رواية حدوتة حب الفصل الثاني عشر 12 بقلم مريم عبدالرحمن
ريان اتصدم من رؤية نانسي صدمه مع شعور بالغضب المزيج ده طلع كائن متوحش ...
ريان / انتي ازاي دخلتي هنا
نانسي ببرود / عرفت انك اتطلقت قولت اجي اسليك انت لوحدك
" نانسي خطيبة ريان القديمه بس ولا خانته ولا كانت طمعانه ففلوسه هي بتحبه بالفعل لكن شعورها بالانانيه تجاه نفسها خلى ريان يكرهها نانسي تتميز بالشعر الاصفر المصبوغ لحد كتفها مسحوق المكياج مخبي وشها عملية نفخ الشفايف ابسط ما يقال عليها لعنه اللبس الضيق لعنه و الكعب اللي طوله لا يتجاوز ٧ سم "
رجعت نانسي خصلة شعرها ورا ودانها لما لقت ريان واقف ساكت عيونه خوفتها جداً من رد فعله كأنه بيحضر قنبله يرميها ف وشها ...
ريان / مين قالك اني لوحدي هنا؟
نانسي بابتسامه / ليه هو في حد معاك؟
ريان / واضح ان المعلومات مجتلكيش كامله
"الباب اتفتح بالمفتاح و كانت دخول مايا قوي جداً لقلب ريان مكنش عارف يقولها اي او هي هتفتكره اي او منظر العاهره اللي واقفه قدامه دي !!دي اقل حاجه ف نظر مايا اعترت وجه مايا العجب بصتله نظرة عتاب بمعنى هو ده اللي اتفقنا عليه ؟"
مايا / جيت ف وقت مش مناسب ولا اي؟؟ ولا هتعرفني عالللي هتنصب عليها جديد و اتجوزتها؟
ريان بتنهيده / دي نانسي زميلتي
نانسي / اممم قاصده خطييته القديمه
مايا بسخريه /ميهمنيش بس ي استاذ ريان متفقناش على كده !!يعني انا هنا لانك واحد محترم و كويس مجيش الاقي دي هنا؟
نانسي بضحك/ دي؟؟انتي بتقوليلي دي!مين دي بقا يا ريان؟
مايا / لا بجد كده كتير مش هعرف اقعد هنا
ريان مسك ايد مايا ...
ريان/ مش انتي اللي هتمشي من هنا دي هي اللي هتمشي
نانسي بنرفزه / مين دي عشان تبيعني عشانها
ريان / دي مايا اللي انضف منك و مش انانيه زيك
نانسي بحقد / عل اساس انك مش اناني يا ريان؟ متجوزتش رفيقه و سيبتني عشان مصلحتك
ريان / مسبتكيش عشان رفيقه سيبتك عشان انانيتك و شخصيتك الوحشه و حقيقي ندمت اليوم اللي حبيتك فيه
نانسي بدموع/ اللي بيحب بيحب بعيوب انت مستحملتنيش و بيعتني و كرهتني ليه!كرهتني عشان شخصيتي وحشه و انانيه لكن قلبي اللي حبك نسيته يا ريان
ريان / نانسي اقفلي عالموضوع ممكن تمشي؟
نانسي بدموع خدت شنطتها و مشيت
مايا / انت سيبتها ليه بجد؟
ريان بابتسامه / اي رايك ناكل الاكل قبل م يبرد و بعديها نعمل قهوه و نقعد مع بعض و احكيلك
مايا / تمام مش مشكله بس انت غريب اوي
ريان / غريب ليه؟
مايا بضحك/ مش المفرود ان خطيبتك القديمه اللي عامله الاكل ف انت مش هتاكل من الاكل و كده
ريان ضحك/ ده شغل اطفال ما الاكل موجود اهو ناكل يلا
مايا / هغير هدومي و اغسل ايدي و اجي علطول
ريان / تمام هحاول استناكي
" قعد ريان عالسفره و بدأ ياخد اصناف من الاكل و ياكل و بعدها نزلت مايا و كانت لابسه بيجامعه واسعه محترمه جدا بكم و بطلون و شعرها ديل حصان عنيها الزرقا كانت بتلمع بعد م غسلت وشها من الميكب الخفيف و اموره "
ريان ابتسم / استنيتك
مايا بضحك / انت خلصت نص الاكل
__________________
عند مالك و علياء...
مالك قاعد متوتر بيهز رجله و كأنه منتظر حاجه .. علياءدخلت عليه بفنجان القهوه
علياء بتنهيده/ مالك اهدا
مالك / انتي متخيله مع ريان لوحدها فالبيت
علياء / قلتلك ريان شخص كويس
مالك بعصبيه / بتصل مش بترد ليه
علياء / يمكن بتاخد دش او اي حاجه اهدى يا مالك انت اتعلقت بيها اوي و ممكن متكونش نصيبك
مالك عينه اتملت شرار احمر ازاي تقول كده!
مالك / اومال هتبقا نصيب ريان يا علياء؟
علياء بتحذير/ مالك قلتلك انا شايفه ف عيون مايا حبها ل ريان مش هتحبك غصب ي اخي الله
مالك بتنهيده/ انا مش شاكك انك غبيه انتي اغبى كائن ي زفته انتي بقولك طليق امها حرام ليها شرعاً مكنتيش يتمتحني دين و انتي صغيره..؟؟؟؟؟
_________________
بالقاهره خصيصاً ف بيت عيلة المغاوري ..و خصوصاً اوضة جومانه المغاوري..
جومانه بتتكلم فالتليفون
جومانه/ مروان مش عارفه اقول ل ريان ازاي اني فسخت مع خليل خطوبتها
مروان / اكيد ريان هيتفهم بس اما ينزل مصر قوليله
جومانه / المهم البقاء لله لاستاذ حمزه عارفه انك الفتره اللي فاتت مشغول
مروان / الحقيقه اه كنت مشغول جداً
جومانه / زعلانه اوي اخر ذكرى الفستان اللي جبتهولي سُريه كانت تكويه اتحرق
مروان / اعيش و اجبلك غيره ي حبيبتي
جومانه بحزن / كانت حاجه من ريحتك
مروان بابتسامه / هعوضك و هنزل مصر قريب
___________________
فالصالون عند ريان و مايا ...
مايا دخلت و معاها فنجانين قهوه ..
مايا / انت حكتلي كل حاجه ماعدا نانسي دي
ريان بتنهيده /نانسي من الناس اللي قابلتها و اعجبت بيها فالاول ارتبطنا و اتخطبنا لان هي كانت بالنسبالي انسانه رائعه و حلوه بدأ يظهر قلة اخلاقها و انسانيتها و انانيتها بدأت اتقفل منها و بعدت عنها و فسخت الخطوبه
مايا / ليه مصلحتش عيوبها او تقبلتها
ريان يتنهيده / مش اي عيوب نتقبلها انا مكنتش عاوز اتقبل عيوبها لان مينفعش هي مش الشخص اللي بدور عليه حتى لو كنت هصلح كنت هصلح اي ولا اي
مايا / المهم القهوه حلوه
ريان / امم عجبتني تسلمي
مايا ابتسمت..
__________________
تاني يوم بالجامعه زين قاعد متوتر مع ذلك منتظر حاجه حاجه مش متأكد من فعلها !!شافها دخلت الكليه جري عليها
زين / مايا المشروع مش بيتسجل من الجامعه ده ف مكتب برا الجامعه
مايا بعدم اهتمام / مش مهم قولي فين و اروح اسجل
زين / مش هعرف اشرح انا معرفش البلد هنا بس روحته امبارح تعالي نروحه سوا !
مايا / خلاص مش مشكله نروحه سوا
زين / تمام نخلص محاضرات علطول و نخرج
هزت مايا راسها ب موافقه ..
مايا / المحاضره لسه مبدأتش هنزل اعدي على مالك
مالك / مش لازم تعدي انا هنا
اتخضت مايا من الشخص اللي طلع وراها من المدرج
مايا / اووووف مالك بجد حرام عليك خضتني
مالك بابتسامه/ بتسألي عليا ليه؟
مايا رفعت حاجبها ب تساؤل
مايا / مش من حقي اسأل على صاحبي ولا اي؟
مالك بضحك / حقك طبعا حقك
مايا / حلو انت النهارده فيك حاجه متغيره؟
مالك بثقه / زي اي
مايا / استحميت؟
مالك بعصبيه/ مايا انا بستحمى كل يوم
صوت ضحكات مايا العليا خليته ابتسم يكفي انه يشوفها بتضحك دي اسعد امانيه سأل نفسه " انا ازاي بقيت بحبها كده ! محدش هيقدر يسعدها غيري لان انا الوحيد اللي عارفه ان اللي معايا دي جوهره عاوزه حد يحافظ عليها انا بحبها و مش هبالغ بس هي جوهره لازم افضل محافظ عليها و ابعدها عن ريان "
مايا بضحك / سرحت ليه
مالك بضحك / انتي بارده علفكره انا بس روحت لاحلاق عملي شعري
مايا / لاحظت علفكره بس كنت عاوزه ارخم كده احلى علفكره كان عامل زي البنات و هو طويل و مرجعه ورا
مالك كشر / بجد؟
مايا / انت قفوش ليه؟؟
مالك / مش قفوش بس انتي كنتي شايفاني وحش؟
مايا بضحك / صدقني انت امور اوي بس شعرك كان مضايقني و اديك صلحته
مالك / طب اي مضايقك تاني يعني اسمع منك نصايح كصحبتي
زين بملل / اجيب شجرتين لمون؟ ولا انتوا اي رايكوا ؟
مالك بملل/ انت اي اللي مقعدك هنا اصلا؟
زين بسخريه/ دي محاضرتي انا و مايا انت هنا لتعمل اي؟؟
مالك بصله بارف / خارج خلاص هقابلك بعد المحاضره ي مايا فالكافيه بتاع الجامعه
مايا بابتسامه / تمام
_____________________
ف كافيه الجامعه ..
علياء / مالك ارجوك متبينش حبك ل مايا اوي كده
مالك بيأس/ مش ب إيدي
علياء / مالك قلتلك مليون مره مايا قلبها مش حساه معاك انت مش مصدق
مالك بعصبيه / متجبيش سيره كده انا بحبها و انا اللي هحافظ عليها و اي حد تاني عمره م هيعرف قيمتها
مايا جات من ورا مالك و سمعت جملته الاخيره...
مايا / مين ده اللي ميعرفش قيمتها
مالك بتوتر / دي ..دي
علياء بسرعه/ مالك داخل ف مزاد على حتة قطعه اثريه مالك مهووس بالحاجات دي و بيقول ان هو الوحيد اللي هيعرف قيمتها يعني
مايا بضحك/ انشاء الله تاخدها
و قععدت مايا عالكرسي ....
مايا / انا هروح اسجل مشروع عشان هروح مستشفى اعالج المرضى و كده
مالك باستغراب/ هتروحي فين
مايا / مكتب تبع الجامعه
مالك / الجامعه ملهاش مكاتب
مايا / زين اللي قالي
علياء / اكيد في مكتب مخصص ل كده عادي
مايا / هروح بعد الجامعه مش عارفه بنقول نحضر محاضره كمان بس انا مش عاوزه
مالك / خلاص قولي ل زين انه ييجي دلوقت و تروحو اهم حاجه زين ده مضمون؟
علياء / ايوه زين صاحبنا من مصر و محترم و كويس
مالك بنرفزه/ مسألتش رأيك
علياء بعصبيه/ ماااالك
مالك دير وشه ...
مايا بضحك / خلاص هروح اشوفه و نمشي يلا سلام
مالك / سلام متتاخريش ابقي كلمينا
علياء / باااي
مايا / باااي
_______________
مشيت مايا و راحت جنينة الجامعه برا لقته قاعد مع صحابه شاورتله من بعيد و زين استأذن اللي قاعد معاهم و جالها...
زين / اي؟
مايا / بلاش المحاضره اللي بعد دي خلينا نسجل دلوقت
زين بتوتر/ تمام مش مشكله
__________________
فالقاهره مصطفى المغاوري مع اسرته..
علي / هو انتوا مش ناويين تبعتوني ل ريان؟انا اهو هبقا ف اولى جامعه السنه الجايه عاوزه ابقا فالجامعه ف اسبانيا
مصطفى/ حبيبي انت لسه تالته ثانوي
علي/ ريان قالي تعالى من تالته ثانوي ودوووني بقا ونبي
جومانه / ي بابا م تودوه اي مشكلتكو
سيده بتنهيده / وديه يا مصطفى مش عاوز توديه ليه
مصطفى / ريان اتجوز و بقا ليه بيته
سيده / ده اخوه هو حد غريب يا مصطفى؟
مصطفى / ماشي خلاص قول لاخوك و هحجزلك طياره ل اسبانيا
__________________
احدى شوارع اسبانيا ...
مايا / انا تعبت من المشي ازاي المكتب بعيد عن الجامعه كده و ف حته مقطوعه؟
زين بتوتر/ لا مش ف حته مقطوعه عادي دي اسبانيا يعني
مايا/طب قربنا؟
زين / اهو العماره دي اطلعي
مايا باستغراب/ دي خرابه؟
زين بتوتر/ مش عارف
مايا / زين؟؟
جه حد من ورا مايا مسكعا و حط قماشه على بؤها و اغمى عليها..
زين دمع ..
الشخص/ run now
زين جري...
__________
