رواية تبديل عريس الفصل العشرين 20 بقلم جمانه السعيدي
سلسبيل....قائد انت جنت مقتنع بحياتك وراضي
حتلو مها بيها عيوب بس انت راضي بوضعك ومتئقلم
بس من دخلت اني الحياتك كمت تكبر هاي الخلافات
بس حتى تلكه سبب تقرب مني
حتى تقنع نفسك انت مظلوم
اني مصممه اروح البغداد
قائد...بس اني مااقبل ترحين واذا على مها اني
مامقصر وياها عايشه ومناقصها شي
واذا تخافين تأذيج لو ترجع تسوي مشاكل
اطمني اني خوفتها مراح تقرب عليج
سلسبيل...هذاا الزواج كله غلط من البدايه اني كان المفروض ارفض اكمل هاي الزواجه
بعد ما نسحب عزام ليش اني الي لازم انقذ الموقف
ليش اني الضحيه
كان لازم اكول لا كلكم تردون تحافضون على كرامتهم وهيبتكم كدام الناس على حسابي
شكد متندمه لان كلت اي موافقه
هاي اني راح اصير مطلقه وكلشي ماشفت من حياتي
واذا بقيت وياك اكون زجه ثانيه
خيارات واحد اصعب من الثاني وثنيينهن يزغرني
ويقلنن مني
لاتكون اناني وتفكر بس بنفسك فكر بيه فكر بمها
التفت عليه ونترني بعصبيه
قائد...واني منويفكر بيه ليش افكر بلناس ومحد يفكر بيه
ليش احب انسانه ومااكدر اعيش وياها
ليش اعيش حياة مااحبها
حتلو اني جنت راضي بحياتي قبل وساكت
لان مالكيت شي اغير حياتي علموده
بس انتي غيرتي هواي اشياء بحياتي
اني كمت احب نفسي اكثر وياج اتمنى الوقت مايخلص
اركض عليج بلهفه مثل الطفل
ترا رب العالمين من شرع زواج الرجل من وحده وثنيبن وتلاثه مو من فراغ
الرجال يكدر يعيش ويا اكثر من وحده
الرسول محمد ازوج اكثر من وحده وهو جان يموت على خديجه
ليش جايه تردين تخربين حياتنا
اني اكدر أدير بيتين ومراح اخليج تحسين
انتي عندج ضره
اذا تردين بيت وحدج ماعندي مانع بعيد عن مها
اشرطي واطلبي اي شي يعجبج
اني مستعد واذا قصرت وياج تكدرين اطلببن الطلاك
اني ضايج على نفسي بهاي اللحظه كل عمري نفسي عزيزه
اول مره اذل نفسي الهلدرجه
لان احبج اني جاي اتصرف بدون وعي
وجاي انزل نفسي سلسبيل اني محتاجج بحياتي
سلسبيل....راح تنساني يمر الوقت وتنساني
رب العالمين ماخلق النسيان عبث
سكت قائد وبقا واكف كبالي وهو حزين
ابد ما متوقع بعد التعب الي تعبه وياي طول هاي الفتره
اعوفه بلاخير
عافني ونزل
سلسبيل...اني هم احبه بس احنا التقينا بظروف صعبه
ولازم نبتعد عن بعض ونشوف راح نكدر لو لا
جمانه السعيدي
الصبح من كعدت مااتصل عليه مثل كل يوم
يوميه اول مايكعد يتصل يطمن عليه
من نزلت اريد اروح الاخر امتحان
مالكيت سيارة قائد بلباب كل يوم ينتظرني ويوصلني
شفت سيارة بابا واكفه
اتصلت علي
سلسبيل...صباح الخير
بابا...صباح الخير هله حبيبتي
سلسبيل...توصلني لان قائد ماموجود
بابا.. اي اجيت دقيقه
بقيت واكفه بلباب شويه طلع بابا شغل السياره
اجاني صعدت ويااا
اتوقعت يفتح موضوع رجعتي البغداد
بس ماحجا اي شي بقا ساكت
وصلني للجامعه وراح دخلت للامتحان
مالي واهس كوه اكتب مااعرف اني صح لو غلط
اكمل وارضا بلشي الي قاسمه اليه رب العالمين
اكيد هاي الحياة مااجتني صدفه لو ارفض وابدي من جديد
محتاره محتاجه امي هيه الوحيده الي راح
تفهمني
كملت الامتحان وطلعت مالكيت لا بابا ولا قائد
محد منتظرني
كل عمري مدلله اول مره مااعرف اتصرف
دائما اهلي يدورون رضاي وسعادتي خاصه ماما الله يرحمها وبابا
وكفت بلشارع أشرت التكسي صعدت رجعت البيتي
وصلت دخلت للبيت
خنكتني العبره اذكرت كلشي مره عليه من اول يوم وصلت
البيت عمي لليوم
طلعت التليفون اتصلت على بابا
اول مره مارد عليه عصبت حيل
رجعت اتصلت رد عليه
سلسبيل...بابا تجي توصلني البغداد
بابا...سكت بعدين كال اي هسه جاي
بقيت انتضر حتى ملابسي ماغيرتهن
قربت الجنط على الباب
تقريبا نص ساعه واني انتظر اتمنى اغمض عيوني
اكعد الكا نفسي بيتنا وامي موجوده
وكلشي مر عليه حلم وخلص
سمعت هورن سيارة يعني بابا اجا
طلعت الجنط وقفلت الباب
باوعت قائد صعد بدون مايحجي اي كلمه
ولا حتى يباوع بوجهي شال الجنط نزلهن
نزلت ورا صعد واني صعدت بصفه
شغل السياره ونطلق الطريق طويل وممل
ماحجينا اي كلمه ابد
هذا مو قائد مو من عوايده
يكعد ويسكت
ساعات طويله حسيتها دهر مو وقت ولا كأنما
كم ساعه
وصلنا البغداد اول مره ادخل بغداد ومااكون فرحانه
وصلني الباب بيت خالي
نزل الجنط وشغل السياره وطلع حتى ما سلم عليه
حقه نزل نفسه هواي علمودي
بس مااكدر ارضي تعبت حيل تعبت
بقت عيني ورا سيارته لمن طلعت من الشارع
واني عيني وراها
دكيت الباب
طلع خالي فتحلي بس حضني وكال هله
كمت ابجي ابجي بحركه مااعرف ابجي مشتاقه
الخالي لو ابجي حزن على الشي الي صار وياي
خالي....شببج حبيبه ليش تبجين ليش تبجين
ووين ابوج
سلسبيل...مشتاقتلكم هواي مشتاقه الامي
اريد امي محتاجتها
خالي...بس هاي باجر اخذج للنجف نروح انزورها
سلسبيل...بقيت ابجي مجاي اكدر اسكت
دموعي تجري منا ومنا ساكته بس دموعي تنزل على
خدودي نار
دخلت غرفة الجهال وتمددت
خالي...ماتأكلين
ام فهد....محضرتلج الاكل الي تحبي ومنتضرينج
لسه ما تغدينا
سلسبيل...مااكدر اكل اريد انام البارحه مانمت زين
بقيت اقرا اعذروني
خالي..براحتج ارتاحي
طلع خالي وطبك الباب
سلسبيل....صح اني مانايمه زين وتعبانه بسبب لامتحانات
بس ماكدرت انام
حتى بابا ماتواصل وياي ولا حاول يطمن عليه
بقيت احوس بلفراش لا اني نايمه ولا كاعده
مقهوره على نفسي حيل
ضايعه ومااندل الطريق
طلعت بندول وأخذت حبايه
تمددت اريد انام مااكدر
دزيت رساله البابا
بابا....هلو بابا شلونك
مارد عليه طلع عندي كان نشط منذ ربع ساعه
تمددت وغمضت عيوني
تعبانه ومالي واهس بكلشي
طلعت لكيت بيت خالي يتغدون
خالي...تعاي اكلي لكمه واشربي جاي انت هسه اصححين
سلسبيل...مااكدر
خالي...نطلع نفتر بغداد شويه
سلسبيل...لا اريد اروح اشوف بيتنا
خالي...هسه بس اكمل نروح
رجعت للغرفه تمددت منتظره خالي يخلص
كمل خالي واخذني البيتنا بس دخلت وشميت ريحة البيت رجعت دموعي يجرن
كلشي حلو راح من طلعت امي من هذا البيت
طلعت ملابس امي وشميتهن حبيبتي ليش عفتيني
شوفي شصار وياي اتبهذلة احوالي من عفتيني لليوم
ساعه كامله واني كاعده بغرفة امي واحجي وياها
رجعت البيت خالي
طلعت تليفوني بابا ماراد عليه
شايف الرساله وماراد عليه
حتى بابا تغير ليش يعاقبني اريد اختار حياتي بكيفي
اريد اشوف وين الصح ووين الغلط
بليل بابا دزلي رساله هلو سلسبيل شلونج
بس ذني الكلمات معقوله بابا ضايج على قائد
اكثر ما ضايج عليه
قفلت التليفون ونمت
الصبح كعدني خالي
خالي...سلسبيل....اكعدي ترحين الامج
للحظه واني بعدني ماصاحيه حيل سمعته يكول اكعدي هاي امج
فتحت عيوني كتله وينها
خالي....شنو
سلسبيل...امي وينها
خالي...نروح للنجف انزورها ونجي
سلسبيل...هااا اي اروح
جمانه السعيدي
بدلت ملابسي حتى ماتريكت وطلعنا اني وخالي
بس وصلت قبل لا أقرب حيل على القبر كمت ابجي
واصيح ماما ماما تعاي شوفي حالي بغيابج
تعالي ياحنينه الدنيا لعبت بيه طوبه
حضنت الكبر وكمت ابجي اني ابجي وخالي يبجي وياي
لمن تعبت كلش طاقتي خلصت
كمت غسلت وجهي ورحنا اني وخالي زرنا
جابلي خالي لفه اكلت بلسياره ورجعنا البغداد
وصالنا بليل هلكانه تعب اخذت مسكن نمت
ثاني يوم الضهر كعدت راسي يوجعني
فتحت التليفون لكيت بابا دازلي رساله
شلونج
سلسبيل....انت زعلان مني
بابا... شويه ورد عليه .اي
سلسبيل...ليش
بابا... ما تسمعين الكلام
سلسبيل....انت المفروض ادور مصلحتي
مو تشمرني هيج شمره
بابا....محد يحبج بكد قائد
سلسبيل....ولو اني مااكون خيار ثاني بحياة اي احد
ليش ازوج واحد مزوج
قائد...يمكن هو هذا قسمتج ونصيبج يمكن تاخذين واحد اعزب بس ما يحبج
يخونج سكير حرامي عنده شغلات موزينه
موشرط تاخذين واحد اعزب وتعيشين ويا بسعاده
هواي تجينا قضايا للمحكمه
مزوجين على حب بس مايكمل زواجهم كم شهر
وينفصلون قائد ابن عمج ونعرف اخلاقه زين
ليش تخربين حياتج
لا انتي اول ولا اخر وحده تزوج واحد مزوج
الولد مشتريج ويحبج
البشر ماتعرف اله تعاشر
وانتي عاشرتي قائد وتعرفين أخلاقه زين
ليش تبدين من جديد ويا واحد ماتعرفين هو شنو
بس لان اعزب
سلسبيل...ماازوج اني ما مستعجله على الزواج
اكمل واتوضف بعدين الي يخطبني ادرس أخلاقه زين
يله اقبل بي
بابا...بكيفج اني بعد ماادخل بحياتج انتي تقررين
وانتي تتحملين نتيجة قرارج
سلسبيل...وجودي بيت خالي جاي يسببلهم احراج
هما عائله على كدهم وعدهم طلاب مدارس اتلاثه
وعدهم مصاريف شكد
يعني قبل لا اجي اني يمشون حالهم باي شي
بيض وطماطه عدهم مركه من امس يطبخون تمن
يجيبون لفات فلافل
بيتهم وياكلون اي شي
هسه اني وجهالهم نايمين بنفس الغرفه
بعدين اسمع زوجت خالي تكول
جيب مسواك زين علمود سلسبيل
جيب لحم جيب دجاج البنيه مجاي تاكل
جيبلها حلويات
شلون اني جاي اضايقهم
قررت انطي الخالي فلوس
سلسبيل... انطيت خالي نص من راتب امي حتى يتسوق بي
سلسبيل...هاك خالو جيب مسواك
خالي...شنو ذني
سلسبيل...من راتب امي
خالي...صدك تحجين ادفعينلي فلوس لان عايشه بيتي
سلسبيل...لا مو هيج بس اعتبرهن مسواك بثواب امي
خالي...ابد ولله مايصير انتي حالج حال ولدي
انتي بنتي اني ربيتج من جنتي زغيره
سلسبيل...ولو لازم تاخذهن
خالي...لا مااخذهن ولله مااخذ من فلوسج شي
سلسبيل.. ليش تحلف
خالي....انتي مامكلفتني شي
اني انطيج مصرف حبيبتي رجعي فلوسج
سلسبيل...احس نفسي ثقل عليهم
عايشين ومستقرين ومشين امورهم
اجيت اني خربت حياتهم يمكن اروح اعيش بيت امي
انضفه واعيش بي عندي راتب امي اصرف منه
مر اسبوع وقائد ابد ما سئل عني
ولا دزلي حتى مسج معقوله نساني بهلسهوله
يمكن اقتنع بكلامي
يمكن رجع يهتم بعائلته ونساني
كل شويه ادخل على صفحته اشوف شكووو
كلشي ماينشر الله يهدي
قررت افاتح خالي بموضوع بيت امي
سلسبيل...خالو اريد اروح اعيش بيت امي
خالو ...ليش ليش تعيشين بيت امج
سلسبيل...اريد اخذ راحتي
خالو...احنا مضايقج افرغ الغرفه بس اللج والجهال ينامون يم امهم بلغرفه
واني انام بلاستقبال
سلسبيل...اني اجيت خربت حياتكم
خالي...بلعكس انت من اجيتي بيتنا صار حلو
سلسبيل..اني مصممه باجر اروح انظفه
خالي...لا لا شلون تسكنين وحدج
سلسبيل.. ماعليه شي لازم اعتمد على نفسي
الشغله مطوله لايوم ولا يومين بعدلي سنه دراسيه
كامله بعدين المنطقه كلها بيوت وناس
وانت مو بعيد عني اذا تحبني خالو الله يوفقك
وافق اني محتاجه اعتمد على نفسي ابدي من جديد
خالي...لازم احجي وياا ابوج باجر يكول طرد سلسبيل
سلسبيل...الله يخليك لا تحجي ويااا
هو اصلا زعلان مني وكل كم يوم يله يسئل عني
الله يخليك خالو ساعدني
خالي... مايصير عيب بحقي
سلسبيل...يصير ولله يصير
خالي.....زين باجر نروح انظفه واخلي فهد يكعد وياج
سلسبيل...ليش تبعده عن اخوانه خطيه
خالي...منا لمن تجي المدرسه لمن تتعودين على السكن
ارجعه بيتنا
سلسبيل...تمام موافقه
