رواية بداخلي حياة اخري الفصل الثالث عشر 13 بقلم ولاء بدر
☆الفصل الثالث عشر☆
طارق:روان تتجوزيني
تلجمت روان و أصبح لسانها لا يستطيع التكلم من أثر الصدمات المتتاليه
طارق بعصبيه:روان انتي بتحبيني ولا لا
روان و هي تنظر لاسفل:يا طارق انت فاجئتني و انا
طارق:بتحبيني و عوزاني ولا لا
روان بخجل و بصوت منخفض و هي تنظر اسفلها:ايوه
طارق بابتسامه و سعاده كبيره:قولتي ايه مش سامع
روان بصوت أعلى قليلا ومازالت تنظر لاسفل:بحبك
كان طارق سوف يطير من سعادته ولكنه يريد أن يكسر الخجل هذا بينهم
طارق:ما تبصيلي كدا و تقوليلي بتقولي ايه
لتنظر روان له بوجه خجول:ما خلاص يا طارق والله هنزل
طارق بنظره عشق:بحبك
لتبادله نفس النظرات بخجل:وانا كمان
طارق:طب كفايه بقا علشان ممكن اعمل حاجات متعجبكيش
لتضحك روان بخفه:انت قليل الادب
طارق بخبث:فهمتيني غلط كنت هبوس ايدك بس
لتفتح روان الباب لتنزل من سيارته و لكنه سحبها من يديهاو أغلق الباب
طارق:خلاص خلاص سكت..طب بصي بقا انا هروح انهارده هفاتح أسر و ماما و هاجي اتقدملك
روان بصدمه:بسرعه كدا
طارق:اة مش عايز حد يبصلك عايزك ملكي انا لوحدي
روان:بس يا طارق انا لسه في سنه رابعه و قدامي سنه كمان
طارق:ميهمنيش كل دا انا عايزك يا روان و هستناكي انتي مش عايزاني
روان بسرعه:لا لا مقولتش كدا
طارق بابتسامه و هو يغمز لها: اومال بتتقلي عليا ليه بقا
روان:انا بس لازم افهمك اني لسه قدامي وقت
طارق:لو عليا عايزك تبقي مراتي انهارده قبل بكره و لو مش دلوقتي مش هتفرق طلاما انتي معايا
روان بكسوف:خلاص بقا
طارق:لا كفايه كسوف بقا انا كدا هموت
☆☆☆☆☆☆☆☆☆☆☆☆☆☆☆☆☆☆☆☆☆☆
في مكان آخر بعيد
المتصل2:طمني ايه الاخبار
المتصل3:كله تمام روحتلها و شافتني
المتصل2:حلو اوي كدا يا رامي انا كدا قلبتلها دماغها
رامي:بس انا كدا شكلي هزعل اوي اوي و انا زعلى وحش
المتصل2:ليه بس انا وعدتك هتبقى بتاعتك
رامي: يوم ما روحتلها كانت واقفه مع الي اسمه أسر دا صاحب شركات الكيلاني اكيد تعرفه
المتصل2:سيبك منه احنا عايزنها هي
رامي:ما لو طلعت تبعه هيقفلنا كدا و شكله مش سهل
المتصل2 باستفزاز:انت خايف منه ولا ايه
رامي:ولا من ١٠ زايه انت ناسي انا ابقا مين ولا ايه
المتصل2:احنا مش قليلين و هو مش هيقدر يعملنا حاجة و اضرب صباعي كدا بس يكون ميت
رامي:الله يرحم..عمتا لما نشوف
ليغلق رامي مع المتصل2
المتصل2 لنفسه:جيه وقتي دلوقتي اللي كان زمان ضعيف محدش يقدر يقف قدامه خلاص
☆☆☆☆☆☆☆☆☆☆☆☆☆☆☆☆☆☆☆☆☆☆
عادت روان لمنزلها و صعدت بسرعه الي غرفه مي
لتدخل بدون استأذان
لتجد مي ما زالت نائمة
لتجلس على الفراش و توقظها بسعاده
روان:يا كسوله قومي قومي بقا بسرعه
لتفذع مي و تنهض سريعا:في ايه في حاجة حصلت انتي كويسه
روان:بس بس في ايه اهدي
لتأخذ مي نفسها بهدوء و ترجع رائسها للخلف لتستند على ظهر فراشها
مي:فزعتي امي في ايه
روان بسعاده شديده:طارق قالي بحبك
مي بصدمه:بتتكلمي جد
روان و هي تحرك رائسها بالاجاب:والله
مي بإبتسامه:و انتي
روان:بحبه اوي يا مي
لتفتح مي يديها لشقيقتها الصغيره
لترتمي روان بين أحضانها بسرعه
مي و هي تحتضنها بحب:يا خرابي يا روان بقيتي بتحبي و كدا
روان:قالي هيفاتح أسر و طنط سميره انهارده و بعد كدا يكلم خالوا و يجي يتقدم
لتعتدل مي و تخرجها من بين أحضانها و تجلس أمامها:و انتي مستعده للخطوه دي
روان:بصراحه يا مي خايفه بس انا معاه بقالي مده قصيره بس معاه بحس بالأمان بحس ان هو دا اللي عايزه يفضل جنبي ديما مش عايزة يبعد عني عايزه يكون ليا فاهمني
مي بابتسامه حب:طارق جدع و بيحبك و الحب ملوش معاد ولا وقت..الحب عمره مكان بالوقت ولا بالسنين ولا بالشهور
روان:انتي موافقه يا مي..انا بثق في رائيك و لو قولتي لا هرفض انتي مستحيل توفقي على حاجة هتاذيني انا واثقه فيكي حتى لو بحبه هرفض
مي:بس يا مجنونه مش بتحبيه و حاسه معاه بالأمان دا اهم حاجة و هو بيحبك جدا و طارق كويس و جدع و عمره ما هياذيكي
لتحتضن روان مي بقوه:ربنا يخليكي ليا يا ميمو انتي سنادي في الدنيا دي
مي بحنان:خلاص بقا ما طارق جيه
روان بدموع: لا عمره ما هياخد مكانك عندي اوعي تقولي كدا يا مي
مي و هي تمسح دموعها و بمرح:بس يا هبله و انا هخليه ياخد مكاني ولا ايه دا انا امواته و بعدين ايه الأوفر اللي احنا فيه دا حسستيني انك هتتجوزي بكره قومي يا بت
لتعتدل روان:تفتكري ماما هتوافق
مي:دي مهتصدق دي لو عليها تجاوزنا انهارده قبل بكره و بعدين هي بتحب طارق و طنط سميره و هتوافق علطول و خالو مش هيرفض لأنه عارفهم كويس متقلقيش...يلا قومي بقا عايزة اخد دوش و انزل نقعد سوا كلنا يلا
لتخرج روان من غرفه مي
لتجد مي اتصال من طارق
مي:الو
طارق:اخت مراتي
مي بضحك:أهلا يا عريس
طارق:هي قالتلك خلاص
مي:اومال
طارق:انا مقدرتش متصلش بيكي و احكيلك بصراحه
مي:جدع يلا
طارق:يا بنتي انا أكبر منك والله
مي:اوكيه مفيش جواز
طارق:او اصغر يعني براحتك
لتضحك مي بقوه:طيب يا خويا...اول ما تتكلم مع طنط و خلاص تمام تكلم خالو الاول و بعد كدا اكرم تمام
طارق:تمام هكلمهم و هكلمك نظبط الدنيا سوا يلا سلاموز
مي:سلام
لتجد مي أسر يهاتفها لتتركه و تذهب لاستحمام
☆☆☆☆☆☆☆☆☆☆☆☆☆☆☆☆☆☆☆☆☆☆
وصل طارق لمنزله و دخل وجد أسر و والدته في الطابق العلوي يتحدثون
طارق:يا مساء الجمال يا مساء الفل على احلى ناس في الدنيا
أسر:ادخل في الموضوع علطول عايز ايه
ليذهب و يجلس بجانب سميره و أمامه أسر
طارق:بصوا بقا انا عايز اخطب روان
لتنظر له سميره بجديه:انت بتتكلم جد
طارق:جد الجد والله يا ماما انا بحبها و اعترفتلها و هي موافقه وانا عايزها
سميره بسعاده شديده و هي تحتضنه:ابني كبر و هيخطب يا ناس اختارت صح يا واد انا بحبهم اوي و هما ناس ولاد أصول و مفيش زيهم
طارق:ايه يا أسر مش هتقول حاجة
اسر:مصدوم بصراحه بقا انت يا بتاع البنات يا صايع عايز تتجوز
طارق:ربنا هداني يا عم خلاص بقا
أسر بإبتسامه حب:مبروك يا طارق روان محترمه و جميله ربنا يسعدكوا انا هكلم عمي منصور و هحدد معاه معاد و بعد كدا هكلم اكرم
سميره:و انا هكلم ثرايا
اسر:بعد ما اكلم عمي كلمي طنط
طارق:طب يلا اتصل
اسر:دلوقتي
طارق:ايوه يا عم دلوقتي علشان نحدد يوم
اسر:يبني الصبر
طارق:هتتصل ولا اتصل انا
اسر:طيب طيب
ليمسك هاتفه و يتصل على منصور
منصور:الو
اسر:الو..إزيك يا عمي
منصور:الحمدلله ايه اخبارك يا اسر
اسر:الحمدلله
منصور:خير يبني
اسر:كل خير يا عمي بصراحه كنت عايز افتحك في موضوع كدا
منصور:قول يبني
اسر: احنا يا عمي عايزين ناخد منك معاد علشان طارق يتقدم لروان
منصور بتفاجئ:طارق عايز يتقدم لروان
اسر:دا طبعا بعد اذن حضرتك و دا يكون شرف لينا
منصور:خلاص ممكن الخميس اللي جاي
اسر:تمام ان شاء الله معادنا يوم الخميس
منصور:ان شاء الله و انا هكلم ثرايا و اقولهم
اسر:اة طبعا و والدتي هتكلمها بس قولنا ناخد المعاد من حضرتك طبعا الاول
منصور:ابن أصول يا أسر يبني على خير ان شاء الله..مع السلامه
اسر:مع السلامه
ليغلق أسر الخط
اسر:مبروك مقدما يا عريس
سميره و الدموع في عيونها:انا مش مصدقه
ليحتضنها طارق:لا صدقي و امسحي الدموع دي و كلمي طنط يلا
سميره و هي تضرب رائسه:انت واد معندكش دم والله استنى نص ساعه يكون عمك منصور كلمها و قالها الاول
ليقف طارق طيب انا هروح اغير هدومي و اعمل مكلمه
سميره بغمزه:العروسه
طارق بمرح و هو يدعي الخجل:بس بقا الله
ليذهب من أمامها وسط ضحك سميره و ابتسامه أسر
سميره بحنان:عقبالك يا حبيبي
أسر بضحكه جانبيه و وجه يعتليه الحزن:مش باين
سميره:لسه معنده معاك
اسر:انا واثق انها بتحبني بس هي رفضاني و عايزة تبعدي عني ليه دا اللي هيجنني مي حكايه و مش عارف أوصلها
سميره:طلاما بتحبها و عارف انها بتحبك أفضل عافر قصدها لغايت ما تبقا ليك
اسر:اكيد انا مش هقدر ابعد عنها
سميره:ربنا يريح قلبك يا حبيبي
☆☆☆☆☆☆☆☆☆☆☆☆☆☆☆☆☆☆☆☆☆☆
في غرفه طارق قام بالاتصال على روان
روان برقه:الو يا طارق
طارق بحب:قلب طارق
روان:....
طارق:ايه دا سكتي ليه مش هتقوليلي قلب روان و كدا
روان:لا و اتلم بقا
طارق:طب دا انا متصل علشان اقول ان احنا حددنا معاد مع عمي
روان بإبتسامه و سعاده ظاهره في بنبره صوتها:ايوه عارفه خالوا كلم ماما و ماما قلبت دماغي
طارق:أسبوع يا جميل و تكوني بتاعتي
روان بحب:ايوه
طارق بنبره جذابه و صوت هادئ:بحبك يا روني
روان بصوت خجول:وانا كمان
طارق:قوليلها بقا قوليلها
روان بخجل:بحبك ثم تغلق الهاتف في وجه بسرعه
طارق بابتسامه:قالتها و هربت النادله هتروحي مني فين بس
ليخرج لأسر و سميره مره آخرى
☆☆☆☆☆☆☆☆☆☆☆☆☆☆☆☆☆☆☆☆☆☆
*في منزل مي*
في الصالون تنزل مي و روان ليجلسوا مع والدتهم
ثرايا بإبتسامه :تعالي يا عروسه تعالي
روان: بس بقا يا ماما بتكسف
مي بمرح:لا والله دلوقتي مكسوفه
ثرايا:عقبالك يا ميمو
مي:لا انا كدا زي الفل جواز ايه هو انا هبله
روان:يعني انا هبله
مي:انتي طول عمرك هبله يا روحي
روان:بصي يا ماما بتقول ايه
ثرايا: بس يا بت انتي ربنا يبعتلك ابن الحلال قريب
مي:بتدعي عليا ليه دلوقتي ما انا قاعده ساكته
ثرايا بجديه:يعني ايه يعني مش عايزة تتجوزي
مي:ممكن ناجل الكلام دا لما يبقا يجيلي عريس نبقا نتكلم وخلينا في عروستنا الحلوه دي
ثرايا:ما انتي العرسان تحت رجلك و انتي اللي بترفضي
مي:خلاص يا ماما مش وقته احنا عندنا عروسه ممكن نفرح شويه بقا
ثرايا:ماشي يا مي بس كلمنا مخلصش
روان:اسماء بعتتلي و هيجوا يقعدوا معانا علشان اكرم رايح مائموريه
مي: واحشتني الكلبه الصغيره
ثرايا:طيب يلا يلا قوموا نجهز الاكل عقبال ما يجوا
☆☆☆☆☆☆☆☆☆☆☆☆☆☆☆☆☆☆☆☆☆☆
توقفت مي عن الذهاب للعمل و أسر يحاول الوصول لها و هي تقفل جميع الطرق و مازن كان على اتصال دائم بها و أخبرته أنها مريضه لا تستطيع أن تأتي للعمل
كان أسر يومه بدون مي ممل متعب يشعر بالغضب لأتفه الأسباب
في يوم جاء مازن الي بيت مي و هاتفها ليخبرها انه خارج منزلها..لتخرج مي لرؤيته
مي:مازن بتعمل ايه هنا
مازن:بقالي كتير مشوفكيش حبيت اجي اطمن عليكي و اشوفك
مي:مكنش ليه لزوم التعب دا كله
مازن بحب:متقوليش كدا متعرفيش الشركه وحشه ازاي من غيرك
مي:شكرا يا مازن بجد ..بس انا احتمال كبير اسيب الشغل
مازن بسرعه:لييه
مي: شويه ظروف كدا
مازن:اقدر اعرفها يمكن اساعدك
مي:متشغلش بالك انت..تعالي ادخل يلا نشرب حاجة
مازن بضيق:مره تانيه بقا متقفليش تليفونك علشان اعرف اطمن عليكي سلام
مي:ماشي تمام سلام
ليذهب و يركب سيارته و ينطلق
مي:ماله دا
لتدخل الي بيتها مره آخرى
مرت الايام و كان منزل مي ملئ بالسعادة و الفرحه حتى جاء المعاد المتفق عليه
وصلت عائله أسر و ذهبوا إلى باب الفيلا
لتفتح لهم اسماء و ترحب بهم
اسماء:أهلا اتفضلوا...لتحتضن سميره إزيك يا طنط
لتأتي ندي بسرعه
ندي:عمو أسر جيه للتقفز بين أحضانها ليحملها بين يديه
أسر:عامله ايه يا نودي
ندي:كويسه..إزيك يا عم طارق إزيك يا طنط
اسماء:اتفضلوا ليدخلوا إلى غرفه الجلوس ليتسقبلم منصور
منصور:أهلا وسهلا
ليتقدم أسر و يسلم عليه و يليه طارق
منصور بابتسامه:أهلا يا عريس
طارق:أهلا بيك يا عمي
منصور:إزيك يا مدام سميره
سميره:بخير الحمدلله
ليجلسوا و ندي تجلس بين أحضان أسر و تلعب معه و بجانبه طارق و تليه سميره و أمامهم يجلس منصور على هذا الكرسي الكبير و تجلس اسماء بجانبه على الكنبه
لتدخل ثرايا بإبتسامه واسعه:يلا أهلا نورتنوني
لتقف سميره و تحتضنها:منور بأهله يا ثرايا
ثريا:إزيك سميره ازيكوا يا ولاد
لترحب بالجميع
سميره:اومال مي و عروستنا الحلوه فين
ثرايا:قومي شوفيهم يا اسماء
اسماء:حاضر يا ماما
لتصعد اسماء لشقيقتها
اسماء:في ايه منزلتوش ليه
مي:قلبت كتكوت مبلول و عماله تقول بطني وجعاني
اسماء بإبتسامه:متوتره يا مي الله
مي:اومال هتعمل ايه يوم فرحها
روان:بس بقا بس بقا يا مي والله هعيط
لتضحك اسماء:بس يا بت ملكيش دعوه بيها يلا يا روني بقا
لتمسك يدها و تسحبها خلفها و ورائهم مي
لتنزل الفتيات و تدخل اسماء و تجلس في مكانها و خلفها روان ليتعلق نظر طارق بها من شديده جمالها كانت ترتدي فستان طويل بالون البنفسجي و دعت شعرها القصير فوق كتفيها و بعض الزينه الخفيفه كانت تبدو مثل الملائكه
لتنكزه سميره و تتكلم من بين أسنانها بصوت منخفض:شيل عينك من على البت هتاكلها
ليستفيق من شروده
سميره:إزيك يا روني ايه الجمال دا و هي تحتضنها
روان برقه:شكرا يا طنط لتذهب سريعا و تجلس بجانب اسماء و ثرايا
لتدخل مي خلفها
مي و هي تحتضن سميره:وحشتيني يا سوسو
سميره:و انتي كمان يا ميمو عامله ايه
مي:الحمدلله..ثم تتحدث بمرح مع طارق:عامل ايه يا عريس
طارق:زي الفل
ثم توجه نظرها لأسر
مي بهدوء:إزيك يا أسر
كان أسر في عالمه الخاص و هي معه كان يتفحصها...اشتاق لها بجنون اشتاق لضحكتها اشتاق لنظراتها اشتاق لعندها معه لولا وجد الجميع كان ضمها بين يديها ضمه تهتز الأرض من قوتها و اشتياقه لها
أسر:تمام و انتي
مي الحمدلله لتذهب و تجلس بجانب شقيقتها
لتدخل ام مجدي التي تساعد اسماء في المنزل ولكنها تأتي في المناسبات و تقدم المشاريب للجميع
اسر:بصي يا عمي احنا جاين انهارده نطلب ايد روان لطارق
منصور:والله يبني انا و ثرايا موافقين الرائي رائيها في الاول و الاخر
مي بمرح:يبقا نقول مبروك زغراطي يا ام مجدي
ثرايا:يا بنتي استني بطلي جنون بقا..ايه رائيك يا روان
كانت روان في حاله خجل شديده وجها يكاد ان ينفجر من الخجل
روان بصوت ضعيف:اللي تشوفه طبعا
مي:يبقا نقرا الفاتحه
منصور:على خيرت الله
ليبدأ الجميع في قرائه الفاتحه و بعد الانتهاء
مي بسعاده:ما تزغرطي يا ام مجدي بقا
لتزغرط ام مجدي و يهنئ الجميع طارق و روان و يتبادل طارق و روان النظرات بحب
منصور:عايزين نتفق على كل حاجة
سميره:ايوه طبعا دي الاصول
طارق:بص يا عمي انا عندي فيلا و بجهز فيها و عقبال ما روان تخلص اكون خلصتها و بالنسبه للمهر و الشبكه اللي حضرتك تؤمر بيه طبعا
منصور: احنا هنطلب في المعقول و احنا اهل و مفيش الكلام دا بينا
طارق و هو ينظر لها بحب:مفيش حاجة تغلى عليها يا عمي
منصور:فيك الخير يبني طيب نحدد معاد الخطوبه
سميره:ايه رائيكوا الاسبوع الجاي
ثرايا:معنديش مانع و نعملها هنا الفيلا كبيره و لا انتو حبين تعملوها في مكان بره
سميره:لا و ماله مشاء الله هنا تساع من الحبابيت الف
منصور: يبقا اتفقنا بكره انزلوا و و جيبوا الشبكه و الخميس الجاي الخطوبه
لتزغرط ام مجدي مره آخرى بقوه و تذهب لجلب الشربات
منصور بما ان بقينا أهل عايز اتكلم في موضوع يخص مي و بالمره اسالكوا
لتنظر له مي باستغراب
سميره:اة طبعا كلنا اهل
منصور:مي جيلها عريس و كلنا عارفينه
لتصدم مي بشده. ....لتظر سميره لأسر بسرعه لتجده يجلس بدون تعبير
ثرايا بسعاده:مازن يا جماعه اتقدم لمي
لينقبض قلب أسر و يشعر انا هناك سهم اخترق قلبه
لتقف مي من مكانها بصدمه:مازن ايه?!!
