رواية تبديل عريس الفصل الحادي والعشرين 21 بقلم جمانه السعيدي
سلسبيل...ثاني يوم رحنا اني وخالي وزوجته والولد
كلنا حتى انظف اليبت
من الصبح لليل نشتغل وماكملنا تنظيف
رجعنا البيت خالي وثاني يوم للضهر يله كعدنا من النوم هلكد ما تعبانيين
تغدينا ورجعنا رحنا للبيت حتى نكمل تنظيف
للساعه ١١ بليل كملنا تنظيف
رجعت ويا بيت خالي البيتهم
اليوم الي بعده رحنا اني وخالي اجيب مسواك
والشغلات الي محتاجتهن
اول ليله خالي بات وياي بلبيت
ثاني يوم دزولي علي ازغر واحد بيت خالي
لان فهد ماقبل يجي وانمار يستحي مني
اجاني علاوي صف سادس ابتدائي
بس شكله خشن عبالك اكبر من عمره
سويت عشى تعشينا اني ويااا
شويه اجا خالي يطمن علينا وراح
رن التليفون باوعت بابا
سلسبيل...هلو بابا
رد عليه بعصبيه
بابا...انتي بكيفج تتصرفين شلون ترحين تعيشين
بلبيت وحدج
سلسبيل...وياي علاوي بعدين لا تخاف ماعليه شي
بابا...انتي حتى ما احترمتني
سلسبيل...ماسويت شي
بابا...ليش ماكلتي راح اسكن وحدي
سلسبيل....ليش انت عندك مانع
بابا....ابد ماتوقعتها منج انت بنيه شلون تسكنين وحدج
سلسبيل....وين رايحه كاعده بلشارع
بابا...لا مستحيل اقبل بهذا التصرف ارجعي بيت خالج
سلسبيل...خالي ماشمرني بس ضروفه ووضعه مايساعد
بابا....بابا ليش هيج تتصرفين جنتي حبابه وتسمعين الكلام
سلسبيل...ماسويت شي غلط اريد استقر
بابا....اني راح اجي اسكن وياج منا لمن تقتنعين
وترجعين البيتج
سلسبيل...ماارجع راح اطلب نقل بعد ماارجع
بابا...اني جاي ونتفاهم
ثاني يوم الساعه عشره سمعت صوت السياره
اندكت الباب طلعت لكيته بابا شكله ضايج
سلسبيل...هلو بابا
بابا....بلا بابا بلا بطيخ انتي جاي تعاقبيني تعاقبين نفسج
سلسبيل...ادخل بلاول
بابا....اليوم لازم الكه حل الهاي المشكله
دخلنا كعدنا جوه اني رحت حضرت ريوك وجاي
سلسبيل.. تفضل
بابا...ماريد منج شي
سلسبيل...انت ليش زعلان فهمني
بابا...انتي جاي تخربين حياتج بايدج
بنيه شابه ساكنه وحدها بغداد وعايفه بيتها وزوجها
انتي شتريدين بلظبط
سلسبيل...اريد ابتعد عن الموقف الي خليتوني بي
اريد ابدي من جديد واني اقرر وين الصح ووين الغلط
بابا... انتي غلطانه غلطانه تعرفين شنو غلطانه
مايصير تخربين حياتج حتى بس تجربين تعيشين من جديد وتعرفين الصح من الغلط
العمر جاي يركض لا اضيعين عمرج وانتي ماتعرفين
وين وشلون راح تكملين
ارجعي البيتج ارجعي قائد منتظرج
اني اشرط علي يكون عندج بيت مستقل وحدج
واي شرط بعد حاضرين
بابا الناس شتكول عليه
عايف بنته بغداد عايش بيت وحدها
سلسبيل...ويكولون اني مااريد اعيش على مزاج الناس
بابا...فكري زين ترا انتي غلطانه
سلسبيل....فكرت
بابا....يله بنتي حبيبتي جيبي ملابسج وتعالي نرجع
البيتج وزوجج
سلسبيل...ماارجع واذا تكدر اجيبلي ورقة طلاكي من قائد
تسوي عليه فضل
بابا...الصوج مني دللتج زياده عن اللزوم لمن صرتي عنيده
اني الصوج بيه
عافني بابا وطلع عصبي
جمانه السعيدي
جان متوقع اذا وصلت بغداد فتره وارجع عن قراري
وارجع القائد
بعد اسبوع قررت اتواصل ويا بنيبن حتى اعرف اخر الاخبار شصار وراي من رجعت البغداد
بس سلمت عليها
بلشت تحجيلي كلشي صار من سافرت لليوم
وتحجيلي كلشي بالتفصيل
تكول يافرحة مها وسميه من رجعتي البغداد
مشمتات بمحمد وقائد
ويكولن هذا السحر الي خلينا هو الي فرقهم
كلام بنيين هذا سامعته من زوجت عدي
على فكره زوجت عدي مو توصل هذا الكلام حبا بيه
لو بيت عمي
بس هلكد ما ضايجه من سميه ومشاكلها بلبيت
مخليتها كدام عينها وتنقل كل تصرفاته
تحب تسويلها مشاكل
مثل ماهي تسويلهم مشاكل بلبيت
لمن سئلتها على قائد جاوبتني
بنيين.....قائد على طول حزين وساكن بيتج
مايروح يم مها كلش قليل
وابوي من شافه هيج حزين
عرض علي يزوجه بنفس بيتج
بس هو ماقبل يكول بعد مااريد زواج
سلسبيل....فطيره بنيين مستعده تعترف على نفسها
طلعت النتيجه ناحجه
دزيت صورة النتيجه البابا
بس كتبلي مبروك
ضجت حيل إلى متى راح نبقى اني وبابا هيج
لليل لكيت رساله من قائد....
مبروك النجاح
سلسبيل...شكد فرحت برسالته شكد.ماجنت أكابر
واكول مااريده بس كلبي ليش يفرح من يجي على بالي
سلسبيل...الله يبارك بيك
بعد مارد عليه جنت حابه احجي ويااا
بس خاف يرجع يتعلق بيه واني اريد كلشي يخلص
خالي ابد مايعوفني كل يوم يجي يطمن عليه
مرات يجيبلي اكل من بيتهم
بما ان اني مااعرف اطبخ بديت اطلع اكلات على النت
واجرب بيني وبينكم طبخي يلعب النفس
ولا طبخه طلعت طيبه كلهن خربن
بدا الدوام واني من اول ايام داومت لان ماحبيت كعدت البيت اريد اطلع حتى ابطل افكر بقائد طول الوقت
جمانه السعيدي
بعد اسبوع دوام
صادفت مثني
بس شافني ابتسم واجاني
هلو سلسبيل شلونج رجعتي هنا
سلسبيل...اي رجعت
مثنى...سمعت اخذتي نقل
سلسبيل...ماكدرت ابعد عن بغداد ورجعت شلونك
ليش صفحتك مغلقه
مثنى...قصه طويله تعاي اعزمج على جاي ونحجي
سلسبيل. كعدنا بلكافي طلبنا ثنيين جاي
مثنى...من بعد آخر مره حجينا اني وياج سوه
اخوي الجبير وكع بكورونا واني الي دخلت ويا مستشفى
اصعب اسبوعين مرن عليه بحياتي
حياتي تحولت إلى جحيم
ماعدنا فلوس تكفي للعلاج حتى تليفوني بعته
وزوجته باعت الحلقه مرينا بضروف مايعلم بيها بس رب العالمين
سلسبيل....وبعدين
مثنى.. أتحسنت حالته شويه وفرحنا كلنا يالله
اسبوع ورجعت حالته انتكست مره ثانيه
رجعت دخلت مستشفى مره ثانيه
وهلمره شهر كامل وهو ماعنده اي تحسن اتقرضنا
من كل الناس ونطلبنا بكد.شعر راسنا
هلمره رب العالمين ماكتبله عمر مات
مات وعاف زوجته واطفال ثنيبن وديون مكدسه
اصعب سنه مرت علينا سنة كورونا
ماكدرت اكمل عفت الدوام حتى اشتغل واسد النقص
المادي الي صار بحياتنا
كمت اشتغل شفتين صباحي ومسائي
زوجته عافت بيتهم لان اجار واجت كعدت بيتنا
حتى توفر من المصرف
بعدين اشتغلت خبازه من البيت حتى تساعد بلمصرف
شويه كدرنا نجر نفس وكدرنا نسد الديون الي علينا
العام اني رجعت داومت بس هم اشتغل شفت مسائي
والصبح بلجامعه
سئلت عنج كالو انقلت اني بعت تليفوني
يعني مااكدر اتواصل وياج
لو تعرفين شكد فرحت من شفتج
سلسبيل...ولله اني حيل افتقدتك
مثنى...شنو اخبارج ليش انقلتي وليش رجعتي
سلسبيل...انقلت حتى اعيش ويا بابا بنفس المكان
بعدين صارت ضروف ورجعت
مثنى...صعب واحد عايش بغداد يكدر يعيش بلمحافظات
سلسبيل...كلش صعب
مثنى..وين كاعده هسه بيت خالج
سلسبيل...لا بيت امي
مثنى...منو عايش وياج
سلسبيل...وحدي بس خالي ماعايفني ابد
مثنى...وحدج
سلسبيل.. اي وحدي ليش عجيبه
مثنى... لا بس ليش وحدج
سلسبيل... يعني شلون منيين اجيب احد يكعد وياي
مثنى... تمام براحتج منيين اصرفين
سلسبيل...راتب امي اصرف منه
هنا لمعت فكره بعقل مثنى
وحدي عندي بيت عندي راتب السنه اتخرج فريسه
سهله بعد الضروف الصعبه الي مرت علي
عروسه كامله مكمله
جمانه السعيدي
بس مثنى مايعرف اني مزوجه وبعدني على ذمة قائد
وهو هم ضام سر عليه بس مايريد يحجي
مثنى...ممكن نرجع نتواصل بصفة اصدقاء
سلسبيل....اي ممكن ليش لا
سلسبيل...حقيقتا اني جنت اريد صديق اوصديقه
لان حاسه بفراغ مو طبيعي
خاصه وبابا مايتصل عليه اله كم يوم بس يسئل عن احوالي وقائد اختفى من حياتي
بس رجعت للبيت دزلي مثنى من تفرغين نحجي
سلسبيل...اوكي
من اروح للجامعه الكا مثنى ينتظرني بلباب
يريد بين هو مهتم بيه حتى ارجع اتعلق بي
بس اني حبيت مره وحده وبس
حبيت قائد مستحيل احب احد غيره
صح اني عندي تواصل ويا مثني بس مامفكره ارتبط بي
مجرد صداقه عاديه
بعد التجربه الصعبه الي مريت بيها
احس عقلي كبر وافكاري تغيرت
شكد جنت معجبه بمثنى اول ماداومت
بس هسه اني تغيرت هواي احس نفسي كبرت
كبرت عن سلسبيل القديمه
من اول مارجعنا نحجي
مثنى....سلسبيل اني مااريد الف و ادور عليج اني بعدني احبج وماكدرت انساج ابد
سلسبيل...تحبني هيج كبل
مثنى...اعتقد اني من قبل كتلج اني احبج
سلسبيل...بس اني هسه مشاعري تغيرت
مثنى.... نرجع المشاعر القديمه انتي حبي الاول
وصعب واحد ينسى الحب الاول بسهوله
سلسبيل....مااكدر اني صارت أشياء بحياتي
تمنعني امشي وياك بهذا الطريق
مثنى...اني ماكتلج هسه اكيد صار سنتين اني وياج
محد شاف الثاني
وانتي مرت عليج ضروف صعبه امج ماتت ورحتي سكنتي بغير محافظه
بس همزين ماازوجتي
اني مااكلج تعالي هسه نزوج لا اني ضروفي صعبه
شويه بس نبدي من جديد
سلسبيل...مااكدر خلينا أصدقاء وبس
مثنى....ميخالف حتلو اصدقاء اني قابل بس اكيد راح تغيرين قرارج
ثاني يوم دزلي رساله يحجي تفاصيل العمل
بليل دزلي نمتي لو بعد حبيت اكلج تصبحين على خير
سلسبيل...وانت من اهل الخير
الصبح دزلي لا تتريكين اني عازمح
سلسبيل...شكرا اتريكت
مثنى....عازمج على كهوه
سلسبيل...الصراحه ضجت منه لان يلح بزياده
حسيت الأمور مو طبيعيه
ليش هيج يحاول يتقرب مني حتى قبل من اعترفلي بحبه مالح عليه هيج
جان طبيعي وسؤاله عادي
بس اوصل للجامعه يكون وصل قبلي وينتظرني
شكد جنت فرحانه لمن شفته لان كلت خلاص لكيت الانسان الي يفهمني
بس وجوده المتكرر واليومين بحياتي شي مفاجى اليه
من اخلص المحاضره الكا واكف برا ينتظرني
سلسبيل...اريد اسئلك سؤال
مثنى...كولي عيوني انتي
سلسبيل....ليش هلكد تلح بهاي العلاقه
مثنى...ضجتي مني اسف بس هلكد مافرحان لكيتج
مااريد ابعد عنج ولا دقيقه
انتي ماتعرفين انتي شنو بلنسبه اليه
سلسبيل....بس مو هيج اني جاي اخاف من تصرفاتك
مثنى....لا لاتكولين اني خوفتج
اسف جدا اسف
سلسبيل...ماصار شي
مثنى...ممكن احجي الي بكلبي
سلسبيل...اي احجي منو لازمك
مثنى...اني اريد ارتبط بيج حتلو بس خطوبه حاليا
لمن اجمع كم فلس ونزوج
ولله لو عندي جان قدمتلج عيوني هديه
سلسبيل...عيونك سالمات
بس اني حاليا ماناويه ارتبط ابد اريد اكمل دراستي
مثنى...اي ميخالف كملي دراستج
واني اكمل دراستي بس نكون مخطوبين
واني راح اشتغل لليل نهار حتى اجمع مهرج
بس احنا بيتنا تعبان حيل اذا ازوجنا نأجر ونطلع
اني وياج
واذا تردين تبقين بيت امج ماكو مشكله
سلسبيل..... ليش تحجي بلارتباط اني ماناويه ارتبط
مثنى...اخاف ترحين مني مثل مارحتي مني قبل
سلسبيل...كلشي قسمه ونصيب
مثنى....انتي قسمتي شوفي شكد افترقنا اني وياج
وحتى انتي انتقلتي الغير محافظه
بس رجعتي ورجعنا اني وياج التقينا سوه
يعني ماتحسين هاي اشاره من رب العالمين
اني وياج مقسومين وواحد للثاني
سلسبيل....ممكن مانحجي بهذا الموضوع
مثنى....راح ابقى احجي منا لمن تقتنعين
سلسبيل...الله يهديك
مثنى... ويهيدج اليه
بدا مثنى يتصرف وياي تصرفات كلها رجوله
يهتم بيه يسئلني عن الامتحان يوصلني للبيت
ياجر تكسي ويوصلني يكول اخاف عليج
صح هاي التصرفات حلوه بلنسبه الوحده وحيده مثلي
بس هم مامرتاحه
ماكو حب هيج هذا هجوم مو حب
شكد حاولت أفهمه واخلي يبتعد عني بس بدون فايده
اني ماردت اكوله مزوجه لان اني مااعتبر هذا زواج
بعدين اني راح انفصل عن قائد
سلسبيل....ممكن تخلي حدود الهاي العلاقه
مثنى...مااكدر لان احبج
سلسبيل..بس اني مااحبك اني اكولك بصريح العباره
اني مااحبك
انت مجرد صديق
مثنى...اي صديق ميخالف وشبي الصديق حلو
الصداقه ممكن تتحول إلى حب بيوم من الايام
سلسبيل...لا اني بلنسبه اليه ماتتحول إلى حب الصديق
يبقى صديق
مثنى...واني ماكلت شي
سلسبيل.....لاتلح عليه لان بديت اختنك منك
مثنى....ليش هيج ليش لان اهتم بيج
سلسبيل....جاي تلح عليه مثنى بعد بس من المركه ماطلعتلي
مثنى...زعلت هيج ازعلين أقرب صديق اللج
جمانه السعيدي
شهرين ومثنى مرافقني مثل ضلي هو يعتقد
اذا يلزك بيه طول الوقت احبه
بس اني مااحبه ممكن استلطفه اي بس حب لا
كاعده بلحديقه شارده من مثنى
ماحس اله مثنى فوك راسي
مثنى...صباح الخير صار شكد ادور عليج
سلسبيل...هله بيك
مثنى...شوفي شجبتلج هديه عربون الصداقه
سلسبيل.... شكرا ليش اتكلف نفسك
مثنى...افتحيها اني مصمم تفتحيها حتى لا تكولين
مثنى مايذكرني
سلسبيل...ولله مااكول عليك هيج
مثنى...ليش ازعليني منج افتحيها
سلسبيل...بس فتحت الشريط على العلبه
سمعت صوت رج اذاني رج
قائد....سلسبيل
رفعت عيوني قائد واكف كبالي ومخنزر عليه
وكفت على حيلي من الخوف
ووكعت الهديه بلكاع
مثنى....منو هذا
