رواية ضميني بعيونك الفصل الثاني عشر 12 بقلم منه محمد
منه محمد
التقدير بيقل والبارت بيقل ..شوفو انتم بنفسكم تعاطفك لوحده مش كفايه 
اتلمو مليتو البلد الناس الي بتقري وتجري اما الفانز الي معايا دول جوه عيوني نبسط برأيكم يله عشان هندخل احداث سخنه خلاص استعدو معايا ولا ارخم
نبدء الفيلم
سوريا "الشام"
راحوو الشقة عشان يودوا الشنط واتصلووو بأهلهم عشان يطمنوهم انهم وصلوو بالسلامة وبعدها راحوا لجبل قاسيون >>>>>>
عند قمة الجبل وقف بعربيته .. نزلت فريحة من العربيه والهوا طير شعرها : والله أكتر حاجه اشتقتله هنا الجبل
غاليه نزلت ووقفت جنبها : معاكي حق الجوووو جوونان هنا
سامي رفع حاجبه : فيري يا جزمه مشتاقه لجبل بدل ما تقوولي مشتاقه لأخويا ؟؟؟؟؟
فريحة : ههههههه اكيد مشتاقه لك بس المكان هنا غير
تيمور كشر: كله زحمة والله مش عارف عجبك فيه ايه؟
فريحة بهزار : هههههه غاليه مالهم الاتنين غيرانين من جبل!!
غاليه : هههههههههه
معلوومة من النت صغيره عن جبل قاسيون اللي مش عرفه " الهواء عند قمة الجبل يجنن .. تقدري تشووفي الشام كلها من اعلي القمة .. المكان ده دايما تلاقي فيه زحمة وتحديدا باليل الناس تسهرعليه لحد الصبح .. عند قمة الجبل فيه مطاعم وكافيهات ومقاهي وفيه شووية مساحات خضرا وورد ..وطبعا مكان للتجمعات وهناك شلة تتكون من عشر اشخاص او اكثر شووية متميزين باللبس الاسود ومعاهم ادوات موسيقية يعزفووا ويغنووا بطريقة حلووة ويرقصووا فنص الساحة بطريقة اكتر من رائعة .. "
كانت الاغاني عالية والناس بتصقف والشلة ترقص .. والحماس والتشجيع أعلي قمة الجبل مستمرة .. مشغلين اغاني منوعة نجوى ونانسي وفارس وحماقي وعمرو... الخ
سامي شاور بايده : خلينا ندخل المطعم الي هناك ده اكيد جعانين
فريحة بنفي : لأ .. خلينا نقعد هنا
غاليه : ايوا هنا احسن
سامي صرخ لأنه مش سامعهم من صوت الاغاني : اييييييه مش سامع؟؟
فريحة بصوت عالي : بقووولك خلينا نقعد هنا
سامي لف لأبوه : رايك ايه يا بابا ؟
تيمور : براحتكم انا النهارده معاكم وبكره مسافر
ابتسم سامي وطلع بساط من عربيته وفرشه عالارض .. قعدوا فريحة وغاليه وهما بيتكلموا على الشلة والناس والرقص ^^
سامي : انا رايح اطلب الاكل .. ها تاكلوا ايه ؟
غالية : اي حاجة مش هتفرق
فر يحه : وانا كمان زيها اختارنا على ذووقك
سامي : وانت بابا ؟
تيمور قام وقف معاه : انا رايح معاك واشوف ايه عندهم
سامي : تمام يله
راحووا تيمور وسامي >>>>>>>>
غاليه بحماس : يالله شووفي الواد ده رقصه جنان
فريحة : اي واحد ؟
غاليه وهي بتشاور بايدها : ده
فريحة : ايوا شفته ههههه قبل شوية جت عنده بنت طنشها ومدهاش ريق
غالية : هههههه هو الصراحة يهبل اكيد طبعا مايدهاش منظر .. نفسي ارقص
فريحة ضربت كتفها بخفة : اعقلي .. وشاورت بايدها : وشايفه الواد ده كمان حلوو رقصه
غاليه : ايوا بس الاولاني احلي و حركاته احلى
شهقت غاليه اول ما افتكرت .. سحبت موبايلها وطقطقت بصوابعها وكتبت
فريحة باستغراب : مالك يا متخلفه ؟
غالية وهي مستمرة بالكتابة : نسيت اكتب لريان واقوله اني وصلت
سكتت فريحة وسيره ريان فكرتها باميرها !!
غالية بضيق : اوووووف
فريحة بهدوء : ايه الي حصل ؟
غالية : مش راضي يرسل !!
فريحة : فالحة طبيعي لاننا خارج القاهره
غالية ضربت جبهتها: ايوا صح نسيت .... اتنهدت بضيق وكملت : اووف عايزة بطاقة سورية عشان اقدر اكتبله
فريحة : بكرة ان شاء الله نشتري بطاقتين واحده ليا وواحده ليكي
غاليه صرخت : ناااعم بكرة؟؟ لأ ما انا مش هقدر اصبر لبكرة عايز دلوقت حالا
فريحة بزهق : يعني اجبلك بطاقه دلوقت منين جنابك؟؟خلصنا بقي بكره ابعتيله
سكتت غالية وهي مضايقه !!
فريحة بصتلها : كانك مهتمة بريان زيادة ؟؟
غالية باستغراب : قصدك ايه ؟
فريحة رفعت كتافها : ولا حاجة
قطع عليهم سامي وتيمور وفي ايدهم الاكل .. قعدوا وبداؤ بالاكل ^^
سامي بيفتح البيبسي : فرفوره
رفعت راسها وبتاكل بطاطس : نعم احبي
سامي رفع البيبسي لشفايفه وشرب منه : اشتريت لك بطاقة عشان موبيلك وبطاقة لغاليه
غاليه : تسلملي يابن خالتي ياغالي
سامي بابتسامه : الله يسلمك
فريحة بابتسامه وبصت لغالية : سام هات البطاقات دلوقت
سامي طلع البطاقات من جيبه : اتفضلوووو
كل واحدة اخدت بطاقتها ^^
تيمور طلع موبايله : مليني ارقامهم عشان اتصل واطمن عليهم
انشغل سامي مع ابوه وهو يمليه ارقامهم الجديدة !!
غالية اول ما اخدت البطاقة .. فتحت موبايلها وبدلت البطاقة المصريه بالبطاقة السورية وطقطقت بصوابعها وكتبت رسالة لريان !!
خلصت وحطت الموبيل في جيبها ورجعت لاكلها تكمله ^^
فريحة بهمس : ها ؟ وصلت ؟
غالية بابتسامه : ايوا
************
عند ريان
رجع من الشركة أخد شاور يزيل تعبه .. ومدد على سريره وغمض عيوونه يستعد للنوم .. سمع صوت رنين الموبيل أعلن عن وصوول مسچ .. فتح عيوونه بضيق وانزعاج وسحب موبيله من جنبه .. فتح الرسالة وعقد حواجبه لما شافها من رقم غريب !!
= مساء الخير ريان
= اخبارك ؟
= سوري ع الازعاج بس حبيت اقولك اني وصلت بالسلامة
غالية !!
عدل قعدته ورمش بعيوونه و رجع يقرأ المسج .. غاليه افتكرته وقاعده تتواصل معاه زي ما وعدته .. ابتسم واتصل عليها !!
***********
سوريا "الشام"
عند غالية
سمعت رنين موبيلها.. سحبته من جيبها وارتبكت لما شافت اسمه نور علي شاشة موبيلها .. مش متوقعه يتصل اتوقعت يكتب لها مسج عادي .. عطته مشغوول .. رجع اتصل !!
عطته مشغول مرة ثانية ورجع اتصل !!
وبعدها هي تديله مشغوول وهو يتصل .. تعبت وهي تديله مشغوول وهكذا لحد ما زهقت حطت موبيلها سايلنت !!
سامي باستغراب : غاليه قرفتينا ماتردي ؟
ابتسمت وهي بتخفي ارتباكها : اممممم دي صحبتي قلت اكمل اكلي وبعدين اكلمها
دقيقه واهتز الموبايل في جيبها ووصلها مسج منه " غاليه ردي !! "
فريحة وهي فاهمة على غالية : الاكل مش طاير روحي ردي عليها بس اتكلمي بعيد عشان ما تقرفيناش وتزعجينا عارفه رغيك مع صحبتك دي بالذات مش بيخلص
سامي : ليه مالها صحبتها خليها تتكلم هنا عادي ؟؟
غاليه قامت وقفت ابتسمت بمتنان لفريحة : معاها حق رايحة اكلمها وارجع اصلها رغايه .. عن اذنكم
سامي : طيب بس ماتبعديش كتير لضيعي فالزحمة
غالية بستعجال : ماشي .. شايفني عيله
سامي ابتسم ع طريقتها
مشت غالية وبعدت عنهم وردت : اهلا وسهلا
ريان : حمد لله على السلامة
غاليه بابتسامه : الله يسلمك
ريان : يعني لو مبعتش مسج مكنتيش هتردي ولا ايه؟؟ ؟
غاليه : هههه ياعم اتصالنا دولي ناوي تخلص على رصيدك ؟
ابتسم : عادي فداكي كل الرصيد
ابتسمت بخجل : تسلم
ريان : يلا ارجعي موحتكيش مصر ؟
غالية : هههههه لسه مسافرة اللي يسمعك يقول بقالي سنين
ريان : ههههههه براحتك ان شاء الله ما تعبتيش فالسفر ؟
غاليه : لأ الحمد لله السفر كان سهل وانا بخير
ريان : دايما يارب
غالية : دامت ايامك انت عامل ايه ؟
ريان اتنهد بتعب : الحمد لله بخير
غالية بقلق : شكلك تعبان
ابتسم : ايش عرفك ؟
غالية : من صووتك .. مالك ؟؟
ريان : ابدا بس النهارده كان الشغل كله عليا
غاليه : ليه ؟
ريان : الاستاذ امير اخد اجازة وانا شلت الليلة كلها
غاليه بعفوية : يا عمري انت اشتغلت لوحدك ؟؟
سكت ريان وسرح في كلمتها !!
غاليه : وليه امير اخد اجازة ؟
ريان : ............
غاليه باستغراب : ريان ؟
ريان : اممممم
غالية : مالك سكتت ؟
ابتسم .. شكلها ما انتبهتش لكلمتها .. عدل صوته وكمل كلام معاها !!
**********
عند فريحة
فريحة قامت تووقف : انا رايحة اشووف غاليه
تيمور : كملي اكلك دلوقت تيجي
فريحة : شبعت الحمد لله
سامي : فيري ما تتاخروش عشان نرجع وترتاحوا شووية
فريحة : حاضر
مشت فريحة وهي تدورعلي غاليه .. شافتها واقفه على صخرة من صخوور الجبل وفي ايدها الموبيل تتكلم وتضحك .. قررت تسبها على راحتها وما تزعجهاش .. قعدت قريب منها ورفعت راسها للسما و أتاملت القمر القريب منها بسبب ارتفاع المكان .. القمر رسم لها وشه امير .. اتنهدت .. ازاي دخل قلبها وحبته متعرفش ؟؟ .. ابتسمت بشووق كلير وهي تسمع كلمات اغنية "صدفه " الي جايه من المطعم القريب منها !!
كان يوم حبك أجمل صدفة
لما قابلتك مرة صدفة
ياللي جمالك أجمل صدفة
كان يوم حبك صدفة
افتكرت اول مرة قابلته فيها .. كانت نازلة من العربيه متنرفزه ومجهزة كلام تقوله له بس اول ما التقت بعيوونه سكتت وضاع منها كل الكلام .. وتاني مرة وقت النقل !!
افتكرت مساعدته لها وقت كان راشد عندها .. افتكرت لما شالها ووصلها اوضتها وقعد واتكلم معاها وخلاها تعيط في حضنه .. افتكرت مقابلتها له بعد ما عرفت بالبودي جارد لما رجعت من جولتها في المحلات .. افتكرت خوفها على ايده وازاي ايدها كانت لامسه ايده !!
دمعت عيونها لما افتكرت اللقاء الاخير بالمطار !!
ذكريات
ذكريات
ذكريات
قاعدة بس تدبح نفسها بذكرياتها
اكتشفت انها بتحبه وبتحب قربه !!
بتحب عصبيته وروقانه !!
بتحب ضحكته وابتسامته !!
بتحب عيوونه وغمازاته !!
بتحب كل تفصيله فيه !!
***********
عند غاليه
قفلت مع ريان وهي مبتسمة .. يادوب بتلف عشان ترجع وشافت فريحة قاعده على صخرة ورافعها راسها للسما وسرحانه .. راحت لها ..
غالية بابتسامه : حبيب قلبك النهرده مرحش الشركة
فاقت من سرحانها على صوت غالية .. مسحت دمعتها بسرعه وفهمت قصد غالية ..ردت ببراءة : تقصدي مين ؟
زادت ابتسامتهاوقعدت جنبها : امير !!
ارتبكت من سيرته : وانا ايش دخلني راح الشركة ولا لأ ؟
غالية : هههههه لا متعمليش نفسك مش مهتمة
فريحة بضيق : غاليه والله مش رايقه لحركاتك
غاليه : طيب مش عايزة تعرفي ليه الامير مرحش الشركة ؟
سكتت فريحة وهي ميتة عشان تعرف اي معلوومه عنه ^^
اتنهدت غاليه وباختصار : تعبان !!
لفت فريحة وشها ناحيتها وبهمس : تعبان ؟؟
سكتت غالية وهزت راسها بالموافقه
دمعت عيونها : عنده ايه ؟
غاليه رفعت كتافها : معرفش ريان قالي كلمه على الموبيل وصوته كان تعبان جدا !!
لفت وشها بضيق .. وهمس قلبها بالم " ياريت التعب فيا ولا فيك "
غاليه حطت ايدها على كتف فريحة : ايه رايك اسال ريان ؟
فريحة باستغراب : عن ايه ؟
غاليه : عن امير .. اكيد ريان يعرف اذا امير بيحب ولا لأ
فريحة بعصبية : لأ ومتدخليش .. وانا مش عايز اعرف عنه حاجة
غاليه بضيق : مالك انطلقتي كده زي القطر ؟ كان في بالي اساعدك مش اكتر.. قامت واقفه : خلاص اسفة
مسكت ايدها ورفعت راسها لها وبحزن : غاليه مش قصدي ازعقلك بس لو كان امير بيحب شوق مستحيل ريان يعرف
غليةا باستغراب : ليه بقا ؟
فريحة بتنهيده : لأن شوق اخت ريان تتوقعي يقول لريان انا بحب اختك ؟؟؟؟
غاليه : مش ضروري تكون شوق حبيبته يمكن بيحب واحدة تانية او يمكن ما يكونش عنده حبيبة اصلا !!
فريحه و وقفت : كفايه وقفلي علي حكايته وخلينا نرجع لأنهم مستنينا يله
اتنهدت غاليه باستسلام : براحتك
***********
يوم جديد
داخل قاعات الافراح الفخمة
قاعدة بواحدة من الغرف والتوتر والخووف واضح عليها .. الكوفيره عندها بتظبط لها تسريحتها ومكياجها.. بصت لفستانها الابيض ولحد دلوقت مش مصدقه ان حب طفولتها خلاص دقايق ويبقا جوزها.. جواها سعادة ممزوجة بخووف من حياتها الجديدة !!
الكوفيره بابتسامه : خلصت
بادلتها وجدان الابتسامه .. ووقفت قدام المرايه .. وفضلت تبص لشكلها .. كان فستانها الابيض بزيل طويل من دون اكمام وتسريحتها ناعمه وبعض من خصلات شعرها الطوويل نازل على كتفها وظهرها بطريقة حلووة ومكياجها بألوان رايقه برز ملامحها .. كانت رووعه بمعنى الكلمة ..
دخلت عبير وشافت وجدان واقفه قصاد المرايه .. راحت لها وبخبث : ناوية تقضي على اخووووويا ؟؟
وجدان بتوتر : عبير كفايه مش نقصاكي
عبير : ههههه مالك ؟
بلعت ريقها وبارتباك : مش عارفه حاسه ان بطني وجعاني وبتكركب!!
عبير : ههههههههه
قطع عليهم دخوول شووق : واوووو طالعه تجنيني وجدان
وجدان بخجل : تسلمي
شوق بتبوسها: مبرووووك يا قلبي
وجدان بابتسامه : الله يبارك فيكي
شوق وهي تلتفت وتسلم على عبير : اخبارك ؟
عبير بابتسامه : بخير وانتي ؟
شوق وهي تبادلها الابتسامه : الحمد لله كويسة
دخلت امها وبصت لبنتها بحنان ووانبهار
شوق وعبير سلموا على وجدان وخرجوا >>>>>
وجدان اول ما شافت امها دمعت عيونها وحضنتها : ماما
ام وجدان والدموع خانقتها : الله يحميكي ويوفقك بحياتك يا رب
وجدان خرجت من حضن امها بتحاول ما تبكيش : الله يخليكي ليا ياغالية
امها وفي ايدها الكتاب : وقعي
اخدت القلم من امها بايد مرتجفه وشافت توقيع عمر .. باقي توقيعها وتبقا مراته رسمي .. رفعت راسها وبصت لامها
ام وجدان بابتسامه : يلا
ابتسمت لأمها وسمت بالله ووقعت
امها باستها اول ما وقعت: مبرووك حبيبتي
وجدان : الله يبارك فيكي
خرجت ام وجدان .. ووجدان قعدت تفرك ايدها بتوتر .. دقايق ورجعت لها أمها : يلا يا وجدان
ووقفت وهي خايفة : دلوقت ؟
ام وجدان بابتسامه تطمن : ايوا يله.. متخافيش انا معاكي يلا
بلعت ريقها وهزت راسها وطلعت ودمعت عيونها لما شافت ابوها واخواتها واقفين مستنينهاا ..
ابوها بابتسامه : يلا عشان نووصلك لجوزك ياعروسه
ابتسمت لأبوها واتقدمت بخطواتها وحضنته : ربنا ما يحرمني منك
ابوها بعطف : ولا منك ياروحي
وليد قرب وباس راسها : مبرووك يا أحلى أخت
وجدان : الله يبارك فيك
فهد بشقاوة : بصراحة مكنتش متوقع اختي قمر كدا. غمز لها : منه المال ومنك العيال
وجدان ضربت كتفه بخفه وبخجل : رخم وبلدي
حضنها فهد : مبرووك حياتي
وجدان بزعل مصطنع : الله يبارك فيك
حست بالخووف ومسكت ايد ابوها بتاخد الامان والقوة منه .. ضغط ابوها على ايدها وابتسم لها
بدأت الموسيقى اللي هتدخل عليها .. ومشت وجنبها ابوها واخواتها ..
كانت واقفه بفستانها الابيض وفي قمه جمالها كاي عروسه. عيوونه اتعلقت بيها وهو بصصلها .. كانت اية من الجمال .. كان منتظر اللحظة دي من طفوولته ودلوقت اتحقق حلمه وبقت مراته وحلاله رسمي..
وصلتله وجدان ووقفت جنبه ونزلت راسها بخجل ^^
ابو ها : بنتي امانه في رقبتك يا عمر
عمر بابتسامه : في عيوني ياعمي
وليد وهو بيسلم على عمر : خد بالك منها
عمر : متخافش دي في عيوني
فهد بابتسامه : مبرووك عليك أختي
عمر : هههه الله يبارك فيك
راحوووو ابوها ووليد وفهد >>>>>>
رفع عمر دقنها بايده وباس جبينها : مبروووك وجداني
وجدان بارتباك وهمس : الله يبارك فيك
مسك ايدها ودخلوا على الكووشه وبدءت الناس تسلم عليهم والموسيقي شغاله والفرح ابتدي يصهلل مع صهلله فرحتهم
***********
بنفس المكان " بواحدة من الطاولات "
كانت شوووق قاعدة وعيونها متعلقة بفهد بنظرات وداع " خلاص هسافر بكرة يا فهد واوعدك انساك واطلعك من قلبي زي ما دخلتك .. شووق اللي كانت عايشه عشان فهد ومستنيه حب فهد خلاص هتبدء حياتها من جديد وتنساك .. فهد مش حبيبي فهد ابن خالتي وبس !! "
************
سوريا "الشام"
كانوو في عربيه سامي راجعين من المطار بعد ما وصلوو تيمور ..
فريحة وهي قاعدة جنب اخووها : سام ليه طلب عندك بس الاول قول تم
ابتسم وهو سايق : اعتبريه تم
فريحة : امممم عايزة عربيه
سامي بصدمه لف عليها: عربيه ؟
فريحة : ايوا انت علمتني السواقه وبعرف اسوق .. وشوارع سوريا اعرفها .. يعني مش معقول كل ما نحب نطلع انا وغالية نتصل بيك عشان توصلنا
سامي : بس انتي مش معاكي شهادة سواقة سورية ؟
فريحة : سام انا بعرف اسوق يعني بس اقدم امتحان سواقه واخد الشهادة
سكت سامي وهو بيفكر !!
فريحة : خلاص سام انت قلت لي اعتبريه تم
اتنهد : طيب خلاص بكرة نروح عشان تقدمي امتحان وبعدين نشوف موضووع العربيه
فريحة بنبساط : واوووو هسوق مين قدي
سامي بص في المرايه قدامه وشاف غاليه اللي قاعدة وراه : وانتي ياغاليه مش عايزة تسوقي وتموتلنا خمسين ستين شخص كده ؟
غاليه بابتسامه : لا انا بخاف من السواقه بالمفتشر كده جبانه
ابتسم لها وبص للطريق قدامه .. دقايق ووقف العربيه .. نزلوو منها فريحة وغالية ودخلوا لشقتهم .. اما سامي كمل طريقه للنادي ..
" طبعا سامي بينام مع اصحابه بالنادي عشان غالية تاخد راحتها فالشقة "
***********
فيلا عايله عمر " جناح عمر "
بعد ما اتصوورت وجدان مع عمر واتحرقت من حركاته الجريئة معاها بالصوور ..خرجوو من قاعة الافراح وزفوهم لفيلا اهل عمر عشان يغيروا هدومهم ويطلعلو للمطار >>>>>>>
" طبعا وجدان نقلت كل جهزها لجناح عمر لان البيت كبير جدا .... وجهزت شنطة عشان السفر "
عمر بصلها بحب : وجداني بصيلي
بلعت ريقها ورفعت راسها له واتعلقت عيوونها بعيوونه !!
سكتوووا الاتنين وهما بصين لبعض وعيوونهم بتعبر عن حبهم الي جواهم..
عمر بهمس : بحبك
اتوردت خدودها ولسانها مقدرش ينطق ^^
ابتسم .. علي خجلها : تمام انا هطلع دلوقت علشان تخدي راحتك وتغيري الفستان لا نتاخر على الطيارة
هزت راسها بالموافقه
مشى وراح للباب عشان يخرج بس صوتها وقفه : عمر ؟
لف لها : عيوونه
وجدان بخجل : اممم مسافرين فين؟
غمز لها : مفاجاة
وجدان بارتباك : عشان اعرف بس البس ايه ؟؟
عمر : انا رايح البس بنطلون وتيشرت البسي زي عشان ترتاحي في السفر
ابتسمتله : اوك
عمر وهو بيفتح الباب : مستنيكي متتاخريش
خرج وسابها تبدل على راحتها .. ودخل اوضه تانية بدل هدومه وبعدين نزل
عند بوابة بيت اهل عمر
فهد شاف عمر رايحلهم ببنطلوون جينز وتيشرت زيتي : كان الليلة ارتحتوووا في الفندق وبكرة تسافروا ؟؟
عمر : والله الليله ليلتي وانا حر
وليد بابتسامه : ههههه توصلووا بالسلامه
عمر : الله يسلمك
وليد لف لأبووه : بابا ملوش داعي تتعب نفسك وتروح المطار .. انا وفهد نوصلهم ونرجع
عمر : اه فعلا ياعمي ما تتعبش نفسك
ابو وجدان : بس .....
فهد قاطعه : بابا والله متخافش هنوصلهم لباب الطيارة
الكل : هههههههههه
ابو وجدان باستسلام : خلاص طيب على راحتكم .. ولف لعمر : مش هوصيك ياعمر وجدان بنتي الوحيدة
عمر بابتسامه : متقلقش يا عمي وجدان جوه عيووني
خرجت وجدان بفستان طويل وجميل وبكم ومسحت مكياجها .. وكانت بتعيط بعد ما ودعت امها وام عمر وعبير
ابو ها وهو حضنها : خلاص وجدان
وجدان شهقت : هتوحشوني اوي خالص
ابوها : واحنا كمان هنفتقدك .. دلوقت اخواتك رايحين معاكم المطار
هزت راسها ومسحت دمووعها
عمر كان بصصلها بحنان ونفسه يسحبها ويحضنها بس كابر على نفسه قدامهم ^^
ابوها قرب وباسها من جبينها : مش هوصيك ع نفسك وعلي جوزك!
وجدان ببتسامه مليانه دموع وداع حتي لو مؤقت : ان شاء الله
ركبت وجدان العربيه ووراحت مع جوزها واخواتها للمطار .. ودعت اخواتها ومسك ايدها عمر وراحو للبوابة المغادرين .. سمعت النداء للطيارة المتجهة للهند!!
عمر بابتسامه : يله ده نداء طيارتنا
وجدان بصدمه : مسافرين الهند ؟
عمر غمز لها : عارفك بتحبي الافلام الهندي وامنيتك تسافري الهند صح ؟
وجدان بفرحة : صح ايش عرفك ؟
قرب لها وهمس بودنها : حبيبتي انا عارف كل همسه عنها من ايام الطفوولة !!
ارتبكت من قربه ... سمعوو النداء التاني للتوجه للطيارة .. بعد عنها ورجع مسك ايدها : يلا
ركبوو الطيارة وبعد مرور ساعات ووصلوو لمطار الهند !!
خرج عمر من المطار وهو بيزق العربه ووجدان ماشيه جنبه >>>>>
وجدان : عمر احنا ما نعرفش الهند ؟ بنتوه ؟؟
عمر : ههههههه ملكيش دعوة انتي امشي معايا وبس!
وجدان بابتسامه وهي بتشووف الهند : اووكي
عربيه اجرة كانت واقفه جنب بوابة المطار تنتظر عمر .. نزل السواق وحط شنطهم بالعربيه وركب عمر مع وجدان بالكرسي الي ورا !!
وجدان بهمس : تعرف السواق ؟
عمر بابتسامه : خلاص أمري لله يظهر اني هجاوبك على كل اسئلتك .. وانا بدرس بلندن اتعرفت على واحد امه هندية وهو ساعدني بالتجهيزات ومعرفة الاماكن والحجز
ابتسمت وجدان بامتنان وسعادة " كان بيفكر فيها وهو بيدرس بلندن كان مخطط للشئ ده من قبل !! "
بعد مرور ربع ساعة تقريبا وقفت العربيه واعلن السواق عن الوصوول .. نزل عمر مع وجدان .. واخدوو شنطهم ومشي السواق طبعا بعد ما شكره عمر >>>>>>
وجدان كانت تتأمل المكان وهي مبهوورة بجماله .. كان قدامها ساحة واسعة من النجيله الخضره والورد وفي الوسط !بيت اسطووري زي اللي كانت تشوفهم بالافلام .. وعلى يمين البيت مسبح وعلى شماله قاعدة منسقة بطريقة ناعمة وحلووة !!
عمر قرب منها : عجبك المكان ؟
دمعت عيونها : حلوو قوي.. عمر بجد انت هايل احلى مفاجاة فحياتي
ابتسم لها ومسك ايدها ومشى معاها وسط الاعشاب ودخلوا للبيت .. فتح الباب .. ودخلت وجدان كل عيونها علي المكان بسعادة .. كان البيت عبارة عن طابقين .. الطابق الاول صالة ومطبخ وحمام وغرفتين زيادة .. راحت للسلم وطلعت للطابق التاني وشافت اوضه واسعة يتوسطها سرير بشكل دائري والاوضه محاوطة بالقزاز اللي بيطل على الجنينه الخارجية والبركه(حمام سباحه) .. وكان في صالة وحمام واوضه لتبديل اللبس .. راحت للسرير وشافت قميص نوم احمر شبه عاري .. مدت ايدها ولمسته برجفه .. سمعت صووت عمر وراها : عايزك تلبسيه دلوقت !!
ارتعش جسمها ورمته من ايدها ولفتله وبتوتر : عمر أنا ....
قاطعها وحط ايده على شفايفها : اخر مرة تناديني عمر !!
سكتت وهي فاهمة قصده عايزها تناديه عمري !! قلبها دق بقووة من قربه !!
سحب القميص من السرير وحطه في ايدها وشاور بايده التانيه علي واحده من الاوض : الي هناك دي اوضه تبديل الهدوم
هزت راسها بالموافقة وهي مش قادرة تنطق بحرف واحد .. بعدت عنه ومشت للاوضه من سكات .. دخلتها وقفلت الباب وراها وسندت ظهرها عليه .. بصت للقميص في ايدها ووقالت لنفسها : طب ازاي ده البسه ؟ شكله عريان قوي ؟؟
اتنهدت وقلعت فستانها ولبست القميص .. بصت لشكلها بالمرايه قدامها ودمعت عيونها بخجل .. القميص لنص الركبه بكتير .. طيب ازاي هتطلع كدا ؟؟ لسا مش مستوعبه ان عمر خلاص بقا جوزها بالفعل ومش متخيله تطلع قدامه كدا؟؟؟
اتخضت بخووف لما سمعت خبط علي باب الاوضه ^^
عمر : وجداني ؟؟
بلعت ريقها وراحت للباب وفتحته شووية صغيرة وميلت دماغها .. وببراءة : نعم ؟
شاف شعرها الطوويل نزل كله بجهة واحدة بسبب راسها اللي مايله : اتاخرتي !!
وجدان بتوتر : امممم دقيقة واخلص ؟؟
انتبه لايدها العريانه وعرف انها لبست القميص .. وبحركة سريعة مد ايده ومسك ايدها وسحبها وخلاها تخرج من الاوضه
شهقت بصدمه وحرج .. نزلت راسها وقلبها رجف وحست بمغص ببطنها !!
بلع ريقه اول ما شافها.. سحرته بشعرها الطويل ووشها الي شبه الفراوله من الخجل والقميص الاحمر القصير .. شاف التوتر والخوف على ملامحها .. رفع راسها بايده وابتسم يطمنها : يلا ننزل نتعشا الاكل حيبرد !!
اخدت نفس طووويل واتنهدت براحه ^^
عمر : ههههههههه كل ده خووف ؟
اتوردت خدودها من حركته السريعة
شبك صوابعه في صوابعها ومشى معاها ونزلوا تحت للطابق الاول .. دخلوو المطبخ وشافت طاولة فيها شمعتين وفيها انواع اكل يشهي ^^
قعدت على كرسيها وقعد هو قصادها : يلا باسم الله
كانت بتاكل ببطء وارتباك .. هي جعانه من الصبح ما اكلتش حاجه .. بس وجوده قدامها حسسها بالشبع !!
عمر رفع عيونه وبصلها : اطلع برا عشان تاكلي براحتك ؟
ابتسمت بتوتر :لأ ب بس بلاش تبصلي !!
عمر بهيام : مقدرش ابعد عيووني عنك بس هحاول
عمر قعد ياكل وبيكابر نفسه ويحاول ميبصش ناحيتها عشان تاكل براحتها !!
بعد ما اكلت شوية وحست بالشبع .. قامت وقفت : الحمد لله شبعت
عمر : متاكدة ؟ ما اكلتيش كتير ؟
وجدان : لا خلاص شبعت .. ابتسمتلو : تسلم ايدك
عمر ساب شوكته : ههههههه لأ انتي فاهمه غلط انا مش طابخ الاكل ..حبيبتي .. الاكل جاهز
وجدان : هههههه
مشت وراحت للحمام : هروح اغسل ايدي
غسلت ايدها ونشفتهم من الميه .. وخرجت من الحمام .. وفجاة حست بحد رفعها عن الارض .. بلعت ريقها لما شافت عمر شايلها ومشي بيها وطلع للطابق التاني
وجدان بارتباك : عم .....
قاطعها وهمس بودنها : حبيبتي متخافيش انا عمرو حبيبك !!
