رواية بنت المصري ومؤذن الحي الفصل السابع 7 بقلم جمانه السعيدي
منى...اسبوع واني مريضه وتعبانه وخايفه
مااعرف شلون راح اتصرف احجي الامي لو مااحجي
اذا رجع طلبني شلون اتصرف
شراح اكوووول
خايفه على امي لا يصير بيها شي بسببي
اذا صار باامي شي منو اليه منو يحميني من نفسي
منو يوكف وياي شلون اكمل حياتي بعد هاي الغلطه
اذا سكتت اخاف يتمادى اكثر
منو الي يكدر يوكفه عن حده
صار اسبوع ماكو هيثم لا اتصل ولا طلب مني شي
بلكت خاف من تهديدي
ايجوز كسرت خاطره ايجوز كال خل اعوفها
ياربي اني اعرف غلطانه بس ولله مو قصدي اغلط هيج غلط مشيت ورا مشاعري وما انتبهت التصرفاتي
كان لازم انتبه من بدا يطلب مني فلوس
جنت اساعده بحسن نيه اكول خطيه محروم من اهله
ومحد يسئل عنه
ردت اساعده لان احبه بس ماادري راح يسوي بيه هيج
غبيه اني غبيه هيه كوه
اكيد هو عرف اني غبيه وعلى نياتي وقرر يستغلني
منى...امي كل يوم تسئلني شبيج مبين عليه ضايجه وتعبانه
وحزينه مو مثل قبل كسوله وخامله اكلي قليل وبطلت اطلب منها فلوس
وماا اطلع مثل قبل حابسه نفسي بلبيت
النهار كله اصفن وحتى كلامي قليل
جمانه السعيدي
امي...ليش ماما حزينه شبيج مو على بعضج مثل قبل
منى...مااعرف ضايجه وتعبانه
امي...اخذج للمستشفى اسوين تحاليل خاف نقص فيتامينات
منى... لا مااروح
امي...ليش ماترحين البراق اني اصالحجن
منى...مااريد اروح الاي مكان
امي...نطلع اني وياج سفره الاي مكان تردي
منى....لا مااروح
امي...بس فهميني ليش هيج شكلج ذبلان
منى....لا تخافين هسه اصير زينه
طبعا براق بلفتره الاخيره اني انشغلت عنها بهيثم
اخذ كل وقتي ومشاعري ونسيت براق نهائيا
لو اتصل علي لو اطلع ويااا
من تتصل عليه براق بسرعه انهي المكالمه خاف هيثم يتصل ويلكه التليفون مشغول هاي قبل الحادث الاخير
وكمت مااروح بيتهم ومن تجي هيه بيتنا
مااستقبلها استقبال حلو لان اضوج منها ليش هيج تعامل هيثم هيه واهلها هما سبب ضياعه بهاي الدنيا
كمت اضوج منها ليش هيه وامها هيج يكرهنا
طلعن عدهن حق بتصرفاتهن ويااا
انسان حقير لاذمه ولا ضمير ولا شرف
حقه ابو مايريده من سوالفه المكسره
رونق من شافتني هيج اتصرف وياها كطعت علاقتها بيه
اني مااستاهل هيج صديقه جانت تساعدني
وما تقبل على الغلط من ابتعدت عنها ضيعت نفسي
لا درجات بيها خير ولا حافظت على نفسي
الله يحبها وخلاها ابتعدت عني رونق خوش بنيه
تستاهل صديقه احسن مني
عشر ايام ورن التليفون جنت متوقعه هذا هيثم
مارظيت علي رجع اتصل مارديت علي
اتصل عشر مرات مارديت علي
من اجت امي من الدوام كلما يتصل وترد على التليفون
مايحجي
امي...شبي التليفون اليوم ليش هلكد يرن
منى...افصلي
امي...شلون افصله وشغلي كله علي
رجع رن امي ردت هلمره بعصبيه اسمعها تكول هلو عيوني
اي موجوده
امي...منى منى هاي صديقتج تريدج على التليفون
منى...منو صديقتي
امي...اسئلها منو
منى...لا اجيت اني اشوف منو
منى...الوووو
هيثم....هااا عبالج مااكدر احصلج غيرت صوتي
حتى اكدر اطلعج من الجحر ليش ماتردين
عبالج مااكدر اوصلج لو جوه الكاع اطلعج
منى...طبكت التليفون ومارديت علي
فصلت الخط بدون ماتعرف اني
منى...اي وكع المحضور رجع هيثم شلون بيه وين انطي وجهي احجي الامي
خاف تموت من القهر ياربي ساعدني بس هلمره واني بعد امشي على السراط المستقيم
بعمري مراح اغلط ساعدني بس هلمره
اني غلطت بس غلطتي عن جهاله وعدم فهم
ساعدني ياربي ماعندي احد غيرك يفهم حقيقة الشي الصار
اني ما متعمده امشي بهذا الطريق
بس حظي الاغبر خلاني اوكع هيج وكعه
جمانه السعيدي
للعصر امي اجت ننظف شافت فيشة التليفون مشلوعه
رجعتها المكانها سئلتني كتلها مااعرف
العصر امي ماطلعت بقت بلبيت واني بغرفتي ما طلعت منها
اجت علينا وحده من الجوارين تسئل امي على جنتها
حتى يحسبن سوه يمتى تدخل بشهرها
رحت خدرت جاي وقدمتلها
من طلعت وصلتها للباب لمحت هيثم واكف كبال بيتنا
يمه كلبي وكع من الخوف
راسا طبكت الباب بسرعه طبعا هو متعمد يوكف كبال الباب يريد يخوفني منه
كبل دخلت الغرفتي شويه امي صاحت
امي...منى راح اطلع اشتري كلوب واجي كلوب الحمام احترك
منى...لا ماما الله عليج فدوه لا اطلعين
امي...شبيج ليش هيج خايفه
منى...اي ااي اني خايفه لا تعوفيني وحدي الله يخليج
امي...بطلت مااطلع ماكو داعي خلي الحمام اضلم
حضرت امي عشه كعدت اكل على كيف مالي واهس بلاكل
بس اذا مااكلت امي تتخبل عليه
كعدنا نتفرج تلفزيون بس اني دماغي مشغلول
اذا باجر رجع شلون مبين مراح يعوفني بحالي
قررت احجي الامي بس لازم ادخل عليها بموضوع واربطه بقصتي واشوف ردت فعلها شنو قبل لا احجي وافضح نفسي
منى...ماما اريد احجيلج قصة صديقتي
امي...شبيها صديقتج
منى...تحب واحد. وعلاقتها هيه وياا قويه
امي...شنو هذا الحجي وينها وين الحب بعده طالبه
تهتم بمدرستها تقرا وتنجح الحب مو مال هيج عمر
بعدها زغيره وما تكدر تتحكم بمشاعرها
بس لا تريد تزوج وتعوف المدرسه
منى....هااا اي تريد تزوج لان
امي...ماما شنو تزوج وينها وين مسؤلية الزواج
اكيد اذا ازوجت راح تترك المدرسه ويضيع مستقبلها
كلليها امي تكول نصيحه اتأجل الزواج بعد التخرج
منى...بس هيه غلطت ويااا
راسا امي اندارت عليه وفتحت عيونها بعصبيه
امي...شنو يعني غلطت ويااا
منى...يعني صار بينهم علاقه
ضربت على صدرها بقوه وكالت يايمه شلون سمحتله يقرب عليها ولله هذا ما يحبها لو يحبها جان حافظ عليها
صديقتج هاي اعرفها
منى...لا ماتعرفيها
امي...انتي هم مااريدج تعرفيها اذا تمشي بهذا الشارع انتي تمشين بلشارع الثاني
ابد حتى سلام مااريدج تسلمين عليها
هاي ماعدها ذرة اخلاق وتربيه لو مربايه مجان جازفت بسمعة اهلها
اني متاكده هسه هيه تتوسل بي حتى يزوجها ويستر عليها
الرجال بس يقرب على المره قبل الزواج بعد مايريدها يكوم يكرها
لا ماما ابتعدي عنها هاي مو خوش بنيه
حرامات ضيعت تعب اهلها عليها ليش هيج فرطت بنفسها
هاي لو عندي جان ذبحتها ذبح
حيوانه بس الحيوان يركض ورا غرايزه بدون فهم وعلم
الله يساعد كلب امها
يمكن اذا امها عرفت تنجلط مسكينه تلكيها حايره
بلبيت والمسؤليه وبتها تلعب لعب
يمه اسم الله الله يبعد عنا هاي السوالف
الله يستر على البنات هذا الوكت يخوف
جمانه السعيدي
منى...من سمعت كلام امي خفت اكثر وقررت اسكت
خاف امي تنجلط بسبيي
بليل توضيت وكعدت على السجاده كمت ابجي
يارب ماعندي غيرك انت تعرف كلشي وتعرف نيتي من الاول
ساعدني يارب مااريد اكسر كلب امي
ومااريد اعيد كلشي صار بيني وبين هيثم
اريد ابدي من جديد ساعدني يارب اني موكد هذا
الخوف دليني الطريق الصحيح
اذا طلعتني من هاي المصيبه بعمري مراح اغلط مره ثانيه
منى...بقيت اصلي وادعي اليل كله كعدت ابجي على سجادة الصلا
تعبت ونمت الصبح الساعه عشره تقريبا سمعت الباب اندكت
باوعت الساعه عشره امي بلدوام منو اجانا الصبح هيج وكت بلبدايه كلت مراح افتح الباب
بس بقا الدك على الباب مستمر اكثر من عشر دقايق
كلت ايجوز شغله مهمه خل اكوم افتح الباب
كمت وصلت للباب ماكلت منو كبل فتحت الباب
احنا مايجينا احد.غريب اكثر شي خاله سعاد لو وحده تريد تولد
فتحت الباب جان هيثم بوجهي
هيثم...هااا شارده مني
اجا يدخل دفعت الباب هو يدفع واني ادفع
هيثم...افتحي الباب حيوانه
منى... روح روح منا ماكفاك الشي الي سويته وياي روح
لا اعيط والم عليك الناس
هيثم...افتحي الباب لو اكسرج تكسير افتحي الباب
اني ماتردين على مكالماتي ووين ترحين مني
منى ...خفت منه اذا دخل بيتنا مااعرف شراح يسوي
يمكن يذبحني
كمت اعيط الحكو عليه حرامي
بهاي الأثناء شيخ هاشم جان طالع من بيته
بيته بعد عن بيتنا اربع بيوت شاف هيثم يدفع الباب ويسبب ويغلط عليه واني اعيط الحكو حرامي
راسا اجا يركض على صوتي
هاشم...هااا هااا هي انت شكووووو
هيثم بس شافه اجا علي وهو ماشاء الله جسم وطول وشخصيه
بس شافه هيثم عاف لباب وشرد
هيثم...بسيطه اني اعلمج ماتخلصين مني
هاشم...اوكف اوكف ليش شردت
منى...من سمعت صوت هاشم يصيح علي وهو انهزم
حمدت ربي وشكرته الف مره
كلبي يدك على السريع خفت يدخل للبيت ويسوي مصيبه
هاشم...هااا عمو انتي زينه خوما ااذاج
منى...من ورا الباب لا مابيه شي
هاشم...تعرفينه هذا
منى...لا حرامي شاف امي طلعت من البيت واجا يتهجم عليه
هاشم....عفيه سباعيه زين ما خليتي يدخل للبيت
محتاجه شي
منى...شكرا عمو الف شكر لوما انت جان الله اعلم شسوه بيه
هاشم...بلخدمه عمووو
منى...عمو لا تحجي شي خاف اصير علينا سمعه
واحنا بس نس ان بلبيت
هاشم...لا عمو مااحجي شي اقفلي الباب زين ولا تفتحي لمن تتاكدين منو ورا الباب
منى...اي عمو شكرا مره ثانيه
هاشم.. الله يحفظج عمووو
جمانه السعيدي
منى...دخلت للبيت جسمي كله يرجف وبطني توجعني من الخوف
تمددت على فراشي وكمت ابجي
اليوم رب العالمين دزلي هاشم نقذني باجر شلون لورجع
شسوي بنفسي
مبين مراح يعوفني بحالي
تخبل عليه ووين انطي وجهي منه
بقيت طول النهار خايفه وكلما يتحرك الباب اخاف اكثر
وكلما تندك الباب مااروح افتحها
اله امي تفتحها اخاف يرجع عليه
اكيد راح يحاول مره ثانيه وثالثه يريد فلوس
كمت الصبح ماافتح الباب نهائيا لو يتكسر
والعصر مااخلي امي تطلع من البيت واذا شغله ضروريه اطلع وياها
مره طلعنا للسوك اني وامي وهو يمشي ورانا
وجكارته بحلكه وياشرلي خابريني
بهاي الفتره اابد ما بطلت دعاء وتوسل برب العالمين
يخلصني منه
كل ليله افرش سجادتي واكعد اسولف على رب العالمين واتوسل بي يخلصني منه
لان اني ضعيفه ومااكدرله
اكيد هو جاي يفكر شلون يكدر يهجم عليه وياخذ مني فلوس
خاف يشوف امي تطلع ويطفر عليه
ولله عقلي راح ينشل من كد الخوف والتفكير
