رواية تبديل عريس الفصل الثامن عشر 18 بقلم جمانه السعيدي
سلسبيل...بقت مها تصيح بصوت عالي
انت تضحك عليه عبالك اني ماافتهم طلكها وخليها تولي منيين مااجت وين جانت دايحه بغداد خل ترجع منيين مااجت
صعد قائد...هااا حبيبي
سلسبيل...مااعرف شصار رجعت اريد انام بس تمددت لزمتني الحكه
قائد... هم اكلتي شي
سلسبيل...كلشي مااكلت اخ يمه متت متت قائد
قائد....من تمددتي على الفراش رجعت عليج الحكه
سلسبيل...اي بس تمددت رجعت هاجت عليه
طبعا قائد محامي وماره عليه اشكال من هاي السوالف
دخل للغرفه خله ايده على الجرجف
رفعها اكو شي ثار بايده تذوق طرف ايده
سلسبيل...اني ملخت جسمي عفت قائد
ورحت كعدت جوه الدوش
قائد طلع الجرجف وطلع المخاد
طلعت من الحمام مبلله صعدت مها هيه وجهالها
صاح بيها قائد انزلي انزلي بسرعه
مها...لا اريد اشوف شكاعد تسوي يامحترام
اريد اشوف شنو الشغله المهمه الي صعدت علمودها
كل شويه متصله عليك تتحجج
اطلع سوالف تعبانه حتى تصعد يمها
قائد..اخذي جهالج وانزلي بسرعه لااطلعبن صوتي كدام العالم بليل
مها...هااا بالحمام كاعده تحضر نفسها للسهره اي
طبعا ماحصلت عزام كالت اجلب بقائد مايصير تطلع ماماخذه واحد من هاي العائله
بس مااخليج تتهنيين ابد لو يبقى يوم بعمري
مااخليج تتهنين سمعتي لو لا مو عبالج اني فقيره
اضحكين عليه مثل ما ضحكتي على بيت عمي
وسويتي نفسج ماكو منج انتي حيه
سلسبيل...طلعت من الحمام
راسا قائد دفعها وقفل الباب الي يربطنا بيتهم
كامت ادك بلباب حيل
سلسبيل...شصاير شبيها مها
قائد.. معليج بيها شلون صرتي
سلسبيل...بعدني بس شويه اهون
قائد...فراشج علي ماده تهيج الحكه
سلسبيل...فراشي شلون اول مره افرشه
قائد.. الضاهر احد راش علي شي شوفي من فركته بايدي
طلعت هاي الماده بس خليتها بحلكي طلعت الحراره
سلسبيل....كعدت لزمت الفراش اي ولله
منو عنده مفتاح البيت غيرك
قائد..مااعرف اني عندي نسخه وانتي عندج نسخه
سلسبيل...خفت شلون كاعده واحك جسمي
كله اجرح
قائد.. لا تحكين هيج بقوه جسمج اتاذه
وين المرهم تعالي اني اساعدج
سلسبيل...لا اني ادهن
قائد...هسه مو وكت عناد مو ورا الملابس اخليلج المرهم
بس على ضهرج
وانتي ادهني من كدام
شلت الجرجف طلعته برا ونزلت جرجف جديد
خليت المرهم على اديه على صدري وقائد خله بايده ومسح ضهري من وره الثوب
سلسبيل...اطلع اريد انزع ثوبي واخلي مرهم
قائد...انتظرج هنا اذا ماصرتي احسن اخذج اجيبلج نفس الابره الي اخذتيها العصر
سلسبيل...دخلت للغرفه دهنت جسمي هو برا كاعد ينتضر
شويه هدئة الحكه
بس جسمي كله يوجعني لان اتشخط من كد الحك
طلعت برا
قائد.. هاا صرتي احسن
سلسبيل...شويه هدئة قصدك اكو احد يريد يأذيني
قائد...كلشي وارد
باجر اجيب احد يغير المفتاح مال البيت لو اني اغيره
احسن لامان حتى أأمن عليج
سلسبيل...سمعنا عياط وتكسر موأعين جوه
سلسبيل...انزل فدوه العينك انزل المره تخبلت
قائد...ولله هاي مها ينرادلها تأديب من جديد
انزل اعلمها الادب
سلسبيل...الله يخليك مااريد مشاكل بليل هديها
باوع عليه كال هاي شنووو
سلسبيل...شنو
قائد...شو تعاي
سلسبيل...قربت علي شنو خوفتني
قرب وجها على وجهي باسني بخدي
باوعت علي غمزلي
قائد..... بس تنام ارجع اطمن عليج
سلسبيل...اني راح انام ولو جلدي يوجعني
هلكد ما حكيته
جمانه السعيدي
نزل قائد وبقيت وحدي بعدني احك بس احسن
من قبل شويه جبت جرجف جديد
خليته وجه المخده تمددت انعس بس
الجروح الي بجسمي توجعني وبعد اكو حكه رغم جسمي مغطى بلمرهم
اباوع للمرايه وجهي كله شخوط صاير خارطه
قررت باجر ماكو دوام راح ابقى بلبيت لمن اشوف جاره
الوجهي
شويه وغفيت من تأثير ابرة الحساسيه
كعدت على صوت قائد حبيبي شلون صرتي
فتحت عيوني كاعد مكمبز يم الجربايه ووجها على وجهي زينه رجعت غمضت
قائد...اليوم ماترحين للدوام شو نايمه
سلسبيل...اريد ارتاح مااروح
قائد...تردين اجيلج شي علاج ااكل
سلسبيل...لا شكرا
قائد...وجهج بي آثار صاير مشخط
سلسبيل...اي مارحت للدوام بسبب وجهي
قائد..من اجي اجيبلج عصاره تروح الأثر من وجهج
سلسبيل...اقفل الباب وراك زين من تطلع
قائد..تمام
بقيت نايمه للساعه عشره
سمعت صوت الباب الداخلي ينفتح بلمفتاح
توقعت قائد رجع عليه
بقيت منتظره يدخل للغرفه ماكو سمعت صوت مشي بلبيت
صحت قائد هاي انت اجيت
راسا صوت واحد ركض ونزل على الدرج
كمت باوعت ماكو احد والباب مفتوح
جمانه السعيدي
هسه فهمت هاي مها عدها نسخه من المفتاح
وهيه الي جاي تسوي بيه هيج اتوقعت اني بلدوام
واجت تشمر شي بلبيت الله اعلم شنو
اتصل عليه قائد... هااا شلون صرتي
سلسبيل...احسن شويه اريد اسئلك مها هم عدها نسخه من مفتاح البيت
قائد..مااعرف ليش
سلسبيل...صعدت تتسحب عبالها اني بلدوام اني توقعت انت اجيت صحت باسمك
راسا نزلت تركض على الدرج
قائد...دقيقه اي اذكرت عزام انطاها نسخه من المفتاح حتى تنضف البيت من نزلنا الاثاث
سلسبيل...هسه عرفت الحساسيه منيبن اجت
هاي خلتني بعقلها ومراح تخلص هاي الطلابه
قائد..مااج شغل بيها اني من ارجع اادبها
سديت التليفون اتصل عليه خالي يطمن
سلسبيل...كلشي تمام من تخلص الامتحانات تلكاني يمك
خالي.. اهلا وسهلا عين غطه وعين فراش
سلسبيل...تسلم ياغالي
شويه اتصل بابا
طمنته عليه بعدين رجعت نمت
للضهر اجاني بابا هو وقائد من شاف شكلي تخبل
بابا...هاي شبي وجهج
سلسبيل ...بس وجهي تعال شوف جسمي شصار بي
بابا..ياستار
سلسبيل...الله لا يرجع امس شصار بيه متت
بابا...سلامتج الف سلامه
قائد.. جبتلج عصاره تعالج الخدوش
وجبت قفل للباب جديد بعد محد يكدر يوصلج
بابا...الله يهدي الجميع
بابا طلع وقائد كعد يغير بلقفل الي بلباب الداخلي والخارجي
قائد...شنو ماكو غده نتغده سوه
سلسبيل. توني كعدت من النوم هسه احضر غدة راح اطلع لحم مثروم اسوي حميسه
مها سمعت صوت قائد يحجي وياي
وسمعته وهو يغير القفل
مها...هااا شرفت كبل ركضت عليها ماتكول جهالي منتظريتي
سلسبيل...روح لا تصير مشكله
قائد...خليها تحجي مراح ارد عليها اني ماخايف منها
مثل ماهيه زوجتي انتي زوجتي
شنو اكابلها واكعد
سلسبيل...ايجوز طابخه غده محترم
قائد...حتلو طابخه باجه مراح اروح اريد اكل من اديج الحلوات
دزت الجهال يكسرون بلباب
ويصيحون بابا بابا تعال نتغده
سلسبيل...تعرف بابا قبل عرض على ماما تجي تسكن طابق ثاني ويا سميه وماقبلت
ولله امي تفتهم جبت عمري كله احجي عليها
ليش ماراحت وياا بابا وليش فضلت الطلاك
بس هسه افتهمت ليش
من هاي الدوخه
قائد...ااجر بيت ونطلع اني وياج
سلسبيل...عليمن كلهن خمسين يوم وكل واحد يروح بحاله
قائد..ماكو كل واحد بحاله
اني مو مثل عمي محمد طلك خاله سميره وبقا متندم طول عمره اني بعمري مراح اطلك
عمي ماكدر ينسى امج ابد وبقا ندمان على الطلاك
سلسبيل....امي هم بقت تحبه طول عمرها هيه تحبه
اتكسر الباب اكثر واكثر
سلسبيل.. هاك اخذ هاي الحميسه وانزل انخبصنا
اني ماأحب الهوسه متعلمه على الهدوء بيت اهلي
قائد...ولو لو اجيب ديناميت وتفجر البيت ماانزل
اله نتغده اني وياج
مانسمع اله عياط مها بصوت عالي قائد تعال الحك الولد تخربط
ياربي حارت شسوي بس تريده ينزل
قائد....مها اسكتي هسه انزل
سلسبيل...حقها تحبك وماتتحمل تشوفك ويا وحده غيرها
قائد...وانتي ما تحبيني
سلسبيل...لا
قائد..جذابه واكبر جذابه
سلسبيل...راح تشوف منو الي تحبك مها الي قبلت ببك وانت ازوجت عليها لو اني الي راح اعوفك
قائد..اهوووهم كالت اعوفك
سلسبيل.. انزل لا تفلش البيت علينا انزل يمعود
قائد...على فكره طبخج طيب
سلسبيل...اي طبخ هو هذا هم طبخ اني مااعرف اطبخ
كل عمري معتمده على امي
ومن اجيت بيتكم خالتي تطبخ
قائد...ولو طيب
نزل قائد وسمعته يعيط عليها
بعدين سئلها شعندج صاعده بيت سلسبيل
مها...ختولي جذابه اني ماصاعده اجذب تريد تسوي مشاكل بينا
قائد...غيرت القفل حتى بعد لا تصعدين ولا تعبين نفسج
مها...واني شعندي صاعده مثلا
جمانه السعيدي
بليل..اجاني قائد من الباب الخارجي
قائد...شلون صرتي
سلسبيل.. اهم شي مااحك ودهنت من المرهم
بس الجروح الي على الجلد توجعني
قائد...اني اعالجها بسرعه
سلسبيل...شلون تعالجها بسرعه انت دكتور
قائد...لا مو دكتور حبيب بس امسح المرهم عليها
تتحسن بس ايدي تمر على الجروح تتحسن
سلسبيل...شكرا
قائد..جربي انتي شخسرانه
سلسبيل... شكرا ما نحتاج خدماتك المتواضعه
قائد...شنو العشى
سلسبيل...بعدني ما مفكره يمكن اسوي بيض وطماطه
قائد...بيض وطماطه الله من زمان ماماكل هيج اكله
سلسبيل...باوعتله بطرف عيني
بيض وطماطه من زمان ماماكل ولله انت حيال
قائد...خبزه وجاي من ايدج تكفي
سلسبيل..عندي سؤال فضولي .اريد اسئلك شلون خطبت مها
بديت اخلي الدهن بلطاوه واكلي وهو أكف كبالي
نزع الستره واجا قرب يكطع الطماطه
قائد...امي جانت ادور عروسه شافتها عجبتها
طبعا هيه امها تصير بت عم ابوي
يعني باعتبار بت عمتي
احنا عائلتنا اتشجع زواج الاقارب ابوي يكول الي تعرفه
احسن من الي ما تعرفه
سلسبيل..تعرف بلدول الاوربيه ممنوع زواج الاقارب لان يطور الأمراض الوراثيه
قائد...حتلو أمراض وراثيه بس مااعوف بت عمي ياخذها واحد غيري
سلسبيل...متخلفين
قائد.. ميخالف متخلفين
سلسبيل...اي وبعدين رحت شفتها عجبتك
قائد...اي رحت شفتها عجبتني وتمت الخطبه وازواجنا
بس كلبي ماعرف الحب بس مره وحده
وحده بس شفتها تخبلت عليها بس هيه شويه عصبيه
ومدلله صوج عمي مدللها
سلسبيل...وشلك بدوخة الراس ارجع الزوجتك
تحبك وماشيه على مايك
اتصلت مها تشوفه رجع لو لا
قائد....خير شكووو شعندج متصله بعدني بلشغل
مها...بلشغل لو فوك
قائد...وخير عندج شي وياي
مها...يعني فوك
قائد...مها اطلعي من راسي رجائا
مها...هسه اذا ماالم عليكم الناس
قائد...وخير انشاء الله لازمه لزمه عليه
مها...قائد انزل ليش تخليني اسوي مشكله
قائد.. خل يكون بعلمج من اليله جدول ليله هنا وليله
يمج سمعتي لو لا
مها...ما تبات يم هاي الحيه لو كلشي يصير
فهمت لو لا
قائد...انتي شنو تتحكمين بيه
سلسبيل...طبك التليفون بعصبيه
ترا حقها تحبك
قائد...تحبني تحاول تسعدني مو تنكد عليه
صدكي لو تغير اسلوبها جان اني كعدت كبالها وسكتت
بس تشوفني تبدي تشكي ووتتضلم
ما تسكت ابد ماعرف منيين اجيب هاي الطاقه
سلسبيل.. لا ولله انت ماتعاملها حلووو
غير اسلوبك وشوف شلون تتغير وياك
قائد....كفيلج الله من اول زواجنا وهيه هيج ما تتغير
سلسبيل...يله اكل بسرعه انزل
كملنا اكل ونزل من باب الشارع ودخل البيته
شويه واجتني بنيبن
بنيين.. اني اعرف انتي زعلانه عليه بس ولله اني احبج
وتمنيت تصيرين جنتنا
سلسبيل....لو تحبيني ما تحطيني بهيج موقف صعب
تقبلين تعيشين الي عشته
بنيين...بس اني مااعرف عزام راح يعوف العرس
سلسبيل...تقبلين تزوجبن واحد يحب غيرج
بنيين...اذا ماادري بي ميخالف بس اذا ادري لا
سلسبيل...وليش ماكلتي حتى اني اكول لا
بنيين....ولله احبج سامحيتي هاج جبتلج كيكه
حتى نتصالح
سلسبيل...على العموم اني فتره وراجعه البغداد
وكلشي يرجع المكانه
بنيين...لا عفيه لاتعوفينا
سلسبيل...من حقي اختار الحياة الي تناسبني
واني وقائد مايصير نكمل سويه
بنيين....انتي ما تعرفين شكد يحبج ومتعلق بيج
سلسبيل...ولو مراح اكمل
جمانه السعيدي
طلعت بنيين دخلت غرفتي
دزلي قائد مسج
قائد...كاعده
سلسبيل...اي شكووو
قائد...لا بس كلت اجي ادهن ضهرج
سلسبيل...شكرا صرت احسن
قائد.... شوفي اني اذا ادهن ضهرج راسا تصيرين زينه
سلسبيل....شكرا وين مها عنك
قائد..... اليوم حايره شمويه دك غراميات
ومحضر اكل وحلويات وخابصه الجو
سلسبيل....هنيالك شكد تحبك
قائد....اي شلفايده من هذا الحب وهيه ما تغير اسلوبها
سلسبيل...اصبر عليها
قائد...صار اكثر من ست سنوات مزوجين ما تغيرت
هسه تتغير
سلسبيل....هسه شتربد
قائد...اريد اقدم خدمه الحبيبتي اساعدها
ادهن جسمها
سلسبيل....شكرا
قائد...اجي
سلسبيل.. شكرا
قائد..بس شويه
سلسبيل...شكرا
قائد.. اعتبريني ضيف
سلسبيل...شكرا
قائد....العفو ما سوينا شي يستاهل الشكر
سلسبيل...نام شنو ماعندك محكمه الصبح
قائد...الصبح اجي اريد بيض طماطه مثل هذا الي تعشينا بي شكد طيب
سلسبيل.....ماعدنا بيض خلصنا
قائد...اني اجيب بيض وصمون واجي
سلسبيل...اتريك بيتك احسن
قائد....شكد بخيله عبالي بخيله بس بلمشاعر
طلعتي بخيله بكلشي
سلسبيل...اي بخيله بعد شتريد
قائد...هسه شلون نبقى هيج
سلسبيل...شبينا هيج
قائد...كل واحد بمكان
سلسبيل.....قائد اريد انام رحمه الاهلك
قائد...نامي من لازمج دقيقه مافهمت يمكن هذا تحرش شنو اريد انام يعني تعال منو
سلسبيل...يمه شكد الك خلك
تصبح على خير الله وياك
