رواية حدوتة حب الفصل الحادي عشر 11 بقلم مريم عبدالرحمن
مايا عيطت و قعدت عالارض ...
مايا بعياط / انا عملت اي؟؟ عملت اي عشان تعمل معايا كل ده!!انا حبيتها و قولت دي امي هي ليه تعمل معايا كده؟؟
ريان اتضايق و قعد جمبها عالارض و مسك ايدها..
ريان / اهدي يا مايا انا معاكي و وصيتك معايا و مش هسيبك
مايا / هقعد ب صفتي اي؟
ريان بيأس / بصفتك اخت ليا انا كده كده طليق امك
مايا / اخت ؟؟
ريان بتوتر / اه واخدك ف امانتي و ده مش ضد البلد بالعكس دي حاجه عاديه هنا
مايا / ماشي
ريان / طب امسحي دموعك يلا عشان تروحي الجامعه
مايا / ماشي
ريان / يلااا
مايا / ماشي
ريان ضحك / انتي بتقولي ماشي و مش بتعملي اي حاجه ليه ؟
مايا مسحت دموعها/ عشان مخنوقه شويه
ريان قام و مد ايده عشان يقومها من الارض
مايا بصتله / قولت ان كل واحد بيدور على مصلحته ! مصلحتك اي اني اقعد هنا ؟
ريان باستغراب / نقدر نقول مش كل حاجه مصلحه و انتي بنت كويسه و تستاهلي كل حاجه كويسه
مايا / تقصد انك اناني ؟ و مفكرتش غير ف كل مره ف مصلحتك و انا اقعد مع واحد مش ليفكر غير ف مصلحته بس !
ريان بتنهيده / انتي ليه مش بتنسي الكلام يمكن انا فكرت ف مصلحتي ف موضوع و تصرفت ب انانيه لكن صدقيني عمري م كنت كده اللي اضطرني اعمل كده هو الجشع اللي عشته طول حياتي من فقر و حمزه ده كان اقرب الناس لبابا كان بيزله و بيزلني و بيخليني انضف الاحصنه بتاعته فالاسطبل و كنا ذليلين كنا قاعدين ف قصره اللي هنا ف اسبانيا لحد م بابا حوش تحويشة كبيره دخل بيها البورصه و كسبها و من ساعتها انا كنت ف ٣ اعدادي ابويا علمني احسن تعليم م اضطرناش نعيش عيشة فقر عملنا شركة تجاره كبيره و عملنا لينا مكانه فالسوق خدت انا شهادة دكتوراه و حمزه ده اتغاظ من بابا جدا بدأ يدمرله شغله و من هنا كنت انا خلصت جامعه و لازم اتدخل بابا مبقاش قادر عالوضع ده حمزه عمل لنا حاجات وحشه كتير رغم العِشره اللي بينه و بين ابويا إلا انه كان راجل قذر و اهو مات بس ابنه اقذر منه و كل اللي عملته ده عشان اخد حق ابويا حمزه خد مليارات سرقها من ابويا اللي تعب فيها ب عرقه و الحمدلله انا سبت الدكتوراه عشان ارجع حق ابويا بس دخلت دوامه اكتر من كده مليون مره مكنش ينفع اسيب تعبي انا و بابا و ماما ولا عيلتي كلها ده تعبنا كلنا ..
مايا بتوتر / اسفه على اي كلام جرحتك بيه مكنتش افهم الوضع
ريان بتنهيده / ولا يهمك مكنتيش تعرفي
مايا / بس ذنب ماما اي
ريان / لسه بتقولي عليها امك
مايا بيأس / غصب عني
ريان / عمتا ذنبها ان هي كمان جشعه انتي متعرفيش دماغها يا مايا و اقفلي الموضوع ده
مايا ابتسمت و مسكت ايده قامت
مايا / هروح الجامعه
ريان ابتسم / تمام هستناكي نتغدا سوا كل يوم متتاخريش
مايا شاورت ب ماشي و دخلت اوضتها .
___________________
فالجامعه زين دخل كليته ..
زين بيكلم نفسه/ ياربي هعمل اي دي زميلتي مينفعش اخونها و لا عمري كنت من النوع ده ولا عاوز اعمل حاجه تإذي حد لس مش قدامي غير كده انا اسف لنفسي قبل م اكون اسف لاي حد لان انا بغلط ف نفسي و ف كرامتي
اتنهد زين و قعد ف الكافيه ...
_______________
وصلت عربية ريان قدام الجامعه ..
مايا / انت قولت هنتغدا سوا
ريان / اه هاجي اعدي عليكي
مايا / لا هرجع مع مالك و علياء
ريان بعصبيه / ابو ام مالك
مايا / ريان من فضلك مالك صاحبي
ريان / انا مبحبوش
مايا / ريان اي المشكله
ريان / مالك حكاك و معجب بيكي و باين اوي
مايا بخبث/ طب و اي المشكله محترم و كويس و ابن ناس و هيدخل اليت من بابه
ريان / مايا ممكن تروحي الجامعه عشان متتاخريش
مايا / تمام
و نزلت مايا من العربيه ...
مايا بتنهيده / معدوم العقل و الاحسااس
ريان / افندم؟؟
مايا / بقول نفسي ف اناناس اي مبتسمعش
ريان / اي الهبل ده م تاكلي فالكافيه اناناس ممعكيش فلوس
مايا / ايوه فعلا مش معايا
ريان فتح محفظته..
ريان / خدي
مايا/ شكرا م انت واخد وصيتي بقا استحمل طلباتي
ريان ضحك / حاضر
مايا ضحكت و مشيت ...
دخلت الجامعه مالك شافها ابتسم ..
مالك / صباح الخير
مايا بتنهيده / صباح النور
علياء/ مالك في اي
نايا / مش هتصدقو اللي حصل
مالك / احكي
مايا/ و جه الوقت المنتظر و ريان طلق ماما
علياء بفرح / بتهزري
مالك / و ده يفرح ؟؟
مايا/ بالنسبالي يفرح
مالك / ليه!
مايا / متجوزين بعض مصالح
مالك / بس على حسب
علمي هو ضحك على مامتك
مايا / ماما بدون مبالغه متهمنيش
مالك / اي يا بنتي ده ؟
علياء / هي دي تربيتي ..
مايا عيطت. ....
مالك / في اي مالك
مايا / امي باعتني انتوا متخيلين
" حكتلهم اللي حصل "
مالك / بصراحه اللي هي عملته ده انا مشوفتش ازبل منه
علياء / انا طول عمري بقول عليها وليه مش مظبوطه
انا بعياط /انا عمري م حسيت ب وحده زي كده ولا حزن زي كده ان امك ذات نفسها متعوزكش !! امك نفسها مش عايزاك ف حياتها ولا اب و لا ام ولا اخت و لا حد جمبك ؟؟
مالك بحزن / انا جمبك متخافيش
علياء / احنا جمبك
مالك / خلاص سيبي البيت و تعالي عندنا
مايا مسحت دموعها ..
مايا / لا ريان وعدني و خد وصيتي و قالي اني زي اخته و كده
مالك بعصبيه / بقا الحيوان الاناني ده هتقعدي عنده انتي هتأمني لنفسك ف بيته
علياء / علفكره يا مالك انت محبكها اوي ريان شخص كويس
مايا / ريان شخص كويس و اللي حصل ده كان غصب عنه بسبب جوز ماما القديم
مالك بعصبيه / انتي بجد محدش يستوعبك
علياء / مالك اهدا
جه قرب زين عليهم ..
زين بدهشه و تمثيل / ايدا!! مايا و علياء؟؟
مايا بدهشه/ زين اي اللي جابك هنا
زين / جالي منحه من قرايبي لهنا بجد فرحت اني شوفتكوا
علياء بفرحه / زين بجد فرحت اوي انك معانا
مالك / مين البلوى ده كمان
مايا ضحكت / زميلي فالكليه فالقاهره
مالك / اممم صدفه المفرود
زين / اه صدفه
مايا / حلو اوي المصريين كتروا
زين / شوفتي مشروع الكليه بتاعتنا؟تيجي ندخله سوا
مايا / مشروع اي
زين / انتي عارفه كلية صيدله و مشاريعها الملهاش نهايه يلا سجلي اسمك
مايا / مش اعرف هو عن اي الاول
زين / هنروح مستشفى نعالج الحالات اللي فيها او الحالات الطارئه زي اي صيدلي يعني
مايا بفرحه / الله ده تحفه ممكن تسجل اسمي اصل انا مش طالعه المحاضره الاولى
زين / تمام مايا مصطفى الغوري صح؟
مايا / ايوه
زين / تمام عن اذنكو انا بقا
مالك بتنهيده / الحمدلله اتفضل
مايا بضحك / مالك في اي
مالك / مفيش منرفزني ابو نضارات ده
علياء بابتسامه / والله عسل
مالك / اجوزهولك؟
علياء/ هيييح ياريت
مالك بعصبيه / يارب الصبر
مايا بضحك/ قفوووشه في اي بتهزر
مالك / انا مش هتنازل عن محاضرتي معلش انا طالع قبل م ضغطي يعلى اكتر من كده
علياء بضحك / اطلع اطلع
___________________
ف مصنع الجديد بتاع ريان .. اللي هو كان اصلا مصنع حمزه ..
مروان بسخريه / نورت يا .شريكي
ريان / مش ناوي تبيعلي بقيت المصنع ولا اي
مروان / ليه فاكرني رفيقه ،؟؟
ريان ضحك / عندك حق دي هي حتى مخادتش فلوسها
مروان بتنهيده / مش هبيعه
ريان بضحك / حلو جداً و اتخاذ قرار احلى و شريك احلى
مروان / يمكن دلوقت انت الكسبان بس هتخسر بعد كده متقلقش مش بيفوتني اي حاجه
ريان بسخريه/طبعا انت هتقولي؟
مروان / صحيح م تقولي بقا هي بنت رفيقه عندك ؟
ريان بعصبيه / بنت رفيقه تخصك ف اي
مروان بسخريه / اهدا انا مقولتش حاجه انا بسأل سؤال برئ
ريان / متسألش عن حاجه متخصكش
مشي ريان ...
مروان بخبث / ياااه ريان هنلعب معاك عالوتر الحساس كده بس لو اعرف تهمك ف اي
_______________
رجع ريان البيت لقا السفره مملوءه ب كل انواع الاكل اللي بيحبه اكيد دي مايا هي عرفت الاكل اللي بحبه منين و ابتسم..
اتصدم لما شاف شخص مش متوقعه طالع من المطبخ ..
../ حبيبي عملتلك الاكل اللي بتحبه
______________
ف التليفون...
مروان / زين هتنفذ الخطه رقم ٣
زين بعصبيه / ليه اشمعنا الخطه دي بلاش حرام عليك هي مش قدك
مروان / انت اللي بتدي الأوامر يا زين؟؟
زين بحزن / حاضر يا استاذ خلاص هنفذ
_______________
نهاية الفصل..
"الحب لعنه رموزها صعبه عشان القلب اختارك خليت شعوري عاصفه و القلب ميال ميختارش غير الصعب و انت كنت الشئ الوحيد اللي اختارته "
