رواية حوا وتمضي الايام الفصل العاشر 10 بقلم علا احمد
بسم الرحمن الرحيم
الفصل العاشر...
من حوا و تمضي الايام
من حوا و تمضي الايام.....................................................
وتم عقد القران بحمد الله
وبعد المباركات من الأهالي والأصدقاء قام نبيل و وقف أمام فيونكه وقال بحزم : يلا
وقفت فيونكه وهي تقبل يد والدتها : خلي بالك من نفسك يا حبيبتي وانا كل يوم هطمن عليكي
ثم احتضنتها ببكاء وأخذت تربط علي ظهرها بحنان: ماتخفيش عليا يا حبيبتي خلي انتي بالك انتي علي نفسك
سند : وانا هطلع اطمن عليها كل شويه
نظرت فيونكه له بأستغراب: احم مين حضرتك
سند ضاحكاً : أيوه صح أنا نسيت أعرفك بنفسي أنا سند إبن عمك الصغير واخوكي من انهارده دا بعد اذنك طبعا
فيونكه بأحراج وقد اخفضت بصرها سريعاً : احم طبعا ربنا يكرمك يارب
نبيل بضيق: مش يلا بقا ولا ايه
وصلت فيونكه مع نبيل الي منزلهم
فتح نبيل باب المنزل وانتظر دخولها
نظرت له فيونكه ببلاهه ولم تفهم
نبيل بضيق: إيه هنبات علي السلم
فيونكه بغباء : مش فاهمه عايز ايه
نبيل بغيظ: عايز حضرتك تدخلي
دخلت فيونكه وهي تشعر بالاضطراب وجلست على أقرب اريكه وعادت الى البكاء مره اخرى وحمدت ربها أنها ترتدي النقاب حتي لا يري دموعها
نبيل وهو يجلس أمامه والصمت هو سيد الموقف لا يقطعه غير صوت بكائها
نبيل : ممكن نتكلم شويه
فيونكه بصوت مبحوح: اتفضل
نبيل بتنهيده طويلة: طبعا أنتي عارفه ان أنا مغصوب زيي زيك علي الجوازه دي ثم تابع عشان كده انا عايز اعمل معاكي إتفاق
فيونكه : إتفاق إيه
نبيل : انا هسيبك لحد ماتتعودي عليا وتعرفي شخصيتي كويس وبعد كده ابقي حددي عايزه تكملي معايا حياة طبيعية ولا لأ
فيونكه بدهشة : انت بتكلم بجد
نبيل : مالك مستغربه ليه اه بتكلم جد
فيونكه : يعني طريقتك معايا قبل كده وو.....
نبيل : الوضع اتغير دلوقتى وبعدين أنا مش بحب المشاكل
فيونكه باستخفاف: يا راجل
نبيل بحده: اتكلمي كويس وبعدين طريقتي دي جايه من تصرفاتك وكلامك المستفز
فيونكه : طيب ممكن أسألك سؤال
نبيل بهدوء : خير
فيونكه بتردد : طب وانت
نبيل : أنا إيه
فيونكه : يعني الفتره دي ليك انت كمان
نبيل : لأ ليكي انتي بس بالنسبة لي مش فارق معايا جواز صالونات من جواز حب اهم حاجه اني اتجوز بنت كويسه وهاديه
فيونكه : اومال كونت معترض ليه لما انت مش فارق معاك
نبيل بتحدي : مبحبش حد يغصبني علي حاجه
فيونكه : اه فهمت
وقف نبيل وهو يتجه نحو الغرفه الصغيره : انا هنام في الاوضه دي وانتي نامي في الاوضه التانيه
فيونكه وقد شعرت بالأمان والطمأنينة من كلامه : ماشي
$$$$$$$$$$$$$$$$$$$$$
بينما كان يجلس سند مع صديقه محمد
محمد وهو يضع كوب الشاي أمامه : ايه بقا يا عم سر الزيارة السعيده دي
سند : انت مضايق عشان جاي اقعد معاك شويه
محمد : لا طبعا أنت عبيط انا بس مستغرب عشان داخلين على امتحانات
سند بأرتباك : عادي يعني كونت فاضي قولت اجيلك شويه
محمد بخبث : علي بابا طب والله الزيارة دي فيها أنه
سند : بقولك هما الجيران اللي كانوا قدامكم راحوا فين
محمد بأستغراب: وانت عرفت منين
سند وهو يقف : لا ابدا اصل مش سامع صوتهم يعني
محمد بحزن: انت ماتعرفش
سند بقلق : ماعرفش ايه
محمد: ام منه ماتت وجوزها وبنتها في البلد من ساعتها
سند وهو يجلس في دهشة : لا إله إلا الله طب ازاي وامتي
محمد : من شهر كده كانت راجعه من الشغل تعبانه نامت مطلعش عليها الصبح
سند بحزن عميق : أن الله وان إليه راجعون وسكت قليلاً وقال طب احم وبنتها
محمد : اسكت يا سند دي حالتها صعبه جدا أنا مش عارف هتعيش مع الراجل دا إزاي بعد كده
فكر سند في شئ وقال : محمد انا عايز منك طلب
محمد : طلب إيه
سند : هقولك ..
$$$$$$$$$$$$$$$$$$$$$$
قامت فيونكه ودخلت غرفتها وأغلقت الباب وبدات في خلع نقابها
وتفحصت الغرفه بنظره سريعه ثم نظرت إلى ساعتها تشير إلى التاسعه مساء توجهت إلى الحمام وتوضأت ووقفت تؤدي صلاة العشاء وتبكي كثيرا في السجود وهي تدعي الله عز وجل بتيسير أمورها
وبعد ما انتهت من الصلاة ظلت جالسه تذكر الله وتقاوم النعاس الي ان غلبها و نامت مكانها
$$$$$$$$$$$$$$$$$$$$
في احد الكافيهات
قالت نرمين: ايه رايكم في الرحله اللي طالعه إسكندرية الاسبوع الجاي
بسنت : والله انا بفكر أطلع أغير جو
شاكر : يبقا كلنا نطلع الرحله تحب اللمه
تقي بتردد : أيوه بس الامتحانات قربت وأنا مش عارفه حاجه عن المنهج
خالد بملل: منهج ايه يا توت بتقولك اسكندريه
تقي : طب هنعمل ايه في الامتحان
خالد : ملزمه ليلة الامتحان فيها التلخيص كله
تقي بقلق : مش عارفه
نرمين : يلا بقا يا تقي ثم اكملت في خبث وبعدين نادر طالع معايا
تقي بلهفه: ايه دا بجد
بسنت بضحك : مالك فرحتي ليه ثم غمز لها هو إيه الموضوع
نرمين : هااا يا بنتي قولتي ايه
ابتسمت تقي بفرحه وردت: موافقه
$$$$$$$$$$$$$$$$$$$$
وقفت أيار أمام باب المعرض وهي تقدم قدم وتأخر قدم حتي استجمعت شجاعتها ودخلت
كانت تدور بعيونها بين الصفوف لتبحث علي الكتاب الخاص به حتي سمعت ذلك الصوت الذي أصبح مألوف بالنسبة لها
علي : جايه متأخرة ليه النسخه الأولي خلصت
أيار وهي تلتفت إليه: يا خساره خلاص مش مشكله هستنا الطباعه الثانيه
علي وهو يبتسم ويخرج الكتاب ويعطيه لها : بس انا معايا نسخه
تأخذ أيار منه الكتاب وهي تبتسم في خجل
تفتح أيار الكتاب وتنظر إلى المكتوب في الصفحه الاولى بصدمه
علي وهو ينظر إليه بخوف وقلق ان ترفص طلبه
ماذالت أيار مصدومه وهي تنظر إلى الكلمات وكانت عبارة عن
( نفسي اكمل حياتي معاكي تتجوزيني)
أيار ترفع نظرها إليه : انت...
علي بحب : تتجوزيني
تهم أيار بالذهاب من أمامه
علي : لو سمحتي أنا عارف انك فاكراني مجنون وانا بظروفي دي واكيد بتقولي ان مش من حقي افكر في حاجه زي دي بس والله العظيم انتي البنت الوحيده اللي فكرت فيها انا ....
لما تعطيه أيار فرصة حتي يستكمل باقي حديثه حتي ذهبت وهي تحت تأثير الصدمه
$$$$$$$$$$$$$$$$$$
