رواية تبديل عريس الفصل التاسع عشر 19 بقلم جمانه السعيدي
سلسبيل....بقينا اني وقائد ومها حرب طاحنه
بس تسمع يجي يمي تكلب الدنيا
وقائد مستمر يقرب مني ويبين حبه اليه
اني حاسه بهذا الحب بس مايصير غلط
زوجته وجهاله مالهم ذنب
لازم يبتعد عني وينساني
خطيه يحتار شيسوي بس كون أرضا عنه واقبل بهذا الواقع
مااكول اني مااحبه لان هو فعلا انسان محبوب
وبي صفات حلوه شهم وكريم ومتفهم يتحمل عصبيتي
ودلالي بس ما يتحمل بعدي
متقبلني بكل اوضاعي الزينه ولموزينه
مره رجعني من الجامعه ولكينا حمامه مذبوحه يم باب بيتنا
عليها كتابه بلازرك
شالها وشمرها
قائد...هاي سوالف مها ماغيرها عباله هيج تبعدنا عن بعض
من دخل البيته تعارك وياها كامت تعيط وتحلف مو هيه
تكول سلسبيل توز بيك عليه
بعدها بأسبوع لكيت بابا الدرج مرشوش مثل الدهن
سلسبيل...لا اكيد هاي تخبلت ليش هيج
قائد...اكو واحد.يحركها اكيد لان اني اعرفها وحدها مادبر هيج سوالف هيه صح خبيثه بس مادير هيج شغلات
الله ينتقم منها ومن أي أحد يحرضها بيش طالبينا
الله يلعنهم
.
هلمره قائد دخل للبيت وتخبل عليها فد مره
قائد...هسه ترحين البيت اهلج وباجر توصل ورقة طلاكج
شنو هاي الي الف شبيج تخبلتي
مها ...واني شسويت
قائد.. كولي شنو ماسويت شنو هاي السوالف السحر
انتي ما تخافين السحر ينكلب عليج انتي وجهالج
.مها...اني مامسويه شي هاي الحيه توز بيك عليه
هي تخلي هاي الاشياء وتشمر الصوج بيه
شلون حيالها تريد تغيرك عليه
قائد.. كومي روحي الاهلج واني الي كلام وياا ابوج
مها...تريد حجه اطلعني من البيت حتى تبقى تلعب بكيفك
مااطلع منا ولو اني لو هيه
اذا مااهججها بليله ضلمه اصبرلي
جمانه السعيدي
سلسبيل .... مها شكد غبيه ماتعرف بهاي تصرفاتها تخلي قائد يعاند اكثر
ويتمسك بيه اكثر واكثر
صارت الشغله عناد بلنسبه القائد كلما تحاول تخرب بينا يتمسك بيه اكثر واكثر
قائد يحبني وكل تصرفاته تكول هو يحبني واني متأكد لو هو ما مزوج الحد هاي اللحظه
جان ابد مااختار وحده غيري
بس كل الضروف تكول هاي العلاقه مستحيل تستمر
لان اني غير مرغوب بيه اعرف اهلي وناسي هنا كلهم يحجون عليه
وماعاجبهم وضعي
يكولون اخذت قائد من زوجته
مثل ما امها قبل اخذت محمد من زوجته
بس لا اني ولا امي أخذنا احد من زوجته بلنسبه البابا هو حبها وكتل نفسه عليها حتى ضم عليها زواجه
اما قائد..لو ما عزام منهزم بليلة عرسه
مجان ازوجنا اني وياا يعني شغله لا مخططين الها ولا
نعرف بيها
الحمد الله حاميني من كيدهن كلهن
لان اني كلبي طيب وماماذيه اي احد
ورب العالمين يكول بكتابه الحكيم
لا يفلح الساحر حيث اتى
اما عن السحر الي يردن يااذني بي
رب العالمين يكول لا يضر به احد اله بأذنه
كل السحره اجتمعو حتى يأذون موسى ع باامر من فرعون
بس رب العالمين كاله لا تخف ولاتهن
ونصره عليهم كلهم
واني رب العالمين يعرف نواياي ويعرف صدقي
لا غشيت ولا ضحكت على احد
اكيد راح يحميني منهن
جمانه السعيدي
بدت فترة الامتحانات قررت اركز لان مااريد هاي السنه اضيع عليه
اريد انجح وارجع البغداد
بفترت الامتحانات بابا وقائد ابد ماعافوني
يجيبون اكل جاهز قائد مرات يكول اقري اني اطبخ
بمكانج حتى الملابس يخليهن بلغساله ويشغلها
وينظف البيت ويكوي الملابس
بابا يجيبلي اكل وحلويات وكل شويه يتصل يطمن عليه
خالي كل يوم يدز رساله يطمن
يكول ماا ريد اشغلك عن دراستج
قائد يوصلني للجامعه ويبقى منتظرني حتى يرجعني
مهتم بدراستي ويسألني شلون جاوبتي
بلبيت يخدر الجاي والقهوه ويجيبهم اليه
ثاني امتحان اليه البنات شافن قائد وصلني ومن طلعت
جان منتظرني
كاشخ بلقاط والساعه والعطر الشعر يخبل
سيارته حديثه
اكيد يخلن عينهن علي
سئلني علي هذا الحلو شيصير منج ولله شكله
هيبه وكشخه
ضجت مااعرف ليش ضجت رغم اني ناويه انفصل عنه
بس ضجت ليش خالات عينهن علي
ليش مركزات ويااا ترا مبين مزوج
لابس حلقه بايده من صعدت ويااا سئلني ليش
ضايجه اليوم ماجاوبتي
سلسبيل...لا جاوبت
قائد...ليش ضايجه
سلسبيل....ماكو شي
قائد....شلون ماكو شي احجي احد ضوجج
سلسبيل...البنات سئلني عليك وضجت
قائد.. ليش ضجتي كالن عليه شي موزين
سلسبيل...لا كالن شيصير منج
قائد...انحرجتي تكولين زوجي
سلسبيل...لا ما انحرجت يكولن حلووو
قائد...ليش ضجتي جان جبتي ارقام تليفوناتهن حتى اتواصل وياهن
سلسبيل...هههههي مااضحك اصلا عيب عليهن
يسئلن مبين مزوج
قائد...انتي ليش كلمه والثانيه كلتي مزوج شبي المزوج
يبزز خوما يبزز
سلسبيل...مزوج يعني مرتبط يعني يخلي عينه على عائلته مو عينه منا ومناك
قائد...واذا عائلته ماتقبل يخلي عينه عليها
يخلي عينه على غيرها
سلسبيل...يعني انت مستعد تزوج للمره الثالثه
وتدخل بعلاقه وثنيبن وتلاثه
قائد...انتي مو ماترديني ليش ضايجه ادخل بلعلاقه
بعشره اني حر ليش ضايجه
سلسبيل...ماضايجه اصلا انت ماتهمني
قائد...اي اني صدكت من ترحين للامتحان الجاي
بس اشريلي على البنات واني اخذ ارقامهن
سلسبيل...اسكت قائد اسكت ترا نرفزتني اسكت
قائد...سكتت بس لاتصيرين عصبيه
الامتحان الي بعده من طلعت شفته يحجي ويا بنيه وهيه تضحك وماخذها الواهس
بس وصلت وشافتني جايه عليهم عافته وراحت
سلسبيل...نزلت حواجبي ضجت كلش
قائد.. هااا جاوبتي زينه
سلسبيل...منو هاي
قائد...منوو قصدج
سلسبيل...الي جنت تحجي وياها قبل شويه
قائد...هااا هاي مااعرف اني واكف واجت سلمت عليه
تكول اني مشبها عليك
سلسبيل...شكد حقيره هذا درب جديد مشبها عليك
قائد...وانت ليش ضايجه
سلسبيل...لا تكول ضايجه اني ماضايجه بس ردت اعرف منو
سكتت شويه وهو مبتسم
سلسبيل...اكيد اخذت رقم تليفونك
قائد...ااااا صدكي نسيت طلبت الرقم بس اني نسيت انطي الها
سلسبيل...انطيها مرض يمرضها حقيره بلا اخلاق
قائد.. ترا عادي اني انطي رقم تليفوني الاي احد
زبونه معجبه كاكو مشكله
سلسبيل....كافي افتهمنا عندك معجبات
جمانه السعيدي
مابطلت مها نفس وضعها بس تسمع قائد يمي
تكلب الدنيا صياح وعياط وتهدديدات
وخاصه هاي الفتره فترة الامتحانات هو حاير بيه
ويخلص اغلب الوقت يمي
جاي يتعب وياي يريدني اوصل الهدفي واحقق نجاحي
كلش حذر من مها يكول كمت اخاف منها
من شفتها تمشي بطريق السحر
خاف تسوي شي يدمر حياتنا
شكد مااحجي وياها وامنعها ازيد اكثر واكثر حرت شسوي وياها اطلكها الناس تأكل وجهي
عاف زوجته وعاف جهاله ومايخاف من الله
وماادري حرت ويا هاي الغبيه مايصير الهاجاره ابد
سلسبيل.....تفاجئت اجتني رساله غريبه بهاي الفتره
زوجت عدي اخوي دزتلي رساله
ديري بالج من مها جاي يخططن هيه وسميه
يخربن بيتج النهار كله سميه تحجي برأس مها
وتحرض بيها عليج
سلسبيل...اني رب العالمين ويااي
ولا يفلح كيد الساحربن قابل اني شمسويتلهن
شماخذه منهن
بلنسبه السميه ابد ماامقربه عليها بلعكس هيه طردتني من بيت ابوي
ومها تعرف سبب هذا الزواج
واني مابقى شي وارجع البغداد واعوف الدنيا وماببها الهن
خليهن رب العالمين بالمرصاد الهن
بالا سبوع الثاني للامتحانات
دزتلي زوجت عدي محادثه بين مها وسميه
سميه...اريد فضيحه كون فضيحه ماينلبس عليها ثوب
ندبرها السلسبيل
اريدها تنطرد منا وبعد ابد ماترجع
كون فضيحه قويه اريد محمد بعد مايرفع عينه
بعين اي احد
كون قائد يكرها وبعد مايشوف وجها
كون وصمة عار تبقى وياها طول عمرها
اريدهم كلهم يكرهوها حتى ابو قائد
كون اشوف بيها يوم يشفي غليلي منها ومن امها
سلسبيل...شفت الرساله وتخبلت عود صدك شنو هذا الكره
وليش ليش هيج
اني مامأذيتهن ليش هذا الكره توصل يدبرلي فضيحه
الله واكبر عليهن كلبي كام يدك على السريع
اتوترت بسبب المحادثه
بس رجعت حمدت ربي وشكرته
شلون رب العالمين يحبني وكشفهن اليه
سخر زوجت عدي حتى تصور المحادثه ودزها
رغم اني علاقتي بزوجت عدي علاقه عاديه
بس هذا كله تدبير رب العالمين اليه
الف الحمد لله والشكر على كلشي
سلسبيل...شوفت رساله زوجت عدي القائد
قائد. الله يبليهن بفضيحه شكد حقيرات لا تخافين
اني وياج للآخر اني اعرفج واعرف اخلاقج زين
اني راح اخذ التليفون من مها واعلمها درس ما تنسى
حتى كلبج يطمن شغلي سورة البقره بصوت ناصي بلبيت
ماعليج شي لا تخافين
راح قائد المها وأخذ التليفون فتحه وصور كل المحادثات بين مها وسميه
كل الاتفاقات من اول يوم رجعت مها للبيت بعد زواجنا
حجي يخوف كلام مايجي على بال الشيطان نفسه
قائد...شوفي مها اني اكدر اشتكي عليج
وهاي الرسائل اكبر ادانه اللج
واكدر اطلكج واسويها قضية عشاير حتى جهالي أخذهم منج وكلشي ما تحصلين
لان اني حذرتج هواي وانتي ما تقبلين تغيرين اسلوبج
سلسبيل...هلمره مها سكتت لان كل الادله بأيد قائد
تعرف نفسها غلطانه
قائد...اني راح اروح على ابوج واخلي يشوف بعينه
خاف باجر يكول ليش طلكت مها
واخلي شاهد على تصرفاتج كلها
هذا اخر انذار اللج
ممنوع اطلعين من البيت
تليفون بعد ماكوووو
اذا سمعت شايفه سميه بعينج شايفتها مو حاجيه وياها
عيونج ذني افكسهن ثنيينهن
فهمتي لو لا
اي مشاكل وحجي زايد مااريد طلعي سلسبيل من عقلج
طلعيها انسيها
بس اسمع سمع اجيبين طاري سلسبيل بدون تفاهم كبل طلاك واخليج اطلعين منا مصلخه
فهمتي لو لا تحمتلج هواي عبالي تفتهمين
طلعتي زماله لا فهم ولا علم
هذا اخر انذار الج وهذا التليفون راح يبقى عندي
اشوف حالج ينصلح لو لا
سلسبيل...ابوي سو نفس الشي ويا سميه
هددها بلطلاك وأخذ التليفون منها ومنعها تطلع من البيت
ربط كامرات البيت على تليفونه
حتى خاف تطلع من البيت
كللها هذا السجن انتي حكمتي على نفسج بي
انتي اختاريتي هذا السجن
تعيشين وتموتين بهذا البيت
اي حركة غدر منج كبل ارفع عليج قضيه
وهذا تليفونج بي كل الادله ضدج
احترمتج هواي بس انتي مو مال احترام
اني تردين اطلعين بتي بفضيحه وتكسرين ركبتي
اني اعلمج
جمانه السعيدي
انكسرت شوكة سميه وبعد ماتكدر ترفع عينها بعين اي احد
ماخاب من كان الله معه
شكرا الرب العالمين الي نصرني عليهن ثنيبنهن
وصلنا الاخر يوم بلامتحان قبلها بليل جمعت ملابسي
خليتهن بجنط لان ناويه بس ارجع من الجامعه اطلع البغداد كبل بعد ماابقى هنا
الناس كلها محاربتني ليش اني شسويت
اني اكثر وحده انظلمت بهاي الزواجه
اتصلت على بابا
سلسبيل...شلونك بابا
بابا.. هلو حبيبت كلبي
سلسبيل...اني حضرت نفسي باجر تجي تاخذني من الجامعه
وكبل البغداد
بابا...زوجج يعرف
سلسبيل...اني حجيت ويا من اول يوم ازوجنا
وكل يوم اعيد علي نفس السالفه
بابا...لازم يعرف عيب تصرفين من دون علمه
سلسبيل...اني راح انطي خبر بس اذا قبل او رفض راح اسافر كافي اريد استقر كافي تتحكمون بحياتي
من مشيت وراكم خربتو حيآتي كلها
بابا...اذا زوجج قبل اخذج اذا ماقبل ماكو روحه فهمتي لو لا
سلسبيل...اروح يعني اروح اذا قبل اوما قبل اروح
واذا ما يطلك ارفع عليه قضيه
هذا اخر كلام عندي
زعل مني بابا ماقبل على كلامي
اجا قائد بليل جايبلي عشى
قائد...هلو حبي تعاي نتعشى
سلسبيل...اني حضرت نفسي باجر ارجع البغداد
راسا ملامح وجها اتغيرن شاف الجنط بلغرفه
قائد..تعاي نتعشى وبعدين نحجي بهذااموضوع
سلسبيل..كعدنا ناكل وهو ساكت بلكوه يمضغ اللكمه
ساكت هو مو من عوايده يسكت هيج
من نكعد ناكل يبقى يسولف ويضحك ويحجيلي تفاصيل يومه
كمت خدرت جاي
قائد...واذا ما قبلت تسافرين
سلسبيل....اسافر اني مالي مكان هنا
قائد...بس اني مااكدر اتحمل بعدج عني
سلسبيل...ممكن ننفصل الله يخليك عائلتك أولى بيك
شنو ذنب زوجتك وجهالك
اني اكدر أسس حياة جديده
بس مها اذاعفتها ماتكدر تاسس حياة غير هاي الحياة لان تحبك متلعقه بيك
قائد...بس اني احبج جديات احبج
بلنسبه المها اني ما مقصر وياها بشي
ساكنه بيت ويجيها مصرفها
