رواية بنت المصري ومؤذن الحي الفصل الحادي عشر 11 بقلم جمانه السعيدي
منى....من رجعت للبيت صورة عبودي كدامي وسوالفه
دخلت للبيت لكيت اميةتنتظرني مثل كل يوم
منى...هلو امي
امي....هله حبيبتي
منى...بس ابدل اجي احجيلج شصار اليوم وياي لو تعرفين منو شفت
امي... بين ماا احضر الاكل
منى..غيرت ملابسي وكعدنا ناكل
امي...منو شفتي اليوم
منى...شيخ هاشم مؤذن الحي
امي...ووين شفتي
منى...شوفي حكمة رب العالمين شلون انتي مو كلتي زوجته ماتخلف
توقفت امي عن الاكل وبقت تباوع عليه
منى...اليوم بلمستشفى هو وزوجته وابنه يمه ابنه يخبل
يخبل شلون وليد ينظم بلكلب
شوفي كل الدنيا والدكاترة كلها ماتكدر تمنع رزق رب العالمين
شلون الدكتوره خلت زوجته تيأس بس رب العالمين
كرمهم اخر كرم
يمه مو ولد يخبل وشكد متعلقين بي امه وابو
هو اني شفته شويه شكد تعلقت بي
شلون هما ماشاء الله يجنن وسوالفه حلوه
أخذته اشتريتله ورجعته الابو
بقت امي تباوع عليه
منى...ليش ما تاكلين اتفاجئتي مو مثلي اني هم تفاجئت
خطيه زوجته عدها عملية كلى كلتها حيل تعبانه
وهاشم وعبودي وياها بلمستشفى
ماعرفني الشيخ بعدين اني عرفته على نفسي وكتله اذا تحتاج شي اني بلخدمه
حتى كتله انطني عبودي اجيبه وياي للبيت خاف يتعبك
يكول لا مااكدر بس هذا عندي ومتعلق بي
مااكدر افاركه ابد
هااا وكال سلميلي على امج
امي...الله يسلمه
بقت امي تاكل على كيف وكل شويه صافنه
منى...راح اسوي كيكه واخذها وياي الهم
يمكن بليل امها تجي تبقى وياها
امي...منو
منى...شبيج ماما ام عبدلله
امي...الله يشافيها ويعافيها خطيه
جمانه السعيدي
منى..حضرت كيكه وترمز جاي واخذتهن وياي
بس صعدت للغرفه فوك فتحت الباب شافني عبودي
جان صاعد على جربايه
نزل اجاني دنكت حضني
منى...شلونك
عبدلله...زين
منى...وين بابا
عبدلله....راح يجيب ريوك ويجي انتي شنو هاي
العندج
منى...جبتلك كيكه تعال انطيك تاكل
طلعت قطعة كيك وانطيته تفضل يابطل
كعد ياكل
منى...انطيك جاي
عبدلله...اي
كعد ياكل واني شفت المريضات بلغرفه اذا عدهن علاج صباحي
شويه ودخل الشيخ
شاف عبدلله ياكل
شيخ هاشم.....هااا منو جابلك كيكه
عبدلله....من منى
منى...صباح الخير
شيخ هاشم...صباح الخير لاتعبين نفسج ويا اني اجيبله
منى...وووين التعب يمتى عملية ام عبدلله
شيخ هاشم....باجر الصبح انشاء الله
منى...زين اني موجوده الصبح
شيخ هاشم....اي ولله اريدج ادخلين وياها للعمليه اذا امكن
منى...من عيوني تدلل
شيخ هاشم....تتريكين جبت كباب حار
منى...لا اتريكت شكرا الف عافيه بس هيه ممنوع عليها اللحم
شيخ هاشم...اي اعرف ممنوع حرت وياها مااعرف شنطيها
منى...لو ادري جان سويتلها حليب وتمن لو شوربة خضار
شيخ هاشم...امها البارحه جابتلها شوربه
بس بيها بهارات هواية ومالحه
والملوحه موزينه على كليتها
منى...اني راح اتصل على امي تحضر الها شوربه
ودزها بيد السايق
شيخ هاشم....مااريد ازاحمكم
منى....وين الزحمه الله يشافيها
منى...انطيتها علاجها وسئلتها عن حالته كامت تبجي
منى...ليش تبجين راح تصيرين زينه
ام عبدلله...اعرف نفسي راح اموت وعبدالله يبقى وحده
منى...لا تكولين هيج هسه تتحسن حالتج
وتكومين بلسلامه وتفرحين بي وحتى ازوجينه
شيخ هاشم...انشاء الله
جمانه السعيدي
نزلت اتصلت على امي تسوي شوربه خفيفه بدون بهارات بدون ملح ودزه بيد السايق
منى....امي فدوه ولو اتعبج شوربه حليب خفيفه الام عبدلله
امي...يمه مالج شغل بيت الشيخ
منى...شنو مالي شغل ترا محتاجين مساعدتي
امي...هيه ماعدها اهل ليش انتي اساعديها
منى...امها ماتعرف اجيبلها اكل يوالم حالتها الصحيه
انتي تعبانه ماتكدرين اطبخين
امي...لا ما تعبانه هسه اطبخ
الضهر امي دزتلي الشوربه اخذتها وصعدت
لكيت الشيخ بيده قراءان زغير ويقرا بصوت عذب وهادء
يم راسها وعبودي نايم على الجربايه الثانيه
دخلت خليت الجدر على الميز طبك القراءان وكال
شنو
منى...شوربة تمن وحليب الام عبدلله
شيخ هاشم...ليش كلفتي نفسج
منى...الله عليك لاتكول هيج احنا اهل
تعال ساعدني حتى اكعدها تاكل
شيخ هاشم...اني اكعدها
كعدها واني كمت اوكلها
ام عبدلله....الله يحفظج الله يستر عليج
منى....يله صيري قويه ابنج وبيتج محتاجينج
أم عبدالله....كلشي بيد الله
كعد عبودي نزل واجاني هذا شنو
شيخ هاشم...شنو بابا شبيك
عبدلله...اريد من هذا
منى....هاك شيخنا الزم هذا الماعون خل اجيب ماعون
اخلي بي العبدلله
شيخ هاشم...بابا مو اكلنا قبل شويه
منى...طفل زغير خلي ياكل
الشيخ يوكل ام عبدلله واني اوكل عبودي
عبدلله...شنو هذا
منى...تمن وحليب
عبد الله...طيب
منى... الف عافيه شتريد باجر اجيبلك اكل وياي
عبدلله....بكيفج
شيخ هاشم...لا تجيبين شي ترا عبدلله مايشبع
عبدلله....طيب هذا طيب الاكل
شيخ هاشم....وانت كل عمرك ماماكل
منى...الله عليك عوفه ياكل
كملت الساعه ١٢ امطيتها علاجها ردت اطلع
شيخ هاشم...بس باجر مو تنسين عملية ام عبد الله
منى...لا ما انسى شلون انسى
شيخ هاشم...الف شكر الله يبارك بيج
انتهى دوامي وطلعت للبيت كعدت حجيت الامي كلشي صار وياي
امي...ماكو ممرضه غيرج بهاي الردها
منى...ليش ليش انتي ضايجه من الشيخ تعرفين عنهم شي اني مااعرفه
امي...لا بس مااريد تقربين منهم
منى.. باجر تدخل عمليات وتطلع البيتها قابل راح تبقى طول العمر بلمستشفى
امي...الله يشافيها
منى...ثاني يوم طلعت للمستشفى وكفت اكو محلات كبال المستشفى تبيع لعب وحلويات
اشتريت سياره زغيره تمشي على الريمون
اخذتها ودخلت خليت جنطتي وصعدت احضر ام عبدلله
للعمليه طبعا مو بس هيه اليوم عدنا اتلث عمليات
دخلت لكيت الشيخ يقرا قراءان وعبدلله نايم بحضن امه
منى...صباح الخير
بس سمع صوتي عبدلله كعد
دنكت علي بسته وحجيت بصوت ناصي جبتلك سياره
راسا طفر من حظن امه والشيخ مستمر يقرا قراءان
فتحت العلاكه طلعتها
خليتها بلكاع وانطيته الريمون فرح بيها حيل
الغرفه باقيه بيها بس مريضه وحده و ام عبدلله كلهن طالعات
شيخ هاشم...صدق الله العظيم صباح الخير
منى...صباح الخير والعافيه
شيخ هاشم....بعد ما ينحمل عبودي شنو هذا الدلال
منى...خلي ينشغل لان اليوم العمليه
نزلت جوه جيكت موعد العمليه وبقينا ننتظر الدكتور
لمن اجا اول وحده دخلناها للعمليات ام عبدلله
امها حضرت واختها يمكن ماعدها اخوان وحسب ما افتهمت ابوها ميت
بقت ساعتين بغرفة العمليات بعدين طلعت
بلنسبه للعمليه تمام شلنا الكلى التعبانه بس المشكله
الكلى الثانيه تشتغل نص شغل
محتاجه متبرع يتبرع الها بكليته
اني متعجبه ليش اهلها ما يتبرعون بكلى خطيه
مايكسر خاطرهم ابنها بعده زغير
رجعناها الغرفتها بعدها تحت تأثير البنج ماتدري بنفسها
جمانه السعيدي
بقيت اروح ارجع عليها اريد اطمن على صحتها
خلص الدوام وهيه بعدها مارجعلها وعيها توعه شويه
وترجع بس تفتح عيونها تصيح اي اي وجع وجع
خطيه هاشم بس يقرا ادعيه وقراءان خايف عليها
منى...شيخنا اني خلص دوامي محتاج شي
شيخ هاشم...الف شكر ما قصرتي
منى...رجعت للبيت اول ما وصلت امي سئلتني على العمليه
حجتيلها كلشي صار
اليوم الي بعده وصلت لكيت الشيخ نايم المريضات الي بلغرفه كلهن طالعات وباقيه الاسره فارغه والشيخ خال عبودي بحضنه ونايم
بس قربت على ام عبدلله كعدت
منى...صباح الخير
ام عبدلله...صباح الخير
منى...شلونج اليوم
ام عبدلله....عندي وجع وصوندة الادرار توجعني
منى. .هسه اشوفها جبتلج شوربه اكلي حتى تاخذين العلاج
ريكتها ونطيتها العلاج وغيرة صوندة الادار
من اخذت المسكن نامت خطيه الضاهر مانايمه بليل
من الوجع
كعد الشيخ صباح الخير
منى...صباح ااخير
الشيخ....بليل مانامت عدها ألم قوي
منى...اني هسه غيرة الصونده وريكتها وانطيتها علاج
الشيخ...انتي اكيد من اهل الجنه على هذا المجهود والتعب
منى... من سمعت الشيخ يكول من اهل الجنه
اذكرت الذنب الي سويته
منى...شيخنا ممكن اسئلك سؤال ديني
الشيخ...اي اسئلي
منى...اذا واحد عصا رب العالمين وسوه كبيره من الكبائر
بدون قصد بدون وعي بدون ادارك جان زغير وما يفتهم
من بعدها تاب توبه نصوحه لله تعالى
هل يقبل الله توبته
شيخ هاشم....اذا تاب توبه نصوحه وبعدها ما ارتكب اي معصيه اكيد رب العالمين يقبل توبته
بلعكس هيج انسان رب العالمين يتباهى بي كدام الملائكه
لان كدر ينتصر على نفسه ويحارب الحرام ويرجع لله تعالى
منى....شكرا شيخنا الله يحفظك
انتظرونا
الثاني عشر من هنا
