رواية عائلة آخر جنان الفصل الثالث والثلاثون 33 بقلم مروة طارق
عائلة .. آخر جنان
---- الحلقة الثالثة وثلاثون ----
لايك قبل القراءة 
و كومنت بعدها 
- - - - - - - - - - - - - - - - - - - - - -
سمر تروح البيت تدخل اوضتها .......... وترجع تبص على اوضة سهر تلاقيها ضلمة ......... تتصل عليها تلاقي صوت موبايلها طالع من الاوضة ............
تستغرب وتروح تتخبط على الباب محدش يرد .......... تخبط كتير محدش يرد ....... تضطر تدخل وتفتح النور ........ تلاقي سهر قاعدة في ركن ونازلة عياط ....... سمر تجري على سهر .............
سمر تاخد سهر في حضنها ...................
سمر : مالك يا سهر مالك يا حبيبتي ؟
سهر : .................
سمر : ردي عليا يا سمر ردي
سهر : سلمى حااااااااااااااااااااامل ؟
سمر بخضة : اييييييييييييييييييييييييييييييه حامل؟
سهر : ايوة حامل من معاذ
سمر : ننننننننننننننعم معاذ مين ؟ انا مش فاهمة حاجة
سهر : زي ما بقولك هحكيلك
************************************************************
مهند بيدخل على منار اوضة اسلام ........ لقاها قاعدة جنب السرير وماسكة ايد اسلام وحاطة دماغها عالسرير جنبه ونايمة ..............
مهند دخل حط ايده على كتفها ........... فاقت منار وبصت تشوف مين ..........
منار : مهند ؟
مهند : انا عندي ليكي خبر حلو
منار : معتقدش ان فيه حاجة حلوة دلوقتي
مهند : طيب حتى لو قلتلك ان وليد اتقبض عليه
منار : بجد ؟ ما انا كنت عارفة انه هيتقبض عليه وانك مش هتسيبه في حاله
مهند : بس ده ميمنعش انه غبي
منار : ليه يعني
مهند بيحكي ............. فلاش باك
مهند يجيله تليفون من واحد صاحب وليد ان حسين سابهم في سهرتهم ومحدش عارف هيروح فين ومهند طلب منه انه يراقبه ويفضل وراه لحد ما يجيله المكان اللى هو فيه وهيديله الفلوس اللى هو عاوزها ............
وبالفعل مهند نزل لحد ما عرف ان حسين في بيته وصاحبه التاني لسة مراقبه تحت البيت وراحله مهند عطاه فلوس وقاله لو عرفت اي حاجة بلغني .............
وفضل مهند مستني حسين لما خرج في الوقت اللى مكنش مهند لوحده مراقب حسين والبوليس كمان كان مراقبه .......... بس حسين كان عارف ان البوليس بس هو اللى مراقبه ....... وركب حسين تاكسي والبوليس في عربيته ومهند على فيزبه مستلفها من واحد صاحبه ونزل قدام كافيتريا ودخل دخلوا اللى بيراقبوه من البوليس لقوه قاعد ومستني حاجة يشربها ........... دخلوا قعدوا هما كمان ومهند قعد عالتربيزة اللى وراه ............... شوية وقام حسين دخل الحمام بس رجال البوليس مقاموش وراه لانه اكيد مش هيهرب من الحمام ............ بس مهند قام دخل الحمام وراه وفضل حسين في الحمام مش بيعمل حاجة وشوية قام مخرج راسه من باب الحمام يبص عليهم كل ده ومهند شايفه ومش عارف هو ازاي هيغفلهم ويخرج والباب في ضهرهم يعتبر ....... بس حسين طلع وقف قدام البار البار جنب الحمام على طول بتاع التقديم وعمل نفسه بتكلم في التليفون ....... وخرج مهند وبص عليه بس في اللحظة دي وشاف اللى البوليس مكنش قادر يشوفه طلع مهند يجري اخد الفيزبه بتاعته ولف بيها للباب التاني اللى حسين بالفعل طلع يجري منه ....... وقام الرجلين اللى مراقبينه وراه واحد وراه والتاني بيبص على ترابيزته لقاه سايب علبة سجاير فاضية وسايب فلوس الحاجة اللى شربها ....... ومحدش فيهم لحقه ........ بس مهند لحقه ومتاهش منه بحكم ان حسين ماشي مستريح ومحدش مراقبه بس مكنش يعرف ان مهند بيراقبه طبعا .............
مهند : راح لمكان كده في الارياف حتي معرفش اسمه تقريبا عزبة في منطقة ريفية وفضلن مراقب وليد لحد ما جه البوليس قبض عليه
منار : طيب وانت عرفت منين ان حسين هيروحله ؟
مهند : من المعلومات اللى جمعناها انا وهاني عرفنا ان وليد محتاج لحسين عشان المخدرات اللى بيشربها فكلفت حد يراقبه وينقلى تحركاته
منار : تنفع تشتغل تحري خاص
مهند : انا كنت هقتل وليد يا منار بس مسكت نفسي بالعافية لاني اختلف عنه
منار : انا عارفة انت مفيش زيك يا حبيبي
وتدور وشها منار وتبص لاسلام ..............
منار : انا قررت اني مش هسافر
مهند : ايييييييييه ؟
منار : مش هسافر وده قرار نهائي هناك مش زي هنا
مهند : وياتري انتي شايفة انهي الاحسن
منار : مفيش الاحسن مش هكدب عليك واقولك هنا احسن بس هنا انا لقيت نفسي اكتشفت ان انتمائي لهنا ووطنيتي هنا وديني هنا وهويتي كمان هنا وحتى اسلام هو هنا مش هناك انا هناك كنت عيانة وهنا انا خفيت
مهند : وانا كمان مش هسافر انا كنت مقرر كده بس مكنتش عارف احنا هنرجع نتفق ازاي تاني اننا منسافرش
منار : انا قررت وخلاص ومش هرجع تاني غير زيارات مقدرش انكر اني عشت طفولتي هناك والمصري اصيل مينساش الجمايل بس اكتر من كده مقدرش اوعد امريكا بحاجة تانية
مهند : عندك حق امريكا ليها جمايل ومش مستنية مننا نردهالها بس مصر تكسب
منار تبتسم لمهند ويرجعوا الاتنين يبصوا لاسلام ويسكتوا .................
*******************************************************************
مريم واقفة قدام محمود بتعيط من فرحتها .........
محمود لسة نازل نص ركبة ........
محمود : ها قولتي ايه ؟
مريم بعياط : موافقة طبعا
محمود لبسها الخاتم وراح قام من الارض باس ايديها .................
كل الناس اللى حواليهم صقفوا واللى يصفر بصوت عالى ............
محمود : بحبك اوي
مريم : وانا كمان بموت فيك .......... امممممممممممممم بس انا مش هسافر امريكا
محمود : ولا انا كمان
مريم : ايه
محمود : انا مش هسافر ......... انا مش عايز اسيب مصر بعد ما حققت فيها نجاح كويس
مريم : انا كنت خايفة انك تسافر وتسيبني
محمود : انا عمري ما هسيبك ابدا.......... وياريت بقى تحدديلي ميعاد مع معاذ عشان اجي انا وماما وبابا
مريم : هما عارفين ؟
محمود : اه طبعا
مريم : حاضر هحددلك ميعاد
***********************************************************
سمر : لا مش معقول وانتى بردو تصدقي سلمى دي اكيد كدابة هو ممكن يكون ..... ممكن يكون ..... ابن ..........
ولما استوعبت سمر انها هتقول فريد سكتت لان في الحالة دي جرح اختها هيتنقل لها .....
سهر : قصدك ابن فريد لا مش ابنه وعلى فكرة هي محكتليش حاجة اللى حكالى هو معاذ يعني هو فعلا ابنه
سمر : لا لا لا انا مش مصدقة استحالة يكون ابنه
سهر : حتى لو مش ابن معاذ تفتكري هتفرق ؟
سمر : اه طبعا تفرق
سهر : متفرقش ......... متفرقش يا سمر ........ تفرق اني مش هستني اعرف هو ابنه ولا لأ تفرق انه لو ابنه هيكون اب لأول مرة منها هي مش مني انا تفرق اني بقيت رقم اتنين في حياته تفرق يا سمر تفرق
وانهارت سهر في عياط من اول وجديد .............
سمر راحت عليها تحضنها : طيب اهدي يا حبيبتي اهدي انتى عندك حق انتى صح ما هو ده اللى مخليني عايزة ابعد عن فريد ....... فريد يا نهار ابيض ده فريد مش عايز يطلقها ...... طيب هيعمل ايه ؟........ طيب يا سهر انتى ناوية على ايه ؟
سهر : معرفش كل اللى اقدر اقوله اني مش عايزة اشوفه ولا اشوفها تاني ومن بكرة مش هروح الشركة وهشتغل من البيت وهطلب منك كل مده تبعتي حاجات لنورهان وهي هتتصرف ماشي ؟ لحد ما اخلص السيزون ده وهسافر وحاليا الشركة فيها مصممين كويسين ولو الشركة احتاجتني في حاجة هيلاقوني اهم حاجة نخلص من السنة دي ونسافر
سمر : انتي تؤمري وانا انفذ اللى انتى عايزاه انا هعملهولك
سهر : طيب ممكن تنامي معايا
سمر : حاضر هروح بس اغير هدومي واجيلك
سهر : ماشي
***************************************************************
سمر راحت اوضتها غيرت هدومها.......... تليفونها رن ........
سمر : الو ....... ايوة انا مين ؟......... اه اهلا وسهلا انت من طرف باولو ......... اها تمام واضح ان علاقاته جامدة اوي في مصر طيب ياريت تزود عالطلب ده طلب كمان ...... ********************************************************************
سمر رجعت نامت اليوم ده مع سهر .................
محمود رجع حكي لمحمد على كل حاجة واتفقوا مع بعض انهم مش هيرجعوا امريكا ......
محمود : انت متأكد انك مش عايز ترجع ؟
محمد : ايوة انا هقعد هنا وهتجوز نورهان
محمود : لا يارااااااااااجل قول كده انت قاعد عشان نورهان
محمد : هو انت قاعد عشان مريم ؟
محمود : هي سبب من الاسباب وسبب قوي كمان بس لو هي مكنتش في حياتي كنت هقعد بردو
محمد : شكرا انت قولت اللى جوايا يلا روح اوضتك اتخمد
محمود : طيب واخواتك ؟
محمد : مالهم ؟
محمود : تفتكر مش هيضايقوا ان احنا غيرنا رأينا
محمد : بص لكل واحد وانت تعرف انه هو كمان مش هيسافر
محمود : تصبح على خير
محمد : وانت من اهله
