رواية عائلة آخر جنان الفصل التاسع عشر 19 بقلم مروة طارق
خالد وناهد قاعدين في الانتريه لوحدهم ...............
خالد بيبص لناهد وقام مقرب منها وقعد جنبها وحط ايده على كتفها ..........
خالد بهمس : وحشتيني اوي
ناهد : خالد انت بتخوني ؟
خالد شال ايده ببطئ وبعد ما كان بيبتسم ملامح وشه اتغيرت .........
خالد : هو ده مفهوم الرومانسية بالنسبة لك
ناهد : متغيرش الموضوع
خالد : مين الجاهل ابن الجاهل اللى علمك الرومانسية ياروحي هو انا اقولك وحشتيني ده معناه اني بخونك وبداري على العملة دي يعني
ناهد : بص برضو بتتهرب من السؤال ؟
خالد : سؤال ايه ؟ سؤال ايه ؟ ياروحي يا حبيبتي بحبك فيها ايه؟
ناهد : هههههههه لا خلاص مفيهاش
خالد : عسل يا حبيبتي والله بس ياريت تبطلى تتفرجي على افلام ابيض واسود كتير
ناهد : بهزر معاك يا خلودتي
خالد : اهو انا المفروض اطلقك بعد يا خلودتي دي
ناهد بتهزر معاه : خلاص بقى بهزر
خالد : بقولك ايه ؟
ناهد : نعم ؟
خالد : الاولاد فين ؟
ناهد : كلهم خرجوا
خالد : طيب نادي على فهيمة تعملى نسكافيه
ناهد : لا انا هقوم اعملك مفيش حد هنا خالص كلهم خدوا اجازة عشان يشوفوا اهلهم حتى البواب
خالد : وفهيمة كمان ؟
ناهد : ايوة راحت تزور عيالها في البلد همنعها يعني ؟
خالد : طيب استني بقولك ايه ؟
ناهد : ايه عايز ايه ؟
خالد : بما اننا لوحدنا في البيت خالص خالص
ناهد : ايه انت عقلك بيوزك على ايه ؟
خالد : يلا بينا نقضيلنا يومين في اي حتة في مصر
ناهد : وهنسيب الاولاد
خالد : ما هما في اجازة نص السنة
ناهد : لا انا اخاف عليهم
خالد : طيب بلاش ده انا كنت هاخدك للاقصر واسوان
ناهد بتفكر ومش عارفة تقرر ..........
خالد : يلا بقى قومي اعمليلي نسكافيه
ناهد قامت رايحة ناحية المطبخ رجل بتقدم ورجل تأخر .........
ناهد : لا مش هعمل حاجة انا هطلع احضر الشنط قبل ما ترجع في كلامك
خالد قام وراها وهو بيضحك ..........
خالد : هو ده الكلام
**************************************
ناهد : انا خلاص خلصت مش هنستني الاولاد
خالد : لا مش هنستني حد هنبقي نكلمهم
ناهد : طيب ما نسلم عليهم
خالد : لا ياستي لو استنينا سارة واحمد هيشبطوا يجوا معانا وساعتها لا احنا رايحين ولا احنا جايين وبعدين بنتك هتبصلي بصة انا بخاف منها هتضربلي الرحلة كلها
ناهد : ههههههههههههههههه والله ضحكتني بتخاف من عيلة صغيرة
خالد : اضحكي يا اختي اضحكي بقولك ايه انا ماشي عايزة تيجي تعالى
ناهد : خلاص جاية اهو
*********************************************
اسلام قاعد مع منار بيذاكر معاها في النادي ..........
سمر قاعدة في مكتبها مع فريد بيحضروا لموضوع صحفي جديد .........
سهر ومحمد ومعاذ مجتمعين بيتغدوا في مكتب نورهان ...........
**********************************************
اسراء مع هبة في شقة هبة .........................
اسراء : لا ده صعب اوي ده كأنه فاهم اني عايزة اوقعه وخلاص واني مش عايزة اعزف على الجيتار
هبة : يعني صعب ده متربي في امريكا لازم يبقى سهل زيه زي اخواته
اسراء : وانتى مين قالك ان اخواته سهلين ؟
هبة : والله هو انتى مش شفتيش التربية الامريكية شكلها ايه ؟
اسراء : اه شفت بس انا حاسة هما اينعم مختلفين بس في الموضوع ده بالذات هما مختلفين
هبة : اسكتي انتى مش فاهمة حاجة
تدخل خلود عليهم وهي بتعيط .........................
هبة : بتعيطي ليه انا مش نقصاكي
خلود : اخوكي نسيني خالص
هبة : انتى عبيطة هو كان وعدك بحاجة اصلا
خلود : لا بس كنت بحس انه مهتم بيا وبيكلمني عادي من ساعة ما ظهرت البتاعة دي اللى اسمها مروة وهو مش معبرني خالص
هبة : اووووووووووووف عليكي يا خلود انتى بجد خنيقة
هبة بتفكر وبعدين تبتسم .........
هبة : خلود انتى تعملى بالظبط اللى انا هقولك عليه بالحرف الواحد
*************************************************
خالد في المطار هو وناهد وناهد ماسكة التليفون بتحاول تتصل باي حد ...........
خالد : يلا عشان طيارتنا
ناهد : الولاد محدش بيرد وانا عايزة اي حد فيهم في حاجة مهمة اوي اوي
خالد : ابعتي رسالة لمنار وهي هتشوفها على طول ويلا بينا بقى
ناهد : صح انا نسيت ان منار منتبهة اكتر لتليفونها وخصوصا الرسايل
ناهد بعتت رسالة لمنار وراحت مع خالد وقفلوا تليفوناتهم وهما داخلين الطيارة ...........
**************************************************
محمود روح لقى البوابة من برة مقفولة ومحدش موجود قعد ينده ويخبط كتير محدش رد قعد يهضرب الباب كتير بردو مفيش حد ........... حاول يتصل بباباه او مامته وموبايلهم مقفول ............ شوية جه احمد وسارة وقفوا معاه ومحدش عارف ايه اللى حصل او هما راحوا فين ........... اتصلوا بمهند جالهم بيحسبوه عارف حاجة لكن هو ميعرفش باباه ومامته راحوا فين ؟ ........
محمود : يعني اتخطفوا ولا ايه نفهم بس ؟
مهند : طيب هنفترض ان اهلنا اتخطفوا الشغالين هيتخطفوا كمان ؟
محمود : يووووووه بقى
محمود اتعصب اوي لانه هو بقاله كتير واقف في الشارع قدام الفيلا ........
شوية وجت سهر مع محمد وبعدهم جت مروة وشوية ومنار جت وفهمتهم انهم سافروا وبعتولها رسالة وسمر كانت اخر واحدة ......
سمر : ايه يا جماعة اللى موقفكم كده
سهر : هههههههههههه بابا هههههههههههههههه ماما
سمر : مااااااااااااااااااالهم فييييييييييييي ايييييييييييييييه؟
مهند : اهدي ياختي متخضيش اوي كده دول سافروا يشتوا في الاقصر واسوان
سمر : هههههههههههه طيب تمام انتوا ايه اللى مضايقكم
محمود : عشان انا بقالى ساعة واقف كده مفيش حد يفتحلنا
سارة : على فكرة الخطأ من البداية كان من عندنا لان احنا مطلبناش يتعملنا مفاتيح اذن فنحن المخطئون
احمد : انا اوافق سارة في الرأي فلو كان احدنا يمتلك مفتاحا لما كنا وقفنا هكذا
مهند مسك قلبه : اه قلبي ياناس الحقوني السكر على عليا تاني وقلبي هيقف
محمود : لااااااااا بجد مش مستحملة ظرف اهاليكوا
سهر : طيب هنعمل ايه طيب
محمد : انا ممكن انط عالسور
محمود : السور عالى اوي يعني لو مسكناك من هنا هتتنيل تقع تكسر رقبتك من الناحية التانية فكرنا فيها دي
مروة : طيب احنا قعدتنا في الشارع كده متنفعش واللى رايح واللى جاي بيبص علينا يلا نروح نتعشي في مكان ونفكر هنعمل ايه ؟
محمود : اوك يلا
منار سابتهم يمشوا واتأخرت هي شوية فتحت شباك اوضة البواب المطل على الشارع لقته بيتفتح واخدت منه المفاتيح وحطتها في شنطتها وقفلت الشباك كويس ومشيت معاهم وهي ميتة على نفسها من الضحك ومحدش شافها .....................
***************************************************
راحوا كلهم عند مطعم الكشري اللى نصهم يعرفه والنص التاني ميعرفهوش ..........
قعدوا وطلبوا كل واحد طبق اللى اكل كشري قبل كده كان متشوق اكتر من اللى مأكلهوش ......
نزلت طلباتهم كلهم ووفضلوا يأكلوا كشري وهما مستمتعين ...............
سهر : ياجماعة بما اننا متجمعين كلنا دلوقتي انتوا قررتوا ايه ؟
سمر : قررنا ايه في ايه ؟
سهر : يعني في حياتنا
سمر : انا خدت بصراحة خبرة هنا اكتر من اي مكان تاني اشتغلت فيه وان شاء الله لما ارجع امريكا هطبقه على طول
محمود : انا حاسس اني مش قادر اعمل حاجة هنا بس الدبلومة اللى بدأت فيها فيها كم معلومات هايل تصوروا مريم بتقولى ادرس في مصر مهما تدرس بس يوم ما تشتغل هتسمع كلمة واحدة مكررة
محمد : ايه هي ؟
محمود : انسي كل اللى انت درسته انت هنا هتتعلم حاجة جديدة تخيلوا ؟
سمر : انا لازم ارجع امريكا انا حاسة اني داخلة على منحني انا عمري ما اتمنيت ادخله في حياتي
محمود : طيب ممكن بقى نفكر احنا هنعمل ايه دلوقتي ؟
كل واحد قعد يقول اقتراح انهم يروحوا يقعدوا في فندق واللى يقول انهم يكسروا الباب او يجيبوا نجار يخلعلهم البوابة ...........
منار بعد ما اكلت وخلصت طلعت المفتاح حطته قدامهم ...........
كلهم بصوا للمفتاح وهما مش مستوعبين ...........
مروة ومهند استوعبوا الموضوع بسرعة وبصوا لبعض وضحكوا ابتسامة لها معني معين ....
محمود : حبيبة قلب محمود يا منار ايه ده ؟
منار : ..................
سهر : انا شاكة كده والله اعلم انه اللى في بالى
المفاتيح محطوطة في نص الترابيزة ومحدش لمسها وكلهم باصين عليهم ...........
سمر : لا يا جماعة ده تلاقيها لقت المفاتيح دي حد كان ناسيهم بس على الكرسي اللى هي قاعدة عليه كده ولا ايه يا منورتي
منار : ....................................
محمود قام لسة هيمسك ايد منار ......... مهند رجع بكرسيه شوية ومد ايده قدامه كأنه بيجيب حاجة من عالتربيزة وسابها مرفوعة كده عشان يمنع محمود انه يوطي يمسك منار ........
سارة : لا شغل التوائم ده مش علينا مش وقتكم خالص
احمد باصلهم وقال : هجوووووووووووووم
مروة ومهند بصوا لبعض وقالوا : دفاااااااااااااااااااع
