رواية بنت المصري ومؤذن الحي الفصل الثامن 8 بقلم جمانه السعيدي
منى....مابطلت اتوسل برب العالمين يخلصني من شر هيثم
معروف الي ياخذ مخدرات يكون غير مدرك التصرفاته
عادي يقتل امه أخته زوجته
واذا محتاج فلوس ممكن يمد ايده ويأخذ فلوس من اي مكان حتلو فلوس حرام
اهم شي يشتري مخدرات
وهذا حال هيثم قبل اني جنت انطي فلوس ونطيته الذهب
مشى أموره بيهن وهسه يريد فلوس بااي طريقه
يريدني اخاف منه وارجع انطي فلوس يشتري بيهن مخدرات
بس اني مستحيل انطي فلوس بعد
لان كلما انطي فلوس يطمع اكثر واكثر
كل النهار مكابل بابنا يربد فرصه يهجم عليه
الصبح من تطلع امي للدوام اقفل كل البيبان
وابقى بغرفتي لو يتكسر الباب ماافتحه
من تجي امي العصر تفتح الباب عدها مفتاح
العصر بابنا ماينسد ابد
النسوان داخله طالعه لو جايه تفحص لو عدها ولاده
لو وحده من الجيران جايه تسولف
بلنسبه الهيثم ضاق بي الحال مجاي يكدر يوصلني وكل تهديداته اليه ماجابت نتيجه
لان هو ماعنده دليل ضدي واذا كال اخذت الذهب منها
هذا دليل علي واذا كال اعتديت عليها
راح يلبس نفسه مصيبه بس هو هسه يريد فلوس
اي فلوس حتى يشتري مخدرات
كل النهار داير مدير البيت كذا مره كسر بابنا تكسير
تخيلو يطلعون الجوارين هلكد مايدك الباب قوي
ويسئلونه شتريد
يكول كرايبي وجاي عليهم
مرات اسمعه يحجي ويا الجوارين ابقى جوه
مااطلع
تقريبا اربع او خمس مرات كسر بابنا وماا اطللعه
بعدين فكر يطفر الحايط علينا
اجا وبقا يراقب الشارع لمن أمن طفر الحايط الخارجي
يعرف هيج وكت وحدي بلبيت
دك باب المطبخ عليه
باوعت شفته يريد يفتح الباب
منى....اطلع اذا ما تطلع اعيط والم الناس عليك
هيثم...بس اسمعيني اني احبج اموت عليج مااريد منج شي بس اريد ترجع علاقتنا مثل قبل
اني راح اتخبل بسبج
سامحيني وخلي علاقتنا ترجع
منى...اطلع راح أصيح حرامي واخليهم يجون يكسرونك تكسر
هيثم...معقوله ما تحبيني ليش هيج منى
منى...عطت بصوت عالي اطلع
هو لازم ايد الباب ويحرك بيها بسرعه عصبي عيونه حمر
مبين فاقد السيطره على نفسه
اشوفه من الجامه وهو جاي يشوفني
هيثم....اااجي ااجي اخطبج اليوم بليل راح اروح احجي يا ابوي واجي اخطبج
منى...اني مااريدك لو مو جيب ابوك لو اجيب العراق كله من شماله الجنوبه مااريدك اطلع من حياتي دمرتني اطلع
هيثم...واهون عليج راح اموت تقبلين اموت
راح اموت بسبج
منى....صحت بصوت عالي ببوووو الحكو عليه
هيثم...اش اش لا طلعين صوت
انطيني اي شي اي مبلغ جوه ايدج انطيني واروح منا
شوفي حالي شلونه
ماعندي احد غيرج يساعدني محد يريدني
فدوه ساعديني بس هلمره الله يخليج ساعديني
منى... هااا تريد فلوس فوك عمتلك وياي سودة وجهي
ايام وليالي واني مانايمه
وهسه جاي تريد فلوس موووو
يبوووو ينااس الحكو عليه حرامي حرامي
يبوووو ياناس وحدي وتهجم عليه
منى....سد ايده وضرب الجامه مرتين بقوه
بس هو ماعنده قوه كله يرجف لان ماماخذ مخدرات
ومايكدر يسيطر عله نفسه
اني كمت اعيط وهو يضرب بلباب بكل قوته
من شاف نفسه مايكدر يكسر الباب واني مستمره اعيط
خاف فتح الباب الخارجي وطلع يركض
الجوارين القربيب من بيتنا اجوووو
دخلن عليه التسوان من شفتهن فتحت باب المطبخ
النسوان سئلني سمعناج تعيطين
منى.. اي خاله حرامي شاف امي طلعت وطفر الحايط عليه
همزين قافله باب المطبخ جان دخل عليه
جمانه السعيدي
النسوان...حرامي الصبح
منى...اي الصبح هم شايفه خاله حرامي الصبح يمكن مراقب بيتنا ويعرف اني وحدي بلبيت طفر عليه
همزين قافله كل الابواب وكمت اعيط
النسوان الحمدلله على سلامتج
النسوان راحن بس ام مؤيد مره جبيره جيرانه بقت كاعده يمي لمن رجعت امي من الدوام
امي دخلت شافت ام مؤيد كاعده بلمطبخ واني واكفه اطبخ وسوالف عليها
امي...هله ام مؤيد شلونج
ام مؤيد...الحمد لله انتي شلونج
امي...الحمد لله رب العالمين ساترها ويانا
ام مؤيد...فعلا هذا ستر من رب العالمين اليوم جان بتج ضاعت
امي...ياستار شكوووو
منى...الصبح كاعده وسمعت واحد طفر علينا همزين قافله باب المطبخ
امي...واحد منو الله يستر
ام مؤيد...اي منى كامت تعيط وعلى صوت عياطها طلعنا
بس ماشفنا انهزم
امي...يااا منى هذا الحجي صدك
منى...اي صدك رب العالمين انطاني الصبر والقوه
كمت اعيط خاف وانهزم
امي...صار سنيين هنا ماصار ويانه شي ووين شافنا هذا الحرامي وطفر علينا
منى....يمكن مراقب البيت يعرف انتي طلعتي واني وحدي
قرر يطفر علينا واي شي بطريقه ياخذه
امي...اذا شفتي تعرفي
منى...لا وين اعرفه حان ملثم ماشفت وجها
امي.... مجاي اصدك معقوله اكو حرامي يطفر بنص النهار
منى...لليل وامي تسولف بسالفه الحرامي وما مصدكه
اكو حرامي يجي بلنهار
اعرف رب العالمين واكف وياي وجاي يحميني
من هيثم هاي ثاني مره يخلصني من شره
بس بعد المصيبه الجبيره شلون راح اطلع منها ماادري
بعدني خايفه من هيثم ممكن كلشي يسوي المخدرات لحسة عقله فد مره لازم اكون حذره
خاف يعيدها مره ثانيه يجوز يجيب ياي حديده
يكسر بيها جام الباب ويدخل عليه
جمانه السعيدي
ثاني يوم الصبح
منى...ماما اني خايفه ماابقى بلبيت وحدي
امي...ووين اوديج اخذج للدوام وياي
منى...مااعرف بس ماابقى بلبيت
امي.. اخذج يم خاله سعاد
منى.. اي اروح يم خاله سعاد .ماما لا تبقين شي ثمين بلببت خاف هذا الحرامي مراقبنا وبس نطلع يطفر على البيت وياخذ كلش
امي...اي ولله صدك
منى...ليش ما تفتحين حساب بلمصرف وتخلين بي
الذهب والفلوس هيج امان اكثر
امي...خل اخذهن وياي واطلع من الدوام اروح افتح
حساب بلمصرف جيبي ذهبي وياهن
منى...ذهبي لا اخلي بجنطتي اريد البسه
اخذت امي الفلوس الي جوه ايدها مبلغ ٥٠٠ الف
والذهب عدها سوار وكلاده وتراجي زوجين
وصلتني البيت خاله سعاد وراحت للدوام
يافرحة خاله سعاد بيه الصبح بلبيت وحدها كلهم
بلدوام كعدنا نسولف اني وياها وساعدتها بلبيت
من رجعت امي من الدوام مرت عليه
سعاد... صدك طافر عليكم حرامي
امي.. اي هم شايفه حرامي النهار قبل بس بليل
الحرامي يطفر على البيوت هسه حتى بلنهار
سعاد...مااشتكيتي علي
امي....محد يعرف شكله مادام مااخذ شي عليمن اشتكي
سعاد...اليوم اتونست كل يوم جيبي منى يمي
امي...بس كون ساعدتج
سعاد...حتلو ما تساعدني بس اشوفه ارتاح
من بعدها كل يوم تاخذني امي البيت خاله سعاد
ومن ترجع ترجعني وياها
بعد هذا الحادث بأسبوع اواكثر شويه
سمعنا طلق نار قوي بلشارع
الناس كلها طلعت
امي راحت تسئل طلع طلق النار على بيت رونق
منى...ماما شكووو
امي...يكولون إطلاق النار هذا على بيت رونق
منى...ياستار ليش
امي...ادخلي واني اروح اسئل واشوف شكووو
طلعت امي شويه ورجعت
منى.. شكووو
امي....خطيه ولله مسكين ابو رونق
منى..شبي
امي......يكولون ابنه كاتل واحد
منى....يا حمودي كاتل واحد حمودي زغير شلون كتل
امي...لا مو حمودي ابنه الجبير من زوجته الاولى
يكولون بايك من واحد فلوس وذاك شايفه
متعاركين بينهم وابن ابو رونق داجه سجينه بركبته
وموته بلحظتها
منى....هيثم
امي...مااعرف اسمه هسه اهل الولد اجو دكو على ابو رونق
لازم يروح يطلب عطوه منهم
والشرطه جاي ادور علي بعدهم ما لازمينه
الله يستر هاي التايهات الي البشر ما حاسب احسابها
هسه هذا الرجال المسكين شنو ذنبه
منى...كلت بكلبي اكيد مد ايده على الفلوس علمود المخدرات ماكدر يحصل فلوس ماكو كدامه غير يبوك فلوس من اي مكان
مافرحانه بهذا الخبر بلعكس ضايجه هيثم ضحيه ام وأب انفصلو واحد عن الثاني
كل واحد بيهم شاف حياته
وهيثم من عمر عشر سنوات عاش وحده
بدون رقيب بدون اي اهتمام ومتابعه
اكيد يطلع مدمن مخدرات طفل وتايه بهاي الدنيا وحده
شلون ما ينحرف
اكو ولد عدهم اهل وبيوت ومدللين
ويمشون بهذا الطريق شلون هيثم وهو عاش كل عمره وحده خليهم يسجنونه بلكت يكدرون يحمونه من نفسه
ثاني يوم الصبح رحت ويا امي البيت خالتي
اخاف هيثم يهجم عليه لان الشرطه بعدهم ماقبضو علي
اربع ايام يله الشرطه كدرت تقبض علي
لكو نايم جوه الجسر الناس بلغت علي وهيج
انطوت صفحة هيثم من هاي الدنيا اكيد ينحكم لو إعدام لو مؤبد
بدون شماته يمكن هذا استحقاقه
ويمكن هاي عدالة رب العالمين لان هيثم غلط هواي
اهم غلطه غلطته وياي هاي الغلطه ابد ما تنغفر
اليوم الي بعده
امي... منى شو ماكعدتي ماترحين بيت خالتج
منى...لا اليوم مااروح شويه واكعد اريد انضف بيتنا تنضيف شامل
امي...يالله اليوم ما خايفه من الحرامي
منى...لا بعد هذا الوكت كله مراح يرجع يمكن خاف مني
امي...اي خاف منج لو مانتي صار اكثر من اسبوعين خايفه ومهزومه بيت خالتج
منى...ماما حرت وياج اخاف تكولين شنو تخافين
ابقى بلبيت تكولين شنو بقيتي بلبيت
امي...لا ابقي مدام راح تنضفين البيت
يمتى يخلص بيتنا وننتقل ونخلص من هايةالخرابه الي مايفيد بيها تنظيف
منى....شلون راح نفارك الجوارين كلهم ناس طيبين
امي.... شويه ونتعود على الجواربن الجدد
جمانه السعيدي
منى ...اجا الدوام اشتريت ملابس عريضه وحجابات
ناويه التزم بملابس محتشمه
مااريد اعيد الغلط مره ثانيه رحمة رب العالمين
خلصتني من ذيج المصيبه
الشي الي ماانتبهت اله الدوره غبت عليه
صار اكثر من شهرين ماكوووو
خايفه لا المصيبه تصير ثنيين هلمره صدك اموت
شلون بيه اذا الشي الي ابالي طلع صحيح
رجعت للبيت فورت دارسين وشربت معروف الدارسين
زين الهيج شغلات
اشرب وماكوووو
بلعت حب براستول خلصت شريط كامل
كلشي ماكووو ماكو وصفه تعتب عليه ما سويتها
اصعد على الجربايه واكمز
اي شي ثكيل اشيله كلشي ماكوووو
شلون بيه كمل الشهر الثالث قررت اشتري اختبار حمل
واجرب للبيت
طلعت اشتري شغلات مدرسيه أقلام ودفاتر
اشتريت اختبار حمل وياي
من رجعت للبيت انتظرت امي تنام بليل
وجربت التحليل طلعت فعلا حامل
كعدت وكمت اضرب بطني بكل قوتي
يبووو على حظج يامنى يامصيبه الي ما تنحجي
شراح اكول الامي
شلون راح احل هاي السالفه
جنت بمصيبة صرت بثنيبن وحده اصعب من الثانيه
شراح اكول الامي شلون اخلص من هاي الشده
للصبح مانمت كاعده ابجي على حضي الاغبر
شراح اسوي
ثاني يوم ماكدرت اطلع للدوام حسبه اجيبني وحسبه توديني شلون بيه
خليت امي طلعت ورحت ادور صبدليه
سئلتهم على حبوب اسقاط
كال ممنوع تنصرف اله بورقه من الدكتوره
ومو اي دكتوره كون دكتوره معروفه تشتغل
بلمستشفى
منى...ياربي شلون منيين اجيب ورقه
راح انفضح مستحيل تنظم هواي هاي الشغله
رجعت للبيت وكمت افور دارسين واشرب
واكمز واللعب حبل بس ماكو عبالك مخيط على الرحم
اي منى خاف ذيج المصيبه انسدت هسه هاي المصيبه شلون اسديها شلون بيج
اربع ايام غايبه عن الدوام والسنه سادس شلون بيه
لو كبرت بطني شراح اكول كدام الناس
امي...ليش مداومين هليام
منى...باجر اداوم ماعدنا دروس مهمه ونص المدرسات بعدهن
مامداومات نروح بس لعب وسوالف
عاد انام بلبيت احسن من باجر ارجع للدوام
رجعت للدوام بس كاعده حالي حال الحايط
لا قرايه ولا كتابه عقلي مشغول بهاي المصيبه
شلون لو كبرت بطني شراح اكووول
شلون اداوم كدام البنات امي امي شلون لوشافت بطني جبيره
يارب استرني بسترك يارحيم
الشهور الأولى راسبه بكل المواد لااكدر اقرا لا أكتب
الهم راكبني من راسي الرجليه
الحد ما وصلت نهاية شهر الخامس
كنت اربط بطني بقوه والبس ملابس عريضه
البنات بلدوام كلهن يضحكن عليه شنو هذا السمن
تمشين جنج وحده حامل
شو متغيره ليش هيج صايره
رغم اني اوصل للصف اكعد برحلتي ومن ارجع يله اطلع من الصف اخاف البنات ينتبهن عليه
اما بلبيت احاول شكد مااكدر ماامشي كدام امي
الوقت كله مخلصته بغرفتي
اكعد على الجربايه واخلي مخده بحضني واغطي رجليه
واخلي الكتاب فوك المخده
حتى امي لا تشوف بطني
اسوي نفسي اقرا وكلما امي تريد مني شغل
اتحجج سادس وصعب واريد اقرا حتى لا اكوم كدامها وتشوف بطني خطيه حتى الاكل اجيبه الغرفتي
ما تقبل اشتغل اي شغل
كلما اشوفها تهتم بيه اموت قهر شلون اني
سويت بيها هيج خطيه امي ماتستاهل منى هذا التصرف
هيه هم مشغوله بلدوام ترجع تعبانه تنام للمغرب يله تكعد
بس اذا اجتها ولاده تكعد
مرات تطلع للبيوت اجيب النسوان ببيوتهن
بليل تنام اذا ماعدها حالة ولاده
وما تقرب عليه تخاف تشغلني عن القرايه
والأكل اجيبه الغرفتي وترجع تاخذ الصينيه
من تطلع امي من البيت ادخل اسبح واغسل ملابسي
وانظف غرفتي حتى لا اكوم كدامها من تجي للبيت
الصبح من اطلع للدوام اخلي الجنطه على بطني حتى امي لا تشوفها
والبس ملابس عريضه
بشهر السادس بعد مااكدر اروح للدوام بطني كبرت
ومبينه شي مو طبيعي
قبل العطله الي ناخذها علمود القرايه بشهر كامل عطلت
امي...شو ماترحين للدوام
منى...انطونا عطله
امي...من هسه عطله مو من وكت
منى...اي كملنا المناهج بعد ليش رايحين جايين
نقرا بلبيت
امي....اول مره اسمع عطله هيج هاي بس مدرستكم
منى.....كلت بكلبي يايمه لو تدرين أنطوني نتيجة نص السنه راسبه بخمس مواد
واذا ابقى هيج ماكو .دخول بكلوريا
راح اصادف ولادتي ويا امتحانات اخير السنه
ومااعرف شلون راح اتصرف
