رواية تبديل عريس الفصل الرابع والعشرين 24 بقلم جمانه السعيدي
سلسبيل...بليل رجعني قائد البيتهم بس وصلت نزلني وكال اني راجع العمي
دخلت سلمت على خالتي وبنين يافرحة بنين من شافتني حاضنتني وتبوس بيه
بنيين....شكد اللج وحشه اني ضجت من رجعتي البغداد
لان الصراحه كيفت بيج كلت صارت عندي صديقه
واخت انتي تفتهميني بسرعه
سلسبيل....شلونج
بنيين...زينه عمي شلونه
سلسبيل...الحمد لله نمام
بنيين...تعاي احجيلج اخر الاحداث قربت عليه
تشاورني اني انخطبت
سلسبيل...اي يالله بلعافيه مبروك
دخلنا بغرفة بنيبن كعدنا على الجربايه
بنيبن...وولد من أقارب امي ابن خال ابوها خريج بس ما متعين
عنده محل يشتغل بلسوك
سلسبيل...مبينه شفتي من هاي الابتسامه الشاكه الوجه
بنيبن....اي صارت شوفه شرعيه شافني
تعرفين شكل
سلسبيل...اي شكال
بنيين...كال همزين ضعيفه اني ماأحب السمينه
سلسبيل...اللعب اجت الطوبه بملعبج بعد شتريدين
اجتج عدله
بنيين...هو هم ضعيف وحلووو يجنن
سلسبيل...هله هله شوفه وحده وهذا الوصف كله
لوشفتي مرتين اتلاثه شلون
بنيين...ابوي كال بس يطلع عمج من المستشفى ويصير زين
يمشون علينا ونكطع مهر
سلسبيل...بلعافيه تستاهلين كل الخير انتي وين اكو منج
بنيين...تمنيت عزام يكون موجود بمهري
شكد مشتاقتله
سلسبيل...هم اكو اخبار منه
بنيين...اعتقد قائد يعرف عنه اخبار بس مايحجي كدام ابوي
مايريد ابوي يضوج ويصعد صغطه
بيني وبينج مرات قائد يخلي امي تحجي ويا بلتليفون
يكولون زوجته حامل
سلسبيل..خير انشاء الله شنو اخبار مها
بنيين...كاعده بيتها وساكته من بعد ماخذ التفون قائد
وابوها شاف المصايب الي علي بينها وبين سميه
ابوها تعارك وياها شسوه بيها
وكاللها اذا سمعت قائد يشتكي منج اموتج خلاص
مزين متحملج انتي منو يجرعج اني ابوج مااكدر اتحملج
سلسبيل....هيج كال
بنيين....اي ابوها يكول هيه من زمان هيج
بنيين....مرات اني اروح عليها اشوف الجهال
واجي
سلسبيل...الله يهديها اريد انام البارحه مانمت زين
بنيين...نظفت غرفتج بعدها نفس آخر مره عفتيها
تعالي نامي
سلسبيل...غسلت ودخلت نمت شكد تعبانه
شكد مااشكر رب العالمين لان طلع بابا سالم مااكفي حمد وشكر
ثاني يوم كعدت الساعه عشره الصبح
نزلت تريكت واتصلت على بابا اطمنت علي
سلسبيل...اجيك ابقى يمك حتى الولد يرجعون يرتاحون
بابا...لا مهند توه اجا هو وسميه ابقى اقري باجر امتحانج
سلسبيل...تمام
طلعت الماده الي امتحن بيها ودرست على النت
بلغده رجع قائد سمعت صوته نزلت جوه
واكف يسولف ويا خالتي بلمطبخ
سلسبيل...شلونك قائد
قائد..هلو سلسبيل شلونج
سلسبيل...الحمد لله الله عليك بابا زين
قائد.. كلش زين حتى الدكتور طمنا يكول عمليته
كلش نظيفه وراح يتحسن بااقرب وقت ممكن
سلسبيل...الحمدلله والشكر
قائد...شدي حيلج اقري مو نروح منا البغداد علمود امتحان
وما جاوبين
سلسبيل...لا انشاء الله اجاوب
قائد تردين شي اني راح اسبح وأنام وبليل اروح العمي ابقى ويااا الدكتور اكد باجر يطلع عمي من المستشفى
سلسبيل...أنشأء الله
جمانه السعيدي
طلع قائد واني رجعت اقرا بعد العشى اجاني قائد ترحين تشوفين ابوج وارجعج
سلسبيل...اي ياريت
بدلت ورحنا اني وقائد للمستشفى كلشي ماحجينا بلطريق اني مااريد اللح علي اريد الأمور ترجع طبيعي
بينا
شفت بابا وطمني علي كعدت تقريبا ساعه
ورجعني عدي للبيت
بنيين...تعاي احجيلج شصار
سلسبيل....بهاي الساعه صار أحداث ياستار ياربي
انتم هنا حتى وكالة رويتر ما تلحكم بلاحداث
بنيين..مها اجت تشكي من قائد تكول مو طلك سلسبيل شعده
كل شويه ماخذها ومرجعها
امي كالتلها موبس هو حتى عدي ومهند وعمج
غير بنيتنا وجايه من بعيد تشوف ابوها
مها...خايفه يرجعها اني اعرف قائد بعده يحبها
ماكدر ينساها ابد
امي...واذا رجعها انتي مالج شغل بيهم
ليش اتسوين مشاكل وتالي قائد يصير عصبي
ايجوز يطلكج نسيتي شسويتي انتي وسميه
كل خراب قائد وسلسبيل بسببجن اذا تردين نصيحتي
اكعدي ببتج على جهالج وسكتي
ترا قائد بعده شايل بكلبه عليج من آخر مره
مها...اي ادري من طلك سلسبيل ولا يجي يمنا كله كاعد فوك بيتها
امي...اكعدي واسكتي على كولي المثل اكلي ومدي رجليج بلشمس مالج شغل بقائد صيري حبابه
حافظي على بيتج وعلى جهالج العناد والمشاكل
مايجي من وراهن بس الخراب
ترا كلما تسوين مشاكل قائد يزيد عناد وياج
خليج سياسيه
اصبري وعيشي عندج جهال لادمرين مستقبلهم
مها...اي اني كاعده وساكته الخاطر جهالي ابوي يكول هلمره اذا اشتكى منج قائد ماتلومين اله نفسج
خلي يزوج اذا يريد زواج مادام بيتج وحدج وجهالج بحضنج بعد شتردين
بنيبن...متغيره مها صايره زينه
سلسبيل...الله يهديها بس تبعد عن سميه تشوف الخير كله
بنيين...هيه وسميه ما يتشاوفن
رن تليفوني قائد
قائد..هلو سلسبيل
سلسبيل...هله
قائد..نطلع بعد اذان الصبح نصلي ونطلع الساعه بلاربعه
كون احنا طالعين حتى تلحكين على الامتحان
وهم نرجع من وكت
سلسبيل...انشاء الله
نمت من وكت كعدت الساعه بتلاثه غسلت وبدلت
صليت دك عليه قائد اطلعي
طلعت لكيته مشغل السياره صعدت
سلسبيل...صباح ااخير
قائد..صباح الخير مستعده
سلسبيل...توكلنا على الله
جمانه السعيدي
بس طلعنا من المنطقه سلسبيل اسئلك سوال
قائد.. اي كولي
سلسبيل...شنو اخبار عزام هم تتواصل ويااا
قائد...اي اتواصل ويااا واروح اشوفه بيته ومرات اخلي يحجي وياا امي بدون مايعرف ابوي
سلسبيل...شنو اخباره مرتاح
قائد......اي مرتاح .اول زواجه اجر بيت وسكن بي ام زوجته لازكه
بي هو وزوجته لان ماعدها بس هاي البنيه
تقريبا كاعده عدهم طول النهار
وماعدها بس القال وقلت وتدخل بلزغيره والجبيره
بحيث عزام طك كلبها منها
شكد يبين الها هو مامرتاح الوجودها بيته
بس بدون فايده
زوجته حاسه بي بس تبقى امها ماتكدر تطردها
طلب نقل على اساس ينتقل الغير محافظه ماقبلو ينطو نقل لان ماكو نقص باي دائره
خارج محافظتنا
زوجته حامل على وجه ولاده بيها ولد
بعد كم شهر من زواج عزام
امها تقدملها واحد ارمل رجال جبير
ساكن وحده وعنده راتب تقأعد وعنده محل مااجره
وعايش منهن
وهيه عبالك ماصدكت وافقت راسا لان بصراحه تعرف عزام يضوج منها ومن سوالفها التعبانه
ااجرت بيتها وهيه عدها راتب رعايه وراحت ويا زوجها
يكول عزام حتى تليفون ماتتصل علينا
مخلصتها زيارات وطلعات هيه والحجي
عزام يكول همزين خلصت اجت من الله
سلسبيل...الله يسعده ويهني يستاهل كل خير
قائد....على نياتكم ترزقون
اجت عدله من جانب عزام
جمانه السعيدي
سلسبيل...كعدت اقرا اراجع لحد ماوصلنا البغداد
اول شي قائد وكفنا بابا مطعم
وطلب ريوك اتريكنا وشربت جاي حتى اصحصح
بعدين كعدت اقرا بلسياره منا لمن قرب موعد الدوام
الامتحان الساعه تسعه الصبح
دخلت امتحن هنا ٣ محاضرات امتحن بيهن
يعني ماده قليله مو هواي
من نزلت من السياره تعمدت اعوف تليفوني يم
قائد حتى يتأكد اني ماعندي شي
وماخايفه من شي
لان ردت فعلي اخر مره من طلب التليفون
اكيد خلته يشك اكو شي
نزلت دخلت امتحن ساعه ونص وطلعت لكيته مكتف ادي
على صدره ومرجع راسه ورا ونايم بقيت اباوع علي مسكين
جان هسه نايم بيته وشبعان نوم من عرفني لسه متبهذل
بسببي
فتحت الباب ودخلت للسياره راسا كعد
قائد...خلصتي شلونج بلامتحان
سلسبيل...كلش سهله الاسئله وأخذت اجازه
قائد...الحمد لله يله نرجع
سلسبيل...يله نرجع مبين تعبان
قائد...لان هاي كم يوم افتر ويا عمي وبصراحه جنت قلق علي
سلسبيل.... انت صاحب فضل علينا وبابا مايثق بأحد غيرك
قائد...اني لو شسوي مااجازي عمي هو الي علمني
وطورني
الاشياء الي تاخذ مني عشر سنوات حتى اتعلمها
هو علمني عليها بسنتين
يعني اني دخلت الهذا المجال ناجح ناحج بسبب عمي
وبسبب وكفته وياي
سلسبيل...تستاهل كل خير
سكتنا شويه بعدين كال هذا تليفوج نسيتي بلسياره
سلسبيل... الا مانسيته اني عفته لان مايقبلون احد يدخل تليفونه جوه
قائد..على العموم اني مافتحته
سلسبيل...واذا فتحته اني ماعندي شي اخاف منه
اني مااغلط حتلو اغلط ماافوت زايد بلغلط ارجع بسرعه
امي تعبت عليه وربتني صح
بس مهما يكون الإنسان لازم يغلط
لو ماخذ احسن الشهادات لو مرتبي عشر مرات
لازم يغلط وهاي بيها حكمه من رب العالمين حتى نتعلم من اخطائنا ونصير اقوياء
سكت مارد عليه
سلسبيل...بعدك زعلان مني
قائد... ليش زعلان انتي طلبتي الطلاك مو انتي من يوم ازوجنا
انتي تحجين بلطلاك انطيتج حريتج
سلسبيل....اني اريد اعتذر منك
قائد...ليش تعتذرين اني وياج ما مقسومين واحد للثاني
كل واحد يشوف نصيبه
سلسبيل...ووين كلامك مااطلك لو يعلكون حبل المشنقه
قائد...اي حاولت وياج بكل الطرق وانتي قافله
كافي اذا ماترديني اني هم مااريدج
قابل نعيش سوه بلكوه
سلسبيل....ضجت من كلامه شنو مايريدني
اني احبه واريد ارجعله
بقيت ساكته وكفنا على مطعم بلشارع
قائد..تاكلين شي
سلسبيل...لا مو جوعانه
قائد..اخاف تتخربطين
سلسبيل...اذا اتخربطت افتح باب السياره وانطيني دفعه
واخلص مني
قائد...شلون اخلص منج بت عمي عزيزه عليه
سلسبيل....انت هم ابن عمي وعزيز عليه
نزل قائد جابلي نستله ثنيبن كيك ثنيين عصير نوعين
جيس جبير كرزات جيس جبير شاميه بلزبد
وهو جاب النفسه بس جاي
صعد وبدا يشرب جاي واني فتحت العصير
سلسبيل...انت هسه موزعلان عليه ابد
قائد...لا موزعلان لان اقتنعت احنا مانصير واحد للثاني
صح اني حبيتج بس ماكدرت اخليج تحبيني
وبلأخير كلشي قسمه ونصيب
سلسبيل...من سمعت هذا الكلام شركت بلعصير
كمت اكح اكح بلعومي انشحط
نزل من السياره وفتحلي الباب لزمني من ايدي وكال انزلي فتحلي بطل مي وكال اشربي
بعدني اكح ومشحوطه
قائد...شو خل اشوفج هااا صرتي احسن
سلسبيل...عيوني كامن يدمعن مسح دموعي
قائد...شنو انحسدتي
سلسبيل.... هسه صرت احسن متت متت
قائد اشربي مي لاتخوفيني عليج
سلسبيل...مابيه شي
جمانه السعيدي
صعدنا بلسياره
قائد..صرتي احسن نمشي لو ترتاحين
سلسبيل....ااححح احح بصوت مشحوط صرت احسن
قائد...سلامتج
مشينا شويه التفت عليه هااا
سلسبيل...لا تخاف مابيه شي
اتصل بابا يطمن
بابا...هااا سلسبيل كملتي امتحان
سلسبيل...اي ورجعنا بلطريق جايبن
بابا...شبي صوتج
سلسبيل...انشحطت بلعصير مابيه شي
بابا...سلامتج الف سلامه
سلسبيل...طلعت من المستشفى
بابا....اي طلعت بلبيت
سلسبيل... الحمد لله على السلامه
بابا...الله يسلمج
طبكت التليفون
سلسبيل...شلون راح اخلص هذا الأسبوع يم سميه
مو مره تنكط سم
قائد..لاترحين يم سميه ابقى يم بتيبن
سلسبيل...شلون غير اهتم بابا بيتهم يكتلني الجوع
اخاف ااكل من ايدها
قائد...روحي الصبح ورجعي وقت الغده الاهلي
ارتاحي ورجعي روحي العصر
وبليل نامي يم بنيين
سلسبيل...شده هاي مو عيشه
قائد....شسوين اتحملي شده وتخلص
وصلنا للبيت نزلت كبل رحت على بابا كعدت اشويه اطمنت علي
سميه من سمعت صوتي مااجت لا كالت الحمدلله على السلامه
بابا....تتغدين تنامين
سلسبيل...اروح يم بنين ارتاح وارجع عليك بليل
بابا...ليش ماتتغدين هنا وتنامين يمي هنا
سلسبيل ...خاف يجي احد مااخذ راحتي هنا
ارجع عليك بليل
رحت بيت عمي بس وصلت
بنيبن...حمدلله على السلامه هاااشلونج بلامتحان
سلسبيل...كلش زينه
بنيين علما تغيرين ملابسج اجبيلج غده
صعدت بدلت ملابس لبست تراك و ربطت شعري
صعدت بنيين صينية الغده
دجاج شوي وتمن برياني ولبن بارد وتمر
اتغديت ونمت كعدت ويا اذان المغري
نزلت جوه ساعدت بنيين بلعشى
عمو...بويه سلسبيل ماتجين تشوفين ضغطي اني اشتريت جهاز ضغط
سلسبيل.. اي اجيت عمووو
رحت قست الضغط طلع صاعد انطيته حبايه ورحت
عصرتله ليمون شرب
بعد العشى رحت اشوف بابا لكيته وحده كاعد
بابا...شلونج حبيبتي
سلسبيل...زين
بابا...بصوت ناصي اتصالحتي ويا قائد
سلسبيل...لا
بابا...ليش
سلسبيل...يكول انتي مو قسمتي وكلشي قسمه ونصيب
بابا...حقه شكد تعب وياج وانتي راسج يابس
سلسبيل...يمكن بعده يشك بيه بسبب مثنى
بابا...لا اني شرحتله وكتله هو طلبها مني اول سنه جامعه
بس اني رفضت وكتله من تخلص جامعه اذا بعدك تريدها
تعال ويصير خير
حتى جذبت علمودج
سلسبيل...اقنع بكلامك
بابا...اي هو يصدك كلامي واي شي اكوله يوافق علي
سلسبيل....اني اعتذرت منه
وهو يكول اني قبلت اعتذارج
بابا....ماعليج خل اصير زين واني اخلي يطلب ايدج من جديد
سلسبيل....لا مااريد اجبره يرجع الله يسعده
بابا...بس اني متأكد بعده يحبج
سلسبيل...اذا يحبني راح يرجع وحده بدون ماتلمحله
عوفه الي يحب مايكدر يبتعد
واذا مقسوملي يرجع
