسلمه امري لله وعشان دايما بادعي وبقول يا مقلب القلوب والابصار ثبت قلوبنا على دينك
نبيل : مش محتاجه انك تدعي ربنا مثبت قلبك اصلا
فيونكه بابتسامه : مش الكلام اللي عندي ولا التفاؤل ولا حتى معلومات الدين اللي في دماغي هي اللي حافظه ديني ربنا هو اللي حافظ ديني هقولك مثال كان في عالم اسمه عبد الله القصيمي كان مؤلف كتاب بيدافع بي عن الاسلام اسمه الصراع بين الإسلام و الوثنية
بعد سنتين من كتابته الكتاب مسك نفس القلم وكتب كتاب يهاجم فيه الاسلام اسمه هذي هي الاغلال يعني بقى دين ربنا أغلال دلوقتي شوف تقلب وضعه ازاي ربنا محفظش دينه فاللهم احفظ ديننا يارب
فهمت بقا
نبيل بحب : هو انتي حد قالك قبل كده انك جميله أوي
فيونكه بكسوف ومرح : احم احم يلا يا سيدي اي خدمه تعال كل يوم بقى
انا هاقفل بقى عشان ورايا مذاكره
نبيل بضحك : ماشي
فيونكه : السلام عليكم
نبيل : وعليكم السلام ورحمه الله وبركاته
قفل نبيل مع فيونكه وكل الحاجات اللي كانت جوا اتبدلت 180 درجه
بعد شويه نزل سند ومنه وركبوا معاه
نبيل فضل يلف بالعربيه شويه وبعدين وقف قدام عماره في حي غير بتاعهم بس منطقه حلو وهاديه
نبيل : يلا
سند : علي فين
نبيل : الدور الثاني في شقه بتاعتي هي مفروشه نصف فرش بس تقضي الحال كويسه خذ مراتك واطلعوا فيهاو بكره تعال عشان نشوف هنعمل ايه مع ابوك
سند : نبيل طيب انزل عايزك في حاجه لو سمحت
نزل نبيل وسند من العربيه ومنه فضلت جواها
سند : انا مش هطلع في الشقه دي
نبيل : ليه يا ابني امال هتروح فين
سند : هتصرف كفايه عليك قوي لحد كده انا مش هقبل ان انت تشيل كل حاجه
نبيل : تصدق ان انت عايز تضرب بجد أنت عبيط يا ياض انا اخوك الكبير وده واجب عليا اني اقف جنبك لاخر يوم في عمري
سند : ايوه بس انت تعبت في كل حاجه حرام علىا اجي اخذ كل حاجه كده على الجهاز
نبيل : طيب يا سيدي هاعمل معك اتفاق حلو انا عايزك تشتغل معايا في المعرض بتاعي و هخصم منك جزء بسيط ثمن ايجار الشقه دي والباقي تصرف منه انت ومراتك لحد ما تتخرج انت كده هتكون بتشتغل وبتدفع من مرتبك يعني انا ما ليش جميل عليك في حاجه و اذا كان علي المهر ف دا هديه فرحك
سند : ربنا يخليك ليا يارب انت احسن اخ في الدنيا
احتضنه نبيل : عايزك تكون قد المسؤلية وترفع راسي
سند : أن شاء الله
&&&&&&&&&&&&&&&&&
معتز جاب رقم علي و اتصل عليه عشان يبلغوا بقرار أيار
معتز : الوا استاذ علي معايا
علي : أيوه انا اتفضل
معتز : انا معتز حسين جوز مدام مريم صاحبة الدكتورة أيار
علي بلهفه : اه أهلا وسهلا حضرتك عايز تبلغني حاجه
معتز : اه بخصوص الموضوع اللي كلمت فيه الدكتوره هي طالبه من حضرتك تحدد ميعاد مناسب ليك وتبلعني به عشان ابلغها
علي بفرحه : ممكن نقول بعد بكره بعد المغرب ان شاء الله
معتز : تمام يا استاذ انا هبلغ الدكتوره وهرد على حضرتك
علي : تمام فرصه سعيده
معتز : انا اسعد انا من اشد معجبينك على فكره
علي بابتسامه : تسلم يا استاذ
وانتهت المكالمه وعلى قلبه يتراقص من الفرحه وظل ينتظر رد معتز عليه بفارغ الصبر
&&&&&&&&&&&&&&&&&&&
كانت هنا تجلس في غرفتها لمراجعه الماده فغدا اول يوم في امتحانات نصف السنه
رن تليفونها برقم غريب
هنا ما ردتش في المره الاولى لانها مش عارفه الرقم بس الرقم رن ثاني
هنا فتحت الخط من غير ما تقول الو عشان تسمع صوت المتصل الاول حتى اتاها صوت احمد
هنا : احمد
احمد : ايه يا دكتوره مش بتردي عليا
ليه
هنا : ثانيه واحده انت جبت رقمي منين
احمد : من منال أي مش من حقي ؟
هنا : لا مش من حقك احنا لسه مش مخطوبين
احمد : اومال مين اللي قراء الفاتحه مع ابوكي المره اللي فاتت
هنا : اديك قلت اهو قراءه فاتحه مش خطوبه وحتى لو خطوبه هيكون في ضوابط
احمد : ضوابط اممممم و اي هي بقا الضوابط الشرعية
هنا : هاقولك بس لما نتخطب عشان انا دلوقتي مش هينفع اتكلم معاك يا احمد
احمد بتزمر : ايوه بس لسه باقي شهر على الخطوبه
هنا : ولو مش هينفع
احمد : ماشي يا هنا براحتك
هنا : احمد مش عايزك تكون زعلان مني انا والله مش عايزه اعمل حاجه غلط او حرام انا عايزه مصلحتك الحلال اجمل والخطوبه مش هي الحب الحلال المنتظر بكره تعرف كلامي
احمد بابتسامه: كل شويه بتاكد انك احسن خطوه حياتي
هنا بخجل : انا عندي امتحان الصبح ادعيلي وانت بتصلي
احمد : ربنا يوفقك ويكرمك اكثر ما بتتمني و اشوفك اكبر دكتوره في الدنيا انا هافضل معاكي وفي ظهرك لحد ما تحققي حلمك
هنا في نفسها انت اكبر حلم كنت بتمناه
انت عوض ربنا ليا استجاب ربنا استجاب
&&&&&&&&&&&&&&&&&&
الوضع كان مختلف عند تقى تمام هي ما كانتش بتراجع الماده هي كانت بتذاكر من اول وجديد هي مش فاهمه اي حرف عن المنهج ومش عارفه تعمل ايه امتحان بكره في نفس الوقت حاسه ان نفسها مسدوده عن الدنيا كلها بعد نادر عنها ومعاملته اللي تغيرت واللي هي مش عارفه السبب ايه هيجننها
&&&&&&&&&&&&&&&&&&&
فيونكه كمان عندها امتحان بكره بس ماده صعبه وتقيله
فيونكه قاعده وفاتحه الكتاب قدامها مش فاهمه اي كلمه
نبيل : مالك قاعده كده ليه ؟
فيونكه : عندي امتحان بكره و ماده صعبه ومش فاهمه فيها حاجه
نبيل : انت كليه ايه
فيونكه بغيظ : في واحد مش عارف مراته في كليه ايه عموما يا سيدي انا في كليه اداب
نبيل بستفزاز : بس اداب سهله مش محتاجه المناحه اللي انتي عاملاها دي
فيونكه : طبعا ما انت مش عارف حاجه تلاقيك معاك اعداديه
نبيل : انا معايا اعداديه انا خريج تجاره انجلش يا ماما ثم قال انا كنت ناوي اساعدك في الماده بس بعد طولة لسانك غيرت رايي
فيونكه بسرعه : لأ لأ انا اسفه ما كانش قصدي طب تعرف انا من اول مره شفتك فيها وانا باقول عليك اجنبي
نبيل بضحك : والله دلوقتي اجنبي ماشي انا هاساعدك بس عشان انا احسن منك
فيونكه بمرح : تسلم يا ذوقوق
نبيل وهو يجلس امامها ويمسك الكتاب الخاص بالماده : تمام ركزي معايا عشان انا مش بحب اعيد كلامي مرتين
فيونكه : حاضر يا مستر
نبيل : وبعدين بقا
فيونكه وهي تضحك بشدة : اصلك والله شبه مدرس كان عندي في ثانوي كان دائما عصبي وشرحه وحش
نبيل : خلاص خلاص انا غلطان
فيونكه : خلاص انا اسفه والله مش هاتكلم ثاني
نبيل : بصي الماده دي عباره عن .......
شرح نبيل الماده بسهوله وفيونكه كانت مركزه مع كل حرف بيقولوا وبعد مرور ساعتين
نبيل بتعب : بس كده فهمتي
فيونكه : اه فهمت شرحك حلوه قوي
نبيل وهو يقلد طريقتها امس : اي خدمه أبقي تعالي كل يوم
فيونكه بضحك : ماشي يا عم الله يسامحك
فيونكه حاسه ان نبيل اتغير و تغير ملحوظ حتى كلامه بقى لين سهل بيضحك بيتكلم مش دا ابن عمها المعقد ابدا وتغييره دا دافع ليها عشان تكمل معاه للنهايه
