رواية عائلة آخر جنان الفصل الحادي والثلاثون 31 بقلم مروة طارق
ائلة .. آخر جنان
---- الحلقة الواحد وثلاثون ----
لايك قبل القراءة 
و كومنت بعدها 
- - - - - - - - - - - - - - - - - - -
معاذ قاعد مصدوم مش مصدق نفسه ولا مصدق اللى حصل ولا حس بسلمى اللى لبست هدومها وخدت الشنطة ونزلت ...................
******************************************************
سمر بتروح للدكتور اللى كان متابع حالة والدة فريد وهو نفس الدكتور اللى اعلن خبر وفاتها ..............
سمر بعد ما تدخله : انا يا دكتور مش جاية اكشف انا جاية اسأل عن مريضة كانت عندك وماتت
الدكتور : اسمها ايه ؟
سمر : انا مش عارفة اسمها بس حضرتك حضرت الجنازة من شهر هي والدة فريد .... فريد الشرقاوي
الدكتور : ايوة هدي هانم
سمر : هي كان اسمها هدي
الدكتور : ايوة بس انتى تقربي ايه للمريض
سمر : انا صديقة العائلة انا كنت عارفة ان هي عندها الربو
الدكتور : لا تصحيح ده انسداد الشعب الهوائية المزمن
سمر : اه يعني اخطر من الربو طيب ممكن اعرف ايه سبب موتها
الدكتور : المعلومات دي سرية وهي اتحطت في ملفها بس انتى عرفتي منين انه اخطر من الربو انتى دكتورة
سمر : لا انا مش دكتورة انا متربية في امريكا ودي اقل خلفية للطلبة هناك ارجوك في شك انها تكون ماتت مقتولة
الدكتور : لا معتقدش هي ماتت نتيجة توقف عمل اجهزة الجسم بسبب عدم وصول الاكسجين للمخ ده غير نقص الاكسجين في الدم وده طبعا غير قلبها اللى كان مريض اللى مستحملش طبعا هدي هانم حالتها كانت متدهورة جدا هي كان علاجها ببساطة انها تعمل جلسة اكسجين مش اكتر
سمر : يعني المشكلة انها مكنش عندها اكسجين .... معقول يسبوها من غير اكسجين
الدكتور : لا طبعا فريد ميعملش كده الفيلا كانت مليانة انابيب اكسجين انا اتهمته في مرة انه خلص الاكسجين اللى في البلد بسبب افراطه انه يجيب اكسجين كتير
سمر : طيب ازاي هي محستش ان النوبة جاتلها ومندهتش حد هي ممكن النوبة تجيلها وهي نايمة ومتحسش
الدكتور : لا اكيد هتحس طبعا وهتقوم و...............
سمر : سكت ليه
الدكتور : انبوبة الاكسجين جنب سريرها على طول يعني هتمد ايديها تمسك الماسك و.......
سمر : وتعمل الجلسة لنفسها .........
الدكتور : هي لو مأخدتش الجلسة الاكسجين مش هيوصل للمخ وهيغمي عليها و......
سمر : انا عارفة باقي التفاصيل مش دي مشكلتي انا مشكلتي ان مش معقول تكون مخدتش بالها انها مش قادرة تتنفس ومتمدش ايديها وتاخد الماسك ...... انا متشكرة اوي يا دكتور عن اذنك
قامت سمر عشان تخرج وقفت عالباب وبصت للدكتور .........
سمر : لو سمحت انت دخلت عليها وهي ميتة ؟
الدكتور : اه
سمر : طيب الاوضة كانت زي ماهي ولا انبوبة الاكسجين واقعة ولا الماسك واقع
الدكتور : لا بالعكس كل حاجة كانت مكانها مفيش حاجة كانت واقعة ده حتى البخاخة بتاعتها كانت جنبها عالكوميدينو
سمر بصوت واطي : غبية
الدكتور : بتقولى حاجة ؟
سمر : لا عن اذنك
الدكتور : على فكرة مفيش اي شبهة جنائية في موت هدي هانم
سمر : ما انا عارفة
********************************************************
معاذ حابس نفسه في اوضته ومش راضي يطلع منها .......... مش عارف يعمل ايه ؟
طول اليوم سهر بتحاول تتصل بيه وهو مبيردش ................
سمر راحت لسهر المكتب لقتها عند نورهان ..............
سمر : هاي
سهر ونورهان : اهلا
سهر : مالك ؟
سمر : ماليش معاذ مكلمكيش ؟
سهر : لا انا حتى قلقانة عليه اوي
سمر : ففففففف يعني ميعرفش فريد فين
سهر : لا معتقدش
سمر خدت شنطتها وقامت ........
سهر : رايحة فين ؟
سمر : هدور عليه بنفسي
***********************************************
اسلام لسة مفاقش بس خالد طلب من منار متسيبهوش وخصوصا انهم عرفوا انها بقت بتتكلم طلب منها تقعد معاه وتكلمه وتقراله كتب وتقرا قرأن وتغنيله ...........
هبة ادلت بأقوالها تحت اصرار من هاني رغم رفض حسن ومراته ان هبة تتورط في حاجة زي كده .............
ومروة مش طايقة هبة جدا وتقريبا هبة مبتسلمش من تلقيح مروة بس مهند بيحاول يخلى مروة تتراجع عن اللى هي بتعمله بس على مين دي شغلانة مروة المفضلة ........بس مروة ناوية تسيبها في حالها بس شوية كده ........
سمر عرفت ان فريد مسافر بيخلص ورق ميراثه من امه لان امه كانت تمتلك املاك برة اسكندرية كتير ..................
*******************************************************
معاذ بعد اسبوع وهو قاعد في البيت لا بياكل ولا بيشرب ولا بينام وبيكلم سهر بسيط اوي يطمنها وخلاص عليه ............ قرر ينزل الشغل .................
سهر دخلت وراه المكتب : معاذ ازيك عامل ايه ؟
معاذ : كويس
سهر : مالك شكلك عامل كده ليه ؟
معاذ : ماله شكلى انا كويس يا سهر روحي شوفي شغلك
سهر : مالك يا معاذ انا مضايقاك في حاجة
معاذ :لا يا سهر مش انتى اللى مضايقاني
سهر : طيب في ايه مضايقك قولى متخبيش عليا
معاذ : انا ...... انا مضايق عشان ......... بصي انا مش عارف اتكلم دلوقتي قومي شوفي شغلك ارجوكي لما اعرف اتكلم حجيلك اكيد
سهر : ماشي يا معاذ هقوم بس لازم اعرف في ايه ؟
*************************************************
فريد رجع اسكندرية ............ وقابل سمر بس مقدرتش تقوله حاجة .......
سلمى قررت تقابل فريد عشان يطلقها ...........
سلمى دخلت مكتب فريد ...........
سلمى : وبعدين هتفضل هربان لحد امتى؟
فريد : اهرب من مين ؟ منك انتى ؟
سلمى : طيب طالما مش هربان هتطلقني امتى ؟
فريد : دلوققتي
سلمى بفرح : طيب يلا بينا نروح لمأذون
فريد : بس عندي شرط
سلمى : شرط ايه ؟
فريد : تتنازلى عن مؤخرك
سلمى ثارت اوي : انت بتستهبل انت عايزني اتنازل عن حقي ده حقي ما انت لسة وارث من امك ادفع ولا انت عايز تتطلق بلوشي
فريد : بلوشي يا سلمى بيئة اوي
سلمى : اسمع يابن الحلال طلقني بالذوق بدل ما تطلقني بالعافية واهو بالمرة تتمتع بالغندورة بتاعتك
فريد : غندورة ؟
سلمى : اه سمر انا عارفة كل حاجة وعارفة ان هي دي اللى قلبتك عليا
فريد : انا يا سلمى اللى اتقلبت عليكي انتى اللى طالبة الطلاق مش انا ......... وانا مش هطلق غير بشروطي ولو عايزة تتطلقي روحي اخلعي
سلمى : انت بتلوي دراعي يا فريد ؟ طيب انا بقى هروح ارفع عليك قضية طلاق واقول انك بتخوني مع ست هانم سمر وهجيب سيرتها في المحكمة
فريد : انا مفيش حاجة بيني وبين سمر واعلى ما في خيرك اركبيه
***************************************************
عدي شهر ونص ومعاذ ضميره مأنبه من ناحية سهر وبيحاول يبعد عنها ومبيتكلمش معاها لحد ما يشوف هيعمل ايه وسلمى ناوية على ايه ..........
سمر بتحاول تقول لفريد شكوكها مع انها متأكده بس مش قادرة وخصوصا انها شايفاه حزين على طول .........................
سهر مش عارفة تعمل ايه لمعاذ وخايفة عليه اوي ..............
اسلام لسة في غيبوبة ومنار على طول جنبه ..........
كل اللى عنده امتحانات بيستعدلها حتى منار ومروة ومهند .................
سلمى بتاكل في نفسها لان محدش معبرها لا معاذ معبرها ولا بيرجعلها ولا فريد عايز يديها فلوسها ..............
سلمى بتقوم عشان تلبس وتنزل تروح لفريد تاني حست انها دايخة حاولت تتماسك مقدرتش ووقعت مغمى عليها ................
تاني يوم سلمى راحت عملت تحاليل في معمل تبع واحدة صاحبتها .............
وخرجت مبسوطة اوي ............... وطلعت على معاذ في الشركة .........
سلمى دخلت على معاذ ........
سلمى : معاذ حبيبي عندي ليك خبر حلو اوي يا حبيبي
معاذ : انتى ايه اللى جابك هنا امشي من هنا قبل ماحد يشوفك
سلمى : انا اللى امشي من هنا بردو اخس عالزمن والايام ماشي يا معاذ
معاذ : عايزة ايه ايه اللى جابك هنا
سلمى : انا حامل يا حبيبي
معاذ : نعم ؟
سلمى : انا حاااااااااامل
معاذ : وانا مالى
سلمى : يعني ايه وانت مالك ؟ انا حامل منك
معاذ يقعد على كرسي المكتب من الصدمة
