رواية تبديل عريس الفصل العاشر 10 بقلم جمانه السعيدي
سلسبيل....امي مريضه وتعبانه بس تعاند ما تقبل تروح
تسوي تحليل
اربع أشهر وهيه تعبانه تمشي نفسها بلمسكنات
عدها ألم بس ما تقبل تراجع
تاخذ مسكنات كل فتره تغير المسكن تاخذ نوعية اقوى
حتى تهدء الالم لو تاخذ جرعه مسكن اكبر
طبعا ابد ما تشكي كدامي
ماتقبل اكعد وياها تكول ادخلي غرفتج حتى تقرين
لازم تهتمين بدراستج
اني جاي اشوفها تتغير
ضعفت حيل ووجها دائما اصفر
وتعبانه اكثر الوقت تخلصه نوم
سلسبيل...ماما ليش ماترحين دكتور وسوين فحوصات حتى نتأكد من حالتج ليش ساكته
امي...عاد دكاترة العراق حتلو بيج مريض بسيط
يكبرون الموضوع
ويسوون قصه حتى يسحبون فلوس
ام صديقتي راحت عدها ألم بسيط بصدرها
كبل دخلوها عمليات وستئصلو ثديها
على اساس عدها مرض خبيث بعد ما اتعافت راحت سويت تحليل بغير مكان حتى تتأكد من حالته
اكثر من دكتور أكدو ماعدها سرطان
وهاي جانت لعبه حتى ياخذون فلوسها
لو اكثر العمليات هسه تدخل علمود عمليه بسيطه تطلع
ماخذين الكلى
اني اعرف نفسي كلشي مابيه بس اني هلكد مانقهرت على امي ونصدمت بموتها صارت وياي حاله نفسيه
كلشي مابيه لا تخافين
سلسبيل ......الحد ما بيوم من الايام بداية شهر الثاني سنه ٢٠٢٠
وكعت بلدوام هلمره فقدت الوعي
نقلوها من الدائره للمستشفى
بعدها اتصلو على خالي من تليفونها
الدكتور بلمستشفى أأكد لازم تحاليل من برا
حتى يفتهمون حالتها شنو
خالي صمم هلمره ياخذها دكتور اختصاص
بيومها من رجعت من الدوام مالكيت امي بلبيت
اتصلت عليها يرن بلبيت ماماخذته وياها
اتصلت على خالي
سلسبيل...هلو خالي شلونك
خالي...الحمد لله هااا تسئلين على امج
سلسبيل...اي ماتعرف وين لان اتصل على تليفونها
طلع بلبيت
خالي...امج شويه تعبانه وجبتها علمود التحاليل
سلسبيل...شبيها امي خالو طمني
خالي...بعد ما طلعن التحاليل منتظر لاتخافين انشاء الله ماكو شي
سلسبيل...وين انتم باي عياده اجيكم
خالي...ماكو داعي بس يطلع التحليل نرجع للبيت
جمانه السعيدي
سلسبيل...بس خالي مارجع امي للبيت دخلها مستشفى
خاص لان التحاليل موزينه
امي عدها كانسر هذا المرض صابها قبل وفاة بيبي
كانت عدها اعراض بسيطه
بس مااهتمت للموضوع ولمن الدكتور أأكد على التحاليل
بوفاة بيبي كان شاك عدها هذا المرض
بس امي هملت الموضوع وكلما يفوت وكت اكثر
ينتشر اكثر طبعا المعروف عن السرطان
الله يكفيكم الشر ينتشر بشكل سري بلجسم
لمن يسيطر بالتمام يله تضهر اعراضه
امي هملت الموضوع وكانت تتحمل الوجع
وما مهتمه الحالته بس هلمره امي موزينه تعبانه
سلسبيل...اتصلت على خالي لان صارت الدنيا ليل وهو ماكو
خالي...دخلنا مستشفى خاص
سلسبيل...ليش امي موزينه
خالي...لا تخافين انشاء الله ماكو شي
سلسبيل.. ووين انتم اني راح اجي
خالي...جيبي وياج ملابس الامج وكلنس وجيبي شوربه
وخاولي
سلسبيل...اي راح اجيكم
سلسبيل...حضرت كلشي كال على خالي أجرأ تكسي وطلعت للمستشفى
من وصلت امي جانت حيل تعبانه وحتى حجي ماتكدر تحجي
سلسبيل...خالو طمني امي شبيها
خالي...تعاي نحجي برا
طلعنا برا بلمررر
خالي....امج عدها كانسر ومنتشر بجسمها الدكتور يكول
لازم نبدي جلسات العلاج الكيمياوي
حالتها مااطمن الدكتور يكول مو اكيد تتعفى لان المرض مسبطر على جسمها
سلسبيل....نزلن دموعي حسيت راح افارك امي مثل ماهي فاركت امها
بس امي حضها احلى من حضي
لان بيبي كبرت ووصلت السبعين وشافت حفيدتها
امي شبعت من امها بس اني بعدني ماشبعت منها
امي راح تروح وتعوفني
مالحكت تفرح بتخرجي ولا راح تشوف عرسي
ولا راح تشيل اطفالي
اني ليش ماعندي حظ ماعشت بين امي وابوي
وهسه راح اخسر امي بااكثر وقت اني محتاجتها بي
معقوله امي هملت صحتها على حسابي
ليش مافكرت بيه
عنيده عاشت كل عمرها عنيده على حساب سعادتها
وعلى حساب صحتها
عنادها هذا حتى اني ضيعني
سلسبيل...بليل اتصل عليه بابا حتى يطمن على صحتي
بس كلت ..الوووو
بابا...شنو هذا الصوت الحزين شكوووو
سلسبيل....امي ههههى هههههي
بابا...تبجين ليش تبجين شبيها امج
سلسبيل...امي موزينه دخلناها مستشفى عدها كانسر
وباجر تبدي جلسات الكيمياوي
الدكتور يكووول نسبة شفائها ضعيفه
بابا...لا لاتكولين سميره قويه مايكدر يهزمها مرض
سلسبيل...امي راح تعوفني
بابا...لا لا مراح تعوفنا سميره قويه
هسه راح اجي اخذها احسن دكاتره مستحيل اعوفها
مستحيل
سلسبيل...كعدت امي حتى تاكل اكلت شويه شوربه بعدين بدت تتألم تصرخ من الوجع
رحت جبت الممرض ضربها ابره
بقت تتلوى اكثر من نص ساعه وبعدين نامت
خالي رجع للبيت يبدل ملابسه ويجيب فلوس
ويرجع عليه كلش غالي المبيت بهذا المستشفى
ماتصور خالي راح يكدر على المصاريف
لازم اشوف امي شكد عدها فلوس بلمصرف
احاول من باجر اسحبهن حتى تتعالج بيهن
الساعه وحده ونص بليل دخل عليه بابا
بس شفته حضنته وكمت ابجي
بابا...لا تبجين حبيبتي اني راح أخذها احسن دكتور
وراح تتعالج
سلسبيل...خايفه تروح مني
بابا...لا تكولين هيج راح تتعالج وتصير زينه
سلسبيل ..... باوعت اكو واحد واكف ورا بابا طويل شخصيه
لابس قاط نيلي وقميص ابيض
ملامحه حاده ملامح اهل الجنوب عيونه كبار
ملامحه مميزه شخصيته هيبه
قائد....ألسلام عليكم
سلسبيل.. عليكم السلام
بابا....ابو سيف ابن عمج شيخ سعد محامي يشتغل وياي بلمكتب
سلسبيل...اهلا وسهلا
بابا...ابو سيف صمم يجي وياي يشوف سميره
سلسبيل....اهلا
ابو سيف...اهلا بيج اني حاضر اساعدكم باي شي
سلسبيل...تسلم
قرب بابا من امي
بابا...سميره سميره شو حاجيتي شو خل اشوفج
سلسبيل...توها ضربت ابره لان جانت تتالم
بابا....سميره العنوديه محد يكدر عليها الف مره
كلت تعاي اخذج دكتور تعاي نسوي تحاليل
بس ما تسمع الكلام ما ضيعها غير عنادها
جمانه السعيدي
سلسبيل....قائد دخل للغرفه جان شايل علاليك فواكه
واكل وسيت ماي خلاهن على الميز
بابا...تعاي اوصلج البيت خالج ارتاحي واني ابقى هنا والصبح ارجعي علينا
سلسبيل...ابد ماارجع للبيت واعوف ماما
بابا...حبيبتي غيري ملابسج وارتاحي
سلسبيل...ابد مااعوف ماما شلون اعوفها بااكثر وكت محتاجتني بي
قائد...اني راح انتضر برا انتم اخذو راحتكم اذا احتاجيتوني اني هنا بلمرر
سلسبيل...طلع قائد واني وبابا بقينا كاعدؤن على الجربايه
اتصلت بخالي
سلسبيل...خالو بابا اجا ارتاح انت من الصبح تفتر وياا ماما
خالي....ليش اتصلتي علي طريقه بعيد وعنده شغل
سلسبيل.... هو اتصل عليه ومن عرف امي بلمستشفى
صمم يجيني
خالي...تمام الصبح اجيب ريوك واجي
سلسبيل.....ما نمنا للصبح الصبح اندكت الباب
قائد جايب جاي وريوك كيمر ومربى وصمون حار
بابا...شنو هلزحمه ابو سيف جاي نزاحمك
قائد....اني بلخدمه
خله الريوك وطلع
بابا...خطيه قائد عاف بيته وعائلته وشغله واجا وياي
سلسبيل...مبين انسان محترم
بابا...فوك ما تتخيلين انسان محترم بشكل
صاحب وكفات اذا يكدر يساعد ابد مايتردد
سلسبيل...الله يحفظه
سلسبيل...بعد عنده اخوان خوات
بابا...اي عزام ازغر منه مهندس و زهراء وبنيين
زهراء اتخرجت السنه وزوجت وبنين طالبه جامعيه
بكدج تقرببا
سلسبيل...الله يحفضهم
بابا....قائد مزوج بت عمته وعنده سيف ومرام
سلسبيل....الله يسعده
اتريكنا وبقينا منتظرين الدكتور يجي يحدد الجلسه
اتصل خالي يشوف خاف محتاجه شي
رد علي بابا
محمد... هااا اركان صباح الخير
اركان...صباح الخير ليش تعبت نفسك
كله بسبب سلسبيل ليش اتصلت عليك
محمد....اذا ما تتصل عليه غير بعد مااحجي وياها
يعني امها بهذا الموقف وماااكون وياها
اركان...بارك الله بيك والنعم منك
محمد....اركان لا تجي روح على شغلك اني بمكانك
اركان...مو الدكتور كال تحتاج دم
محمد....اني وابن اخوي هنا احنا نسد بمكانك
من تخلص دوام تعال
اركان...لا اني طلبت اجازه هسه راح اجي بس شوف سلسبيل خاف محتاجه شي اجيب وياي
محمد...هااا بابا محتاجه شي
سلسبيل سلامتك الف سلامه
سلسبيل...شويه واجا الدكتور طلب لازم ننقل دم
الامي قبل الكيمياوي لان جسمها ضعيف وما يتحمل
رحنا نتبرع بدم ابوي ماقبل اتبرعلها يكول اخاف عليج
راح هو وقائد يتبرعون بدم
واني رحت وياا الممرضه الي نقلت امي للغرفه
حتى ينقلونها دم
شويه وصل خالي
عافني وراح يتبرع بدم الامي
اتبرع بابا بطل دم وقائد بطل دم وخالي عافو الباجر لان بعد تحتاج دم
اجت الممرضه
خلت كانونه حتى تنقل الدم
كل هذا وامي شبه فاقده للوعي بسبب العلاج القوي
الي جاي تاخذه
الإبر الي جاي تاخذهن نفس ابر العمليات
لان الألم بلنسبه الها لا يحتمل لازم تاخذ علاج قوي
حتى ما تحس بلوجع
نقلو الدم والدكتور اكد تحتاج بعد دم بس على شكل دفاعات الحد ما جسمها يسترجع قوته حتى
تكدر تتحمل العلاج الكيمياوي
رجعناها الغرفتها بعد ساعه تقريبا استعادت وعيها
سلسبيل...فتحت عيونها بس شافت بابا كبل نزلن دموعها
بدون ما تحجي ولا كلمه
محمد...ليش البجي ليش الدكتور طمنا عليج
يكول هاي الانسانه شكد قويه راح تغلب المرض
وتصير زينه
سلسبيل...طبعا الدكتور فعلا كال هيج يكول شكد قويه شلون تحملت المرض كل هذا الوكت شلون صبرت على الوجع وقاومت كل هاي الفتره
بابا....انتي قويه هسه تصيرين زينه
سميره....لا اني اعرف نفسي راح اموت اني بعد مالي عمر
عندي وصيه سلسبيل بنتي امانه عندك
سلسبيل...بس سمعت اسمي كمت ابجي
بابا...ليش تكولين هيج هسه راح تصيرين زينه
وتحضرين تخرجها وعرسها وتشوفين جهالها
سلسبيل....مسحت دموعي مااريد ابجي كدامها
قائد....شلونج ام سلسبيل سلامتج ما تشوفين شرا
سلسبيل...باوعت علي امي ماتعرف الله يسلمك
بابا.. هذا قائد ابن اخوي شيخ سعد
ماما.. اهلا وسهلا
بابا.. اجا وياي من سمع انتي مريضه
ماما...الله يحفظه ويبارك بي
بابا...اني راح اخذ التحاليل وافتر على كل الدكاتره
بغداد وإنشاء الله تتعالجين
اذا الج علاج خارج العراق هم اخذج
مراح اقصر وياج بلعلاج
ماما...لا تعب نفسك اني اعرف نفسي
بابا...ماكو هيج حجي اني مصمم تعالجين وتتحسنيين
للعصر بابا اخذ التحاليل وراح يسئل اذا يكدر يعالجها
بقينا اني وقائد يم ماما
نزل قائد جابلي جاي واجا
قائد...تفضلي
سلسبيل...شكرا اي ولله راسي بوضعنا لان ماقمت من البارحه
قائد...نامي اني انتبه على امج ارتاحي
سلسبيل...لا مااريد اتعبك اتاخرت على شغلك بسببنا
قائد...الشغل ما يخلص لا حكين علي
سلسبيل...عائلتك تنتظرك صار يومين غايب عنهم
قائد....كل شويه اتصل اطمن عليهم
سلسبيل...الله يحفظهم الك
قائد..تسلمين
جاي نحجي اني ويااا واجتني رساله من مثنى
مثني....اني اسف لحظة عصبيه وما انتبهت النفسي
اعذريني
اني هم عندي ضغوطات بحياتي
من احجي وياج ارتاح اسف مره ثانيه
سلسبيل...قفلت التليفون ومارديت علي
قائد طلع برا واني تمددت وغفيت
