رواية تبديل عريس الفصل السادس عشر 16 بقلم جمانه السعيدي
سلسبيل...طلع بابا ويا الشيخ واني كمت ابجي
حسيت انضحك عليه
ليش يرخصوني هيج ليش اصلا عزام
انهزم مايريدني اذا مايريدني وما عاجبته
ليش قبل يكمل بهاي المسرحيه الي صار شي مايصدكه العقل شلون يتبدل عزام بقائد
شويه وشتعل الجو إطلاق نار استمر اكثر من عشر دقايق
هاي عاداتهم اذا تم العقد يصير إطلاق نار
هذا مو إطلاق علمود العقد
هذا إطلاق على مشاعري جاي يستهينون بيه اني سلسبيل
يصير هيج بيه يقللون مني
تعاي ماما وشوفي بنتج
كلشي رفضتي قبل جاي يصير وياي
الزمن جاي يعيد نفسه مره ثانيه
بنتج صارت زوجه ثانيه وعايشه طابق ثاني
وزوجها محامي بنتج انعادت عليها قصتج بنفس التفاصيل
رجعت اعيش الي عشتي مره ثانيه بنتج انخدعت مثل ماانتي انخدعتي
هاي العائله مستمرين يضحون بمشاعرنا
قبل انتي صرتي خيار ثاني واليوم اني اعيش نفس الدور
دموعي تجري مااعرف ليش اني انحطيت بهذا الموقف
صرت زوجة قائد شلون مااعرف
بدن النسوان يطلعن لان العرس خلص
الناس تعشت وكلمن رجع البيته كل واحد رجع منيين مااجا اله اني بقيت بمكاني محتاره
مااعرف اتصرف
بقت بس بنيين وزوجة خالي وجهالها يمي
شويه وراحت بنيين
اسمع صوتهم برا فتحو المضايف صوت الحديد
الي يصعدون علي المضيف واضح
كلشي انتهى العرس خلص
بس محد يعرف العريس ليش انهزم بليله مثل هاي
بقت بس زوجة خالي يمي
ام فهد.( زوجة خالي )...ميخالف حبيبتي كلشي قسمه ونصيب
وانتي مو عزام قسمتج
سلسبيل...اباوع عليها ودموعي تجري ماعندي اي رد عليها
احس نفسي زغيره وحده مالها اي قيمه
شويه واتصل خالي على زوجته
خالي...منو يمكم
ام فهد ...محد يمنا تجي
خالي...اي افتحي الباب الخارجي
راحت ام فهد فتحت الباب
دخل خالي شافني كاعده على الجربايه ودموعي تجري
خالي...لا تبجين حبيبتي
سلسبيل...اروح وياك البغداد بعد ماابقى هنا
خالي...اخليج بعيوني بس هيج راح يزعل محمد مني
مايصير اخذج بدون علم اهلج
سلسبيل...خالي ذبحوني ذبحوني بدون رحمه
خالي...اني شاهد على الموقف صدكي مايعرفون
عزام راح يغدر بيهم
اصلا هو جان موجود ومتحضر للعرس اني سلمت علي وباركتله بس ليش اختفى مااعرف
سلسبيل...مااكدر ابقى هنا اخذني وياك
خالي...مااكدر عيب من الجماعه كم يوم اذا ماعجبج الوضع اتصلي عليه اجي اخذج
احنا راح نرجع البغداد هسه السايق منتظرنا
السايق ابو قائد أجره يجبنا وياخذنا
جمانه السعيدي
على فكره ابو قائد اتخربط واخذو للمستشفى
أخذا قائد ومحمد الرجال ماكدر يتحمل الصدمه الله يساعده
ابنه خلا بموقف ما ينحسد علي الله يكون بعونه
ليله صعبه علي وعلى أهل بيته
يله ام فهد نرجع البغداد السايق منتظر
سلسبيل...دنك عليه خالي باسني وزوجته سلمت عليه
ام فهد... هاي هديتج ( علبة بيها تراجي ذهب ) مااعرف شكووول بس انشاء الله تعدي
الكل طلع بقيت وحدي مااعرف اتصرف
دموعي تجري مااكدر اتحرك من مكاني عبالك انشليت
حزينه بااكثر يوم لازم اكون سعيده بي
حتى مها مالها صوت ليش سكتت ليش ماكسرت البيت
ليش مادافع عن بيتها وزوجها
مو من طبعها تسكت اني هسه بنظرها وحده حراميه
اخذت منها زوجها وابو بيتها
راسي يوجعني هلكد ماضجت وبجيت خل افتح البركع
بلكت يهدء وجع راسي شويه
واني على نفس كعدتي نزلت البركع وفتحت شعري
راسي ذبحني يمكن ضغطي صعد
زين وبس ضغطي صعد زين ما انجلطت
بقيت كاعده واندب حضي الاغبر
محتاجه امي محتاجه انام بحضنها واشكيلها حالي
ويلي على الي ماعدها ام وين تروح بهاي الدنيا السوده
ساعه ورجع عمي من المستشفى ضغطه معلك الدكتور
طالب يبقى بلمستشفى الحد ما يتأكد حالته استقرت
بس هو ماقابل يكلهم اموت بيتي
صعد عليه بابا هو وقائد
بابا...هاا حبيبتي ليش ماغيرتي ملابسج
قائد...اعتذر كلشي صار غصبا ماعلينا اني هسه راح اشرحلج الموقف كله
بابا...صدكي كلنا مالنا ايد بهذا الي صار مثل مانتي اتفاجئتي احنا اتفاجئنا مثلج
قائد... بلاول لازم افهمج شنو الي صار ليش عزام عاف العرس
حتى تفهمين الموقف الي صار
سلسبيل...اني بس اباوع بعيوني حتى حجي مااكدر احجي
قائد...راح احجي قصة عزام من البدايه
من حقج تعرفين كلشي صار بالتفصيل
عزام جان يحب بنيه حب افلاطوني حب ما معقول
البنيه تخبل جمالها ماله مثيل
تدرس وياا بلجامعه
حب اربع سنوات وجان موأعدها بلزواج من يتخرج
اول ما اتخرج جان منتضر التعيين
بعد ما تعين كدر يدبرلها واسطه حتى تتعين وياا
بنفس الدائره
سلسبيل...رفعت عيوني اباوع على قائد وهو واكف ويحاول يبرر الموقف الزفت الي صار
مبين تعبان رافع ردن الدشداشه وشعره مخربط
ووجها صاير اصفر من الخوف على عمي
سلسبيل....باوع عليه وسكت شويه بعدين كمل كلامه
قائد.....لهنا كلشي تمام البنيه حلو وخريجه وتعينت
هو يحبها وهيه تحبه
راد يتقدملها اجا فاتح ابوي بهذا الموضوع
عزام...اني اريد ازوج
ابوي ...اي يوم السعد يوم الهنا تريد وحده لو امك تختارلك
عزام..لا اريد بنيه جانت تدرس وياي
وهسه تعينت وياي بنفس الدائره
ابوي ...بيتمن منو ابوها شنو عشيرتها
عزام...بيت علوان
ابوي ...مااعرفهم بيتمن
عزام...انت ماتعرف ابوها وهيه اصلا ماعدها اب
ابوي......شلون ماعدها اب طالعه من فطر الكاع
ابوها ميت
عزام....لا ابوها مطلك امها
ابوي......شلون امها مطلكه
عزام...خوش بنيه محترمه صار اربع سنوآت
ندرس ماشفت منها شي
ابوي...وين بيتهم اسئل عنهم وبعدين ارجعلك خبر
..عزام...اني سئلت واعرفهم
ابوي......اي ونسئل عليهم بعد ليش خايف
عزام.. مو خايف بس اني سئلت عنهم كافي
ابوي......ولله اكو شي اكو شي ماتريدني اعرفه
عزام..قابل شكوووو
ابوي......باجر امك تروح تسئل عليهم
قائد.....امي راحت ثاني يوم تسئل عليهم
عرفت امها منفصله عن ابوها لان وكحه وصوتها عالي
وسمعتها مو شي
من ذني النسوان الي تسوي مشاكل ويا الرايح والجااي
وماعدها حدود مستحه عادي عدها تحجي ويا اي احد
تعرفه ماتعرف اتسلم على الزلم وتوكف تحجي وياهم بلشارع
تطلع هواي وتدخل على هذا البيت وذاك
تتخشخش بلبيوت وتنقل كلام منا وترجعه هنا
سمعتها بلمنطقه مو شي
بس بتها تختلف عنها بنيه حبابه مؤدبه
عجبت عزام بلاضافه الجمالها الخارق
عزام يكول اني راح ازوجها مو ازوج امها
وابوي يكول اله اني جوه الكاع يله اخلي عزام يزوجها
هاي امها وناخذ بتها
مهما يكون البنيه بيها من صفات امها
البنيه لازم تطلع على امها
سلسبيل...ماتشوف حضي طلع اسود على حظ امي
بابا...ولله راح يتصلح الوضع ترا كلشي صار غصبا علينا
احنا مامتقصدين نخليج بهيج موقف ابد
جمانه السعيدي
سلسبيل...قائد ضاج من كلامي حيل
بابا...اني مأكول ماعرف بقصة عزام
سلسبيل...التفت على بابا بعصبيه
بابا...بس اكمل كبل لا نكولين ابوي ضحى بيه
عزام طول الفتره الي راحت وهو كلما يحجي ويا ابو بهذا الموضوع ابو مايقبل
صار اكثر من سنه ساكت مايحجي بهذا الموضوع ابد
اني اتوقعت عافها لان ابو مستحيل يقبل يزوجها
يكول لو يبقى بدون زواج طول عمره مااخلي يزوجها
هيه وامها اذا دخلن بيتنا يجيبلنا مصيبه
اني رجال معروف ليش اجيب الحجي النفسي
صار سنه عزام ساكت مايحجي بهذا الموضوع من عمج طلب ايدج العزام
اني سئلت عزام شنو الاخبار كال عفتها وكتلها اذا يجيج احد ازوجي لا تعطلين نفسج علمودي
ابوي قافل واني مااكدر ازوج بدون مايقبل ابوي
شوفي نصيبج يابت الناس
بابا...اني كلت خلاص كلشي انتهى بينهم وقبلت بلخطوبه
قائد...اني اعرف باقي التفاصيل ممكن اكمل
سلسبيل.. استغفر الله
قائد...اول ما ابوي طلب ايدج العزام عزام رجع
طلب من بابا يزوج حبيبته مو قصور بيج
بس لان هو اصلا يحب
ابوي ماقبل خيره لو سلسبيل لو ماكو زواج
سلسبيل...وليش اني مااعرف جان اني رفضت هذا الزواج
وخلصت عزام احسن من هذا الموقف الي انحطينا بي كلنا
جان واحد بيكم تفضل وشرحلي الموقف ليش ما حجيتو
كلكم تعرفون هاي القصه بس اني مااعرف
ترا من حقي اعرف كلشي عن عزام
وساعتها لو اقبل لو ارفض ليش انتم تحددون مصيري
ليش تلعبون بمشاعري اني شنو ناقصني اخذ احد ما يحبني ومايريدني اني استحق الأفضل
ليش رخصتوني كلكم
بابا....انتي غاليه وماعاش الي يرخصج
قائد... خل اكمل كلامي عزام تعارك ويا ابوي وزعل يومين اجا هنا بيتنا كعد
ورجع اتعارك ويا امي
بعدين استسلم للأمر الواقع
جان يجي هنا يحجي وياها على خطوبته
حتى تنسى وتشوف نفسها
اني من الناس كنت اكله سلسبيل الخيار الأفضل الك
على الاقل بت عمك وتعرفها ليش ادخل نفسك بمشاكل
مالها حل وافق عزام على الزواج ونهى كلشي وياها
حتى حضرها من كل الجهات
سلسبيل...لمن هو وافق ليش انهزم وعافني بهذا الموقف
قائد....حبيبته من سمعت هو خطب وراح يعوفها ويزوج
وكعت مريضه حتى للدوام ما تروح
دخلت مستشفى هلكد ما انصدمت حقها اتحبه صار
سبع سنوات تالي يعوفها ويزوج
اليوم هو كان مستعد للزواج ومستعد يفتح صفحه جديده
بس قبل المهر بعشر دقايق
دزتله رساله من تليفون امها صورتها وهي تبجي وتهدده اذا ما عاف العرس واجاها
تقتل نفسها خلاص وتحمله المسؤليه
كانت لازمه بايدها علبة سم وهو اكثر واحد يعرف هيه شكد تحبه وممكن تنفذ تهديدها
عاف كلشي وراح حتى ينقذ الموقف
جمانه السعيدي
قائد...اني طبعا ماعرف هاي التفاصيل بس قبل شويه
دزلي هاي الرساله
هاج اقري رسالته
عزام....اسف خليتكم بهذا الموقف بس ماكدر اتحمل
حبيبتي تموت نفسها بسببي
سلم على ابوي كوله اني ازوجتها
مااكدر اتخلى عنها وهيه تريد تقتل نفسها علمودي
اني احبها ومااكدر انساها و اعوفها وراي
احنا ازوجنا وراح نعيش بعيد عنكم
سلم على سلسبيل وكوله عزام يكول اسف
اني مااستحق وحده مثلج انسانه راقيه
انتي تستاهلين واحد احسن مني اسف خليتج بهيج موقف
لازم تجمعنا الايام واعتذر منج اعتذار مناسب
سلم على امي كوله عزام يحبج ومراح ينساج
لا ازعلين مني كنت اتمنى تكونين اول الحاضرين بعرسي
بس الضروف اقوى مني ومنج
سلم على بنيين وزهراء اخواتي الحبيبات
خل بنيين تسامحني لان جنت اتشلقا وياها ولله اخبها
اموت عليها
قائد اخوي السند اني راح اسافر فتره الحد ما يهدء الوضع و ارجع
يمكن انقل الغير محافظه لان مااريد ااذيكم
ايجوز تجمعنا الايام بضروف احسن
وأخير شي سلم على ابوي اعتذر منه اعرف زعل مني
ويمكن مايسامحني
بس مااكدر احبها مو بيدي صار سنيين احبها
اني اعرف نفسي مراح اكون سعيد ويا وحده غيرها
شكد حاولت اعوفها واسمع كلام ابوي
بس مااكدر ابوي شدد الموقف عليه وخلاني
تحت اختيار صعب حاولت ارضي على حساب سعادتي
بس ماكدرت
اعتذر منكم كلكم وواحد وواحد
وخاصه سلسبيل اعتذر منها هواي
اعزها معزة بنيين وزهراء هاي اختي الثالثه
اسف للمره الالف عزام
سلسبيل...حيل اتاثرت بكلامه ورجعت ابجي مره ثانيه
بابا...ليش تبجين حبيتي كلشي مقدر ومكتوب علينا
هسه اني حاضر اي شي تطلبي حاضر
سلسبيل....اريد ارجع البغداد بعد مااكدر ابقى هنا
تعبت نفسيا
بابا...صار بس اصبري كم يوم لمن تتحسن حالة عمج الصحيه
الدكتور يكول معرض للجلطه
بس تعدي هاي الايام سلامات ويصير زين
اني اخذج البغداد بيدي من عيوني الاثنيين
اسف خليتج بهيج موقف كلشي صار بسببي
قائد....لاتزعلين سامحينا
بابا...وين مها خل نفهما الموقف
قائد...اخذت الجهال وراحت الاهلها تكول انتم اضحكون عليه انتم مخططين الهذا الزواج من زمان
بابا....حقها ما تصدك مسكينه
