رواية قصة معلم ستيني الفصل الثاني 2 بقلم جمانه السعيدي
قبل لا اكمل القصه ااكدلكم هاي القصه حقيقيه جدا
اني ماغيرت بس الأسماء فقط راح انقللكم القصه
بكل امانه
المعلم السنه خلص خدمته وطلع تقاعد
بعد كل هذا العمر حب ينقل قصته النا
نرجع القصتنا
ستار....بلنسبه النا حياة المدينه فرق جبير عن حياة الريف
كلشي بيها مختلف
حياتهم مريحه اكثر من حياتنا بلريف
عالم مختلف عن عالمنا مايشبها باي شي
بعد ماكملت المتوسطه ونجحت بمعدل عالي اني واخوي
قررت ادور شغل
حتى يكون عندي فلوس اصرف منهن
صح اهلي ما مقصرين ويانا
بلنسبه للسكن مجاني
واغلب الاكل يجينا من الاهل
بس اني شاب شفت الولد شفت اللبس شفت غير حياة
اريد يكون عندي مصرف خاص بيها
بديت افكر شنو ممكن اشتغل
شغله احبها واكدر ابدع بيها
اكثر شغله جذبتني عالم الالكترونيات بديت اتعلم تصليح تلفزيون قبل ماكو شاشه مثل هسه
اكو ولد صديقي ندرس سوه نفس المدرسه ابو عنده ورشه تصليح
كان دائما يحجي عن هذا المجال كدامي
اني مااعتبر هذا شغل وبس لا اعتبره شغف اني اصلا
حبيت هاي الشغله
تصليح تلفزيون وراديو ومسجل
اول مره تعلمت كدرت اثبت جدارتي بهاي الشغله
رغم عمري زغير بوقتها
بس الانسان اذا يركز على شي يكدر يتقنها
بلعطله اشتغل وياهم
من ترجع المدارس ارجع من الدوام اروح اشتغل وباهم
اشتغل وأخذ فلوس على شغلي
الفلوس بوقتها كلش قليله بس اني جنت فرحان حيل بهاي الفلوس لان من تعبي
اما مرتضى ماكان يشتغل اي شي بلعطه يرجع بيت اهلي
نبقى بس اني وعمتي بلبيت
عمتي خلال ٣ سنوات كدرت اتصادق كل الجوارين
موبس الي بشارعنا
لا حتى الجوراين بلشارع الي ورانا
اني الصراحه ابد ماحبيت هاي الشغله
ماأحب عمتي تطلع ولا احب واحد من الجيران يجي علينا
احب نعيش وحدنا بسلام
اكره العلاقات الاجتماعيه واكره الاختلاط
وخاصه بين النسوان
يكثر القيل والقال والمشاكل والحجي الزايد
احنا بغنى عن هاي السوالف
بس اني مااكدر امنع عمتي عمتي جبيره واني زغير
بعدين عمتي متعلمه بلعرب تطلع للكاع
لو تروح العصر ورا الحلال تغير جو
لو تروح للاقارب مايصير من تجي هنا احبسها
مرت سنوآت الاعداديه بسرعه نجحت
قررت اقدم معهد معلمين اريد اتخرج بسرعه
واني هم احب هذا المجال
بس مرتضى قدم كلية تربيه ماقبل يقدم معهد
تحديدا بهاي السنه قبل لا ادخل معهد
اني كلش قليل اروح الاهلي
لان لو ادرس لو اشتغل ايجوز كل شهرين اتلاثه
اروح مره
بلنسبه الاهلي كل أسبوع تقريبا يمنا
كلما ينزلون للسوك يمرون علينا يعني اني ما مفتقدهم
ابد حتى امي وبيبي وجدي يجون علينا
كلما يتمرض احد ويجيبو للدكتور يمرون علينا
مرات يبقون عدنا يومين لو تلاثه
رحت اشوف اهلي
بقيت تقريبا ٣ ايام هناك ابوي طلب مني ابقى اساعدهم بلكاع
ماكدرت ارفض طلب ابوي
واني اشتغل وياهم شفت بت عمي الاخرس الجبيره
صار تقريبا ست سنوات ماشايفها ابد
لان اروح وارجع بسرعه مالحك اشوف اي احد
البنيه الي جانت زغيره كبرانه صايره شابه
سليمه بنيه حلوه ابد ما تشبه بيت عمي
رشيقه بيضه طويله عيونها صفر شعرها طويل
رغم هيه لابسه حجاب
بس كصايبها مبينات من جوه الحجاب
ضحكتها حلوه حلوه مو ضحكه عاديه
بلنسبه اليه انبهرت من شفتها حلو حلوه بشكل
ماكدرت انزل عيني منها
رغم هيه سلمت عليه سلام عادي وحجت وياا امي
وراحت
بقت عيني عليها مو بنيه تخبل
بيني وبين نفسي كلت سليمه اليه ومراح ازوج وحده غيرها انعجبت بيها حيل
بس بلاول لازم اتخرج واتعين
حتى اكدر اصرف عليها اني بعدني زغير
مو موال زواج هسه اني اخذ مرات مصرف من اهلي
شلون ازوج
ومنيين اصرف عليها من تصليح التلفزيونات
دنانير ماتسوه
مره وحده شفتها تعلقت بيها وماكدرت اشيلها من تفكيري
رجعت للولايه وصممت اقرا وانجح واتخرج
حتى ازوج سليمه
سليمه اليه ومحد ياخذها غيري
لان اني انسان عملي وماعندي حركات الحب
ثكيل ثكيل حيل اكثر ما تتوقعون
محدد أهدافي واعرف اني شنو اريد
عملي بشكل مبالغ بي حاسب حساب للوكت
مقلل تجمعات ويا الاهل والاقارب والاصدقاء
ء
محد عرف اني اريد سليمه هذا السر بقى بكلبي
محد يعرفه غيري
اصلا عيب اكول اني عيني عليها لو اريدها
بت عمي مايصير اكول هيج عليها هاي عرضي
لازم احافظ على سمعتها
لان اني بعد كدامي سنتين يله اتخرج
ولازم اتعين واطور شغلي حتى اكدر ازوجها
ومااخليها ناقصها شي
اني حاليا ماافكر بلزواج بعد كدامي هواي
وبلاخير هيه وين رايحه
موجوده مرايحه المكان يمتى مااطلبها بيت عمي
راح يفرحون بطلبي اني متاكد مراح
يرفضون طلبي
جمانه السعيدي
شديت حيلي بلمعهد اريد اكمل واتخرج
اما شغلي هلكد ماشاطر كمت انطلب بلاسم
لان الشغله الي اصلحها
اصلحها بذمه بعد ما تخرب ابد
كمت احصل فلوس اكثر من قبل
كدرت بهاي الفتره اجمع من مصرفي اشتري ثلاجه مستعمله
واخليها بيتنا
نخلي بيها الاكل والفواكه ولحم احسن ما يخرب
شكد جنت فرحان
اني كدرت اشتري ثلاجه من شغلي
وان كانت مستعمله بس
كدرت اشتريها واخليها بيتنا
كل الي يجي من اهلي عمتي تكول شوفو ستار اشترالنا ثلاجه عبالك فد انجاز عظيم
المعهد كان قريب على بيتنا نص ساعه بلسياره
واوصل ونص ساعه ارجع
خلال فترة دراستي مااكدر انزل هواي الاهلي
ايجوز كل ست اشهر انزل مره
لان ارجع من الدوام اطلع للشغل
وبليل تعبان ماعندي وقت اروح الاهلي
بس كنت اتقصد من انزل الاهلي اروح البيت عمي حتى اشوف سليمه
لا احجي وياها ولا أقرب عليها
مجرد سلام عادي بوجود كل الاهل
كلما اروح البيت عمي ابقى كاعد لمن تطلع و اشوفها
احس كلبي يرتاح اذا شفتها
رغم اني الي يشوفني ما يكول عنده هيج سوالف
لان ثكيل جدا وتصرفاتي طبيعيه
اني كنت اتعمد اكتم هذا الحب مااريد احد يعرف بي
جمانه السعيدي
خلصت معهد ونجحت طلعت الاول على المعهد
اما مرتضى كل اجازه نازل الاهلي
كل مناسبه نازل الاهلي
يبقى يوم ويومين
ستار....شعندك هلكد تروح الاهلي
مرتضى....غير اهلي اني مو مثلك مااكدر استغني عنهم
ستار....مااضوج من الطريق اكعد شوف شعندك مواد حضر لو تشوف شغله تشتغل
مرتضى...مااكدر اصبر اذا مااشوف اهلي عبالك مضيع شي
ستار...اني بلكوه اتحمل اروح هناك
احس جاي اضيع وقتي لان اهلي على طول موجودين هنا
بعد ليش رايح جاي
مرتضى..... اني غير اتمنى الدوام قريب على اهلي
جان فلاشفتو وجهي هنا ابد
شكو باقي هنا مكابل عمتي سكينه وكاعد
اروح هناك الأجواء تخبل خضار طبيعه والوجه الحسن
ستار...وين اكو وجه حسن هناك الوجوه مكلبه
من عمي الأخرس وشيل ايدك
مرتضى....لا اني عندي اكو وجوه حسنه مو وجه واحد
ستار...الله يهديك
ستار...بعد ما تخرجت من المعهد التحقت بلجيش سنتين
تجنيد الزامي طبعا الخريجين ما يقدموهم للجباهات
تحت الهجوم
يخلوهم لو بلقلم كاتب لو مكان زين
مابي خطر عليهم
من انزل مجاز الاجازه اسبوع واحد كل واحد وعشرين يوم
هذا الأسبوع انزل بس يوم واحد الاهلي
اشوفهم وارجع البيتنا بلولايه
انزل بس حتى اشوف سليمه حتلو نضره خاطفه
ميخالف اقبل اهم شي كلبي يطمن من يشوفها
كل مره اشوفها الكاها صايره احلى من المره الي سبقتها
تعلقي بيها يزيد اكثر واكثر
هذا الحب كله وماكو بينا بس سلام عادي
يمكن لو اكو بينا كلام حب جان شصار بيه
بس مااكدر مااكدر أقرب عليها
ولا اكدر احجي وياها كلام من اي نوع أخلاقي ما تسمحلي احجي وياها عن مشاعري
الي هيه ماتعرف اي شي عنهن
بعد ما خلصت خدمه عسكريه مرتضى خلص جامعه
وهنا الاهل احتفلو بينا احتفال جبير
عزيمه وذبايح وطبخ وعزمو كل الاهل والاقارب
كل هاي الناس الي مجتمعه مو بعيني بس هيه بعيني
عيوني وراها وين ماتروح
مجاي اكدر اشوف وحده غيرها
رغم اني عايش بلولايه واشوف كل يوم اشكال واللوان
بس مااكدر اشوف غيرها ابد
رجعنا للولايه واني منتظريطلع التعيين
حتى اصير معلم واشتغل اكثر شغله احبها
تدريس الطلاب
بعد فتره زغيره طلع التعيين وبنفس الوقت مرتضى لازم
يدخل خدمه عسكريه
اول مابديت الدوام بلمدرسه
تفاجئت امي جايه للولايه وتكول راح نخطب المرتضى
ستار.. مرتضى.
امي.....اي مرتضى ...يلح يكول اخطبولي
ستار...بس خل يخلص عسكريه يتعين ليش مستعجل
امي...يحبها يحبها من زمان
وهسه يكول اني خلصت دراسه اخطبوها لليه
خاف تروح مني
ستار...بيها الخير انشاء الله
امي....خاف زعلت لان مرتضى راح يعرس قبلك
ستار...لا شنو زعلت اني ما مستعجل على الزواج
امي...كون تريد نخطبلك وتعرسون سوه
ستار...لا اني ماازوج هسه بعد وكت اذا مرتضى مستعجل زوجو بس ماكلتي منو العروس
امي...جا عمتك ماكالتك
عمتي...هو اني شايفته من الدوام للشغل
حتى اللكمه ياكلها بسرعه ويطلع
انا مارضيت مرتضى يعرس كبلك انت الجبير لازم تعرس انت بلاول
امي...مرتضى من زمان يلح على العرس
مو مثل ستار ساكت
ستار....اي خلي يعرس بيها الخير العروس مني
امي...سليمه بت عمك
ستار.... بقت اباوع بوجه امي من الصد.مه ماكدرت ارد عليها
امي....هااا يمه شنهي مارضيت
عمتي....مو كتلج مايرضي مرتضى يعرس كبله
ستار...مرتضى يحب سليمه
امي..اي من زمان يحبها ويريدها واني حجيت ويا
امها وكالت ميخالف
البارحه ابوك راح سولف على عمك وعمك كيف
على فكره ابوي يعرف يحجي لغة الاشاره ويا عمي
ثنيبنهم واحد.يفهم على الثاني
