رواية عائلة آخر جنان كامله وحصريه بقلم مروة طارق
تقف سيارة مرسيدس اخر موديل امام فيلا فاخرة جدا بأرقي حي بالاسكندرية
ينزل منها رجل وسيدة في سن الاربعين تقريبا من عمرهم يتجه ليهم شاب في اوائل العشرينات يسلم بترحاب شديد
معاذ : اهلا اهلا دكتور خالد حمدالله على السلامة يا دكتور
خالد : الله يسلمك يا معاذ
معاذ : حمدالله على السلامة يا بشمهندسة
ناهد بابتسامة : الله يسلمك يا معاذ ما شاء الله الفيلا معمولة احسن بكتير من التصميمات اللى بعتها
معاذ : انا فضلت متابعها وفضلت واقف على ايد المقاول بتاعنا احنا مش بنبني لاي حد يا بشمهندسة
خالد بجدية : فعلا الفيلا حلوة اوي بس في حاجة عايز اطمن عليها وهي اهم حاجة عندي
معاذ بقلق : خير يا دكتور ؟
خالد : عدد الاوض انا ميهمنيش تحديدا كام اوضة بس يهمنى الاوض يبقوا كتير
معاذ بحيرة : لا متقلقش يا دكتور تصميم البشمهندسة اتعمل بالظبط وبعدد الاوض الكتير اللى انتوا طلبتوه بس .... هو حضرتك مهتم ليه كده بعدد الاوض وانه يبقى كتير يعني ليه التصميم كان فيه اوض كتير
معاذ كان محرج اوي انه يسأل سؤال شخصي بس فضوله غلب احراجه وفضوله دهمن وقت ما كان بيشرف على بناءء الفيلا وكان بيزيد يوم عن يوم
بس اللى كان اغرب رد فعل خالد وناهد لانه شافهم بيبتسموا لبعض وخالد قام حط ايده على كتف ناهد وبابتسامة واسعة بص لمعاذ
خالد : بعد بكرة ان شاء الله لما تيجي معانا المطار نجيب بقية العائلة هتفهم كل حاجة
معاذ بعدم فهم وبحيرة كبيرة : ان شاء الله يا دكتور
ناهد : مش يلا بينا بقى ندخل نشوف الفيلا من جوة
جوة الفيلا بعد ما دخل خالد وناهد ومعاذ
ناهد بأنبهار: واااااااااااو الفيلا تووووحفة من جوة اكتر من برة حبيبي ايه رأيك ؟
خالد بنظرة حب : كل حاجة انتى بتعمليها حلوة اوي ما دام انتى اللى صممتيها ومختارة كل حاجة فيها على ذوقك
ويمد ايده ويمسك ايدها ويقربها من شفايفه ويبوسها
خالد : ربنا يخليكي ليا يا احلى جوهرة في حياتي
ناهد : ويخليك ليا يا حبيبي
معاذ باصصلهم مستغرب اد ايه الحب بينهم كبير رغم كل السنين اللى عاشوها مع بعض الا انهم كأنهم في اول حبهم وبيسأل نفسه هل الحب ماعدش موجود في الزمن اللى احنا فيه ولا الناس هي اللى تغيرت بس الحب لسة موجود وبقينا في زمن الناس بتدور فيه على مصلحتها بس بيفكر في كل ده ويقول ياريتني كنت في الزمن اللى جمع بين الاتنين دول وخلاهم يحبوا بعض اوي كده لحد دلوقتي ويفتكر اللى حصله لما فكر يحي ويتجوز
ويفوق من سرحانه على صوت ناهد
ناهد: ايه يا معاذ مش هتفرحنا بيك بأه فين معاذ الحبيب اللى كان ملهوف عالجواز متجوزتش ليه حتفضل كل ده خاطب
معاذ بنظرة حزن : محصلش نصيب يا باشمهندسة
خالد يبصله : ليه انا اللى اعرفه انك كنت بتحب بنت خالتك وخطبتها مش اسمها سلمى برضو
ناهد : ايوة سلمى يا خالد اللى حكيتلك عنها دي ارق واجمل بنت وزكية جدا وكلنا كنا متنبئينلها بمستقبل كويس اوي
وتبص ناهد لمعاذ باستغراب : ايه اللى حصل يا معاذ انتوا بتحبوا بعض بعض من وانتوا صغيرين
معاذ يبصلهم ومش عايز يضايقهم باللى حصل معاه ويخرجهم من اللحظة الجميلة اللى هو شخصيا مستمتع بيها
معاذ بضيق : مفيش داعي يا بشمهندسة اشغلكم باللى حصل كل اللى اقدر اقوله ان النصيب
خالد: معاذ انت عارف انا من يوم ما ناهد عرفتني عليك وانا بحبك وبعتبرك واحد من ولادي ازاي بقى هنضايق من الكلام معاك .
ناهد : بص يا معاذ انا وخالد هنخرج نتعشي برة النهاردة واحنا عازمينك معانا
خالد بترحاب : اقتراح جميل يا ناهد ومينفعش ترفض يا معاذ وهتحكيلنا على كل حاجة حصلت
معاذ بفرحة : وانا يا دكتور هخرج عشان انتوا بجد وحشتوني اوي ووحشني الكلام معاكم جدا انا موافق يا بشمهندسة
ناهد بتهمس في ودان خالد : واهو بالمرة نلحق نتكلم مع الواد الغلبان ده قبل ما البيت يتحول لمورستان والواد يتجنن معانا
خالد بيمسك الكرافتة من ناحية رقبته وبيميل راسه : احم ..احم
ناهد بتبص لمعاذ : قولى يا معاذ وصيتلنا على اللى هيشتغلوا هنا في الفيلا
معاذ : ايوة عم فهمي البواب هيجي بكرة هو وسعدية الشغالة وعندي لحضرتك مفاجأة
ناهد : مفاجأة ؟ مفاجأة ايه ؟
معاذ : لقيت دادة فهيمة وهتيجي من بكرة وهتقعد معاكوا
ناهد بفرحة كبيرة : بجد معقول لقيتها. يااااااااااااااااااااه دي وحشاني اوي
فاكر دادة فهيمة يا خالد انا مش مصدقة نفسي بجد انا طول عمر بحلم انها هي اللى تيجي تقعد مع ......
وتسكت ناهد وتفتكر وتبص لخالد نظرة بخيبة امل وتقوله
ناهد : تفتكر هتستحمل ؟
خالد بابتسامة بلهاء : لا طبعا دي هتموت مننا
ناهد : بعد الشر ربنا يستر بقى
معاذ : هو حضرتك قلقانة من ايه دادة فهيمة وهي اللى مربية حضرتك يبقى تقلقي ليه ؟
ناهد : لاااااااااا انا مش قلقانة من دادة فهيمة انا قلقانة من المجهول اللى هتدخل عليه دادة فهيمة وربنا يستر
وتكمل ناهد بهمس عشان محدش يسمعها
ناهد : ويخليلكوا عقلكوا بعد اللى هتشوفوه يارب
خالد : معلش بقى يا معاذ هتعبك معايا ممكن تطلع معايا الشنط اوضتنا لو سمحت
معاذ بترحاب : طبعا طبعا يا دكتور انت بتستأذن
ويأخد معاذ في ايده شنطتين ويمسك خالد شنطتين
خالد : ناهد ياريت تشوفي ايه اللى ناقص عشان لو في حاجة ناقصها نطلبها تيجي بكرة مع بقية العفش
ناهد : حاضر ولو اني مش هجيب حاجة اكتر من من سرير ومكتب لكل اوضة وبقية الحاجات تيجي بعدين
خد : ماشي اعملى اللى يريحك
ناهد : انا هتفرج على بقية الفيلا وهاجي نغير هدومنا عشان نروح نتعشى
خالد : ماشي
ويطلع خالد ويدخل اخر اوضة في اخر دور في الفيلا مع معاذ
معاذ قاعد في الليفنج مستني خالد وناهد وبيفتكر حبه اللى ضاع وغصب عنه تنزل دمعة يمسحها بسرعة ويقول لنفسه: صحيح عدي اكتر من سنة وانتى مش معايا بس مش قادر اشيلك من تفكيري ازاي انساكي ده انتى حب عمري ومش مصدق اللى انتى عملتيه ازاي تعملى كده فيا .
خالد بعد ما اخد الشاور بتاعه طلع لبس ودخلت ناهد تاخد شاور هي كمان
خالد واقف قدام المراية بيسرح
ناهد تخرج من الحمام تفتح شنطة من الشنط وتحاول تخرج طقم عشان تلبسه
ناهدبسرحان : تفتكر ايه اللى حصل خلى معاذ وسلمى يسيبوا بعض ؟
خالد:..........
ناهد : دول كانوا بيحبوا بعض اوي من وهما صغيرين ازاي ينفصلوا بالسهولة دي ؟
خالد :..........
ناهد: انت مش بترد عليا ليه ؟
خالد : عشان انا معرفهمش اد ما انتى تعرفيهم هما كانوا جيرانك انتى مش جيراني انا مقدرش احكم ايه اللى حصل بس كل اللى اعرفه ان معاذ ولد محترم وراجل جدا واي بنت تتمناه يعني من رأيي الشخصي انه بنسبة كبيرة هو مش غلطان
ناهد : يا سلاااااااام اشمعنى بقى ما يمكن هو غلطان ومعرفش يقدر سلمى ويحافظ عليها اصل انت متعرفش سلمى دي ايه ؟
خالد: بالظبببببببببببببط معرفش سلمى ويلا بقى البسي بسرعة عشان الراجل اللى مستني تحت
ناهد : بس تعرف ايه اللى مفرحني اوي ؟
خالد : ايه يا ناهد ؟
ناهد : انه قدر يلاقي دادة فهيمة يااااااااااااااه انت مش متخيل انا كنت زعلانة اد ايه لما اخبارها اتقطعت فجأة بعد ما سافرنا يا حبيبي وحاولت اخلى بابا الله يرحمه يدور بس معرفش يلاقيها
ازاي الولد التحفة ده عرف يلاقيها ؟
خالد مبتسم وفرحان لفرح ناهد
خالد : معاذ ده كنز بس اللى يقدره وباين اوي انه بيحبك زي اخته
ناهد : صح والله عندك حق وانا كمان بحبه زي اخويا الصغير وربنا بجد عوضني بيه عشان انا معنديش اخوات
خالد : طب يلا بقى احنا هنرغي كتير انا هنزل اقعد مع الراجل وانتى البسي وحصليني
ناهد ك حاضر يا حبيبي
خالد يسيبها وينزل يقعد مع معاذ
تخلص ناهد وتنزل لهم واول ما تنزل يقوموا كلهم يطلعوا يركبوا العربية ويوديهم خالد اشيك واحسن مطعم سمك في ااسكندرية
ناهد وخالد قاعدين جنب بعض ومعاذ قاعد جنبهم
ناهد : ها احكيلي بقى يا معاذ ايه اللى حصل معاك انت وسلمى وازاي سبتوا بعض ؟
معاذ بضيق : انا مسبتهاش هي اللى سابتني
ناهد بصدمة : هي اللى سابتك ازاي ؟ مش معقول ده انت روحها
معاذ وهو سرحان وبيفتكر : ده كان زمان كان كلام عيال ووهم كنا عايشينه هي اللى قالتلى كده انا مكنتش مصدق بردوه انها ممكن تكون بتفكر كده
ناهد : بتفكر في ايه ؟
معاذ : في الفلوس طموحها غلبها غلب عقلها وقلبها وحتى زكائها سلمى اتغيرت اوي اوي راحت اتجوزت واحد عنده شركات ارضي وعربيات انا عشات في عذاب بعد ماسابتني بسهولة
ناهد : انا مش مصدقة اللى انت بتحكيه ده لا لا لالالالالالالا
سلمى عمرها ما فكرت كده اكيد انت غلطان يا معاذ
معاذ : شوفي حضرتك انتى مش مصدقة ازاي اومال انا بقى انا كنت بتعذب وقتها بس خلاص اتعودت والموضوع فات عليه كتير
خالد كان بيسمع ومش مشارك في الحوار بس تدخل وقال
خالد : بس ازاي يا معاذ وانت بقىت شريك في شركة ناهد بأكتر من 20% من الاسهم
معاذ : اللى حصل ده قبل ما والدي يتوفي وابيع الارض اللى هو مكنش عايز يبيعها وادخل شريك مع ناهد في الشركة اللى ورثتها عن باباها
خالد : ااااااااااه واضح انها كان وشها وحش عليك شوف يا اخي لما بعدت عنك بقيت صاحب شركات ومتقدم في شغلك ما شاء الله بكرة تسمع ان جوزها ده فلس
خالد وناهد بيضحكوا ومعاذ ابتسم
ناهد : وعلاقتكم بخالتك عاملة ايه دلوقتي ؟
معاذ : عادي متأثرتش لان هي كمان مكنتش موافقة على جواز سلمى لانها كانت شايفة انها بتبيع نفسها بالفلوس
ناهد: وانت سكت يا معاذ محاولتش ترجعها عن تفكيرها
معاذ بحزن : حاولت كتير اوي وتنزل دمعة غصب عنه ويمسحها بسرعة
يكمل : بس هي اللى اختارت وانا عمري ما هفكر ارتبط بواحدة زيها
ناهد بحزن على حاله : متزعلش نفسك هي اللى خسرت مش انت خلاص بقى انساها وعيش حياتك
خالد: ناهد بتتكلم صح يا معاذ انت لازم تنساها
معاذ : ما انا نسيتها يادكتور وربنا يسهلها حالها
خالد : لا منستهاش بدليل ضيقك وحزنك ..... ودموعك
معاذ : انا بس زعلان على الحب والعشرة والسنين والاحلام اللى راحت
خالد: لو على السنين فالسنين عمرها ما بتعمل حب الحب بيجي بنظرة واحدة واسألنى انا
وبص لناهد وغمزلها وهي ابتسمت بكسوف
كمل خالد : لو على الاحلام فاحنا احلامنا بنعملها وبنحققها بنفسنا احلم تاني ولو على العشرة لازم تكون مع ناس فعلا تستاهل ناس ميبعوناش ناس بجدبيحبوا ويعرفوا الحب
معاذ : انت عندك حق يا دكتور
ويبتسم معاذ : المهم ايه موضوع الشغل اللى حضرتك كنت عايزني فيه ؟
ناهد : يووووووووووووووه هيتكلموا في الشغل بقى
خالد ومعاذ بيضحكوا
خالد : حبيبتي معلش بقى بكرة هعيشك يوم مش هتنسيه ابدا طول حياتك قبل ما ترجعي للجنان تاني يا روحي
ناهد : يااااااااااااريت انا حقيقي محتاجة هدنة قبل ما مستشفي المجانين تبدأ من اول وجديد
يضحك عليها خالد ومعاذ مش فاهم حاجة
خالد بجدية : المهم انت عارف اني هفتح المستشف الخاص بتاعي هنا في اسكندرية عايزك تتابعها بنفسك مع البشمهندسة عشان انا استغلتها وخلتها تعملى تصميمات المستشفي
معاذ : انا تحت امرك يا دكتور انا يشرفني طبعا
ناهد : معلش يا معاذ انا هتقل عليك في طلب كده
معاذ : انتى تؤمري يا باشمهنسة انا اطول
ناهد : ربنا يخليك يا معاذ بس بما ان احنا بكرة هنخرج نتفسح انا وخالدممكن انت بكرة تستلم باقي تجهيزات البيت وتقف مع العمال لحد ما يخلصوا وياريت كل اوضة يبقى فيها سرير ومكتب
معاذ : انتى تؤمري يا بشمهندسة بس هو انتوا هتحولوا الفيلا لفندق ولا ايه ؟
خالد وناهد بيضحكوا
خالد : حاجة زي كده
ناهد : تقدر تقول هنحولها لعنبر مجانين ههههههههه
معاذ بيبتسم : قال يا خبر النهاردة بفلوس بكرة يبقى بلاش
خالد : لا بعد بكرة يبقى ببلاش هههههههه
___________________________________________-
يخلصو ناهد وخالد ومعاذ سهرتهم ويروحوا كل واحد لبيته ويناموا على طول لانهم كانوا تعبانين من السفر
معاذ يفضل يفكر في سلمى وبيحاول ياخد قرار انه ينساها وغصب عنه فضوله يرجعه يفكر في لغز الاوض الكتير اللى في بيت دكتور خالد ويغلبه النوم وينام \
تاني يوم يجي معاذ من بدري ومعاه فهمي البواب وسعدية الشغالة وتنزلهم ناهد وتقعد معاهم تعرفهم نظام البيت هيبقى ازاي وتتفق انهم يبتدوا شغل من النهاردة وتروح توري كل واحد اوضته فين وبعد كده راحت لمعاذ
ناهد : امال فين فين دادة فهيمة ؟
معاذ : انا بعت عربية بسواقها تجيبها ومانها جاية
يسمعوا صوت عربية وقفت برة وبيبص معاذ من الشباك
معاذ : اهي جت اهي
تجري ناهد جري عشان تستقبل فهيمة وتنزل فهيمة من العربية وتجري عليها وتحضنها وتبوسها
معاذ مراقب من بعيد
ينزل خالد يلاقي معاذ واقف
خالد : ايه يا معاذ في ايه ؟
معاذ : لا ابدا بشوف اللقاء التاريخي ده
خالد يبص مكان مابيبص معاذ
خالد : ياااااااااااااه دادة فهيمة والله وليها وحشة
ويروح خالد عشان يسلم عليها
ناهد وفهيمة قاعدين بيحكوا ويتكلموا ويرغوا
يجي خالد من بعيد
خالد : مش يلا بينا يا ناهد عشان نلحق يومنا من الاول
ناهد : حاضر يا خالد انا جاية
وترجع تبص لفهيمة
ناهد : معلش بقى يا دادة بكرة نقعد نتكلم مع بعض كتييييييييير هقوم دلوقتي ولسة قعدتنا مخلصتش
فهيمة : قومي يا بنتي مع جوزك وانا قاعدة مش هطير يعني مستنياكي
تبوسها ناهد وتقوم مع خالد
خالد وناهد قضوا يومهم فسح واتفسحوا في كل الاماكن اللى كانوا بيروحوها وهما بيحبوا بعض زمان واتمشوا على شاطئ البحر في المعمورة ويرشوا على بعض ميا وقعدوا يرغوا زي ما يكونوا اول مرة يحبوا فيها بعض وجاب خالد ديليفري عشان يتغدوا وفضلوا قاعدين على البحر لحد وقت الغروب وشافوا مع بعض احلى منظر على شواطئ اسكندرية منظر الغروب
اخد خالد ناهد وراحوا منطقة القلعة واتعشوا في المطعم اللى كانوا متعودين يتعشوا فيه زمان
في نفس الوقت كان معاذ بيستلم الاثاث اللى هيتحط في الفيلا ومنهمك اوي مع العمال وفضل قاعد معاهم لحد ما فرشوا كل حاجة واطمن على وجود سعدية وفهمي ودادة فهيمة
وهو خارج من الفيلا قابل ناهد وخالد وهما راجعين سلم عليهم وخالد اكد عليه يجي بكرة عشان يروحوا المطار يستقبلوا بقية الاسرة
خالد وانهد في اوضتهم
ناهد : ميرسي ياحبيبي على احلى يوم قضيته
خالد وهو بيبصلها بحنان : العفو يا حبيبتي انتى متعرفيش انا بفرح قد ايه لما بشوفك فرحانة
ناهد : ربنا يخليك ليا يا حبيبي وميحرمنيش منك ابدا
خالد : طيب يلا ننام بقى عشان من بكرة هنرجع للجنان تاني
تسرح ناهد : انا ساعات بسألأ نفسي انا ايه اللى عملته في نفسي ده
خالد يسيبها وينام على السرير
خالد : نتكلم في الموضوع ده بكرة
ناهد بغيظ : بقى كده طيب
وتقوم تنام جنبه بس قبل ما تنام تمسل خددية وتضربه بيها
خالد : ايه في ايه ؟
ناهد : مفيش بنام
خالد : حد ينام كده
ناهد بغيظ : تصبح على خير
خالد بابتسامة واسعة : وانتى من اهله
تاني يوم في المطار واقف خالد وناهد ومعاذ مستنين ركاب الطيارة اما يظهروا
خالد : اهم وصلوا اهم
ناهد : اه وصلوا
يبص معاذ : ماشاء الله بس انتى يا ناهد مقلتليش ان ولادك صغيرين اوي كده
ناهد وخالد باستغراب : صغيرين ازاي ؟ يعني
يشاور معاذ على شوية اطفال
خالد : لا دول مش ولا دنا دول مامتهم وباباهم معاهم اهم كانوا بيدوا شنط ورجعوا
ويبص معاذ يلا الاطفال واقفين مع راجل وست كبار
خالد يشاور على ولاده في ناحية تانية ويقول : اهم ولادنا اهم هناك دول
يبص معاذ مكان ما بيشاور خالد ويبررررررررررررررق جامد من المفاجأأأأأأأأأأة
-----------------------
