رواية قصة معلم ستيني الفصل الخامس 5 بقلم جمانه السعيدي
ستار....زهور بهاي الفتره بدت ادور شخص تعيش ويا قصة حب
اي شخص المهم يكون عدها حبيب حالها حال البنات
طبعا اكيد اخو ذني البنات مستحيل يباوع عليها
لان هيه اقل هواي من مستواهم الفكري والمعيشي
وتربيتهم غير
بس اكو حل ثاني جيرانه الي بيتهم ورا بيتنا عدهم ولد
والولد كلهم تاركين مدرسه من المتوسطه
عدهم خوآت ثنيين وأربع ولد
الولد ثنيين اكبر منها وثنيين ازغر منها
اما البنات طالبات ثنيبنهن ازغر منها
ناس بسطاء مستواهم المادي على كدهم
بدت زهور اطور علاقتها ويا البنات شويه شويه
لمن جرتهن بلكلام
وعرفت مواعيد دخلت الولد للبيت وشنو شغلهم
وشمخلصين دراسه
طبعا هيه غير مدركه احنا حتلو تقدم واحد منهم وطلب ايدها
مستحيل نقبل بعشيرتنا ماعدنا بنيه تزوج واحد غريب
لازم من عدنا وبينا
وهذوله الناس لا يمنا ولا يشبهونا بشي
المهم كل يوم زهور صاعده على الحايط
وتحجي ويا بناتهم
تسئلهن عنهم
الولد مساكين يشتغلون عماله وداكهم الضيم
عائله جبيره وابوهم رجال تعبان كاعد بلبيت
يلزكون بلعيشه تلزيك ووينهم وين الحب هلمساكين
بس هيه وين تقتنع شلون هيه ماعدها حبيب
لازم واحد منهم يحبها ويتعلق بيها
لان ماعدها غيرهم بس هما المتاحين حاليا كدامها
البنات حسن عليها وماحبن هذا التصرف
وعمتي منعتها كم مره
لا تصعدين الحايط عيب اذا يشوفون ولدهم شيكولون
زهور....انتي تركضين وراي
لا اطلع ولا ادخل لا مدرسه لا سفره عاد اسولف ساعه
ويا البنات شتردين مني
اني بت اخوج مو عدوتج
عمتي...عيب مايصير ليش هنا ما يصعدن على الحايط
ليش هنا مايصيحن عليج
ليش بس انتي واكفه على الحايط النهار كله
بس يجون اخوانج ااكللهم عليج
جمانه السعيدي
زهور....ولله انتي العيشه وياج تكصر العمر
اذا مااشرد واخلص منج اله تكعدون بيوم ما تلكوني بلبيت
عمتي...انتي استهترتي فد نوب يراد واحد يكسر راسج
مستهتره ومالج رداد
صوج ستار مجلب بيج وكبر راسج
انتي لازم ترجعين للعرب لان راح تسودين وجهنا
اله ايجيبلنا مصيبه يله ترتاحين
زهور....انتي ليش تكرهيني اني شسويت
عمتي....انتي طالعه من الطريق البنيه الي تستحي
حلوه وانتي ما تعرفين ريحة المستحه شلونه
زهور...محد عاتبج عليه اهلي راضين
عمتي...اهلج مايدرون بمصايبج لو يدرون جان ذبحوج
زهور....مالله ياخذني ويخلصني منج عجوز البين
تركضين وراي شتردين مني
شوفي الناس شلون عايشه وانتي حابستني وواكفه على راسي
ستار....عمتي بوكتها فعلاخافت خافت تسوي مصيبه وتشرد من البيت وتكسر وجوهم
ستار...من رجعت بيومها بس دخلت للبيت لاكتني عمتي بلباب
عمتي...ترضا زهور النهار كله صاعده على الحايط
ستار...يااا حايط
عمتي.. حايط جيرانه بيت ابو بشار
ستار...شسوي
عمتي....مخلصتها ضحك وكهكها ويااا بناتهم
ستار...صحت زهور
زهور...هااا
ستار...صدك انتي صاعده على الحايط
زهور...مرات احتاج شغله من البنات لو اسئلهن على شي
عمتي...لاساعه ولا ساعتين واكفه على الحايط
زهور...اجذب انت تعرف عمتي تكرهني
بس اسئلهم وانزل
ستار...ممنوع تصعدين على الحايط بعد
فهمتي لو لا
اذا عندج شغله اسئليني عنها واني اجاوبج
لو تردين شي اني اجيبلج
بعد ماايمع صاعده على الحايط ابد
جمانه السعيدي
ستار...بهاي الفتره مات جدي ورحنا كلنا للعرب
وعمتي ماقصرت بلحجي على زهور
ماتريدها ترجع وياها للولايه تريدها تبقى هنا
ستار...اجتني زهور ستار تعال العمتي تحجي عليه
وتكل الامي خليها هنا
بتج ما تنحمل قابل اني كاعده على كلبها شتريد مني
ستار...ماعليج بيها جيبي غراضج وتعاي
اني اخذج وياي
خلصت الفاتحه ورجعنا للو لايه وعمتي مابطلت تحجي
على زهور
بس اني مااسمعلها
متعجب عمتي ليش شاده وياها مسكينه
مامسويه شي
ستار...زهور ضلت تحاول ويا ولد الجيران وتصعد على الحايط من تطلع عمتي من البيت حتى لا تحجيلنا عنها
تصعد وقت جيتهم من الشغل
بس هما ولا عبالك
مامعبرينها إكراما للجوره الي بينا
بوقتها من شافو تصرفات زهور هاي منعو خواتهم يحجن وياها
ووصهن اذا صاحت عليجن لا اطلعت عليها
الحد مازهور شافت ولد من اقارب جيرانه
جايهم خطار الولد حلو
ضلت تسئل البنات عنه
عرفت عنده معامله وجاي يبقى يمهم كم يوم لمن تخلص المعامله
قررت تكتب رساله حب ودزها اله
طبعازهور مخلصه ابتدائيه تعرف تقرا وتكتب
تكتب رساله بلكت تكدر اتاثر علي
من يشوف الرساله ويحبها
على الاقل يجاوب وياها فتره
بنات الجيران كامن يضوجن منها لان تلح هواي
والنهار كله صاعده على الحايط
وتريدهن يسولفن عليها
وهنا ماعدهن وقت بعدين زهور تافها
وتفكيرها سطحي
كلامهاوكله عن الولد والعلاقات
تفاجئن بيها تسئلهن عن اسم الولد
زهور...هذا الولد اقاربكم شسمه
...محمد ليش
زهور....اني انعجبت بي اريد توصلله هاي الرساله
وهو هم يكتبلي رساله
عفيه لازم يقراها ويكتبلي رساله
كون كبل لا يرجع الاهله
البنات مارضن بهذا التصرف وراحن حجن الامهن
عنها
المره خافت على بناتها من زهور
هاي البنيه مو تمام واخلاقها موزينه لازم تكطع علاقتها بناتها نهائيا
صاحت على عمتي من الحايط
عمتي....هله ام بشار شلونج
ام بشار...الحمد لله
عمتي...اامري
ام بشار....اكلج خيه انتم ناس مستورين وسمعتكم طيبه
ليش تخلون زهور تتصرف هيج تصرف
عمتي...شسوت زهور
ام بشار....هذا ابن حماتي عدنا يشتغل بمعاملة
طابو الولد مؤدب ومحترم
وزهور كل شويه صاعده على الحايط
شلونه سلمن علي اريد احجي ويااا
احنا بناتتنا لا يطلعن علي ولا يكعدن يمه غير هو ابن عمتهن بس مايكعدن يمه
واليوم زهور مطيتهن رساله
المحمد خل يقراها ويكتبلي رساله واني احبه
ولله عيب هذا الحجي
ممنوع زهور تصعد على حاطينا بعد كبل اكول خطيه
محبوسه بلبيت اضوج
اتسولف على البنات شويه
بس من وصلت الشغله الهل مواصيل
بعد ممنوع تصعد على الحايط ولا تحجي ويا بناتنا
واذا صعدت بعد اخلي ابوهن يجي على اخوانها
عمتي...وينها الرساله اطينيها
شمرت الرساله ام بشار من الحايط وعمتي اخذتها
وضمتها
ستار من رجعنا الضهر اني ومرتضى وكعدنا نتغده
جابت الرساله عمتي وحجت كل الكلام الي حجته ام بشار وزودت عليه شويه
زهور من سمعت كلام عمتي ركضت دخلت بغرفة سليمه
زهور...دخيلج ودخيل الله راح يذبحوني
ستار....مرتضى روح جيبها اني مااكدر أقرب على سليمه
راح جابها مرتضى من شعرها
وكتلنها كتله تسوه وتستاهل
ستار...مرتضى هسه تاخذها الاهلها
اني مااكدر اتحمل مسؤوليتها بعد
ولج انتي تنزلين راسنا بين الناس
جمعت ملابسها وهيه دموعها على خدها
تبجي بقهر وحسره
وعمتي واكفه تكلها حيل حيل بيج الف مره منعتج
وما تنمعين كون يذبحونج مو بس كتله
ستار...اخذها مرتضى رجعها البيت اهلي
بس ماحجا ليش رجعناها كاللهم ماتسمع الكلام
والسانها طويل
بس عمتي شلون تسكت
اول واحد اجانا يزورنا من العرب حجتله القصه كلها
وواحد يوصلها الواحد
لمن القريه كلها عرفت قصة زهور وسمعتها صارت زفت
كل الناس تباوع عليها بنظره مو زينه
جمانه السعيدي
انحبست زهور بيت اهلي
ومنعو عنها الطلعه مخلصتها غلط واهانه
وضرب من اليسوه والي مايسوه
ستار...كلما انزل الاهلي اشوفها تجي تتوسل بيه ترجع وباي
وبعد ماتسوي اي شي غلط
بس اني مااقبل مااكدر اثق بيها
طفله وممكن ادخلنا بمشاكل احنا بغنى عنها
خليها هنا على الاقل ماتصير من مسؤليتي
ابوي موجود وهو عينه عليها
بعد وفاة جدي بسنه اجو خطابه على أمل
اختي الزغير ازغر من زهور ابن خالة ابوي طلبها للزواج
واهلي وافقو
وهنا زهور تخبلت شلون امل تزوج قبلها
هيه تريد تزوج هيه الجبيره
زهور محد.يقبل يتقدملها ولا واحد يريدها
بعد السمعه الموزينه الي نشرتها عنها عمتي
الكل يكول عليها موامان ولا ثقه
محد يكدر ياامنها على بيته
ووحده صاحبت علاقات ومستهتره ومحد يكدر عليها
سليمه كانت حامل بهاي الفتره بلطفل الثاني
راحت للعرب اجيب يم اهلها
وهنا زهور بقت تتوسل بيها
زهور...فدوه مو اني اختج فدوه احجي وياهم اني بعد مااعيد هاي السوالف ابد
غلطت مره وبعد ما تنعاد ابد
سليمه...اني احجي ويا مرتضى ولو عمتي واكفتلنا وكفه
زهور...كلشي جاي يصير وياي بسبب عمتي
هسه عرفتي استريني
كولي هاي الرساله عندي لو ما بطلتي اشوفها الخوانج
كبل ركضت خلتها بيد ستار عبالك ماصدكت
سليمه...اصبري فتره بلكت ينسون واني و
احجي وياهم
جمانه السعيدي
ستار...زهور حاولت بكل الطرق وكل الاساليب
بس بدون فايده
محد يقبل ترجع خلاص انتهت حياتها بلولايه
بعد زواج اختي امل والتحاق اخوي الازغر علي بلجامعه
محد.بقى بلبيت غير امي وابوي وزهور
امي جانت تطلع للحلال تاخذه تسرح بي
حتى ياكل ويشبع وترجعه
وابوي يروح للكاع وزهور بلبيت
شغل البيت كله عليها طبخ وتنظيف وعجين وخبز
امي كبرت بعد ماتكدر على هيج مسؤليه
قررت امي زهور تروح تسرح بلحلال وهيه تبقى بلبيت
لان ماتكدر تركض ورا الحلال
زهور طبعا ماقبلت لان شغله متعبه
والشمس تحرك وجها ووتعب
بس مو بكيفها لازم تقبل ماعدهم احد غيرها يطلع بلحلال
بدت زهور تطلع بلحلال
يوم يومين شهر شهر واحد بلضبط
واجتهم زوجت ابن خالي
دخلت للبيت الضهر بوقت حان ابوي وامي وبيبي
كلهم كاعدين
وكفت وشكت ثوبها وهيه تصرخ بصوت عالي
الحكو عليه زهور تريد تاخذ مني رجلي
تركض ورا ماتروح تسرح بلحلال اله بلكاع الي
يسرح بيها
منعتها لف مره ما تمتنع
واليوم رحت لكيته نايم وياها
هيج دين هيج يمين شفتهم بهاي عيني نايمين سوه
بتكم تريد تهجم بيتي عليه
بتكم ماكفاها ولد الولايه شبعو بيها
هسه لاحكتني على رجلي
بتكم كحبه وكلكم ماتكدرون عليها
لو مشغليها بملهى ولا رادينها علينا
محد.يكدرلها محد يكدر عليها اذا ما تشوفولكم
جاره
اني اكتلها بيش طالبتني
عدي كومه جهال وين اروح بيهم
عافت الزلم كلها وتركض ورا رجلي لا تستحي ولا تخجل
خلصوني منها اذا مااشهرها بالقريه كلها
واخليها علج بحلوك الناس
ياهو الي مايعرف زهور ومايعرف عمايلها
شبعو منها اهل الولايه وذبوها علينا
ستار...امي بقت واكفه ومتعجبه من كلام ام مهدي
وابوي ركض يشوف زهور وين
وهذا الحجي شنووو
