رواية بنت المصري ومؤذن الحي الفصل الخامس 5 بقلم جمانه السعيدي
منى....خلصت الامتحانات واني ماشايفته
بقيت انتظر فرصه امي تطلع من البيت واروح على رونق بلكت اشوفه بيتهم
الصبح ابقى نايمه امي بلدوام
والعصر اسبح واحضر نفسي واكشخ واطلع حجه اروح على رونق
بس ماكوووو
ليش اختفى مااعرف ومااكدر اسئل رونق عنه خاف تشك بيه بعد ما خلص اول اسبوع بعطله نص السنه
طلعت لكيته منتظرني ايده مربوطه وراسه مربوط
من شفته هيج خفت
منى...ياستار شكوووو
هيثم....انتي ما تحبيني
منى...ليش تكول هيج وليش ايدك ورأسك مربوط
هيثم...تعاركت
منى...شنو تعاركت
هيثم...تعاركت ويا جماعه اشتغل وياهم ومايقبلون ينطوني فلوس شغلي اتعاركت وياهم
وهاي الفتره كلها اني بلبيت تعبان
بس اليوم كلت كافي كلبي طك عليج اريد اشوفج
منى..عرفت صاير شي انت ما تغيب هلكد عني
كلبي طك عليك رجليه راحن كل يوم رايحه جايه على اهلك
حفظة كم حجاره بلشارع بسبلك
كم خطوه منا البيت اهلك
هيثم...اني الي تعبان بسبج
منى...راح انطيك رقم تليفون بيتنا ونتواصل اني وياك
على الاقل اطمني عليك اذا صار شي
اني مااكدر اسئل رونق عنك بس اجيب اسمك تصير عصبيه
هيثم. ختولي هاي حاقده هيه وامها لو تعرفين اني وامي شصار بينا بسببهن
خبلن ابوي حتى ما يقبلن يسئل عنا ولا يدفعلي مصاريف
تركت المدرسه بسببهن اشتغلت واني زغير
ضاع عمري كله من وراهن
منى...يااا ولا مبين عليهن شو خاله حبابه وحتى رونق
هيثم...اي كدامج حبابه
تعرفين اني ستوني طلعت من السجن
جنت مسجون لمدت سنتين بسبب وواحد يطلبني فلوس
دخلني السجن
وابوي حتى ماكلف نفسه يساعدني ويطلعني من السجن
هاي زوجته الحقيره تكله خلي بلسجن حتى نخلص منه
منى...ياا عيوني شكد مضلوم
هيثم...لو احجيلج قصة حياتي تبجين عليه
امي ازوجت عافتني وابوي وزوجته مايردوني
عايش بيت جدي طابق ثاني والدرج خارجي
اشتغل ومعيش نفسي محد يصرف عليه
حسره عليه اكل اكله بيها حظ
جمانه السعيدي
(( طبعا هاي قصه ألفها عليه لان يريد يستغلني صح امه مزوجه وصح عايش بيت جده ويصرف على نفسه
بس هو بلحقيقه اكبر قفاص وحرامي يبوك اي شي يصير كدامه وكل يوم داخل عركه
ومسبب الابو مشاكل ما تنتهي صح ابو ماساعده بلفلوس وعافه بلسجن بس حتى يخلص من شره
هذا ثالث بيت ينتقل بي ابو وعائلته بسبب مشاكل
هيثم الي ما تخلص
هسه هو راجع يحسن العلاقه بابو بلكت يحصل منه شي
رغم ابو وعائلته ما حبين دخوله عليهم للبيت
وحده مثلي زغيره وماعدها تجارب بلدنيا ممكن واحد
ملعب مثل هيثم يضحك عليها بسهوله
بعد كم مكالمه بيني وبين هيثم طبعا اني لان حبيته حجيتله كلشي عن حياتنا حتى راتب امي يعرف شكد
ويعرف شكد تحصل من الولادات
ويعرف عدنا بيت نبني بي
بالمختصر حجيتله كل تفاصيل حياتنا من يوم نولدت لليوم الي شفته بي
وهذا اول واكبر غلط وكعت بي من تعرفت على هيثم
من عرف كلشي عني وعرف اني شكد ثوله وممكن يضحك عليه بسهوله بدا يدخلي بغير أساليب
هيثم...خاف اختفي عنج كم يوم لان لازم ادور شغل
اذا مااشتغل يعني يكتلني الحوع
اريدج اصبرين عليه وتتحمليني
شوفي اني ماصدكت لكيتج
اخيرا رب العالمين اختارلي انسانه صح تكون بحياتي
وتوكف وياي
اريد اطلب منج طلب ابد لا تعوفيني وحتلو رونق حجت عني كلام موحلو لا تصدكين فهمتي لو لا
منى...اي فهمت
رجعت للبيت وبقيت منتظره مكالمه منه
اذا اتصل ووحدي بلبيت ارد علي
واذا ماما موجوده اخذ التليفون بغرفتي واكول صديقتي جاي تتصل عليه
من شاف نفسه سيطر عليه وشافني احبه ومتعلقه بي
بدا ينفذ خطته الخبيثه وياي
بيوم اتصل عليه وكان باين على الحزن
بلكوه يحجي
منى...شكووومبين ضايج
هيثم...ماكو شي مااريد اضوجج وياي اني اتصلت حتى اسمع صوتج وارتاح
منى...لا احجي شكووو اني اضوج اذا اعرف انت ضايج
هيثم...صار كم يوم ماكو شغل وربع ماكو بجيبي
وخالي شاد وياي والدنيا طالعه من عيني
اي شغله اشتغلها يومين اتلاثه واطلع منها
مااعرف ليش رغم اني اشتغل اي شي ماعندي مشكله
منى...شكد تريد فلوس
هيثم....ليش اسئلين
منى...اني انطيك فلوس
هيثم...لا شنو تنطيني فلوس صدك تحجين
منى...يمعود مشي امورك بيهن لمن تلكه شغل
هيثم...لا مايصير
منى...شنو مايصير اعتبرهن قرضه
هيثم...اذا قرضه ميخالف اقبل بس اشتغل ارجعهن
منى...شكد اتريد
هيثم...بكيفج شكد جوه ايدج
منى...اني مجمعه ٥٠ الف
هيثم...٥٠ الف شويه كلشي مايسون
منى...اوكف اشوف شكد اكدر اخذ من ماما
باجر من اطلع للمدرسه الكاك بلشارع وانطيك الفلوس
هيثم...انتظرج
جمانه السعيدي
منى...رحت على امي وكتله اريد ٥٠ الف
امي...شسوين بيهن
منى...اريدهن اريد اروح ويا صديقاتي اشتري كم حاجه
امي...هواي ٥٠
منى...اوووو ماما انتي ماتعرفين الاسعار شلون غاليه
البنات كلشي تشتري وانت ٥٠ ما تنطيني زعلت
امي...انطيج ٥٠ بس كون تشترين شغلات بيهن حظ
منى...اخذت خمسين من امي على الخمسين الي عندي
صارن ١٠٠ من طلعت الصبح من بيتنا
ماشفته بلشارع بقيت اباوع منا ومنا شويه واجا يمشي سريع من رأس الشارع
وصل يمي
هيثم...صباح الخير
منى..صباح الخير تفضل
هيثم...شكرا حبيبت كلبي
منى...اخذ الفلوس وراح يمشي سريع وابد ما تلتفت عليه
شكد جنت فرحانه بنفسي عبالك مسويه انجاز
كدرت اساعد حبيبي وانطي هيج مبلغ
كان هذا المبلغ مجرد بدايه طلع ياخذ مخدرات
والفلوس ما تبقى عنده
وشغل مايقبل يشتغل الكا كنز اسمه منى شلون يعوفه
بعدها بكم يوم اتصل عليه
هيثم...انتي وجه الخير عليه لكيت مشروع اريد ادخل بي شريك بس محتاج مبلغ محترم
منى...ليش ما تحجي ويا ابوك حتلو ياخذ قرض
اكيد يفرح اذا انت تفتح مشروع وتشتغل
هيثم...لا ابوي مراح يساعدني
حتلو عرف اني راح افتح مشروع ابوي يكرهني
يحب بس بناته وابنه من زوجته الثانيه
بس اني مايرردني
اريد اشوف واحد يقرضني المبلغ لان هذا المشروع مضمون
واذا فاتني مراح اعرف اشتغل مره ثانيه
جمانه السعيدي
بس منو يقرضني
منى...ماعندك عم اوخال او احد. قريب
هيثم.. من اقاربي ماكو اي احد .ادعي الكه واحد يقرضني وافتح مشروعي
اول شي اسوي اجي اخطبج
وااجر بيت نسكن اني وياج بي واددلج دلال ماصاير
اني ماصدكت لكيت انسانه تفهمني وتحبني
بعد ما كل اهلي واقاربي حاربوني
منى...دقيقه اني عندي كلاده ذهب ومحبس وتراجي
انطيك تبيعهن وتفتح مشروعك
بس ترجعهن لان ذني هديه من ماما انطيك بدون ماتعرف ماما
هيثم..شكرا حبيبت كلبي ولله عرفت ماكو غيرج وحده تسندني
منى...خليت الذهب بعلبه زغيره من طلعت للدوام
لكيته منتظرني بلشارع
بس شفته رحت علي
منى...صباح الخير
هيثم...هله بهلصباح الحلو هله بحبيبتي
اريد ابوسج واحضنك هلكد ما مشتاقلح
منى...هههه غير مره هاك الذهب روح بيعه وتصرف بفلوسه
هيثم....شكرا حبيبت كلبي الله لا يحرمني منج
اخذ الذهب وراح من بعدها اختفى اسبوع كامل لا يتصل عليه ولا يجي يشوفني
جنت عاذرته اكول فتح مشروعه وانشغل عني
خلي يشتغل خلي يكون مستقبله
خلي يطور نفسه اذا ابقى الح علي يضوج مني
اسبوعين وماكو اي خبر منه بديت احس بلقلق
هواي اسبوعين ليش ما يسئل عني معقوله الشغل اخذه
الهلدرجه ونساني
من بعدها رجع اتواصل وياي
جمانه السعيدي
هيثم...اسفه غبت عنج بس مشغول حيل
اريد استغل لليل نهار حتى اكون كد المسؤليه
اريد اصير شي مهم حتى من اتقدملج امج توافق عليه
هيثم...اريد اشوفج لو تدرين شكد مشتاقلج
منى...اني الي مشتاقه بعد لا تغيب هلكد عليه
خل ادير حجه ونلتقي
منى...ماما عيد ميلاد صديقتي وعزمتني اروح
امي...اني اوصلج وين بيتهم
منى...لا ما يحتاج توصلني اني ورونق وزهراء كلنا نجمع ونروح
امي...مو تتأخرين
منى...اريد فلوس اجيب هديه
امي...اي هسه انطيج
منى...لبست احلى نفوف عندي وتعطرت وتمكيجت
وطلعت مريت على محل يبيع هدايه رجاليه
راقيه اشتريتله ساعه وعطر
التقينا بمكان عام
هيثم...شني هذا الجمال الخاطر الله
منى...عيونك ااحلوات
هيثم...اني اغار عليج ممنوع اطلعين هيج مره ثانيه
منى...هاي الكشخه علمودك
هيثم...يمتى نزوج ويجمعنا بيت واحد
واخلص من هاي العيشه اني ابد ما مرتاح بيت خالي
اروح الامي تكول زوجي ما يقبل تجي هنا
اروح الابوي زوجته ماتريدني
وضال كل شويه بمكان عبالك واحد متشرد
منى...لا اضوج حبيبي كلشي راح يخلص والايام الصعبه تعدي
هيثم...لازم اخذج يوم تشوفين بيتي
منى...وووين ببتك
هيثم... بيت خالي غيرر بس عايش وحدي امي من انفصلت زوجت خالي كالت مااريدها لا هيه ولا ابنها خالي انطانا الطابق الثاني وخله درج خارجي
سكنا اني وامي
سنتين وامي ازوجت
زوجت خالي كالت لو تاخذ ابنها وياها لو يبقى فوك مااريده ينزل علينا اريد اليس اخذ راحتي بيتي
شنو ولد شاب فوك راسي
بوكتها اني عمري عشر سنوات
ومن وكتها واني عايش وحدي اشتغل وعايش
لازم اخذج يوم تشوفين بيتي وتشوفين شلون ساكن
منى...اي اروح وياك
لان اني فطيره وصدكت بي من كل عقلي كلت اي بس يطلب مني اروح وياا اروح
اريد اشوف شلون ووين ساكن
جمانه السعيدي
بقينا اني ويا على تواصل ماكو شهر ورجع طلب مني فلوس
هيثم...اريد اكلج شي بس مو تزعلين
منى...ليش ازعل كووول
هيثم.. المشروع خسر وفلوسه كلها راحت مني
ورجعت النقطة الصفر فدوه لا تزعلين مني
اني راح اشتغل واعوضج على الذهب الي راح منج
منى...يااا شلون امي لو تعرف تموتني
هيثم...لا تحجين اني راح اشتغل واعوضج قبل لا تعرف امج
منى...اي فدوه
هيثم...اريد اطلب منج طلب
منى...اي شنو الطلب
هيثم...ماتكدرين ادبرلي مبلغ اي مبلغ ابدي بي
منى...منيبن ادبر
هيثم...مو امج تشتغل دبرلي مبلغ منها ووين تخلي فلوسها جيبي مبلغ منها
وراح ارجعه قبل لا تكشف الموضوع
منى...احنا كاعد نبني بيتنا وكل الفلوس امي تحولهن
للببت
هيثم...اي مبلغ حتلو ١٠٠ الف لان البارحه نمت بلاعشى
ربع ماكو بجيبي
منى...اشوف اذا كدرت
ثاني يوم امي اجتها حالة ولادة للبيت
جيبت وحده وأخذت منها ١٥٠ الف خلتها بلكتتور
اني راسا خذتهن
من طلعت المره شلت المشمع الي امي اجيب علي النسوان
وغسلته ولميت الوصاخه
وشمرت الزباله
بليل اجت امي مالكت الفلوس
امي...منى يمه هم شفتي الفلوس
منى...اي فلوس
امي.. الي اخذتهن من المره اليوم المره الي جيبتها
منى...لا ما شفتهن
امي.. اني خليتهن بلكنتور بس ما لكيتهن
منى...دوري زين
امي...تعاي دوري وياي
منى شكد دورنا اني وامي على الفلوس
خطيه حتى طلعت دورت بلزباله ومالكتهن انقهرت على امي حيل
بس مااكدر ارجعهن امي راح تجيها حالة ولاده
ويصير عدها فلوس بس هيثم منيين يجيب الفلوس
ثاني يوم كدرت اوصل الفلوس الهيثم وامي بقت ادور عليهم اسبوع كامل مابقت مكان مادورت عليهن بي
