رواية بنت المصري ومؤذن الحي الفصل العاشر 10 بقلم جمانه السعيدي
منى....هذا اليوم امي خلصته حابسه نفسها بغرفتها
بس وقت الصلا تطلع تتوضا وترجع تدخل للغرفه
لا اكلت ولا شربت ولا حجت وياي
بليل قررت تحجي وياها لان اخاف عليها
منى....دكيت الباب ماما
ماردت عليه ماما اريد احجي وياج
امي...اني مااريد احجي وياج ولا اريد اشوف وجهج
فتحت الباب ودخلت
منى....ماما الله يخليج اسمعيني
جانت مدده كعدت شسمع شسمع
اسمع استهتارج اسمع شلون جنتي تستغفليني وطلعبن ويااا لو شلون جنتي تاخذين تعبي وتنطي اله
حتى ياخذ مخدرات
لو ذهبي الي جبته اللج هديه شلون انطاج كلبج
تنطين الذهب
لو الأكبر منهن كلهن رحتي ويا البيته وخليتي
ضحك عليج ودمرت حياتج
لو اسمع شلون جنتي اضحكين عليه طفر علينا حرامي
وهو طافر على بيتنا جان ذبحج
شسمع لو حامل وخاتله بغرفتج اقرا لا تدخلين عليه
وانتي بطنج واصله الخشمج
ولج هسه سولفيها على المخبل ما يصدك شلون حامل
وكدرتي اضمين نفسج عليه
اني شلون ماانتبهت اركض منا وارجع منا صايره اني الام والاب اشتغل واتعب علمود مستقبلج
و انتي ملتهيه تلعبين انتي مو ضيعتي نفسج انتي ضيعتني
اني من البارحه لليوم جاي افكر شنو الغلط الي غلطته
حتى بنتي اجزايني هيج جزاء
كلبي يوجعني بسببج
ليش حارمه نفسي من الراحه علمودج وانتي
تلعبين ليش مااجيتي حجيتي من اول مره حجا وياج
ليش ضميتي عليه ليش اني وياج اكثر من صديقات
جان كلتي حجيتي على الاقل جان اني حجيت وياا
سئلته عرفت نيته شنو
كل يوم اطلعين تكولين رايحه الرونق وانتي رايحه
تلتقين بي
ليش هيج منى ليش اني مااستاهل منج هذا الشي
اعاملج احسن معامله بلدنيا
انتي الي طلعتج بيج ولج اترملت واني بلثلاثين
ومارضيت ازوج كلت لا اربي بنتي هيه العوض بهاي الدنيا
ليش فهميني ليش ليش خنتي الثقه ياريت لو واحد بي حظ لو يستاهل لو ادمي
منى...اني كاعده كباله ودموعي تجري كلامها كلها صحيح
اني غلطانه من راسي الرجليه
امي....جنتي اضحكين عليه تستغليني ولج ياغبيه
من اول مره طلب منج فلوس لازم تعرفين
هذا واحد نصاب ماكو رجال محترم يطلب من مره فلوس
جان فهمتي هو جاي يستغلج
جمانه السعيدي
تشوفين كدامج ادور فلوس الولاده حتى طلعت ادور بلزباله
وانت واكفه تتفرجين عليه
تاخذين تعبي تنطيه اله لا ابد ما توقعته منج
طحتي من عيني انتي بعد مو بنتي
انتي بهذا تصرف دمرتي العلاقه بينا ضيعتي كلشي
مع الأسف ما تستاهلين حبي وتقديري اللج
منى....سامحيني هاي اول واخر مره اغلط هيج غلط
اني ماعندي غيرج بهاي الدنيا بروح ابوي عليج
سامحيني واني بعمري مراح اسوي شي غلط مره ثانيه
اني مااكدر اتحمل زعلج عليه
ولله انضحك عليه كسر خاطري ضل يكول وحيد ومحد يريدني واني هم صدكته سامحيني الله يخليج
امي...اطلعي برا مالي كلام وياج اطلعي ليش انجلط بسببج
منى...كمت طلعت من غرفتها بس مابطلت ابجي
شكد مقهوره هلكد ما مقهور وابجي ولا اكل ولاشرب
صخنت حيل
احس جسمي شعله من نار صار الساعه ثنتين بليل
صحت ماما ماما
صوتي كوه يطلع مااكدر احجي هلكد ما مصخنه
كمت لزمت الحايط امشي على كيف
قربت على غرفتها دكيت الباب ماما الحكي عليه
ووكعت مااكدر اوكف على رجليه هلكد ما مصخنه
طلعت امي شافتني واكعه باب غرفتها
دنكت لزمتني نار
امي.. يمه ابنيتي كومتني دخلتني بغرفتها
طلعت ابره خافظ حراره وضربتني رجعت جابت مي بارد وسوتلي كمادات
هيه منا تعبانه وضغطها صاعد والنوب انهبطت عليه
للصبح ما نامت بس كاعده يم راسي وتبجي
جابلتي شوربه دجاج وكلتني
الصبح جابت حليب شربت
كامت شدة راسها هلكد ما يوجعها بسببي
عايفه نفسها ومحتاره بيه
للعشره الصبح احس صرت احسن
خطيه نايمه على الكرسي وهيه لازمه الكماده بايدها
منى...يمه تعاي نامي على فراشج اني صرت احسن
فزت خلت ايدها على وجهي
امي...اخذج للمستشفى
منى...لا صرت احسن تعاي نامي
صعدت على الفراش ونامت واني رحت كملت نومتي بغرفتي
جمانه السعيدي
بعد شهر تقريبا انتقلنا البيتنا الجديد
بعد مافرشنا ورتبنا اني كعدت اقرا واحضر للسنه الجديده
هلمره ناويه عليها لازم انجح واطلع معدل
مااطلع من البيت ابد بس اقرا واحضر دروسي
واساعد امي بلتنضيف
بلعلطله اجت خالتي تطلب ايدي لابنها مصلح دراجات
خريج صناعه
سعاد....اريد منى المرتضى لا تخافين اخليها تكمل دراسه
امي...ماتفيدج
سعاد...شلون ما تفيدني بت اختي واحسن مااجيب غريبه
امي...ما مفكره بلزواج
سعاد.. هذا شلون حجي شنو ما مفكره بلزواج
امي....ولله اني اريدها تكمل وتتوضف
سعاد...اي تكمل اني ماكلت شي حتلو تردين يعرسون هنا يمج بيتج ميخالف بيت خالته مابيها شي
امي....هسه اصيحها اللج واسئليها منى منى تعاي خالتج تريدج
جمانه السعيدي
منى ...هااا خاله
سعاد...اني اريدج المرتضى
منى...بس اني ماريد ازوج
سعاد...شنو هذا الحجي شنو ماتزوجين
منى...خاله اني ماازوج كل عمري ولو ازوجت تعاي
وعاتبيني
سعاد...شايفه نفسج علينا على اساس راح تصيرين دكتوره
هو انتي راسبه وراح تعيدين السنه
امي....ماتريد تزوج كلشي بلغصب اله الزواج بلاتفاق
سعاد...غير اعرف ليش كون سبب منطقي
امي...مو كلتلج مااريد ازوج ليش تلحين
منى...طلعت خالتي زعلانه من بيتنا متوقعه اني متكبره عليهم ماتدري اني كرهت الزلم كلها
ولو تعرف شصار وياي جان بعد ماباوعت بوجهي
من بدا الدوام امي توصلني للمدرسه بايدها
ومن اخلص دوام تطلع من المستشفى علمود ترجعني للبيت
خالتي خطبت المرتضى وعرس وما عزمتنا اني وامي
زعلانه علينا امي راحت باركتلها بس اني مارحت
وصلنا الاخير السنه دخلت للبكلوريا ناجحه بكل المواد
درجاتي وسط لا عاليه ولا نازله
اعرف كلكم تسئلون عرفتي ابنج وين لو لا
لا ماعرفت ولا سئلت اني مااريد امي ترجع تتألم بسببي
صفحه ونطوت مااريد احجي بيها ابد
بعدين اذا عرفت هو وين شنو الي راح يتغير
ما يتغير شي خلي السالفه تنسي احسن
نجحت طلعت معهد تمريض بديت اداوم لبس محتشم بدون مكياج اروح وارجع بحالي مالي علاقه باي احد
البنات يكولن انتي معقده
منو بعد يلبس هيج لبس وبدون مكياج
مالي شغل بيهن ولا اعترف بكلامهن اهم شي
اني مقتنعه بنفسي
تخرجت من معهد التمريض وبقيت سنه يله تعينت
بهاي السنه امي دخلتني دوره ولاده
هيه تعلمني على كلشي
لان هيه تعبت طلعت عدها التهاب الغده الدرقيه
تتعب بسرعه ماتكدر على اي مجهود
طلعت تقاعد كعدت بلبيت ترتاح بعد كل هاي السنيين
من الجهد والتعب
منى...تعلمت الولاده وكل حاله شنو احسن شي الها
ولاده البجر ولاده صاحبت الرحم الضيك ولادة
الي مسويه عملية ربط الطفل اذا اجا مكلوب
الحامل الي ماخذه علاج حساسيه والطفل متأثر بلعلاج
ومايدفع نفسه
صرت خبيره بهاي السوالف
بعد سنه وحده
طلع تعييني وبديت اداوم شكد ناس تجي تطلب ايدي
من النسوان الي يجن للبيت علمود الولاده
وحتى من داخل المستشفى شكد طلبو ايدي
بس اني قافله مازوج يعني ماازوج
اريد ابقى إداري امي
واعوضها سنيين تعبها وياي
جمانه السعيدي
فات خمس سنوآت على ولادتي واني شبه نسيت
موضوع الطفل
لان مشغوله وكل وقتي للدوام وللولادات
بديت حياة جديده
مااريد اي شي يذكرني بغلطتي
الحد مايوم داومت بلمستشفى تقريبا بعد ست اشهر
من اتعينت
جنت اكفئ وحده بشغلي لان اني اغلب الشغلات متعلمتها من امي
المثل يكول ابن الوز عوام
اني خبيره من جذوري احسن وحده تشد كانونه
احسن وحده بزرق الابر
احسن وحده تعرف تتعامل ويا المرضى
كدرت اثبت جدارتي بسرعه
والكل يشهد بعملي حتى الدكاتره يطلبوني بلاسم
اجيت امشي الصبح اجيك على علاج المرضى
واشوف منو عنده علاج ياخذه
طلع طفل من الردها النسائيه يركض بسرعه
وانصدم بيه
تقريبا عمره خمس سنوات اقل اكثر مااعرف
دنكت علي هلو حبيبي
ثلام عليكم
منى....يااا فدوه عليكم ثلام انت ثثمك
عبدلله...اني عبودي
منى...الله احلى عبودي بلدنيا ووين ماما
عبدلله...هنا ماما تعاي هنا
منى...دخلت جوه لكيت وحده ممده وبايدها كانونه
عبدلله ...هاي ماما نايمه
فتحت عيونها
منى....اشوف علاج انتي دخلتي البارحه لان ماشايفتج قبل
ام عبدلله...اي البارحه بليل دخلت
منى...ماعندج علاج شافج الطبيب
ام عبدلله....لا بعد مجاي منتظرته
منى...زين ارجع عليج اذا اخذتي علاج
ام عبدالله....شكرا
منى..عبودي ابقى هنا يم ماما مو تعوفها
عبدلله...لا مااعوفها انتي ثثمج
منى.. اني اثمي منى هاا حلو اسمي
عبدلله...اي انتي حلوه
منى....اانت الحلو وماكو منك شنو هلخدود الحلوه
عيوني ام عبدلله اشوف باقي المرضى وارجع عليج
منى...اخذت فره بلردهات وانطيت المرضى علاجاتهم
من رجعت شفت عبدلله بلمرر
منى...هااا عبودي ثلونك
عبدلله....ذين اجا بابا
منى...هاا اجا بابا زين تريكت بعدك
عبدلله...اي باباجابلنا ريوك
منى...بلعافيه عفته ورحت الغرفة الممرضات
شويه واجا الدكتور يفتر على الردهات
الدكتور الجراح المسؤل عن العمليات بما اني اني الممرضه المسؤله عن ردهة النساء لازم افتر وياا
دخلنا اول غرفة جيك على المريضات
دخلنا الغرفه الثانيه الي بيها ام عبدلله
جان اشوف شيخ هاشم واكف يم سرير ام عبدلله
طبعا هو مايعرفني شخصيا
عبدلله بس شافني ضحك واجا لزم ايدي
هاشم... بابا عيب
عبدلله. هاي ثديقتي
الدكتور بعد ما فحص حالة ام عبدلله طلب مجموعة تحاليل حتى يقرر موعد عمليتها
عدها كلى تعبانه والكلى الثانيه لازم تنشال
يعني راح تعيش بكلى وحده تعبانه
خطيه يدورون على متبرع ماكووو
بعد ماكملنا كل الردهات رجعت الغرفة ام عبدلله اخذ منها عينه دم علمود التحليلات
بس شأفني شيخ هاشم وكف على حيله
لابس دشداشه بيضه وخال جفيه بيضه على راسه
بيده سبحه سوده يسبح بيها
شكد شكله شخصيه الشيب خالط لحيته وشعره
جمانه السعيدي
منى...شلونك شيخنا
شيخ هاشم.. اهلا وسهلا
منى...يمكن ماعرفتني
شيخ هاشم ...لا ولله ولا زغرا بيج
منى...اني جيرانكم بنت المصري
شيخ هاشم... اهلا وسهلا شلونج عمو شلون امج
منى...الحمد لله تمام اذا تحتاج شي
بس كول اريد منى اني بخدمتك وخدمة ام عبدلله
شيخ هاشم...الف رحمه على روح ابوج
منى...واذا تريد اخذ عبودي وياي للببت يتعشى
وينام وارجعه الصبح
خاف ماتكدر تنتبه علي
شيخ هاشم....لا مااكدر اعوفها هو بس هذا عندي
متعلق بامه حيل
منى...اي شي تحتاج اني بخدمتك
شيخ هاشم....من كرم اصلج
منى...انت صاحب فضل عليه خلصتني قبل من واحد اتهجم عليه
شيخ هاشم....الناس للناس والرسول وصا بسابع جار
منى....ردت اطلع عبود لزم ايدي
شيخ هاشم...لا بابا عيب
منى...لا عوفه راح أخذه وياي ارجعه فد شويه
شيخ هاشم...يتعبج
منى...بلعكس كلش محبوب الله يخفظه
أخذته وياي ونزلنا جوه اشتريلته حلويات
ورجعت صعدته
عبدلله...ثكرن
منى....لا تثكرني ترا اكلك شنو هاي الخدود الحلوه
تقبل اعضك من خدك
عبدلله...بث مو حيل
منى...يله اخذ بوسه مو عضه تعال ارجعك الابوك
صعدته وبيده علاكة حلويات
الشيخ...شنو هاي الزحمه
منى...ماكو اي زحمه اني وعبدلله صرنا اصدقاء
مو عبدلله
عبدلله.. اي اثدقاء
