رواية قصة معلم ستيني الفصل الرابع 4 بقلم جمانه السعيدي
ستار....من وصلت سليمه للبيت ومرتضى وحمودي الزغير
بيتنا صار حلو
وبي حس وخاصه حمد يخبل وسوالفها ترد الروح
كلما يشوفني ادخل للبيت
يركض يحضني
واذا كاعدين بليل على التلفزيون يكعد بحضني
اما اني ضميت هذا السر بكلبي
وقررت اعيش
بعد مااكدر افكر بهذا الموضوع
عيب عليه مرتضى اخوي وما يستحق اخونه حتلو بكلبي
راح اعيش وبس
بس سالفه الزواج شلتها من بالي نهائيا
احس صعب الكه وحده نفس سليمه تكمل وياي حياتي
راح ارضى بقسمتي ونصيبي واسكت
من اول مادخلت سليمه للبيت صار تحالف بينها وبين اختي ضد عمتي
عمتي بعقلها القديم ماتريد اي واحد يتحرك بلبيت
اذا ما ياخذ رائيها
تعتبر نفسها هيه المسؤله عن الكل
بما ان هيه صاحبت البيت وهيه الجبيره
تريد كلشي بلبيت يكون تحت امرها
وخاصه اختي وسليمه
ماتقبل يطلعن ولا تقبل يسولف ويا الجيران
اذا محتاجات شي لازم يستئذنن منها بلاول
وهيه تقرر اجيب هذا الشي لو لا
اذا وحده منهن تريد تطلع طلعه مهمه
للمستشفى للحفافه لازم هيه تقبل بلاول
وما تطلع اله عمتي تطلع وياها
اذا حجن شي بهاي الطلعه عمتي تحفظ كلامهن
وتعاقبهن غلي
تحكم صارم بلاثنين
بلنسبه السليمه عمتي ماكدرت تتحكم بتصرفاتها
لان عدها زوجها هو المسؤال عنها
ومايقبل اي احد يقرب عليها حتلو عمتي
محد.يقرب عليها
ولا يقبل اي احد يتحكم بتصرفاتها
عمتي كانت اصب غضبها على زهور
على رائي المثل احاجيج يابنتي واسمعج يجنتي
كان تغلط على زهور وتحاول تتحكم بتصرفاتها
حتى سليمه تخاف منها وتسمع كلامها
اني مااكول اختي مو غلطانه
بس مو كل تصرف نعتبره غلط ونعاقب علي
اختي حانت عايشه بلريف كلشي اله قيود وكلشي
يتخططله
ماتكدر تتصرف اي تصرف من راسها
لازم الكل يوافق اذا رادت تشتري شي او تروح
مكان و اكيد اغلب طلباتها كانت مرفوضه
من اهلي
لان اهلي عدهم مقياس للاشياء المهمه والغير مهمه
اكثر الاشياء عدهم غير مهمه
مثلا اذا تتمرض لازم تكون مريضه بشكل ماتكدر توكف على طولها يله يقررون تروح للمستشفى
اذا عدها قطعة قماش تريد تخيطها
مو ضروري هيه تاخذها البيت عمي
عادي توديها بيد اي احد و عمي يختار الفصال بكيفه
كعدت الفجر ضروريه عدهم شغل ماعدهم شغل
لازم يكعدون من الصبح
الكل لازم يشتغل ويقدم عمل
ولا يتحاسب اخر النهار لان ماقدم اي عمل يفيدهم بي
جمانه السعيدي
هواي اشياء مو ضروري تشتريها البنيه
موضروري تشتري عطور وكريمات
هيه كاعده بلبيت وين رايحه وتتعطر
قابل مزوجه وتتعطر الزوجها
لازم تركض وتخدم كل الوقت بدون ماتكول تعبت
من اجت اختي للمدينه شافت غير عالم
عالم مايشبه العالم الي جانت عايشه بي
حريه لبس حلو وموديلات راقيه
عادي تخلي مكياج وتتعطر حتلو ماكانت مزوجه
ممكن تطلع للجوارين اذا ضايجه
عادي الخياطه تجي للبيت تاخذ القماش وتسئلها على الفصال الي تريده
اذا ردنا نطبخ نسئل شنو تحبون تاكلون
هذا السوال محد سئله طول الفتره الي فاتت من عمر زهور
اختي مثل الطير الي جان محبوس ونفتح القفص
طار بعيد بعيد ومراح يرجع ابد
من اجت سلميه زهور بدت تشوفها الاشياء الجديده الي اكتشفتها هنا
وتغريها بلاشياء الحلوه
حتى يصيرن ثنيينهن نفس المستوى بكل شي
اختي زغيره ومتهوره وماتعرف تتصرف
وعمتي بمكان ما تعلمها ودير بالها عليها
كانت طول الوقت تتهمها بشوفها
لان عمتي عدها قوانيين متربيه عليهن وتريد زهور تمشي عل هاي القوانيين
ممنوع المكياج اذا تمكيجت يعني أخلاقها موزينه
لان بعدها بنيه شلون تتمكيج
اول مره حفت وجها عمتي تخبلت
من شافتني مادرت بال الهاي الشغله
عمتي...ااحك اليوم زهور حفت وجها
ستار....باوعت عليها ماشفت شي مميز بوجها
يعني شي عادي
عمتي...شو سكتت اكلك حفت وجها
ستار...عمه عوفيها هيه وين طالعه عوفيها
عمتي...كون انت ماتحاسبها اني اعرف منو الي يحاسبها
لبست عباتها عمتي وراحت الاهلي حتى تخليهم
يلحكون لان بتهم طلعت من لطريق جاي تحف وتتمكيج
وهيه بعدها بنيه مامزوجه
حجت كدام امي ماتريد المشكله توصل الابوي
امي من اجت زياره هلمره
قررت تاخذ زهور وياها
امي...يله زهور لمي هدومج تردين وياي
ستار...ليش ترد وياج شسوت
امي...عمتك مو راضيه عليها
ستار...وعمتي شنو دخلها بزهور
امي...خاف توصل خبر الابوك وتصير مشكله جبيره
اخذ بتي وياي احسن
ستار...زهور ما تطلع منا عمتي اذا تريد هيه ترجع
للعرب ولا تشوفنا ولا نشوفها
امي...اروح ودير بالك عليها
ستار...يمه شلقصه ترا اني داير بالي عليها
معليج بعمتي
امي...اضبطها شويه ترا عمتك متخبله منها
ستار. عمتي متخبله حتى من ضلها روحي يمه
زهور باامانتي
جمانه السعيدي
عمتي من شافت امي رجعت وحدها تخبلت بزايد
شلون كلامها مايمشي على زهور
شلون زهور تنتصر عليها وتبقى هنا ماترجع وياا امي
قررت ازيد الكلام وتكثر ملح وبهارات
قررت تستخدم الكلام سلاح حتى توكف زهور عد حدها
تكثر من الكلام الموزين عن زهور
واطلع عنها اشاعات صدك وجذب
حتى ابوي يسمع ويجي ياخذها للعرب
وهيج عمتي تنتصر عليها
عمتي عمرها ٥٠ سنه خاله عقلها وياا اختي عمرها ١٩ سنه
وحاسبتها عدوتها
بنفس الوقت زهور جانت حيل متأثره بنات جيرانه
البنات الي جانن عايشات بغداد
و يتصرفن تصرفات كلها حريه
تصرفاتها طالعه من البيئه الي جانن عايشات بيها
بلوقت الي زهور ماتطلع اله شغله ضروريه كلش وياها عمتي
وتكون لابسه حجاب وعبايه وجواريب
بنات جيرانه يطلعن وين مايردن وحدهن
الصديقاتهن للخياطة للاقارب مناسبه عيد ميلاد اوحنه
يطلعن وحدهن
وايلبسن بس عبايه ماكو حجاب ولا جوارب
ونص الشعر طالع من كدام والعطر واصل السابع جار
ومكياج فول بدون رقيب او محاسب
زهور اتاثرت بيهن تريد تصير مثلهن
تلبس وتتمكيج وتطلع بكيفها
طبعا مو بس عمتي كلنا ما نقبل تقلدهن لان تربيتهن
غير تربيتنا ووضعهن غير وضعنا
مستحيل نقبل زهور تتصرف مثلهن
اني مااكول تصرفاتهن غلط لان هنا حرات بهاي التصرفات
بس احنا عدنا قوانيين عايشين عليها
ومانكدر نتخطاها
جمانه السعيدي
عمتي وهيه تشوف اختي بس تحجي بيهن
وتحاول تلبس وتتصرف مثلهن تريد تقلد حياتهن
وهذا الشي مرفوض بلنسبه الها
زادت الملح والبهارات
وبدت تحجي عن اختي على نطاق اوسع
خاف قبل تحجي بس كدام امي واني ماسويت شي
لا زم توسع دائره الكلام
ودخل ناس من الأقارب يأثرون على امي
لان هيه ماكدرت اتأثر عليها
بدت اطلع اشاعات على اختي اشكال والوان
مستهتره مامربايه تطلع بكيفها تلبس لبس مو لبسنا
تخلي مكياج
اخوانها يطلعون للدوام وهيه تاخذ حريتها
الكلام زاد صار حجي عن السمعه والشرف
وكل واحديسمع كلمه يزود عليها شويه من عنده
كم كلمه حتى الحديث يكون مشوق اكثر
المشكله اختي طفله ومراهقه وتريد تقلد وبس
ماعدها احد.ينصحها لو يعلمها شنو الصح وشنو الغلط
شنو الاشياء الي ممكن تقلدها
وشنو الاشياء الي ممنوع نقرب عليها
عمتي كانت تستخدم وياها اسلوب الترهيب
والخوف والغلط وهيه جانت تعاند اكثر
تحس عمتي ما تحبها
تريد بس ازيحها من كدامها
تريد اسيطر عليها هذا الشي خلاها تتمادى اكثر
المشكله الي اني كنت ابد ماا خالها بعقلي ولا اعرفها
ذني البنات عدهن علاقات
بس مو اي علاقات ووحده تحب ابن عمها
وخطبها واهلها يعرفون هيه تتواصل ويااا
منتظرين يحضر نفسه ويزوجون
والثانيه تحب مدرس وعلاقتها شريفه هو مقرر يخطب ويزوجها وامها تعرف بهاي العلاقه
لان هو يحجي وياا امها دائما عنده تواصل وياها
ومقرر يزوج مو يلعب
بس بعقل اختي الزغير بنات الجيران
سبقنها بخطوه
صح هيه تلبس مثل لبسهن
وتتمكيج وتتعطر وتحف مثلهن وتابع نفس البرامج الي هنا يتابعنها
تحاول تقلدهن بلكلام
بس هيه ماعدها حبيبي مثلهن
ليش هنا يعيشن احساس الحب الحلو
ويكعدن كل الوقت يحجن عن الأشخاص الي دخلن وياهم بعلاقه
وهيه ماعدها حبيب بيش هنا احسن منها
هيه هم تريد حبيب
تريد شخص تدخل ويا بعلاقه ويكون حبيبها
وتحجي عنه بشغف مثل ماهنا يحجن
عقلها الزغير مايكدر يستوعب الفرق بينها وبينهن
هنا حلوات هواي احلى منها
وحده خريجه جامعه والثانيه خريجة معهد
هنا اكبرمنها هيه ستوها ١٩ سنه وهنا وحده ٢٠
ووحده ٢٢
عاشن بضروف احسن من ضروفها
عشان بغداد والهن الحريه الكامله تربن تربيه متحرره
امهن صايره الهن مرشد تعلمهن وين الصح وين الغلط
ماتخليهن يتهورن بلعلاقه
امهن تعرف كلشي عنهن وتعاملهن كأنما صديقات
وضعهن الي عايشاته يسمحلهن يعبرن عن رائيهن
اما زهور كلشي تسوي بخوف ورهبه
يعني مستحيل تكون مكيجه كدامنا ومستحيل
تتمدد واحنا كاعدين
مايصير تطلع من البيت إذا مااحد ياخذها ويرجعها
وعمتي صايره عدوه الها
ماتقبل بكل تصرفاتها
ودائما تقيم كل تصرف بلغلط
اما سليمه صح واكفه ويا زهور بتصرفاتها
بس مو متهوره مثل اختي
تصرفاتها عاقله
المشكله عمتي كلما تضغط عليها اكثر
تعاند اكثر وتحاول تتمرد على عمتي اكثر
وهذا التصرف يجبر عمتي تحجي عنها كلام موحلو
والناس ما تصدك تسمع سالفه موزينه
راسل تحجي بيها وتنشرها على نطاق واسع
وزيد وتخلي عليها اكشن واثاره
حتى الموضوع يكون غير واله صدى واسع
خمس سنوات وعمتي داخله حرب ويا اختي
مخليتها كدام عينها
لا تعرف تنصح ولا تعرف تعلم
تعرف بس تحجي وتغلط وزيد الإشاعات على اختي
جمانه السعيدي
المهم اختي قررت تريد اجرب الحب
وتعيش احساس نفس احساس بنات الجوارين
بس شلون
ومنيبن اجيب حبيب تعيش ويا هذا الحساس
ماتريد واحد من اقاربنا
لان اذا دخلت بعلاقه ويا واحد من اقاربنا
يعني راح ترجع للعرب وراح ترجع للحياة المتعبه الي عاشتها قبل
تريد تدخل بعلاقه وياا واحد من الولايه
وواحد يحبها كون ويستقتل علمودها
بس شلون وهيه محبوسه وما تطلع وحدها
وعمتي مراقبتها ودور عليها الزله
تريد واحد تحبه وبس مو مهم منو ابن منو يشتغل لا
زين موزين المهم تريد حبيب وبس
اذا راح تسئلون انتم وين من كل هاي الدوامه
اخوانها وين عن هاي التصرفات
راح اكللكم اني بلدوام ارجع ارتاح ساعه
ارجع اروح للمحل اشتغل ماارجع اله بعد اذان المغرب
اتعشى واكعد شويه على التلفويون
وأنام واذا عطله اكعد الصبح اروح للمحل
ارجع اتغدى واروح العصر للمحل مره ثانيه
ومرتضى نفس الشي يشتغل لان الراتب وحده مايكفي
مصرف ابنه وزوجته
عايش حياتي صح ومااعرف اي شي عن اختي وعمتي
وما متوقع الأمور ممكن توصل هيج مواصيل
كلشي مااعرف عن هاي السوالف
مع الأسف عرفتها متأخر بعد ما فات الاوان
لو اعرف هذا الشي من البدايه مجان ضاعت مني اختي
شكد ندمان ماكدرت احافظ عليها
