رواية تبديل عريس الفصل الثالث والعشرين 23 بقلم جمانه السعيدي
سلسبيل... عشت اسبوع اسود
حزينه وضايجه وحتى للجامعه كوه اروح احس نفسي غلطانه غبيه مااعرف اتصرف
حتى الانسان الوحيد الي حبيته ضيعته من ايدي
رغم هو شكد حاول وياي ونزل من نفسه علمودي
بس اني ماافتهم
ضيعت الاشياء الحلوه من ايدي
بدت امتحانات الشهر الأول قبل نص السنه
شكد احاول اركز بدارستي بس نفسيتي زفت
قبل لا تخلص الامتحانات بتلعب ايام بقالي اخر امتحان
و اخلص يعني بعد يومين والثالث امتحن
رن تليفوني رقم بابا
سلسبيل...هلو بابا
عدي....اني عدي ابوي مريض وباجر عمليته
يشيلون المراره وطلب يشوفج قبل لا يدخل للعمليات
حضري نفسج راح اجي اخذج
سلسبيل...يااا اسم الله صدك تحجي عمت عيني
عدي....راح اجي كون لكاج حاضره حتى نرجع بسرعه
سلسبيل.. اني بلجامعه طالعه من الامتحان راح ارجع للبيت
بس احضر جنطة ملابسي وانتظرك
سلسبيل...رجعت للبيت اخذت كم قطعة ملابس
وحضرت نفسي
اتصلت على خالي
سلسبيل...هلو خالو
خالي...هلو سلسبيل
سلسبيل...خالو راح يجي عدي اروح ويا اشوف بابا
يكول بابا باجر يسوي عمليه
ويريد يشوفني
خالي...سلامته الف سلامه اجي وياج
سلسبيل...لا ماكو داعي عدي جاي ياخذني
خالي...من توصلين طمنيني عليج
سلسبيل...بقيت منتظره عدي اجاني بسيارة بابا
صعدت الجنطه وطلعنا
سلسبيل...شبي بابا احجيلي
عدي...من زمان يشكي من المراره وكان ياخذ مسكنات
بس هاي صار اسبوع عنده ألم مو طبيعي اليل كله
يبقى كاعد من الالم
الدكتور كال لازم عمليه بعد مابيها مجال
من حدد الدكتور يوم العمليه اليوم كال روح جيب اختك
اشوفها قبل لا اموت
سلسبيل... اسم الله علي عمره طويل
انشاء الله يكوم بلسلامه
جمانه السعيدي
طول الطريق افكر شلون لو بابا صار علي شي
منو اليه منو يسئل عني ويذكرني
شلون بيه هسه هو فارضني كوه عليهم
مخليهم غصب ما عليهم يحترموني ويقدروني
اي سلسبيل. تبقين محد بحالج والناس تطمع بيج
فوكاها من غبائج ضيعتي الانسان الوحيد الي
يحبج ويخاف عليج
وصلنا وكفت السياره بابا اهلي
نزلت دخل عدي شايل جنطة ملابسي اني دخلت ورا
لكيت بابا مدد بلاستقبال
واخواني كلهم كاعدين يمه
حتى قائد كاعد
سلسبيل...السلام عليكم
...ردو عليه السلام اله قائد مارد السلام
دنكت على بابا وكمت ابجي
سلسبيل...سلامتك الف سلامه ماتشوف شر
عمت عيني عليك
احجي وامسح بدموعي
بابا...لا تبجين مابيه شي انشاء الله سهله
سلسبيل...بابا فدوه الله يخليك شد حيلك اذا صار عليك شي اني وين اروح من بعدك
فدوه لاتعوفني محد مهون عليه هاي الدنيا غيرك
بابا...الله كريم كلشي بأيد رب العالمين
قائد.. من رخصتك عمي اروح وارجع عليك بعد شوي
بابا...روح عمو روح تعبت وياي هاي كم يوم
قائد...وياك ابد مااتعب بس شد حيلك وكوم بلسلامه
سلسبيل طلع قائد اني متاكده طلع بسببي
معقوله كرهني بعد كل ذاك الحب الي بينا
دخلت سميه علينا عبالك ماتشوفني
سميه...محتاج شي اجيبلك شي
بابا...كلشي مااريد اطلعو اريد ارتاح
سلسبيل...كلهم طلعو اني بقيت كاعده بمكاني
رجعت عليه سميه مااطلعبن ليش بعدج كاعده ما تسمعين
بابا...عوفيها مالج شغل بيها كاعده على كلبح
طلعت سميه عافتني يم بابا بقبت كاعده وهو غفا
لا كالت متغديه اجيبلك اكل تعبانه اخليلج فراش
ياربي ليش هذا الحقد كله
اني ماسويت شي عفتلها كلشي وشردت
حتى ترتاح جانت مخلصه فلوسها على السحوره
حتى تكره الناس بيه
هسه حتى فلوسها بقن على كلبها
بعد أذان المغرب بشويه اندكت باب الغرفه
كمت فتحته قائد بس فتحت الباب صارن عيوني بعيونه
بقا يباوع عليه بعدين انتبه النفسه
دفع الباب بايده ودخل بابا سمع الباب انفتح كعد
بابا.. هله عمو قائد تعال
قائد..شلون صرت
بابا....على المسكن احسن
قائد...لازم اليله ندخل للمستشفى حتى يشوفون العلاج
ويجهزوك للعمليه
لازم من الساعه ١٢ تبطل اكل
بابا...كلشي مااكدر اكل الألم قوي
قائد..انتظرك اخذك للمستشفى
بابا....بس ادخل اسبح واروح وياك
جمانه السعيدي
دخل عمي علينا....هااا ابو عدي شلون صرت
بابا...شلوني الوجع ذبحني
سلسبيل...شلونك عمو شلون صحتك
عمي...هله هله عمي شلونج
قائد.. راح ادخله مستشفى و ادخل ويااا
عمي...اي لا تعوف عمك ابد
بابا... ولله مااكدر اجازيك ابد واكفلي وكفه من يوم وكعت لليوم ماعافني ابد
حتى احسن من ولدي
سلسبيل...وصلت بابا للحمام
بابا...اريد ملابسي
سلسبيل...ادخل اسبحك
بابا....لا اكدر اسبح بس اريد ملابسي
سلسبيل...سلمت على البنات وكتلهن بابا يربد ملابسه
راحت زوجت عدي جابت تراك جديد ومنشفه
اخذتهن وبقيت واكفه باب ااحمام
سلسبيل...بابا اساعدك
بابا...لا خلصت ماعندي شي اليوم الصبح اني سبحت
بس علمود العمليه
عشر دقايق وكال اريد ملابس والمنشفه
انطيته المنشفه بعدين البجامه بعدين اني دخلت لبسته
البدي ولفيت راسه استند عليه
وطلعنا يمشي ومستند عليه
رجعته للاستقبال بس شافني قائد ساندته
كام تلكانا سند بابا من الجهه الثانيه لحد ما وصلنا للفراش
قائد...عمه ام عدي جيبي شي العمي ياكل
بابا.. مااريد كلشي مااريد بس سلسبيل كلشي مااكلت من اجت الهسه
اجت سميه ...شجيبلك شوربه لو دجاج
بابا...اني مااريد جيبي اكل السلسبيل كلش مااكلت من اجت
سلسبيل..خفت تخليلي شي بلاكل لان مالها امان
سلسبيل...شكرا كلشي مااريد مو جوعانه
بابا...ليش ماتاكلين حبيبتي
سميه من سمعت بابا يكول ليش ماتاكلين حبيبتي
عافتنا وراحت لان ماعجبها الكلام
قائد..يله عمو نروح
سلسبيل...طلعت مشط من جنطتي مشطت شعر بابا
وخليتله عطر
قائد..يله نروح
بابا...اي نروح
سلسبيل...اني اروح وياكم
بابا. وين رايحه نامي هنا والصبح تعالي
سلسبيل...اروح وياك وين ابقى اني جايه انام لو جايه علمودك
بابا...مايقبلون بلمستشفى مرافقين هواي
رايح وياي قائد واخوانج الكبار ثنيينهم
سلسبيل.. لو ابات بلحديقه برا اروح وياك
لو انام بلشارع مااعوفك
قائد...يله عموو
سلسبيل...صعدنا بسيارة قائد قائد يسوق
وعدي كاعد ليكدام واني وبابا ومهند كاعدين ورا
وصلنا للمستشفى
جمانه السعيدي
قائد حاجز غرفة خاصه ودافع ليكدام
غرفه بيها سرير للمريض وسرير للمرافق مايقبلون اكثر من مرافق واحد
كعدنا بلغرفه بلبدايه وقائد راح كمل باقي الاجراءات
اجا الدكتور طلب تحاليل
شويه واجا ممرض اخذ عينة دم علمود التحايل
الممرض من رخصتكم واحد يبقى ويااا ممنوع اكثر من واحد
قائد...خل نطلع وتبقى سلسبيل ويا عمي
وكل ساعه يدخل واحد يطمن على الوضع
مهند رجع للبيت بقا بس عدي وقائد كاعدين برا بلمرر
اجا عمي ورانا خطيه صاعد ضغطه من القلق على بابا
دخل شافه وطلع
شويه طلعت من الغرفه لكيت الممرض يقيس ضغط عمي
سلسبيل...سلامات
عمي...ماكو شي بس ضغطي صاعد وراسي يوجعني
سلسبيل...سلامتك الف سلامه
بقا عمي كاعد. بس مبين تعبان
سلسبيل...افرك راسك
عمي...اي ولله
سلسبيل...قربت على عمي وضغطت على راسه
وكمت افرك بي اني هم عندي معلومات طبيه
لاتنسون ادرس صيدله
لادنك ارفع راسك بقيت اضغط على راسه
سلسبيل...عمو من ترجع للبيت اشرب عصير ليمون
وانت تصير احسن
عمي...اريد ابقى هنا يم ابوج
قائد...وين تبقى تريدنا نحير بيك بعمي
ارجع للبيت اخذ حباية ضغط واشرب عصير ليمون ونام
والصبح تعال
الصبح عمليته الساعه تسعه تكون انت هنا
عمي...سلسبيل عمي اروح لو اضل يمج
سلسبيل...لا روح عمو انت تعبان قائد وعدي مايقصرون
عمي...خوش اروح وارد عليكم الصبح
سلسبيل...الله وياك
جمانه السعيدي
سلسبيل...رجعت دخلت يم بابا بلغرفه
بطني كانت تقرر لان كلشي ما ماكله ولله فشله
اطلع اكللهم اريد اكل عيب خل اصبر
منا للصبح ولله كريم
نام بابا واني هم تمددت على السرير الثاني
كلما افتح عيني الكا قائد داخل للغرفه يطمن على بابا
اما عدي نايم برا بلمررعلى الكراسي
مااعتقد قائد نام قلق على بابا
سلسبيل...تعال نام هنا واني اطلع برا اني نمت شويه
قائد...لا نامي اني اطلع
مشا بتجاه الباب يريد يطلع
سلسبيل....اني اسفه التفت عليه وكلشي ماحجه
فتح الباب وطلع
لو اعتذر منا الباجر مراح يقبل اعتذاري
على الشي الي سويته ويااا اتمنى يسامحني
وينسى كلشي فات
جمانه السعيدي
نمت ماكعدت اله الصبح على صوت الممرض
جاي يجيك كلشي قبل لا يدخل بابا للعمليات
وقائد وعدي واكفين بصفه
كعدت ونزلت من الجربايه
بس نزلت ووكفت على طولي دخت لان كلشي ما مااكله من امس
اجيت اوكع
الممرض...الله الله
قائد اجا يمي شبيج
سلسبيل...دخت الكاع تفتر بيه
قائد...اكيد كلشي ماماكله
سلسبيل....ويني وين الاكل
دخل ممرض ثاني للغرفه يله المريض جاهز
جابو سريرمتحرك وخلو علي بابا
دفعو طلعو من الغرفه بلمرر بابا أشر القائد
قرب علي قائد دنك
بابا...خاف يصير عليه شي سلسبيل امانه بكربتك
انت الوحيد الي اكدر اامنه عليها
قائد...صار
سلسبيل...من سمعت بابا يوصي قائد عليه
كمت ابجي خفت من كلامه
خاف صدك يصير بي شي منو اليه شلون اتصرف
وين اروح
امشي ورا بابا وامسح دموعي
دخلنا بلمصعد نصعد للطابق الي بي غرفة العمليات
اني وبابا وقائد عدي راح يدفع فلوس
ابره الدكتور طلبها للعمليه
من اشتغل المصعد
اختل توازني من المصعد واني هم كلشي ما ماكله
بس انفتح المصعد والممرض دفع السرير الي علي بابا طلعت ورا بعد قائد ماطالع من المصعد
بس طلعت اني من المصعد
وكعت من طولي
ماسمعت بس صوت قائد وهو يكول سلسبيل
قائد يضربني على وجهي ويكول سلسبيل
مااكدر افتح عيوني
مااعرف شنو صار وياي فتحت عيوني بغرفه بلمستشفى
والمغذي بايدي
قائد واكف على راسي
قائد...الحمد لله على السلامه
سلسبيل...ووين بابا
قائد...بغرفة العمليات خوفتيني عليج
سلسبيل...خلص المغذي اريد اروح البابا
قائد...بعد شويه
بقه واكف بصفي ويفرك ايدي الي بيها المغذي
حتى يمشي بسرعه
احس نفسي تعبانه مااكدر ارفع راسي
سلسبيل...ماخلص اريد اروح البابا
قائد....شويه بعد ليش مااكلتي جان ماصار هيج وياج
عفيه عناد بكلشي عنوديه
سلسبيل....ضجت على بابا وماكدرت اكل
قائد...هسه ادز على اكل بس يخلص المغذي
خلص المغذي اجت الممرضه فتحت الصونده
سلسبيل...ليش ما شلتي الكانونه
الممرضه...خاف تصير عندج مضاعفات
خليها واذا صرتي زينه اشيلها
رجع عليه قائد هااا صرتي احسن
رفعت راسي اريد انزل اخ راسي
قائد...خاف صغطج صعد
سلسبيل...مااعرف
راح جاب الممرضه تقيس ضغطي
ماقبل قائد الممرضه ترفع ردن القميص لان ممرضين داخلين طالعين
قائد...قيسي فوك الردن يصير لا ترفعيها
الممرضه ابتسمت اي يصير ليش مايصير
قاست ضغطي طلع صاعد
قائد...عفت عمي وحاير بيج مو كلنا ابقي بلبيت لا تجين
ما تسمعين الكلام
سلسبيل.... كل عمري معذبتك وياي اسفه
قائد...بس تصيرين زينه اخذج للبيت
سلسبيل...اي بيت اني يم سميه مااروح
قائد...اخذج يم بنيبن
سلسبيل...اي يم بنيبن ميخالف
بس اطمن على بابا بلاول
نزلت من السرير وقائد لازم ايدي خاف اوكع
يمشي وياي على كيف رجعني الغرفة بابا
قائد..ارتاحي هنا علما يطلع عمي من العمليات
سلسبيل...شكرا
طلع تليفونه وطلب اكل من المطعم
طلع راح ورا بابا الغرفة العمليات
سلسبيل...بعده راسي يوجعني بس اهون من قبل شويه
تقريبا نص ساعه طلع بابا من غرفة العمليات
جابو للغرفه
كوه كمت وكفت يم بابا ولازمه راسي
شويه اجا اتصال القائد الاكل وصل
طلع حتى يجيب الاكل
بابا بعده ماواعي تأثير البنج ماراح منه
صعد قائد خله الاكل على الميز واجا سحبني من ايدي وكال
اكعدي اكلي يله مو جايبين عمي للمستشفى
ونحير بيج
سلسبيل...كعدت وكمت اكل على كيف
سلسبيل...تعالو اكلي وياي انتم كلشي مااكلتو
كعدو قائد وعدي ياكلون وياي
قائد...هسه اجيب جاي ونرجع نقيس ضغطج مره ثاتيه
سلسبيل...هسه بس ااكل اصير زينه
كملنا اكل وشربنا جاي يله بابا فتح عيونه بس
يفتحهن ويرجع يغمض
قائد...سلامتك يابطل
سلسبيل....الف سلامه حبيبي كلبي
عدي....سلامتك ابوي العزيز
بابا...الله يسلمكم ويحفظكم
اجا عمي ومهند بعد ماطلع بابا من العمليه
واني اتصلت على خالي طمنته على حالة ابوي
جابولنا وياهم اكل بيت طبخ خالتي من قائد حايره شطابخه من فتحنا الدوره ريحت الاكل ترست المستشفى
حتى الممرض من دخل كال شنو هاي ريحة الاكل الطيبه
انطينا حصه من الاكل
قائد رجع للبيت هو وعدي واني ومهند وعمي بقينا يم بابا
لليل رجع اجاني عدي وقائد
قائد..ترجعين للبيت اوصلج
سلسبيل...شلون اعوف بابا
قائد.. اني وعدي نبقى يمه
بابا...روحي حبيبتي وباجر تعاي
سلسبيل...شلون اعوفك
بابا...قابل شكو عليه عمليه وخلصت
اكلج بابا انتي خلصتي امتحانات
سلسبيل...بعد واحد بعد باجر بس ما امتحن
بابا...ليش ما تمتحنيين
سلسبيل...شلون اعوفك
بابا...روحي امتحني ورجعي عليه
سلسبيل...شلون يعني
بابا...قائد يوصلج تمتحنين وترجعين من تخلصين امتحان
بابا...طبعا من رخصة قائد اذا يوافقك
قائد..ماعندي مانع انشاء الله يوم الامتحان نطلع
ويا صلاة الفجر اوصلها تمتحن ونرجع
سلسبيل...امتحن واطلب اجازه اسبوع اجي ابقى هنا يمك
بابا...خاف اضيع عليج مواد
سلسبيل...لاتخاف احملهن واقراهن بعدين
بابا...خير انشاء الله
