رواية بنت المصري ومؤذن الحي الفصل السادس 6 بقلم جمانه السعيدي
منى... من بعدها مابطل يطلب مني فلوس
اني كلما اكدر اخذ من امي مبلغ اي مبلغ اخذه اضمه
يعني اطلب منها فلوس
مو اخذهن بدون ما تعرف اجمع واذا طلبني انطيهن اله
امي كامت تشك بيه لان اطلب منها هواي فلوس وما تشوفني اشتري بيهن شي
نجحت من الخامس لسادس اعدادي بس درجاتي كلش ضعيفه
وين جنت من ادرس ويا رونق درجاتي عاليه
بس اني كمت لا اروح بيت رونق ولا ادرس وياها
وبلبيت عقلي مشتت بس أأفكر بهيثم وكلما يدك التليفون
اكمز اكول اتصل عليه
الحد ماطلب بيوم يشوفني
هيثم...اربد اشوفج دبري حجه وخل نطلع سوه
قبل اشوفج من تطلعين للدوام
هسه عطله شلون اشوفج
منى...خل ادبرلي حجه واجي
هيثم...شكد عندج فلوس
منى...امي كامت تشك بيه لان كل يوم اخذ منها فلوس
تكول شسوين بهاي الفلوس كلها
هاي اخير مره بعد مااكدر اجيبلك فلوس اكثر
لازم تشتغل ودبر نفسك
اذا عرفت امي جاي انطيك فلوس حتى من المدرسه تحرمني
هيثم...هسه جيبي ذني العندج وتعاي ميخالف بسيطه
راح ادور شغل قابل ابقى هيج
منى...ماما اريد اروح على رونق من زمان مارايحه عليها
من بدت العطله
امي...اني راح اطلع للسوك كون انتي قبل المغرب هنا
فهمتي لو لا
منى...اي فهمت
منى...بدلت لبست فستان كلش حلو وتعطرت وتمكيجت
وطلعت من البيت
امي ماشافتني شلابسه لو شايفه لبسي
ومكياحي جان شكت بيه
جمانه السعيدي
طلعت الراس الشارع لكيته ينتظرني
هيثم...هله حبيبت كلبي الحلوه
منى...هله بيك بسرعه لا تطلع امي وتشوفنا ووين نروح
هيثم اليوم اريدج تشوفين بيتي
منى...بيتك
هيثم ...اني مو كتلج من ذيج المره وانتي قبلتي
منى.. خاف نتأخر اذا اتاخرت انكشف
لان كلت الامي راح اروح على رونق اذا اتاخرت اكيد راح تسئل عني هناك
هيثم...شكد تحجين تعالي جان هسه واصلين وراجعين
وووين الفلوس
منى...هاك هاي ١٠٠ كوه دبرتهن
أجرنا تكسي ورحنا البيت هيثم
البيت مو بعيد عشر دقايق وصلنا
وصلنا للبيت وصعدنا من الدرج الخارجي
فتح الباب ودخلنا البيت هوسه موأعين وصخه
بكل مكان والملابس مشموره بلكاع
هوسه ووصاخه بكل مكان
منى...يااا شلون عايش هنا شنو هاي الوصاخه
هيثم...عوفي الوصاخه وتعاي مشتاقلح
دخلنا غرفة النوم جربايه ام النفر
الملابس المشموره عليها واصله للسكف
وخر الملابس بايده شمرهن بلكاع وكعد سحبني كعدت بصفه
منى...شلون عايش هيج تعال انظف اني وياك
هيثم.. هسه مو كتلج مشتاقلج صرتي نظيفه
تعاي بمعوده اكعدي
منى...كعدني بصفه نزع الحجاب شمره
منى...شجاي تسوي
هيثم...تعرفين اني الحد الان ماشايف شعرج خل اشوفه
منى...هذا شعري شفته
هيثم...شكد احبج اني الخاطر الله
منى...واني أكثر
قرب مني وبدا يمرر ايده على جسمي
منى...شكاعد تسوي
هيثم...مو كتلج مشتاق شبيج ما تفتهمين
منى...لا مو هيج ابتعد عني
هيثم....شلون حال المشتاق اذا مو هيج ولج كلبي طك عليج اني احبج تفتهمين لولا
منى...دفعت ايده وحاولت ابتعد عنه
هيثم.. وووين رايحه ليش تبتعدين عني انتي ما تحبيني مثل مااحبج
منى...عوفني اي احبك بس مو هيج
هيثم...لعد شلون ليش اجيتي وياي للبيت اذا مو هيج
منى...انت كلت تشوفين ألبيت
هيثم...بس اني مو قصدي البيت وتوقعت انتي راضيه
منى...راضيه على شنو
طبعا هو مستمر يتحرش بيه واني ادفع ايده
هيثم... بعصبيه هاي شبيج ليش هيج
انتي تعرفين كلش زين اني ليش جبتج هنا
بعدين احنا مو متفقين على الزواج اعتبري اليله ليلة زواجنا
منى...شنو ليلة زواجنا هيج وحدنا بدون علم اهلنا
هيثم...اي اهل اني ماعندي اهل
منى...وخر ايدك عني ابوك موجود ويجي يطلبني للزواج
هو يعرفني زين لان اني صديقة رونق
هيثم...اني ماعندي اب
منى...عوفني انت ليش هيج تسوي جاي تخوفني هيثم
دفعني على الجربايه ولزمني
هيثم...مراح اطلعين منا اذا مااخذ منج الشي الي اريده
اذا عيطتي تفضحين نفسج
لان انتي بيتي يعني اجيتي بكيفج
اني ماجبرتج لا تطلعين اي صوت وصيري خبابه
جمانه السعيدي
منى...دفعت دفعت بس هو صايرفوكي ومسيطر عليه
دفعته بكل قوتي اريد ابعده واشرد
اني شجابني هنا بعمري ما جنت متوقعه جابني هنا علمود يستغلني هيج استغلال
بقيت ادفع بي ضربني راشدي كمت مااشوف بعيوني
رجع ضربني مره وثنيبن وتلاثه
لمن دخت وحتى حركتي خفت
ماعافني اله اخذ الشي الي يريده مني
عافني وطلع برا الغرفه شعل جكاره
منى...لميت نفسي اريد اكوم مااكدر راسي يوجعني هلكد ماضربني قوي وجسمي عبالك مكسر تكسير
نزلت رجليه ولميت نفسي وكمت ابجي
هيثم...ليش تبجين انتي الي خليتني اضربج
اني ماجنت ناوي اااذيج
منى...ليش هيج مسحت دموعي ليش هيج
ضيعتني انت ضيعتني
هيثم....ليش ضيعتج انتي مو زوجتي
اني كتلج راح اخطبج ونزوج
منى...تجي اليله تخطبني جيب ابوك وتعال
لااضيعني اكثر مااني ضايعه
هيثم...هاي شبيج خبصتينا خبص قابل شصاير
ترا ماصار شي يستاهل هذا كله
منى....انت دمرت حياتي وتكول ماصار شي
هيثم....اهوووو ضيعتي الواهس كله شكد نكديه
منى...تجي اليله يعني اليله وتطلب ايدي من امي
واني راح اتمسك بيك سمعت لو لا
هيثم...انتي شنو تهدديني ترا روحج بايدي فهمتي لو لا اني اكدر انكر واكول اني ماقربت عليها
عود اثبتي اني قربت عليج
منى...يااا صدك تحجي اني الصوج مني
اامنت بيك واجيت وياك
هيثم...وووين اكو بنيه محترمه تروح ويا واحد بيتهم
لو تبوك فلوس امها وتنطي
منى...هسه اني صرت ما محترمه بعينك
بعد ماسويت كلشي علمودك رجعلي ذهبي والفلوس الي اخذتها مني
هيثم...انتي قشمر انتي وحده غبيه اي احد يكدر يضحك عليج اذا مو اني غيري
منى...ليش هيج مو اني احبك
هيثم...واني ماكلت شي اني هم احبج
اذا تمشين وياي عدل ابقى احبج طول عمري
منى...شنو امشي وياك عدل تعال اخبطني بأسرع وقت
اذا ما تخطبني اضيع بعد هاي المصيبه
هيثم...مو هسه بعدين بس اريد فلوس حاولي اجيبلي فلوس من امج
منى...شنو اجيبلك فلوس اكلك تعال اخطبني
خل نحل هاي المصيبه
هيثم....اني هسه ما مستعد للزواج بعدني مامكون نفسي
اريد فلوس
يمتى ما يعجبني واكلج تعاي تجين
تجين انام اني وياج وبعدين ترجعين البيتكم
منى...يااا عزا العزاج منى وكعتي بواحد نصاب
اريد فلوسي وذهبي لا اشتكي عليك
هيثم...اي دليل ماعندج اني اخذت منج فلوس وذهب
واي دليل ماعندج اني اعتديت عليج
يله روحي وانتظري مني مكالمه
من اطلبج تجين ركض ولا تجين وايدج فارغه
جيبلي فلوس من امج
اكلج امج ماعدها ذهب تجيبينه اليه
احسن من ذني كم فلس الي اخذهن منج
منى...اذا مااشتكي عليك وادمر حياتك مثل ما دمرت حياتي
جمانه السعيدي
هيثم...روحي اشتكي براحتج
ما تخوفيني انت اصلا بلا تربيه ماصدكتي
كتلج تعاي وياي اجيتي ركض
روحي اشتكي خلي الناس كلها تعرف انتي مو بنيه
وحراميه تبوكين فلوس من امج وتنطيني
روحي اني مراح الزمج يله روحي
منى...الله ياخذك حيوان ضحكت عليه
مااكول غير حسبي الله ونعم الوكيل عليك
منى...نزلت ودموعي تجري على خدي
الناس كلها تباوع عليه ليش ابجي مايعرفون اني
قبل شويه ضيعت نفسي
وبمكان ماجنت انطي فلوس بس محافظه على نفسي
هسه لازم انطي فلوس واسلمه نفسي
كلما يريد اني شكد غبيه شلون سمحت الواحد مثله يضحك عليه
صدكت يحبني ويموت عليه
كان مخطط الكلشي من البدايه
امشي بلشارع بدون وعي مااعرف شلون وصلت للبيت
مسحت دموعي
دخلت سمعت صوت امي
اي منى مافكرتي بامج شكد تعبانه عليج
شراح يصير بيها اذا عرفت شصار وياج
غسلت وجهي برا بلمغلسه ودخلت
جانت امي تحجي بلتليفون ما انتبهت الشكلي
دخلت كبل الغرفتي حتى ما سلمت عليها
خلصت مكالمه واجت لكتني قافله الغرفه
امي...هااا ماما ليش اتاخرتي شو قافله الياب
منى...جاي ابدل ملابسي
امي.. اجيت اجي وراج التليفون عطلني
منى...هسه اطلع بس اغير ملابسي
امي...اني راح اصلي واحضر العشى
منى...هسه اجي وراج
منى.. نزعت ملابس نازل دم قليل على رجليه
مسحته بلكلنس لبست تراكي كعدت على الجربايه وكمت ابجي
كلشي صار اني بسببي اني رحت ويااا برجليه
شلون آمنت بي ورحت ويااا
جنت مصدكه يحبني تالي غدر بيه
هسه شلون راح اتصرف لو طلب مني فلوس شلون
لو طلب ذهب امي
هلمره امي راح تكشفني يمكن تموت بسبي
بتها مو بنيه وحراميه بسبب وواحد ضحك عليها
لا امي ما تستاهل اسوي بيها هيج
شلون ياربي شلون بيه اني وكعت وكعه مالها حل
شلون بيه منو يخلصني من هاي المصيبه
جمانه السعيدي
دكت الباب امي
امي...منى ليش قافله الباب تعاي نحضر العشى سوه
فتحت الباب شافتني ابجي
امي...ليش تبجين
منى..تعبانه ماما تعبانه حيل
دخلت امي للغرفه منيين تعبانه حبيبتي
منى...هااا تعاركنا اني ورونق وتزاعلنا
امي...على هاي تبحين اني باجر اصالحجن
منى...لا مااريد تصالحينا
التفت امي على سلة الزباله شافت الكلنس بي دم
امي...شنو هذا الدم
منى...اجتني الدوره
امي...هسه عرفت ليش تبجين الهرمونات متخربطه بسبب الدوره واي زعل حتلو بسيط يخليج تبجين
ارتاحي حبيبيتي واني راح احضر العشى
حتى نتعشى سوه
منى...طلعت امي واني تمددت على الجربايه
اني شكد.جبانه ليش ماحجيت الامي
خاف الموضوع يكبر اكثر وبعد مااكدر اسيطر علي
مااكدر ولله مااكدر شلون راح احجيلها
شكووول جنت اخذ منج فلوس وانطي
لو اكول اخذت الذهب وسلمته اله بايدي بدون ما تعرفين
لو اكول فلوس الولاده اني اخذتهن وخليتج ادورين عليهن
لو اكول اليوم رحت البيته اغتصبني
ضحك عليه ودمر حياتي لا ومايريد يجي يتقدملي
اموت نفسي احسن ولا اشوف نضرة حزن وحسره بعيون
امي شكد تعبانه عليه واني ماعندي ذرة احساس
اخذ تعبها اسلمه الهيثم على الجاهز
لو على الفلوس والذهب ميخالف
اليوم اني ضيعت أغلى شي عليه
اجت امي للغرفه
امي...ياا بعدج تبجين ماما عادي كل البنات تزعل ويا صديقاتها
منى...تعبانه
امي...هسه انطيج مسكن ويخف ألم الدوره بس تعاي نتعشى
منى...مااكدر اكل
امي...كومي لازم تاكلين اذا مااكلتي اني هم ماااكل
منى...مااكدر اني من اجوع اجي ااكل
امي.. اني اوكلج
منى...مااكدر لا تلحين عليه الله يخليج
ثاني يوم ابد ماكمت من فراشي امي راحت للدوام ورجعت واني بعدني بمكاني
افكر شلون راح اطلع من هاي المشكله
امي...ياا بعدج بلفراش اني هسه اروح الرونق اجيبها واجي
منى...لا لا اني كمت هااا شوفي كمت
ابد لا تفكرين ترحين الرونق اني مراح اتنازل واروح عليها
هيه تجي تعتذر اذا سمعت رايحه عليها
ازعل وياج
امي...يله كومي نتغده واحجيلج شصار وياي اليوم
منى....كعدنا نتغده واني ابلع الكمه بلكوه
امي..تعرفين منو اجا للمستشفى اليوم
منى...منو
امي...زوجت شيخ هاشم خطيه صار اربع سنوات مزوجين وماعدهم اطفال اجت تراجع يم دكتوره هيفاء
منى...اي وبعدين
امي...الدكتوره تكول نحاول وياها والباقي على رب العالمين عدها ضمور بلرحم
منى....يعني ضنو ما تحبل
امي...اي صعب تحمل بس كلشي بيد رب العالمين
هو اليوم جابها للمستشفى شكد.شكله شخصيه وحلو
هيبه من دخل للمستشفى
منى...الله يرزقهم
امي...زين وصابر عليها كل هذا الوقت لو واحد غيره جان ازوج الزلم ماتصبر على الجهال
منى...ايجوز يحبها وصابر عليها
امي...مااعرف ولله الله يرحم حالهم
