رواية ضميني بعيونك الفصل الحادي عشر 11 بقلم منه محمد
نرفع الحلقه برأيكم الي بتمناه اشوفه كل مره ..
وقفنا عند فريحة لحد ما فيه ايد سحبتها وحاصرتها بزاويه بعيدة عن اجواء المطار والناس .. يعني اي حد ناوي يدخل الحمام ميقدرش يشوف المكان الا اذا طل براسه .. قلبها من كتر الدق حست ان امير سمعه .. غرقت جوه عيووونه اللي بتتأملها.. كانت تتمنى تشوفه قبل ما تسافر .. وهو كله اهوه قدامها مش فاصل بينهم حواجز .. بلعت ريقها وهي خايفة تنكشف مشاعرها قدامه !!
قطع افكارها صووته : للدرجادي خايفة مني ؟؟
ارتبكت .. نفسها تقوله لأ مش خايفة منك .. انا خايفه من مشاعري اتجاهك .. خايفه عيووني تفضح حبي ليك !!
ابتسم .. ارتباكها دايما بيزود براءتها .. فضل فتره بصصلها بيحاول يشبع من ملامحها ويحفرها قبل ما تودعه !!
امير وهو مركز نظراته على عيونها الملونة : جيت اسألك ؟؟
بلعت ريقها : ت تسألني ع عن اي ايه ؟؟
امير : البودي جارد ؟ لو عيزاهم احجز لهم حالا علشان يسافروا معاكي ؟؟؟؟
فريحة وهي بتحاول تاخد نفس : شكرا ملوش لزوم
حرك ايده اليمين وملس بصوابعه على خدها : مالك خايفه ؟
اتجمعت الدمووع بعيونها من لمسته .. ليه بيعاملها كدا ؟ ناوي يجننها !!!!
فريحة بهمس : أ..أ...أمير
صوابعة لسه بتتحرك على خدها .. وعيونه جوه عيونها الغرقانه .. سكت واستناها تكمل !!
فريحة بتوتر : ا نا
امير بصووت حنون وهو مبسوط وصوابعه لسا مستمرة لمس على خدها الناعم : انتي ايه ؟ كملي ؟
فريحة " يارب اعترف واخلص؟ طيب اذا اعترفت ورفض حبي ؟ قلبي هينجرح و كرامتي كمان؟ لألأ يا فريحة اوعي تعترفي اصل الشباب كلهم زي بعض .. ما تثقيش في حد فيهم " اخدت نفس وكملت : انا اسفه على اسلووبي معاك كان لازم اشكرك على البودي جارد بدل متنرفز منك..قلت كلمتين بايخين وانا متعصبه
نزل ايده من علي خدها وبغرور : روعه... الاعتراف بالحق فضيلة !!
قررت ترجع .. لوفضلت مكانها هنا هتقول كل شئ كتمته في قلبها وتفضح نفسها ومع غروره مستحيل تقدر تعترف وكلام شووق لسا بيتردد بعقلها .. يمكن بيحب شوق هي حلوة وبنت عمه !!
فريحة بتحاول تسترجع قوتها اللي بتختفي في حضوره : لو سمحت ابعد .. عايزه ارجع اتأخرت
بعد عنها .. مشت خطوة وهي عطياله ظهرها بس حست بايده مرة تانية سحبتها ورجعتها وثبتتها تاني عالجدار : دقيقه
فريحة بارتباك : عايز ايه تاني ؟
قرب وشه من وشها وحط خده علي خدها وبصوووت يدوووب همس: خالي بالك ع نفسك
بيقولي خدي بالك ع نفسك ... يعني مش عارف بأن نفسي مع نفسه زي اتنين X واحد ؟؟
غمضت عيونها من قربه .. شعر دقنه الخفيف الموجود بخده لمس خدها.. ريحة برفانه دخلت كل حواسها .. قلبها بيخرج من صدرها من كتر مادق !!
بعد عنها .. وشافها مغمضة عيوونها .. لف يمين وشمال ووراه بس ماشفش حد ... .. قرب وبكل خفة وسرعه باس شفايفها .. وعطاها ظهره ومشى !!
بلعت ريقها من حركته .. فتحت عيونها ببطء وحطت ايدها على شفايفها.. شافته سابها ومشى .. نادته بصوتها قبل ما يبعد : أمير
لف لها وهو ساكت !!
فريحة بعيوون هيمانه : وانت كمان انتبه لنفسك !!
ابتسم لها .. ورفع ايده و شاور لها بعلامة الوداع وكمل طريقه وهو مش عارف انه قلبها بقا بين ايديه !!
***********
عند غاليه
تيمور : فين فريحة ؟
غاليه وهي بتقعد على كراسي الانتظار : راحت الحمام
ابو غاليه وبايده ماسك الاوراق والجوازات : خلينا نروح نتأكد من الاوراق الاول!!
تيمور : اوكي يله.. انتظرونا هنا
راحوو تيمور وابوو غاليه >>>>>>>
فاطيما : كانه فيري اتاخرت ؟
غاليه وهي بتشاور بايدها بابتسامه : جايه اهي
اتقدمت فريحة بخطواتها وقعدت جنب غاليه بهدووء !!
غاليه باستغراب : اتاخرتي ليه كدة؟
سكتت فريحة وماجاوبتش علي غاليه.. اصلها لو اتكلمت دلوقت ممكن تنهار وتعيط..
قطع عليهم صووت ندى : اهلا يابنات
غاليه وقفت وتسلم عليها : اهلين ..اخبارك ؟
ندى بابتسامه : تمام .. وانتي ؟
غاليه : بخير
لفت ندى لفريحة : عامله ايه فريحة ؟؟
وقفت وهي بتحاول ترسم الابتسامه بصعوبه وبصوت مبحوح : الحمد لله
ندى : شكلك تعبانه ؟
فريحة : لا قلق سفر بس
ندى بابتسامه : توصلوا بالسلامه
غاليه وفريحة : الله يسلمك
ندى فرحت اول ما شافت اختها نور: عن اذنكم وصلت اختي!
لفت بسرعة فريحة مكان ما قالت ندى وشافت واحدة شيك جدا بس مش ظاهر لفريحة وشها وجنبها واحد وبتسلم على اهلها !!
غاليه بابتسامه : اذنك معاكي حمد لله ع سلامتها
ندى : الله يسلمك .. باي
مشت ندى وهي رايحة لأهلها >>>>>>>>>>
فريحة كانت واقفه وعيونها معلقة ب ااميرها .. شافته بيسلم على واحد والابتسامه ماليه وشه .. وبعدها سلم على البنت واستقبلها في حضنه .. وعدست عيوونه جت عليها .. ابتسم لها !!
نست نفسها انها في المطار .. ونست الناس حواليها .. مش شايفه غير اميرها وهي فقط .. مش قادرة تبعد عيونها عن عيوونه .. اتمنت تكون في حضنه بدل اخته !!
رددت كلمات الأغنية بينها وبين نفسها .. وماحستش غير بدموعها اللي نزلت على خدها ..
مع اني بحبك و بداري مع اني بريدك
لا في يوم حسيت قلبك شاري و لا جاني بريدك
مع اني بحبك و بداري مع اني بريدك
لا في يوم حسيت قلبك شاري و لا جاني بريدك
النار في القلب النار طفي و يا عين من الدمع تصفي..حتي اللي هويته و كان صفي لاهو باع و لا شاري ..بحلم بعينيك و متحلمشي لو بينا بلاد انا ليك همشي
فاقت من عالمها على هز غاليه : فريحة...فريحة مالك ؟
انتبهت فريحة ان امير ساب المكان ومشى .. عيونها معلقة بالمكان اللي كان واقف فيه .. اختفى من قدامها ومبقتش شايفه غير الفراغ .. لفت للجهة التانية وشافته خارج مع اهله من بوابة المطار .. وقبل ما يخرج لف عليها وعطاها نظرة من عيوونه وكمل طريقه وخرج من المطار !!
غاليه الي باصه لفريحة وامير وبهدوء : فيري حاولي تهدي وبلاش تعيطي هه
فاطيما اللي انتبهت لدمووع بنتها قربت لها وبخوف : فيري حبيبتي شبك ؟ ليش عم تبكي ؟
لفت فريحة وبصت لامها ودموعها نزلت على خدها زي المطر بدون استئذان
ضمتها امها لحضنها وهي تسمي عليها : باسم عليكي شوبك حبيبتي
فريحة وهي تشهق : ا ا ه ه ياماما
دمعت عيوون غاليه اول ما شافت فريحة .. اول مرة تشوفها بالضعف ده .. هي فاهمة سر دموعها .. شافت النظرات بين فريحة وامير !!
ام غاليه والعبره خانقتها : هيك انا وبنتي راح نبكي معكون
جه تيمور وابو غالية >>>>>>>>
تيمور بخوف : مالها فريحة ؟
غاليه بسرعه : ابدآ بتودع خالتو
تيمور اتنهد براحه وكلم فريحة : حبيبتي انا وامك هنيجي زيارات لسوريا عشان نشوفك انتي واخوكي
فريحة وهي بتبعد عن حضن امها وتمسح دموعها وتحاول تهدى : عارفه بس هشتاق لكم
نزلت دمعت فاطيما ورجعت بنتها لحضنها : واحنا كمان راح نشتاقلك كتيييير
تيمور بيحاول يخفي ضيقه : شكلي بكنسل السفر خالص
غاليه سحبت فريحة من حضن امها : لا خلاص يا عمي فريحة قوية
ابتسمت فريحة من وسط دموعها
ابو غاليه بابتسامه : يله هنتاخر
مشوو كلهم واتجهوا لبوابة المغادرين >>>>>>>>
ودعت فريحة اهلها وغالية ودعت ابوها وامها .. ودمووعهم معبره عن حزنهم
فريحة وهي حاضنة اسامه : حبيبي هتوحشني
غالية وهي تبوس خد اسامه : روحي
سمعوو صووت النداء لتوجه للطيارة .. سحبت كل واحدة شنطتها وهي بتشاور لأهلها بالوداع >>>>>>>>
***********
عند امير
خرج من المطار .. ركب عربيته وانطلق بيها بعد ما ركبوو ندى وشهد معاه .. وكان وراه عربيه ابوه اللي معاه ايسون امه ونور وسعيد .. ووراهم عربيه ابو سعيد اللي معاه ام سعيد^^
امير طول ماهو سايق عربيته وهو سرحان وبيفكر " مالها ؟ ليه كانت عيونها بصاله نظرات ما فهمهاش ؟؟طيب ليه كانت بتعيط ؟؟ وقت ما شاف دموعها كان نفسه يسيب اخته نور ويروح يحضنها ويضمها ويمسح دموعها .. شاف في عيوونها كلام وعتاب بس مقدرش يفهم .. معقول بتعاتبه لأنه قرب منها ؟؟ بس هو مكنش قصده! هو اول مايشوفها يفقد القدرة على التحكم بمشاعره .. مشبعش من ملامحها كان نفسه يقولها متسافريش ..نفسه يفهم سر دموعها !!
صحى من افكاره على صريخ اخته ندى : امير انتبه
ضغط على الفرامل بقووة وهو يتجنب العربيه اللي طلعت علي يمينه فجاة .. وقف العربيه على جنب وهو بيحاول يستوعب ايه الي حصل !!
ندى وهي حاطة ايدها على قلبها وبخووف : كنا هنعمل حادثه بس ربنا ستر
نزلت دمووع شهد من صوت فرامل العربية القوووي اللي خوفها
حضنتها ندى تهديها
محي الدين وقف عربيته ونزل بسرعه وفتح الباب من جهة امير : امير انت بخير ؟
هز راسه بالموافقه من غير ما يجاووووب
ايسون اللي لحقت زوجها : اسم الله عليكم .. حصل لكم حاجة ؟
ندى : لأ يا ماما احنا بخير
سعيد: امير اسووق بدالك ؟
امير : لأ مفيش داعي انا بخير سرحت شوويه
ابوسعيد : حمد لله ع سلامتكم
ام سعيد : انتبه يابني
نور بخووف : امير ارجوك ركز بالسواقه وانتبه
ابتسم : فيه اوامر ثانية ؟
نور ضربت كتفه بخفه : لطخ وقعت قلبي
سعيد بهمس : سلامت قلبك
ابتسمت نور بخجل ^^
اميررفع حاجبه : بتقول ايه انت لأختي ؟
سعيد رفع أنفه لفوق: يخربيت الرخامه
الكل : هههههههههههههههه
رجعوو كلهم للعربيات >>>>>>>>>
امير شغل عربيته ومشى .. و دقايق لف الدركسوون بايده وضغط بقوة على البنزين وقرر يرجع للمطار !!
ندى بخووف من سرعته : امير مالك ؟ ليه رجعت ؟
ما ردش عليها كل فكره بفريحة .. خلاص مش هيسمحلها تسافر .. ازاي طلع من المطار وخلاها تسيبه ؟؟ هنا يقدر يراقبها ويعرف اخبارها بس لو سافرت هيفقد خطواتها وتحركاتها..مصمم يفهم سر نظراتها له ودموعها ؟؟ مش همه اهلها واهله المهم يمنعها .. غصب عنها تبقي جنبه.. ولو عايزه تكمل دراستها تكملها هنا بقربه .. مش بمزاجها تسافر بعد مالخبطت حياته وقلبت كيانه وخلت ليله نهاره !!
ندى بتوتر : امير كفااايه خفف السرعه
كان سامع صووت ندى بس مش بيرد .. رنه موبايله خنقته اتصالات من ابوه وسعيد واخته نور عشان يفهموا سبب رجووعه..بس مين ولا بيرد عليهم ومحدش يقدر يمنعه من الرجووع للمطار عشان يلحقها قبل ما تسافر !!
***********
داخل الطيارة
الطيارة واقفه .. ومضيفة الطيران تستقبل المسافرين بابتسامه .. وتتمنى لهم الووصوول بالسلامه ..
فريحة وغاليه قعدين جنب بعض .. اما تيمور اللي سافر معاهم كان قاعد بالناحيه الثانية من الطيارة
غاليه مسكت ايد فريحة : فريحة
لفت لغاليه والدمووع مغرقه وشها
غاليه : ايه الي حصل ؟
فريحة وهي تشهق : و .. ودع .. ودعني .. ووق .. ووصاني ع نفسك
غالية بعطف : امتى ؟
فريحة : ووقت ما روحت الحمام .. زادت عياط : مش بيحبني !!
غاليه وهي بتحاول تهديها : ايش عرفك ؟
فريحة لفت ناحيه شباك الطيارة : لو حبني مكنش خلاني اسافر
غالية اتنهدت : فريحة هو مستحيل يمنعك من السفر
فريحة الي كل ما تمسح دمعه تنزل بدالها عشرة :والله والله لو طلب مني ماسفرش كنت سحبت فكرة السفر وفضلت هنا بقربه
غالية باستغراب : من قلبك ؟ طيب ودراستك ؟
فريحة :غاليه افهميني هو خلاص ملكني ومستعدة اعمل اي شئ عشانه .. اتنهدت بضيق وكملت : بس خلاص دلوقت انا في الطياره وانا زي زي باقي البنات اللي قابلهم بحياته .. ابتسمت بسخرية من وضعها : شكل حبي الأول من طرف واحد !!
قطع عليهم صوت المضيفة وهي بتطلب منهم وضع حزام الامان وتتكلم عن تعليمات السلامه !!
**********
عند امير
وقف عربيته عند بوابة المطار .. وفتح الباب وخرج ومشي بسرعة ومطنش صوت اخته ندى اللي بتجري وراه بتناديه .. دخل المطار وراح لقسم المغادرين .. وقف عند واحد من المكاتب وشاف صاحبه اللي شغال بالمطار !!
امير بينهج جامد : كريم
رفع راسه عن الاوراق وبابتسامه : اهلا والله يا امير..بتعمل ايه هنا..؟؟
امير وقف ياخد نفس : كريم بسألك عن طيارة مسافرة لسوريا ؟؟
كريم باستغراب : سوريا ؟؟
امير وصبره قرب ينفذ : ايوة عايز اعرف الطيارة اتحركت ؟؟
كريم وهو يضغط بالماوس وبص لشاشة الكمبيوتر : اممممم لا الطيارة باقي عليها خمس دقايق عشان تتحرك
امير بعجلة : كريم عايز ادخل الطيارة قبل ما تتحرك !!
كريم بصدمه : بس امير المسافرين حاليا بالطيارة والابواب اغلقوها .. انت يعني حاجز في الطيارة واتاخرت عليها ؟؟
امير : لألأ الموضوع مش كدا. ..اتنهد )كريم ممكن تبطل اسألة هتساعدني ولا ايه النظام ؟
كريم شاف امير متوتر جدا زياده عن اللزوم .. قام واقف وخارج من مكتبه : طيب ورايا
لحقه امير وقلبه نازل دق بقووة من سرعته وتوتره وخووفه انه ميلحقش فريحته !!
اتكلم كريم مع معارفه بالمطار وقدر يدخل هو وامير قسم المغادرين .. وقف كريم عند واحد شغال بالجوازات : سعد اتصل واطلب منهم يوقفوا الطيارة اللي مسافره سوريا.. وافتح لي البوابة وقول لكابتن الطيارة ما يتحركش لحد ما اوصل عنده
سعد : حاضر استاذ كريم
فتح سعد البوابه ليهم .. ورفع السماعة من جنبه عشان يصدر امر بتوقف الطيارة !!
مشى كريم وامير وهما رايحين لمكان الطيارات .. امير واقف وشايف من الازاز طيارات واقفه وطيارات بتتحرك وطيارات تستعد للطيران .. فضل يدور بعيونه ويسأل نفسه : ياتري في اي طيارة هي دلوقت ؟؟
قطع عليه صوت سعد وهو بيجري عشان يلحقهم : استاذ كريم ؟
لف له كريم : ايه الي حصل ؟
سعد بينهج : استاذ ماقدرتش الحقهم لأن الطيارة اتحركت وقربت من نقطة الطيران
غمض آمير عيوونه بقوة وقبض علي كف ايده .. ملحقهاش!!
فتح عيوونه اول ما سمع صووت طيارة .. لف بسرعة للازاز وشاف طيارة ارتفعت من الارض وطارت .. عيوونه اتعلقت بالطيارة وقلبه صرخ : كفاااايه ارجعي !!
انتي أول حب عشته
أنتي آخر حب عشته
أحلى حلم في يوم حلمته
صدقيني وارجعي لي...ارجعي لي ارجعي لي آه....... آه
كريم شاف ولاحظ الضيق بعيوون امير : امير انا اسف بس مقدرتش اوقف الطيارة اذا اتحركت وبقت في الجوو !!
امير وعيوونه متابعة الطيارة اللي بعدت وقربت تختفي : مفيش داعي للاسف كريم .. انت عملت الي عليك بجد شكرا
لف امير وهو راجع بس ايد كريم وقفته : امير كان مين بالطيارة ؟
ابتسم بسخرية !! كان مين ؟؟ فيها بنت قلبت حياته وسابته وسافرت !!
اختفت ابتسامة السخرية وبتنهيدة : ما تشغلش بالك ياكريم .. وانا اسف قلبت عليك المطار
سكت كريم وعرف ان امير مش حابب يقول له كان مين في الطيارة .. طبطب على كتف امير وابتسم : كل المطار تحت امرك
بادله الابتسامه .. ولف ورجع بخطوات حزينه مكسورة .. خرج من المطار و شاف اهله عند البوابه واقفين بحيرة .. راحلهم >>>>>
شهد اول ما شافت امير جريت عليه وحضنته : امير حبيبي
محي الدين بعصبية : انت ايه الي جرالك النهارده طاير بالعربيه؟ومن شويه كنت هتعمل حادثه وشكلك ناسي اخواتك البنات معاك اللي ماتوو من الخوف !! (زعق) ايييه الي رجعك المطار ؟؟
اتنهد امير وشال اخته شهد : بابا ممكن اعرف حضرتك متنرفز ليه ؟
محي الدين: كل اللي عملته ده ومش عاوزني كمان اتنرفز؟ليه مش بترد علي الزفت موبيلك؟
امير بهدؤ مميت : الموبيل سايلنت ونسيته بعربيتي
ندى بصت لاخوها وقالت في نفسها "ليه يكذب ؟ موبيله اتحرق من كتر الاتصال وهو مش بيرد بمزاجه؟؟؟"
ايسون: هدي اعصابك يا محي وخلينا نرجع البيت مش حلوة وقفتنا كدا بالشارع
اتنهد محي وحاول يهدى حاله : ليه رجعت المطار يا امير ؟
امير : في المطار وقعت مني بطاقة مهمة من محفظتي .. ووقت ماكنت في العربيه انتبهت ورجعت عشان اخدها
نور بابتسامه عشان تغير جوو التوتر : يلا نروح اشتقت لبيتنا وابو سعيد وامه قاعدين زمانهم فطسوا في العربيه
محي بحرج : اعتذر بالنيابه عننا من اهلك يا سعيد
سعيد بابتسامه : ملهوش داعي الاعتذار يا عمي احنا اهل
ابتسم محي بامتنان .. ورجع لف لابنه : اتفضل استاذ امير .. واتاكد من حاجتك احسن ما ترجعنا المطار مرة تانية !!
سكت امير من غير جواب .. اللي فيه كافي ومش ناقص عصبية ابوه وتحقيقه .. مشى وراح ناحيه عربيته شايل شهد واخته ندى وراه بتلحقه .. ركب شهد بالكرسي الي وراه ولف الناحيه التانيه من عربيته وفتح الباب وركب وطلعت اخته ندي جنبه ..... شغل العربيه ومشى ولحقوه محي وابو سعيد رايحين كلهم للبيت
************
بيت ريان
فتح عيوونه ومد ايديه واتمطع.. عدل قعدته على السرير ولف يمينه واتصدم اول ماعينه جت وشافت عقارب الساعة .. سحب الموبيل واتصل وكلم نفسه " ان شاء الله ما تكونش سافرت يارب "
رفع موبيله لودنه وثواني ورمى الموبيل بعصبية " اوووف صحيت متأخر .. تلفونها مغلق .. اكيد سافرت .. كان نفسه يكلمها قبل ما تطلع بالطيارة .. كان نفسه يسمع صوتها قبل ما تسافر !! "
سند ظهره على المخده وراه واتنهد " اتعود يكلمها كل يوم الصبح اول ما يصحا !! "
سمع خبط علي باب اوضته.. رد بضيق : ادخل
فتحت الباب وطلت براسها بابتسامه : ايه عنده اخووي متاخر في النووم ؟
ابتسم لما افتكر كان سهران امبارح بيتابع فيلم مع غالية : امبارح نمت متاخر
شوق بشقاوة : طيب يلا قووم كفايه نووم
رفع حاجبه : مالك يا بت بتكلميني من عند الباب تعالي ادخلي
شووق بخجل : ادخل وانت كدا صدرك عريان ؟!
ريان : هههههه وفيها ايه عادي انا اخوكي يا هبله
شوق : لأ يا خويا يلا هستناك تحت .. الغداء قرب يجهز
ريان باستغراب : الغداء ؟
شوق : ههههه اومال فطار ؟ انت الي صاحي متاخر ؟
ريان بابتسامه : طيب دقايق والحقك
شوق : اوكي بستناك
قفلت شوق الباب ونزلت تحت تنتظر اخووها !!
*************
سوريا
بيت اهل رنا الي الأحداث هتاخدنا لعندها
قاعدة في اوضتها بتحاول تفكر كل الاحداث الي حصلت يوم الحادثه..... عقلها تعب من التفكير وراسها صدع .. وأكثر سؤال شاغلها هو ليه ابوها ماقلهاش انها فقدت جزء من ذاكرتها يوم الحادثه ؟ ليه اخفى عنها ؟؟
مسكت راسها بضيق : اووووووف خلص تعبت من التفكير
لبست جاكيتها وخرجت من البيت وراحت للمنتجع بتحاول تنسى الموضووع ومش هتفكر فيه !!!!
************.
بيت وجدان
زواج وجدان بكره .. والكل كان مشغوول بتحضيرات الزواج .. اجتمعت العايله كلها على الغداء ..
فهد : كل التعب ده عشانك انسة وجدان
وجدان بتعب وهي بتاكل من السلطة : متقولش!محدش تعب قدي !!
وليد : فهد عادي اختك الوحيدة اتعب عشانها مرة .. وغمز له : بكرة تشتاق لها
فهد مثل: مش مصدق امتى يجي بكرة عشان ارتاح
وجدان بزعل : ماما شووفيه
امه بابتسامه : فهد سيب بنتي فحالها
فهد : ههههه امرك ماما
وليد بابتسامه : عمر قالي هتسافروا ؟؟
وجدان بخجل من سيرته : اه
فهد : هتسافروا فين؟
وجدان وهي منزلة راسها في طبقها : معرفش لسه
فهد : هههههههه مالك فاضلك شوية وتحطي راسك فالطبق
وليد وامها : هههههه ههههههههه
دمعت عيونها من الخجل .. وقامت وقفت ^^
ام وجدان مسكت ايد بنتها : اقعدي يا عروسه كملي اكلك .. ولفت لفهد ووليد:خلاص انت وهو .. خلي اختكم تعرف تاكل
فهد : ههههههههه خلاص اقعدي سكتنا
قعدت وجدان وخدودها احمرت... وكملت غداها بسرعة عشان تتجنب تعليقات فهد ووليد ^^
***********
بيت محي الدين
وصلووو للبيت .. والكل اتجمع على الغداء .. وعقب انتهاء الغداء قعدوا يشربوا الشاي .. ام سعيد مع ايسون ام امير .. ونور مع اخواتها .. والرجاله في جنب لوحدهم .. امير عايز يقوم يدخل اوضته وينام يمكن ينسى اللي حصل النهارده بس كابر على نفسه عشان سعيد وابوه واخته نور !!
" مجمع الذكور "
ابوسعيد بعد ما انتهى من شرب الشاي : احنا نستاذن
محي : بدري يا ابو سعيد كملوو اليوم معانا
ابو سعيد بابتسامه : بدري من عمرك .. بس سعيد ونور لازم يرتاحوا اكيد تعبانين من السفر ..
محي بابتسامه : على راحتكم
امير كلم سعيد : ناوي تاخد اختي ؟
سعيد بسخرية :لأ خليها عندك
امير ببرود : اها روعه
سعيد : اخلص قوم نادي مراتي
امير رفعله حاجب: مش بتقول هتخليها عندي ؟
سعيد : حبييبي قلت لك نور انساها
امير هز راسه بالرفض : حد يقدر ينسى اخته ؟؟ حبيبي نور النهارده هتفضل عندنا ما شبعتش منها شهر يا مفتري وهي معاك؟
سعيد بعصبيه خفيفه : نور هتفضل عند جوزها .. امير اخلص روح ناديها
امير قام وقف : هههههههههه مالك ؟ اعصابك ياعم ؟
محي : هههههههه امير خلاص روح نادي اختك
امير بابتسامه : امرك يايابا .. ولف لسعيد : بس قبل ما اروح هديك خيارين ياسعيد ؟؟
سعيد بتعجب: خيارين ؟
امير بغرور وتحدي لغيرته ع اخته: اول خيار تبقى اختي نور عندنا النهارده.. اما الاختيار التاني اذا اخدت نور معاك تخسر شغلك
محي بصدمه : امير ايه الكلام ده.. واقف تهدده جوز اختك كدا عيني عينك!
امير : ههههههههه بابا من فضلك خليه يختار
سعيد بثقة : روح نادي اختك
امير بتحدي : افهم من كدا قررت تخسر شغلك ؟
ابو سعيد كان مستمتع بكلامهم .. اما محي كان فاصل ضحك على ابنه اللي ناوي يجنن سعيد بغيرته المعتادة علي نور ..
سعيد : الشغل فيه غيره كتير ... وغمز لامير ) بس مفيش غير نور واحدة
امير : ههههههههه كفائة والله دلوقت اقدر اطمن على اختي معاك
سعيد : ليه ما كنتش مطمن ؟
امير : لو مش مطمن كنت انت دلوقت مش جوزها
ابتسم سعيد.. وبادله امير الابتسامه وخرج من المكان عشان ينادي اخته وشاف ندي في وشه : ندى
لفتله : نعم
امير بحزن: قولي لنور وحماتها يجهزوا نفسهم
ندى بزعل : ليه ؟؟ لسا ما شبعناش من نور ؟؟
امير بحكمه: ندى لسا جايين من السفر ولازم يرتاحوا
اتنهدت : طيب رايحة اقولها
امير : خلي نور تجيني عايز اسلم عليها قبل ما اطلع انام
ندى وهي داخله : اوكي
عقب ما قالت لهم ندى يجهزوا نفسهم .. ودعت نور امير واهلها وراحت مع جوزها بيت اهله >>>>>>>
" سعيد وحيد ابوه وامه عشان كدا اتفق مع نور قبل الجواز أنهم يعيشووا عند اهله ^^ "
**************
بيت ابو ريان
شوق بصت في الأكل : ماما مين الي طبخ الأكل ؟؟
ام ريان : انا
شوق : يعني الخدامه ما لمستهوش ؟
ام ريان بزهق : لا
ابتسمت شوق وبدءت تاكل
ريان : هههههه شووق ماله طبخ الخدامه ؟
كشرت : يعععع مش بحب اكل الخدامه كله عك!
ابو ريان : شوق عيب هما بشر زينا
شوق : بابا مش قصدي بس مش بحب اكل الا من طبخ امي
ريان : وبايطاليا من فين هتجيبي طبخ امك ؟؟
شوق بشقاوة : ربنا يخللنا المطاعم .. وغمزت لأخوها : بيمدحوا في الاكل الايطالي
ريان : هههههههههه
ابو ريان : ريان ليه ما روحتش الشركة النهارده؟
ريان : سهرت امبارح والنهارده صحيت متاخر .. متشغلش بالك تلقي امير دلوقت في الشركة..
ابو ريان بسخرية : لا امير النهارده مرحش الشركة
ريان باستغراب : ليه ؟
شوق : ههههه معرفتش نور النهارده وصلت وراحوو المطار عشان يستقبلوها
ريان : والله ؟
شوق : ايوا ندى قالتلي ان نور امبارح اتصلت تبلغهم
ريان : والله لوريه امير ماقالي ولا جبلي سيره
ام ريان بابتسامه : قبل شووية كلمتني ايسون وقالتلي وصلت نور بالسلامه وهما كلهم في البيت رجعوو من المطار
ريان قام : انا شبعت اروح اكلم امير لما تجهزوا القهوه نادوني
طلع ريان اوضته .. واخد الموبيل واتصل ..
امير : اهلا
ريان : اهلا ياخويا.. حمد لله ع سلامة نور
امير : الله يسلمك
ريان : ممكن اعرف ليه مقولتليش ؟
امير بيلعب بايده بشريطة فريحة : امبارح باليل عرفت وما حبيتش ازعجك
ريان بضيق : لا يا خويا كنت ازعجتني واخدتني معاك المطار
امير باستغراب : اخدك المطار ؟
ريان بحزن: اه كنت استقبلت نور وشفت غاليه قبل ما تسافر
ابتسم : اها قول عشان غاليه .... وعشان يقهر ريان كمل ) امممم غاليه اللي عيونها زرق زي البحر ؟؟
رفع حاجبه : ايه عرفك يا چيمس بوند؟
امير ببرود : شفتها في المطار
ريان بقهر : احلف ؟
امير : ههههههههه والله
ريان : وايه الي عرفك انها غاليه ؟
اتنهد : لأنها كانت واقفه مع فريحة بنت تيمور عشان كدا عرفتها
ريان : تعرف ياض انك تقهر ؟؟
امير : ههههههههههههه
ريان عشان يقهر امير زي ما قهره : انا النهارده مروحتش الشركة
امير باستغراب : ليه يا زفت ؟
ريان ببرود : كنت نايم قبل شوية صحيت
امير : لا والله والشغل مين بيخلصه ؟
ريان : انت يازعيم؟
امير : انا تعبان وهنام
ريان : وانا النهارده مليش مزاج اروح الشركة هقعد في بيتنا
امير : ريان بطل نداله.. انت لساك صاحي وانا نعسان
ريان : مش عارف سبني افكر
امير : من غير تفكير روح وانا هنام ساعتين واحصلك يله قوم
ريان : امممم ساعتين بس اذا تاخرت هسيب الشغل وارجع البيت
امير : انت شبعان نووم ياغلس
ريان : هههههههه عشان تعرف تقهرني براحتك يامعلم
امير : هههههههههه ااه يعني انت بتردهالي
سمع ريان صوت شووق وهي بتناديه عشان يجي يشرب القهوه : هههههه ايوا .. يله سلام ياحلو مش فاضيلك
امير ابتسم : سلام
*************
عند امير
قفل مع ريان واسترخي على سريره وشريطتها لسا في ايده عمال يبصلها .. تعبان ونعسان بس مش قادر ينام من كثر ما فكر فيها !!
ابتسم بينه وبين نفسه بسخرية " بجد انا مجنون ؟؟ بصفتك ايه كنت هتمنعها من السفر ؟؟ يا ترى لو لحقت الطيارة كان ايه الي هيحصل ؟ كانت هتسمع كلامه وتكنسل سفرها ؟ ياتري هتكون ايه ردت فعلها وفعل ابوها واهله لو لحق الطيارة ؟؟ "
اتنهد بتعب من افكاره .. حرك شفايفه وبدء يغني بصووته اللي يسحر
منك ولامنى المهم انى بعشق لون عينيك حبك غصب عنى والنصيب جمعنى بعد الصبر بيك لاهطول عليك ولا هشغل عنيك قلبى وروحى فيك انا السبب انى شغلتك وانتا السبب فى اللى جرلى....!!!
سكت وغمض عيوونه وحاول ينام ويرتاح من افكاره !!
*************
عند ندى
كانت مبسوطة جدا برجووع اختها نور .. طلعت جناحها واخدت اللاب فتحته ودخلت الشات .. شافت الكابتن موجود بس ساكت ومش بيتكلم.. قررت تتكلم عالعام وطنشه .. هي مبسوطه ورايقه ومش عايزه تضيع روقانها وتزعج نفسها وضايقها.. .. وبكل نشاط ومرح بدءت تتكلم عالعام .. كانت بتضحك وتكتب وتهزر ومن وبين حروفها تشرح وتوضح سعادتها .. دقايق والكابتن دخل الخاص عندها وبدأ كلام معاها .. قررت ترجعله بس افتكرت حركته لما طنشها وكملت كلام وحكايات عالعام وبعدين ردت عليه ^^
داخل الشات >>>>>>>>>>
الكابتن : مساء الخير
قطرة ندى : مساء الخير
الكابتن : اخبارك ؟
قطرة ندى : بخير
ورجعت تاني تتكلم عالعام وتضحك !!
الكابتن : وانا بخير
قطرة ندى برخامه: بس انا مسألتكش انت عامل ايه؟
الكابتن : اها عارف بس قلت يمكن نسيتي تسألني لأنك مشغوله بالكلام عالعام
قطرة ندى : ايوا مشغولة الناس قاعدة مستنياني عالعام عن اذنك
الكابتن : ممكن اعرف تقصدي ايه من الحركات دي؟(ايموشن معصب)
قطرة ندى : مش قصدي حاجة بس اتعلمت من بعض الناس
الكابتن : ندى بلاش تنرفزيني ماشي
قطرة ندى : تطلب مني منرفزكش بس انت عادي تنرفزني
الكابتن : انتي السبب
قطرة ندى : لأ مش انا السبب .. انت دايما كدا اي بنت ماترضاش تديك ايميلها تقلب معاملتك معاها ؟؟
الكابتن : طيب تعرفي اني عمري ما طلبت ايميل من بنت غير منك انتي ؟
سكتت ندى وما عرفتش ترد
الكابتن : واذا مش مصدقاني اسألي كل البنات هنا بالشات هما اللي بيطلبواايميلي وعمري ما طلبت من حد غيرك انتي !!
قطرة ندى : وليه انا بالذات ؟
الكابتن : مش عارف بلاش تسأليني .. بس كدا بحسك غير...كلامك واسلوبك ومحافظتك على نفسك عجبتني .. ندى انا كل اللي بطلبه منك ايميل عشان اتطمن عليكي واذا غلطت معاكي بحرف واحد تقدري تمسحي ايميلي او تغيري ايميلك ..
سكتت ندى وهي بتفكر ومترددة تعطيه ايميلها ولا لأ ؟؟؟
الكابتن : ندى انتي معايا ؟
قطرة ندى : ايوا معاك
الكابتن : طيب ايه رايك ؟ موافقه ؟
قطرة ندى : الاول اوعدني ان ايميلي ما تدهوش لحد وتتعامل معاي باحترام وحدود
الكابتن : اوعدك
قطرة ندى : امممم وترجع تعاملني زي الاول لان اسلوبك الجديد معاي مش عجبني
الكابتن : ههههههه ده اسلوبي وقت متنرفز اقلب(ايموشن مطلع لسانه)
قطرة ندى : الله يعيني بقا من قلبتك .. والله أخر مرة كلمتني فيها حسيت نفسي اكلم واحد تاني غيرك
الكابتن : ههههههه
قطرة ندى : المهم مش عايز حد بالشات يعرف اني بكلمك بالايميل
الكابتن : طيب اوعدك انفذ كل طلباتك ودلوقت ارحميني وهاتي ايميلك
ندى : ههههههه طيب
كتبت ايميلها وارسلته له .. ثواني وجت لها الاضافة وقبلت ايميله وكملت كلام معاه عالماسنجر ..
الكابتن : دلوقت بس الايميل نور( ايموشن مطلع لسانه )
قطرة ندى : yes..yes عارفة انه منور بوجودي
الكابتن : ياربنا علي الغرور
قطرة ندى : شوف مين بيتكلم ده انت عم الغرور ؟
الكابتن : ههههه مش غرور تقدري تقولي ثقة(ايموشن بيغمز)
قطرة : ابو الثقة اللي مقطعاك
الكابتن : ههههه انا هقفل دلوقت
قطرة ندى بضيق : ليه ؟
الكابتن : والله النهارده عندي شغل ضروري ان شاء الله افتح باليل واكلمك
ندى : طيب
الكابتن : ممكن طلب قبل ما اقفل
ندى : طلب ايه تاني ؟
الكابتن : اخرجي من الشات وقت ماادخل ادخلي وقت ماأخرج تخرجي
ندى باستغراب : ليه بقا ؟؟
الكابتن : بس كدا
ندى : طيب والمراقبة ؟ اذا انت خرجت وانا خرجت مين بيراقب ؟
الكابتن : لأ سيبك في مراقبين غيرنا
ندى : بس انت دلوقت هتقفل وانا زهقانه وعايز اتكلم شويه علي العام
الكابتن : ندى كفايه ممكن اخر طلب اطلبه منك نفذيه عشاني
رفعت حاجبها "عشاني" اتنهدت وقفلت صفحة الشات !!
ندى : اهوه خرجت حلوو كده ؟
الكابتن :ايوه حلوو بابرنسيسه ودلوقت باي (فيس مطلع لسانه)
ندى : ههههههه باي
خرج الكابتن اوف لاين وهي قفلت اللاب توب وقررت تنام لها شوية !!
***********
بالشركة
مكتب ريان "
رفع راسه من الاوراق وحرك رقبته بتعب .. رفع ايده وشاف الساعة .. فاتت ساعتين ونص وهو بيشتغل والاستاذ امير لحد الان مجاش.. .. قرر يسيبه على راحته ينام .. ساب القلم من ايده ومسك موبيله واتصل .. ثواني ووصله الرد : اهلا وسهلا استاذ ريان
ريان بابتسامه : اهلا بيك ..حمد الله ع السلامة
ابتسم : الله يسلمك .. عامل ايه طمني عليك وعلي اخبارك ؟
ريان : بخير بسأل عنك .. اخبارك ايه مع الجواز ؟
سعيد : ههههه تمام
ريان حب يغيظ سعيد : واخبار البت نور بنت عمي ؟
سعيد رفع حاجبه : خير ان شاء الله .. ما سمعتش ؟
ريان : هههههه مالك بسألك عن اخبار بنت عمي ؟
سعيد : انت مالك ومال اخبارها .. مالكم انت وامير غايتكم تقهروا الواحد ؟؟
ريان : هههههههه مليش دعوة الزعيم امير علمني
سعيد بسخرية : بريء ما شاء الله عليك
ريان بغرور : ههههه اكيد بريء مش محتاجة كلام
سعيد : هههههههه
ريان بابتسامه : يلا عايز حاجة قبل ما اقفل حبيت اسلم عليك
سعيد بابتسامه : الله يسلمك متبقاش تقصر في الرخامه
ريان وهو كاتم ضحكته : سلملي على بنت عمي الغاليه نووووووور!
سعيد بنرفزه : غور
ريان : ههههههه سلام
سعيد بابتسامه : سلام
قفل مع سعيد وهو مبتسم : مسك القلم ورجع لأوراقه وكمل شغله
***********
داخل الطيارة
غاليه بتشرب عصير : فريحة مالك مش بتاكلي ؟؟ من الصبح ماكلتيش حاجة
فريحة وهي بتلعب بالأكل الموجود قدامها : ماليش نفس .. غاليه عايزة اسألك ؟
غالية باستغراب : عن ايه ؟
فريحة وهي بتلتفت لها : ازاي قدرتي تنسي فيصل ؟
نزلت العصير من ايدها : فريحة بس انا لحد اللحظه ما نسيتش فيصل صعب عليا انساه بسهوله ...لو عشان شيفاني بضحك واتكلم ده بس عشان احاول انساه .. ابتسمت وكملت : وريان هديه من ربنا لان ريان اكد لي مش بس انا الي انجرحت واتعذبت في حياتي ووجوده جنبي عطاني قوة معرفش جتلي منين...هههه والانتقام الي عملناه انا وهو خفف وجعي شويه..
فريحة بذهول: معقول لحد دلوقت بتحبي فيصل ؟
غالية :معرفش بس اللي اعرفه انه جرحني وخلاني اندم على كل الحب ده .. ماهو مش معقول هو يعيش حياته وانا ابقى على ذكرياتي وحبي .. مش هوقف حياتي عشانه !!
اتنهدت فريحة من غير ما ترد .. جت لهم المضيفة عشان تاخد الأكل لأن وصلوو مطار دمشق الدولي ولازم يستعدووا للهبوط
دقايق وهبطت الطيارة واستقرت بالارض .. نزل تيمور وفريحة وغاليه من الطيارة ودخلوو المطار اخدو شنطهم ومشوو للعربيه >>>>>>>
فريحة بدور بعيوونها : اوووف فينه ؟؟
غاليه بدور معاها : ياختي معرفش !!
تيمور ابتسم وشاور بايده : اهو واقف هناك
لفت فريحة مكان ماقال ابوها وشافت اخوها سامي واقف ينتظرهم والابتسامه مرسومة على شفايفه
جريت فريحة ورمت نفسها جوه حضنه : سام وحشتني
دمعت عيوونه وهو يضمها بقوة لصدره : وانت كمان يا قلب سام
غالية بشقاوة : ياسلام شكلنا هنبات هنا في المطار لحد ما تبعد الانسه فريحة من حضن اخوها
بعدت فريحة من حضن اخوها ومسحت دموعها وضحكت على كلام غالية
سامي بسلام حار: هههههههه عامله ايه يابنت خالتي ؟
غاليه باستهبال : ياواد اطلع من دول بتسأل قوي عن بنت الخاله
الكل : ههههههههه
سامي لف لأبووه وضمه : حمد الله ع السلامة بابا
تيمور والدموع خانقته : الله يسلمك عامل ايه يابني ؟
سامي مسك العربه ودفعها لقدامه : بخير ياحبيبي طول ما انتو بخير
فريحة انكشت دراع اخوها : شايفه كبرت عضلاتك ؟
سامي : هههههه شكلك نسيتي اني مدرب رياضة
فريحة بابتسامه : لا ما نسيتش .. طمني علي اخبار النادي معاك ؟
سامي : الحمد لله تمام
خرجوو من المطار وراحو ناحيه عربيه سامي .. ركب سامي وجنبه ابوه وغاليه وفريحة ركبت وراه
سامي وهو سايق : ليه ماما مجتش معاكم والله وحشتني فطومه قوي؟؟
تيمور : امك عند خالتك وانا بكرة راجع مصر ملوش داعي تسافر عشان يوم !!
سامي : اها واسامه حبيبي كيفو؟
فريحة بضحكه : قرد منيح
سامي : هههههههه بداء الكلام السوري عند فريحة
الكل : ههههههههه
فريحة بحماس : سام عايزة اروح جبل قاسيوون
غاليه : واووووو ياجمالو وانا كمان
سامي : هههههه زقططو
تيمور: ايه جبل قاسيون ؟؟ .. خلينا نروح الشقة نرتاح
فريحة : بليز بابا عايزين نروح مش تعبانين
تيمور باستسلام : براحتكم
سامي : خلاص نروح الشقة نودي الشنط وبعدين اخدكم قشطا
فريحة وغاليه بحماس : قشطا
**********
عند امير
كان بسابع نوومه والتعب واضح على ملامحه .. نايم على بطنه وايده اليمين في ناحيه وايده الشمال في ناحيه .. وشعره واقع علي وشه .. موبيله جنبه نازل رن وهو مش حاسس بيه
دخلت شهد وشافت اخوها نايم .. قربت بخطواتها وقعدت جنبه .. وفضلت تهزه بايدها الصغيره : امير قوم .. امييير
اتحرك بانزعاج : امممممم
شهد : امير...امير
فتح عيوونه بصعووبه وبعد شعره عن وشه : شهد مش رايق لك عايزة ايه ؟؟
شهد : موبيلك نازل رن وانت مش بترد ؟
اتنهد ومد ايده وسحب الموبيل رد بصووت كل نووم : نعم
ريان : يعني ده الي هنيام ساعتين ويلحقني بالشركة ؟
امير مسح عيونه بايده وعدل قعدته وبص في الساعة جنبه:محستش بالوقت...تعبان جدا ريان
ريان باستغراب : امير مالك ؟
امير استرخي بقعدته : مش عارف بس عايز ابقى نايم ومرتاح !!
ريان : خلاص ارجع نام .. انا خلصت الشغل ودلوقت راجع البيت بس قلت اتصل اطمن عليك
امير : طيب ليه مااتصلتش بيا مش انا قولتلك هنام ساعتين بس..؟؟
ريان : قلت اخليك على راحتك
امير : ماشي ريان شكرا بجد
ريان : امير مفيش بينا الكلام العبيط ده ارجع انت نام وبكرة اشوفك بالشركة
امير : طيب سلام
ريان : سلام
قفل معاه ولف علشان يرجع الموبيل مكانه... .. شاف اخته شهد وماسكه في ايدها شريطة فريحة .. شدها من ايدها وبعصبية : شهد بتلعبي ليه في حاجتي وتاخديها؟؟
اتجمعت الدمووع بعيونها من عصبيته : كانت واقعة هنا .. وشاورت بايدها لمكان قريب من مخدته .. ونزلت من سريره عشان تطلع من اوضته كلها ..
افتكر انه نام والشريطة كانت في ايده اتنهد ورجع الشريطة للدرج : شهد تعالي
لفت ناحيته وهي زعلانة : لأ مش جايه انت هتزعق تاني
ابتسم بتعب : مش هزعق تعالي
جريت عنده ونامت جنبه : طيب ليه زعقتلي ؟
اميرغمض عيونه : لأني تعبان
شهد : مالك ياحلو ؟
امير ابتسم بضيق: راسي مصدع
شهد : هترجع تنام ؟
امير : ايوا
شهد ببراءه : امير انت ليه عندك شريطة وردية دي شريطة بنات ؟
فتح عيونه : شهد انسي الشريطة فاهمة ؟ ومش عايز اسمع الحكايه دي تاني على لسانك !!
هزت راسها بالموافقه : طيب
ضمها لصدره : روح قلبي دلوعتي الشاطرة
************
لندن
كانت قاعدة تقلب بقنوات التلفزيون .. سمعت صووت موبيله رن .. قامت وقفت ودخلت الاوضه : فيصل ليه مش بترد ؟
شافت الاوضه فاضية وسمعت صووت ميه وعرفت ان فيصل جوه الحمام بياخد شاور ..
مشت ودخلت جوه الاوضه .. اخدت الموبيل وشافت طلال يتصل .. جالها فضوول تشوف ايه جوه موبيله .. وبايد مرتعشه دخلت على دليل الهاتف والاستوديو وبدءت تقلب بموبيله وصلت لصندوق الوارد وفتحته وبدءت تقرا الرسايل .. انقهرت اول ما شافت رسايل غاليه اللي لسه محتفظ بيهم .. والرسايل المرسلة اللي فيصل باعتها لغاليه.. شافت من كلماته حب كبير لغاليه .. اتمنت يقول لها نفس الكلام .. حست بالكره اتجاه غاليه لانها من وجه نظرها الغبيه انها اخدت منها فيصل وريان !!
عند فيصل
خرج من الحمام وهو بينشف شعره من الميه .. شاف دانه واقفه في نص الاوضه وعطياله ظهرها !!
فيصل باستغراب : دانه ؟؟
حست بخوووف اول ما سمعت صووت فيصل بينادي عليها
ما ردتش عليه .. زاد استغرابه وراح قرب ناحيتها.. وقف قدامها : دانه مالك
سكت لما شاف موبيله في ايدها .. اتنرفزوسحب الموبيل من ايدها:بتعملي ايه بموبيلي؟
رفعت راسها له وبارتباك : ا ال .. الموبيل كان بيرن
سكت اول ما بص في موبيله واتاكد ان الرسايل اتمسحت ولا لأ !!
شافت ملامحة بان عليها الضيق .. بلعت ريقها : طلال كان بيتصل
رفع عيوونه لها : اوكي .. كمل بحدة : دانه اخر مرة تلمسي موبيلي مفهوم!!
سكتت وهزت راسها بالموافقه وخرجت من الاوضه .. قررت متقلهوش حاجة لانه ساعتها هيعرف انها فتحت الرسايل وشافتها ووقتها اكيد هتزيد نرفزته!!!
**********
عند امير
لف ناحيه اخته شهد وشافها نايمه .. غطاها كويس وقام من السرير واتنهد .. حاول يرجع ينام بس مقدرش .. فريحة رجعت لأفكاره من جديد .. رجع بص في الساعه جنبه .. زمانها ووصلت !!
فتح الستارة وخرج للبلكوونه .. اخد نفس طوويل .. رفع راسه للسما وصورتها اترسمت وسط النجووم .. ابتسم وهو بيتخيلها بتحبه وتقووله الكلام اللي سمعها بتقوله لواحد غيره !!
= ايوا بعيط بسبب شوقي ليك
= بحبك امير
تخيلها بتكلمه على الموبيل بسبب شوقها له.. تخيل صوتها المبحوح ينطق ويقوول بحبك امير بحبك قوي !!!!
اختفت ابتسامته لما افتكر ان الكلام ده كله قالته لغيره .. صوتها لحد الان يتردد بعقله
= بحبك سام
= ايوا بعيط بسبب شوقي ليك
هي عندها حبيب ومغرقاه بحبها .. يا بخت حبيبها !! نزلت دموعها عشانه وعشان شوقها له ؟؟؟؟؟؟
نفسه يشووف حبيبها اللي قدر ياخد قلبها .. اتنهد بضيق .. ياريته عرفها قبله كان خلاها دلوقت ملكه .. ياريته ما عرفها ولا قابلها .. كان مرتاح بحياته بس من وقت ما عرفها وهو ما داق طعم الراحه !!
صحى من افكاره على صوت امه : امير .. امير ؟؟
لف لأمه وباستغراب : ماما من امتى انتي هنا ؟
ايسون : مالك يابني بقالي ساعة بخبط علي الباب ومش بترد ودخلت وانا بناديك ومش بترد ؟؟؟؟
ابتسم لأمه : اسف ياايسون بس كنت سرحان ما انتبهت
ايسون بقلق : ايه الي شاغلك ؟
اتنهد : الشغل
ايسون بحنان : ياقلبي متتعبش نفسك.. .. الحياة بتخلص والشغل مش بيخلص !!
ابتسم وحب يطمن امه : ان شاء الله يا ماما متشغليش بالك
ايسون : ودلوقت يلا قوم البس حاجة على صدرك لا تاخد برد وتمرض
امير ضحك : هههههه ايسون فين البرد ؟
ايسون : النهارده فيه هواء وكمان متنساش قرب الشتاء
امير نزل ونام جنب اخته : ماما هنام ملوش داعي البس
اتنهدت ايسون باستسلام .. عارفه ابنها مش بيرتاح بنوومه الا اذا كان صدره عريان.. قربت عشان تشيل بنتها شهد لاوضتها بس امير منعها : سبيها يا ايسون
ايسون : خليني اوديها اوضتها لا تزعجك
امير وهو بيلعب بشعر اخته : ماما عادي السرير واسع
ايسون: امير بلاش تعودها تنام عندك دي تاني مررة
امير : ان شاء الله ومرتين مش يأثرو
اتنهدت امه ومشت ناحيه الباب : تصبح على خيير
امير : وانتي بخير ياغالية
خرجت امه وسابت ابنها حبيبها غرقان بافكاره اللي مُصره برضو تزعجه !!
رايكم يا تري امير هيقابل فريحه تاني
ريان وغاليه هيرجعو يكلمو بعض ولا كل واحد هيشق طريقه لوحده
ظهور سامي هيضيف للاحداث جديد؟
سر رنا وسيف والوعد وعلاقتهم بفريحه وغاليه
