رواية تبديل عريس الفصل التاسع 9 بقلم جمانه السعيدي
سلسبيل....بابا بقه واكف ويحجي وياا ماما لان خايف عليها
بابا...سميره حبيبتي سميره ردي عليه شووو افتحي عيونج ليش تخوفيني عليج
شويه بقينا نحاول اني وبابا وياها
كدرت ماما تفتح عيونها بس رفعة راسها التفت على مكان بيبي مالكتها بمكانها راسا دموعها نزلن
بابا...لاتبجين لا تبجين الله يرحمها برحمته الواسعه
ماما...امي محمد امي بعد مابقالي احد
امي شلون اكدر افاركها
بابا....خلاص حبيبتي خلاص
كلنا نموت منو بينا راح يبقى عايش للابد
سلسبيل...اني واكفه وابجي على بجي امي بعمري ماشايفه امي بهاي الحاله
كل عمري اشوفها قويه مثل الجبل ومحد يكدر عليها
بس هسه احسها طفله زغيره لا حول ولا قوة
مسح دموعها بابا وكعد يهدء بيها
اجت الممرضه جايبه التحاليل
اخذهن بابا وراح للدكتور
بابا...سلسبيل لا تعوفين امج
الدكتور..... من شاف التحاليل انت شتصير منها
بابا...اني زوجها
الدكتور..... زوجتك محتاجه تحاليل من بره كلش ضروريات
حتى نشخص حالتها تعرف احنا هنا بلمستشفى
ماعدنا كل التحاليل اذا كملت تحليلها اعرضها على دكتور اختصاص
بابا...دكتور اكو شي ترا خوفتني عليها
الدكتور...مااكدر احدد حالته اله تكمل كل التحاليل
سلسبيل...امي بس وعت كالت انطيني ايدج اريد اروح ورا امي
شلون اعوفها وحدها
اخذت ايد امي حتى اسندها ومشينا قبل لا يرجع بابا
علينا
رحنا لكينا خالي واكف برا غرفة الوفيات ويبجي
ويمسح بدموعه
بس شاف امي كوه تمشي اجا عليها حضنها وكام
يبجي بصوت عالي
امي عبالك ماصدكت انفجرت بلبجي مره ثانيه
واحد حاضن الثاني ويبجون بصوت عالي
ولاعبالاك كبار وامهم عمرها بلسبعين تكول جهال زغار
وعايفتهم امهم
اجا بابا ورانا شافني ابجي على بجيهم
حضني وبدا يهدي بيه
بابا...اسكتي حبيبتي لا تخافين
جمانه السعيدي
كملت اوارق بيبي من غرفة الوفيات
راح بابا استلمهن وطلع يجيب تابوت يخلون بي
بيبي
امي وخالي كعدو بلكاع ومستمرين بلبجي على امهم
نص ساعه ورجع بابا جايب تابوت وجاي
دخل للغرفه هو وخالو شالو بيبي وطلعو بيها
اكثر شي حرك كلبي بهاي اللحظات امي تمشي ورا بيبي وتصيح
يمه ولج يمه حبيتي ليش عفتيني
منو بعدج اليه شلون رحتي مني لاتكولين سميره
جبيره وقويه الله كفيلج بعدني جاهله ومااندل دربي وين
ليش هيج تعوفيني يمه ردي عليه
كلبي يوجعني عليج لو ما خذتني وياج
يمه بعد عيني اروحلج فدوه ردي عليه
كليلي شلون بيه وووين اروح منو اليه
يمه فراكج صعب عليه
ولج سلسبيل بيبتج عافتنا وراحت يمه فراكج صعب بعد روحي انتي
سلسبيل....متت من البجي كمت مااشوف بعيوني
انقهرت على امي شكد جنت اشوفها قويه
هسه احسها ضايعه
طلعنا للنجف ندفن بيبي امي انتهت من شافتهم
ينزلون بيبي بلكبر
عياط هستريري بابا يريد يسيطر عليها مايكدر
ملخت نفسها تملخ على امها
رجعنا الساعه ٣ وجه الصبح للبيت
طول الطريق امي ابد ماسكتت بس تبجي وتصيح يمه
شلون عفتيني يمه
صرتي جوه التراب وعفتي بنيتج
بعد حيلي وعيني ليش مااخذتيني وياج
ماسكتت ولا دقيقه الطريق كله بجي
سلسبيل...اني وخالي اركان نبجي على بجيها
تكسر الخاطر
وصلنا تعبانيين البيت خالو اركان
اني خليت فراش الامي اريده تهدء شويه
لان تعبت حيل من العياط رحنا ورجعنا وهي مابطلت
تعيط ودموعها ما نشفت ابد
بابا وخالي فرشو بلاسقبال لان تعبو حيل
رحت حضرت اكل على السريع بيض وطماطه
بس محد قبل ياكل امي أخذت مهدء ونامت
وابوي كال مااشتهي وخالي ماله نفس للاكل
رجعته للمطبخ بدلت وتمددت بصف امي
بقيت عيني عليها اخاف لا يصير بيها شي
ابوي من الهوسه نسى موضوع التحايل لان انخبص
بوضعنا خبص
الساعه سبعه الصبح كعدنا خالي كال احنا رايحين للجامع
علمود نستقبل المعزين
اكعدن خاف يجي احد رتبن البيت
ام فهد ( يقصد زوجته ) كعدت حضرت الريوك اني ومحمد تريكنا وراح نطلع
قبل لا يطلع بابا من البيت اتصل على عمي ابو قائد
وبلغه بوفاة بيبي
بيومها عمي هو وياا ثنيين اجو للفاتحه
سلمو على خالو وراحووو
ام فهد جابت الاكل وخلته بلغرفه وبقت تتوسل باامي حتى تاكل
ماقبلت امي تأكل اي شي تكول مااكدر اخلي شي بحلكي
من فتحت عيونها لليل بس تبجي
بس الماي طب بطنها
لليل تعبت حيل دخلت للغرفه تمددت
الساعه ١١ رجعو بابا وخالي من الجامع
بوقتها خلص العزا وماعندا احد غريب بلبيت
بس دخل خالي كال اني وابوج كلشي مااكلنا
نريد شي ناكل
سلسبيل....امي كلشي مااكلت من الصبح لسه
بابا...ليش بابا هيج شلون تبقى بدون اكل
سلسبيل...اتوسلت بيها ما تقبل تاكل
اركان...حضري اكل وراح تتعشى ويانا
جمانه السعيدي
سلسبيل...دخلت للمطبخ كليت كبه وبيذنجان وبتيته
حضرت زلاطه
جبت الاكل بلاستقبال اخذه خالي وراح بغرفة امي
وصاح على بابا تعال نتعشى ويا سميره
دخلو عليها للغرفه خالي خله الصينيه بلكاع
اركان...سميره سميره شو اكعدي ليش باقيه بدون اكل
موزين عليج
سميره.. مااريد اي شي مااكدر اكل
اركان...شنو ماتكدرين صيري قويه بعد مابيدنا نرجعها
هذا يومها الله يرحمها
بابا...شو اكعدي خل انشوفج الدكتور اكد لازم تسوين تحاليل يريد يتأكد من حالتج
سميره..خليني اموت شلون اكدر اعيش بدون امي
بابا....ليش هيج تكولين هذا اعتراض على حكم رب العالنبن
اكعدي اكلي لكمه ويانا وادعيلها بالرحمه والمغفره
سلسبيل...بلكوه خالي كعد امي وبدا يسوي لفات ويخلي بحلكها اكلت كم لكمه بلكوه
محمد....لازم تسوين ذني التحاليل الدكتور كتبهن
بهاي الورقه
سميره....كلشي مااسوي اني اريد اموت وارتاح
سلسبيل...ماما ليش تكولين هيج اني منو اليه
محمد....لازم تنتبهين الصحتج ووجهج صاير اصفر
سلسبيل....بابا بقا لليوم الثاني ويانا بلبيت حتى يستقبل
المعزين لان خالي وحده وتعبان
ثالث يوم قبل لا يطلع انطا الخالي ٢٥٠ الف وراجب عزا
خالي ماقبل ياخذهن بس بابا صمم علي
بعدين قبل لا يطلع من البيت اجا سلم على امي
بابا...اني راح اروح بعد مااكدر ابقى اكثر
ممكن تنتبهين على صحتج الاسبوع الجاي
اجي اخذج تسوين تحاليل
حتى نتأكد من حالتج
سميره...لا تجي ولا تعب نفسك مااسوي تحاليل
مابيه شي بس شوية ارهاق مو اكثر
هسه اصير زينه لاتخاف عليه
بابا...زين اذا احتاجيتي شي اتصلي عليه
ماما...شكرا جزيلا تعبناك ويانا
بابا...انتم اهلي ماكو اي تعب
سلسبيل...من طلع بابا للباب انطاني ٢٥٠ كال ذني انطيهن الامج
اذا اني انطيتها مراح تاخذ مني
وبعد اريد اوصيج ديري بالج على امج وحاولي تقنعيها
تسوي تحاليل حتى نطمن عليها
طلع بابا واني رجعت على امي
سلسبيل...بابا عافلج ٢٥٠
امي...ماليش ليش يعيوفلي فلوس اني ما محتاحه
عندي خير من الله
سلسبيل....ماما ليش تكبرين الموضوع
اني شفته انطا الخالي ٢٥٠ الف
ماما... ضميهن من تشوفينه رجعيهن اله
سلسبيل...عيب ماما شلون ارجعهن اله
ماما...ما محتاجين فلوسه كافي وكفته ويانا بلفاتحه
سلسبيل....عوفيهن عيب نرجعهن
جمانه السعيدي
سلسبيل ......اول ما نشرت خبر وفاة بيبي
دزلي مثني تعزيه على الواتساب وحالو يحجي وياي
بس اني مارديت علي
مو زعلانه منه بس ماكان عندي طاقه للكلام
وخاصه من اشوف حالة امي تعبانه
الاسبوع الي بعده رجع اجا بابا للبيت حتى يطمن على ماما دخلته للبيت ورحت الامي
سلسبيل....بابا اجا يريد يسلم عليج
خلت شال على راسها واجت تسلم علي
بابا...شلونج سميره انشاء الله احسن
ماما...الحمد لله زينه
بابا....صرتي احسن لو تحتاجين اخذج للدكتور
ماما...لا صرت احسن بس عندي عتب عليك
ليش عايف فلوس اني راتبي خير من الله
ما محتاجه فلوس
بابا.... ذني واجب العزا بعدين مايسون ليش مكبره الموضوع
ماما...وكفتك ويانا كافي
بابا...ليش اني غريب انتم اهلي اذا اني مااوكف وياكم منو
يوكفلكم بعدين خالتي حيل عزيزه عليه
بعمري ماسمعت منهاكلمه موزينه
الله يرحمها ويغفرله
سلسبيل.....من بعدها بابا كلما يتصل عليه يكول انطيتي امج اسلم عليها ومن يجي البغداد يمر عليها يشوفها خاف
محتاجه شي كلامه كان سلام واطمئنان على حالة امي وبس مرتين جابلنا مسواك وياااا
بعد مارجعت للدوام اجا مثني يسلم عليه ويعازيني
مثنى....البقيه بحياتج مااندل بيتكم جان اجيت للعزا
سلسبيل....حياتك الباقيه ماكو داعي مو عازيتني
برساله كافي
مثني....انتي زعلانه مني
سلسبيل...ليش لا مو زعلانه
مثني....احس متغيره
سلسبيل ...عدنا فاتحه وامي منهاره وصحتها مو شي
وماعدها غيري لازم أدير بالي عليها
مثني....يعني مو زعلانه
سلسبيل...لا ابد مو زعلانه
مثني...عادي اتصل عليج ونحجي مثل قبل
سلسبيل...اني حجيت وياا اهلي بهذا الموضوع
وياا ماما وبابا اني متعوده على الصراحه ومااعرف اضم عليهم شي
رائيهم ثنيينهم لازم نبتعد عن بعض وننتبه المستقبلنا
اذا احنا فعلا واحد يحب الثاني لازم نقرأ وننجح
ونعوف كلشي للزمن
الحب الحقيقي ما تموته المسافات من نتخرج
نرجع نحجي بهذا الموضوع
مثني...هذا رائيج لو رائي اهلج
سلسبيل...ثنيبنه انت اذا تحبني فعلا راح تحترم رائي ورائي اهلي واذا احنا مقسوين وواحد للثاني
راح نكون سوه رغم كل الضروف الصعبه
مو بلضروري نبقى اليل كله نحجي بلتليفون
ولا نخلص كل النهار نفتر بلجامعه
مثني...لا هاي مو سلسبيل الي حبيتها هاي وحده ثانيه
سلسبيل...ليش وحده ثانيه ترا هذا الكلام معقول
اني ماكتلك عوفني ولا كلت اني راح اعوفك
كلت ننطي نفسنا فرصه لمن نتخرج وبعدين نتفق
على الارتباط
انت مو تكول اني مااكدر ارتبط هسه لمن اتخرج يله
خلاص من تكون مستعد للارتباط تعال اتقدملي اهلا وسهلا بيك راح اكون منتظرتك
مثني...هذا مو السبب الحقيقي تعرفين شنو السبب الحقيقي الي تردين تعوفيني علموده لان عرفتي اني فقير
وضروفي صعبه مااكدر اصرف عليج ولا اجيب هدايه
حالي حال الشباب
كمتي اطلعين حجج حتى تبتعدين عني
سلسبيل...لا طبعا هذاةالكلام مو صحيح
اني مو فكر لو ماعندي الحمد لله أمورنا الماديه ممتازه
واهلي مغركيني هدايا وفلوس
مدلليني دلال ماصاير
بس الفكره مااريد شي يخليني التهي عن مستقبلي
تحبني صدك وتريدني
انتظرني لمن اخلص مو اكلك نكطع العلاقه نهائيا
يعني ممكن نسلم على بعض
ممكن نتواصل علمود الدراسه الدراسه وبس
مثني...شكرا اني هيج علاقه مااريدها كل واحد يشوف مستقبله بعيد عن الثاني
اتمنى تلكين واحد طاك مثلج ترتبطين بي
جمانه السعيدي
سلسبيل.. عافني وراح صدك عود هو هذا الي بقيت ادافع عنه كدام ماما وبابا
يمكن بابا عنده حق من كال اختبري اذا يحبج
راح يصبر عليج واذا ما يحبج راح يعوفج
عبالك ماصدك كبل عافني حتى ماحاول وياي
ولا تمسك برائيه
همزين خلصت منه شنو من نفسيه هذا
وفاة بيبي جانت بشهر العاشر سنة ٢٠١٩
من بعدها امي رجعت للدوام ورجعنا اني وياها البيتنا
تحديدا بعد اربعين بيبي بكم يوم يوم رجعت للبيت لكيت امي واكعه بلبيت
جايه قبلي بشويه حتى بعدها مامغيره ملابس الدوام
بس شفتها حسيت كلبي وكف يمه بسلا ماتت
حضنتها وكمت اصيح ماما ماما ردي عليه
ماما شبيج
رحت جبت التليفون واتصلت على خالي
سلسبيل...خالو فدوه تعال امي مااعرف شبيها
علما وصل خالي اني كمت اشمر ماي على وجها
شويه رجعت الوعيها
سلسبيل...ماما شبيج
ماما...لا تخافين يمكن صار عندي هبوط بلسكر
لان كلشي مااكلت جيبلي ماي وشكر
رحت جبت كلاص مي وبي شكر شويه انتبهت
وصل خالي خطيه مهبوط ووجها اصفر
اركان...شبيها امج
ماما...ليش اتصلتي علي مابيه شي ليش خوفتي
اركان....ليش وكعتي
ماما...ما ماكله من الصبح وحسيت نفسي دايخه
وتعابنه
اركان...ليش مااخذج للمستشفى لو دكتور اختصاص
ماما...مابيه شي ليش انخبصت خبص
مابيه شي
اركان....انتي ليش هلكد تعاندين يعني اذا سويتي تحاليل شراح تخسرين
ماما...مابيه ليش ليش مكبر الموضوع
هسه ارتاح وارجع الوضعي الطبيعي
سلسبيل..خالي بقه يلح عليها علمود موضوع التحاليل
بس سميره العنيده شلون تقبل
ام راس يابس ماتقبل واحد يمشي كلامه عليها
بس هيه تعرف الصح
وكل الناس بلعالم غلط
انتظرونا..
العاشر من هنا
