رواية بداخلي حياة اخري الفصل الحادي عشر 11 بقلم ولاء بدر
☆الفصل الحادي عشر☆
اسر:من مين
مي وهي ترفع كتفيها لاعلى مش عارفه
اسر:طب شوفي الكرت
مي:هشوفه بعدين
اسر:تمام يبقا اكيد من اللي اسمع عماد انا نزله
مي:خلاص خلاص استنى في ايه انت مجنون
لتأخذ الكارت و تقراء ما بداخله
مي باستغراب:ايه دا!!!
اسر:في ايه
لتعطيه الكارت بقلق
كان محتواه(واحشتيني اوي بجد لسه حلوه زي ما كنتي لا و اكتر كمان اشوفك قريب يا حلوه)
اسر و هو يكرمشه بين يديه بقوه كجمر من نار
اسر:دا مين ابن الكلب دا
مي: يا أسر صوتك بس هششش
اسر:اياكي تمشي لوحدك سمعاني
مي:هو انت بتؤمرني كدا ليه
اسر و هو يتحرك لغرفته :قولتلك انتي تخصيني و مش عايز عند ثم يفتح باب الغرفه و يدخل
لتدخل مي غرفتها و تغلق الباب بقوه
روان:ايه يا مي في ايه من مين الورد دا
مي بحيره:مش عارفه يا روان
ندي:مش حلو ارميه ارميه
ليذهب كل منهم إلى فراشه ولكن مي كانت قلقه لا تستطيع النوم ينتابها شعور سئ
ندي و هي تحتضنها:مش هتنامي يا ميمو
مي:لا هنام يا روحي يلا
كان أسر لا يقل عن مي بشئ كان قلقا عليها و يشتعل من الغيره
☆☆☆☆☆☆☆☆☆☆☆☆☆☆☆☆☆☆☆☆☆☆
في الصباح الساعة ٦
كانت مي خارج غرفتها تستعد للنزول لتقف أمام المصعد بانتظاره
مازن:صباح الفل
مي:صباح الخير..إزيك يا مازن
مازن:تمام..انتي عامله ايه
مي:تمام
ليفتح باب المصعد و يدخلوا إليه ثم ينزلون لأسفل
مازن:تعالي نفطر سوا
مي:يلا بينا انا جعانه
لتذهب مي و مازن خارج الفندق للحصول على وجبه الفطار بمفردهم
ليذهب سريعا و يفتح باب سيارته
مازن بشكل كوميدي و هو ينحني:اتفضلي يا هانم
مي و هي تضحك ثم تمسك بنطالها كانه فستان و تدخل السياره:متشكره
ليضحك مازن بقوه ثم يغلق الباب و يذهب للجهه الأخرى لينطلقان
☆☆☆☆☆☆☆☆☆☆☆☆☆☆☆☆☆☆☆☆☆☆
يرن هاتف روان
روان:الو
ثريا:يلا انزلوا بقا علشان الفطار
روان:انا بلبس انا و نودي اهو و جاين
ثرايا:اومال فين مي
روان:نزلت من ساعتين كدا قالتلي هتتمشى
ثرايا:ماشي يلا احنا تحت
لتغلق مع ثرايا لتجد طارق يتصل بها
روان:الو
طارق:صباح الورد
روان بإبتسامه:صباح الخير
طارق:مش هتنزلوا
روان هننزل انا و ندي خرجين اهو
طارق:طيب يلا ننزل سوا
ليخرج كل منهم من غرفته
اسر و طارق:صباح الخير
روان و ندي:صباح النور
اسر:مي فين
روان:خرجت الساعة ٦
ليغضب أسر بسبب عندها الشديد معه
لينزلوا إلى الجميع ويذهبوا إلى بوفيه الفندق للفطار
ليجلس الجميع حول طاوله كبيره
منصور:اومال مي فين
روان:خرجت الصبح تتمشى
طارق:انا كلمت مازن و قالي انو معاها
لتنظر سميره الى أسر لتجده في حاله غضب شديده
ليلتفت الجميع على صوت ضحكه مي
مي بإبتسامه:صباح الخير يا جماعه
مازن:صباح الخير
ثرايا:يلا يا مي اقعدي علشان تفطري
مي:لا انا فطرت انا و مازن...هنروح نشرب حاجة يلا يا مازن
لتذهب هي و مازن للحصول على مشروب وكان أسر يتبعهم بعينيه
انتهى الجميع من تناول الافطار و ذهبوا للجلوس أمام المسبح
اكرم:يلا يا شباب هتنزلوا معايا ولا لا
ندي:انا يا بابا عايزه انزل
اكرم:طيب يا نودي روحي العبي في الصغير مش هنا اوكيه
مي:اوكيه
ليذهب اكرم و مازن و طارق و أسر للسباحه و كانت ثرايا و سميره و منصور يجلسون أمامهم يستمتعون بالهواء و كانت روان و اسماء يقفون امام ندي و يلعبون معها و هي تسبح
كانت مي تقف معهم ثم انسحبت بهدوء
ليخرج أسر من المسبح و هو يبحث عنها بعينه
لتأتي سميره و تقف أمامه و تعطيه المنشفه الخاصه به
سميره:هتلقيها على الشاطئ اكيد
ليبتسم أسر لها ثم ينطلق نحو الشاطئ و هو يضع المنشفه خلف عنقه و كان عاري الصدر... اصبح جسده الرياضي الجذاب ظاهرا ليذهب للبحث عن مي و الفتيات تنظر له و تفتن بجماله
ليجد مي تقف في نفس مكانهم الماضى و لكنها كانت تقف بملل و هي تحرك الرمال برجليها
ليذهب و يقف بجانبها
اسر:بردوا مسمعتيش كلامي و خرجتي الصبح لوحدك و دلوقتي ماشيه لوحدك
مي و هي تعبث بالرمال تحتها برجليها و تنظر للبحر:خرجت مع مازن
اسر:ايوه مين يعني مازن
لتنظر مي له بدهشه و هي تنظر له من رائسه إلى قدميه في صدمه شعره الأسود المبلل فوق جبهته و الشمس التي لعبت دورها في إظهار لون عينه البني بسحر خاص بهم و جسده الرياضي القوي الجذاب
ليبتسم لها اسر:يا بنتي ركزي معايا
لتعود من شرودها به للحظه:احم...كنت عايز ايه
اسر:مش قولتلك متمشيش لوحدك ولا تخرجي لوحدك
مي:ايوه بقولك كنت مع مازن و بعدين مخرجش لوحدي ليه عيله انا
اسر:عجبك يعني الورقه بتاعت امبارح افرد حد جيه نحيتك ولا قربلك
مي:انا اصلا عايزة اعرف مين
اسر باندفاع:ليه عجبك كلامه يعني ولا ايه
مي:و انت..لتقاطع حديثها هذه الفتاه...هااي ثم تقف أمام مي لتصبح هي أمام أسر و مي خلفها
الفتاه:هاي انا سلمى انت اسمك ايه
لينظر أسر لمي التي تخرج رائسها من الجانب و هي تنظر لهذه الفتاة بأشتعال
أسر بداخله:خلينا نجرب
اسر:انا أسر ثم يمد يده لها
لتبتسم سلمى ثم تمد يدها له و تقترب لتقبل خده ثم ترجع للخلف مره اخري
سلمى:احنا هنسهر انا و اصحابي بليل تحب تيجي
لتتدخل مي بسرع و هي على وشك الانفجار مما حدث الآن
مي:هاي يا نخله
لتنظر لها سلمى باستحقار و تضحك بسخريه:انتي بتكلميني انا يا شاطره
لتضحك مي بسخريه وقد أصبح وجهها كحبه الطماطم من الغضب
مي:هي مين دي اللي شاطره يا عود قصب انتي
سلمي: مش معقول أسر قولي انك متعرفش البتاعه دي
مي:هو من بقيت اهلك علشان تقوليله أسر و تتكلمي معاه كدا و بعدين ايه بتاعه دي ما تلمي لسانك يا برج انتي
كان أسر متفاجئ من رد فعلها و هذه الألقاب المضحكه التي تقولها ولكنه كان يتمالك نفسه حتى لا يضحك
سلمي:لا بجد مضحكه اوي مين دي
كان أسر يتابع مي بحب و سعاده شديده
أسر و هو يمسك يد مي ثم يقبلها: دي خطبتي
لتصدم سلمى بشده مما حدث وتتفاجأ مي مما فعله
سلمي:فعلا!! مش باين خالص اصل مستحيل اتخيل دي معاك بصراحه
أسر و هو يشعر بالغضب لاهانه صغيرته هكذا:بصراحه انا مش عارفه انتي بتتكلمي فعلا كدا على اي اساس دا انا لسه عارفك مش هسمحلك تغلطي فيها
لتشعر سلمى بحرج شديد و مي بسعاده كبيره لتضغط مي على يده و تسحبه خلفها
مي بإبتسامه صفراء:سلام يا شاطره
ليبتسم أسر على تصرفاتها الطفوليه
بعد قليل من الوقت و قد اصبحوا بعيدا عن هذه الفتاه تترك مي يد أسر
مي:اي خدمه خلعتك منها...شكلها كان رخم اصلا
أسر و هو يتعمد اغاظتها:لولا انك اتكلمي كان زماني واخد رقمها دلوقتي
مي بغضب:طب ما تروح انا غلطانه...طب تصدق بقا تصدق انا غلطانه روح روح لتتحرك من أمامه ليجذبها أمامه مره آخرى و يجعلها تقف أمامه ثم يمسك كتفيها بيده لينحني و يجعل وجه امام وجها أسر بإبتسامه مشرقه:بتغيري عليا
مي:ب..ب ايه
مي و هي تحاول ان تتهرب من كلامه و هي تبتسم بسخريه
مي:اغير ايه و ليه اصلا وسع كدا و هي تحاول ان تزيح يديه عن كتفيها
أسر بنفس وضعه:شكلك حلو اوي و انتي غيرانه و شبه الطماطم من الغيره
مي بتهرب:يبني اغير ايه ..ايه اللي انت بتقوله دا..انا بس حبيت أساعدك..مش اكتر يعني... و هي تنظر لجه اخري غير وجه
اسر:طب بصي في عين كدا و قوليلي مكنتش غيرانه
لتدفعه بخفه:وسع كدا
لتتراجع إلى الخلف بخطوه
اسر بابتسامه:اعتقد عرفتي ليه بقا مش عايزك تبقي مع مازن يلا قدامي وهو يتحرك من أمامها
مي بداخلها:اة يا حيوانه ليه عملتي كدا يا كلبه عاااااا
ليلتف أسر و ينظر لها مره آخرى ليجدها تضرب الهواء بيديها و تضرب الأرض برجليها مثل الاطفال
اسر:هتفضلي واقفه يلا
لتنظر له مي ثم تخفض نظرها و تذهب من أمامه سريعا
ليعودوا إلى الجميع مره أخرى
مي و هي تقف أمام المسبح
مي بمرح:مشاء الله تتحسدوا
ليخرج مازن من المسبح بكل ثقه و هو يرفع شعره للخلف
ليقف أسر أمام مي و ينظر لها بحده
اسر:امشي روحي للبنات
مي بعند:لا ليه يعني
اسر بحده:ايه يعني عجبك منظره و هو كدا
لتميل مي قليل و تنظر خلفه مي و هي تتعمد اغاظته:هو اصلا حلو
أسر بعصبيه شديده:مي
لتنظر له مي لتجده على وشك الانفجار
مي بابتسامه:مالك يا أسر وشك احمر انت هتنفجر ولا ايه
اسر:متعصبنيش يا مي الكل قاعد
مي:طب وسع
اسر:راحه فين
مي:لمازن..اقصد للبنات
لتذهب إلى اسماء و روان
أسر و هو يرفع شعره لاعلى:صبرني يا رب علشان مموتهاش
صعد اكرم و طارق من المسبح
طارق:بقولك ايه يا اكرم ما تيجي نطلع سفاري كلنا انهارده
اكرم:ممكن تروحوا انتو انا هاخد اسماء و ندى اخرجهم انهارده يعني حاجة عائليه كدا
طارق:ماشي يا عم ..طب ايه ينفع ناخد روان و مي ولا
اكرم: ينفع يا سيدي بس خلي بلكم منهم
طارق:اكيد طبعا
اكرم:طب يلا ندخل ناخد دش..اومال مازن و أسر راحوا فين
طارق:سبقونا
اكرم:طيب يلا بينا
☆☆☆☆☆☆☆☆☆☆☆☆☆☆☆☆☆☆☆☆☆☆
في الساعة الثالثه تجمع الجميع امام باب الفندق
سميره:يعني انتو مش هتيجوا تتغدوا معانا
طارق:لا هنتغدا سوا هناك
ثرايا:خلي بلكوا منهم يا ولاد
طارق بمرح:دي مي اللي هتخلي بلها مننا يا طنط
مي بخبث و هي تنظر لطارق:بفكر اروح معاكوا انا روان يا ماما
طارق بسرعه:ايه يا ميمو بهزر معاكي..ايه يا رمضان مبتهزرش
منصور:طيب متتاخروش...يلا بينا احنا
لينطلق اكرم و ندي و اسماء معا
ثم منصور و سميره و ثرايا
ليبقا أسر و مازن و طارق و مي و روان
مي:انا من رائي نروح بعربيه أسر بما انها jeep و احنا رايحين صحرا و كدا
أسر بتعجب:معنديش مانع
طارق:عربيتنا كلها jeep..بس عمتا هنروح بعربيتين احطياتي
طيب هو انا هروح لوحدي ما حد يجي معايا
مي:روحي يا روان معاه
روان بخجل:اة ماشي مفيش مشكلة
اسر:يلا بينا
لينطلقان جميعا لمكان تجمع السفاري
في الطريق
يرن هاتف روان معلن عن اتصال
روان:الو
المتصل:ايوه روان معايا
روان:ايوه انا
المتصل:انا محمد زميلك في الجامعة
روان و هي تعقد حاجبيها:و انت جبت رقمي منين
لينظر لها طارق
طارق:في ايه
لتشير له روان ان ينتظر لحظه
محمد:انا جبته من واحده اعرفها انا كنت عايز اتكلم معاكي
روان بجديه:بخصوص الدراسه
محمد:لا
روان:ايوه يعني عايز مني ايه
محمد:هو انا اقدر اقبلك انهارده
روان:لا انا مسافره
محمد:خلاص لما ترجعي ممكن نتقابل
روان:ابقا اشوفك في الجامعه
محمد:تمام معنديش مانع
روان:اوكيه..باي
طارق بجديه: مين دا
روان:واحد زميلي كان عايز يتكلم معايا في موضوع
طارق:بخصوص ايه
روان:معرفش
طارق قد شعر بضيق شديد بسبب غيرته:ماشي
وصلوا لمكان السفاري
و كان هناك مجموعه كبيره
المرشد دلوقتي هنفضل مع بعض لغايت ما نوصل الجبل و هناك هيكون مكان الحفله ان شاء الله
تحدث مره بالعربيه و مره بالانجليزيه
انطلقوا وراء المرشد و كانت رحله ممتعه
حتى وصلوا لمكان الحفله
تجمع الجميع
مي:انا مش جعانه
مازن:لا لازم تكلي حاجة يا مي احنا اكلنا من الساعه ٧
مي:مش قادره والله يا مازن كلوا انتو
يأتي صوت من خلفهم يلتفت له الجميع:مش معقول مي
مي بسعاده شديده: بيبووو
باسم:مساء الخير يا جماعة
مي بسعاده:اعرفكوا يا جماعة دا باسم صديقي الصدوق
باسم:يا راجل دا انتي واطيه
كان أسر يشعر بغضب من تعاملها معه بهذه السعاده
مي:اتشغلت جامد الفتره اللي فاتت والله
باسم:إزيك يا بت يا روني
روان:بس بس انا زعلانه منك اصلا
باسم:قلبي لا مقدارش
طارق:هو في ايه بقا
لتلتفت روان و باسم له باستغراب ولكن مي فهمت شعوره
طارق:مش يلا بينا بقا علشان نتغدا
مي:انت كلت يا واد انت
باسم:اة كلت تعالي معايا عقبال ما يخلصوا
ثم يوجه كلامه للجميع خلصوا و انا هكون معاكوا هنا و هظبطلكوا القاعده
اسر:معانا حد شكرا
لتنظر له مي بحده
باسم:ما انا المسؤول الأول هنا عن كله
مي:ولعه معاك بتهزر انت شغال هنا
باسم بتفاخر:اومال..يلا بينا يا اوزعتي
مي:طب ماااشي ماشي يلا... خلصوا و كلموني
لتذهب مي مع باسم و يذهب الآخرون لمكان الغذاء
كان اسر لا يصدق الحاله التي وصل لها كيف لهذه الفتاه ان تتملك منه بكل بساطه يريد أن يأخذها و يخفيها عن العالم كله حتى لا يراها او يتعامل معها أحد غيره
انتهى الجميع من الغداء و عادت مي و باسم لهم مره آخرى
باسم:تعالو معايا عملنلكوا قاعده جنان
مازن:انا هرجع القاهره دلوقتي
مي:ايه دا لييه
طارق:ليه يبني
مازن:كلموني و فيه مشاكل في الحسابات بتاعت الشركات هروح اظبط الدنيا
اسر:طيب يلا نرجع سوا
مازن:ايه يا أسر دا شغلي انا يا معلم كدا كدا بكره و هتيجي متقلقش هظبط الدنيا
مي:طيب خد بالك من نفسك
لينظر لها أسر بحده
مازن:هكلمكوا
اسر:خليك معانا على تليفون
مازن: يلا سلام
باسم:يلا بينا
ليذهب الجميع الي أعلى الجبل ليجدوا شعله من النار حولها مقاعد ارضيه و بجانبها بعض المشروبات
روان:الله يا مي زي ما بنحب
مي:ايوه انا و باسم ظبطنها زي ما بنحب
باسم:اسيبكوا بقا و هروح اظبط الشغل
مي:تسلم يا بيبو..متتاخرش بقا
ليجلسوا جميعا حول حلقه النار
طارق:الجو حلو اوي هنا
روان:اة تحفه اوي
طارق:تحبي تخدي الجاكيت
مي بمرح:لا شهم اوي اوي
طارق:يا بنتي لمي نفسك بقا
مي:انا سقعانه ما تجيب الجاكيت دا يا طارق
طارق:لا..انا كمان سقعان
مي:ماتت الشهامه دلوقتي
اسر:تحبي تاخدي الجاكيت
مي:لا انا بهزر عادي
لينظر طارق لمي لتفهم ما مقصده
مي:بقولك يا أسر ما تيجي نشرب القهوه الحلوه دي و احنا بنتمشى
أسر باستغراب :ماشي يلا بينا
روان:مي الدنيا شويه و هتليل متبعديش
اسر:متخفيش ما هي معايا
ليذهب أسر و معه مي
طارق بابتسامه:تشربي ايه
روان:ممكن قهوه
طارق:عيوني
روان:تسلم
طارق:ايه!!
روان:بقولك تسلم
طارق بحب:حلوه اوي الكلمه دي منك
روان بخجل:يا طارق اتكلم جد شويه بقا..
☆☆☆☆☆☆☆☆☆☆☆☆☆☆☆☆☆☆☆☆☆☆
عند أسر و مي
اسر:بس انتي غريبه اوي انهارده
مي:ليه
اسر:عايزه تروحي بعربيتي و عايزاني اتمشى معاكي مش غريبه دي
مي بابتسامه: فكرتني
اسر:بتضحكي كدا يبقا في مصيبه
مي بنفس الابتسامه:بقولك ايه احنا في صحرا
اسر:ايه يا مي عيب كدا عايزة ايه
مي:هو انت دماغك متركبه غلط كدا ديما..اقصد يعني انا كنت عايزة..يعني بصراحه يعني
اسر بابتسامه:عايزة تضربي نار
لتلمع عين مي بسعاده:اة اة
أسر بحب:و انا كنت حاسس
مي:طب يلا نروح للعربيه يلا
ليرجع يديه خلف ظهره و يخرج مسدسه
مي بفرحه:الله عليك الله عليك انت برنس والله
اسر وهو يضحك: طيب تعالي نبعد شويه كمان
ليبتعد أسر و مي عن الجميع و تبدأ مي في إطلاق النار بحماس شديد..لتنتهي ثم تقف مكانها وتتنفس بعمق
اسر بحب :مبسوطه
مي بسعاده:بصراحه جدا
ليقف أسر أمامها:شكلك بيبقا حلو اوي و انتي مبسوطه بجد مش كدا و كدا
مي:احم..شكرا
اسر:مي عايز اقولك حاجة
مي:طيب قول
قبل أن يتكلم وجد أسر سياره تقف أمامهم ثم يخرج منها شاب وخلفه رجلين
لتلتفت مي ثم تنظر إلى الشاب في صدمه قويه و تترجع للخلف حتى اصطادمت بأسر الذي يقف خلفها
لينظر أسر لها باستغراب هل تعرفه?!!!!
