رواية بنت المصري ومؤذن الحي الفصل الرابع 4 بقلم جمانه السعيدي
منى....يمكن الخطء الي خطئته ما يغتفر بلنسبه للناس
بس اني غلطت بدون وعي مني
ماكنت متقصده اغلط هيج غلط
شكد امي جانت حنينه وقريبه عليه وما مخليتني ناقصني اي شي بس مو كل وقتها قريبه مني
دوام و ولادات أثناء النهار كان اهتمامها بيه
على الهامش يعني فارغه تسئلني شسوتي اليوم
شعندج من تحضيرات
مافارغه وتعبانه ما تسئلني لا تدري بيه
اني موجاي اللومها لا اني اللوم نفسي لان هيه مشغوله
بلدوام والعمل بعد الدوام
حتى توفرلنا حياة كريمه حالنا حال الناس
بلاضافه للبيت الي جاي تبتي بي
وماخذ كل تفكريها
بدا كلشي من صادقت رونق وكمت اتردد على بيتهم
وهيه هم تجي بيتنا علمود ندرس سوه
امي ابد ماكانت تمانع اذا طلبت منها اروح ادرس ويا صديقتي لان تشوف البنيه تجي يمنا دائما
البنيه حبابه ومؤدبه وتصرفاتها حلوه
بعدين بيتهم مابي ولد كبار عدهم ولد زغيرر
عمره عشر سنوات
اول بداية تعارفنا كانت علاقتنا عاديه الحد ما خلصنا متوسطه
بلمتوسطه ماكنت اشوف شي مو طبيعي
بس من انتقلنا اللاعداديه
تغير كلشي بلنسبه اليه
بيوم امي طلعت عدها ولاده واني حبيت اروح ادرس ويا رونق بيتهم
عائلتهم تتكون من بنات ثنيين رونق وبنيه ازغر منها
وولد عمره عشر سنوات وابوهم امهم
عائله طيبه ومتواضع ويحبوني
دكيت الباب فتحلي ولد شاب اول مره اشوفه بيتهم
بقه يباوع عليه واني هم صفنت بوجها
اول بدايه اتوقعت دكيت باب غلط
بعدين باوعت لا هذا بيت رونق كلت يمكن خطار
منى....رونق موجوده
نضرته اليه غريبه نضرة تعجب او فرح
هيثم...اي موجوده منو انتي
منى...اني صديقتها منى
هيثم...اي تفضلي فتح الباب دخلت بس بقيت واكفه برا
بلطرمه
هيثم...ليش واكفه بره تفضلي
منى...لا مستعجله
دخل للبيت واسمعه يصيح رونق رونق وينج تعالي
طلعت عليه بس شافتني ابتسمت
رونق...تفضلي ليش واكفه بلباب
منى...منو هذا اول مره اشوفه بيتكم
رونق...تعاي ادخلي واني احجيلج
منى...دخلنا للبيت هو جان كاعد بلهول بقه يباوع عليه
منا لمن دخلنا غرفة رونق
رونق...تعاي شبيج اليوم
منى...اتوترت من شفت هذا الولد
رونق....هذا اخوي من بابا
منى...شنو يعني
رونق....بابا جان مزوج قبل امي وعنده ولد عايش بيت جده
منى...بس اني اعرفج من زمان اول مره اشوفه ببتكم
رونق...هااا مو جان مسافر توه رجع
عوفي يمعوده وتعاي نقره اني وياج
منى... شويه جاي نقرأ انفتح باب الغرفه ودخل علينا
هيثم...شلونجن بنات
منى...اني بقيت اباوع علي
رونق....خير شكووو مو جاي نقرا
هيثم.. على كيفج ليش عصبيه كلت خاف محتاجات شي
رونق...شكرا ما محتاجين شي
هيثم....اذا تحتاجن شي اني كاعد برا
منى...طلع بس يمشي وعينه عليه
رونق....يله نكمل
منى...شكد عمره هذا اخوج
رونق...٢٤ سنه
منى...شمخلص دراسه
رونق....راسب هو هذا شكله مال دراسه عوفي يمعوده
هذا وقتنا ندرس بي احسن ما نحجي عن هيثم
جمانه السعيدي
منى..بقينا اكثر من ساعه نقرا بعدين سلمت عليها وطلعت
من طلعت من بيتهم شفته واكف بلركن
دنكت ومشيت
اجا يمشي وراي بس ماحجا ولا كلمه
لمن دخلت للبيت التفت أسد الباب شفته يباوع عليه
جان بايده جكاره شمرها بلكاع وداس عليها
وحده مراهقه مثلي وتشوف واحد.يمشي وراها
ونضراته كلها اعجاب
شلون ما تبقى تفكر بي
عقلي كعد يصورلي هذا فارس احلامي ويحبني
لو ما يحبني مجان مشى وراي
عقل طفله وبدون رقيب
بليل اجت امي تعبانه جانت عدها ولاده خلصت قبل المغرب
المغرب من استلمت الفلوس طلعت كبل جابت مسواك
ومنظفات واجت ورا اذان المغرب تقريبا بنص ساعه
امي.. هااا ماما جوعانه
منى...لا موكلش جوعانه
امي...بس اصلي وارتاح واحضر العشى
منى..براحتج ماما اكولج ماما
امي...كولي شكووو ولله تعبانه اليوم
منى...لا بعدين
امي...كولي ليش بعدين
منى....خاف تعبانه
امي...اي عادي نسولف الكلام مايتعب
منى...اليوم عرفت رونق عدها اخووو جبير
امي... اخو جبير شلون يعني
منى...جبير عمره ٢٤ سنه جان مسافر وهسه رجع
امي...وين شفتي بيتهم
منى...اي هو فتحلي الباب
امي...هيه هاي سالفتج لو بعد اكو شي
منى...لا بس هاي
امي....اي هسه اني شكو تحجيلي هيج شي
منى...لان اني اتفاجئت قبل ما تحجي عنه رونق هاي اول مره اشوفه واعرف اسمه
امي...اروح اصلي واحضر العشى
جمانه السعيدي
منى...ثاني يوم بلمدرسه بقيت اجرجر برونق حتى اعرف عنه معلومات اكثر
بس كلما اجيب اسمه رونق تغير الموضوع
رونق...انتي شخبصتيني بهيثم ليش مهتمه بي
ترا خطار بلسنه يجينا مره عادي اجا شويه وطلع
منى...ضجت ليش هيج تحجي عنه غير هو اخوها
كمت كل يومين اتحجج اروح البيت رونق بلكت اشوفه
بيتهم
المره الثالثه صادفته طالع من بيتهم
بس شافني بقا الباب مفتوح ووكف ينتظرني
هيثم...ياهلا وميت هلا
منى...شكرا رونق موجوده
هيثم...لو مو موجوده اجيبها اللج معقوله تجين
ورونق ما موجوده
تفضلي تفضلي ادخلي
منى...دخلت وهو يمشي وراي التفت عليه لكيته يتفحص جسمي صح اني بالرابع عام بس جسمي جسم مره
واطلع بتراك لو نفنوف لابسه حجاب
بس موحجاب حقيقي هيج كلاوات
امي ما تضغط عليه بلبس
لان اني بعين امي طفله ابد ما تباوعلي بعين البنيه الحبيره
من شافني التفت علي راسا ابتسم وكال تفضلي
دخلت للبيت
صاح رونق رونق هاي صاحبتج اجت
طلعت ام رونق رحبت بيه وسئلتني عن امي وعن احوالنا وهو كاعد يباوع عليه
ام رونق.. انت مو جنت طالع
هيثم...اي بس رجعت هسه اروح
منى...طبعا طريقته شلون يباوع عليه وكعدته كبالي
وشلون منتبه الحلكي شلون احجي
زادت غروري بنفسي
اتخيلت هو يموت عليه ومايكدر يستغني عني
بحيث بس شافني وهو طالع
رجع علمودي يعني هو يحبني ومجاي يكدر يتحمل يشوفني وينزل عينه عني
تفكير طفله غبيه ماعدها خبره بهاي الدنيا
طفله مدلله وماتعرف الصح من الغلط
جمانه السعيدي
المهم كعدت اقرا اني ورونق بس فكري ابد مو يم الدرس
فكري شلون راح اطلع والكا منتظرني وواكف برا
لان هو يحبني ومايكدر يتحمل بعدي
قرينا شويه بعدين طبكت الكتاب
منى...ارجع للبيت
رونق...تونا بدينا نقرا بعدنا ما مكملين
منى...اريد ارجع خاف امي تجي وما تلكاني بلبيت
والمفاتيح عندي
طبعا اجذب عليها لان امي عدها نسخه من المفتاح
بس اريد اطلع خاف هيثم ينتظرني برا
طلعت من بيتهم فعلا شفته واكف بلركن وجاي يدخن
بكلبي فرحت لان منتظرني بس بينت اني ما مهتمه
مشيت بس قربت علي
طلع الجكاره من حلكه وكال
هيثم....كلبي جاي يحترك مثل هاي الجكاره كلما اشوفج
منى...مو كلمتين كالهن لا عبالك وقع صك حبي بدمه
مشيت واني مدنكه
هيثم...ليش ماتردين عليه ليش تحركين كلبي
منى...شتريد مني
هيثم.. احبج قابل شريد منج
منى...تحبني
هيثم....واموت عليج انتي مو عاديه انتي من النوع الي
يكعد بلكلب ويتربع
منى امشي على كيف وهو يمشي قريب عليه ويحجي
هيثم...ليش مكتوب على بيتكم بيت المصري
منى...بابا مصري
هيثم...من مصر ومزوج عراقيه
منى...اي ازوجو عن حب
هيثم...هنيالهم اني هم ناوي ازوج عن حب قبل جنت محتار مجاي الكه الانسانه الي تناسبني
بس هسه لكيتها ومستحيل اعوفها
والنوب طلعت مخلطه مصري على عراقي اني شكد محضوظ
منى...ماكدرت اضم ضحكتي من سمعت كلامه
هيثم...فدوه الهلضحكه الحلوه
كون الله ما يحرمني من هاي الضحكه الحلوه
منى...وصلت للبيت دخلت والتفت علي دزلي بوسه بلهوى
دخلت للبيت كمت اكمز هلكد مافرحانه بكلامه
عبالك ملكت الدنيا كلها بذني الكلمتين الي سمعتهن
ابد ماحسبت حساب كلام الناس
شلون اني جنت امشي ويا ونسولف بلشارع
امشي ومااشوف غيره عبالك ماكو احد بلدنيا غيره
بس هووو وبس
امي كانت جوه راجعه للبيت واني ماادري
على صوت التكمز صاحت هااا شكو
منى..خفت منها ماكو شي بس بس رونق تكول وزوعو الاوراق من طلعتي وأخذت ورقتج
ناحجه ماخذه درجه كامله
امي...انتن مو اطلعن سوه شلون طلعتي قبلها
منى...اليوم طلعت قبلها
امي...ووين الورقه خل اشوفها
منى...نسيتها يم رونق
اجيت انكشف على غلطه بسيطه مني
بليل دخلت غرفتي اقرا بس ماجنت اقرا
عقلي جاي يعيد الكلام عليه مثل الشريط كلمه كلمه
ما مصدكه اكو واحد يحبني هيج
وكل اشويه اباوع للمرايه اشوف نفسي شلون حلوه
شلون اني حلوه بعين هيثم
ثاني يوم قررت ارجع اسئل رونق عنه اريد اعرف معلومات عنه اكثر وافاجئه
منى...اكلج رونق ليش هيثم لسه مامزوج
رونق...انتي شبيج الخاطر الله ليش ما تبطلين تسئلين
عن هيثم
خاف اكو شي احجيلي
منى...لا ماكو شي بس مستغربه لان انتي ابد ما تحجين عنه
رونق...وليش مستغربه هو ماعايش ويانا
بعدين ليش احجي عنه اهتم بدروس احسن مااحجي عن موضوع ماله اهميه
منى...انتي تكرهينه
رونق...لا اكرها ولا احبه ماعندي شي ويااا
منى...غير اخوج
رونق....اهوووو انتي صاير بعقلج شي شبيج بس تحجين عن هيثم
اذا اكو ابالج شي اني اكلج ابتعدي عنه احسلج
هيثم ملعب ومايفيدج
منى...واني شكو بيني وبينه مالي علاقه بي
رونق....اليوم تجين نقرا للامتحان
منى...اشوف
رجعت للبيت وبقيت افكر بكلام رونق ليش تكره
هيثم يمكن لان مو اخوها من امها وابوها
لوكان اخوها وساكن وياهم جان ماحجت عنه
لازم اسئل هيثم ليش ماعايش هنا بيت ابو الله لو يجي يعيش بيت ابو هنا
يعني كل يوم اشوفه
وعلاقتنا تقوى اني يااا
من بعدها اسبوع واني كل يوم رايحه راجعه بس ما شفته ابد
ضليت افكر ليش ما يجي هنا خاف ام رونق طردته
اي معروف زوجت الاب ما تحب ابن زوجها
الاسبوع الي بعده من داومت
شفته واكف بلشارع لازم جكارته ويدخن
من طلعت من بيتنا اريد اروح الرونق حتى نطلع للمدرسه سوه
اجا قرب عليه
هيثم...صباح الخير
منى...صباح النور
هيثم ...مشتاق وكلبي نار حتى اشوفج
منى...وين جنت صار اسبوع ماكو
هيثم...فدوه االحبيبت كلبي الي تفكدني وتسئل عني
منى...وين جنت
هيثم...اني مايصرفلي هذا الحجي لازم اشوفج واحجي وياج
منى...مااكدر اطلع
هيثم...شلون نبقى نحجي كلمتين بلشارع
منى...وهو جاي يحجي طلعت رونق للشارع
راسا هو دار وجها وكال روحي لا تشوفنا سوه
منى...اني هم مااريدها تشوفك وياي
قررت ابد مااحجي كدام رونق عن هيثم خاف تحجي عنه حجي مو حلو
يمكن هيه تكرها عدها اسباب خاصه حتى تكرها
بس اني احبه ومااريد اعوفه
اول انسان احبه واتعلق بي
بدت الامتحانات وامي بعد الدوام تجي للبيت
وما تطلع ابد حتى إذا اكو ولاده اجيب النسوان بيتنا
ورونق كامت هيه تجيني للبيت
يعني بعد ماكو حجه اطلع واشوف هيثم
من نطلع الامتحانات نطلع اني و رونق سوه ونرجع سوه
ماجنت اشوفه بلشارع
بعدين ابقى بلبيت مااطلع علمود القرايه
وهو هم اختفى مااعرف ليش يمكن مل من الانتظار
وبطل يحبني
لا انشاء الله ما يبطل يحبني ابد
لان اني احبه وتعلقت بي
